གཏོང་བར་ནུས། །ཕྱི་རོལ་བདོག་པ་ནོར་རྫས་སྨོས་ཅི་དགོས། །དེ་བཞིན་རང་གི་བླ་མ་ལ། །གོང་བཞིན་ལུས་སྲོག་གཏོང་བར་ནུས། །འདི་ལྟར་སུ་ལ་འབྱུང་བའི་མི། །སྤྲུལ་པའི་སྐུ་ལ་འདིས་རེག་གོ། །དེ་ལྟར་ལྡན་པའི་སྐྱེས་བུ་ནི། །ཕྱིས་ནི་རང་བཞིན་སྤྲུལ་སྐུའི་ཞིང་ཁམས་སུ། །བརྫུས་ནས་སྐྱེ་བའི་ལུས་བླངས་ནས། །ལོ་ནི་དྲུག་ཁྲི་བརྒྱད་སྟོང་དུ། །དེ…

ནས་ནི། །ཟླ་བ་དག་ནི་གསུམ་ནས་ཀྱང་། །འདི་ནི་འབྱུང་བ་རང་དེངས་སུ། །ཟག་བཅས་ཕུང་པོ་མི་སྣང་བར། །རང་ལུས་འོད་ཀྱི་མདངས་དཀྱིལ་དུ། །རིག་དང་བཅས་པར་འདི་འགྱུར་རོ། །འདི་ལ་བར་མ་དོ་མི་སྲིད། །སྐྱེ་བའི་ཞེན་རྒྱུན་བཅད་པས་ན། །འོད་ཀྱི་སྐྱེ་གཉིས་མཚམས་སུ་ལུས་མི་སྲིད། །ལུས་ཀུན་སྐུ་གསུམ་གྱི་མཐའ་ཡང་འདི་ཟད་ནས། །ལུས་མེད་ཆོས་སྐུ་ལུ…

གི་རྟགས་འཛོམ་ན། །འདི་ནི་བྱང་ཆུབ་སེམས་ཆེན་པོ། །སེམས་ཅན་འཛིན་པའི་སྙིང་རྗེ་ཅན། །འདི་ནི་སེམས་ཅན་འཛིན་པའི་ཕྱིར། །ལོ་ནི་བྱེ་བ་བརྒྱ་སྟོང་དུ། །མི་ཡི་ལུས་ནི་གཅིག་གིས་ཀྱང་། །འདི་དོན་རྫོགས་པར་བྱས་ནས་ནི། །སྐྱེ་གཉིས་བར་དུ་མི་འཇུག་པར། །མངོན་པར་རྫོགས་པར་འཚང་ཡང་རྒྱ། །ཡང་ན་སྐལ་ལྡན་སུ་ཞིག་ལ། །ལུས་དང་སེམས་ཀྱི་རྟགས་ལྡན…

གོང་དུ་བཤད་པའི་རྟགས་དེ་རྣམས། །མི་འདོད་ཀྱང་འོང་ངེས་པའོ། །མི་འབྱུང་ཉིད་ནི་མི་སྲིད་དོ། །ཞེས་སྐུ་གདུང་འབར་བའི་རྒྱུད་ལས། སྐལ་ལྡན་གྱི་སྐྱེས་བུ་རྣམས་ལ་ལུས་ངག་ཡིད་ཀྱི་རྟགས་དང་། ད་ལྟ་ཅི་ལྟར་འབྱུང་བ་བསྟན་པའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་རིགས་ཀྱི་ཡང་། །མཁའ་འགྲོ་མ་ནི་གསལ་བའི་ཡིད། །རབ་ཏུ་མི་འཇིགས་ཆེན་པོ་ཡ…

ཀྱེ་མ་མཁའ་འགྲོ་བདེ་བ་འབྱིན། །ཅི་ལྟར་ཁྱོད་ཀྱིས་འདོད་པའི་ཚིག །ང་ཡིས་སྤྲོ་ཡིས་ང་ལ་ཉོན། །ང་ནི་ཡེ་ནས་འཁྲུལ་མེད་པས། །འཁྲུལ་མེད་སེམས་ལས་བྱུང་བའི་ཚིག །ཁྱོད་ཀྱིས་འཁྲུལ་པ་མེད་པར་ཟུང་། །སྐྱེས་བུ་བློ་རྩལ་རབ་ཉིད་ནི། །འཁྲུལ་པའི་སྣང་བ་འདི་ཉིད་ལ། །འབྱུང་བ་རང་གི་སར་དེངས་ནས། །ངོ་བོ་ཉིད་ཀྱི་འབྲས་བུ་ལ། །ཟག་བཅས་ཕུང་པོ་མ…

བདེར་གཤེགས་གདུང་། །དེ་བཞིན་པ་རཱི་རམ་ཞེས་ནི། །རྡོ་རྗེ་རིགས་ཀྱི་གདུང་ཡིན་ནོ། །ཆུ་རཱི་རམ་ནི་རིན་པོ་ཆེ། །བསེ་རཱི་རམ་ནི་པདྨའོ། །དེ་བཞིན་ཉ་རཱི་རམ་ཞེས་བྱ། །ལས་ཀྱི་རིགས་ཀྱི་གདུང་ཡིན་ནོ། །ཐབས་ལྡན་མྱ་ངན་འདས་པ་ཡི། །ལུས་ལ་འདི་ཀུན་འབྱུང་བ་སྟེ། །སོ་སོའི་རིགས་ཀྱི་གདུང་བྱུང་ན། །ཆོས་ཉིད་བར་མ་དོ་ལ་ཡང་། །རང་རང་རིགས་ཀྱ…

པར་ནུས། །འདི་ནི་སྤྲུལ་པའི་ཞིང་ཁམས་སོ། །གདུང་ནི་སུས་ཀྱང་འཇིག་མི་ནུས། །སྲ་མཁྲེགས་འཇིགས་པ་ཀུན་བྲལ་བ། །འདི་ཀུན་འཇིགས་མེད་སངས་རྒྱས་ཐོབ། །གདུང་གི་གནས་ནི་གོང་བཞིན་བཤད། །སེམས་ཅན་རྣམས་ལ་ཡེ་ཉིད་ནས། །རང་བཞག་ཆེན་པོའི་གཞི་ལ་གནས། །སྨིན་དང་མ་སྨིན་ཁྱད་པར་ལས། །མངོན་དུ་འབྱུང་དང་བག་ལ་ཞ། །དེ་བཞིན་སྐུ་ནི་མགོ་ལས་སོ། །ཡང་…

འབྱིན་པར་ནུས། །ནུས་དང་མཐུན་འཇུག་ཐབས་ཀྱིས་ནི། །འདི་ཡི་ས་ལ་མཐར་ཕྱིན་པའོ། །ས་ནི་གཡོ་བའི་སྐྱེས་བུ་དེའི། །དབུགས་དང་བྲལ་བའི་ཚེ་བྱུང་ན། །འདི་ནི་ཉན་ཐོས་ས་ཐོབ་པོ། །དེ་བཞིན་ཞག་ཤི་ནས་ནི་གསུམ་ན་ཡང་། །དེ་ཉིད་ས་ཡི་གཡོས་བྱུང་ན། །འདི་ནི་རང་སངས་རྒྱས་ཀྱི་ས། །ཞག་ནི་དྲུག་ནས་བྱུང་བ་ན། །འདི་ནི་བྱང་ཆུབ་སེམས་དཔའ་ཡི། །ས་ལ་འ…

ལྟར་སུ་ལ་བྱུང་བ་དེ། །འདི་ནི་ལྷ་མིན་སྐྱེ་གནས་སོ། །ནམ་མཁའ་གསལ་ཞིང་དྭངས་པ་ལ། །ཉི་མ་ཟླ་བའི་སྣང་བ་གསལ། །རླུང་དང་སེར་བུ་སྣང་མི་ནུས། །འདི་ནི་ལྷ་ཡི་སྐྱེ་གནས་སོ། །ཡང་ན་ནམ་མཁའ་གསལ་དྭངས་ལ། །མི་འབྱེད་སྤྲིན་ནི་དར་དཀར་བཞིན། །ཤིན་ཏུ་སྲབ་ཅིང་གསལ་བར་སྣང་། །ཡང་ན་ཉི་ཟླ་འོད་ཁྱིམ་ཅན། །འདི་ལྟར་སུ་ལ་བྱུང་བ་དེ། །མི་ཡི་སྐྱེ…

རྒྱ་གར་སྐད་དུ། རཏྣཱ་ཀ་ར་ཤཔྡ་མ་ཧཱ་པྲ་སཾ་ག་ཏནྟྲ་ནཱ་མ། བོད་སྐད་དུ། རིན་པོ་ཆེ་འབྱུང་བར་བྱེད་པ་སྒྲ་ཐལ་འགྱུར་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་རང་བྱུང་ཆེན་པོ་མཆོག་གི་སྟོན་པ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཐུན་མོང་མ་ཡིན་པའི་གླེང་གཞི་བཀོད་པ་འདི་སྐད་བདག་གིས་བསྟན་པའི་དུས་གཅིག་ན། །འཁོར་དང་འདས་པའི་ཐོག་མར་…

བྲལ། །ཟང་ཐལ་དྲི་མ་མེད་པའི་སྐུ། །ཉོན་མོངས་རགས་པ་རང་དག་སྟེ། །བག་ལ་ཉལ་བ་མ་ཡིན་པས། །མངོན་པར་རྒྱུ་བ་རྣམ་གཉིས་བྲལ། །དབང་པོ་ལྔ་ནི་རང་གསལ་ལ། །མཚན་མ་རྣམས་ནི་སྦུབས་སུ་ནུབ། །དབུགས་ལ་བརྟེན་པའི་འགྲོ་འོང་ཟད། །བར་སྣང་དག་ལ་གནས་བཅས་ནས། །ཕན་ཚུན་འཁོར་དང་ལངས་པར་བྱེད། །འགྲོ་དང་འགྲེང་དང་ཉལ་བ་དང་། །བསྐྱོད་ཅིང་རྒྱུག་པའི་རྣ…

པ་ལས་བྱུང་བ་མིན། །སངས་རྒྱས་བརྗོད་དུ་མེད་པ་ཡིས། །ཡེ་ཐོག་ནས་ནི་ཕྱག་མཛད་པའི། །ཆོས་ཀྱི་སྐུ་ལ་ངེས་བརྒྱུད་དེ། །ལས་ཅན་སྣང་བར་བྱེད་དོན་དུ། །སྤྲུལ་པའི་ས་བོན་ལྡང་བའོ། །དེ་ལྟར་དངོས་ཀྱི་བསྟན་པ་ལས། །གཟུགས་བརྙན་ཆོ་འཕྲུལ་འདི་ལྟ་བུ། །སུས་ཀྱང་བརྗོད་དུ་མེད་པར་ནི། །ནམ་མཁའ་མི་འབྱེད་བར་སྣང་ལས། །ཚིག་རྣམས་ཀུན་གྱི་ཐོག་མར་ཡ…

ཡན་ལག་དྲུག་ཅུ་གཉིས། །སྤྲོས་མེད་ཡན་ལག་བཞི་བཅུ་གཉིས། །ཁྱད་པར་བསྡུས་པའི་རིགས་གཉིས་ནི། །སྒྲ་དང་ཚིག་གི་གཞི་མའོ། །དེ་ཡི་དགོངས་པ་ཅི་ཞེ་ན། །སོ་སོའི་ལས་ཀྱི་འཕྲུལ་གྱིས་ཀྱང་། །བསླབ་བྱའི་རྩ་བ་བཅུ་བཞི་གཉིས། །རི་མོ་རྣམས་ལ་མཁས་པ་ཡིས། །སྤྲུལ་པ་ལ་སོགས་འབྱིན་པ་དང་། །རྟག་ཏུ་དགོད་པའི་དོན་རྣམས་ཤེས། །དེ་ལྟར་གསུངས་པའི་ཆོ་…

དོན། །ལྷག་མའི་བསྟན་པ་དུ་དང་དུ། །འཇིག་པའི་རྒྱུ་ནི་ཅི་ལས་འབྱུང་། །ཞིག་ནས་གནས་པ་གང་ནས་བྱུང་། །བར་དུ་སུ་དང་སུ་ཡིས་འཛིན། །ཐ་མ་འདི་ཉིད་གང་དུ་འགྱུར། །ལུས་དང་ཡན་ལག་ཅི་ལྟ་བུ། །འབྱུང་བ་རྣམས་ཀྱི་འདོད་པ་ཅི། །སེམས་ཅན་དུས་ཀྱི་རིམ་པ་གང་། །ཕྱི་རོལ་ནང་དང་དོན་ནི་ཅི། །དུས་ཀྱི་འཕོ་བ་གང་དང་གང་། །ཞག་དང་ཟླ་བ་ལོ་རྣམས་ཅི། །…

འཁོར་འདས་རུ་ཤན་གང་གིས་ཕྱེད། །རླུང་འཛིན་སྤྱོད་པ་རྣམ་པ་དུ། །སེམས་འཛིན་བསླབ་རིམ་གང་ཙམ་ཞིག །ཕྱི་ནང་གསང་བའི་འཆི་རྟགས་ཅི། །བལྟ་བ་མཐའ་ལ་གང་གིས་བསྐྱལ། །བསྒོམ་པའི་སྲོག་ཤིང་གང་དང་གང་། །སྤྱོད་པའི་སྦྱོར་བ་ཇི་ལྟ་བུ། །འབྲས་བུའི་ཐོབ་ས་གང་ཙམ་ཞིག །འཁོར་བའི་ཆུ་རྒྱུན་ཅི་ཡིས་གཅོད། །བཅུད་ཀྱིས་ལེན་པ་ཇི་ལྟ་བུ། །གོས་ནི་གང་…

རབ་རྩེ་མོ་སྟེ། །ཆོས་ཀྱི་མེ་ལོང་དོན་གྱིས་སྡུད། །བཀའ་ཡི་འགྲེལ་པ་མན་ངག་སྙིང་། །རང་བཞིན་གསང་བ་རྫོགས་པ་ཆེ། །སྙིང་གི་ཏི་ཀ་ལུང་གི་མིག །ཡང་གསང་ལྡེ་མིག་བལྟ་བའི་ཕུགས། །སྤྱོད་པའི་སྦྱང་ས་བསྒོམ་པའི་གནད། །མངལ་གྱི་རྒྱུན་གཅོད་ངན་སོང་ཕྱག །གསང་བ་མཆོག་གི་རྒྱུད་བཤད་ཀྱིས། །རྡོ་རྗེ་ཡང་འཛིན་འཁོར་རྣམས་ཉོན། །ང་ཡི་སྤྲོས་པའི་…

པས། །སྣ་ཚོགས་བྱེད་པའི་བདག་པོར་སྣང་། །དེས་ན་དགོས་པ་རང་དང་གཞན། །བྱ་བ་རྫོགས་པའི་དོན་ལ་མཁས། །དྲིས་ལན་གཉིས་པ། ཡན་ལག་དོན་ནི་འདི་ལྟ་བུ། །སངས་རྒྱས་རྣམས་ཀྱི་མཁྱེན་པ་ཡི། །ཚིག་བརྗོད་གསལ་བའི་རིམ་པ་ནི། །མཚན་བསྟན་པ་དང་གཞུང་གིས་ཀྱང་། །རིམ་དང་ཅིག་ཆར་བློ་རྣམས་ཀྱི། །རྟོགས་པར་བྱ་ཕྱིར་རྣམ་བཤད་པའོ། །གཞུང་ལ་རྣམ་པ་གཉིས་སུ…

ཐབས་ལ་བསླབ་གྱུར་ནས། །དེས་ཀྱང་སོ་སོའི་བསྒྲུབ་པ་སྙེམས། །དགོངས་པའི་གནད་དོན་མན་ངག་ནི། །སོ་སོའི་སྐབས་དང་ཤེས་པར་བྱའོ། །དྲིས་ལན་བཞི་པ། རྒྱུད་ཀྱི་རྒྱལ་པོ་འདི་ཉིད་ཀྱིས། །ངེས་པའི་མཚན་གྱི་རྣམ་གྲངས་ལ། །བསྟན་ནས་རྫོགས་དོན་མན་ངག་ནི། །ཚིག་ཙམ་ངེས་པར་བརྟགས་ཕྱེ་སྟེ། །འབྲུ་རྣམས་དོན་དང་མཐུན་པར་ཡང་། །དོན་གྱི་ངོ་ལ་འདི་ལྟར…

ནི། །དཔའ་དང་དཔའ་བར་འགྲོ་བ་ཡིས། །ས་ཆུ་མེ་རླུང་བཞི་དག་ལ། །རེ་རེ་ལ་ཡང་གཉིས་གཉིས་ཏེ། །གཅིག་ནི་མ་ནིང་སྟོང་པས་ན། །ཕོ་དང་མོ་ཡི་ཁྱད་པར་ལས། །ཚ་དང་གྲང་བའི་བྱེད་རྒྱུ་ཅན། །སྟོང་ཕྲག་དག་ནི་གཉིས་གཉིས་ལས། །བརྗོད་ཅིང་བརྟགས་པའི་སྒྲ་རྣམས་ནི། །རྣལ་འབྱོར་པ་ཡིས་བརྗོད་ཤེས་ན། །དེ་དག་ཀུན་གྱི་སྐད་ལ་ཡང་། །བདེ་ལེགས་སུ་ནི་ཉན་པར…

ངེས་པའི་འཕྲུལ་འབྱེད་ཕྱེ། །དྲིས་ལན་ལྔ་པ། ཐལ་བའི་གནས་ནི་རྣམ་པ་བརྒྱད། །འཇིག་རྟེན་ཁམས་དང་ཞིང་ཁམས་དང་། །དམ་བཅའ་སྐྱོན་དང་སྐྱོན་གནས་དང་། །འཕེན་པའི་ལས་དང་སྦྱོར་བ་དང་། །གྲགས་དང་སོང་བའི་གནད་དང་བརྒྱད། །འདི་རྣམས་ཐལ་བའི་གནས་སུ་འདོད། །འཇིག་རྟེན་ཁམས་ནི་ཆགས་པ་དང་། །གནས་པ་ཉིད་དང་འཇིག་པའི་དུས། །སྟོང་པ་ཉིད་དང་རྒྱུ་དང་…