རྟེན་བྱང་ཤར་མཚམས། །ཐལ་བའི་རྒྱུན་ཞེས་བྱ་བ་ནི། །མཆོད་རྟེན་དབྱིབས་འདྲ་བང་རིམ་མཛེས། །བཀོད་པ་ལྔ་ཡིས་ཡོངས་སུ་སྤྲས། །སྒྲ་དབྱངས་སྣ་ཚོགས་འབྱུང་བའི་གཞི། །སྟོན་པའི་བསྟན་པ་དུས་འབྱུང་ངེས། །དེ་སྟེང་ཉི་ཤུ་རྩ་གཅིག་ན། །རབ་ཏུ་ཐལ་བས་ཁྱབ་ཅེས་བྱ། །དམིགས་པ་དག་པའི་རང་བཞིན་དུ། །ཕྱི་དང་ནང་མེད་ཟང་ཐལ་སྣང་། །སྟོན་པའི་བསྟན་པ་འབ…

ན། །སྐར་མའི་ཐལ་བ་ཞེས་བྱ་བ། །འཁོར་ལོ་བརྩེགས་པའི་རྣམ་པ་ནི། །ལྔ་དང་དགུ་ཡིས་ཡོངས་སུ་བརྩེགས། །འཆར་ཁ་ཆུན་འཕྱང་རྣམས་ཀྱིས་བརྒྱན། །འབྲུག་སྒྲོགས་གློག་དམར་ལྕེ་རྣམས་འབྱིན། །སྟོན་པའི་བསྟན་པ་ལུང་གིས་བསྐོར། །འོད་འབྱུང་ཕྲེང་བ་ཀླུ་ཡི་གླུ་ཡང་གདུང་ཡང་བྱུང་གདོང་། །ཕྱོགས་དང་མཚམས་ཀུན་གསལ་བའོ། །དྲིས་ལན་དྲུག་པ། རང་དང་གཞན་ག…

ཡུལ་གྱིས་ཤེས། །དམ་བཅའ་སྐྱོན་ནི་བརྟགས་ཏེ་བཅའ། །གཏན་ཚིགས་དག་གིས་འདྲེལ་དོན་བརྩིས། །དཔེས་ནི་སྣང་བའི་ཆོས་རྣམས་གྲུབ། །གྲུབ་མཐའ་བློ་ལ་བརྟེན་པ་ཡིས། །རང་གཞན་ཤེས་པའི་རྩལ་གྱིས་སོ། །གྲགས་པ་དག་གིས་ཐལ་འགྱུར་ཏེ། །བྱ་བའི་ལས་དང་དཔྱད་རྣམས་དང་། །ཚིག་དང་རྟོགས་པ་ཐ་དད་དང་། །རྒྱུ་རྐྱེན་སྨིན་སོ་སྣ་ཚོགས་ཏེ། །འགྲོ་བར་འདོད་དང…

ཤེས་བཀོད་པ་ལ། །སྒྲ་བརྡའ་མཚོན་པའི་གཞི་མ་སྟོན། །བཞི་པ་ཆོས་ཉིད་བཀོད་པ་ལ། །ཡོན་ཏན་རྫོགས་པའི་སེམས་ཉིད་ལུང་། །ལྔ་པ་བལྟ་བསྒོམ་བཀོད་པ་སྟེ། །བྱ་བྲལ་རྫོགས་པ་དབྱིངས་ཀྱི་གནད། །དྲུག་པ་སྐུ་རྣམས་བཀོད་པ་སྟེ། །ཡོན་ཏན་རྫོགས་པ་གསང་བའི་གཞི། །དེ་ལྟར་དྲུག་གིས་སྐུ་གསུམ་གྱི། །འབྲས་བུ་ཐོབ་པ་དེ་དག་གོ། །ཚད་བསྟན་ལེའུ་གྱུར་དག་ཤ…

དོ། །འཁོར་ཀྱང་རྣམ་པ་གསུམ་ཡིན་ཏེ། །ཕུན་ཞེས་བྱ་བ་གཟུགས་སུ་བཀོད། །གསུམ་ནི་གྲངས་ཏེ་སྣ་ཚོགས་འདུས། །ཚོགས་པས་དད་ཅིང་འདུས་པའོ། །བསྟན་པ་ཉིད་ཀྱང་གསུམ་ཡིན་ཏེ། །ཕུན་ཞེས་བྱ་བ་ཡང་སྙིང་བཅུད། །གསུམ་ནི་སྡེ་སྣོད་རིན་པོ་ཆེ། །ཚོགས་པས་གང་ཟག་གྲོལ་བའོ། །དུས་ཀྱང་གསུམ་ལ་བཞི་འདུས་པས། །ཕུན་ཞེས་ཐེག་པ་ཀུན་རྫོགས་ཏེ། །གསུམ་ནི་འདས…

ནས་མུན་པའི་བསྐལ་པ་ནི། །ལོ་ནི་བརྒྱ་དང་ཉི་ཤུར་འགྱུར། །དེ་ནས་ཤར་ཕྱོགས་བདེ་བའི་རླུང་། །རྡོ་རྗེ་འབྱུང་བའི་རི་རྩེ་ལ། །བསྟན་པ་དམ་པ་འདི་བབས་ནས། །སཱུ་ཏྲ་སྡེ་ཞེས་བྱ་བ་ཡི། །རྒྱལ་པོ་ཉིད་ཀྱིས་བསྟན་པ་འཛིན། །དེ་ཡི་ཡོན་བདག་བྲམ་ཟེ་ནི། །ཛ་ཡ་ཨཱ་ཀར་ཞེས་བྱ་བས། །ལོ་ནི་སྟོང་དང་བཞི་བརྒྱར་གནས། །དེ་འོག་མུན་པའི་བསྐལ་པ་ནི། །ལོ…

སྟོང་དང་སུམ་བརྒྱ་འདས་འོག་ཏུ། །ཡང་ནི་འཛམ་གླིང་བྱང་གི་ངོས། །གཟི་བརྗིད་ལྡན་པའི་རི་ཡི་རྩེར། །དགེ་སློང་གཟུགས་ལ་བྱམས་སེམས་བྲལ། །གཡས་པ་ལ་ནི་རྣ་བ་གཉིས། །མིག་ནི་ཟུར་གསུམ་མས་ཡར་འགེབ། །འདི་དང་མུ་སྟེགས་སྡེ་རྩོད་ནས། །ལོ་ནི་དྲུག་ཅུ་མུན་པར་འགྱུར། །དེ་འོག་བདེ་བའི་ལྷ་ཞེས་པས། །ལོ་བརྒྱའི་བར་ལ་འཕེལ་བར་བྱེད། །དེ་འདས་འཛམ…

རྒོད་ཕུང་པོ་ལ། །དགེ་སློང་མཛེས་བྱེད་གཞོན་ནུ་ཡིས། །ལོ་ནི་ལྔ་བརྒྱ་ལྔ་བཅུར་གནས། །དེ་འདས་འོག་ཏུ་འཛམ་གླིང་མཚམས། །ཁ་ཆེའི་ཡུལ་ཞེས་བྱ་བ་ཡི། །སྒྲ་དང་ལྡན་པའི་གྲོང་ཁྱེར་དུ། །བྱ་ཡི་ལུས་ལ་མི་ཡི་གདོང་། །རིགས་ངན་དག་གི་ནང་སྐྱེས་པ། །འདི་ཉིད་སྐྱེས་ནས་ལོ་བཅུ་ནས། །དྲུག་ཅུའི་བར་དུ་མུན་པར་འགྱུར། །དེ་འདས་འོག་ཏུ་འཛམ་གླིང་ནི…

གནས་པ་བདུན་ཐལ་ནས། །བསྐལ་པ་བརྒྱད་ཅུ་རྩ་ལྔར་ཡང་། །ཆོས་རྣམས་སངས་རྒྱས་སྐུར་ཐིམ་ནས། །འཇིག་རྟེན་ཁམས་ནི་གང་དུ་ཡང་། །སངས་རྒྱས་བསྟན་པ་མི་གནས་སོ། །དེ་ནས་འཇིག་རྟེན་འོག་མ་ལ། །བསྐལ་པ་ས་ཡ་དྲུག་འབུམ་དུ། །སངས་རྒྱས་བསྟན་པ་ཡུན་རིང་གནས། །འདི་ལ་འཕེལ་འགྲིབ་འབྱུང་བ་མིན། །འགྲོ་བ་རྣམས་ནི་སྨིན་བྱེད་དོ། །དྲིས་ལན་བཅོ་ལྔ་པ། རྫ…

གི་ཡུལ། །དྷ་ན་ཀོ་ཤའི་ལྷ་ལྕམ་ལ། །ཕ་མེད་བུ་ནི་བཛྲ་ཧེ། །འདིས་ནི་དམ་པའི་བསྟན་པ་འཛིན། །དེ་ཡིས་རྗེས་བཟུང་ནུབ་ཀྱི་ཕྱོགས། །བྲམ་ཟེའི་ཕྲུག་གུ་སྐལ་ལྡན་པ། །མན་ཛུ་ཤྲཱི་པ་ཏི་ཞེས། །ལོ་ནི་བདུན་ཅུ་རྩ་ལྔར་འཛིན། །དེ་ཡི་རྗེས་སུ་སྐལ་ལྡན་པ། །སོ་ཤའི་གླིང་ཞེས་བྱ་བ་ཡི། །ཁྱིམ་བདག་རིགས་ལ་ཤྲཱི་སིངྷ་། །ཞེས་པ་ཡིས་ནི་འཛིན་པར་འགྱུ…

ནི་ལྔ་བརྒྱ་ནས། །བསྟན་པའི་སྐུ་ཡང་དེར་བབས་ཏེ། །དེ་ལྟར་བསྟན་པ་དངོས་བབས་ནས། །ཡང་ནི་བསྟན་པའི་མེ་རོ་ལྡང་། །སྟོན་པ་དེ་ཡི་འཁོར་དུ་ཡང་། །འཕགས་པ་ཚངས་པའི་འོད་ཅེས་པ། །རྫུ་འཕྲུལ་སྟོབས་ལྡན་རྫོགས་པ་ལ། །རབ་ཏུ་དད་ཅིང་འདུན་པ་ཉིད། །ངེས་པར་བཟུང་སྟེ་མངོན་པར་སྣང་། །དེ་ལ་སོགས་ཏེ་སྟོན་པའི་འཁོར། །འཕགས་པ་ཉན་ཐོས་ཁྲི་ཕྲག་གཉིས།…

ཕྲག་ནི། །གཉིས་དང་ལྔ་བཅུ་ཐམ་པའོ། །དང་པོ་ངེས་པ་གསལ་བ་ཡིས། །སྣ་ཚོགས་བཀོད་པ་ཡན་ལག་ལ། །ཞུས་པ་བདུན་ཅུ་ཐམ་པ་ལ། །ཡན་ལག་བཀོད་པ་བརྒྱ་བཅུ་གཅིག་ཀྱང་བྱུང་གཅིག་གོ། །ལུས་ཉིད་རྫོགས་པར་བྱས་པའོ། །དེ་ཡི་ཡན་ལག་ཉིས་བརྒྱ་བཅུ། །གོང་མའི་ལུས་དང་ཡན་ལག་རྫོགས། །ལུས་རྫོགས་ཡན་ལག་གསང་འབྱེད་པའོ། །གཉིས་པའི་ལུས་ནི་ཉེར་བསྟན་པ། །གནད་ར…

སྨིན་པར་འདོད། །མེས་ནི་ལུས་ཀུན་སྨིན་བྱས་ཏེ། །བསྐྱེད་པས་དྲོད་དུ་སྨིན་པར་འདོད། །རླུང་གིས་ལུས་ཀུན་འདེགས་པ་ལ། །བསྐྱེད་པས་དབུགས་སུ་སྨིན་པར་བྱེད། །དེ་ཡི་སྒྲ་དོན་བྱེ་བྲག་གིས། །སྤྱི་ཡི་རྣམ་པ་ངེས་བསྟན་པ། །གཟུགས་ལ་བསླབས་པས་ལུས་ཟད་འགྱུར། །སྒྲ་ཡིས་སྐད་རྣམས་ཤེས་པར་འགྱུར། །དྲིས་ནི་བཅུད་ཀྱིས་ལེན་པ་འགྲུབ། །རོས་ནི་དང…

སྟེ། །བྱེ་བྲག་མང་སྟེ་དུས་རིམ་པའོ། །དྲིས་ལན་ཉི་ཤུ་པ། ཕྱི་རོལ་འབྱུང་བ་རླུང་ལ་ཡང་། །ནམ་མཁའི་ཁམས་དང་སྦྱར་བ་སྟེ། །དེ་ལ་ཆུ་སྟེ་དེ་སྟེང་ས། །རྒྱ་ཁྱོན་ས་ལ་མཐུག་ཁོད་སྙོམས། །གྲངས་མེད་བཞི་དང་ས་ཡ་གཅིག །གཅིག་ནི་དེ་ཡི་བཞི་ཆ་སྟོང་། །གླིང་རྣམས་བཀོད་དང་རི་རབ་དང་། །དཔག་བསམ་ཤིང་དང་ནོར་བུར་བཅས། །ཉི་ཟླ་སོ་སོའི་ལྷ་རྣམས་དང…

བསྐལ་པ་དང་པོར་འདོད། །དེ་ལྟར་བརྒྱ་དང་བརྒྱད་ཅུ་ལ། །བར་གྱི་བསྐལ་པ་གཉིས་པའོ། །དེ་ལྟར་སྦྲགས་ཆགས་འཇིག་སྟོངས་པ་པ་དེ་ཙམ་ལས། །བསྐལ་པ་ཆེན་པོ་གཅིག་ཡིན་ནོ། །དྲིས་ལན་ཉེར་གཉིས་པ། ཞག་ནི་བཅུ་ཕྲག་གསུམ་པ་ཡང་། །ཟླ་བ་དག་ནི་གཅིག་ཡིན་ཏེ། །དེ་ལྟར་བཅུ་གཉིས་རྫོགས་པ་ལས། །ལོ་ནི་གཅིག་ཏུ་འདོད་པའོ། །ནང་དང་དགོང་མོ་བདུན་བརྒྱ་དང་། …

ཟུག་པས་འབྱུང་བ་སྐྱོབ། །བྱེར་བས་ལས་གཞན་འཇིག་པ་ལས། །སྙོམས་པས་རླུང་སེམས་གཅིག་དུ་སྡུད། །གསུམ་གྱིས་བྱེད་པའི་མཐའ་འདིའོ། །ཆུ་ཡི་ཟུག་པས་ས་འདུས་ལ། །ཆུའི་བྱེར་སྙོམས་གཉིས་ཆད། ཟུག་པ་ཟུག་པ་འཕྲད་པ་ཡིས། །གང་མི་འགྲུབ་ཅིང་འཇིག་པར་འགྱུར། །བྱེར་བ་ཉིད་ཀྱིས་ནད་དུ་འགྱུར། །སྙོམས་པས་རྩི་སྦྱོར་སྨན་རྣམས་འགྲུབ། །མེ་དང་རླུང་གཉ…

འཁྲུལ་པ་འདག །ལུགས་མ་ཡང་བྱུང་ལྷུག་མར་བྱུང་བས་སྐྱེ་བ་མེད། །འཛིན་ཆགས་མེད་པས་ཅི་དགར་རོལ། །རྣལ་དུ་ཕབ་པས་རྙོག་པ་སངས། །རང་བཞིན་ཡིན་པས་ཐབས་ལས་འདས། །འདིས་ཀྱང་འཁོར་བའི་སྒོ་འགག་གོ། །དྲིས་ལན་ཉེར་དྲུག་པའོ། །སྟོན་པ་སངས་རྒྱས་བཅོམ་ལྡན་འདས། །ཡོན་ཏན་བརྗོད་ཀྱིས་ལངས་པ་མིན། །ཕུན་སུམ་ཚོགས་པ་དྲུག་ཅུ་ཡིས། །བསྟན་པ་དམ་པའི་གཞ…

རྣལ་འབྱོར་ལུས་དང་བསྟུན་བྱས་ན། །འགྲུབ་པར་ཐེ་ཚོམ་མི་ཟའོ། །དྲིས་ལན་ཉེར་བརྒྱད་པའོ། །འཇིག་རྟེན་ཐུན་མོང་ལས་མཐའ་ནི། །འཕུར་བར་འདོད་པས་རི་ལུ་བསྟེན། །མི་སྣང་འདོད་པས་སེམས་བཞག་ལ། །ཐིག་ལེ་སྟོང་པའི་དྲ་བར་ནི། །ལུས་དང་སེམས་གཉིས་བཅུག་པས་འགྲུབ། །ཟང་ཐལ་འཐོབ་པར་འདོད་པ་ཡིས། །རླུང་ཉིད་བཟུང་སྟེ་ཐིག་ལེར་གཞུག །སྐབས་སུ་ཤེས་པ…

མཁའ་འགྲོ་མ་རྣམས་དབང་དུ་འགྱུར། །རྐང་མགྱོགས་བསྒྲུབ་པར་འདོད་པ་ཡིས། །རྡོ་རྗེའི་གཤོག་པ་བཅུ་དྲུག་ལ། །ཨ་དང་ཡཾ་གིས་རྣམ་པར་བརྒྱན། །འདབ་ཆགས་སྦྱོར་བ་བྱུང་དུས་ལ། །དུས་ལ་འཁྲུལ་པ་མེད་བྱས་ཏེ། །རྐང་པའི་མཐིལ་དུ་ལྡེ་གུས་ནི། །གྲངས་དང་མཐུན་པར་བྱུགས་པ་དང་། །སྐད་ཅིག་གིས་ནི་འཛམ་བུ་གླིང་། །རྒྱུ་ཞིང་འཁོར་བར་ཐེ་ཚོམ་མེད། །དུར…

གཉིད་ཀྱི་རྣལ་འབྱོར་སུས་བསྒོམ་པ། །འདིས་ནི་གཏི་མུག་ལམ་དུ་བྱེད། །ཕྱི་ཡི་དུས་ནི་གཞི་དག་ལས། །རྣལ་འབྱོར་ལུས་ཀྱི་རྩལ་སྦྱངས་ཏེ། །རྩ་རྣམས་ཁུངས་སུ་བཟུང་བ་གནད། །ནང་གི་དུས་ནི་བཞི་ཉིད་ཀྱིས། །རྣལ་འབྱོར་དག་གི་རྩལ་སྦྱངས་ཏེ། །བརྗོད་པའི་རྒྱུན་རྣམས་གཅད་པ་གནད། །གསང་བའི་དུས་ནི་བཞི་ཡིས་ཀྱང་། །རྣལ་འབྱོར་སེམས་ཀྱི་རྩལ་སྦྱངས…