སྙིང་པོ་ཧཱུཾ་གི་ལྟ་བ་ཡིན། །ཐིག་ལེ་ཉག་གཅིག་སྙིང་པོ་དང་། །གང་སྣང་གྲོགས་སུ་ལྷོངས་པར་བྱ། །རིན་ཆེན་འཕྲུལ་གྱི་སྙིང་པོ་བསྒོམ། །མ་ཡེངས་གནད་དུ་ཧཱུཾ་དང་འགྲོགས། །ཕྱི་རླུང་སྡོམ་ལ་ནང་རླུང་ཟུང་། །ལུས་སྲོག་ཡན་ལག་སྙིང་ག་འཁལ། །དཀར་དམར་རླུང་བསྡམ་ཚངས་བུག་གཏོད། །མཁའ་ལ་འབྲུ་ཚུགས་བཙན་ཐབས་གནད། །རྡོ་རྗེ་པདྨ་རྩ་ཁ་ནས། །དཀར་ད…

རིག་པ་ཆོས་མིན་ཆོས་ཀྱི་སྐུ། །མཛད་པ་མེད་པའི་བྱིན་རླབས་ནི། །རྩོལ་བ་མེད་པ་སྐུ་ཉིད་འབྱུང་། །ཐིག་ལེ་ཆོས་མིན་ལོངས་སྤྱོད་སྐུ། །སོ་སོའི་རིགས་ཀྱི་འབྲས་བུར་སྣང་། །སྐུ་ལྔ་ཡེ་ཤེས་སྒྱུ་མ་ལྔ། །འོད་གསལ་རིགས་ལྔ་མཚན་རྫོགས་སྐུ། །རྡོ་རྗེ་འཆང་བ་མཚན་མ་ཡིན། །དོན་ཉིད་གཟིགས་ཀྱང་ཤེས་བྱ་འཕྲང་། །འོད་ཟེར་དཔག་མེད་ཡུམ་དང་སྲས། །མ་…

ཡང་གསང་འདི། །དེ་ལ་གདུང་བཞིན་བསྙེན་བསྒྲུབ་བཞི། །དམ་ཚིག་རྣམ་གསུམ་སྐུ་གསུང་སྐུ། །ཡན་ལག་བཅུ་གཉིས་གསང་སྔགས་དོན། །ཕྲིན་ལས་རྣམ་བཞི་འགྲོ་བའི་དོན། །མཆོད་པའི་བྱེ་བྲག་ཕྱི་ནང་གསུམ། །སྒྲུབ་པའི་ཁྱད་པར་ཐེག་པའི་ཁྱད། །སྙིང་པོ་རྣམ་གསུམ་བསྡུས་རྒྱས་དང་། །སྐུ་གསུམ་གྲུབ་མཐའ་འབྲས་བུ་དང་། །ལྔ་ལྡན་གསུམ་ཚན་གཅིག་ངོ་སྤྲད། །སྲོ…

ན་ཆུང་རྡོལ་བའི་མངལ་ཁྲག་དང་། །སྐྱེས་པ་དར་མའི་ཁྲག་དང་ནི། །ཅེ་སྤྱང་ཁྲག་ནི་རབ་ཡིན་ཏེ། །ཁྲག་སྣ་རྙེད་ཚད་ཐ་མའོ། །མཎྜལ་དེ་ཡི་གཡོན་དུ་བཞག །ཐོད་པ་རིན་ཆེན་བུམ་པ་རུ། །གསུམ་བསིལ་འབྲུ་ཡི་ཁུ་བ་ཡི། །བདུད་རྩི་སྨན་མཆོག་སྩལ་བ་ནི། །སྒྲུབ་པོ་དག་གི་མདུན་སྟེགས་བཞག །དྲག་པོ་ལྕགས་ཀྱི་ཀོང་བུ་རུ། །ཕོ་མོ་དར་མའི་ཞུན་བླུགས་ལ། །རོ…

གྱི་གཞི་མ་རྩ་དང་རླུང་། །སྙིང་པོ་འགག་མེད་རང་ལ་སྦྱོར། །སྤྱི་ཏི་སྙིང་པོའི་མཁའ་ཀློང་ལ། །གཞི་རླུང་འགྱུ་བ་འགག་མེད་གྲོགས། །གར་ཡང་ཐོགས་མེད་མ་ཐོགས་གྲོགས། །ཡང་དག་ལ་བཟླ་མཁའ་འགྲོ་ཡིན། །འབྱུང་བ་མ་མོ་མཁའ་འགྲོ་ཡིན། །ས་ཆུ་མེ་རླུང་མ་བྲན་འདྲ། །སྤྱི་གཞི་མཁའ་ལ་ཀུན་གཞི་མོ། །འབྱུང་བ་ལྔ་ནི་མ་མོ་ཡིན། །ལུས་ནི་མ་ལ་ཡན་ལག་མོ། …

ཀྱི་གདངས་སུ་གནས། །ཐིག་ལེ་ཧཱུཾ་དང་སྙིང་པོ་མ། །རླུང་བཞི་འོད་དང་ཆས་ནས་འགྲོ། །སྙིང་པོ་རང་བྱུང་ཧཱུཾ་ལས་སྲིད། །སྲིད་པའི་རྒྱལ་མོ་ཀུན་འདུལ་མ། །སྤྱི་གཞི་སྙིང་པོ་ཧཱུཾ་གི་གཞི། །སྣ་ཚོགས་ཆོས་རྣམས་སྲིད་པ་ཡིན། །ཞེས་གསུངས་སོ། །སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། མཁའ་འགྲོ་མའི་ལེའུ་སྟེ་ཉི་ཤུ་པའོ།། །དེ…

རང་སྦྱོར་རང་སྲེག་ཡུལ། །འདོད་ཡོན་ཆགས་སྡང་ཚ་གྲང་དང་། །རང་ལ་རང་གསོད་གླང་མགོ་སྲིད། །ལྷ་དང་ཀླུ་དང་གཤིན་རྗེ་ཀླུ། །གཟའ་དང་རྒྱལ་པོ་བདུད་དང་བཙན། །སྲིན་པོ་གནོད་སྦྱིན་མ་མོ་རྣམས། །མིང་དུ་ཐ་སྙད་དོན་དུ་ཧཱུཾ། །སྤྱི་གཞི་སྙིང་པོ་རང་བྱུང་ངོ་། །མིག་དང་རྣ་བ་སྣ་དང་ལྕེ། །ལུས་དང་ཡིད་དང་རྣམ་ཤེས་དང་། །ཀུན་གཞི་རྣམ་ཤེས་ཚོགས་བ…

ཏུ་འཁོར། །འཁོར་བཞི་དབང་དུ་བསྡུ་བ་གཅེས། །ཆོས་ཉིད་གཞི་མ་སྙིང་པོ་མཁའ། །ནམ་མཁའི་ཀློང་བཞིན་འགྱུ་བ་འགྲོ། །ནམ་མཁའ་ཤུགས་འགྲོ་དྲན་པ་སོགས། །འཛིན་པ་གཟུང་འཛིན་ཏིང་འཛིན་གནད། །ཆགས་པ་རང་འདོད་ཉམས་མྱོང་གནད། །དྲན་པ་ཡེངས་མེད་སྤྱོད་པའི་གནད། །འགྱུ་བ་རང་བྱུང་ལྟ་སྟངས་གནད། །གནད་བཞི་ཤེས་པ་ལྟ་སྒོམ་གཟེར། །གཟེར་བཞི་ཐེབས་པས་མཁའ…

དཔེ་དང་འདྲ། །ཟབ་པས་གཏིང་མཐའ་ཆོད་པ་མེད། །ཟ་འོག་བེར་ཁྱིམ་རྒྱ་མཚོ་འདྲ། །གཅིག་ལ་མ་འདྲེས་ཀུན་ཀ་གསལ། །སྒྱུ་མ་མཁན་གྱི་རྩེད་མོ་འདྲ། །མེད་པར་སྣ་ཚོགས་སྟོན་པར་བྱེད། །ནོར་བུ་རིན་ཆེན་འཆང་བ་འདྲ། །ཐམས་ཅད་མི་འབྱུང་གང་ཡང་མེད། །རིན་ཆེན་གསེར་གྱི་གཟུགས་དང་འདྲ། །གཞི་ལ་འགྱུར་མེད་སྣ་ཚོགས་གཟུགས། །རིན་ཆེན་གསེར་གླིང་ཕྱིན་པ་འ…

དེ་ཡི་དགོངས་པ་དེ་ལ་བསྟན། །དགོངས་པ་བརྒྱུད་པའི་རྒྱུད་དུ་ཟུང་། །དེ་ཡི་ལུང་བླངས་དེ་དང་ལྡན། །ལུང་བླངས་ཟབ་མོའི་རྒྱུད་དུ་ཟུང་། །ཚེགས་ཆུང་བར་ནི་དོན་གཅིག་བསྟན། །མན་ངག་ཟབ་མོའི་རྒྱུད་དུ་ཟུང་། །དེ་ལ་དེ་བསྟན་དེ་ཡང་ཐོབ། །ཐོབ་པ་གཅིག་པའི་རྒྱུད་དུ་ཟུང་། །གནས་ཀྱི་དང་པོའི་འོག་མིན་དུ། །མཁའ་འགྲོ་དྲག་མོ་ཁྱོད་ཀྱི་ཞུས། །མ་…

རྒྱ་གར་སྐད་དུ། ས་མ་ཡ་བྱཱུ་ཧ་བྷཱུ་མི་ཏནྟྲ་རཏྣ་ཀུ་ཊཱ་ལི་ཀཱ་ར་ནཱ་མ། བོད་སྐད་དུ། དམ་ཚིག་བཀོད་པ་ས་གཞིའི་རྒྱུད། རིན་པོ་ཆེ་སྤུངས་པའི་རྒྱན་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་

པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་འོག་མིན་གྱི་གནས་མཆོག་ཆེན་པོ་ན་བཞུགས་པའི་ཚེ། དཔལ་རྡོ་རྗེ་སེམས་དཔས་ཡང་ཏིའི་ཆོས་ཞུས་པས། ཀུན་ཏུ་བཟང་པོས་བཀའ་སྩལ་པ།སྙན་རྒྱུད་ཀྱི་གདམས་ངག་རྣམ་པ་གསུམ་སྟེ། སངས་རྒྱས་ཉག་གཅིག་དང་། དམ་ཚིག་ཐུན་གཅིག་དང་། དཔེ་བརྡའ་གཅིག་གོ། །སངས་ར…

བསྲུང་དུ་གཉིས་སྣང་མེད་པའི་ཕྱིར། །བསྲུང་བྱ་བྱུང་ན་ཡང་ཏི་མིན། །བསྲུང་རྒྱུ་བྱུང་ན་ཉག་གཅིག་མིན། །གཉིས་སྣང་བྱུང་ན་གཟུང་འཛིན་ཡིན། །སོ་སོ་སྐྱེ་བོའི་ཁྱུ་རུ་གོལ། །གོལ་ཕྱིར་ཡང་ཏིའི་དམ་ཚིག་ཡིན། །དེ་ཡང་ལུང་ལས། དམ་ཚིག་ཆེན་པོ་དེ་ཉིད་མཁྱེན། །དབང་པོ་བསམ་པ་མཁྱེན་མཆོག་གིས། །བརྡའ་ནི་དུག་ལྔ་རང་གྲོལ་རང་ཤར་བའོ། །སྒྲ་ནི་ས…

རྒྱ་གར་སྐད་དུ། བྷཱུ་ཏ་སརྦ་ཌ་མ་ར་ནཱ་མ་ཏནྟྲ། བོད་སྐད་དུ། འབྱུང་པོ་ཀུན་འདུལ་ཞེས་བྱ་བའི་རྒྱུད། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་ཀུན་ཏུ་རྟག་པ་མི་འགྱུར་བའི་སྐུ། བདེ་བ་ཆེན་པོའི་གནས་བརྡལ་བ་ན་བཞུགས་སོ། །དེའི་ཚེ་བྱང་ཆུབ་སེམས་དཔའ་རྡོ་རྗེ་ཆོས་ཀྱི་བློ་གྲོས་ཀྱིས། ཀུན་ཏ…

བར་དུ་བྱིན་རླབས་འགྲིབ་པ་མེད་པ་ལ། །བསྒོམ་པར་བྱ་བ་རྡུལ་ཡང་མི་མཚོན་ནོ། །སྣང་བ་རེ་ལ་ཤེས་པས་ཕྱོགས་སུ་བཟུང་། །ཕྱོགས་རིས་དགོངས་པ་རང་གྲོལ་མ་ཤར་ན། །རང་སྣང་བསྒོམ་པ་མཐའ་ཡིས་བཅིངས་པ་ཡིན། །ལམ་དང་འབྲས་བུ་རང་གཞུང་གྲུབ་པའི་མཐའ། །མཐའ་གྲོལ་རང་བྱུང་ཤར་བ་ཤིན་ཏུ་དཀའ། །ཞེས་གསུངས་པ་དང་། རྡོ་རྗེ་ཆོས་ཀྱི་བློ་གྲོས་ལ། ཐུགས་ཅང…

ལག་ལེན་ཉམས་ཆེན་འཕེལ་འགྲིབ་མེད། །དོན་གྱི་ཁོང་གཟེར་གནད་དུ་ཐེབས། །འཇིག་རྟེན་སྣང་བ་སངས་རྒྱས་ཡིན། །ཉོན་མོངས་རང་སྣང་དགྲ་བཅོམ་ཡིན། །འཇིག་རྟེན་རྣམ་རྟོག་ཤེས་རབ་རྩ། །ཤེས་རབ་རྩ་བ་རྟོགས་པ་ཡིན། །རྟོག་མེད་ཤེས་རབ་ཚད་མ་གང་། །ཤེས་རབ་རྟགས་ཀྱིས་རབ་བརྒྱན་ན། །སངས་ལ་རྒྱས་པ་མེད་ཅིང་ཆོས་ལ་སྤྱོད་པ་མེད། །དགྲ་བཅོམ་རང་རྒྱལ་བྱང…

རྗེ་ཆོས་ཀྱི་བློ་གྲོས་ཉོན། །ཐེག་པ་སྣ་ཚོགས་བསྒྲུབ་བྱ་དང་། །དེ་ཡི་འབྲས་བུ་སྒྲུབ་བྱེད་དང་། །སྣང་བ་ལམ་གྱི་མདོར་བསྡུས་པ། །དེ་ནི་བདག་གིས་བཤད་པར་བྱ། །ཉན་ཐོས་སྣང་བ་རྡུལ་ཕྲན་དང་། །ནང་གི་ཤེས་པ་བརྗོད་མེད་ཡིན། །དེ་ཡང་ཤེས་རབ་ཁྱད་པར་ལས། །སྣང་བ་རྡུལ་དུ་ཤེས་པ་དང་། །ནང་ལ་བརྗོད་དུ་མེད་པའོ། །དེ་ཡང་རྡུལ་ཕྲན་དོན་དམ་མོ། །…

སྣང་བ་རྟགས་ཤན་འབྱེད་པའི་ལེའུ་སྟེ་གསུམ་པའོ།། །དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །སྣང་རྟགས་ལམ་གྱི་རིམ་པ་ལ། །དབང་པོ་བསམ་པ་མཁྱེན་གྱུར་པ། །སྔགས་ཀྱི་ཐེག་པའི་ཁྱད་པར་ལས། །གྲོལ་ལམ་ཆགས་ལམ་མ་ཤེས་ན། །སྔགས་ཀྱི་བཀའ་སྒོ་ཉམས་པས་ན། །དབང་གི་དམར་ཁྲིད་བཤད་པར་བྱ། །འབྲས་བུ་བླ་མེད་བྱང་ཆུབ་ཐོབ་འ…

རྒྱུ་དང་ངོ་བོ་དབྱེ་བའོ། །བསྐུར་ཐབས་གནས་དང་རྫས་དང་ནི། །གླེང་གཞི་དཀྱིལ་འཁོར་བསྐུར་བའི་དུས། །འབྲས་བུ་དང་ནི་ངེས་པའི་ཚིག །རྒྱུ་ནི་ས་ཆོག་ལ་སོགས་ས་བསླང་དང་། །བརྟག་དང་སྦྱང་དང་བྲི་བ་དང་། །མཆོད་པའི་རྫས་དང་རྒྱན་དགྲམ་པ། །དཀྱིལ་འཁོར་ཆོ་ག་ལ་སོགས་ཡིན། །ངོ་བོ་དབང་ཐོབ་དོན་དང་ལྡན། །ངེས་ཚིག་དོན་ལྡན་རྣལ་འབྱོར་བས། །དབྱེ…

རྟོག་པ་མེད་པ་དང་། །བདུད་རྩི་ལོངས་སྤྱོད་གྲོགས་སུ་ཤེས་པ་དང་། །རྫུན་དང་ཕྲ་མ་ཚིག་རྩུབ་ངག་འཁྱལ་གྱི། །ངག་གི་སྒྲིབ་པ་དག་པར་བྱེད། །གསང་བའི་བུམ་པ་རང་ལུས་ཀྱི། །བུམ་རྫས་ལྷག་པ་བྱང་ཆུབ་སེམས། །བསྐུར་ཐབས་ཡུམ་གྱི་བྷ་ག་ལ། །བསྐུར་བའི་རྟེན་ནི་རྩ་གསུམ་སྟེ། །ཡོན་ཏན་གཟུང་འཛིན་བདེ་བར་འབར། །དུས་ནི་སྙོམས་པར་ཞུགས་པ་ཡིན། །འབྲ…