སྐྱོན་ཡོན་གང་ཡང་མ་སྤངས་པས། །བླང་དོར་གཉིས་སུ་མི་བལྟ་བས། །རང་སར་གྲོལ་བས་གང་དགར་བཞག །བཞག་དང་མི་བཞག་མེད་པ་རུ། །ཆོས་ཉིད་ཀློང་དུ་གྲོལ་བ་ལ། །དབྱེ་བསལ་སྤང་བླང་ངང་གིས་མེད། །བཙལ་བ་མེད་ཅིང་བསྒྲུབ་ཏུ་མེད། །ངེས་པར་གྲོལ་ལོ་གཟའ་གཏད་མེད། །ལྷུན་གྱིས་གྲུབ་པོ་ཕྱོགས་རིས་མེད། །དེ་ལྟར་གོ་བའི་སྐལ་ལྡན་ལ། །བསྒོམ་དང་མ་བསྒོམས…

ཞེན་པ་ཀུན་བཀྲོལ་ནས། །ཕྱོགས་རིས་མེད་དོ་ཡེ་གདལ་ཆེ། །དེ་དོན་འགྱུར་མེད་གནད་ལ་ཕེབས། །ཕྱོགས་མེད་རིག་པ་ཁ་ཡན་གྱིས། །མཐར་འཛིན་སྤྲོས་པ་ཀུན་བཅད་ནས། །དགག་སྒྲུབ་མེད་པར་ཡེ་ནས་མཉམ། །ཡུལ་སེམས་རིས་སུ་མི་འབྱེད་པས། །ཡུལ་མེད་རིག་པ་རང་ཤར་གྱིས། །གཏན་ཚིགས་ཞེན་པའི་གཏིང་ཕྱུང་ནས། །རྒྱུ་འབྲས་མེད་དོ་ཆོས་ཉིད་ཆེ། །དེ་ལ་ཕྱོགས་སུ་…

སངས་རྒྱས་ཡིན་པའི་ཕྱིར། །སྙིང་རྗེའི་ཡུལ་དང་གནས་མི་དམིགས། །མི་རྟོག་ཀློང་ཡངས་ཆོས་སྐུ་དེ། །བལྟས་པས་མི་མཐོང་བཞག་པས་གསལ། །ཐམས་ཅད་ཀུན་ལ་གསལ་བའི་ཕྱིར། །ཤར་ནུབ་མེད་པར་གདོད་ནས་གནས། །ཐམས་ཅད་ཀུན་ལ་ཁྱབ་པའི་ཕྱིར། །ལྷུན་གྱིས་གྲུབ་པར་ཡེ་ནས་གནས། །གང་ལ་རྟོག་པ་མེད་པའི་ཕྱིར། །མཚན་མའི་ཆོས་ལས་ཡེ་ནས་འདས། །ཐམས་ཅད་སྙིང་པོ་བ…

ངན་བྱེ་བྲག་འབྱེད་པ་ནི། །འདི་ཀུན་རང་བཞིན་འཁྲུལ་པའི་བློ། །བྱང་ཆུབ་སེམས་ལ་དབྱེ་བ་མེད། །སྟོང་ཉིད་སྙིང་པོའི་ཀློང་ཆེན་འདི། །སྐད་ཅིག་རྟོགས་པ་ཙམ་གྱིས་ཀྱང་། །བྱང་ཆུབ་ཀློང་དུ་དེར་སོན་པས། །མཚན་མའི་ཆོས་ལ་རག་མི་ལུས། །སྟོང་པའི་ཆོས་ལ་བློ་མི་གནས། །ཅིར་ཡང་མེད་ལས་གར་ཡང་སྣང་། །མཐོང་བ་མེད་པར་ཀུན་ཏུ་གསལ། །བརྟགས་ན་མ་རྙེད…

རྒྱན་དུ་རྫོགས། །དགེ་བའི་བསམ་གཏན་དུས་ཚིགས་དང་། །སྤྱོད་ཡུལ་ངོ་ལ་སྣང་བའི་ཆོས། །དངོས་པོ་ཀུན་གྱི་རང་བཞིན་ཀྱང་། །བྱང་ཆུབ་སེམས་ཉིད་དེ་ཡི་རྒྱན། །ཐམས་ཅད་རྒྱན་ལྡན་ཡོངས་རྫོགས་པས། །རྫོགས་པ་ཆེན་པོ་དབྱེར་མེད་ཆོས། །ལ་ལ་ཡིན་ལ་ལ་ལ་མིན། །ཀུན་ཀྱང་འདྲ་བར་ཡོངས་རྫོགས་པས། །འོག་མས་བགྲངས་པའི་བྱེ་བྲག་མེད། །སྐྱེ་བ་མེད་པའི་ཆོས…

རྒྱས་ཞིང་སྟེ་སྐྱེ་བ་མེད། །སྐྱེ་མེད་སྣ་ཚོགས་ཀུན་གྱི་བདག །ཡེ་ནས་ཡིན་པས་ཀུན་མ་སྐྱེས། །མ་སྐྱེས་པ་ཡི་ཆོས་ཉིད་ལ། །རྒྱུ་རྐྱེན་གཉིས་སུ་གང་བལྟ་བ། །འདུས་མ་བྱས་ལ་རྒྱབ་ཀྱིས་ཕྱོགས། །ཡང་དག་དོན་ལ་སྒྲོ་སྐུར་བཏབ། །རང་གིས་རང་བསླུས་སྙིང་རེ་རྗེ། །འདི་ནི་སངས་རྒྱས་ཞིང་ཁམས་ཏེ། །བདེ་བ་ཅན་ནི་ལོགས་ན་མེད། །ཅི་སྟེ་སྡུག་བསྔལ་མ་…

ཁམས་གསུམ་མིང་དུ་བཏགས་པ་ཡི། །སེམས་ཅན་མ་ལུས་ཐམས་ཅད་ཀྱི། །ཤ་རུས་བསགས་ཀྱང་མཁར་མི་ཤོངས། །སྐྱེ་མེད་དབྱིངས་སུ་གྲོལ་བས་ན། །འགྲོ་བའི་ལམ་ཆེན་མཁའ་ཡི་དབྱིངས། །ནམ་མཁའི་ངང་ལ་ཀུན་སྤྱོད་པས། །འགག་པ་མེད་པར་ཤར་བ་ཡིན། །རང་བྱུང་རང་ཞི་སྐྱེ་འགག་མེད། །ཆིག་ཆོད་ཡིན་པས་འཇུག་ལྡོག་མེད། །འོ་ན་འདི་ལྟར་སྣང་བ་འདི། །རྒྱུ་རྐྱེན་ཅི་ལས…

འབྲས་མེད་པའི་དོན་ལས་ལོག །རྒྱུ་འབྲས་གཅིག་པའི་ཆོས་ཉིད་དེ། །རྒྱུ་ཉིད་འབྲས་བུ་རང་སྣང་བས། །རྒྱུ་ལ་ཞེན་དུ་མེད་པ་སྟེ། །མ་ཞེན་འབྲས་བུ་དེར་རྫོགས་པས། །ཡུལ་ལ་བརྟེན་ཀྱང་མི་དགོས་ཏེ། །གནས་ལ་བཙལ་བའི་ཡུལ་དང་བྲལ། །ཐབས་དང་ཐབས་ལས་བྱུང་བ་ཡི། །རྒྱུ་མཚན་ཐད་ཀའི་འབྲས་བུ་དེ། །ཐབས་ལས་བྱུང་ཕྱིར་རང་བྱུང་མིན། །རང་བྱུང་ཐབས་ལ་མི་…

པ་དང་། །མཚན་ཉིད་ཐ་དད་ཤར་བ་དང་། །ཡོན་ཏན་ཕྱོགས་མེད་འབྱུང་བ་དང་། །སྤྲུལ་པ་ཅིར་ཡང་འགྱེད་པ་དང་། །མཁྱེན་པའི་གཟིགས་ཚུལ་ཅིར་སྣང་ཡང་། །སྐྱེ་འགག་མེད་པ་དེ་ཡི་མཐུ། །ཀློང་ཆེན་ཆགས་མེད་རང་གི་རྩལ། །སྐྱེ་མེད་ཆོས་སྐུའི་ཀློང་ཆེན་དེས། །འཁོར་འདས་ཀུན་ལ་རྒྱས་བཏབ་པས། །རང་བཞིན་མེད་པར་སྤྱོད་པ་དང་། །ཆགས་པ་མེད་པར་གནས་པ་དང་། །ཆ…

སྐྱེ་གནས་བཞི་ཡི་སྒོ་བཀག་སྟེ། །སྐྱེ་འགག་མེད་པའི་ཀློང་དུ་གྲོལ། །ཡེ་ནས་གྲོལ་བ་རྒྱུན་མི་འཆད། །དེ་ལས་ཆེར་རྒྱས་རྟོག་པ་ཡིས། །མི་རྟོག་བསྒོམ་པའི་གཉེན་པོ་བསྟེན། །ལམ་ལ་ཕྱོགས་འཛིན་འཕྲང་ལ་ཚུད། །མེད་པའི་དོན་ལ་ནན་གྱིས་རྩོལ། །རྒྱུ་འབྲས་དོན་ལ་སྒྲོ་སྐུར་འདོགས། །ལུས་ངག་ཡིད་གསུམ་རྩོལ་བས་བཅིངས། །གཞན་ནས་ཚོལ་བ་ནོར་པའི་ལམ།…

ངང་། །འདུ་འབྲལ་མེད་པར་དེ་ན་བཞུགས། །དེ་ལ་འཕེལ་འགྲིབ་མེད་པས་ན། །ཁམས་གསུམ་གནས་པའི་སེམས་ཅན་ཀུན། །སྐད་ཅིག་མ་ཡི་ཆོད་ཙམ་ལ། །དུས་གཅིག་དག་ཏུ་སངས་རྒྱས་ཀྱང་། །དེ་ལ་མང་དུ་གྱུར་པ་མེད། །སེམས་ཅན་ཉུང་དུ་མི་འགྲོ་སྟེ། །རྒྱུ་རྐྱེན་འབྲས་བུར་གཅིག་པས་ན། །དབྲི་བསྣན་འཕེལ་འགྲིབ་མེད་པར་གནས། །རྒྱུ་རྐྱེན་འབྲས་བུར་བཏགས་པ་ཡང་། །…

པར་མི་ནུས་པས། །རྒྱུ་འབྲས་ཆད་ཕྱིར་འབྲས་མི་འགྲུབ། །བསྐྱེད་བྱ་སྐྱེད་བྱེད་མེད་པས་ན། །རྒྱུ་འབྲས་བདེན་པར་ཡོད་མི་འགྲུབ། །དེས་ན་རྒྱུ་འབྲས་གློ་བུར་ཆོས། །རང་བྱུང་དོན་ལ་རྒྱུན་ཆད་མེད། །སྐུ་གསུམ་རྒྱུན་ཆད་མེད་པ་ལ། །ཡོན་ཏན་རྒྱུན་ཆད་མེད་པར་འབྱུང་། །ཉོན་མོངས་ཡེ་ཤེས་དབྱེར་མི་ཕྱེད། །མ་ཤེས་པ་ལ་ཁམས་གསུམ་སྟེ། །དེ་ཤེས་པ་ལ…

ཡིན་ཏེ། །དག་པར་བྱེད་པ་སེམས་ཀྱི་ཀློང་། །ཀློང་ཡངས་ནམ་མཁའི་ཆོ་འཕྲུལ་ནས། །བྱིན་རླབས་ཆར་བཞིན་བབས་པ་དང་། །ཡོན་ཏན་སྤྲིན་བཞིན་འཐིབས་པ་དང་། །དེ་ཡི་བྱིན་རླབས་དེ་ལ་སྣང་། །མཚན་མ་མེད་ལས་དངོས་པོར་འགྱུར། །མེད་པའི་དོན་ལས་སྣང་བ་ཡིས། །དབྱིངས་དང་སྣང་སྲིད་ཆོ་འཕྲུལ་ཀྱང་། །མ་ངེས་རོལ་པར་ཤར་བའི་ཕྱིར། །སྟོང་ཉིད་གསང་སྒོ་འབྱེ…

ཆོས་ཀྱི་དབྱིངས། །སྡུད་པར་བྱེད་པ་ཆོས་ཀྱི་དབྱིངས། །སྤྲོ་བསྡུ་མེད་པ་ཆོས་ཀྱི་དབྱིངས། །དབྱིངས་ལས་ཐབས་བཞེངས་རྒྱལ་བའི་སྐུ། །མི་བརྗེད་གཟུངས་ལས་གྲུབ་པ་ཡིན། །ཡེངས་དང་དྲན་པ་མེད་པས་ནི། །བཏང་སྙོམས་ཆེན་པོ་ཡུམ་གྱི་མཁའ། །ཀུན་ཏུ་བཟང་མོ་ཉིད་ཀྱི་ཀློང་། །ཁམས་གསུམ་སེམས་ཅན་ཐམས་ཅད་ཀྱི། །མར་བཏགས་ཀུན་ཏུ་བཟང་མོ་སྟེ། །བསྐྱེད་…

རྟོག་པ་མེད་དེ་རང་སར་གྲོལ། །གཅིག་ལ་གཅིག་ལྟོས་མེད་པའི་ཕྱིར། །མཐའ་ཡི་གོལ་ས་གཏན་མེད་དེ། །མཐའ་རྣམས་མ་སྤངས་རང་གྲོལ་བས། །གང་ཡང་མ་བཀག་རྫོགས་པ་ཆེ། །ཡངས་སོ་ཆེའོ་སེམས་ཀྱི་ཀློང་། །འདུ་འབྲལ་མེད་དོ་དབྱིངས་ཀྱི་རྒྱན། །འདི་གཞན་ཡུལ་ལ་མ་གཡོས་པས། །གཞན་དུ་གནས་པའི་ས་མེད་སྟེ། །རྟེན་མེད་གཅིག་ལས་ཀུན་འབྱུང་བས། །རྨད་བྱུང་བསམ་…

གནས། །ངོ་བོ་ཡེ་ནས་མ་སྐྱེས་པས། །དོན་ལ་དམིགས་པའི་མཐའ་དང་བྲལ། །ཡུལ་སེམས་གཅིག་ལ་གཅིག་སྣང་ཀྱང་། །རང་ལ་སྣང་ངོ་གཞན་མེད་པས། །གཞན་དུ་གསལ་བ་མ་ཡིན་ཏེ། །ཆོས་སྐུ་རང་སྣང་ཀློང་དུ་གསལ། །མེད་ཅེས་བརྟགས་པའི་ཐ་སྙད་ཀྱང་། །དོན་ལ་མེད་པ་མ་ཡིན་ཏེ། །སྣང་གྲག་ཆོས་ཀུན་རང་ལ་འཆར། །འཁོར་འདས་ལམ་པས་བསྡུས་པའི་ཆོས། །རང་ལས་ཤར་ཞིང་རང་ལ་…

གསུངས་པ། ནམ་མཁའ་ལྟ་བུའི་རང་བཞིན་ལས། །འཇའ་ཚོན་སྤྲིན་ཚོགས་གློ་བུར་བ། །རྒྱུ་རྐྱེན་མེད་པས་ནམ་མཁའ་དང་། །ཆོས་ཉིད་བྱ་བྲལ་ནམ་མཁའ་ལ། །རོལ་པ་འཁོར་འདས་གློ་བུར་བ། །རྒྱུ་རྐྱེན་མེད་པས་ཆོས་ཉིད་དང་། །རང་ལས་རང་བཞེངས་ཀོག་ལངས་ཏེ། །རང་ལས་རང་བྱུང་ཐོག་བབས་པས། །ཇི་ལྟར་ཤར་ཀྱང་ཤེས་བྱའི་བབས། །དེ་ལས་གང་ཡང་མེད་པའི་ཕྱིར། །ཡོད་མ…

མེད་པ་རུ། །སྐད་ཅིག་འདུ་འབྲལ་མེད་པའི་ཕྱིར། །བསམ་གཏན་ཆེན་པོ་བདེ་ལ་གནས། །བདེ་ཆེན་ཀློང་ན་འབྱམས་པའི་ཕྱིར། །ཀློང་འབྱམས་ཆོས་སྐུའི་བསམ་གཏན་ཡིན། །ཅིར་སྣང་དེ་ལས་མ་གཡོས་པས། །སྣང་བ་རྒྱས་འདེབས་བསམ་གཏན་ཡིན། །ཉམས་མྱོང་བཞག་ས་མི་ཚོལ་བས། །ཡུལ་སེམས་རིས་མེད་བསམ་གཏན་ཡིན། །བཏང་སྙོམས་རེས་འཇོག་མེད་པའི་ཕྱིར། །འཕེལ་འགྲིབ་མེད…

ནུས་མཐུ་དང་། །བཟླས་བརྗོད་གྲངས་ཀྱི་མཐར་སྐྱོལ་བས། །རིག་འཛིན་ས་རུ་སྐྱེས་པ་ཡང་། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །སྐྱེ་མེད་ངེས་པའི་གསང་སྒོ་ནས། །སྨོན་ལམ་སྟོབས་དང་ཏིང་འཛིན་སྟོབས། །ལྷག་མཐོང་ཟུང་དུ་འདྲེལ་བ་ཡིས། །ཞིང་ཁམས་མཐའ་ཡས་རྒྱ་ཆེ་རུ། །རྒྱལ་བའི་སྲས་སུ་སྐྱེས་པ་ཡང་། །སྐྱེ་མེད་རང་ཡི…

བྱུང་ཡེ་ཤེས་སྐྱེ་བའི་རྒྱུ། །ཕྱོགས་མེད་རིག་པར་ཤར་ཙམ་ན། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །མ་སྐྱེས་རང་བྱུང་ཡེ་ཤེས་ཏེ། །རྒྱུ་རྐྱེན་ཀུན་དང་བྲལ་བའི་ཕྱིར། །ཡེ་ནས་གནས་པའི་ཆོས་ཉིད་ཡིན། །ཡོད་མེད་ཀུན་གྱི་དངོས་གཞིར་ཤར། །མཚན་མའི་གོ་ནི་ནམ་མཁས་འབྱེད། །ཆོས་ཅན་གོ་ནི་ཆོས་ཉིད་འབྱེད། །སྣང་བའི་ག…