རང་ལས་བྱུང་བའི་ཕྱིར། །རང་གི་འབྲས་བུ་རང་གིས་བསྒྲུབ། །བསྒྲུབས་པས་གཞན་ནས་མི་འགྲུབ་ཕྱིར། །རང་གི་འབྲས་བུ་རང་གིས་གྲུབ། །བདག་གཞན་གཉིས་སུ་མེད་པའི་ཕྱིར། །རང་གི་འབྲས་བུ་རང་གིས་གྲུབ། །ཡོན་ཏན་རང་ལ་རྫོགས་པའི་ཕྱིར། །རང་གི་འབྲས་བུ་རང་གིས་གྲུབ། །གཉེན་པོ་གཞན་ན་མེད་པའི་ཕྱིར། །རང་གི་འབྲས་བུ་རང་གིས་གྲུབ། །བསྒྲུབ་པར་བྱ་…

ཆོས་ཉིད་ཀློང་ཡངས་དཀྱིལ་འཁོར་དུ། །མ་འགགས་རོལ་པའི་ལྷ་བཀོད་དེ། །འཁོར་འདས་གཉིས་ཀྱི་རྫས་བསོགས་ནས། །དབྱེར་མེད་དོན་གྱི་བསྒྲུབ་པ་བྱ། །རང་བཞིན་ལྷུན་གྲུབ་དཀྱིལ་འཁོར་དུ། །སྐྱེ་མེད་དབྱིངས་ཀྱི་ལྷ་བཀོད་ནས། །སྣ་ཚོགས་སྣང་བའི་རྫས་བསོགས་ཏེ། །དམིགས་སུ་མེད་པའི་བསྒྲུབ་པ་བྱ། །བྱང་ཆུབ་སེམས་ཀྱི་དཀྱིལ་འཁོར་དུ། །ཆོས་སྐུ་བདེ་…

སུ་རྫོགས་པ་ཡིས། །དེ་ཡིས་ཡོན་ཏན་སྟུག་པོ་བཀོད། །མ་བསྒྲུབས་ལྷུན་གྲུབ་འབྲས་བུར་གནས། །རྣལ་འབྱོར་ཆེན་པོའི་སྒོར་ཞུགས་ནས། །མི་ཚེ་གསུམ་མམ་གཉིས་བསྒྲུབས་པ། །པདྨ་ཅན་ཡང་དེ་ལ་འགྲུབ། །སྐྱོན་བྲལ་ཡེ་ཤེས་ཕྱོགས་མེད་གཟིགས། །དེ་ཡི་ཡོན་ཏན་པདྨའི་སྤྱན། །མ་བསྒྲུབས་ལྷུན་གྲུབ་འབྲས་བུར་གནས། །ཡོངས་སུ་རྣལ་འབྱོར་སྒོར་ཞུགས་ནས། །མི…

ཀློང་ལ་སྤྱོད། །སྤྱད་པས་མི་ཟིན་བཞག་པས་ཟིན། །གང་ཡང་བཞག་པ་རང་ན་བདེ། །མ་སྡོད་སེམས་ཀྱི་ཀློང་ལ་བསྒྲུབ། །བསྒྲུབས་པས་མ་རྙེད་བཅལ་བ་སྟོར། །དམིགས་སུ་མེད་པའི་ཀློང་ན་བདེ། །ཇི་ལྟར་བལྟས་ཀྱང་བདེ་ཆེན་ཀློང་། །བདེ་ཆེན་ཀློང་ལ་ཡངས་དོག་མེད། །ཇི་ལྟར་བསྒོམས་ཀྱང་བདེ་ཆེན་ངང་། །བདེ་ཆེན་ངང་ལ་རྒྱུན་ཆད་མེད། །ཇི་ལྟར་སྤྱད་ཀྱང་བདེ་…

འབྲས་བུ་མེད། །འབྲས་བུ་སེམས་ཀྱི་ཆོ་འཕྲུལ་ཡིན། །མི་བསྒྲུབ་པ་ཡང་རང་གི་སེམས། །འབྱུང་བ་ལྔ་ཡང་ནམ་མཁའི་དབྱིངས། །ཕྱི་ནང་སྣོད་བཅུད་ནམ་མཁའི་དབྱིངས། །འདོད་ཡོན་རྣམ་ལྔ་ནམ་མཁའི་དབྱིངས། །ནམ་མཁའི་དབྱིངས་ཀྱང་སེམས་ཀྱི་ཀློང་། །སངས་རྒྱས་སེམས་ཅན་སེམས་ཀྱི་ཀློང་། །འཁོར་བ་མྱང་འདས་སེམས་ཀྱི་ཀློང་། །ཕྱི་ནང་སྣོད་བཅུད་སེམས་ཀྱི་…

ནུ་མན་ཆད་རང་རང་གི། །བདེན་པའི་གཏན་ཚིགས་གང་སྨྲས་ཀྱང་། །གཏན་ལ་ཕེབས་པ་མ་ཡིན་ཏེ། །འཛིན་པ་དམ་པོས་བཅིངས་པའི་ཕྱིར། །ཆོས་ཉིད་འཛིན་པ་ཀུན་བྲལ་ལ། །ཕྱོགས་སུ་ལྟ་བ་འཁྲུལ་པའི་བློ། །རོལ་པ་ཕྱོགས་མེད་འབྱུང་བ་ལ། །མཐའ་རུ་འཛིན་པ་འཆིང་བའི་བདུད། །ཡོད་པར་ཞེན་ན་རྟག་པའི་མཐའ། །མེད་པར་ཞེན་ན་ཆད་པའི་མཐའ། །རྟག་ཆད་གཉིས་སུ་བློ་ཞེན་པ…

སྣང་བར་ཤར། །འཁོར་བར་ཤར་བས་མྱང་འདས་མཐོང་། །འཁོར་བ་མྱང་འདས་གཉིས་མེད་ཅིང་། །མི་འགྱུར་ཆོས་ཉིད་སྣང་བར་ཤར། །སྔོན་ཆད་མ་མཐོང་བདག་ཉིད་མཐོང་། །ཆོས་ཅན་ཤར་བས་ཆོས་ཉིད་མཐོང་། །ཉོན་མོངས་ཤར་བས་ཡེ་ཤེས་མཐོང་། །ཉོན་མོངས་ཡེ་ཤེས་གཉིས་མེད་ཅིང་། །མི་འགྱུར་ཆོས་ཉིད་སྣང་བར་ཤར། །དེ་ལ་སོགས་ཏེ་གཉིས་ཀྱིས་བསྡུས། །ཐམས་ཅད་ཀུན་ཀྱང་མ…

རང་སར་གྲོལ་བར་ཡིད་ཀྱང་ཆེས། །བདེ་ཆེན་བས་ཀྱང་སྡུག་བསྔལ་གཙོ། །སྡུག་བསྔལ་ཞེན་ཆགས་མཚན་མ་ཡིས། །བདེ་ཆེན་ཆགས་མེད་གཏན་ལ་འབེབས། །གདམས་ངག་ཐོབ་པས་ཡིད་ཆེས་པས། །གཉིས་སུ་མེད་པར་ཐག་ཆོད་ནས། །རང་སར་གྲོལ་བར་ཡིད་ཀྱང་ཆེས། །ཆོས་ཉིད་བས་ཀྱང་ཆོས་ཅན་གཙོ། །ཆོས་ཅན་མཚན་མ་རང་རྒྱུད་པས། །ཆོས་ཉིད་སྐྱེ་མེད་གཏན་ལ་འབེབས། །ཆོས་ཅན་ཆོས་ཉ…

བྱང་ཆུབ་སེམས་སྐུ་སྐྱེ་ཤི་མེད། །དེ་ཡང་དོན་ལས་བཏགས་པ་ཡིན། །གཟུགས་རྣམས་མེད་པས་བྱང་ཆུབ་ཀློང་། །ཁ་དོག་དབྱིབས་ཀྱང་གཟུང་དུ་མེད། །མཚན་ཉིད་མེད་པས་ནམ་མཁའ་འདྲ། །ཆོས་ཀྱི་དབྱིངས་སུ་ཡེ་སངས་རྒྱས། །ཆོ་འཕྲུལ་འབྱུང་བས་ནམ་མཁའ་འདྲ། །བདག་ཉིད་ཆེན་པོར་ཡེ་སངས་རྒྱས། །གཉིས་སུ་མེད་པས་ནམ་མཁའ་འདྲ། །དེ་ཡིན་པ་རུ་ཡེ་སངས་རྒྱས། །གང་…

སྲིད་མེད་པའི་ཆོས་རྣམས་ཀུན། །རང་བྱུང་ཡེ་ཤེས་ཀློང་དཀྱིལ་དུ། །མ་རྫོགས་པ་ནི་མེད་པའི་ཕྱིར། །རྫོགས་ཆེན་ལྷུན་གྲུབ་བླ་ན་མེད། །མཉམ་པ་ཉིད་དུ་ཐག་ཆོད་པས། །ཀུན་ཀྱང་རང་བྱུང་ཡེ་ཤེས་ཉིད། །དུས་ལ་སྔ་ཕྱི་མ་མཆིས་པས། །ཨ་ཏི་དུས་གསུམ་ཆིག་ཆོད་ལ། །ཨ་ནུ་མན་ཆད་འོག་མ་ཡི། །བསྐལ་པའི་གྲངས་དང་མི་ཚེའི་གྲངས། །བརྒྱུད་ནས་འབྲས་བུ་འདོད་…

དབྱེར་མེད་རོལ་པ་རྒྱུན་མི་འཆད། །རང་བཞིན་དབྱིངས་ཀྱི་རོལ་པ་དང་། །ཐུགས་རྗེ་ཤུགས་ཀྱི་རོལ་པ་དང་། །རང་བྱུང་རང་ཤར་རོལ་པའོ། །རང་བཞིན་དབྱིངས་ཀྱི་རོལ་པ་ནི། །འཁོར་འདས་གཉིས་སུ་ཡེ་ནས་བྱུང་། །ཐུགས་རྗེ་ཤུགས་ཀྱི་རོལ་པ་ནི། །གདུལ་བྱའི་དོན་ལ་མི་འགག་སྟེ། །འགྲོ་དོན་ཕྱོགས་མེད་མཛད་པ་ཡི། །ལས་ལས་གྲུབ་པའི་སེམས་ཅན་ལ། །ཐུགས་རྗེ…

འབྱུང་། །བཙལ་དང་མ་བཙལ་མེད་པར་འབྱུང་། །བསྒྲུབས་དང་མ་བསྒྲུབས་མེད་པར་འབྱུང་། །རང་བྱུང་ཡེ་ཤེས་སྤྱོད་ཡུལ་ནི། །ཕྱོགས་མེད་རིག་པ་ཡིན་པའི་ཕྱིར། །ཅིར་སྣང་སྐྱོན་དུ་མི་བལྟ་བས། །ཕྱི་ནང་མེད་ཅིང་དངོས་པོ་བྲལ། །ཅིར་ཡང་མ་འགགས་གཟུང་དུ་མེད། །རྒྱུ་རྐྱེན་མེད་པར་རང་ཤར་བས། །འདི་འདྲར་མེད་ཅིང་བརྟག་པར་དཀའ། །གང་ལ་དགག་བསྒྲུབ་མི…

སངས་རྒྱས་སེམས་ཅན་རྟོག་ལས་འདས། །རྒྱུ་འབྲས་གཉིས་སུ་མ་ཞེན་པས། །སྔ་ཕྱི་གཉིས་སུ་རྟོག་ལས་འདས། །སྐྱོན་ཡོན་གཉིས་སུ་མ་ཞེན་པས། །ཕན་གནོད་གཉིས་སུ་རྟོག་ལས་འདས། །དགེ་སྡིག་གཉིས་སུ་མ་ཞེན་པས། །བླང་དོར་གཉིས་སུ་རྟོག་ལས་འདས། །རྟོག་མེད་ཕྱོགས་བྲལ་ཀུན་གྱི་གཞི། །གཞི་ལ་གཞི་ཡི་མཐར་མི་གནས། །མི་གནས་རང་ཤར་ཀུན་གྱི་དངོས། །རང་གི་ང…

ལྷུན་གྱིས་གྲུབ། །གང་དུ་མི་གནས་རྣམ་པར་དག །ཅིར་ཡང་འཆར་བས་ངེས་པ་མེད། །ངེས་མེད་གཅིག་གིས་ཀུན་བྱས་པས། །ཐམས་ཅད་ངེས་པ་མེད་པའི་དབྱིངས། །དབྱིངས་ཉིད་གཅིག་ལས་དེར་སྣང་བས། །འདྲའོ་འདྲའོ་མཉམ་ཉིད་ཆེ། །སངས་རྒྱས་བསྟན་པ་མ་ལུས་པ། །མཐར་ཐུག་སྙིང་པོ་འདི་ལས་མེད། །དུས་གསུམ་རྒྱལ་བ་ཐམས་ཅད་ལ། །དགོངས་པ་འདི་ལས་ཡོངས་མི་མངའ། །མཐར་ག…

དུ་མེད། །ཡེ་གྲུབ་ཡིན་ཕྱིར་བསྒྲུབ་ཏུ་མེད། །ཡེ་གྲོལ་ཆེན་པོ་ཆོས་ཀྱི་དབྱིངས། །དངོས་པོ་ཀུན་ལས་རང་བཞིན་དབེན། །དངོས་པོ་ཐམས་ཅད་སྐྱེད་པ་པོ། །ཀུན་གྱི་རང་བཞིན་འདི་ཡིན་པས། །ཐམས་ཅད་ཀུན་དང་མཚུངས་པར་སྣང་། །ངེས་པའི་དོན་ལ་ཐིག་ལེ་གཅིག །མཚན་ཉིད་འཛིན་ལ་ཐ་དད་ཤར། །ཤར་ཡང་འདིར་འདུས་འདི་ལ་སྣང་། །ཀུན་གྱི་རང་བཞིན་ཆོས་ཀྱི་དབྱི…

བས། །ཐེག་པ་ཀུན་གྱི་རྩེ་མོ་ཡིན། །ཆེ་བའི་ཆེན་པོར་རང་བཞིན་གནས། །ཀུན་ཏུ་བཟང་པོ་ཡངས་པའི་ཐུགས། །རང་གི་སྟོབས་ཀྱིས་གནས་པའི་ཕྱིར། །ཐེག་ཕྲན་ཐམས་ཅད་ཟིལ་གྱིས་གནོན། །དེ་ལྟར་རིག་པ་རང་གི་སྟོབས། །མཉམ་པའི་ཀློང་ལས་གོ་བཟློག་སྟེ། །ཀློང་ཆེན་གཅིག་ལ་རྟོགས་མ་རྟོགས། །གྲོལ་དང་མ་གྲོལ་གཉིས་མེད་མཉམ། །མཉམ་ཉིད་ཅིར་ཡང་འཆར་བས་ཆེ། །…

ཐོགས་པ་མེད་པ་རུ། །མ་ལུས་ཀུན་ལ་འཇུག་པ་ནི། །བྱར་མེད་རླུང་ཞོན་དོན་རྟོགས་ཀྱི། །རྣལ་འབྱོར་ཀུན་གྱི་སྤྱོད་ཡུལ་ཏེ། །བློ་ཆུང་ཤེས་རབ་ཐེག་དམན་པའི། །གང་ཟག་ཀུན་ལ་མི་རིགས་པ། །ཨ་ཏིར་རིགས་པར་སྟོན་པ་དེ། །འབྲས་བུ་ཡེ་གྲུབ་ཆེན་པོའི་གནད། །སྐྱེ་མེད་དབྱིངས་ལས་མ་གཡོས་པར། །སྐྱེ་བའི་ཆོ་འཕྲུལ་འབྱུང་བ་ལ། །རྒྱུ་འབྲས་མཚན་མར་འཛིན…

རེ་དོགས་ཆོད། །རེ་མེད་དོགས་མེད་མཁའ་དང་མཉམ། །ཡངས་སོ་ཆེའོ་ཆོས་ཉིད་ཆེ། །ནམ་མཁའ་མཉམ་པ་རྒྱལ་བའི་ཐུགས། །སྤང་ཐོབ་མེད་དོ་ཐིག་ལེ་ཆེ། །གཅིག་གི་ཀློང་ནས་རང་ཤར་བས། །རང་སར་གྲོལ་ལོ་དབྱིངས་སུ་གྲོལ། །རྟོགས་དང་མ་རྟོགས་མེད་པར་གྲོལ། །གཉིས་སུ་མེད་པའི་ཆོས་ཉིད་དེར། །བཟང་ངན་མེད་པར་གྲོལ་བ་དེ། །འོག་མ་རྣམས་ལ་མི་སྲིད་དེ། །ཨ་ཏི་…

བྲལ་ལ། །ཕྱོགས་སུ་ལྷུང་བ་མི་སྲིད་དེ། །ཕྱོགས་སུ་འཛིན་པ་སྲིད་པའི་བབས། །ཕྱོགས་ལྟའི་མཐའ་ལ་ཞེན་པ་ཡིས། །མཉམ་ཉིད་མི་རྟོག་བདུད་དུ་འགྱུར། །ཕྱོགས་མང་གྲོལ་ལོ་རང་སར་གྲོལ། །ལྷུན་གྲུབ་ཕྱོགས་མེད་ཀློང་དུ་གྲོལ། །དངོས་མཚན་མེད་པའི་ཆོས་ཉིད་དེ། །སྟོང་ཉིད་འགག་པ་མེད་ལ་གནས། །སྣང་བར་འཆར་བར་མི་སྲིད་དེ། །ངེས་མེད་རང་ཤར་སྲིད་པའི…

ཀུན་ཏུ་བཟང་པོ་ཡངས་དོག་མེད་པའི་ཀློང་། །ཀུན་ཏུ་བཟང་མོ་སྐྱེ་བ་མེད་པའི་དབྱིངས། །སྐྱེ་མེད་འགག་མེད་ཆོ་འཕྲུལ་འབྱུང་བའི་གཏེར། །སྐུ་གསུམ་སངས་རྒྱས་འགྲོ་དོན་མཛད་པའི་གནས། །ཁམས་གསུམ་སེམས་ཅན་སྒྲོལ་བར་བྱེད་པའི་ལམ། །རྣམ་དག་ལམ་ཆེན་ཀུན་གྲོལ་དགོངས་པའི་ཕུགས། །ཉི་ཟླའི་འོད་བཞིན་ཀུན་ཏུ་ཁྱབ་པར་གསལ། །བརྟགས་ན་མི་རྙེད་བཞག་ན་ས…