རྒྱ་གར་སྐད་དུ། ཛྙཱ་ན་གུ་ཧྱ་དཱི་པ་རཏྣ་པ་དེ་ཤ་ཏནྟྲ་ནཱ་མ།བོད་སྐད་དུ། ཡེ་ཤེས་གསང་བའི་སྒྲོན་མ་རིན་པོ་ཆེ་མན་ངག་གི་རྒྱུད་ཅེས་བྱ་བ།བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡེ་ཤེས་ཀྱི་སྙིང་པོ་བཅོམ་ལྡན་འདས་རྡོ་རྗེ་འཆང་གསང་བ་མཆོག་…

༼འདི་ནས་མ་འབྲིག་མེད།༽རིན་པོ་ཆེ་མན་ངག་གི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །དེ་ནས་ཡང་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །ཀྱེ་ཧོ་གསང་བའི་བདག་པོ་ལགས། །ཆོས་ཉིད་མཚོན་པས་རྟོགས་འདོད་པའི། །སློབ་དཔོན་སློབ་མའི་མཚན་ཉིད་ནི། །གསང་བའི་བདག་པོས་བཤད་དུ་གསོལ། །ཞེས་གསོལ་ཏོ། །གསང་བའི་བདག་པོས་བཀའ་སྩལ་པ། ཀྱེ་སེ…

༼འདི་ནས་མ་འབྲིག་མེད།༽ཟག་བཅས་ལྷ་ཡི་དབང་བསྐུར་ན། །ཐུན་མོང་དངོས་གྲུབ་ཕྲ་མོ་འབྱུང་། །འཇིག་རྟེན་ཆོས་ལ་དབང་བསྒྱུར་བས། །རང་ལུས་ལྷ་རུ་ཕྱག་རྒྱ་ཤེས། །སྐྱེ་མེད་རིག་པའི་དབང་བསྐུར་ན། །རང་ལུས་མ་སྐྱེས་དངོས་གཞི་མེད། །སེམས་ཀྱི་དཀྱིལ་འཁོར་འོད་གསལ་བས། །རྡུལ་ཚོན་རྫས་ལ་རག་མ་ལས། །དབང་ཐོབ་བྱིན་བརླབས་རྟགས་རྣམས་འབྱུང་། །རང་…

དག་ལ་བརྟན་བྱས་ནས། །མི་དམིགས་པ་ནི་རབ་ཏུ་སྐྱེ། །མི་དམིགས་པ་ལ་གོམས་བྱས་ནས། །དམིགས་མེད་ངོ་བོ་ཉིད་དུ་གྲུབ། །མ་ཟིན་ཟིན་ཕྱིར་སྣང་བཞི་བསྒོམ། །ཟིན་པ་བརྟན་ཕྱིར་གོམས་པར་བྱ། །འཛིན་མེད་རང་གསལ་རྟེན་མི་འཆའ། །ཟང་ཐལ་རིག་པ་རྗེན་པར་བཞག །བརྟན་པ་བོགས་དབྱུང་ལ་བཟླ་བས། །རང་སེམས་དག་པ་ཆོས་སྐུ་ཡིན། །རང་བྱུང་ཡེ་ཤེས་མཐའ་ལས་འདས།…

ཤེས་པ་མི་འགྱུར་བཀྲིར་མི་བཏུབ། །ཤེས་པ་བྱིང་བར་གྱུར་པའི་ཚེ། །འཕྲོ་འདུའི་ཐབས་ཀྱིས་ཞི་བར་འགྱུར། །ཤེས་པ་རྒོད་པར་གྱུར་པའི་ཚེ། །འགྱུ་བ་དལ་བུས་བདའ་བ་ནི། །རྗེས་ནས་བཅུག་པས་རང་སར་ལྡོག །དཔེར་ན་རྐུན་པོ་ཚོར་མ་ཐག །མ་བསྐྲད་རང་བཞིན་དེངས་པ་བཞིན། །སེམས་ཀྱི་རང་བཞིན་ཆོས་ཉིད་ལ། །རང་བཞིན་གསལ་བར་ངང་གིས་ཞོག །དེ་ལྟར་རྟོགས་པའ…

བདུད། །ལས་དོན་འདྲེལ་བ་གྲོགས་ཀྱི་བདུད། །ཐེ་ཚོམ་སྐྱེས་ན་ཉམས་ཀྱི་བདུད། །ཐབས་ཀྱིས་མ་ཟིན་ཤེས་རབ་བདུད། །བར་ཆོད་བགེགས་རྣམས་སེམས་ཤེས་པས། །བདུད་ཀྱི་གེགས་སེལ་ཉམས་ལ་ཕན། །ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། བདུད་ཀྱི་ངོས་བཟུང་བསྟན་པའི་ལེའུ་སྟེ་ལྔ་པའོ།། །དེ་ནས་ཡང་རྡོ་རྗེ་སེམས་དཔས་ཞུས་པ། ཀྱེ་ཧོ་གསང་བ…

ཡེ་ཤེས་གསལ། །གནས་ལུགས་ངང་ལས་མ་གཡོས་པས། །དཔེར་ན་གསེར་གླིང་ཕྱིན་པ་འདྲ། །དགོངས་པ་རྡོ་རྗེ་འཆང་དང་མཉམ། །དེ་ཉིད་གསལ་ལ་མ་ཞེན་ན། །ཡང་དག་དོན་ལ་གནས་པ་ཡིན། །ཆགས་སྡང་གཏི་མུག་དབང་གིས་ནི། །རྒོད་ཅིང་བྱིང་བ་བྱུང་བའི་ཚེ། །ཕྱི་ནང་གསང་བ་གསུམ་པོ་ལ། །སེམས་གཏད་དེ་ནི་ཞི་བར་འགྱུར། །ཁམས་བདེ་ཐུན་ནི་རིང་བར་བྱ། །མི་བདེ་ཐུན་བཞི…

སྒྲིབ་པའི་ཕུང་པོ་བསལ་བར་བྱེད། །དགའ་བདེ་སྡུག་བསྔལ་བྱུང་ཆེ་ན། །བཏང་སྙོམས་ཆེན་པོའི་ངང་བཞག་པས། །ངེས་དོན་བདུད་རྩིའི་སྨན་ཆེན་འདིས། །ཉོན་མོངས་ནད་རྣམས་ཞི་བར་མཛད། །ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། མ་རིག་པའི་ནད་རྣམས་བསལ་བའི་ལེའུ་སྟེ་བདུན་པའོ།། །དེ་ནས་ཡང་སེམས་དཔའ་རྡོ་རྗེས་ཞུས་པ། ཀྱེ་ཧོ་གསང་བའི…

བུ་ཕུན་སུམ་ཚོགས་པ་ཡིན། །མཐོང་བའི་ཆོས་ལ་བློ་མི་གཞག །སྟོང་པ་ལ་ཡང་དེ་བཞིན་ནོ། །སེམས་ཉིད་དྲང་པོར་བཟུང་དུ་མེད། །ངེས་པར་རང་ལ་ཞེན་ན་འཆིངས། །འདི་ལ་ཆགས་པ་འགའ་ཡོད་ན། །རང་གིས་བཅིངས་པའི་སྲིན་བུ་བཞིན། །འབྲས་བུ་མེད་པར་བརླག་པར་འགྱུར། །དེ་བས་སངས་རྒྱས་ཐོབ་འདོད་པས། །རང་གི་སེམས་ཀྱི་རྩད་བཅད་སྟེ། །བསམ་མེད་ཡེ་ཤེས་སྣ་རྩེ་…

ཐུག་ཕྲད་གདམས་ངག་ནི། །དཔེར་ན་དར་ཡའི་སྨན་བཞིན་དུ། །རེག་པས་ནད་རྣམས་ཞི་བར་བྱེད། །དེ་བཞིན་ཡེ་ཤེས་བདུད་རྩིས་ཟིན། །སེམས་ཅན་ལུས་ལ་བུཌྜྷའི་ཐུགས། །སེམས་གནས་པ་ཡི་མན་ངག་ནི། །རུས་སྦལ་འཁར་གཞོང་བཞག་པ་བཞིན། །ཡན་ལག་འཁུམས་པས་བཟུང་མོད་ལྟར། །དེ་བཞིན་རྣལ་འབྱོར་རྣམ་རྟོག་ཆུད། །རྣལ་འབྱོར་སེམས་ལ་དབང་བསྒྱུར་བས། །འཁྲུལ་པའི་ཤེ…

གཏང་བ་དཀའ། །ཤེས་པ་དེ་དང་འགྲོགས་འདོད་ན། །ཁམས་དང་མཐུན་པའི་སྤྱོད་ལམ་བྱ། །ཐུན་ཆེན་གོམས་པའི་རྣལ་འབྱོར་བྱ། །སློབ་མའི་ཏིང་འཛིན་ཞན་གྱུར་ན། །བར་དུ་བསྒྲིམས་ལ་ཐ་མར་ཀློད། །དང་པོར་ཀློད་ལ་ཐ་མར་བསྒྲིམ། །ཏིང་འཛིན་རབ་ཏུ་གྱུར་པ་ན། །མ་བཅོས་སོ་མ་ལྷུག་པར་བཞག །རབ་འཛིན་སྦྱིན་ཕོར་མཛུབ་བཙུགས་འདྲ། །འབྲིང་འཛིན་འདག་པར་རྡོ་བརྒྱ…

ཐི་བྱ་ཚང་དུ་འཇུག་པ་ལྟར། །དེ་བཞིན་ཐེ་ཚོམ་མེད་པར་གཞག །བྱ་བ་བཏང་བའི་སྐྱེས་བུ་ལྟར། །ཇི་ལྟར་གནས་པ་སྡུག་བསྔལ་མེད། །བཙའ་ཐབས་རྣམ་པ་གསུམ་དུ་བསྟན། །དམུ་རྒོད་རྟ་ལྟར་བཙའ་བ་དང་། །རིན་ཆེན་གཏེར་ལྟར་བཙའ་བ་དང་། །རཱ་ཛའི་བཙུན་མོ་ལྟར་བཙའ་བའོ། །དམུ་རྒོད་བཏུལ་བ་མ་ཡེངས་ལྟར། །དེ་བཞིན་བསྒོམ་པའི་སེམས་མ་ཡེངས། །རྟོགས་པའི་དོན་ལ…

འཁོར་ལ་བསྟན་དུ་གསོལ། །གསང་བའི་བདག་པོས་བཀའ་སྩལ་པ། །ཀྱེ་སེམས་དཔའ་ཆེན་པོ་ཉོན་ཅིག །དང་པོ་ལྟ་བས་ཐག་བཅད་ལ། །བར་དུ་བསྒོམ་པས་ཉམས་སུ་བླང་། །ཐ་མ་སྤྱོད་པ་ལ་དོར་ལ། །དང་པོར་ལྟ་བས་ཐག་བཅད་ནི། །རེག་པ་རྒྱུན་ཆགས་ཐོག་མཐའ་མེད། །སེམས་ཉིད་རྒྱུ་རྐྱེན་གཉིས་ལས་འདས། །མཚན་མའི་རྣམ་རྟོག་སྐྱོན་དང་བྲལ། །བློ་དང་ལྡན་པའི་རྒྱ་བསྐྱེད་…

སྤྱོད་པས་ལ་དོར་ནི། །ཉ་མོ་ཆུ་ལས་མི་འདའ་བཞིན། །དཀར་པོའི་ཆོས་དང་བྲལ་ཐབས་མེད། །དངོས་པོའི་ཆོས་ལ་ཞེན་ན་འཁོར། །ཡང་ན་རི་དྭགས་སྒྲ་ཉན་ལྟར། །ཡང་ན་གླང་པོ་མཚོ་ཕྲད་ལྟར། །ནམ་མཁའི་མདུང་བསྐོར་འདྲ་བའོ། །གང་ལ་ཐོགས་པ་མེད་པ་ནི། །རལ་གྲི་སོ་མང་འདྲ་བ་སྟེ། །གདོང་དུ་ཅི་བྱུང་ཐམས་ཅད་གཅོད། །ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་…

གཞན་ནས་མ་བཙལ་རང་ལ་ཡོད་པ་ངོ་མཚར་ཆེ། །རང་བཞིན་མེད་པར་ཤེས་པས་འབྲས་བུ་འབྱིན་མི་ནུས། །མ་ནོར་པ་ཡི་ཐབས་ཀྱིས་ཟིན་པས་ན། །ཉོན་མོངས་ལྔ་དང་དུག་ལྔའི་རྩ་བ་བྲལ། །དཔེར་ན་རྔ་མའི་སྙིང་པོ་གཟུང་དང་མཚུངས། །སྐྱེས་བུ་དེ་ལ་བྱ་བཙལ་མེད་པ་སྟེ། །པ་ན་ས་ཡི་འབྲས་བུ་སྨིན་པ་ལྟར། །སྨིན་པར་བྱ་བའི་རྩོལ་བ་མི་བྱེད་དང་། །བྱེད་པའི་རྩོལ་བ་…

གཏད་མེད་པར་ལྟ་བའི་མཐའ་དང་བྲལ། །འཛིན་པ་མེད་པས་སྒོམ་པ་ངང་ལ་གསལ། །བླང་དོར་མེད་པས་སྤྱོད་པ་གང་ལ་བཟང་ངན་མེད། །འབྲས་བུ་སྤང་ཐོབ་མེད་པས་སྐུ་དང་ཡེ་ཤེས་གསལ། །དེ་ལྟར་རྟོགས་པའི་རྣལ་འབྱོར་པ་ལ་འཆི་བ་མེད། །ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། ཡོན་ཏན་ཡར་ལྡན་གྱི་ལེའུ་སྟེ་བཅུ་གསུམ་པའོ།། །དེ་ནས་ཡང་སེམས་དཔའ…

མོས་པའི་འཁོར་རྣམས་ལ། །རྒྱུད་ཀྱི་ཡོན་ཏན་བསྟན་དུ་གསོལ། །གསང་བའི་བདག་པོས་བཀའ་སྩལ་པ། །ཀྱེ་སེམས་དཔའ་ཆེན་པོ་ཉོན་ཅིག །རྒྱུད་རྣམས་ཀུན་གྱི་བཅུད་བསྡུས་པ། །ཡེ་ཤེས་གསང་བའི་རྒྱུད་པ་འདུས། །ཅི་སྟེ་སྒྲོན་མས་དོན་མཐོང་བ། །ཡོན་ཏན་འབྱུང་བས་རིན་ཆེན་ཡིན། །ཡོན་ཏན་བསམ་གྱིས་མི་ཁྱབ་པས། །མིང་ཙམ་བརྗོད་པས་སྟོབས་དང་ལྡན། །དག་པར་བ…

རྒྱ་གར་སྐད་དུ། རཏྣ་ཙཀྲ་ནཱ་མ་ཏན་ཏྲ། བོད་སྐད་དུ།རིན་པོ་ཆེ་འཁོར་ལོ་ཞེས་བྱ་བའི་རྒྱུད། གསང་བདག་ཆེ་ལ་ཕྱག་འཚལ་ལོ། །བསྟན་པ་སྟོན་པ་འཁོར་གནས་དུས། །ངོ་མཚར་ཆེན་པོའི་ཚིག་ལྔ་ཡིས། །སེམས་དཔའ་རྡོ་རྗེ་ལ་སོགས་ལ། །གསང་བདག་ཆེན་པོས་བཀའ་སྩལ་པ། །སངས་རྒྱས་སེམས་ཅན་གཞི་གཅིག་ཀྱང་། །ཕྱི་ནང་སྣོད་བཅུད་གཉིས་སུ་བཟུང་། །ཡེ་ཤེས་འཁྲུལ…

འཆར་སྒོ་གཉིས། །སྤྱི་ས་དེ་ལས་བྱུང་བ་ཡིན། །འཁྲུལ་པ་བཟང་ངན་ཁྱད་པར་ལས། །རྟོགས་དང་མ་རྟོགས་གཉིས་སུ་སྣང་། །གསང་བདག་ཡེ་སངས་རྒྱས་པ་ཡིན། །རྟོགས་ནས་སངས་རྒྱས་ཆོས་ཀྱི་སྐུ། །བསྒོམས་ནས་སངས་རྒྱས་ལོངས་སྤྱོད་སྐུ། །མཉན་ནས་སངས་རྒྱས་སྤྲུལ་པའི་སྐུ། །སྐུ་གསུམ་ཞིང་ཁམས་དག་ཏུ་སྣང་། །མ་རྟོགས་འཁྲུལ་པའི་ཤེས་པ་དེ། །ཀུན་གཞི་འོད་ཀ…

སྨན་དུག་མིང་དུ་མ་བཏགས་ཀྱང་། །སྨན་དུག་གཉིས་སུ་སྣང་བ་ལྟར། །ཀུན་གཞི་སྤྱི་ས་གཅིག་པ་ལས། །འཆར་སྒོ་གཉིས་སུ་ཤུགས་ཀྱིས་འབྱུང་། །སྔོན་ལ་གང་སྐྱེས་ལྡོག་བཅས་སོ། །མ་རིག་འཁྲུལ་པའི་འཆར་སྒོ་ནས། །རིག་པའི་འཆར་སྒོ་མ་ཤར་བར། །ཀུན་གཞི་འོད་ཀྱི་གཟུགས་སུ་སྣང་། །འོད་ལ་འདོད་པའི་སེམས་སྐྱེས་པས། །འདོད་ཁམས་ལྷ་རུ་ཤུགས་ཀྱིས་འཁྲུལ། །…