ཅིག །ཡེ་ཤེས་ཡེ་ཤེས་ཞེས་བྱ་བ། །ཡེ་ཤེས་ཡེ་ནས་ཤེས་པ་ཡིན། །རང་བྱུང་ཡེ་ཤེས་ཡེ་ནས་ཤེས། །ཡུལ་ལ་རྟོག་པའི་ཡེ་ཤེས་དེ། །ཡུལ་ལས་བྱུང་བས་རང་བྱུང་མིན། །ཡུལ་མེད་ཙམ་ན་གསལ་མི་བྱེད། །དེས་ན་རང་བྱུང་ཡེ་ཤེས་ཏེ། །ཡེ་ནས་ཤེས་པའི་ཡེ་ཤེས་ཡིན། །ཡེ་ཤེས་ཞེས་ནི་དེ་ལ་བྱ། །འཁོར་གྱི་སྟོན་པའི་ཡེ་ཤེས་ནི། །ཡུལ་ལ་བརྟགས་པའི་ཡེ་ཤེས་དེ། །…

རང་འབྱུང་ཡེ་ཤེས་མི་འགག་སོ་སོར་གསལ། །རང་གི་རྐྱེན་གྱིས་སྣང་བས་དོར་མི་བྱེད། །ཏིང་འཛིན་མི་རྟོག་བག་ཆགས་སོག་མི་འགྱུར། །འདི་ཡང་དུས་གསུམ་སངས་རྒྱས་དགོངས་པ་སྟེ། །གང་དུ་མི་རྟོག་འདི་ལ་སུ་གནས་ལ། །ང་ལ་མི་གནས་འགྲོ་བའི་དོན་མི་གནས། །ཆོས་སྐུ་བྱང་ཆུབ་སེམས་ལ་འདི་གནས་ཏེ། །དུས་གསུམ་སངས་རྒྱས་ཀུན་གྱི་དགོངས་པ་འདུས། །ཀྱེ་སེམ…

བཏགས། །ལ་ལས་ཡེ་ཤེས་བཞི་དང་གསུམ་དུ་བཏགས། །ལ་ལས་ཡེ་ཤེས་ལྔ་རུ་མིང་བཏགས་ལ། །ལ་ལས་དབྱིངས་དང་ཡེ་ཤེས་མིང་བཏགས་པ། །རང་འབྱུང་བྱང་ཆུབ་སེམས་ནི་གཅིག་ལ་བཏགས། །རང་འབྱུང་ང་ལ་མཐོང་ཚད་སྨྲས་པ་ཡིན། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རང་འབྱུང་ཡེ་ཤེས་བསྟན་པའི་ལེའུ་སྟེ་ལྔ་བཅུ་པའོ།། །དེ་ནས་བྱང་ཆུབ་ཀྱི་སེ…

སྒྲུབ་བཞིས། །བགྲོད་པས་རྩོལ་སྒྲུབ་འདས་པའི་སར་མི་ཕྱིན། །རང་སེམས་སྤྲོས་བྲལ་ཆོས་ཀྱི་དབྱིངས་ཡིན་པས། །སྤྲོས་བྲལ་དེ་ན་སངས་རྒྱས་ཐམས་ཅད་བཞུགས། །དེ་བས་ལམ་ལ་བགྲོད་པར་མ་བྱེད་ཅིག །རང་སེམས་མ་བསྒྲིབས་ནམ་མཁའ་བཞིན་དུ་གསལ། །དེ་ན་དུས་གསུམ་སངས་རྒྱས་ཐམས་ཅད་བཞུགས། །དེ་བས་ལམ་ལ་བགྲོད་པར་མ་བྱེད་ཅིག །རང་སེམས་མ་བཅོས་ཆོས་ཉིད་ཇ…

གྲུབ་པར་བྱ་བའི་དོན་རྣམས་ཀུན་དང་བྲལ། །དོན་ཞེས་བྱ་བའི་མིང་ཙམ་བཏགས་པ་ཡིན། །ཡང་དག་ཉིད་དུ་སངས་རྒྱས་མིང་ཙམ་ཡིན། །སངས་རྒྱས་མིང་དུ་འདོགས་པར་བྱེད་པ་ནི། །ངེས་པའི་ལུང་མིན་དྲང་བའི་ལུང་དུ་བསྟན། །ང་ལས་བྱུང་བའི་སྟོན་པ་སྐུ་གསུམ་གྱིས། །ཆོས་དང་སངས་རྒྱས་དགེ་འདུན་དཀོན་མཆོག་གསུམ། །ཡོད་པར་མིང་བཏགས་དེ་གཉན་བསྒྲུབ་པ་རུ། །ང་…

པ་ཡི་རང་བཞིན་ནོ། །ཇི་བཞིན་བཅོས་པ་མེད་པ་དེ། །སངས་རྒྱས་ཀུན་གྱི་དགོངས་པ་གཅིག །བདེ་བ་ཆེ་ལས་མ་གཏོགས་པ། །འདོད་དང་འཛིན་པ་ག་ལ་ཡོད། །མི་གནས་པ་ལ་དམིགས་པ་མེད། །མི་རྟོག་པ་ལ་འཛིན་པ་མེད། །མེད་པ་དོན་གྱི་སྙིང་པོ་དེ། །འདོད་པ་མེད་པས་ཐོབ་པར་འགྱུར། །གང་ལ་འཛིན་ཆགས་མེད་པ་དེས། །ཏིང་ངེ་འཛིན་ཏེ་འཛིན་པའི་མཆོག །ཀུན་ཟིན་ཡེ་ནས་…

ཐམས་ཅད་མེད། །སེམས་ལས་སྤྲུལ་པའི་ཆོས་ནི་སྣ་ཚོགས་ཏེ། །སྣ་ཚོགས་སྤྲུལ་པ་ཅིར་ཡང་སྣང་བ་ནི། །སེམས་ཅན་གཟུགས་དང་དབྱིབས་དང་ཁ་དོག་དང་། །ཇི་ལྟར་སྣང་བ་དེ་ལ་དད་པ་རེ། །དད་པ་དེ་ཡིས་འཐད་པའི་ཆོས་སྟོན་པ། །དེ་ནི་ཡེ་ཤེས་ཐུགས་རྗེ་སྤྲུལ་པར་བཤད། །དེ་ཡང་རང་བཞིན་ཆོས་ལ་གཡོས་པ་མེད། །སངས་རྒྱས་རང་བཞིན་ཆོས་ལ་གཡོས་མེད་པས། །དུས་གསུམ…

ཆོས་ཉིད་རྒྱལ། །རྒྱུ་འབྲས་ཅན་ལ་མི་སྨྲ་ཤིན་ཏུ་གསང་། །ནམ་མཁའ་རླུང་ཆུ་ས་མེ་སྣང་བ་ལྔ། །བྱང་ཆུབ་སེམས་ཀྱི་ངོ་བོར་ཤིན་ཏུ་རྒྱལ། །རྒྱུ་འབྲས་ཅན་ལ་མི་སྨྲ་ཤིན་ཏུ་གསང་། །ཁམས་གསུམ་དུས་གསུམ་ཐུགས་རྗེ་ཡེ་ཤེས་རྒྱལ། །རྒྱུ་འབྲས་ཅན་ལ་མི་སྨྲ་ཤིན་ཏུ་གསང་། །བྱང་ཆུབ་སེམས་ཀྱི་རང་བཞིན་ཀུན་བྱེད་ལ། །མ་ཡལ་མ་ཞི་རང་བཞིན་ཞི་བ་མེད། །…

ཡིན། །དེ་ཡིས་ཆོས་ཀྱི་དབྱིངས་དང་ནམ་མཁའི་ཁམས། །ཁམས་གསུམ་གནས་དང་སྲིད་པའི་ཆོས་བཤིག་ཀྱང་། །རང་སེམས་རང་བཞིན་གནས་པ་དེ་མི་རྙེད། །རང་གི་སེམས་ནི་ནམ་མཁའི་རང་བཞིན་ཏེ། །མཐའ་ལ་ཐུག་པ་མེད་པས་དབྱིངས་ལ་བྲི་བ་མེད། །རང་སེམས་ནམ་མཁའ་རང་བཞིན་དེ་མི་རིག །ཆོས་ཀྱི་རང་བཞིན་ཀུན་ཀྱང་དེ་ལྟ་སྟེ། །ཇི་བཞིན་པ་ལ་ཀུན་ཀྱང་བཅོས་པ་མེད། །འ…

ནི་ལྔ། ཕྱེ་བའི་མདོ་ལུང་ནི་ལྔ་བཅུ་རྩ་བདུན་པོ་འདི་གསུངས་སོ། །ཀྱེ་སེམས་དཔའ་ཆེན་པོ་དོན་འདི་ཉོན་ཅིག །ཀུན་བྱེད་རྒྱལ་པོ་བྱང་ཆུབ་སེམས་ང་ནི། །རང་འབྱུང་ཡེ་ཤེས་ཆེན་པོ་གཅིག་ལ་ནི། །རང་འབྱུང་ཡེ་ཤེས་བསྡུས་པ་ལྔ་ལས་ནི། །ཕྱེ་བའི་མདོ་ལུང་ལྔ་བཅུ་རྩ་བདུན་ཏེ། །ང་ཡི་ངོ་བོ་ལྔ་བཅུ་རྩ་བདུན་ཡིན། །དེ་ཡི་ངོ་བོ་ཇི་ལྟར་ཡིན་ཞེ་ན། …

དགོས་པ་ལྔ་ཡོད་དེ། །ཆོས་ཉིད་མངོན་དུ་ཕྱུང་བའི་མདོ་ལུང་ལ། །ཆོས་ཉིད་མངོན་དུ་མཐོང་བའི་དགོས་པ་ཡོད། །ཆོས་ཉིད་མ་ནོར་མངོན་དུ་མཐོང་བ་དེས། །ལྟ་སྤྱོད་དམ་ཚིག་ལམ་ལ་བགྲོད་མི་དགོས། །མ་ནོར་ངེས་པར་སྟོན་པའི་མདོ་ལུང་ལ། །མ་ནོར་ཡིད་ཆེས་ངེས་པའི་དགོས་པ་ཡོད། །སེམས་ཉིད་མ་ནོར་ཡིད་ཆེས་མངོན་པ་དེས། །སངས་རྒྱས་བསྒྲུབ་མི་དགོས་པའི་ད…

ངེས་པར་མིང་དུ་བཏགས་པ་མེད། །སེམས་ཞེས་བྱ་བའི་ངེས་ཚིག་བསྟན་པ་ནི། །རྒྱུ་རྐྱེན་མེད་པའི་རང་འབྱུང་ཡེ་ཤེས་དེས། །མ་འགགས་ཀུན་ལ་དབང་པོ་སྒོ་ལྔར་གསལ། །དེ་ལ་སེམས་ཞེས་བྱ་བར་གསལ་བར་བཤད། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །སྐྱེ་བ་མེད་ལས་ཆོ་འཕྲུལ་སྣང་བ་དེ། །སྣ་ཚོགས་སྲིད་པས་སྣང་སྲིད་ཅེས་སུ་བཏགས། །སྣོད་དང་བཅུད་ཅེས…

བྱེད་བྱ་མི་དགོས། །མ་བཙལ་ལྷུན་གྱིས་གྲུབ་པར་ཡིད་ཀྱང་ཆེས། །རང་འབྱུང་ཡེ་ཤེས་གཅིག་གི་ངོ་བོ་དེ། །རང་འབྱུང་ཡེ་ཤེས་ཡེ་ནས་མ་བསྒྲིབས་པས། །ཇི་ལྟར་སྣང་བའི་ཆོས་རྣམས་ཐམས་ཅད་གསལ། །ཆོས་རྣམས་ཐམས་ཅད་གཏན་ལ་འབེབས་པའི་ཕྱིར། །སྟོན་པའི་སྒྲོན་མ་ཡིན་པར་ཡིད་ཀྱང་ཆེས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མདོ་ལུ…

བག་ཆགས་སྐྱོན་ཡོན་ཀུན་དང་བྲལ། །ཡོན་ཏན་མི་ལེན་སྐྱོན་རྣམས་མི་དོར་བས། །བདེ་བ་མི་སྒྲུབ་སྡུག་བསྔལ་སྤང་དུ་མེད། །ཇི་བཞིན་པ་ལ་ཡེ་ནས་གཡོས་པ་མེད། །དེ་བཞིན་བསྒྱུར་བས་འགྱུར་བའི་ཆོས་གང་མེད། །འདོད་པས་ལེན་པས་ཐོབ་པའི་ཆོས་ཀྱང་མེད། །ཆོས་རྣམས་རང་བཞིན་འབྱུང་བའི་མཚན་ཉིད་ནི། །སེམས་ལས་རང་འབྱུང་ཡེ་ཤེས་འབྱུང་བ་འདྲ། །འདྲ་ཞེས་…

གཉིས་ལ་གནས། །དེ་བས་དང་པོར་རང་སེམས་མ་ནོར་བསྟན། །བསྟན་པས་མ་ནོར་བཙལ་མེད་ལམ་ཕྲད་ནས། །ད་ལྟ་ཉིད་ནས་མི་རྩོལ་ས་ལ་གནས། །བཙལ་དུ་མེད་པའི་ལམ་དང་དེ་ཕྲད་འགྱུར། །ཏིང་འཛིན་བསྒོམ་མི་དགོས་དང་དེ་ཕྲད་འགྱུར། །མི་རྩོལ་བདེ་ལ་གནས་པ་དེ་ཡིས་ཐོབ། །མ་ནོར་ངེས་པར་རང་སེམས་དེ་ཐོབ་པས། །མ་བཙལ་ལྷུན་གྱིས་གྲུབ་པའི་ཡོན་ཏན་ནི། །སེམས་བསྐྱ…

འདི་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །གཟུགས་ཀྱི་ཁམས་ཀྱི་ང་རྒྱལ་ཁམས་འདི་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །གཟུགས་མེད་ཁམས་ཀྱི་ཡིད་ཀྱི་ལུས་འདི་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །སྔ་རབས་འདས་པའི་སངས་རྒྱས་ཉིད་ལ་གནས་པ་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །ད་ལྟར་བཞུགས་པའི་སངས་ར…

པོ་ང་ཡིན་གྱིས། །སངས་རྒྱས་ཀུན་གྱི་མེས་པོ་གྱིས། །ཀུན་བྱེད་རྒྱལ་པོ་ང་ཉིད་ནི། །སྐུ་གསུམ་སྟོན་པའི་ཕ་ཡིན་གྱིས། །ཁྱོད་ཀྱིས་སྐུ་གསུམ་ཕ་མ་གྱིས། །དུས་གསུམ་སངས་རྒྱས་མེས་པོ་གྱིས། །སེམས་ཅན་ཀུན་གྱི་ཡང་མེས་པོ། །སྨྲ་བའི་སེང་གེ་སྨྲ་བའི་ཚེ། །ཇི་ལྟར་སྣང་བའི་ཆོས་རྣམས་ཀུན། །སེམས་དཔའ་ཆེན་པོ་ཉིད་དང་ནི། །ཀུན་བྱེད་རྒྱལ་པོ་ང…

དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་རྟོགས་པ་བཤད་པ་ཞེས་བྱ་བའི་རྒྱུད་ཕྱི་མ་འདི་གསུངས་སོ། །ཀྱེ་སེམས་དཔའ་རྡོ་རྗེ་དོན་འདི་ལེགས་པར་ཉོན། །སྟོན་པའི་སྟོན་པ་ཀུན་བྱེད་རྒྱལ་པོ་ཡི། །ང་ལས་བྱུང་བའི་སྟོན་པ་སྐུ་གསུམ་གྱིས། །སོ་སོར་འདུལ་བའི་དོན་དུ་གང་གསུངས་པ། །སྟོན་པ་རེ་དང་གནས་དང་འཁོར་དག་དང་། །བསྟན་པ་སྡུད་པ་སོ་སོ…

དུས་ཀྱང་སྐྱེ་བ་མེད་པར་རྟོགས། །དུས་གསུམ་སངས་རྒྱས་སྐྱེ་བ་མེད་པར་རྟོགས། །རྒྱུད་དྲུག་སེམས་ཅན་སྐྱེ་བ་མེད་པར་རྟོགས། །ས་ཆུ་མེ་རླུང་ནམ་མཁའ་ལྔ་པོ་ཡང་། །སྐྱེ་བ་མེད་པའི་ངང་དུ་རབ་ཏུ་རྟོགས། །ཁམས་གསུམ་སྲིད་གསུམ་སྐྱེ་བ་མེད་པར་རྟོགས། །འདོད་ལྔ་ཡུལ་ལྔ་སྐྱེ་བ་མེད་པར་རྟོགས། །དེས་ན་ཆོས་ཀུན་བྱང་ཆུབ་སེམས་ཉིད་དེ། །བྱང་ཆུབ་…

ཀུན་བྱེད་རྒྱལ་པོ་སྟོན་པའི་ལུང་མེད་ན། །དུས་གསུམ་སངས་རྒྱས་ཁམས་གསུམ་སེམས་ཅན་དང་། །མ་སྐྱེས་ལམ་ལ་ལྟ་བའི་རྣལ་འབྱོར་དང་། །ལ་དགུ་ལུང་དགུ་རྒལ་ཡང་ས་བཅུ་ཡིས། །རང་རང་དངོས་པོའི་དོན་ལ་རྟོག་དཔྱོད་པས། །མ་སྐྱེས་སྙིང་པོའི་དོན་ལ་སྒྲིབ་པའི་ཕྱིར། །རྒྱུ་འབྲས་བྲལ་བའི་བྱང་ཆུབ་སྙིང་པོ་འདི། །ཀུན་གྱི་ལྟ་བའི་དོན་འདི་རྟོགས་པ་མེ…