རྫོགས་ཆེན་རྩོལ་བསྒྲུབ་འདས་པའི་ལམ་འདི་ཡིས། །མཚམས་ཀྱི་རྒྱལ་པོ་མི་རྟོག་ཡེ་ཤེས་ཀྱིས། །བགེགས་ཀྱི་རྒྱལ་པོ་རང་གི་རྟོག་བསལ་ནས། །བྱ་བ་མེད་པའི་ལས་ཀྱི་རྒྱལ་པོ་འདི། །མི་རྟོག་ཏིང་འཛིན་མཉམ་བཞག་སྔགས་ཚིག་གོ། །བྱ་བ་མེད་པའི་ཏིང་འཛིན་ཀྲི་ཡཱ་ལ། །རྩོལ་བསྒྲུབ་འདས་པའི་སེམས་ཉིད་རྫོགས་པར་བཤད། །གཅིག་ཏུ་མ་ངེས་ཁ་དོག་རིགས་ལྔ་དང…

ཐུབ་ཉམས་པ་ཡིས། །ཏ་ལའི་མགོ་བཅད་ལྗོན་ཤིང་མི་སྐྱེ་དང་། །རྡོ་རྗེ་ཐེག་པའི་དམ་ཚིག་ཉམས་པ་ཡིས། །ས་བོན་མེས་བསྲེགས་འབྲས་བུ་གཏན་ཚིག་ཀྱང་། །རྫོགས་ཆེན་བསྲུང་དུ་མེད་པའི་དམ་ཚིག་གིས། །གཞན་དབང་མི་གཏོང་འབྲས་བུ་ཡོད་པར་སྟོན། །རྫོགས་པས་ཉམས་པའི་དབང་དུ་མི་འགྱུར་བསྟན། །བྱང་ཆུབ་སེམས་ཀྱི་མདོ་འགྲེལ་ཆེན་པོ་བཅུ་ལས། ཐེག་པ་ཡས་འབུ…

སུ་འདུས། །སེམས་ལ་གཅིག་ལས་ཡོད་མ་ཡིན། །སེམས་གཅིག་ཀུན་ཏུ་ཁྱབ་པའི་ཕྱིར། །སངས་རྒྱས་ཡེ་ཤེས་ཐུགས་ཀྱང་སེམས། །སེམས་ཅན་བག་ཆགས་ཡིད་ཀྱང་སེམས། །སངས་རྒྱས་ཉིད་ལ་མི་རྟོག་རྒྱས། །སེམས་ཅན་རང་རྟོག་བག་ཆགས་བསྒྲིབ། །རང་བྱུང་སེམས་དེ་མི་གཉིས་གཅིག །གཅིག་ཕྱིར་དུས་གསུམ་སངས་རྒྱས་དང་། །འདུས་ཚོགས་ཁྱེད་སེམས་དབྱེར་མེད་པས། །སེམས་ཉིད…

བྲག་འདིས། །ཀུན་བཟང་རྡོ་རྗེ་སེམས་དཔའི་བཀའ། །མདོ་ཡི་ཚིག་བཞི་ལྔ་བཅུ་ལྔས། །འཁོར་བ་མྱ་ངན་འདས་པའི་ཆོས། །ཐམས་ཅད་ཡོངས་སུ་རྫོགས་པར་བསྟན། །མདོ་དགུ་སེམས་ཉིད་རྫོགས་དང་བཅུ། །དེ་ཡང་གང་དང་གང་ཞེ་ན། །གཅིག་མདོ་བྱང་ཆུབ་སེམས་ཀྱི་མདོ། །གཉིས་མདོ་རྣམ་པར་བགྲང་བའི་མདོ། །གསུམ་མདོ་ཕུན་སུམ་ཚོགས་པའི་མདོ། །བཞི་མདོ་བྱེ་བྲག་འབྱེད་…

ལ་འབེབས། །བརྒྱད་པའི་མདོ་ལ་དོན་བརྒྱད་སྟེ། །ངེས་པར་སྟོན་པའི་མདོ་དག་ལས། །ངེས་པ་དག་ནི་རྣམ་བརྒྱད་ཀྱིས། །མེད་པ་བརྒྱད་དང་ངེས་པ་ལྔ། །མ་ངེས་རྣམ་པ་གསུམ་དང་བརྒྱད། །བརྒྱད་པ་གཉིས་ཀྱི་རྣམ་པ་བསྟན། །དགུ་པའི་མདོ་ལ་དོན་དགུ་སྟེ། །ཐེག་པ་ཡས་འབུབས་མདོ་དག་ལས། །བདེན་པ་དགུ་ཡི་ཚིག་དགུ་ནི། །ཡས་འབུབས་ཐེག་པ་དགུ་རུ་བསྟན། །བཅུ་པའ…

ཡིན། །སྤྲོས་མེད་དབྱིངས་ཀྱི་ཐིག་ལེ་ནི། །ཐམས་ཅད་སྡུད་པའི་བྱང་ཆུབ་སེམས། །འབྱེད་པར་བྱེད་པའི་ཐིག་ལེར་སྡུད། །བྱང་ཆུབ་སེམས་ཀྱི་ཆེ་བ་ཡིན། །དབྱིངས་ཉིད་རྣམ་དག་ཐིག་ལེ་ནི། །གཟུང་འཛིན་དག་པའི་བྱང་ཆུབ་སེམས། །སྤྲོས་པ་མེད་པའི་ཐིག་ལེར་སྡུད། །བྱང་ཆུབ་སེམས་ཀྱི་ཆེ་བ་ཡིན། །ཡེ་ཤེས་ཆེན་པོའི་ཐིག་ལེ་ནི། །མ་བསྒྲིབས་པ་ཡི་བྱང་ཆ…

ལམ་བདུན། །ཕྲ་བ་ཆོས་བདུན་རྒྱུད་འགྲེལ་བདུན། །ཐོག་ཏུ་འབེབས་པའི་ལུང་བདུན་དང་། །ལ་ཟློ་བ་ཡི་མན་ངག་བདུན། །བཅུ་ཚན་བདུན་གྱི་རང་བཞིན་འདི། །ཐེག་པ་བདུན་གྱི་ངོ་བོ་ཡིས། །གོང་མ་མ་ཤེས་བསྒྲིབ་པར་བཤད། །འོག་མའི་ལམ་ནོར་གོལ་ས་སྟེ། །གོལ་ས་བཅུ་ཚན་དྲུག་དང་ནི། །སྒྲིབ་པ་བཅུ་ཚན་དྲུག་ཡོད་དོ། །སུམ་བརྒྱ་དྲུག་ཅུའི་གོལ་སྒྲིབ་བགྲང་…

སྒྲིབ་བོ། །སེམས་དཔའ་ཆེན་པོའི་རྣལ་འབྱོར་ལ། །གོལ་སྒྲིབ་བཅུ་ཚན་གསུམ་གསུམ་སྟེ། །དེ་ཡང་རང་བཞིན་གོལ་སྒྲིབ་བོ། །གཉིས་ཀ་སྤྱོད་པའི་ཨུ་པ་ཡ། །སྒྲིབ་པ་བཅུ་ཚན་བཞིས་བསྒྲིབས་པས། །གོལ་ས་བཅུ་ཚན་གཉིས་སུ་བསྟན། །དེ་ཡང་རང་བཞིན་བཅུ་ལས་བསྟན། །བྱ་བ་དག་གི་ཀྲི་ཡཱ་ལ། །སྒྲིབ་པ་བཅུ་ཚན་ལྔས་བསྒྲིབས་ལ། །གོལ་ས་བཅུ་ཚན་གཅིག་གིས་བསྟན།…

པའི་རྒྱུ། །དེས་ན་ཡེ་ནས་རྒྱུ་ཡིས་འདྲེལ། །གང་རྒྱུ་ས་བོན་དེ་ལས་ནི། །གང་གི་འབྲས་བུ་དེ་འབྱུང་བས། །རྒྱུ་དང་འབྲས་བུར་ཡེ་ནས་འདྲེལ། །དབང་པོ་དག་ལ་ཡུལ་གསལ་བས། །མ་འགགས་རང་རྐྱེན་དག་གིས་གསལ། །དེས་ན་ཡུལ་དང་དབང་པོར་འདྲེལ། །གང་ཞིག་སྐྱེ་མེད་ཡུལ་དེ་ནི། །རིག་པ་ཐབས་ཀྱི་རྒྱལ་པོར་པོས་རྟོགས། །དེས་ན་ཐབས་དང་ཤེས་རབ་འདྲེལ། །སྤ…

གིས་ཡིན་པ་ནི། །རྣམ་པ་དྲུག་ཏུ་ཤེས་པར་བྱ། །བྱང་ཆུབ་སེམས་ཀྱི་རང་བཞིན་ཏེ། །ཡེ་ནས་ཡིན་པའི་དོན་བཤད་དེ། །ཀུན་ཏུ་བཟང་པོ་ཡིན་པ་དང་། །ཀུན་ཏུ་བཟང་མོ་ཡིན་པ་དང་། །གཉིས་སུ་མེད་པ་ཡིན་པ་དང་། །རྒྱུད་ཡིན་ལུང་ཡིན་མན་ངག་ཡིན། །རྣམ་པ་དྲུག་ཏུ་ཤེས་པར་བྱ། །ཆོས་ཉིད་བྱང་ཆུབ་སེམས་དེ་ལ། །བཟང་ངན་བླང་དོར་མེད་པའི་ཕྱིར། །ཀུན་ཏུ་བཟང…

སྦྱོར་བ་དག་པ་དང་། །འབྱེད་པ་མེད་དང་སྒྲོལ་བ་དང་། །རྫོགས་པ་ཆེན་པོའི་མན་ངག་གོ། །དེ་ཡང་ཇི་ལྟ་བུ་ཞེ་ན། །ས་ལ་སྦྱང་དུ་མེད་པ་ཡིན། །ལམ་ལ་བགྲོད་དུ་མེད་པ་ཡིན། །དཀྱིལ་འཁོར་མཐའ་དབུས་མེད་པ་ཡིན། །ལས་ལ་བཙལ་དུ་མེད་པ་ཡིན། །སྦྱོར་བ་གཉིས་སུ་མེད་པ་ཡིན། །གཅིག་ལ་དབྱེ་རུ་མེད་པ་ཡིན། །རྒྱུ་རྐྱེན་མ་བྱས་སྐྱེ་མེད་བསྒྲལ། །རྫོགས་པ…

སེམས་ལ་མཚོན་དུ་མེད། །དེས་ན་གདགས་སུ་མེད་ཅེས་བྱ། །དོན་བསྡུས་པ་ཡི་གཏན་ཚིགས་སོ། །དེ་ནས་སེམས་དཔའ་ཆེན་པོ་དེས། འདུས་པའི་ཚོགས་ཆེན་ལ་ཆོས་ཐམས་ཅད་ཚིག་དགུར་འདུས་ལ། ཚིག་དགུ་བྱང་ཆུབ་ཀྱི་སེམས་གཅིག་ལ་སྨྲས་པ། བྱང་ཆུབ་སེམས་ནི་སེམས་དཔའ་ང་ཉིད་ཡིན་པར་སྨྲས་པ་འདི་གསུངས་སོ། །ཀྱེ་འདུས་པའི་ཚོགས་ཆེན་ད་ཉོན་ཅིག །ཚིག་དགུ་བྱང་ཆུབ…

ལ་ཡོངས་སུ་རྫོགས་པའི་མདོ་ལས་དོན་གྱི་མདོའི་འགྲེལ་པ་བཅུ་པོ་འདི་གསུངས་སོ། །ཀྱེ་འདུས་པའི་ཚོགས་ཆེན་ད་ཉོན་ཅིག །ཡོངས་སུ་རྫོགས་པའི་མདོ་འདི་ནི། །རྫོགས་པ་རྣམ་པ་གཉིས་སུ་རྫོགས། །འཇིག་རྟེན་ཡོངས་སུ་རྫོགས་པ་དང་། །འདས་པ་ཡོངས་སུ་རྫོགས་པའོ། །འཇིག་རྟེན་རྣམ་པ་གཉིས་བསྟན་ལ། །འདས་པ་རྣམ་པ་བརྒྱད་ཀྱིས་བསྟན། །འཇིག་རྟེན་ལས་དང་བ…

པོ་མཚན་མ་མེད་པས་བཟུང་མི་ཟིན། །དཔེ་ནི་ཆུ་ལ་སྣང་བའི་ཟླ་བ་འདྲ། །ཆོས་སྐུ་མ་སྐྱེས་ཀུན་ཏུ་བཟང་པོ་ལས། །རོལ་པ་སྐྱེ་བའི་ཆོ་འཕྲུལ་འབྱུང་བ་ནི། །སྣང་སྲིད་མངོན་དུ་འབྱུང་བའི་ཆོས་ཉིད་དེ། །དོན་དམ་སྐྱེ་བ་མེད་པས་ཨཱ་ལིར་བཤད། །རིག་པ་མངོན་དུ་གྱུར་པའི་སེམས་ཉིད་ནི། །ཆོས་ལ་འགགས་པ་མེད་པ་ཀཱ་ལིར་བཤད། །དེ་ནི་རྫོགས་པ་ཆེན་པོའི་ར…

མར་མི་ལེན་བདག་མེད་ཅིང་། །སེམས་ཀྱིས་གང་ཡང་མི་སྤང་དོར་བ་མེད། །མི་གཡོ་མི་བསྐྱོད་མི་ལེན་མི་འདོར་བས། །འདི་ཞེས་བརྗོད་མེད་ཚིག་བྲལ་མཉམ་ཉིད་དོ། །ཞེས་བསྟན། བསྒོམ་དུ་མེད་པ་བསྟན་པ་ནི། །སྲིད་པ་འབྱུང་བ་སྣང་བ་ཡོད་པའི་ཆོས། །ཆོས་ཉིད་བྱང་ཆུབ་སེམས་ལ་སྣང་བ་མེད། །མ་བཙལ་རང་བཞིན་བཞག་པས་བསྒོམ་པའི་མཆོག །བཙལ་མེད་ཆོས་ལ་ཡོད་པར…

ཕེབས་པས་རྟོགས་པར་འགྱུར། །འགྲེལ་ལྔ་གང་དང་གང་ཞེ་ན། །ཚེག་བར་འབྲུ་ཡི་འགྲེལ་པ་དང་། །དཔེ་དོན་རྒྱུ་འབྲས་འགྲེལ་པ་དང་། །གཏན་ཚིགས་དོན་གྱི་འགྲེལ་པ་དང་། །འབྱེད་པར་བྱེད་པའི་འགྲེལ་པ་དང་། །སྡུད་པར་བྱེད་པའི་འགྲེལ་པའོ། །ཚེག་བར་འབྲུ་ཡི་འགྲེལ་པ་ནི། །ཡི་གེའི་དོན་དང་རང་བཞིན་དང་། །ཚེག་དང་ཡིག་ཤུགས་ཡན་ལག་བརྟགས། །དེ་ཡང་ཇི་ལ…

གསུམ། །དཔེ་རུ་བསྟན་པའི་འགྲེལ་པའོ། །དེ་བས་དེ་ཕྱིར་དེས་ན་གསུམ། །གང་ཡིན་དོན་དེ་དེ་མཐོང་ན། །གཏན་ཚིགས་བསྟན་པའི་འགྲེལ་པའོ། །དེ་ནས་དེ་ཡང་དེ་ལས་གསུམ། །རྒྱུ་འབྲས་བསྟན་པའི་འགྲེལ་པའོ། །དེ་ཡིན་དེ་མིན་ཡིད་ཆེས་ན། །དོན་གྱི་འགྲེལ་པ་ཡིན་པར་བཤད། །འབྲུ་དང་ཡན་ལག་གཅིག་ལ་ཡང་། །དཔེ་དོན་དེ་ལྟར་ཡོད་པས་ན། །དེ་བཞིན་འབྲུ་ལག་ཀུ…

པ་ནི། །མ་ནོར་པ་ཡི་སྙིང་པོ་འབྱིན། །ངེས་པར་གཏན་ལ་འབེབས་པས་ན། །དོན་འབྱིན་པ་ཡི་འགྲེལ་པར་བཤད། །འབྱེད་པར་བྱེད་པའི་འགྲེལ་པ་འདིར་སྐོར་ཚིག་རྐང་དྲུག་བདུན་གོང་དང་ཟློས་པས་དཔྱད་ནི། །སོ་སོ་དག་གི་ངོ་བསྟན་ནས། །སྡེ་དང་ཚན་དང་རིས་འབྱེད་པས། །ས་གཅོད་པ་ཡི་འགྲེལ་པར་བཤད། །སྡུད་པར་བྱེད་པའི་འགྲེལ་པ་ནི། །ཆོས་ཀུན་རྩ་བ་གཅིག་བསྡ…

རྒྱ་གར་སྐད་དུ། སརྦ་དྷརྨཱ་མ་ཧཱ་སནྟི་བོ་དྷི་ཙིཏྟ་སཾ་ས་ར་མཱུ་ལ་ཙྪེ་ད་ཨཱ་ཀ་ཤ་ས་མཱ་ན་ཀྵ་ར་ཏནྟྲ། བོད་སྐད་དུ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་གཅོད་པ་ནམ་མཁའ་དང་མཉམ་པའི་ཡི་གེ་མེད་པའི་རྒྱུད།

བཅོམ་ལྡན་འདས་ཀུན་རིག་རྒྱལ་པོ་ལ་ཕྱག་འཚལ་ལོ། །འདི་སྐད་རྟོགས་པའི་དུས་གཅིག་ན། །མཁའ་ཀློང་རྣམ་དག་ཆོས་ཀྱི་དབྱིངས། །ཀུན་བཟང་ཡངས་པ་སྐྱེ་མེད་ཀློང་། །ཡེ་ཤེས་ལྔ་རྫོགས་འོད་ཟེར་འཕྲོ། །རྡོ་རྗེ་སེམས་དཔའ་འདུས་མ་བྱས། །ཨེ་མ་ངོ་མཚར་རྨད་བྱུང་གཙུག །དེ་ནས་རྡོ་རྗེ་སེམས་དཔའ་ཡིས། །བཅོམ་ལྡན་འདས་ལ་འདི་སྐད་གསོལ། །ཀུན་གཞི་རྩད་ནས…