དང་ཡེ་ཤེས་ཏིང་འཛིན་བརྟག་མི་བྱ། །དམིགས་པའི་གཟའ་གཏད་ཞི་བའི་བྱང་ཆུབ་ལ། །ཡེ་ཤེས་རོལ་པས་ཆོས་ཉིད་བསྒོམ་མི་བྱ། །ཏིང་འཛིན་རོ་ལ་ཆགས་མེད་ཐིག་ལེར་དག །གར་སྟབས་རོལ་མོ་སྣ་ཚོགས་བསྒྱུར་བ་ཡང་། །ལུས་ལས་མ་གོས་གཞན་གྱི་ཡིད་སྡུད་ལྟར། །ཐབས་ཀྱི་རྒྱལ་པོ་ལུང་གི་སྙིང་པོ་འདི། །ངོ་བོ་ཉིད་ལས་མ་གཡོས་ཀུན་གྱི་འབྲས། །བསྒྲུབས་པས་གྲུབ…

པའི་སྨན་ཆེན་པོ། །ཇི་བཞིན་རང་བཞིན་གནས་པའི་སྨན་ཆེན་མ་བྱས་ན། །འཁྲུལ་རྟོག་ལམ་ལ་གནས་པའི་ཐེག་དམན་རྣམས། །དུག་གསུམ་དུག་ལྔའི་ནད་ཀྱིས་འཚོ་བའི་གླགས་ཡོངས་མེད། །ཡེ་ནས་ས་རྫོགས་ལམ་གྱི་འགྲོ་ས་གདོད་ནས་དག །གདོད་ནས་ཐོབ་ཟིན་ཐོབ་པར་བྱ་བ་ཅི་ཡང་མེད། །ཚིག་གིས་མི་ཕེབས་དབྱིབས་དང་ཁ་དོག་དབང་པོའི་སྤྱོད་ཡུལ་མིན། །བསྟན་ཅིང་བརྟག་པ…

ལ་སོགས་ཕྱག་རྒྱའི་ངོ་བོར་གནས། །ཆགས་ཡོད་ཕྱིར་ན་གནས་པ་ཡོད་མ་ཡིན། །ལྷུན་གྲུབ་སངས་རྒྱས་ཀུན་ཀྱང་རྒྱས་བཏབ་པས། །ཐམས་ཅད་མ་ལུས་ཀུན་ཏུ་བཟང་པོའི་ངང་། །ཡེ་ཤེས་སྙིང་པོ་ཕྱག་རྒྱ་ཐམས་ཅད་ཟུང་། །བླང་དོར་མེད་པའི་སྐྱེས་མཆོག་བླ་མེད་ས། །འདི་འདྲའི་དོན་ཉིད་བྱིས་པས་མི་ཤེས་ཕྱིར། །ཅི་ཡང་མི་དམིགས་གཏི་མུག་ངང་ཉིད་འདི། །འཁྲུལ་པའི་…

གསུམ་ལ་སོགས་གྲགས། །འབྱུང་བ་ལྔ་སོགས་ཐམས་ཅད་ཀུན་ཏུ་གཡོས། །གསུམ་ཤར་གསུམ་གྱིས་སྣ་ཚོགས་མ་ལུས་སྡུད། །དཀྱིལ་འཁོར་འོད་འབར་གསུམ་དུ་བསམ་ཡས་ཏེ། །ཡི་གེའི་འཁོར་ལོ་དཀྱིལ་འཁོར་ཕྱག་རྒྱར་བསྟན། །སྣ་ཚོགས་འདོད་ཡོན་མཆོག་ཏུ་རྨད་གྲགས་པ། །བྱེད་པ་གཙོ་བོར་དམིགས་པ་དེ་ལ་འདུད། །མེད་ལ་ཡོད་པར་བརྟགས་པའི་རྟོགས་པའི་རྒྱུན། །བསྐལ་པར་བ…

ཁ་དོག་དབྱིབས་མེད་མཚན་མ་རིགས་རྒྱུད་མེད། །ཡོད་མེད་མཐའ་འདས་དབུ་མ་ཡོད་མ་ཡིན། །ཕོ་མོ་མ་ཡིན་མ་ནིང་ཉིད་ཀྱང་མིན། །གང་ཡང་མ་ཡིན་གང་གི་མཐར་མི་གནས། །མཐར་ཡང་མི་གནས་ཡང་དག་མཐའ་ལས་འདས། །ཁྱུང་ཆེན་མཁའ་ལྡིང་བྱ་ལམ་རྗེས་མེད་འདྲ། །ཁྱུང་ཆེན་གཤོག་རྒྱས་མཁའ་ལ་མི་ཆགས་ཚུལ། །བསོད་ནམས་རྫོགས་པའི་ཐིག་ལེར་རྒྱུ་འབྲས་མེད། །རང་བཞིན་ལྷ…

གཅོད་མཛད་ཆེ་བའི་མཆོག །ཆོས་ཀྱི་ཆོས་ཉིད་དེ་བཞིན་ཉིད། །བཅོམ་ལྡན་འདས་ཀྱིས་བཤད་དུ་གསོལ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱིས་ཉིད་དང་དབྱེར་མེད་པའི་དཔའ་བོ་རྡོ་རྗེ་འཛིན་པ་ལ་བཀའ་སྩལ་པ། གང་ཡང་ཤེས་པར་མ་གྱུར་ཅིང་། །ཅིའང་ཤེས་པ་མེད་པ་ནི། །རྣམ་པའི་དེ་བཞིན་མ་ཡིན་དེ་མ་ཡིན། །གཞན་ནས་ཡོད་འོང་མ་ཡིན་དེ་བཞིན་ཉིད…

པ་ཆེན་པོའི་ཀློང་། །གདོད་ནས་དག་པའི་བདུད་རྩི་དེ་ལྟར་གནས། །རྣམ་རྟོག་འཁོར་བ་བཅད་པ་དེ་ཡི་ལས། །རྒྱུ་འབྲས་རོ་གཅིག་མཉམ་གནས་མཆོག་ཏུ་གནས། །གང་ནའང་མི་གནས་བྱང་ཆུབ་སེམས་ལ་གནས། །རྒྱུ་དང་རྐྱེན་ལས་མ་བྱུང་སྐྱེ་ཤི་མེད། །རང་བཞིན་འོད་གསལ་བདུད་རྩི་ཆེན་པོ་འདི། །སུ་ཡིས་རྟོགས་པས་དངོས་གྲུབ་ཆེན་པོར་གསུངས། །མཆོག་གི་དངོས་ལ་མཆོ…

ཐེག་པ་ཆེན་པོ་ལ་འཇུག་པའི་ཐབས་དང་། ཞུགས་པ་ལ་སྐྱོན་མེད་པ་དང་། བདུད་རྩི་བསྟན་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱིས་ཉིད་ལ་བརྗོད་པ། སྐྱེ་བོ་མོས་པའི་ཉོན་མོངས་དེ་ཉིད་ནི། །སེམས་ཀྱི་ཚུལ་ཁྲིམས་ཡིན་པར་ང་སྨྲ་ཞིང་། །ཆོས་རྣམས་ཀུན་གྱི་དེ་བཞིན་ཉིད་ཀྱང་དེ་ཉིད་ཡིན། །གཞན་ན་མེད་དེ་དེ་ཉ…

འཕགས་པ་རྒྱུད་ཀྱི་དོན། །ཉིད་ཀྱིས་ཉིད་ལ་བཤད་བྱས་རེ་མཛེས་མཆོག །ཡང་དག་ཉིད་ཀྱིས་ཡང་དག་ཉིད་གསུངས་པ། །ཡང་དག་ཉིད་ལ་སྣང་བའི་མཆོག་གི་དོན། །རྒྱལ་བ་ཐུབ་པ་ཁྱོད་ལ་ཕྱག་ཀྱང་འཚལ། །དཔའ་བོ་ཐར་ལམ་སྟོན་མཛད་ཁྱོད་ཉིད་ལ། །ཡང་ནས་ཡང་དུ་འདུད་ཅིང་ཕྱག་ཀྱང་འཚལ། །ཨེ་མ་ཧོ་རེ་མཛེས་ངོ་མཚར་ཆེ་བའི་དོན། །སངས་རྒྱས་གསུངས་པ་མ་ཡིན་བདག་མེད་…

རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་ཡི་གེ་མེད་པའི་རྒྱུད། རྒྱལ་པོའི་རྒྱུད་དུ་གསུངས་པ། ཡི་གེ་མེད་པ་འདི་གསུངས་པའི་ཚེ་ན། ཉིད་དང་ཐ་མི་དད་པ་རྣམས། སྔོན་མ་ཐོས་པ་འདི་ཐོས་པས་སྐྲག་པར་གྱུར་ཏེ། དེ་ནས་རྡོ་རྗེ་འཛིན་པ་ལ་སོགས་པ་འདུས་པ་རྣམས་དང་། སེམས་དཔའ་དང་།སེམས་མ་དང་། སྒོ་བ་དང་། སྒོ་མ་དང་། དམ་པའི་སྒོ་སྲུང་གཤིན་རྗེ་གཤ…

བར་བསླབ་པ་དང་། དེ་ལ་ཏ་ཀྱི་ཉིད་དུ་སྣང་། །ཁ་གསལ་བླ་བློ་ཚོགས་པའོ། །དོན་དམ་རིག་པ་སློབ་མ་ལ། །གྲོལ་བ་བདག་ཉིད་རིན་ཆེན་རིགས། །བདག་པོ་རབ་ཏུ་མཉེས་པ་སྟེ་ལེའུ་གཉིས་པའོ།། །། དེ་ནས་བདག་པོ་མཆོག་གིས། ཡེ་ཤེས་ཀྱི་རིག་པ་གསུངས་པ། །ཡེ་ཤེས་མ་བསྐྱེད་དབྱིངས་མ་བསྐྱེད། །རང་སེམས་རང་གིས་མཐོང་བ་ནི། །མཚན་མ་ཡིན་ཏེ་དོན་དམ་མིན། །བཀ…

བཞིན་སྟོང་པ་སྟེ། །སངས་རྒྱས་ཀྱིས་ཀྱང་མ་གཟིགས་ཏེ། །མངོན་སུམ་མཐོང་བ་ག་ལ་ཡིན། །གང་ཡང་མཐོང་བ་མེད་པ་ནི། །དེ་ནི་མཐོང་བ་ཆེན་པོའོ། །ཀ་ཡིས་དག་པ་ཆོས་དབྱིངས་སོ། །ཆོས་ཀྱི་འཁོར་ལོ་བསྐོར་བ་ཡང་། །སྐད་ཅིག་ཙམ་ཡང་བྱས་པ་མེད། །དེ་དོན་རྟོགས་པ་དམིགས་མེད་དོ། །ཡི་གེ་མེད་པའི་རྒྱུད་མཆོག་འདི། །དཔེར་ན་རྒྱལ་པོ་ལྟ་བུ་སྟེ། །རྒྱུད་…

རྫོགས་ཆེན་བདེ་འབྱམས། བདེ་འབྱམས་དབྱིངས་ཕྱུག་བྷ་ག་ལ། །དབྱེར་མེད་ལྷུན་རྫོགས་ཐིག་ལེའི་དབྱིངས་ཉིད་ཆེ། །བསྐྱེད་པ་མི་མངའ་ཡེ་ཤེས་རིན་པོ་ཆེ། །བྱ་བ་མེད་པ་ལྷུན་རྫོགས་ཐིག་ལེ་ཆེ། །ཐམས་ཅད་མ་བཀག་དབྱེར་མེད་བདག་ཉིད་ཆེ། །སྐྱེ་མེད་དབྱིངས་ལས་ཐམས་ཅད་སྐྱེས། །དོན་དམ་ཉིད་དུ་སེམས་དཔའ་ཆེ། །བསྒྲུབ་ཏུ་མེད་པས་ཡེ་ནས་གནས། །བཙལ་དུ…

ནམ་མཁའི་རྒྱལ་པོ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ནམ་མཁའི་རྒྱལ་པོ་ཡེ་ཤེས་

ཀྱི་སྐལ་བ་དང་ལྡན་པ་ལ། སེམས་ཆོས་ཉིད་དུ་འགྱུར་བར་ཚིགས་སུ་བཅད་དེ་གསུངས་པ། ཆོས་ཉིད་བསམ་དུ་མེད་པས་ནམ་མཁའ་ཆེ། །ནམ་མཁའི་བསམ་པ་དེ་དག་ཀུན་དང་བྲལ། །བསམ་དུ་མེད་པས་ནམ་མཁའ་དེ་དག་ཉིད། །ནམ་མཁར་མི་དམིགས་པར་ཡང་དམིགས་སུ་མེད། །ནམ་མཁའི་མཚན་ཉིད་ཀུན་ལ་རབ་འདས་པ། །མེད་པས་ནམ་མཁའ་ལ་ཡང་ནམ་མཁའ་མེད། །ནམ་མཁའ་དེ་ཉིད་བསྒོམ་དུ་མེད་…

ཐོག་མ་མཐའ་ལས་འདས། །རེ་མེད་ཐོབ་མེད་དོགས་མེད་མཐོང་བའང་མེད། །དག་དང་མ་དག་ཡེ་ཤེས་ཚིག་མཐའ་བྲལ། །ཚིག་ཏུ་འཛིན་མེད་ཡེ་ནས་ཡེ་ཤེས་བདེན། །ཚིག་དང་དུ་མར་ཞི་བས་རང་བཞིན་མེད། །འདི་ཐོས་མི་སྔངས་གང་མོས་ནམ་མཁའ་ཆེ། །དངོས་པོ་མེད་ཕྱིར་ཞི་བས་ཆགས་པའང་མེད། །ཀུན་ཏུ་ཁྱབ་པས་རྟག་པའི་ངོ་བོ་བྲལ། །རྟག་ཆད་དབྱེར་མེད་སྣང་ཐོས་ཀུན་མེད་དོ…

ཉིད་ལ་ལོག་དང་མ་ལོག་མེད། །བསམ་དང་བྲལ་བའི་སེམས་དེ་ནམ་མཁའ་ཉིད། །ནམ་མཁའ་འདྲ་བའི་སེམས་དེ་ཉིད་དང་བྲལ། །ཡོད་མེད་དབུ་མའང་མི་དམིགས་བརྗོད་མེད་ན། །ནམ་མཁའ་མི་གནས་བརྗོད་དུ་མེད་ལས་འདས། །སེམས་ལ་ཚིག་ཏུ་བརྗོད་མེད་སྐུ་ཡང་མེད། །སེམས་ཉིད་ཚིག་ལས་འདས་པས་སྦྱོར་བས་ན། །མངོན་སུམ་མི་གནས་མི་འབྲང་སྟོང་པས་དབེན། །ཡེ་ཤེས་དེ་ཉིད་བས…

རྩེ་མོ་བྱུང་རྒྱལ། བཅོམ་ལྡན་འདས་དཔལ་བདེ་བ་ཆེན་པོ་ཀུན་ཏུ་བཟང་པོ་ལ་ཕྱག་འཚལ་ལོ། །ཐམས་ཅད་མཁྱེན་པ་བདེ་བ་ཆེན་པོའི་ཐུགས། །སྣ་ཚོགས་ཀུན་ཏུ་བཟང་པོ་རྡོ་རྗེ་སེམས། །དབྱིངས་དང་ཡེ་ཤེས་འདུ་འབྲལ་མེད་པའི་སྐུ། །རྣམ་དག་བྱང་ཆུབ་སེམས་ལ་ཕྱག་འཚལ་ལོ། །སྔོན་ཚེ་འདས་པའི་བསྐལ་པའི་མཐའ་རིང་ནས། །འཁྲུལ་འཁོར་བླུན་རྨོངས་མདོངས་པའི་འགྲོ…

འབྱོར་དོན། །ལྷུན་གྲུབ་བྱང་ཆུབ་རྫོགས་ཏེ་དབང་དམ་ཅན། །བླ་མའི་མན་ངག་སྙན་ཐུགས་བརྒྱུད་པ་འདི། །དད་ཅན་རྒྱལ་རིགས་ཐུགས་དང་འདྲ་རྣམས་ཁྱེར། །སྐུ་དང་གསུང་ཐུགས་ཡོན་ཏན་ཕྲིན་ལས་ཀྱི། །ཐུགས་ཀྱི་དཀྱིལ་འཁོར་རིན་ཆེན་སྒོ་ཕྱེ་ནས། །བདེ་གཤེགས་དཔལ་གྱི་མགུར་ནས་གསུང་བསྒྲགས་པ། །གསང་སྔགས་རྣལ་འབྱོར་དབང་ཕྱུག་རྒྱལ་པོ་ཡིན། །མཉམ་སྦྱོར…

མཁའ་ལ་ལྡིང་བ་བཞིན། །ཆུ་རླུང་རི་བྲག་གྱེན་ཐུར་ཉམ་མི་ང་། །བར་སྣང་ནམ་མཁའི་ཁམས་ཀུན་ལམ་དུ་བདེ། །གང་དུ་དམིགས་པའི་ས་ཀུན་གཅོད་པར་བྱེད། །དེ་བཞིན་ཡེ་ནས་བློ་སྦྱངས་རྣལ་འབྱོར་ཐུགས། །བྱང་ཆུབ་སྙིང་པོར་འགྲོ་བའི་སྐལ་ལྡན་པོ། །སངས་རྒྱས་མངོན་དུ་གྲུབ་པའི་མན་ངག་ཅན། །བྱང་ཆུབ་སེམས་རྟོགས་ཡོན་ཏན་ཁྱད་པར་འཕགས། །བདག་དང་གཞན་དོན་ལ…