རྒྱ་གར་སྐད་དུ། བོ་དྷི་ཙིཏྟ་མ་ཧཱ་སནྟི་ཛྙཱ་ན་སཔྟཱ་ཀ་ར་ཏནྟྲ།བོད་སྐད་དུ། བྱང་ཆུབ་ཀྱི་སེམས་རྫོགས་པ་ཆེན་པོ་ཡེ་ཤེས་བདུན་འབྱུང་བའི་རྒྱུད། དཔལ་ཡེ་ཤེས་རྫོགས་པ་ཆེན་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། བཅོམ་ལྡན་འདས་རང་བཞིན་ཡེ་ཤེས་རྫོགས་པ་ཆེན་པོ།གསང་བའི་འོད་གསལ་བ་བདེ་བའི་ངང་ཉིད། ལྷུན་གྱིས་གྲུབ་པའི་བདག་ཉ…

ཡང་གསལ་བའི་རྒྱན་གྱིས་བཀླུབས་པ་ན། བཅོམ་ལྡན་འདས་རང་བཞིན་རྫོགས་པ་ཆེན་པོ་དེ། རང་བཞིན་གྱི་འཁོར་དང་།རང་བཞིན་ལ་ལྟ་བའི་འཁོར་དང་། རང་བཞིན་ཉིད་ལ་གནས་པའི་འཁོར་དང་། རང་བཞིན་མངོན་དུ་གསལ་བར་གྱུར་པའི་འཁོར་དང་ཐབས་ཅིག་གོ། །དེའི་ཚེ་ན་བརྒྱ་བྱིན་ལྷའི་དབང་པོས། གདུལ་བྱའི་དོན་ཤེས་ནས། ཕྱོགས་བཅུའི་རྒྱལ་བ་ལ་འདི་སྐད་ཅེས་བསྐུལ…

ཕྱག་ན་རྡོ་རྗེ་དེ་ཉིད་རང་གི་ཡེ་ཤེས་གསལ་བ་ཞེས་བྱ་བ་ལ་སྙོམས་པར་ཞུགས་ཏེ། རང་ཉིད་ལྟ་བུའི་འཁོར་རྣམ་པར་བཀོད་པ་ལས། རྣམ་པར་ལངས་ནས་འདི་སྐད་ཅེས་བསྐུལ་ཏོ། །རང་བྱུང་རིག་པའི་འོད་འབར་བས། །ཀུན་གསལ་ཉམས་མྱོང་བྲལ་བ་འདི། །བརྗོད་མེད་རིག་པའི་དོན་གོ་ནས། །རྩོལ་བྲལ་དོན་ལ་དགོད་དུ་གསོལ། །ཞེས་ཞུས་སོ། །དེ་ནས་སྐྱེས་བུ་དམ་པ་དེས། …

བསམ་པ་སྤངས་ཏེ་དབྱིངས་ལ་གནས། །མི་འབྱུང་མི་འཇུག་གཉིས་མེད་ངང་། །སྤྱད་མེད་དེ་ལྟར་རང་བཞིན་གཞག །བཙལ་བྲལ་ཆུ་ཡི་རང་བཞིན་ལྟར། །མ་བསྐྱེད་དེར་བཞག་དོན་གྱིས་གསལ། །དེ་ཉིད་ངེས་པའི་དོན་འདི་ནི། །བསམ་གྱིས་མི་ཁྱབ་དུས་ནས་ཤེས། །མི་ཚོལ་འོད་ཀྱི་སྙིང་པོ་ལྟར། །འདུ་འབྲལ་མེད་པར་ཡེ་ནས་རྫོགས། །དེ་ཁོ་ན་ཉིད་ཡུལ་མེད་ལ། །གཉིས་མེད་ར…

པར་དག །རྫོགས་པའི་ཡེ་ཤེས་ཀློང་དུ་ཐིམ། །མཁྱེན་བྲལ་གཏི་མུག་ཆེན་པོ་ལ། །ཤེས་དང་མི་ཤེས་ཡོངས་ཀྱིས་མེད། །རང་གསལ་ལུང་ལ་ཀུན་རྫོགས་པས། །གཉིས་པའི་ཆོས་དང་གདོད་ནས་བྲལ། །རང་བཞིན་འདུ་འབྲལ་མེད་པ་ཉིད། །ཐིག་ལེ་གཅིག་ཏུ་ཀུན་རྫོགས་སོ། །གསང་བའི་མེ་ལོང་ཐབས་ཀྱིས་ཤེས། །ཀུན་འབྱུང་ཡེ་ཤེས་ཕུང་པོ་ལ། །གསང་བའི་ཐབས་ཀྱིས་རྟོགས་གྱུར་…

ནི། །ཆུ་ལ་ཆུ་ལྟར་གསལ་བར་གནས། །མི་ཤེས་པ་ཉིད་མ་ཡིན་པས། །འབྱེད་པ་མེད་པའི་ཡེ་ཤེས་འགྲུབ། །རང་གི་ཉམས་མྱོང་ཀུན་བྲལ་བས། །བརྗོད་བྲལ་བསྟན་པ་རྒྱ་མཚོའི་མཛོད། །སྒྲ་བྲལ་རིག་པ་ཐུགས་ལ་རྫོགས། །གསལ་ལ་བསམ་དུ་མེད་པས་ན། །དམིགས་མེད་རིག་པ་རང་གསལ་ལུང་། །ཐམས་ཅད་རིག་པས་མངོན་པར་ཤེས། །བསམ་དུ་མེད་པས་འཛིན་དང་བྲལ། །ས་ལེ་དམིགས་བྲལ…

པའོ།། །།ཀྱེ་སེམས་དཔའ་ཆེན་པོ། རང་གསལ་ཡེ་ཤེས་མཉམ་ཉིད་ལ། །སྒྲ་ཚིག་བརྗོད་པའི་རིག་པ་ཡིས། །རྫོགས་པའི་ཡེ་ཤེས་མངོན་གྱུར་ན། །ཡེ་ཤེས་འོད་གསལ་ཉིད་དུ་ངེས། །མ་བསླད་རྐྱེན་བྲལ་ཉག་གཅིག་པོ། །རིམ་པ་མ་ཡིན་དུས་གཅིག་གསལ། །རྩོལ་བྲལ་རིག་པ་ཅིར་མི་དགོངས། །ཅིར་སྣང་རང་གསལ་ཉིད་ཀྱི་དབྱིངས། །མ་བཙལ་མ་སྦྱངས་ཡེ་ནས་གྲུབ། །རིག་པ་མ་བཙ…

ཀུན་རྫོགས་པའི་ངང་། །ཆེ་ཆུང་མེད་པར་ཡེ་ནས་མཉམ། །རང་བྱུང་དབྱིངས་ལས་མ་གཡོས་པར། །ཀུན་ལ་སྙོམས་པའི་ཐུགས་རྗེ་འཆར། །ཅི་ཡང་ཡིན་ནོ་གང་ཡང་རུང་། །བསལ་མེད་རིག་པའི་ངང་ལ་བཞུགས། །བརྗོད་བྲལ་མི་གནས་ཚིག་དང་བྲལ། །དེ་རྟོགས་སྒྲ་ཡི་འཁོར་ལོ་ཡིས། །རིག་པའི་ཡེ་ཤེས་འོད་དུ་འབར། །གསལ་འཛིན་མཐའ་ཡི་ཐག་པ་བཅད། །རང་གསལ་བརྡ་ཡིས་གསལ་བར་བ…

དགོངས། །རང་བཞག་དགོངས་པ་བསམ་མི་ཁྱབ། །ཡུལ་བྲལ་ཤེས་པ་འཛིན་རྩོལ་མེད། །མ་ཡེངས་བསམ་མེད་བརྗོད་བྲལ་ལུང་། །རང་གི་ཉམས་ཀྱིས་གསལ་བར་ཤེས། །དབུས་མཐའ་མེད་པའི་རིག་པ་ལ། །མི་འཇུག་བསམ་པའི་སེམས་ཀྱིས་གནས། །གང་དུའང་མི་བཞག་རྟེན་བྲལ་བས། །གཞག་ཏུ་མེད་པའི་དོན་འདི་ལ། །དེ་བཞིན་ཉིད་ལ་གོམས་པ་ཡིས། །དུས་གསུམ་མ་བཅོས་དགོངས་པས་གཞག །རྡ…

བཞག་ཐུག་ཕྲད་མཉམ་ཉིད་དེ། །རང་བྱུང་རང་གི་ཉམས་ལ་ཤེས། །རང་གསལ་མ་ཡིན་གཞན་ལས་མིན། །གཉིས་ཀས་མ་ཡིན་ཁྱད་པར་གསལ། །རང་རིག་ཡུལ་མེད་དུས་གཅིག་གསལ། །ཡིན་དང་མ་ཡིན་ཕྱོགས་མེད་ཀློང་། །ཀུན་གསལ་རིག་པའི་སྒོ་ཕྱེ་ནས། །ཡེངས་མེད་མ་བཅོས་དོན་ལ་ཞུགས། །སྙིང་རྗེ་བསམ་མེད་ཕྱོགས་སུ་བརྡལ། །ཡུལ་མེད་མ་བཅོས་དེ་བཞིན་ཉིད། །མ་བསམས་མི་གནས་ཁ…

མཁྱེན། །ཡུལ་མེད་རང་གསལ་གཅིག་གི་ལུང་། །དུ་མ་གཅིག་ཏུ་གསལ་བར་ཤེས། །ཀུན་ཀྱང་ལྷུན་གྲུབ་སྙིང་པོ་ཉིད། །དུ་མར་འཛིན་པའི་ཆོས་མི་གནས། །མི་བསམ་མི་དཔྱད་རང་བཞིན་གཞག །ནམ་མཁའི་རྡོ་རྗེ་རྣལ་འབྱོར་པས། །སྣང་སྲིད་ཐིག་ལེར་མཉམ་སྦྱོར་ཞིང་། །ནམ་མཁའ་འོད་གསལ་མཉམ་པར་མཁྱེན། །ཆགས་པ་མི་མངའ་ཞེན་པ་དག །མི་འཕྲོ་རང་གསལ་གནས་པ་དང་། །འཁོ…

རང་བཞག་རིག་པས་གསལ་བར་ཤེས། །སྒྲ་བྲལ་རིག་པའི་ཡེ་ཤེས་ཀྱིས། །མ་བཙལ་གྱིན་འདར་བཤད་པ་གོ། །མ་བཅོས་གསང་བའི་རྣལ་འབྱོར་པས། །མ་བརྗོད་རྫོགས་པའི་ཤུགས་ཀྱིས་གོ། །མི་སྤྲོ་མི་བསྡུ་གསལ་བར་གནས། །ཚིག་བྲལ་བསྟན་པ་རྒྱ་མཚོའི་མཛོད། །དབྱིངས་ལས་དབྱིངས་གསལ་སྒྲིབ་པ་མེད། །མ་བཅོས་རྫོགས་པའི་རྣལ་འབྱོར་ལ། །འདི་ཡིན་འདི་མིན་ཕྱོགས་རིས་མ…

འདམ་དུ་བཟུང་། །ཞེན་ཆགས་ལོག་པའི་མདུད་པས་བཅིངས། །ཕྱོགས་བྲལ་ཕྱོགས་སུ་བསླབ་པས་འཁོར། །ལོག་པའི་རི་བོས་མངོན་དུ་བཀག །སྤྲོས་བྲལ་འབར་བའི་ཡེ་ཤེས་ལ། །མཐའ་ཡི་ཞེན་པ་མི་གནས་ཀྱང་། །དོན་ལ་ལོག་པའི་བྱིས་པ་ཡིས། །རྣམ་རྟོག་འཁོར་བའི་ཁམས་སུ་བརྟགས། །དུད་ལ་སེར་པོར་འཛིན་པ་ལྟར། །དངོས་ལ་གནས་པ་མ་ཡིན་ཀྱང་། །ལོག་པར་མངོན་པར་ཞེན་པའི…

དེ་མ་ཐག །རང་བྱུང་བྱིན་རླབས་ངོ་མཚར་ཆེ། །གསང་བའི་མེ་ལོང་ཐབས་ཀྱི་ཚུལ། །འདུ་ཤེས་བྲལ་བས་རབ་ཏུ་བདེ། །ཡེ་ཤེས་བདུན་འབྱུང་གི་རྒྱུད་ལས། ཡེ་ཤེས་གསང་བའི་ལེའུ་སྟེ་ལྔ་པའོ།། །།ཀྱེ་སེམས་དཔའ་ཆེན་པོ། རང་བྱུང་རིག་པ་མཆོག་ཉོན་ཅིག །རྡོ་རྗེ་གསང་བ་རང་བྱུང་བ། །རྒྱུ་མེད་རྐྱེན་བྲལ་ཆོས་ཀྱི་སྐུ། །རིག་པའི་འཁོར་ལོ་བསམ་མི་ཁྱབ། །གས…

སེམས་ཀྱི་དབྱིངས། །གསང་བ་རང་བྱུང་རིག་པའི་ཀློང་། །རྫོགས་ཆེན་ཐིག་ལེ་ཇི་བཞིན་ལ། །མཉམ་པར་དགོངས་མེད་རིག་པས་གཞག །བྱུང་ཚོར་གཡོ་འགོག་ཇི་སྙེད་པ། །གསལ་མེད་རིག་པ་ཉིད་ཀྱི་གསལ། །རྫོགས་ཆེན་མ་བཅོས་དགོངས་པ་ལ། །གང་ལྟར་བཅོས་པ་ལོག་པའི་ལམ། །མ་བཅོས་རིག་པ་མཉམ་སྦྱར་ན། །སྒྲོ་བྲལ་རིག་པའི་འཁོར་ལོ་ལས། །ཐུགས་རྗེ་རིག་པའི་བྱིན་རླ…

པའོ། །བསམ་མེད་རིག་པའི་གདེང་གིས་ཞི། །སྦྱངས་པ་མ་ཡིན་གདོད་ནས་དག །མ་བགྲོད་བླ་མའི་ས་མཆོག་ནི། །དུས་གཅིག་གནས་པས་བགྲོད་དུ་མེད། །ཕྱག་རྒྱ་མི་འཆིང་སྔགས་མི་ཟློས། །ཚོགས་དང་མཆོད་པ་མི་བྱེད་དེ། །ཁ་དོག་བྲི་དང་མཆོད་པ་ཡང་། །མ་བྱས་དངོས་གྲུབ་མཆོག་ཏུ་གྱུར། །ཇི་སྲིད་རྩོལ་བའི་རྣམ་གྲངས་དགའ། །དེ་སྲིད་ལོག་པའི་གྲོང་ཁྱེར་ཏེ། །མ…

རྒྱ་གར་སྐད་དུ། མ་ཧཱ་སནྟི་དྷརྨ་ཏཱ་བོ་དྷི་ཙིཏྟ་མངྒ་ལ་ནི་ཡཱ་མ་པྲ་ཀ་ཊ་སྠོ་ཏ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར་བར་གསལ་བར་གནས་པའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཆོས་ཀྱི་དབྱིངས་ཀྱི་ངང་ཆེན་ལས། །བདེ་བར་གཤེགས་པ…

བ་རྣམ་པར་འཕྲུལ་པ་ཡིས། །མ་འགགས་ཆེ་བར་རབ་ཏུ་བཀོད། །དཀྱིལ་འཁོར་ཀུན་འབྱུང་བཟང་མོའི་མཁའ། །ཀུན་བཟང་ཆོ་འཕྲུལ་མ་འགགས་པར། །སྣ་ཚོགས་ཁ་དོག་རྣམ་གསལ་ཞིང་། །སྣ་ཚོགས་དབྱིབས་བརྒྱན་ཐ་དད་པའི། །སོ་སོའི་བྱ་རྩལ་འགག་མེད་ཆོས། །སྒྲིབ་མེད་ནོར་བུའི་མདངས་ལྟ་བུ། །ཐམས་ཅད་ཡིད་ལ་མི་གཞག་པའི། །དེ་ཉིད་གསུམ་དུ་སངས་རྒྱས་པའོ། །ཟབ་མོའི་…

མཆོག་ལྟར་མཛེས་ཤིང་། །དྲག་པོའི་ལས་སྟོབས་འཇོམས་པར་བྱེད། །མི་འཇིགས་བཞི་ལྡན་སེང་གེའི་ཚུལ། །དཔའ་བོ་ཆེན་པོ་གཞན་གནས་འཇོམས། །དམ་པའི་ལོངས་སྤྱོད་རྒྱན་བཀླུབས་ཤིང་། །དབང་བཅུས་བཙུན་མོ་ལྟ་བུར་གཤེགས། །བྱིན་རླབས་འཁོར་ལོ་བསྒྱུར་རྒྱལ་བཞིན། །སྣ་ཚོགས་ཆོས་ལ་ལོངས་སྤྱོད་རྫོགས། །ཀུན་འབྱུང་རོལ་པ་ཀུན་ཏུ་བཟང་། །ཕྱོགས་བཅུའི་སྣ…

གཞན་དོན་དུ། །ཟབ་ཅིང་རྒྱ་ཆེ་གཉིས་མེད་པའི། །རྒྱུད་འདི་བསྟན་པའི་ཚུལ་འབྱུང་བའོ། །བློ་མཆོག་བྱང་ཆུབ་སེམས་དཔའ་དག །རྒྱལ་བའི་ཡུལ་ལ་འཇུག་བྱའི་ཕྱིར། །ངེས་དོན་ཚིག་གིས་མཚོན་བྱེད་པ། །རྣམ་འཕྲོས་སྙན་ནས་སྙན་དུ་གྲགས། །སྤྱི་ཡི་སྟོན་པ་གནས་མཆོག་འཁོར། །ཁྱད་པར་རྒྱུད་ཀྱི་ཚུལ་འབྱུང་བས། །དུས་ལྡན་སྡུད་པོ་ཆེད་མ་ཏེ། །ཕུན་སུམ་ཚོ…