འདས་ཚིག་ལས་འདས་པའི་ཡེ་ཤེས་ཏེ། །དབྱིབས་དང་ཁ་དོག་དབང་པོའི་སྤྱོད་ཡུལ་དུ། །སངས་རྒྱས་ཉིད་ཀྱིས་བསྟན་ཅིང་མཚོན་དུ་མེད། །མཚོན་ཅིང་བསྟན་པར་དཀའ་བའི་རང་སེམས་དེ། །ཡོད་མེད་ཀུན་ལས་འདས་པས་བྱང་ཆུབ་སེམས། །དངོས་མེད་ཡིད་ལ་དྲན་པའི་ཡེ་ཤེས་ནི། །ཀུན་བཟང་ཉིད་ཀྱིས་མ་གཟིགས་བལྟ་བའི་མཆོག །གཟུང་འཛིན་མཐུ་བརྟས་རྣམ་སྨིན་ལུས་འདི་ལ། …

ནི་འདམ་གྱིས་གོས་པ་མེད། །ཆོས་ཉིད་བླང་དོར་མེད་པར་རྟོགས་གྱུར་ན། །ཡེ་ཤེས་རྟོག་མེད་ཉམས་པ་རྡུལ་ཙམ་མེད། །ཐུན་མཚམས་མི་བསྒོམ་རྒྱུན་གྱི་རྣལ་འབྱོར་ལ། །འཆིང་གྲོལ་སྤྱོད་པ་མེད་ཕྱིར་གོལ་བ་མེད། །རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། སྤྱོད་པ་འཆིང་གྲོལ་མེད་པར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཀུན…

གདེང་ལྡན་བལྟ་བའི་དམ་ཚིག་རྒྱུན་དུ་དྲན། །ཆེད་དུ་མ་ཡིན་ངང་གིས་དོན་གསལ་བས། །ཡེ་བསྲུངས་ཆེན་པོའི་དམ་ཚིག་ལྟ་བ་ཡིན། །ཡེ་ནས་འདུས་པའི་འཁོར་རྣམས་ཡིད་ཀྱིས་ཉོན། །ཐེག་པའི་ཁྱད་པར་ཇི་སྙེད་གྲགས་པ་དང་། །ཚུལ་ཁྲིམས་སྡོམ་དང་ཕྱི་ནང་དམ་ཚིག་ཀྱང་། །འགྲོ་བ་གདུལ་བྱ་ཇི་ལྟར་འདོད་ལ་བསྟན། །ཐ་སྙད་ཙམ་དུ་གདུལ་བྱ་ཞེས་བརྗོད་ཀྱང་། །དམ་…

དེ་ཡང་འདུས་པའི་སྙིང་པོ་ཡིད་ཀྱིས་ཉོན། །གྲིབ་མ་གཟུགས་སུ་བསྒྱུར་བ་ཇི་བཞིན་དུ། །ལྷ་དང་རྩ་བའི་ཐིག་ལེ་ཐབས་བསྒོམས་རྣམས། །མཚན་མ་ཡུལ་ལ་དམིགས་ཕྱིར་སྒོམ་པ་པོས། །དེ་ཉིད་སེམས་སུ་བློས་བྱས་ཕྱིར་ན་གོལ། །རྐྱེན་མ་ཐུབ་ཕྱིར་གནས་ལུགས་ཆོས་སྐུ་མིན། །དེ་ཕྱིར་བསྒོམས་ན་འཁོར་བའི་ནད་ཆེན་ཡིན། །རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫ…

བདེ། །དུས་གསུམ་འགྱུར་མེད་རང་རིག་ལྟ་བའི་དབྱིངས། །འདོད་དགུར་རང་ལ་ཡོན་ཏན་ཚང་བའི་ཕྱིར། །རྒྱུ་འབྲས་རང་ལ་རག་མ་ལུས་པས་ཟབ། །དཔེར་ན་མ་དྲོས་མཚོ་དཀྱིལ་མེ་འབར་བ། །ནམ་མཁའི་དཀྱིལ་ནས་བབས་པའི་ཆུ་ཡིས་ནི། །བསྐལ་པར་དེ་ལ་གནོད་པ་མི་ནུས་བཞིན། །རང་སེམས་ཆོས་ཉིད་རང་བྱུང་ཡེ་ཤེས་ལ། །འཁོར་བར་འཁྱམས་ཀྱང་སྒྲིབ་པས་གོས་པ་མེད། །རིན་…

བརྐམ་ཆགས་ནས། །བུང་བས་མེ་ཏོག་གཞིབས་ནས་མི་ཞེན་ལྟར། །ཆགས་པ་ཉིད་ནས་ཞེན་མེད་རང་གི་སེམས། །སེམས་ལ་བྱེད་པ་མེད་ཕྱིར་སེམས་ཉིད་དོན་དུ་ཤེས། །སེམས་ཅན་ཕོ་མོ་ལས་ཀྱི་ཆགས་པ་ཡང་། །རང་སེམས་ཆོས་ཉིད་རྟོགས་པའི་རྣལ་འབྱོར་པས། །མི་སྡུག་གཉེན་པོ་བསྒོམ་པ་མི་དགོས་པར། །ཡུལ་ལ་ཕོ་མོ་ཡོད་ཕྱིར་ཆགས་པ་སྤྱོད་གྱུར་ཀྱང་། །སེམས་ལ་ཕོ་མོ་མེ…

རི་ལུ་བཅུད་ལེན་གྱིས། །རང་ལུས་འདི་ཉིད་གསོས་གྱུར་ལུས་རྒྱས་ཚེ། །དུག་དང་མཚོན་སོགས་མི་ཚུགས་གྲུབ་གྱུར་ནས། །མཁའ་ལ་བྱ་བཞིན་འཕུར་བ་བྱུང་ནས་ནི། །སེམས་ཀྱི་མངོན་ཤེས་རྨི་ལམ་མངོན་གྱུར་ཏེ། །ལུས་འདི་ཡུལ་ཡིན་ཕྱིར་ན་སེམས་མིན་པས། །གནས་སྐབས་འདྲེལ་བ་ཡོད་ཕྱིར་རྟགས་བྱུང་ཡང་། །ཤ་ཁྲག་ལུས་འདི་མ་བོར་བར་དུ་ནི། །སངས་རྒྱས་ཆེ་བའི…

བཞག་སངས་རྒྱས་ཆོས་སྐུ་མིན། །དེ་ཕྱིར་རང་སེམས་མ་རྟོགས་དགེ་བ་ཡིས། །རྒྱུ་མེད་འབྲས་བུ་མི་འབྱུང་དཔེ་བཞིན་དུ། །བསྐལ་པ་སྟོང་དུ་ཚོགས་ནི་བསགས་བྱས་ཀྱང་། །འབྲས་བུ་གཟུགས་སྐུའི་སངས་རྒྱས་འབྱུང་མི་འགྱུར། །དེ་ཡང་འདུས་པའི་དད་ལྡན་འཁོར་རྣམས་ཉོན། །གསེར་སྦྲུལ་མིག་གིས་འདོད་པའི་ཡོན་ཏན་ལྔ། །དུས་གཅིག་ཉམས་མྱོང་དཔེ་བཞིན་རྣལ་འབྱ…

བླང་དོར་མེད་ཅིང་གཉེན་པོས་བཙལ་མི་དགོས། །དེ་ཙམ་ཉིད་ན་བསམ་གཏན་མཆོག་གི་ལམ། །དེ་ལ་གཉེན་པོ་མེད་ཕྱིར་བླ་མེད་ཆོས་ཀྱི་སྐུ། །དེ་ཡང་འདུས་པའི་འཁོར་རྣམས་ད་ཉོན་ཅིག །བསྒོམ་དུ་ཡོད་མེད་སྒྲོ་སྐུར་མཐར་ལྷུང་ཕྱིར། །བསྒོམ་པའི་ཞི་གནས་མཐའ་ལ་ཞེན་པ་སྟེ། །མ་རྟོགས་བསྒོམ་མེད་དོན་གྱི་གདེང་དང་བྲལ། །དེ་ཕྱིར་མཐའ་ཡི་བལྟ་བ་ནོར་བའི་ལམ…

ན་རི་བོང་རྭ་བཞིན་རྒྱུ་མི་དམིགས། །ཀུན་རིག་སྟོན་པས་འཁོར་ལ་བཀའ་སྩལ་པ། །ཡེ་ནས་རང་ལ་ཡོད་པའི་ཆོས་སྐུ་ནི། །བླ་མས་མཚོན་ནས་རང་སེམས་དོན་བསྟན་པས། །མ་རིག་རྣམ་རྟོག་ཆོས་སྐུར་ཞེས་པ་ལས། །ལོགས་ན་བཙལ་ནས་བསྟན་པ་མ་ཡིན་ནོ། །དད་ལྡན་འཁོར་གྱིས་དོན་ཆེན་ཡིད་ཀྱིས་ཞུས། །བླ་མའི་མན་ངག་ཡུལ་ལ་མི་རྟོག་པ། །ཙམ་དུ་ཉམས་མྱོང་ཞི་གནས་སྐྱོ…

བཟང་པོ་ཡིན་པའི་སེམས་ཀྱིས་དད་རྒྱུ་དང་། །གཤིན་རྗེའི་འཇིགས་པ་བྱུང་ཡང་ཉམ་མི་ང་། །གཉིས་པ་འཁྲུལ་པར་རྟོགས་ཕྱིར་སྤང་ལེན་མེད། །ལྟ་བ་གདེང་ལྡན་ཉམས་མྱོང་ཡིན་པའི་རྟགས། །ཐེག་པའི་བྱེ་བྲག་ཆོས་རྣམས་ཅི་གསུངས་ཀྱང་། །དོན་ལ་བཟང་ངན་མེད་རྟོགས་ཕྱིར་ན་སྒྲོ་སྐུར་བྲལ། །ཆོས་ལ་བཟོད་པ་ཐོབ་པའི་ཉམས་མྱོང་རྟགས། །ལུས་ངག་ཡིད་གསུམ་སྡུག…

བཀའ་སྩལ་པ། དོན་མེད་ང་རྒྱལ་དྲེགས་པས་མཁས་འདོད་པས། །རང་གི་བལྟ་བས་ཡ་རབས་མཐོ་བཞེད་ནས། །ཚིག་ལ་མཉམ་སྦྱོར་མཁས་པའི་ཟླ་མེད་ཀྱང་། །དམ་ཚིག་ཕྱལ་བོར་བྱང་ཆུབ་སེམས་སྤངས་ནས། །ལོག་འདྲེན་ཁོང་གསོག་བདེན་ཚིག་ཅི་སྨྲས་ཀྱང་། །འཁྲུལ་པའི་སེམས་ཉིད་ལོག་འདྲེན་དབང་དུ་འགྱུར། །གནམ་ལྕགས་མཁའ་ལས་འདམ་དུ་བྱིང་བ་བཞིན། །དམྱལ་བར་ངེས་འགྲོ་ག…

རྒྱུན་དུ་མི་གཏོང་ལྟ་བ་དྲན་བྱས་ནས། །སྙིང་པོ་མཆོག་གི་སངས་རྒྱས་ཆོས་ཀྱི་སྐུ། །བདེ་ཆེན་ཐུགས་ལ་གསལ་བའི་དམ་ཚིག་སྟེ། །ཡན་ལག་དམ་ཚིག་ཉམས་ཀྱང་བསྒྲིབ་མི་ནུས། །རྒྱུན་དུ་མི་གཏོང་ཏིང་འཛིན་དོན་བསྟན་ན། །མཚམས་མེད་ལ་སོགས་བྱས་ཀྱང་ཆོས་ཀྱི་སྐུ། །འགྱོད་པ་དྲག་པོ་ཡིད་བྱས་བལྟ་བ་ནི། །མི་བརྗེད་གཟུངས་སུ་དོན་ལ་གུས་པའི་ཆོས། །སེམས…

འདོད་ཆགས་འཇིགས་དང་རྟོགས་པ་རྣམས། །སྔར་གྱི་མངལ་གྱི་སྒྲིབ་གཡོགས་བག་ཆགས་བརྟས། །སེམས་དཔའ་རྡོ་རྗེ་འདུས་པའི་སྙིང་པོ་ཉོན། །སྐྱེ་བོ་རང་སེམས་མ་རྟོགས་བར་དོ་ནས། །དཔེར་ན་སྤྲིན་དང་ལིང་ཏོག་ཆུ་བུར་མིག །རྫས་རྣམས་མི་མཐོང་བསྒྲིབས་པའི་མུན་པ་བཞིན། །མ་རིག་དབང་གིས་བསྒྲིབས་པའི་བག་ཆགས་ཀྱིས། །རང་ལ་ཡོད་པའི་ཆོས་སྐུ་དོན་ཆེན་བསྒ…

ན་མི་གང་རྩལ་ལྡན་དེ་ཤུགས་ཀྱིས། །རྩལ་མེད་ནོན་བཞིན་རྗེས་སུ་གསལ་བས་ན། །དཔེར་ན་ཁྱུང་སྒོང་ནང་ནས་བྱ་བཏོན་བཞིན། །རྣམ་སྨིན་ལུས་དང་བྲལ་ནས་དོན་དྲན་ཏེ། །གཙང་མ་རིས་ཀྱི་ལྷར་ནི་སྐྱེས་ནས་ཀྱང་། །མངོན་པར་འབྲས་བུ་སངས་རྒྱས་ཡེ་ཤེས་འབྱུང་། །དེ་ཡང་སེམས་དཔའ་རྡོ་རྗེ་སྙིང་པོ་ཉོན། །རྟོགས་པ་རབ་ཀྱི་བློ་དངོས་གཅིག་པའི་ཕྱིར། །ལྟ་བ…

རྒྱ་གར་སྐད་དུ། བཛྲ་སཏྭཱ྅་ཀཱ་ཤ་བི་པུ་ལ་གུཧྱ་གརྦྷ་པྲ་ཀྲྀ་ཏྱརྠ་ཏནྟྲ། བོད་སྐད་དུ། རྡོ་རྗེ་སེམས་དཔའ་ནམ་མཁའ་ཆེ་གསང་བའི་སྙིང་པོ་རྣལ་མ་དོན་གྱི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་དུས་གཅིག་ན། བཅོམ་ལྡན་འདས་རང་བཞིན་རྫོགས་པ་ཆེན་པོ། ཡེ་ཤེས་ལྷུན་གྱིས་གྲུབ་པ། རང་བྱུང་རིག་པའི་རྒྱལ་པོ།…

གསང་། །སྟོང་ཉིད་ཞི་བ་ཐུགས་རྗེའི་ངང་། །སྙིང་པོའི་སྙིང་པོ་དོན་གྱི་མཆོག །རྫོགས་ཆེན་དོན་འདི་ལེགས་པར་གསུངས། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རིག་པའི་རྒྱལ་པོ་དེས། བཙལ་དུ་མེད་པ་ཐིག་ལེ་ཆེན་པོའི་དོན་འདི་གསུངས་པ། རང་བྱུང་གསང་བ་ཐིག་ལེའི་ངང་། །ཆོས་ཀུན་འདུས་པ་ལུས་པ་མེད། །བགྲོད་མེད་རྩོལ་བྲལ་ལྷུན་གྱིས་གྲུབ། །ས…

པོ་རིག་པ་དོན་གྱི་རྒྱུད། །དེ་རྒྱུད་ཐེག་པའི་ཡང་སྙིང་འདི། །ཡེ་ཤེས་ཕྱག་རྒྱ་རྫོགས་པའི་མཆོག །མི་འདའ་དེ་ཉིད་ཁོ་ནའི་དོན། །འདུ་ཤེས་སྦྱོར་བ་མ་ལུས་ཟད། །རྒྱུ་མེད་སེམས་ལ་རྐྱེན་བྲལ་བས། །སྐྱེ་འཇིག་འགྱུར་བ་ག་ལ་ཡོད། །ཡེ་ནས་ཟིན་པས་བྱ་བ་མེད། །ལྷུན་གྱིས་རྫོགས་པས་བསམ་པ་མེད། །རང་ལ་རྫོགས་པས་བསྒྲུབ་ཏུ་མེད། །དམིགས་མེད་དོན་ལ…

གཉིས་མེད་ངང་ལ་གཉིས་བཟུང་ཐིག་ལེ་བསྒྲིབས། །ཐིག་ལེ་གཅིག་ལ་གཉིས་འཛིན་རྟོག་པས་བཅིངས། །བདེན་པ་གཅིག་ལ་ནོར་བའི་ལུང་གིས་བརྟགས། །བསམ་མེད་གཅིག་ལ་ལོག་རྟོག་དྲང་བས་བསམ། །རང་བྱུང་དོན་ལ་རྒྱུ་དང་རྐྱེན་དུ་ཚོགས། །བལྟར་མེད་དོན་ལ་ལོག་མཐོང་སྟོབས་ཀྱིས་བལྟས། །བགྲོད་མེད་ལམ་ལ་རྣམ་རྟོག་ཞེན་པས་བགྲོད། །གཟུང་མེད་མཉམ་ཉིད་ཕྱིན་ཅི་…

མ་རྙོགས་དྭངས་མར་གསལ་བས་སྒྲིབ་པ་མེད། །མ་ཡེངས་རང་བཞིན་གསལ་བས་སངས་རྒྱས་ཡིན། །ཡེངས་མེད་འཁོར་ལོས་སྒྲིབ་པ་རྣམ་པར་གཅོད། །རྙོག་དང་མ་རྙོག་རྟོག་པས་མ་རྙོག་སྟེ། །མ་རྙོག་རྙོག་དུས་བཞི་ཡིས་མི་ཕྱེ་ལ། །དུས་ཚོད་ངེས་འཛིན་བདེ་མཆོག་གདམས་ངག་བཞིན། །རྙོག་དང་མ་རྙོག་གཉིས་ཀ་བསལ་གྱུར་ན། །དམ་པའི་དགོངས་པ་ལྷུན་གྱིས་གྲུབ་ངེས་པས། །…