རྒྱ་གར་སྐད་དུ། ཙིཏྟ་ཏནྟྲ་རཏྣ་ཀུ་ཊཱ་ལཾ་ཀཱ་ར་ནཱ་མ། བོད་སྐད་དུ། ཐུགས་ཀྱི་རྒྱུད་རིན་པོ་ཆེ་སྤུངས་པའི་རྒྱན་ཞེས་བྱ་བ། ཡེ་ཤེས་ཀྱི་སྐུ་བདེ་བ་ཆེན་པོ་ན་བཞུགས་པ། བྱ་རྩོལ་མི་མངའ་བ། གསང་བ་མཆོག་གི་དཀྱིལ་འཁོར་དང་འདུ་འབྲལ་མེད་པར་བཞུགས་པ། སངས་རྒྱས་ཀྱི་ཞིང་ཡོངས་སུ་དག་པ་ན། ཡེ་ཤེས་ཀྱི་སྣང་བ་མི་འགག་པར་འོད་གསལ་བ། ཐུགས་རིན…

པ་མ་ཡིན་ཏེ། །ལྷ་ལ་སོགས་ཏེ་འགྲོ་བ་རྣམས། །བྱང་ཆུབ་སེམས་དཔའ་མི་རིག་སྟེ། །ཆོས་པ་རྣམས་ཀྱི་དོན་མི་རྙེད། །སངས་རྒྱས་ལམ་ལ་མི་གནས་ཏེ། །ལམ་ལ་བགྲོད་པ་རྩོལ་བའི་ནད། །སངས་རྒྱས་ཉིད་ལ་འབྲས་བུ་མེད། །འབྲས་བུ་གྲུབ་པར་འདོད་པ་ཡི། །བྱང་ཆུབ་སེམས་དཔས་དོན་མི་རྙེད། །དེ་ཕྱིར་མགོན་པོ་དྲི་མེད་ངས། །ཐུགས་ཀྱི་དཀྱིལ་འཁོར་རང་བྱུང་བ། …

རྡོ་རྗེ་འཆང་ཆེན་པོ། ཆོས་ཉིད་མཉམ་པའི་ཏིང་ངེ་འཛིན་ལས་བཞེངས་ནས། ཐུགས་མི་གནས་པའི་ཀློང་ནས། གསང་བའི་དཀྱིལ་འཁོར་ཆེན་པོ་ཞལ་ཕྱེ་ནས། ཉིད་ལས་མི་གཞན་པའི་འཁོར་རྣམས་ལ་བཀའ་སྩལ་པ། ཀྱེ་འདུས་པའི་ཚོགས་རྣམས་ང་ལ་ཉོན། །ང་མེད་གཞན་མེད་ངོ་བོ་ཉིད་ཀྱི་སྐུ། །ཡེ་ཤེས་དཀྱིལ་འཁོར་རང་བྱུང་ལ། །གདོད་ནས་མ་བྱས་རང་བྱུང་བ། །བླ་མེད་ལྷུན་ར…

ཤེས་པ་རྣམ་པར་དག་པ་ཡིན་པས། ངའི་ཆོས་ཐམས་ཅད་རྣམ་པར་མི་རྟོག་པ་ཡིན་ནོ། །དེ་ནས་རང་རང་གི་རིགས་ཀྱི་འཁོར་རྣམས་དང་ལྷན་ཅིག་ཏུ་འཁོད་ནས། ཐལ་མོ་མཉམ་པར་སྦྱར་ཏེ་གསོལ་པ། ངོ་བོ་ཉིད་ཀྱིས་སྨྲས་པ། ཨེ་མ་ཧོ། བདེ་གཤེགས་བཅོམ་ལྡན་འདས། །སངས་རྒྱས་ཀུན་གྱི་ཡེ་ཤེས་སྐུ། །རྟོགས་པར་དཀའ་བའི་སྙིང་པོའི་དོན། །རབ་ཏུ་མི་རྟོག་གནས་མེད་པའོ། …

ནས་ཡུམ་གོས་དཀར་མོས། ཨེ་མ་ཧོ་ཐུགས་རྗེ་འོད་དཔག་མེད། ཐམས་ཅད་སྨིན་པར་བྱེད་པའི་རང་བཞིན་ཡེ་ཤེས་འོད་ཀྱི་མེ། དེ་ནས་ཡུམ་དམ་ཚིག་གི་སྒྲོལ་མས། ཨེ་མ་ཧོ་ཐུགས་རྗེའི་ཤུགས་ཀྱིས་སྒྲོལ། མ་བསྐྱོད་རླབས་ཀྱིས་གཅོད་པས་གང་ཡང་ཐོགས་མེད་སྒྲོལ། དེ་ནས་ཡུམ་བདག་ཏུ་མེད་པའི་ཀློང་གིས། ཨེ་མ་ཧོ། མི་གནས་ཡེ་ཤེས་དངོས་རྟོག་མཐའ་དང་བྲལ། །སྐུ…

གནས། །མཉམ་དང་མི་མཉམ་སྐྱེ་མེད་ཀློང་དུ་རྫོགས། །རྫོགས་པའི་དོན་ལ་བཙལ་དུ་ཡེ་ནས་རང་བཞིན་མེད། །ཅེས་གསུངས་སོ། །ཐུགས་ཀྱི་རྒྱུད་དམ་པ་ལས། ཐུགས་རྗེ་འབྱུང་བའི་ཚུལ་བསྟན་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་། །རང་གི་ངོ་བོ་བརྗོད་དུ་མེད། །མི་གནས་མྱ་ངན་འདས་པ་པོ། །རྟོགས་པའི་ཀློང་དུ་སུས་དྲིས་པ། །ཡེ་…

དོག་མེད་པར་སྣང་བ་ནི། སངས་རྒྱས་ཀྱི་ཞིང་ཡོངས་སུ་དག་པའོ། །འདོད་པའི་མཐའ་ཐམས་ཅད་དང་བྲལ་བ་ནི། ཏིང་ངེ་འཛིན་རྩེ་གཅིག་པའི་ཟས་སོ། །ཡེ་ཤེས་ཀྱི་སྐུ་དྲི་མ་མེད་པ་དང་སངས་རྒྱས་ཀྱི་ཞིང་ཡོངས་སུ་དག་པ་གཉིས་དུས་གསུམ་དུ་འདུ་འབྲལ་མེད་པར་བཞུགས་པ་ནི། གྲོགས་ཁྱད་པར་ཅན་ནོ། །ཚིག་དང་ཡི་གེའི་དོན་ལ་མི་གནས་པར་གཞིའི་འདུག་ཚུལ་ཤེས་བྱ་…

སྨྲ་བསམ་ཚིག་ལས་འདས་པས་རྡོ་རྗེ་སེམས་དཔའི་ཐུགས། །གསལ་ལ་རང་བཞིན་མེད་པས་གཟུང་འཛིན་གཉིས་དང་བྲལ། །སྐྱེ་འགག་མཐའ་ལས་འདས་པས་ཆོས་ཉིད་བདེ་ཆེན་པོ། །ཇི་བཞིན་ལྷུན་གྱིས་རྫོགས་པས་ཀུན་ལ་ཁྱབ་པར་གནས། །སྙིང་པོ་རང་ལ་རྫོགས་པས་བསྒོམ་པའི་བློད་ངོ་བྲལ། །སྣང་བར་བྱ་མེད་ཆོས་ཉིད་བདེ་ཆེན་ཀློང་། །ཡོན་ཏན་ལྷུན་རྫོགས་ཡེ་ནས་རྣམ་པར་དག …

གཤེགས་པ་རྣམས་ཀྱི་ཡེ་ཤེས་ལ། །སེམས་ཅན་གྱི་ཆོས་མེད་དེ་མི་གནས་སོ། །ཨ་ཏི་ཡོ་ག་རྫོགས་པ་ཆེན་པོ་བྱ་བཙལ་ལས་འདས་པ་ལ། བཟང་ངན་དང་ཆེ་ཆུང་མེད་དེ་མི་གནས་སོ། །ལུང་ལས་འདས་པའི་ཆོས། སེམས་ལས་འདས་པའི་སངས་རྒྱས། ཀུན་གཞི་ལས་འདས་པའི་ཆོས། མ་བསྒོམས་པར་སངས་རྒྱས་པའི་བལྟ་བ། ཆོས་སྤྱོད་བཅུ་དང་མཚམས་མེད་པ་ལྔའི་སྤྱོད་པ་ལ་ཁྱད་པར་མེད་པ…

མཚུངས། །སྟོང་པའི་ཆོས་ལ་སྟོང་པའི་ཡེ་ཤེས་རང་རོལ་པ། །ནམ་མཁའི་མདུང་བསྐོར་འདྲ་སྟེ་ཡངས་དོག་མེད། །གཟུགས་ཀྱི་ཕུང་པོ་འབྱུང་བ་ས་རྡོ་སྣང་། །རང་རིག་རྒྱལ་པོ་ནམ་མཁའི་མཐའ་དང་མཉམ། །རྣམ་རྟོག་གཟུང་འཛིན་བག་ཆགས་ཅི་བསགས་ཀྱང་། །བྱང་ཆུབ་སེམས་ལ་རང་བཞིན་ཡོངས་ཀྱིས་མེད། །དཔེར་ན་ནམ་མཁའི་ཆོ་འཕྲུལ་སྣ་ཚོགས་ཅིར་སྣང་ཡང་། །ནམ་མཁའི་ར…

ཡེ་ཤེས་ཀྱི་སྙིང་པོ་ཅན་དུ་གནས་པ་ལ། བདེ་བ་དང་སྡུག་བསྔལ་གཉིས་མེད་དོ། །རང་རིག་པའི་ཡེ་ཤེས་ཆོས་ཉིད་སྐྱེ་བའི་ངང་ནས་དུས་གསུམ་དུ་འདུ་འབྲལ་མེད་པར་བཞུགས་པ་ལ། གནས་དབེན་པ་དང་མི་དབེན་པ་གཉིས་མེད་དོ། །ཀྱེ་རྡོ་རྗེ་འཛིན་པ་འཁོར་བའི་རྒྱ་མཚོ་མཐའ་རིང་བར། ཉོན་མོངས་སེམས་ཅན་གྲོལ་མི་ནུས། །ཐུགས་རྗེ་ཆེན་པོའི་ཤུགས་ཕྱུང་ནས། །བསད…

རྒྱ་གར་སྐད་དུ། གུ་ཧྱ་སཱ་མཱ་མྱ་ཏན་ཏྲ་ནཱ་མ། བོད་སྐད་དུ།གསང་བ་སྤྱི་རྒྱུད་གསན་ཡིག་ཏུ་སེམས་ལུང་ཆེན་མོའི་མདོ་གསང་བ་སྤྱིའི་རྒྱུད་ཅེས་པ་དེ་ཡིན་ཅེས་བྱ་བ། བཅོམ་ལྡན་འདས་གསང་བདག་ཆེ་ལ་ཕྱག་འཚལ་ལོ། །འདི་སྐད་ཐོས་པའི་དུས་ན་རང་བཞིན་རང་སྣང་བའི་གནས་ན། རང་བྱུང་གི་སྟོན་པ་གསང་བདག་ཆེན་པོ་ལ་

འཁོར་གསུམ་གྱིས་བསྐོར་ཏེ། བསྟན་པ་གསུམ་གྱི་དོན་ལ་བཀོད་དོ། །དེ་ནས་སྟོན་པ་གསང་བདག་ཆེན་པོས། ཆེད་དུ་བརྗོད་པ་འདི་ཆེད་དུ་བརྗོད་དོ། །གང་ཡང་གྲུབ་པ་མེད་པའི་ངང་། །མིང་གི་ཐ་སྙད་གྲུབ་པ་མེད། །སྣང་བ་གསུམ་གྱི་རང་བཞིན་ལས། །སྟོན་པ་གསུམ་གྱི་ངོ་བོར་ཤར། །གདུལ་བྱའི་ཞིང་ལ་སོ་སོར་སྣང་། །སྐུ་དང་གསུང་དང་ཐུགས་རིམ་པ་ཡིས། །རང་རང…

དྲུག་མོས་པ་དྲང་བའི་ཐབས། །ཀུན་མཁྱེན་ཁྱོད་ཀྱིས་གསུང་དུ་གསོལ། །ཞེས་གསོལ་པས། གསང་བདག་ཆེན་པོས་གསུངས་པ། འགྲོ་དྲུག་སེམས་ཅན་ཐམས་ཅད་ཀྱིས། །ཐོགས་མེད་དུས་ནས་དོན་མ་གསལ། །འགྱུ་བ་རིག་པ་སོ་སོར་ཤར། །དེ་ལ་བརྟས་ཤིང་ཞེན་པའི་སེམས། །ཀུན་འཚོལ་ངེས་འཇོག་གཏན་ལ་འབེབས། །ཞེན་བརྟས་སྡུག་བསྔལ་སོ་སོར་མྱོང་། །སྡུག་བསྔལ་དེ་ལས་ཐར་བའི…

བཞིན་དུ་འཁྲུལ། །ཟོ་ཆུའི་རྒྱུན་བཞིན་གནས་པ་བཞིན། །དེ་རྩད་གཅད་ཅིང་གཏན་ལ་དབབ། །ཀུན་གྱི་གཞི་མ་མཉམ་པ་ཉིད། །རྒྱུད་གཅིག་ལྡོག་དང་བཅས་པའོ། །སྔ་ཕྱི་མེད་པར་དབྱིངས་སུ་གཅིག །མ་བཅོས་སྙིང་པོ་ཀུན་གྱི་གཞི། །རིན་ཆེན་གཏེར་གྱི་མཛོད་ཆེན་པོ། །རྒྱུ་ལས་མ་བྱུང་རྐྱེན་དང་བྲལ། །འདི་འདྲར་བསྟན་མེད་བྱང་ཆུབ་སེམས། །འགྱུ་བ་མེད་ན་དྲན་…

སྒྲིབ་གཅིག་སྐྱེ་གཉིས་མི་མངའ། །གསེར་དང་སེར་པོའི་དཔེ་བཞིན་ནོ། །མི་སྐྱེ་རྟོག་མེད་བྱ་བ་བྲལ། །འགྱུར་མེད་འགྲོ་འོང་མེད་པའི་མཆོག །ཅེས་གསུངས་སོ། །གསང་བ་སྤྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་སེམས་དཔའ་རྡོ་རྗེས། གསང་བདག་ཆེན་པོ་ལ་གསོལ་པ། སྟོན་པའི་གླེང་གཞི་དེ་ལྟར་གསུངས་པ་ལ། སྒྲ་དང་ཡི་གེ་གང་ལས་བྱུང་…

རྒྱུད་འདི་རྟོགས་ནས། །དགོངས་པ་འདི་ལ་གནས་པར་བྱེད། །འགྲེལ་ལྔ་གང་དང་གང་ཞེ་ན། །ཚེག་བར་འབྲུ་ཡི་འགྲེལ་པ་དང་། །དཔེ་དོན་རྒྱུ་འབྲས་འགྲེལ་པ་དང་། །གཏན་ཚིགས་དོན་གྱི་འགྲེལ་པ་དང་། །འབྱེད་པར་བྱེད་པའི་འགྲེལ་པ་དང་། །སྡུད་པར་བྱེད་པའི་འགྲེལ་པའོ། །ཚེག་བར་འབྲུ་ཡི་འགྲེལ་པ་ནི། །ཡི་གེའི་དོན་དང་རང་བཞིན་དང་། །ཚེག་དང་ཡིག་ཤུགས་…

བསྡུས་ནས། །སྤྲོས་པ་མེད་པའི་དོན་བསྟན་ན། །སྡུད་པར་བྱེད་པའི་འགྲེལ་པ་ཡིན། །ཚེག་དང་འབྲུ་ཡི་དོན་འདི་ནི། །ཚེག་བར་འབྲུ་ཡི་འགྲེལ་བར་བཤད། །འདྲ་དང་ཡིན་མིན་དོན་འདི་ནི། །དཔེ་དོན་རྒྱུ་འབྲས་འགྲེལ་པར་བཤད། །བརྟགས་ཏེ་གཏན་ཚིགས་འབྱིན་པ་ན། །གཏན་ཚིགས་དག་གི་འགྲེལ་པར་བཤད། །སོ་སོའི་སྡེ་ཚན་རིས་འབྱེད་ན། །ས་གཅོད་པ་ཡི་འགྲེལ་པར་…

བདག་ཆེན་པོ་ལ། སེམས་དཔའ་རྡོ་རྗེས་ཞུས་པ། ཡི་གེའི་བྱེ་བྲག་དེ་དག་ལ། །རྒྱུད་དུ་འགྲོ་བ་ཇི་ལྟར་ལགས། །གསང་བདག་ཆེན་པོས་གསུངས་པ། སྒྲ་དང་ཚིག་དང་གླེགས་བམ་དང་། །ངོ་བོ་ངེས་ཚིག་དབྱེ་བ་དང་། །དགོངས་གཞི་མཐུན་དཔེ་ལྡང་ཚད་དང་། །མཚན་དང་ཆེ་ཚུལ་ཁྱད་པར་རོ། །སྣང་བ་གསུམ་ལ་རྒྱུད་གསུམ་དང་། །དཀར་ཤད་དག་དང་རང་བཞིན་དག །ཡེ་ཤེས་དག་ལ་…

དོན་འགྲེལ་བཤད། །སེང་ཕྲུག་རྩལ་སྦྱོང་ལྟ་བུ་ཡིས། །ཚིག་གི་བསྣོལ་མཚམས་ཕྱེ་ལ་བཤད། །རིག་པ་སྐུ་མཐུན་ལྟ་བུ་ཡིས། །གང་ཡིན་དམིག་ནས་བཟུང་ལ་བཤད། །ཚད་མ་གསུམ་གྱི་གཏན་ཚིགས་ཀྱིས། །དུས་ཀྱི་འབྲུག་དང་སྦྱར་ལ་བཤད། །གླག་མོ་གཟན་ལ་འཇུམས་འདྲ་ཡིས། །གོལ་སྒྲིབ་གདར་ཤ་བཅད་ལ་བཤད། །ཅེས་གསུངས་སོ། །གསང་བ་སྤྱི་རྒྱུད་ལས། བཤད་ཐབས་ཀྱི་ལེའ…