སྒྲུབ་པའི་ལམ་མཆོག་དམ་པ་དག །ཚིག་གིས་མཚོན་དེ་གསལ་བར་མཛོད། །ཨ་ལ་ལ་ཧོ་ཞེས་གསོལ་བ་བཏབ་བོ། །དེ་ནས་དམ་པ་རྡོ་རྗེས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་ཚིག་ཏུ་མཚོན་ཏེ་སྨྲས་པ། ཨོཾ་ཨཱྃཿཧཱུྃ། ཨ་ལ་ལ་ཧོ། རྒྱལ་བའི་སྲས་པོས་ཅང་མི་གསུང་། །མི་གསུང་བས་ནི་རྒྱ་ཆེར་བཤད། །བཤད་དུ་མེད་པའི་ཆོས་འདི་ནི། །རྒྱལ་བ་རྣམས་ཀྱིས་མ་བཤ…

བཞག་སྟེ། །རྣལ་འབྱོར་ཅན་གྱིས་ཤེས་པར་བྱ། །སྒྱུ་མ་སྨིག་རྒྱུ་རྨི་ལམ་དང་། །གཟུགས་བརྙན་དྲི་ཟའི་གྲོང་ཁྱེར་དང་། །བྲག་ཅ་ཆུ་ཟླ་མིག་ཡོར་དང་། །ཆུ་བུར་འཁྲུལ་དང་མགལ་མེར་སྣང་། །སྒྲུབ་དང་གསང་སྔགས་སྤྱོད་པ་དང་། །གྲུབ་པ་དང་ནི་གནས་དག་དང་། །བཟླས་པའི་སྒྲ་དང་ཕྱག་རྒྱར་རྟོག །ཏིང་འཛིན་ལྟ་བ་ཆོ་འཕྲུལ་བརྟག །ཇི་ལྟར་སྒྱུ་མའི་མཚན་…

ཁྱེར་དེ་ཡང་དེ་ནས་བྱུང་། །བྱུང་ནས་དེ་ཡང་མི་རྟག་ལྟར། །གསང་སྔགས་གྲུབ་པའི་གནས་དག་ཀྱང་། །ཆོས་སམ་ཡིད་ཀྱི་མཁའ་ངོས་ལ། །རྣལ་འབྱོར་གསང་བདག་གར་བསྐྱེད་པར། །དེ་ཉིད་གནས་པའི་གཞལ་མེད་ཁང་། །བྱུང་ཡང་དེ་ལ་གནས་མི་འགྱུར། །བྲག་ཅ་གྲག་པའི་མཚན་མ་ནི། །དཔེར་ན་ངོས་ལ་སྒྲས་རྐྱེན་པས། །ཅི་བཞིན་སྒྲ་ལྟར་བྲག་ཅ་འབྱུང་། །བྱུང་ཡང་སྒྲར་ཐ…

ཆོས་ཐམས་ཅད། །མཚན་མེད་ངང་དུ་གཅིག་པས་ན། །རྟོག་པའི་བག་ཆགས་ཅི་འབྱུང་ཡང་། །ཆོས་ཀུན་དབྱིངས་སུ་གཅིག་པའི་ཕྱིར། །རྟོག་འཇུག་སྤྲོས་པའི་མཚན་མ་ཀུན། །མ་བྱུང་མ་སྐྱེས་དབྱིངས་ཉིད་ལ། །གཡོས་པ་མེད་ཅིང་ཆོ་འཕྲུལ་འབྱུང་། །ཡོན་ཏན་སྣ་ཚོགས་ཆེར་འབྱུང་བའི། །གཏེར་གྱི་དབྱིག་འདི་གང་མཐོང་བ། །སངས་རྒྱས་ཀུན་གྱི་ཡོན་ཏན་ཡང་། །སྐད་ཅིག་ག…

དུ་མེད་ཅིང་གོ་བར་དཀའ། །ཚིག་གིས་བརྗོད་པ་ཀུན་དང་བྲལ། །འདི་ཞེས་བསྟན་དུ་ག་ལ་ཡོད། །མེད་པས་བསྟན་པའི་དམིགས་མི་ཕྱེད། །མི་དམིགས་ཆོས་ལ་བློ་སྦྱངས་ཤིང་། །ཡིད་ཀྱི་མེ་ལོང་གསལ་བྱས་ན། །ནམ་མཁའ་དག་ལ་རབ་བརྟགས་ན། །སྣང་བ་མེད་པའི་རང་བཞིན་ནི། །ནམ་མཁའ་ལྟ་བུར་དེ་ཉིད་འགྱུར། །ཆོས་ཉིད་ནམ་མཁའ་ལྟ་བུ་སྟེ། །ནམ་མཁའ་ལ་ཡང་མཚན་ཉིད་མེད…

འདས། །གཉིས་སུ་སྣང་བ་མ་ཡིན་ཏེ། །སེམས་ཀྱི་རང་བཞིན་བཟང་ངན་ལས། །གཉིས་ཀྱི་འདུ་ཤེས་ཕྱེ་སྟེ་བསྟན། །སེམས་ལས་ཡང་དག་ཡེ་ཤེས་འབྱུང་། །དེ་བཞིན་བདེ་དང་སྡུག་བསྔལ་འབྱུང་། །ཆོས་དང་སངས་རྒྱས་ཡེ་ཤེས་འབྱུང་། །དགེ་འདུན་ཡང་ནི་དེ་བཞིན་ནོ། །འདི་ལས་ཕ་རོལ་ཕྱིན་ཚོགས་དང་། །བྱང་ཆུབ་དང་ནི་པདྨོ་འབྱུང་། །འདི་ལས་རྡོ་རྗེ་སེམས་དཔའ་དང་…

ནམ་མཁའི་རང་བཞིན་མཐོང་བར་གནས། །ཡེ་ཤེས་རང་སྣང་ནམ་མཁའ་ལ། །ནམ་མཁའ་ཉིད་དུ་སྣང་བར་ཟད། །བརྗོད་བྲལ་མཐོང་མེད་དམིགས་དང་བྲལ། །མཐོང་བ་མེད་པའི་དོན་འདི་ནི། །སྔོན་གྱི་རྒྱལ་བ་རྣམས་ཀྱིས་བཤད། །བདེ་གཤེགས་སྙིང་པོ་བྱང་ཆུབ་ལ། །དགོངས་པ་འདི་ལས་གང་མི་མངའ། །ལྟ་བ་དེ་དང་ལྡན་བཞིན་དུ། །དམ་ཚིག་ནམ་མཁའ་ལྟ་བུ་ལ། །བསྲུང་དང་མི་བསྲུང་ཕ…

བཅུག་པས་ནོར། །བྱ་བ་མེད་པའི་ཆོས་ཉིད་ལ། །ཉོན་མོངས་བྱ་མེད་སྤྱད་པས་འཁྲུལ། །རང་བྱུང་ལྷུན་གྲུབ་གནས་བཞིན་དུ། །བྱིས་པའི་སྤྱོད་པས་ཅི་བཙལ་དགོས། །གང་ཞིག་འདོད་དེ་ཅི་ཞིག་སྒྲུབ། །ཅི་སྤྱད་ཅི་བསྒྲུབས་ཅི་བཙལ་ཡང་། །སྡུག་བསྔལ་ཉིད་དེ་བྱང་ཆུབ་མེད། །དམྱལ་བ་སངས་རྒྱས་ཆེན་པོ་ལ། །སྡུག་བསྔལ་བྱང་ཆུབ་ལམ་ཉིད་དེ། །ཉན་ཐོས་རང་རྒྱལ་…

བྱང་ཆུབ་དེ་བཞིན་ཉིད། །བསྒོམ་དུ་མེད་པའི་ཆོས་ཉིད་ལ། །བསྒོམ་པ་དམིགས་སུ་མེད་པ་སྟེ། །ཏིང་འཛིན་ཞེས་ནི་གདགས་སུ་མེད། །བསྒོམས་ཀྱང་རྙེད་པ་མ་ཡིན་ལ། །དེ་བཞིན་མ་བསྒོམས་སྟོར་བ་མེད། །བསྒོམ་ཆོས་སྣ་ཚོགས་ཅིར་སྣང་ཡང་། །བསྒོམས་ནས་དེ་ཡི་ངང་མི་གནས། །དེ་བས་བྱིས་པའི་སྤྱོད་ཡུལ་ཡིན། །དཔེར་ན་བྱིས་པའི་རང་བཞིན་གྱིས། །ས་ལ་སོགས་པ…

དུ། །འདི་ལས་གླགས་ཏེ་ཅི་ཞིག་ཚོལ། །རྒྱལ་བས་བཙལ་ཀྱང་ཡོང་མི་རྙེད། །འདི་ལས་གཞན་དུ་གང་ཚོལ་བ། །བཙལ་བ་ཉིད་ན་ཚི་ཆད་འགྱུར། །གཞན་ནམ་དམན་པའི་སྒོ་རྣམས་ནི། །ཏིང་འཛིན་མེད་པའི་ཆོས་ཉིད་ལ། །འཛིན་པའི་ཏིང་འཛིན་བཅུག་པས་ནོར། །དེ་དག་ལ་ནི་གང་སྤྱོད་རྣམས། །ཐེན་ཚེར་མིག་ནི་ནམ་མཁའ་ལ། །ཕྲ་རབ་ཐེན་ཐག་འཛུད་པ་ལྟར། །བྱིས་པ་ལས་གང་བྱེད…

ཤིན་ཏུ་བསྒྲིབས་པར་གྱུར་པ་ན། །སྤྲིན་ཆེན་འདུས་པའི་ཕུང་པོ་ལ། །ཁ་ཡི་དབུགས་ཀྱིས་བུས་བྱས་ན། །སྤྲིན་བསལ་ཉི་འོད་གསལ་འདོད་འདྲ། །དེ་ཕྱིར་རྣལ་འབྱོར་དབང་ཕྱུག་གིས། །སེམས་ཉིད་དོན་ལ་རྣམ་བརྟགས་ཏེ། །ཀུན་གཞི་རྩ་བ་ཤེས་པར་བྱ། །སེམས་ཉིད་དེ་ལ་བལྟས་གསལ་བ། །རྩ་བ་དང་ནི་གང་ལྡན་པ། །དུས་དང་ཚིགས་དང་ལོར་གྱུར་ཡང་། །ཡལ་ག་ལོ་འདབ་འབ…

ཤེས་དང་ཤེས་བྱ་གཉིས་མེད་དེ། །ཡེ་ནས་ཤེས་ཉིད་ཆོས་ཤེས་ན། །ཆོས་ཉིད་གཞན་ནས་བཙལ་ཅི་དགོས། །དཔེར་ན་སྒྱུ་མའི་བདེ་སྡུག་ཀྱང་། །བསལ་ནས་གཉི་ག་མི་དམིགས་ལྟར། །འཁོར་བ་འགྱུར་བའི་བདེ་སྡུག་ཀྱང་། །མཉམ་པར་རང་བཞིན་དོན་གྱིས་མཉམ། །ཇི་ལྟར་དུས་རྣམས་ཐམས་ཅད་དག །མཉམ་པ་ཉིད་དུ་རྟོགས་ནས་ནི། །སྒྲོས་ཚིག་རྗེས་སུ་མ་འབྲངས་ན། །མཉམ་འགྱུར་…

ཉིད་སྨན་དུ་འགྱུར། །འཁོར་བའི་ལས་རྣམས་དེ་ལྟར་སྣང་། །འཁྲུལ་སྣང་དུག་གཟེར་བཟོད་དཀའ་ལྟར། །མ་རིག་འཁོར་བའི་སྡུག་བསྔལ་སྣང་། །རྨི་ལམ་སྒྱུ་འཕྲུལ་མི་ཟད་པས། །ཤིན་ཏུ་ཉམ་ཐག་གདུངས་པའི་ཚེ། །འཆི་བདག་བདུད་ཀྱིས་ཟིན་འདྲ་ལ། །མགོན་བཙུན་གཞན་གྱིས་མི་ཕན་ཏེ། །བདུད་སེལ་རྩི་དང་འདྲ་བར་ནི། །ཡང་དག་ལམ་མཆོག་རྟོགས་པར་བྱ། །དུག་ནད་སྨྱོ…

ཏུ་མཉམ། །མཉམ་པ་ཉིད་ཀྱི་དོན་བཙན་པར། །ཆོས་ཉིད་ལ་ཡང་ཆོས་ཉིད་གསལ། །མཉམ་པས་མཉམ་ཞེས་ཚིག་བརྗོད་ཀྱང་། །མཉམ་པའི་དོན་དང་མཐུན་མི་འགྱུར། །བྱང་ཆུབ་དེ་ཡང་མི་དམིགས་ཏེ། །མི་གནས་ཞེས་ནི་གང་བརྗོད་ཅིང་། །གནས་དང་དམིགས་པའི་གནས་འཛིན་པ། །གཟུང་འཛིན་ཞེས་ནི་དེ་ལ་བྱ། །སྒྱུ་འདྲར་བྱང་ཆུབ་སེམས་མེད་ན། །དངོས་བྲལ་ཡུལ་མེད་སྟོང་པ་དག །…

མར་འདས་ནས་ཚིག་ཤེས་ན། །བསྲུང་བའི་གསང་བ་དམ་པའོ། །ཚིག་ཏུ་མཉམ་བརྗོད་མཉམ་མི་དམིགས། །སེམས་ཉིད་རང་དག་མཉམ་པ་ལས། །མཉམ་པའི་དོན་ཉིད་ལྷག་པར་མེད། །འདི་དོན་མཉམ་ཤེས་མཉམ་པའི་དོན། །བརྟུལ་ཞུགས་སྤྱོད་པ་སྤྱོད་མིན་ཏེ། །སེམས་ལ་སེམས་གཞོལ་རོལ་སྤྱོད་པ། །ཐབས་ཆེ་ཡངས་པ་སྤྱོད་པའི་མཆོག །བྱང་ཆུབ་དོན་གྱི་ཕྱི་མོ་རུ། །སེམས་ཀྱི་ཕྱི་མ…

ཀུན་གྱིས་རྟོགས་པར་བྱ་བའི་ཕྱིར། །ཚིག་ཏུ་མཚོན་ཏེ་བཤད་མོད་ཀྱང་། །དམིགས་མེད་ཚིག་གི་ཡུལ་བྲལ་བ། །དེ་ཡི་རང་བཞིན་དེ་ཡིན་ན། །རབ་བཞིན་གཞི་ལས་མཚན་མར་གཡོས། །དེ་ལ་མིང་མེད་མིང་བཏགས་རྒྱུས། །ཡིན་དང་མ་ཡིན་ཐེ་ཚོམ་སྐྱེས། །དེ་ལས་རྩོད་པའི་གཞིར་གྱུར་ཏེ། །དེ་བསལ་དོན་ཕྱིར་མཚན་མ་ཡི། །ཚིག་གི་ཚོགས་ཀྱི་རྣམ་གྲངས་ལས། །སྒོ་མོ་དཔག…

དཔེར་ན་གསེར་དུ་གཅིག་པ་ལས། །དབྱིབས་དང་གཟུགས་ནི་ཐ་དད་པར། །བྱིས་པས་སོ་སོའི་མིང་དུ་གྲགས། །གྲགས་ཀྱང་གསེར་གྱི་ངོ་བོར་གཅིག །དེ་བཞིན་སེམས་ཀྱི་རང་བཞིན་ལ། །འཁྲུལ་དང་མ་འཁྲུལ་ཁྱད་པར་གྱིས། །ཇི་ལྟར་བལྟས་དགུ་དེར་སྣང་ཡང་། །སྣང་ཡང་སེམས་ལས་གཞན་མི་དམིགས། །སྒྲོན་མར་འབར་བའི་རིན་ཆེན་ནི། །གལ་ཏེ་ངན་ཁུང་སྦས་གྱུར་ཀྱང་། །དེ་ཉ…

རྩོལ་སྒྲུབ་དཀའ་བའི་ཐབས་ཆེན་གྱིས། །ཡང་དག་དོན་ཚོལ་ལམ་རེ་རིང་། །བསགས་པའི་འབྲས་བུ་ཡོད་འགྱུར་ཡང་། །དོན་དེ་མཐོང་བར་ཡོང་མི་ནུས། །དེ་འདྲའི་འདུ་ཤེས་འབྱུང་བར་འགྱུར། །དེ་ལྟར་ཤེས་པའི་ཉམས་དྲོད་ནི། །སྐལ་དང་ལྡན་པའི་སྐྱེས་བུ་གང་། །རྒྱུད་འགྲོས་ཚིག་གིས་མ་བཀྲོལ་བར། །སེམས་ལས་ཆོས་བྱུང་འབུམ་ཕྲག་ཡས། །སྨྲ་བའི་སྒོ་མོར་ཐམས་ཅ…

ཕྱིར་ནི་གྲུའོ། །བསྐྱོད་པའི་ཕྱིར་ནི་བགྲོད་པའོ། །བདེ་བའི་ཕྱིར་ནི་བྱང་ཆུབ་བོ། །དྲན་པ་ངེས་པའི་ཕྱིར་ནི་སེམས་སོ། །མཁས་པའི་ཕྱིར་ནི་ཤེས་རབ་བོ། །གསལ་བའི་ཕྱིར་ནི་ཏིང་ངེ་འཛིན་ཏོ། །ཕྱིན་པའི་ཕྱིར་ནི་གནས་སོ། །ཟླ་མེད་པའི་ཕྱིར་ནི་རབ་བོ། །ངོ་མཚར་བའི་ཕྱིར་ནི་མཆོག་གོ། །འཕགས་པའི་ཕྱིར་ནི་ཕུལ་ལོ། །དབང་བྱེད་པ་མེད་པའི་ཕྱིར…

ཕྱིར་ཡང་ལམ་འདི་ཡོངས་སུ་ཤེས་པར་བྱའོ། །དེ་བཞིན་དུ་འདོད་པ་ཆེན་པོ་ཞེས་ཀྱང་བྱའོ། །འཚོ་བ་ཆེན་པོ་ཞེས་བྱ་བ་དང་། ལོངས་སྤྱོད་ཆེན་པོ་ཞེས་བྱ་བ་དང་། ཡོ་བྱད་ཆེན་པོ་ཞེས་བྱ་བ་དང་། རྒྱུ་ཞེས་བྱ་བ་དང་། རྐྱེན་ཞེས་བྱ་བ་དང་། འབྲས་བུ་ཞེས་བྱ་བ་དང་། སྤྱོད་པ་ཞེས་བྱ་བ་དང་། ཆོ་འཕྲུལ་ཞེས་བྱ་བ་དང་། ཕྱག་རྒྱ་ཞེས་བྱ་བ་དང་། བསྙེན་པ་…