པས་རྟོག་པ་ལྟས་ལས་བྱུང་། །རྟོག་པ་སྒྱུ་མར་རབ་ཤེས་ན། །རྟོག་པའི་རི་བོ་ཞི་བར་འགྱུར། །དེས་ནི་གནས་ངན་གསུམ་མི་ལྟུང་། །རྟོག་པ་གང་ལས་བྱུང་ཞེ་ན། །མཚན་མའི་ཆོས་ལས་བྱུང་བ་ཡིན། །མཚན་མ་སྒྱུ་མར་རབ་ཤེས་ན། །མཚན་མའི་ཆོས་རྣམས་ཞི་བར་འགྱུར། །དེས་ནི་འདོད་ཁམས་ཐ་མར་མིན། །མཚན་མ་གང་ལས་བྱུང་ཞེ་ན། །དྲན་པ་རྒྱུ་བ་དག་ལས་བྱུང་། །དྲན…

བ་མེད། །ཡང་དག་དོན་གྱི་རང་བཞིན་ནི། །ཅི་ལ་མི་གནས་མི་ལེན་ཅིང་། །ཅི་ཡང་མི་མཐོང་ཐོས་པ་མེད། །ཅིར་ཡང་མི་བྱེད་བྱེད་དང་བྲལ། །ཅི་ཡང་ཐོས་པ་རྡུལ་ཙམ་མེད། །ཅིར་ཡང་སྣང་བ་མེད་པ་དེ། །དེ་ནི་སྣང་བ་དམ་པ་ཡིན། །བསམ་དུ་མེད་པའི་ཆོས་ཉིད་ནི། །བསམ་དུ་མེད་པས་དེ་བཞིན་གཞག །རང་བཞིན་མེད་པའི་ཆོས་ཉིད་ལ། །སེམས་ཀྱི་གྱིན་ད་སྐད་ཅིག་མས། …

ཚིག་དང་ཡི་གེས་ཁྲིད་ནས་ནི། །མི་ཤེས་བཞིན་དུ་ཆོས་བསྟན་ན། །སེམས་ཅན་ཐམས་ཅད་སྲོག་ཕྲོགས་པས། །མི་ཤེས་ཆོས་སྟོན་དེ་བས་ལྕི། །དེ་བས་མཉམ་པའི་དོན་འདི་ལ། །བསྟུན་ཏེ་ཅིག་ཅར་འཇུག་ཤེས་ན། །བསྒོམ་པའི་ཡུན་ནི་རིང་ཐུང་དང་། །ལས་འཕྲོ་ཡོད་དང་མེད་པ་དང་། །ནམ་གྲུབ་སྙམ་པའི་ཁར་མ་ལུས། །མཉམ་པའི་དོན་ལ་མཉམ་བཞག་ན། །དེ་མ་ཐག་ཏུ་རིག་པ་འཆར…

སྐས། །རླུང་བཅིང་བ་དང་རྒྱུན་བཟློག་དང་། །བསྲེག་པའི་བསྐལ་པ་གཞིལ་བ་དང་། །ཉི་ཟླ་ཞོན་དང་འཇིག་རྟེན་འཕང་། །ས་ལ་འཛུལ་དང་རི་རབ་འདེགས་། །སྟོང་གསུམ་ཡུངས་འབྲུར་འཇུག་ཚུལ་དང་། །གཞིག་དང་སྤར་བ་ལ་སོགས་ཏེ། །བསམ་བྱ་བསམ་གྱིས་མི་ཁྱབ་པ། །གོམས་པ་ལས་སུ་རུང་བ་ཡི། །རྣལ་འབྱོར་རྩལ་ཆེན་སྦྱོང་བར་ཟད། །བཟླས་པ་མཐར་ཕྱིན་གྲུབ་པ་དང་། །…

བཞིན་ཡི་གེར་བསྒྱུར་བྱས་ཏེ། །འོད་ཟེར་འབར་དང་བཅས་པ་ཡིས། །ཐོས་པའི་ཡུལ་ནི་ཚུན་ཆད་དུ། །འཕྲོ་འདུ་གསལ་བར་བྱས་པ་ལས། །རང་གི་ཆག་ཚད་བཞི་བསྒྱུར་ཙམ། །སྐུ་ཡི་ཁྱོད་ཡང་དེ་ཙམ་མོ། །དེ་བཞིན་རྣལ་འབྱོར་རིམ་པ་བཞིན། །ལྷ་ཡི་ཁྱད་པར་གང་ཡིན་པ། །ཡི་གེའི་རིམ་པ་བཞིན་བྱས་ནས། །འཕྲོ་འདུའི་ཚད་ཀྱང་དེ་བཞིན་ཏེ། །རིམ་པ་བཞིན་དུ་སྦྱར་ནས་ཀ…

ཤར་བ། །པ་པ་བ་བྷ་མ། དེ་ནས་ཨ་ཡི་འོད་ཟེར་དེ། །ཕྱི་རོལ་ཡུལ་དུ་འཕྲོས་པ་ལས། །ཆོ་འཕྲུལ་ཡི་གེ་སྣ་ཚོགས་འཕྲོས། །ཡ་ཝ་ར་ལ་ཤ་ཥ་ས་ཧ་ཀྵ། ཨི་ཨཱིཾ་ཨུ་ཨཱུ་ཨེ་ཨཻ་ཨོ་ཨཽ་ཨྃ་ཨཿ། ཨ་ལས་ཆོ་འཕྲུལ་འོད་འཕྲོས་པས། །ཡི་གེའི་ཕྲེང་བ་ཚོགས་བྱུང་སྟེ། །ཡི་གེའི་ཡན་ལག་ཡེ་ཤེས་ལ། །སངས་རྒྱས་སྐུ་ཡི་ས་བོན་བྱུང་། །དཔག་ཏུ་མེད་པའི་རྒྱལ་བ་རྣམས། །…

ཡི་གེ་ཨེ་གཉིས་ཤར། །སྐྱེས་བུ་ཆེན་པོའི་ཚེམས་གཉིས་ལས། །རང་བཞིན་ཡི་གེ་ཨོ་གཉིས་ཤར། །སྐྱེས་བུ་ཆེན་པོའི་སྤྱི་གཙུག་ནས། །རྒྱལ་བའི་ས་བོན་ཨྃ་དུ་ཤར། །དེས་ན་ཡིག་འབྲུའི་ཡན་ལག་ཀུན། །རྒྱལ་བ་རྒྱ་མཚོའི་སྐུ་གསུང་ཐུགས། །ཨོཾ་ནི་སྐུ་ཡི་རང་བཞིན་ཏེ། །ཨཱཿནི་ཐུགས་ཀྱི་མཚན་ཉིད་དོ། །ཡི་གེའི་ཕྲེང་བ་མང་པོ་ཀུན། །གསུང་བརྗོད་གསུང་གི…

སྒྲ་སྐད་སྣ་ཚོགས་དང་། །ཡི་གེའི་གཟུགས་སུ་བསྟན་ནས་ནི། །འཁོར་བའི་ཁམས་སུ་སྣང་བར་བྱེད། །ཅིའི་ཕྱིར་ཞེ་ན་ཡི་གེ་ནི། །དེ་བཞིན་གཤེགས་པ་ཉིད་ཡིན་ཏེ། །དེ་བཞིན་གཤེགས་པའི་རང་བཞིན་ཏེ། །ཐུགས་རྗེའི་རང་བཞིན་ཡིན་པས་ན། །ཐབས་ཀྱི་བྱེ་བྲག་སྣ་ཚོགས་ཀྱིས། །ཐམས་ཅད་གྲོལ་བར་མཛད་པའོ། །དེ་བཞིན་ཡི་གེའི་ཚོགས་འདི་ཡང་། །ཡན་ལག་སྦྱོར་སྡུ…

ཐམས་ཅད་གྲོལ། །དྷ་ནི་རང་བཞིན་མེད་པའི་སྒོ། །མཚན་ཉིད་མེད་པས་ཐམས་ཅད་གྲོལ། །ན་ནི་ཡུལ་དང་བྲལ་བའི་སྒོ། །འཛིན་པ་མེད་པས་ཐམས་ཅད་གྲོལ། །པ་ནི་ངེས་པར་འབྱུང་བའི་སྒོ། །འགག་པ་མེད་པས་ཐམས་ཅད་གྲོལ། །ཕ་ནི་དངོས་པོ་མེད་པའི་སྒོ། །ཅི་ཡང་མེད་པས་ཐམས་ཅད་གྲོལ། །བ་ནི་བརྗོད་པ་མེད་པའི་སྒོ། །བརྗོད་པ་མེད་པས་ཐམས་ཅད་གྲོལ། །བྷ་ནི་རྡུལ…

དཀྱིལ་འཁོར་རྫོགས། །ཉི་མ་འབར་བའི་འོད་ཟེར་ལས། །འོད་ཀྱི་འབར་བའི་རྡོ་རྗེ་འབར། །ཡི་གེ་ཧཱུྃ་གི་འོད་འཕྲོས་པས། །རྡོ་རྗེ་སྙིང་པོའི་ས་བོན་ཞེས། །རྡོ་རྗེ་རིགས་ཀྱི་ཞིང་དུ་གྲགས། །ཉི་མའི་འོད་ཟེར་རིན་ཆེན་ལས། །ཡིག་འབྲུ་འོད་ཀྱི་སྭ་འཕྲོས་པས། །རིན་ཆེན་སྙིང་པོའི་ས་བོན་ཞེས། །རིན་ཆེན་རིགས་ཀྱི་ཞིང་དུ་གྲགས། །ཉི་མ་པདྨོ་འབར་འ…

པའི་སངས་རྒྱས་རྣམས། །ཕྲིན་ལས་རིགས་ཀྱི་གདུང་རྒྱུད་འཛིན། །ཅི་ཕྱིར་རིགས་ཞེས་བྱ་ཞེ་ན། །དང་པོ་དེ་ལས་བྱུང་བ་དང་། །བར་དུ་དེ་ཡི་བྱ་བ་བྱེད། །ཐ་མར་དེ་ཡི་རྒྱུད་འཛིན་ཕྱིར། །དེ་ཕྱིར་རིགས་ཞེས་གྲགས་པ་ཡིན། །དཔེར་ན་མེ་དང་ཆུ་དག་དང་། །ནམ་མཁའ་དང་ནི་ས་དག་ལ། །གནས་པའི་སེམས་ཅན་མཐའ་དག་ཀུན། །གནས་རྒྱུན་ཉིད་ཀྱི་མིང་འཛིན་དེ། །མེ…

དོན་མཐོང་ན། །དེ་ནི་བརྙེས་པའི་མཆོག་ཡིན་ནོ། །གཞན་ཡང་འདུས་པའི་རྣལ་འབྱོར་རྣམས། །ལམ་གྱི་ངོ་བོ་ཚོལ་འདོད་ན། །ལམ་གྱི་རྟགས་ཉིད་དཔེས་མཚོན་ཏེ། །ལམ་གྱི་དོན་ལ་གོམས་པར་བྱ། །མི་གནས་མིག་ལྡན་སྒྲོན་མ་ཡིས། །ལམ་གྱི་རྒྱུ་ལ་མཁས་པར་བྱ། །བག་ཆགས་རྟོགས་པའི་མཚན་མ་རྣམས། །སྣ་ཚོགས་དངོས་པོར་སྣང་མོད་ཀྱང་། །ནམ་མཁའ་དག་ལ་སྨིག་རྒྱུ་འད…

པས། །ཆོས་རྣམས་རང་བཞིན་མེད་པར་ཤེས། །འདི་ནི་རྣལ་འབྱོར་ལམ་གྱི་མཆོག །འདུས་པའི་ཚོགས་རྣམས་གོམས་པར་གྱིས། །ཞེས་སེམས་དཔའི་རྡོ་རྗེ་སྨྲ་བའི་སེང་གེས་རྣལ་འབྱོར་མཆོག་གི་ལམ་གསུངས་པའོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་རྗེས་སུ་འཇུག་པའི་ལེའུ་སྟེ་གཉིས་པའོ།། །།དེ་ནས་སྨྲ་བའི་སེང…

དུ་གསོལ་ཞེས་ཞུས་པ་ལས་སེམས་དཔའ་རྡོ་རྗེས་བཀའ་སྩལ་པ། འདུས་པ་ཆེན་པོའི་ཚོགས་ལེགས་སོ། །ཁྱོད་ཀྱིས་ཞུས་པའི་དོན་རྒྱ་ཆེར་བཤད་པར་བྱའོ། །རྣ་བ་ལྷོགས་ལ་གུས་པར་ཉོན་ཅིག །སྒྲུབ་པ་དོན་གྱི་རྣལ་འབྱོར་པ། །རྣལ་འབྱོར་དོན་ལ་སྦྱོར་བའི་ཚེ། །སྤྱད་པའི་ལས་ཀྱི་ཁྱད་པར་གྱིས། །ཁམས་དང་ས་ནི་གར་འགྲོ་བ། །མདོ་དོན་ཚུལ་ལྔས་ལུང་བསྟན་ནོ། །ང…

བྱུང་བའི་སྒྲ་ཐོས་ན། །ཤིན་ཏུ་བྲོད་པས་མདུན་བསུ་ལྟར། །ལྟས་ཆེན་བྱུང་བའི་བྲོད་ཚུལ་གྱིས། །ཤིན་ཏུ་བརྩོན་པས་བདེ་ཐོབ་འགྱུར། །དེ་བས་སྔ་ལྟས་མཚན་མ་རྣམས། །ཤེས་ནས་བརྩོན་པར་འབད་པའི་རིགས། །བློ་རྩལ་ལས་ཀྱི་ཁྱད་པར་གྱིས། །ཏིང་འཛིན་དྲོད་ཀྱི་སྔ་ལྟས་འབྱུང་། །ཡང་དག་བདེན་པའི་དོན་བསྟན་ན། །མི་སྐྲག་མི་དངང་དགའ་བ་སྐྱེ། །ཡང་དག་དོ…

ཏིང་འཛིན་རྩལ་སྦྱངས་ན། །ཅི་ལྟར་དམིགས་པ་དེར་འགྲུབ་སྟེ། །མེ་ཡི་སྐྱེ་མཆེད་དེར་བསྒོམས་ན། །མེ་ཡི་རང་བཞིན་ཉིད་དུ་འགྱུར། །ཆུ་ཡི་སྐྱེ་མཆེད་དེར་བསྒོམས་ན། །ཆུ་ཡི་སྐྱེ་མཆེད་ཉིད་དུ་འགྱུར། །རླུང་གི་སྐྱེ་མཆེད་དེར་བསྒོམས་ན། །རླུང་གི་སྐྱེ་མཆེད་ཉིད་དུ་འགྱུར། །ཡིག་འབྲུའི་སྐྱེ་མཆེད་དེར་བསྒོམས་ན། །ཡིག་འབྲུ་གང་ལྟར་གསལ་བར…

ནོ། །གཞན་ཡང་སྣང་བའི་ནམ་མཁའ་ལ། །གོམ་པས་བགྲོད་དེ་འགྲོ་བ་དང་། །ཆུ་ལ་མི་འབྱིང་ས་ལ་འཛུལ། །མེ་ཡིས་མི་འཚིག་རླུང་བཅིང་བ། །འདི་ཡང་སྔ་ལྟས་ཆེན་པོ་ཡིན། །ལུས་ཀྱི་བདེན་པའི་རྩལ་རྫོགས་ན། །མཐུ་ཡི་རྩལ་ཡང་འབྱུང་བ་སྟེ། །མཐུ་ཡི་བྱིན་བརླབས་བསམ་མི་ཁྱབ། །གལ་ཏེ་དགོས་སམ་འདོད་པ་ན། །ས་འམ་རྡོ་འམ་བྱེ་མ་དག །གསེར་དང་དངུལ་ལ་སོགས་པར…

གཟན་ནང་ནས་བྲོས་པ་དང་། །དུག་ནད་དག་ལས་སོས་པ་དང་། །བཅིངས་པ་དག་ལས་གྲོལ་བ་དང་། །ཐག་པ་བཅད་པར་གྱུར་པ་རྣམས། །མཚན་མ་བཟང་པོའི་སྔ་ལྟས་ཡིན། །ས་རྣམས་ཐོབ་པའི་སྔ་ལྟས་ནི། །ཁྲི་རྐང་དག་ལ་འཛེག་པ་དང་། །ཕལ་པའི་སྐས་ལ་འཛེག་པ་དང་། །ལྗོན་ཤིང་དག་ལ་འཛེག་པ་དང་། །གྱེན་དུ་ཤིན་ཏུ་འགྲོ་བ་དང་། །རི་བོའི་རྩེ་ལ་འཛེག་པ་དང་། །རིན་ཆེན་སྐ…

སྔོན་མ་མཐོང་གི་ཡུལ་མཐོང་དང་། །སྟོང་གསུམ་རྒྱ་ཆེར་མཐོང་བ་དང་། །གླིང་རྣམས་གཞན་དུ་ཕྱིན་པ་དང་། །རི་རབ་ཁ་ལ་ཕྱིན་པ་དང་། །ནམ་མཁའ་རྒྱ་ཆེར་མཐོང་བ་དང་། །རྒྱ་མཚོའི་གཏིང་དུ་ཕྱིན་པ་དང་། །ལག་ན་སྒྲོན་མེ་ཐོགས་པ་དང་། །ཉི་མའི་སྙིང་པོར་ལྟ་བ་དང་། །སྣང་སྲིད་དཔྱོད་པ་བྱེད་པ་རྣམས། །ཆོས་ལ་དབང་ཐོབ་ལྟས་ཆེན་ཡིན། །ལུང་བསྟན་ཐོབ་པ…

བསྟན་པ་ཡིན། །ཆོས་ཀྱི་སྒོ་རྣམས་སྣང་བ་ཡི། །ངེས་པའི་ཆོ་འཕྲུལ་བསྟན་པ་ནི། །ཏིང་འཛིན་རྩལ་གྱི་ཁྱད་པར་གྱིས། །འཇིག་རྟེན་ཁམས་རྣམས་གཡོས་ནས་ཀྱང་། །ཐམས་ཅད་ངོ་མཚར་སྐྱེ་འགྱུར་ཏེ། །སེམས་ཀྱི་བསམ་པ་རངས་བྱས་ནས། །སོ་སོ་དགའ་བའི་རོ་མྱང་འགྱུར། །ཆོས་རྣམས་སྣང་བའི་ཆོ་འཕྲུལ་ཡིན། །ཀུན་ནས་ཀུན་དུ་བརྗོད་པ་ནི། །གསང་བའི་ཡི་གེའི་ཕྲེ…