སྦྲེངས། །བསྐལ་པའི་མེ་དཔུང་འབར་བའི་ཀློང་། །སྲིད་པའི་རྩེ་མོར་འཁྱིལ་ཅིང་འཕྲོ། །ནམ་མཁའི་ཁམས་ཀུན་མེ་དཔུང་གཏིབས། །རྡོ་རྗེ་འཁོར་ལོ་མེ་ལྕེ་འཕྲོ། །དུར་ཁྲོད་དགོན་པའི་ས་ཕྱོགས་དག །མེ་ཡི་རི་བོ་འབར་བ་ལ། །མེ་ཡི་ཡི་དྭགས་མ་དག་ལས། །གང་ཡང་གནས་པར་མི་ཕོད་པ། །སྟེང་གི་མེ་ལྕེ་འབར་བ་ནི། །འོག་གི་ཕྱོགས་སུ་འཕྲོ་ཞིང་འཁྲུག །འོག་…

འཇིག་རྟེན་འདས་པའི་སྤྱོད་ཚུལ་དག །ཇི་ལྟར་འབྱུང་བ་དེ་ལྟར་སྤྱད། །ཨེ་མ་དུར་ཁྲོད་གསང་བ་ཡི། །རྨད་བྱུང་ཞིང་ཁམས་དགའ་ཚལ་འདིར། །སྐལ་ལྡན་དབང་ཕྱུག་རྒྱལ་བའི་སྲས། །འདུས་པས་ཚོགས་པའི་རིག་འཛིན་རྣམས། །ཨེ་མའོ་དགའ་མཆོག་བདེ་ཆེན་གྲོགས། །དམ་ཚིག་སྲོག་གི་ལུ་གུ་རྒྱུད། །ཐབས་དང་ཤེས་རབ་འདྲེལ་བ་ཡིས། །སྤྲུལ་པའི་གཤོག་སྤྲུགས་གྲྭ་རྒྱ…

འཛིན་ཤེས་རབ་མ། །རྒྱལ་སྲས་ལྷ་ཡི་དངོས་གྲུབ་འཛིན། །དགྱེས་པས་ཚིམ་པའི་ལོངས་སྤྱོད་དག །ཇི་ལྟར་ཡིད་བཞིན་ནོར་བུ་འམ། །དཔག་བསམ་ཤིང་ལྗོན་འདོད་འཇོའི་བ། །མ་རྨོས་ལོ་ཏོག་རྒྱས་པ་ལྟར། །རྣལ་འབྱོར་ལོངས་སྤྱོད་ཆེན་པོ་དག །ནམ་མཁའི་ཁམས་སུ་གཏིབས་ནས་ཀྱང་། །རྡོ་རྗེ་དགྱེས་ཚོགས་ཀུན་འདུས་ནས། །སྐལ་ལྡན་རྣམས་ཀྱིས་རབ་སྤྲུལ་ཅིག །རྡོ་ར…

རང་གཉེར་ལས་སྐལ་ཚིམ་བྱེད་མ། །སྨན་གྱི་ལྷ་མོ་ནོར་གྱི་རྒྱུན། །དུག་རྣམས་བདུད་རྩིར་སྒྱུར་བྱེད་མ། །བདུད་རྩི་སྨན་གྱི་དངོས་གྲུབ་འཛིན། །རང་གཉེར་ལས་སྐལ་འདི་ཀུན་ཡང་། །རྡོ་རྗེ་གླུ་ཡི་བརྟེན་ནས་ནི། །རྣལ་འབྱོར་ཆེན་པོའི་ཡོ་བྱད་དུ། །རོལ་མོས་དགའ་སྟོན་ལོངས་སྤྱོད་བྱ། །དེ་ནས་ལས་ཀྱི་གནས་སྐབས་འདིར། །ཕྱི་ནང་མཐུན་འཇུག་བཀའ་སྡ…

ལ། །འབུར་ཁུང་ཁོད་སྙོམས་འཕང་མཐོ་བའི། །ཁ་དོག་ལྔ་ཡི་གཟུགས་བྱས་ནས། །དེས་ནི་མཚན་མའི་དངོས་གྲུབ་སྟེར། །ཤིང་ཤུན་རས་སམ་དུར་ཁྲོད་ཀྱི། །ཞིང་ཆེན་རས་ལ་ཁ་དོག་ལྔས། །ཕྱག་རྒྱ་འབར་བའི་གཟུགས་བྲིས་ན། །དེ་ཡང་མཚན་མ་འབྱུང་བའི་རྟེན། །རྡོ་དང་ཤེལ་རྡོ་ལ་སོགས་པ། །དུང་ངམ་བ་སོའི་རྒྱུ་ལས་ནི། །མཁས་པས་འབུར་དུ་བཏོད་བྱས་ནས། །མཚན་མ་འབ…

དེ་བྱིན་གྱིས་བརླབ་པའི་ཐབས། །ཐབས་དང་ཤེས་རབ་འདྲེལ་བ་ཡི། །ཡི་གེ་གཉིས་ཀྱི་འཕྲོ་འདུ་ལས། །དཀར་དམར་འོད་ཀྱི་གསེར་ཕྲེང་འཕྲོ། །རྡོ་རྗེ་གསང་བའི་ཐབས་ཀྱིས་སྨད། །བྱང་ཆུབ་སེམས་འདྲེན་འཁལ་བའི་ཡུམ། །ངེས་པར་བརྟགས་ཏེ་འདིར་བཟུང་བ། །མཚན་ལྡན་བཀྲ་ཤིས་གསང་བའི་ཡུམ། །སྨིན་དཀྱུས་རིང་ལ་ལག་སོར་ཕྲ། །ཚིགས་མིག་ཟླུམ་ལ་ཕྲ་བར་བཤད། །ཁ་…

འདྲེན་པ། །ཁྱོད་ནི་ལྷ་མོ་རྒྱལ་བའི་སྲས། །རང་བཞིན་ཆོས་ཀྱི་མཚན་ལྡན་མ། །རྡོ་རྗེ་ལས་ཀྱི་ཡུམ་ཡིན་གྱིས། །གསང་བའི་ལས་རྣམས་ཀུན་བྱོས་ཤིག །ལག་པ་འཁོར་ལོའི་གཞལ་ཡས་སུ། །ཉི་ཟླ་འབར་བའི་ཚོགས་བཀོད་དེ། །གསང་བའི་བྱང་ཆུབ་དཀར་དམར་འདི། །ཐིག་ལེ་ཡི་གེའི་ངོ་བོར་གདབ། །ལས་ཀྱི་རྡོ་རྗེ་འབར་བ་ཡི། །རྡོ་རྗེ་གར་གྱི་ཕྱག་རྒྱ་ཡིས། །བྱང་…

འཇོམས་པའི་དྲག་ཤུལ་ཅན། །རྡོ་རྗེ་ལྕེ་ཡིས་འདིར་བརྡེག་བྱ། །རྡོ་རྗེ་ཉི་མའི་གཞལ་ཡས་སུ། །རྡོ་རྗེ་དཔལ་བེའུ་འོད་ཀྱི་ཐིག །མེ་ལོང་ཡེ་ཤེས་རང་བཞིན་ཅན། །རྣལ་འབྱོར་ཅན་གྱིས་གདབ་པར་བྱ། །དེ་བཞིན་རིན་ཆེན་འབར་བའི་གཞལ། །པདྨ་ཟླ་བ་འཁོར་ལོ་ཡི། །དཔག་མེད་ནམ་མཁའི་གཞལ་ཡས་སུ། །རིགས་ཀྱི་དཔལ་བེའུ་འོད་ཀྱི་ཐིག །ཡེ་ཤེས་བཞི་ཡི་རང་བཞི…

དེ་བཞིན་སྲིན་མོ་གཞོང་ཐོགས་བརྒྱད། །ཀུན་དུ་མཛེས་པར་བྲི་བར་བྱ། །ལྔ་པའི་ཁྱམས་ནི་ཐ་མ་ལ། །རྡོ་རྗེ་སླས་དང་བྲན་མོ་དང་། །ཕོ་ཉ་ལ་སོགས་རྒྱས་པར་དགྲམ། །དེ་ཡང་ཚུལ་དུ་དགོད་པ་ནི། །གོང་མ་དག་ནི་རྒྱུ་རྣམས་ལས། །ཀ་ཙ་ལི་ལ་སོགས་པ་དང་། །ཇི་ལྟར་འབྱོར་བ་དེ་ལྟར་བྲི། །མཆོད་པའི་ཡོ་བྱད་ཐམས་ཅད་དང་། །རྨད་དུ་བྱུང་བའི་རྫས་མཆོག་དང་། …

ཀུན་དུ་ཁྱབ་པར་ལུས་བདེར་སྦྱར། །རྨད་བྱུང་སྒྲུབ་པའི་དཀྱིལ་འཁོར་དུ། །འཇུག་དང་དངོས་གྲུབ་གསོལ་བ་དང་། །དབང་བསྐུར་བ་ཡི་ལས་རྣམས་བྱ། །འདོད་པར་བྱ་བ་བསྒྲུབ་པ་དང་། །གཏོར་མ་ལ་སོགས་རྫས་ཀྱི་རྣམས། །ཆ་གསུམ་དག་ལ་བགོས་ནས་ཀྱང་། །གཅིག་ནི་སྦྱིན་སྲེག་ལས་མཆོག་བྱ། །གཅིག་ལ་རྣལ་འབྱོར་ལོངས་སྤྱོད་གཏེར། །གཅིག་ནི་མཁའ་འགྲོའི་འཁོར་ཚ…

རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རིག་འཛིན་བསྒྲུབ་པའི་ལེའུ་སྟེ་བཅུ་གསུམ་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་ཚོགས་ཆོས་ཐམས་ཅད་ནི་བླང་དོར་མེད་པར་རིག་པར་བྱའོ། །ཆོས་ཉིད་མཉམ་པའི་རང་བཞིན་ལ། །བཟང་ངན་རྟོག་པའི་ཚིག་དང་བྲལ། །བདག་དང་གཞན་དུ་དབྱེར…

ཅན་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་དམ་ཚིག་འདི་ལྟ་སྟེ། མི་ཡི་བདག་པོ་ཐམས་ཅད་ལ། །འདོད་པ་ཐམས་ཅད་འཕྲོག་པ་དང་། །གསེར་ལ་སོགས་པ་བརྐུས་སྤྱད་ཀྱང་། །ཡང་དག་རིག་ན་མི་གོས་ཏེ། །འདོད་པ་གྲུབ་པའི་མཆོག་ཏུ་འགྱུར། །བདག་གི་དམ་ཚིག་དེ་ལགས་སོ། །ཞེས་གསོལ་ཏོ། །དེ་ནས་ཡང་མུ་སྟེགས་རིག་འཛིན་འོད་སྲུང་རལ་པ་ཅན་ཞེ…

གླུ་ཡི་སྙན་དངགས་དོན་བསྒྲགས་ནས། །ཡིད་ཀྱི་དབང་པོ་ཐམས་ཅད་འཕྲོག །བསྟེན་པའི་ཐབས་ཀྱིས་འཁྲིག་སྤྱོད་པ། །འདི་ནི་དགའ་བའི་དམ་ཚིག་སྟེ། །བདག་ཅག་རྣམས་ཀྱི་དམ་ཚིག་ལགས། །ཞེས་གསོལ་ཏོ། །དེ་ནས་རིག་འཛིན་དེ་ཀུན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱི་སྤྱིའི་དམ་ཚིག་ནི་འདི་ལྟ་སྟེ། དཀར་ནག་ལས་ནི་ཅི་སྤྱད་ཀྱང་།…

དབང་གིས་སེམས་ཤོར་ན། །ཤན་པ་གསོད་པའི་རིག་འཛིན་དུ། །ལྟུང་འགྱུར་སྡིག་པའི་རི་བོ་ཡིན། །རྒྱལ་བ་རྣམས་ནི་གཙང་བས་ན། །གང་ཚེ་བདེ་གཤེགས་རྒྱལ་བའི་ཞལ། །མི་གཙང་རྣམ་པ་སྣ་ཚོགས་ཀྱིས། །ཡོངས་སུ་བསྟབས་པར་གྱུར་ན་ཀོ། །དེ་ཚེ་ལས་ཀྱི་རྣམ་སྨིན་གྱིས། །ཐར་མེད་ནད་ཀྱིས་བཟུང་ནས་ནི། །འདམ་དུ་བྱིང་བར་མི་འགྱུར་རམ། །ཤ་དང་ཁྲག་ལ་སོགས་པའི་…

ཞིག་རྟོག་པར་དེར་གོ་ན། །སྲིན་མོ་མི་སྡུག་ཤ་ཟ་མོ། །ལངྈའི་ཡུལ་དུ་དེ་དག་འཁོར། །མཚན་མའི་བླ་ཐབས་མགོ་བརྙན་ཅན། །དེར་བཙན་དེར་བཟུང་དམིགས་པས་ནི། །ཤོ་གམ་གནས་ཀྱི་གཅན་ཆེན་རིགས། །འཛིན་ཅིང་གནས་དེར་རྟོག་པར་འགྱུར། །ལས་ཀྱི་དབང་བཙན་བྲན་མོའི་ཚོགས། །དེ་འདྲ་ཉིད་དུ་དེ་བརྟགས་ན། །གནོད་སྦྱིན་ཆེན་མོའི་ཚོགས་སུ་འགྱུར། །གཞན་གྱི་ཚེ…

པའི་གནས་ཡིན་ཏེ། །ཤེས་རབ་དགའ་བའི་ཡུལ་ཡིན་ནོ། །འདི་ལ་སེམས་གསུམ་གནས་པ་སྟེ། །ཡེ་ནས་དག་པ་ཆོས་ཉིད་སེམས། །མཁའ་དང་སྦྱོར་བ་བྱང་ཆུབ་སེམས། །སྙིང་རྗེས་སྒྲོལ་བ་གསུམ་སྦྱར་ཏེ། །ཆོས་ཉིད་གསང་བ་ཉི་ཤར་ཁྱབ། །སྙིང་རྗེས་སྒྲོལ་བ་གསུམ་གྱིས་སྦྱར། །ཏིང་འཛིན་བྱིན་བརླབས་ཡེ་ཤེས་ཀྱིས། །ཆོས་ཉིད་དུར་ཁྲོད་མཁའ་ལ་བསྒྲལ། །བསྒྲལ་བའི་རྒ…

བཙལ། །འཁོར་བའི་ཕུང་པོ་དེ་བསྡུས་ལ། །རྡོ་རྗེ་སྟབས་དང་གླུ་ཡིས་སྦྱང་། །གནས་གནས་དག་ཏུ་བསྔོ་བར་བྱ། །ཕུང་པོ་མཆོད་པའི་རྫས་སུ་བསྡིམ། །རྡོ་རྗེ་པྲ་ཡི་ལས་རྣམས་གདབ། །དེས་ནི་མཉེས་དང་སྐོངས་པ་དང་། །རྡོ་རྗེ་ལས་རྣམས་འགྲུབ་པ་ཡིན། །རྣལ་འབྱོར་ལས་ཀྱི་དབང་ཕྱུག་ཆེ། །མཐོ་གཙང་ཤེས་རབ་གངས་རུམ་ནས། །རིག་པའི་སྡེར་མོ་སྦར་ཤད་ཅན། །ང…

སྡང་མིག་ལོགས་ཀྱི་ཁྱབ་པར་བལྟ། །རྡོ་རྗེ་འགྲོས་སུ་རྒྱུག་ཅིང་འགྲོ། །ཧ་ཧ་རུ་ལུའི་རྔམ་སྒྲ་སྒྲོགས། །སོ་སོའི་བརྡ་སྐད་འབྱིན་བྱེད་ཅིང་། །རྟོད་པའི་ཚུལ་གྱིས་མཆོང་ཞིང་རྒྱུག །ཡིད་བཞིན་གཏེར་ཆེན་ཁ་ཕྱེ་ནས། །འདོད་འབྱུང་རིན་ཆེན་ཕུང་པོ་དེ། །འཁོར་བའི་རྣམ་སྨིན་དཔྱིས་ཕྱུང་ནས། །རྣམ་གསུམ་དུག་ཆེན་གཏན་སྤྲུགས་ནས། །ཐུགས་རྗེ་རྔམ…

ཕྱི་མར་སངས་རྒྱས་མྱུར་བ་དང་། །དངོས་གྲུབ་རྣམ་གསུམ་ཐོབ་པ་སྟེ། །སྨོན་ལམ་བཞིན་དུ་འགྲུབ་པའོ། །དེ་ཡང་བྱེ་བྲག་འདི་ལྟ་སྟེ། །ཕྱེད་དུ་འགྱུར་ན་ཐོབ་ཐང་ཡིན། །སུམ་ཆ་ཙམ་ལ་བཏང་སྙོམས་སོ། །དེ་ཡང་སོ་སོའི་མཚན་རྟགས་སུ། །བརྟག་ཅིང་མིང་དུ་བརྗོད་བྱ་བ། །དཀར་པོ་སྤྲོས་མེད་ཆོས་ཀྱི་སྐུ། །ལྕང་ལོ་ཀུན་རྫོགས་ལོངས་སྤྱོད་ལྡན། །མ་འོངས་ས…

བཞིན་ཁྲོ་བོ་ཀུཎྜ་ལི། །ཨེ་ཀ་ཛ་ཊི་མཚན་ལྡན་པ། །ཨ་བི་མུ་ཀ་རྫོགས་པའོ། །འདོད་པ་བརྟན་ལྡན་བདེ་བ་སྐྱེ། །གཉིས་མེད་དོན་ལྡན་ཐོབ་པའོ། །པུ་ཏྲ་མང་འཕེལ་ལྕུག་ཕྲན་རྒྱས། །རྡོ་རྗེ་བསེ་ཕོར་མཚན་རྫོགས་ནས། །ཤེལ་ཕོར་གསང་བའི་དོན་འབྱུང་བ། །སྐུ་གསུང་ལྷུན་གྲུབ་ཀ་པཱ་ལ། །ཐམས་ཅད་རེ་བ་ཡིད་བཞིན་སྐོང་། །དེ་བཞིན་ཡོན་ཏན་རྫོགས་ཀུན་རྫོགས…