སངས་རྒྱས་སེམས་ཅན་གཉིས་མེད་ཕྱིར། །སྤྱན་དྲངས་བསྡིམ་པ་དེ་ལ་རྫོགས། །ཡེ་ནས་གནས་པའི་རང་བྱུང་དེ། །རང་ཆས་ཡོད་ཕྱིར་མ་བཙལ་བའི། །ཆོས་ཉིད་དོན་ལ་མི་འགྱུར་བས། །བརྟན་པར་བཞུགས་པའི་ཕྲིན་ལས་རྫོགས། །གཞི་ལ་སྐྱོན་ཡོན་མེད་པའི་ཕྱིར། །རང་བྱུང་ཕྱི་ནང་མེད་པས་ན། །བཟང་ངན་བླང་དོར་མི་བྱེད་པས། །ཟིལ་གྱིས་མནན་པའི་ཕྲིན་ལས་རྫོགས། །ཡང…

བསྲུང་ཕྲིན་ལས་རྫོགས། །མ་རིག་རྐྱེན་བཞི་མེད་པའི་ཕྱིར། །གཉིས་མེད་དོན་དུ་སངས་རྒྱས་པས། །མ་རྟོགས་དོན་དུ་ངེས་པའི་དོན། །དགེ་རྩར་བསྔོ་བའི་ཕྲིན་ལས་རྫོགས། །རྫོགས་པ་ཆེན་པོ་ངེས་དོན་འདུས་པ་ལས། མཛད་པའི་ཕྲིན་ལས་ཉམས་སུ་བླང་བའི་ལེའུ་སྟེ་ཞེ་བརྒྱད་པའོ།། །།དེ་ནས་འདུས་པའི་ཚོགས་རྣམས་ལ། །ཀུན་རིག་སྟོན་པས་བཀའ་སྩལ་པ། །ངོ་བོ་ར…

ལ་བཀའ་སྩལ་པ། །རྩོལ་བ་མེད་པའི་འབྲས་བུ་ནི། །གོལ་སྒྲིབ་མེད་པའི་ཆོས་སྐུ་ལ། །དབྱེ་ན་རྣམ་པ་བཅུ་ཚན་གསུམ། །ཡིད་ལ་མི་བྱེད་གོལ་སྒྲིབ་མེད། །དེ་ཕྱིར་ངེས་པའི་འབྲས་བུ་ཡིན། །ད་ཡང་འདུས་པའི་སྙིང་པོ་ཉོན། །སྔ་ཕྱི་ཞེན་པའི་རྟོག་པ་ཡིས། །བྱུང་ཚོར་རྗེས་སུ་མ་འབྲངས་པས། །འཇིག་རྟེན་ཕལ་པའི་སར་མི་གོལ། །དེ་ཡང་ངེས་པའི་འབྲས་བུ་ཡིན།…

ལྟོས་པས། །འདུས་བྱས་ཆོས་སུ་དེ་མི་གོལ། །དེ་ཡང་ངེས་པའི་འབྲས་བུ་ཡིན། །བག་ཆགས་བཟང་ངན་མིང་མེད་ཕྱིར། །དགེ་སྡིག་རེ་དོགས་རྩོལ་མེད་པས། །ལས་ཀྱི་དབང་དུ་དེ་མི་གོལ། །དེ་ཡང་ངེས་པའི་འབྲས་བུ་ཡིན། །སྣང་སྟོང་གཞི་ལ་མེད་པའི་ཕྱིར། །དབྱེ་བ་བསྟན་པའི་ཡུལ་མེད་པས། །ཕྲ་བའི་ལམ་དུ་དེ་མི་གོལ། །དེ་ཡང་ངེས་པའི་འབྲས་བུ་ཡིན། །གཞི་ལ་གོ…

ཡང་ངེས་པའི་འབྲས་བུ་ཡིན། །ཚོགས་བརྒྱད་གོལ་སར་ཤེས་པའི་ཕྱིར། །སེམས་ཉིད་དོན་ལ་མ་རྩོལ་བས། །མཉམ་ཉིད་དོན་ལས་མི་འགྱུར་ཕྱིར། །ཆོས་ཀྱི་སྐུ་ལ་གོལ་ས་མེད། །རྫོགས་པ་ཆེན་པོ་ངེས་དོན་འདུས་པ་ལས། སྔགས་ཕྱི་ནང་གི་གོལ་ས་མེད་པའི་འབྲས་བུ་བསྟན་པའི་ལེའུ་སྟེ་ང་གཅིག་པའོ།། །།དེ་ནས་འདུས་པའི་འཁོར་རྣམས་ལ། །ཀུན་རིག་སྟོན་པས་བཀའ་སྩལ་པ…

ཡིས། །འདུས་པའི་འཁོར་ལ་ཕན་གདགས་ཕྱིར། །ཀུན་རིག་སྟོན་པ་ཆོས་རྗེ་ལ། །ངེས་པའི་དོན་དགོངས་འདི་སྐད་གསོལ། །སེམས་ལས་མ་བྱུང་སངས་རྒྱས་དང་། །རྒྱུ་ལས་མ་བྱུང་འབྲས་བུ་དང་། །ལུང་ལ་མ་བརྟེན་མན་ངག་རྣམས། །ཀུན་རིག་སྟོན་པས་བཤད་དུ་གསོལ། །དེ་སྐད་ཞུས་པའི་དོན་གསན་ནས། །ཀུན་རིག་སྟོན་པས་བཀའ་སྩལ་པ། །ངེས་པ་གསུམ་གྱིས་ཁྱད་འཕགས་པ། །ཁྱ…

པའི་ཕྱིར། །སེམས་ལས་མ་བྱུང་རང་བྱུང་སྟེ། །སངས་རྒྱས་ཀུན་གྱི་དགོངས་པ་ཡིན། །ད་ཡང་རྡོ་རྗེ་སེམས་དཔའ་ཉོན། །སེམས་ནི་མ་རིག་མུན་པ་ཡིན། །སངས་རྒྱས་སེམས་བྲལ་ཡེ་ཤེས་སྐུ། །མ་རིག་སེམས་སྤངས་སྒྲིབ་པ་དག །ཐམས་ཅད་མཁྱེན་པའི་ཡེ་ཤེས་རྒྱས། །རྟག་ཆད་འཛིན་པ་མ་རིག་སེམས། །གསལ་བརྟན་ཏིང་འཛིན་གོམས་གྱུར་ཀྱང་། །སེམས་ལས་མ་བྱུང་སྒྲིབ་པ་…

ཚེ་ལ་སྔ་ཕྱི་ད་ལྟ་འབྱུང་། །སེམས་ལ་འཕོ་འགྱུར་ཡོད་པའི་ཕྱིར། །དེ་ཕྱིར་ལུས་ལ་སྐྱེ་འཆི་འབྱུང་། །ན་ཚ་བདེ་སྡུག་སྣ་ཚོགས་པ། །རང་སེམས་ཡིན་ཕྱིར་འཁོར་བར་སྨིན། །དེ་ཕྱིར་སེམས་ནི་སངས་རྒྱས་མིན། །ད་ཡང་འདུས་པའི་སྙིང་པོ་ཉོན། །སྐྱེ་ཤི་མེད་ཕྱིར་སེམས་དང་བྲལ། །སྐྱེ་མེད་རང་བྱུང་ཡེ་ནས་གནས། །དེ་ཉིད་ལམ་གྱི་ཡེ་ཤེས་ནི། །ཐོག་མཐའ་…

པ། །རྒྱུ་རྐྱེན་མེད་པའི་མཐུན་དཔེ་ནི། །ནོར་བུ་རིན་ཆེན་ཀུན་ལྡན་གཞི། །ཆོས་སྐུ་རྒྱུ་ལ་རག་མ་ལུས། །རྐྱེན་ལ་མི་ལྟོས་སྨོས་ཅི་དགོས། །ད་ཡང་འདུས་པའི་སྙིང་པོ་ཉོན། །རྒྱུ་ནི་འདུས་བྱས་མི་རྟག་ཕྱིར། །གཉེན་པོས་འཇིག་ཕྱིར་རྐྱེན་ཁར་འགྲོ། །དེ་ཕྱིར་རྐྱེན་གྱིས་མ་བསྐྱེད་པའི། །རང་བྱུང་ཆོས་སྐུ་འགྱུར་མེད་དེ། །ཆོས་རྣམས་ཀུན་གྱི་ས…

ཆོག །ད་ཡང་རྡོ་རྗེ་སེམས་དཔའ་ཉོན། །རང་བྱུང་སྟོབས་ཀྱིས་འབྱུང་བའི་དཔེ། །ལྷ་ཡི་པཉྩ་ལི་ཀ་བཞིན། །རྒྱུ་རྐྱེན་མ་བསྐྱེད་རང་བྱུང་སྐུ། །སུས་ཀྱང་མ་བྱས་བྱས་པ་མེད། །དེ་ཕྱིར་ཆོས་ཉིད་བརྡལ་པའི་སྐུ། །རང་བྱུང་ཡེ་ཤེས་རྒྱུས་མ་བསྐྱེད། །རྐྱེན་མེད་རང་གསལ་རྒྱུན་མི་ཆད། །གཉེན་པོའི་རྐྱེན་གྱིས་བཅོས་སུ་མེད། །རྒྱུ་ལས་མ་བྱུང་འབྲས་བ…

ཕྱིར། །རྐྱེན་གྱིས་སྔར་འཁྲུལ་མ་མྱོང་བས། །ལུང་ལྡན་གྱིས་ནི་བསྟན་མི་དགོས། །དེ་ཕྱིར་ལུང་ལས་མ་བྱུང་ཆོས། །ཡ་མཚན་རྨད་དུ་བྱུང་བའི་བཀའ། །སངས་རྒྱས་ཐམས་ཅད་དེ་ལས་བསྐྱེད། །ད་ཡང་འདུས་པའི་སྙིང་པོ་ཉོན། །རང་བྱུང་ཀུན་ཏུ་བཟང་པོ་ལ། །ཡུལ་མེད་འཛིན་པ་མེད་པའི་ཕྱིར། །ཡེ་ནས་རིག་པ་རང་ལ་ཤར། །དུས་དེ་ཉིད་དུ་མ་རིག་སངས། །དེ་ཕྱིར་ལུ…

པ་ཆེན་པོ་ངེས་དོན་འདུས་པ་ལས། ལུང་ལ་མ་བརྟེན་པའི་མན་ངག་བསྟན་པའི་ལེའུ་སྟེ་ང་ལྔ་པའོ།། །།དེ་ནས་རྡོ་རྗེ་སེམས་དཔའ་ཡིས། །འདུས་པའི་འཁོར་ལ་ཕན་གདགས་ཕྱིར། །ཀུན་རིག་སེམས་ཀྱི་རྒྱལ་པོ་ལ། །བདེན་པའི་ཡིད་ཀྱིས་འདི་སྐད་གསོལ། །ཆེ་བ་རྣམ་ལྔ་དབྱེ་བ་ཡི། །དབང་གི་ཆེ་བ་ཇི་ལྟར་ལགས། །ཆོས་སྐུའི་འཁོར་ནི་ཇི་ལྟར་དག །ལོངས་སྐུའི་འཁོར་ག…

ནས་བཅད། །དེ་ཕྱིར་རང་བྱུང་དོན་འདི་ཆེ། །ད་ཡང་རྡོ་རྗེ་སེམས་དཔའ་ཉོན། །ཡེ་ཤེས་སྤྱི་བླུགས་ཆེ་བ་ཡིས། །གོལ་ས་ཕྱི་ནང་ཆོད་པའི་ཕྱིར། །ངེས་པའི་དོན་ལ་བསྒོམ་མི་དགོས། །གཟུགས་མེད་ཁམས་བཞིར་དེ་མི་སྐྱེ། །ད་ཡང་འདུས་པའི་སྙིང་པོ་ཉོན། །རྒྱུན་དུ་འབྲལ་མེད་དམ་ཚིག་གིས། །ཡེ་ཤེས་ཆེན་པོར་ལ་ཟློས་པས། །ས་བཅུ་རིམ་གྱིས་དེས་མི་བགྲོད། …

ཁམས་གསུམ་འཁོར་བ་མིང་མེད་ཅིང་། །གདོད་ནས་མ་སྤངས་ཡེ་སངས་རྒྱས། །རྩ་བ་མེད་པར་ཡེ་ནས་གྲུབ། །ད་ཡང་འདུས་པའི་སྙིང་པོ་ཉོན། །མི་ནུབ་པ་ལ་དོན་གསལ་ཕྱིར། །དེ་ཉིད་ལྷུན་གྲུབ་དོན་རྟོགས་ནས། །རྟག་ན་ཡེ་ཤེས་ཆེན་པོ་རྟག །ཆད་ན་འཁོར་བ་རྩད་ནས་ཆོད། །ལྡན་ན་སྐུ་གསུང་ཐུགས་སུ་ལྡན། །སྣང་ན་རང་རིག་ཡེ་ཤེས་སྣང་། །ཡིན་ན་ཡེ་ནས་སངས་རྒྱས་ཡི…

འདུས་པའི་སྙིང་པོ་ཉོན། །མཚན་མ་སྤངས་པའི་ཕ་རོལ་ན། །བསྒོམ་པ་བྱ་བ་ལོགས་ན་མེད། །སྡུག་བསྔལ་སྤངས་པའི་ཕ་རོལ་ན། །བདེ་བ་བྱ་བ་ལོགས་ན་མེད། །གཏི་མུག་སྤངས་པའི་ཕ་རོལ་ན། །རང་རིག་ཡེ་ཤེས་ལོགས་ན་མེད། །འདོད་ཆགས་སྤངས་པའི་ཕ་རོལ་ན། །བདེ་ཞིང་སྐྱིད་པ་ལོགས་ན་མེད། །ཞེ་སྡང་སྤངས་པའི་ཕ་རོལ་ན། །སྙིང་རྗེ་བྱ་བ་ལོགས་ན་མེད། །འཁོར་བ་སྤ…

སྙིང་པོ་ཉོན། །གང་ཟག་བཀྲི་དོན་བདེན་གཉིས་བྲལ། །ཡང་དག་སྙིང་པོའི་ཆོས་ཉིད་ལ། །བསྒོམ་དུ་ཡོད་དང་མེད་པ་ཡི། །ཚིག་ཏུ་འཛིན་མེད་ཡེ་ནས་བདེན། །སྣང་བའི་ཡུལ་ལ་རྟོག་མེད་ཕྱིར། །སེམས་ལ་གཏད་ཅིང་གཟུང་དུ་མེད། །ཇི་སྲིད་བར་དུ་གཏད་ཡོད་ན། །དེ་སྲིད་བར་དུ་འཁྲུལ་པ་ཡིན། །དེ་ཕྱིར་གཏད་དང་གཟུང་དུ་མེད། །དེ་ལ་སྐྱོན་གྱིས་གོས་པ་མེད། །ད…

ཇི་ལྟར་འདོད་པ་བཞིན་དུ་འགྱུར། །དེ་བཞིན་ཡེ་ཤེས་ཆོས་སྐུ་འདི། །རྟོགས་པས་ཆོག་ཕྱིར་རང་བྱུང་སྐུ། །ཆེ་བའི་ཡོན་ཏན་རྒྱུན་མི་འཆད། །ཅིར་ཡང་ཀུན་འབྱུང་ཆོས་ཀྱི་གཏེར། །དེ་བཞིན་ཉིད་དུ་ཀུན་རིག་ན། །འཁོར་བ་དང་ནི་མྱ་ངན་འདས། །སོ་སོར་ཡོད་པ་མ་ཡིན་ཏེ། །དེ་བཞིན་ཉིད་དེ་རྟོགས་ངེས་ན། །དེ་ལ་འཁོར་བའི་རང་བཞིན་མེད། །ད་ཡང་རྡོ་རྗེ་སེ…

པའི་དོན་དུ་ལ་བཟླའོ། །ད་ཡང་རྡོ་རྗེ་སེམས་དཔའ་ཉོན། །རང་གི་ངོ་བོ་ཀུན་གྱི་གཞི། །སངས་རྒྱས་སེམས་ཅན་གཉིས་ལ་གནས། །དེ་ཕྱིར་ངོ་བོ་གཅིག་པ་ནི། །རྒྱལ་བ་ཀུན་གྱིས་རབ་ཏུ་བསྔགས། །ཆོས་ཀྱི་སྙིང་པོ་རང་བྱུང་སྐུ། །འཁོར་འདས་རྩ་བ་དེ་ཡིན་ཕྱིར། །དེ་ལས་སངས་རྒྱས་སེམས་ཅན་བྱུང་། །དེ་ཕྱིར་རང་བྱུང་ཀུན་གྱི་གཞི། །དཔེར་ན་མར་མེ་སྟོང་བཏ…

ཡིས། །སེམས་ཅན་ལུས་དང་བག་ཆགས་ཡིན། །དགེ་སྡིག་གཉིས་ཀྱི་འབྲས་བུ་ནི། །དྲང་དོན་ཆོས་ལ་བདེན་འཛིན་ཀྱང་། །གཞི་ལ་སྐྱོན་ཡོན་གཉིས་མེད་ཕྱིར། །བླང་དོར་མེད་པར་ལ་བཟླའོ། །ད་ཡང་འདུས་པའི་སྙིང་པོ་ཉོན། །དཔེར་ན་འཁྲུལ་པའི་སྣང་བ་ཡང་། །གཙང་དང་མི་གཙང་གཉིས་ཀའི་གཞི། །ལུད་པ་ལ་སོགས་གང་རུང་ལ། །བྱ་ཁྱི་གཉིས་ཀྱིས་ཟས་སུ་མཐོང་། །མི་རྣམ…

ཡེ་ནས་རྫོགས། །འདོད་ཆགས་ལོངས་སྤྱོད་རྫོགས་པའི་སྐུ། །ཞེ་སྡང་སྤྲུལ་སྐུ་ཡེ་སངས་རྒྱས། །གཏི་མུག་ཆོས་སྐུ་མ་རིག་སངས། །ང་རྒྱལ་ངོ་བོ་ཉིད་སྐུར་དག །ཕྲག་དོག་གསང་བའི་སྐུ་རུ་རྫོགས། །དུག་ལྔ་གཅིག་ཤེས་བྱང་ཆུབ་སྐུ། །ད་ཡང་འདུས་པའི་སྙིང་པོ་ཉོན། །ཡེ་ཤེས་ཡོད་ན་མ་རིག་མེད། །དེ་ཕྱིར་ལུང་ལྡན་ངེས་པའི་དོན། །བཀའ་བརྒྱུད་ཆོས་འདི་སང…