སྐུ་ཕྱག་རྒྱ་ཆེན་མོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀྱི་མཚན་ཉིད་རབ་སྡུད་པ། །ཀུན་སྡུད་གསང་བའི་མཚན་ཉིད་ཅན། །མ་གཡོས་དབྱིངས་ལས་ཐམས་ཅད་སྡུད། །སྐྱོན་མེད་དྲི་བྲལ་གདོད་ནས་དག །སྡུད་ཅིང་གསང་བའི་མཚན་ཉིད་ཡིན། །འཁྲིལ་བའི་མཆོད་ཆེན་མཉམ་སྦྱོར་བས། །སྡུད་པའ…

སེམས་དཔའི་ཐུགས་མ་གཡོས་པ་དང་གཉིས་སུ་མེད་པར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རབ་ཏུ་བསྐྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། ཆོས་སྐུའི་དབྱིངས་ནས་ཐམས་ཅད་འབྱུང་། །མ་བཅོས་དབྱིངས་ལས་མ་གཡོས་པ། །དྲི་མེད་གསང་བའི་ཡི་གེར་ཤར། །ཞེས་…

མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཀྵིཾ་ཧི་རཱ་ཛ་ཡ། འདི་ཕྱུང་མ་ཐག་ཏུ་སའི་སྙིང་པོའི་སྐུ་ཕྱག་རྒྱ་ཐམས་ཅད་ཡོངས་སུ་རྫོགས་པར་འཐོན་ཏེ། བཅོམ་ལྡན་འདས་ཀྱི་ཞལ་ལ་བལྟས་ནས་འདི་སྐད་ཅེས་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱི། །དངོས་མེད་དག་པའི་བྱང་ཆུབ་སེམས། །སྙིང་པོ་ཉིད…

འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །གཱ། འདི་ཕྱུང་མ་ཐག་ཏུ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། བདུད་རྩིའི་རྒྱུན་ཞེས་བྱ་བ་ལ་གནས་པར་མཛད་དོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཧྲཱྀཿཧ་ཧཱུཾ་པདྨ་པཱ་ད་མ། འདི་ཕྱུང་མ་ཐག་ཏུ་ས…

པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །མཻ་དྷ་ར་ཎི་སྭཱ་ཧཱ། འདི་ཕྱུང་མ་ཐག་ཏུ་བྱམས་པའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཀུན་གྱི་དངོས་གཞི་དམ་པ་ལས། །ཁམས་གསུམ་སེམས་ཅན…

རཱ་ཛཱ་ཡ་སྭཱ་ཧཱ། འདི་ཕྱུང་མ་ཐག་ཏུ་ཀུན་ཏུ་བཟང་པོའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀུན་དག་པ་བདག་མེད་པ། །དྲི་མ་མེད་ཅིང་གསལ་བའི་དངོས། །དེ་རྟགས་སྐུ་རུ་ཡོངས་རྫོགས་པའོ། །ཞེས་གླེངས་ཏེ་ནུབ་བྱང་མཚམས་ཀྱི་ངོས་སུ་བཅོམ་ལྡན་འདས་ལ་ཕྱོག…

ཨཱཾ་ནཱིརྟི་རཱ་ག་ཡཱ་མི། འདི་ཕྱུང་མ་ཐག་ཏུ་ལཱ་སྱེ་མ་དང་། མཱ་ལེ་མ་དང་། གཱིརྟི་དང་། ནཱིརྟི་རྣམས་སྐུ་ཆ་ལུགས་དང་རྒྱན་ཡོངས་རྫོགས་སུ་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཡང་དག་ཉིད་ལས་ཐམས་ཅད་བྱུང་། །ཇི་ལྟར་མཛེས་ཤིང་མཉེས་པ་དང་། །ཇི་ལྟར་སྣང་རྟགས་སྐུ་རུ་རྫོགས། །ཞེས་གླེངས་ཏེ་སའི་སྙིང་པོ་དང…

ཐུགས་ཀྱི་གསང་བ་ལས། རིག་པའི་སྔགས་འདི་ཕྱུང་ངོ་། །ཡ་མཱན་ཏ་ཀྲྀཏ་ཕཊ། བིགྷྣཱཾ་ཏ་ཀྲྀཏ་ཕཊ། པདྨཱནྟ་ཀྲྀཏ་ཕཊ། པྲཛྙཱནྟ་ཀྲྀཏ་ཕཊ། འདི་ཕྱུང་མ་ཐག་ཏུ་འཇོམས་པ་ཆེན་པོ་རེག་ཤེས་དང་། འཇོམས་པ་ཆེན་པོ་རེག་བྱེད་དང་། འཇོམས་པ་ཆེན་པོ་རེག་བྱ་དང་། འཇོམས་པ་ཆེན་པོ་མཐར་བྱེད་ཀྱི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ…

དང་མྱ་ངན་ལས་འདས་པའི་ཆོས་ཐམས་ཅད། སོ་སོའི་མཚན་ཉིད་ཀྱི་བྱེ་བྲག་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཨཱོཾ་མུ་ནེ་ཀྲིཾ་སྭཱ་ཧཱ། ཨཱོཾ་མུ་ནེ་ཧཱུཾ་ཏྲུཾ་སྭཱ་ཧཱ། ཨཱོཾ་མུ་ནེ་སྲུཾ་སྭཱ་ཧཱ། ཨཱོཾ་མུ་ནེ་བྲཾ་སྭཱ་ཧཱ། ཨཱོཾ་མུ་ནེ་ཀྵཾ་སྭཱ་ཧཱ། ཨཱོཾ་མུ་ན…

ཨེ་མ་ཧོ་སངས་རྒྱས་བཅོམ་ལྡན་འདས། །དཀྱིལ་འཁོར་རྣམས་ཀྱི་དེ་ཉིད་དོན། །བྱང་ཆུབ་སེམས་ཀྱི་མཚན་ཉིད་དང་། །མ་བཅོས་སྙིང་པོའི་དོན་རྣམས་ཀུན། །བདག་ཅག་འཁོར་ལ་བཤད་དུ་གསོལ། །ཞེས་ཞུས་པ་དང་། དེ་ནས་གསང་བ་མཆོག་གི་བདག་པོ་དེས། རྡོ་རྗེ་ཆོས་ལ་བཀའ་སྩལ་པ། སེམས་དཔའ་ཆེན་པོ་ཉོན་ཅིག །ཁྱོད་ཀྱིས་ཞུམས་པའི་སེམས་མ་ཡིན་པར། སྤོབས་པ་བསྐྱེ…

རྣམས་ཀྱིས་བསྐུལ་བ་ཐུགས་སུ་ཆུད་དེ་འཁོར་གྱི་བྱང་ཆུབ་སེམས་དཔའ་བློ་དམན་པ་གྲངས་མེད་པ་བྱིན་གྱིས་བརླབས་ནས་སྣོད་དུ་རུང་བར་བྱས་སོ། །དེ་ནས་ཡང་རྡོ་རྗེ་ཆོས་ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གླེངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །གསུང་མཆོག་བཀའ་ནི་དྲི་མ་མེད། །བདག་ཅག་འཁོར་ཚོགས་མ་འཚལ་ན། །བདེ་བར་གཤེགས་པས་…

རབ་ཏུ་མི་རྟོག་གནས་མེད་པའོ། །ཞེས་གསུངས་སོ། །དེ་ནས་ཡང་བཅོམ་ལྡན་འདས་མི་བསྐྱོད་པས། བྱང་ཆུབ་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །དུས་གསུམ་སངས་རྒྱས་རྣམས་ཀྱི་ཐུགས། །དམིགས་པ་མེད་ལས་ཐམས་ཅད་བསྐྱེད། །དེ་རྫོགས་སྔགས་ཀྱི་དོན་རབ་གསལ། །བྱང་ཆུབ་སེམས་རྫོགས་བདེ་བའི་གནས། །གཟུང་འཛིན་རྣམ་སྤངས…

ཤར་བ་ཉིད་ན་བརྗོད་དུ་མེད། །བརྗོད་མེད་ངང་ལས་ཐམས་ཅད་གསལ། །གསལ་བའི་བྱེ་བྲག་ཐམས་ཅད་གསལ། །གསལ་བའི་བྱེ་བྲག་སོ་སོར་འབྱུང་། །དེ་ལས་ཐམས་ཅད་ཉོན་མོངས་མེད། །དྲི་མེད་རྣམ་དག་རྒྱལ་བའི་སྐུ། །རྣལ་འབྱོར་བློ་ལྡན་གྱིས་བསྒོམས་འགྲུབ། །ཅེས་གསུངས་སོ། །དེ་ནས་ཡང་བཅོམ་ལྡན་འདས་དོན་ཐམས་ཅད་གྲུབ་པས། བྱང་ཆུབ་ཀྱི་སེམས་རྟོགས་པའི་ཚད་འ…

འཁོར་ཚོགས་ཞུ་བར་འཚལ། །ཞེས་གསོལ་བ་བཏབ་བོ། །དེ་ནས་སྟོན་པ་གསང་བདག་གིས་རྡོ་རྗེ་ཆོས་ཀྱི་ཚིག་གསན་ནས། སོ་སོར་རང་རང་དཀྱིལ་འཁོར་རྣམས། །རབ་ཏུ་ཉམས་དགའ་ཐོགས་མེད་བཤད། །རྣལ་འབྱོར་བློ་ལྡན་བརྩེ་ཕྱིར་རོ། །ལས་ཀྱི་བྱེ་བྲག་ཐམས་ཅད་དང་། །དངོས་གྲུབ་རབ་འབྲིང་ཐ་མ་རྣམས། །སློབ་དཔོན་བྱེད་པར་འདོད་པ་དང་། །བདེ་བར་གཤེགས་པའི་རྗེས་འ…

ཚིག་སྒོ་གསལ་ཞིང་ཁ་དོག་དམར། །པདྨ་ཅན་གྱི་ལས་ཀྱི་རིགས། །ཕྱི་ནང་ལས་རྣམས་ཐམས་ཅད་ལ། །ཤིན་ཏུ་མ་རྨོངས་དབང་ཡང་ཐོབ། །སྔགས་ལ་བརྩོན་ཞིང་ཤེས་རབ་གསལ། །ཕྱི་ནང་རྒྱུད་ཀྱི་ལས་རྣམས་ལ། །ལྷག་གམ་འོན་ཏེ་ཆད་ཀྱང་རུང་། །དེ་ཡི་དོན་རྣམས་མ་ནོར་སྐོང་། །ཕྲིན་ལས་རྣམ་བཞིའི་ལས་ལ་མཁས། །ལས་ཀྱི་དཀྱིལ་འཁོར་བྱ་བར་གསུངས། །ཡོན་ཏན་ཐམས་ཅད་ཀུ…

བཤད། །ཕྱི་ནང་ཆོས་ལ་རྟག་ཏུ་དགའ། །ཕྲིན་ལས་རྣམ་བཞིའི་ལས་ལ་འགྲུས། །དཔའ་རྩལ་ཆེ་ཞིང་ལྷུན་ཡང་སྡུག །བཟོ་ལ་མཁས་ཤིང་རིག་པ་གསལ། །བླ་མ་དམ་པ་མཉེས་བྱེད་ཅིང་། །དགོངས་པ་ཐམས་ཅད་སྐོང་བྱེད་པ། །སྣ་ཚོགས་ལས་ལ་ཤིན་ཏུ་མཁས། །ལས་ཀྱི་རིགས་ཀྱི་སློབ་མར་རུང་། །ཡོན་ཏན་མཆོག་རྣམས་ཀུན་ཚང་ཞིང་། །མང་པོས་བཀུར་ཞིང་བསྔགས་པ་བརྗོད། །ལུས་མཛ…

ཚལ་ཆེན་པོ་གཏིབས་པ་དང་། །སྐྱེད་མོས་ཚལ་གྱིས་མཐའ་བསྐོར་དང་། །ཉམས་དགའ་ཤར་དུ་ཁ་བལྟས་དག །འཁོར་ལོའི་དཀྱིལ་འཁོར་བསྒྲུབ་པའི་གནས། །ཁ་དོག་རྣམ་པ་ལྔ་ཡོད་དང་། །རིན་ཆེན་སྣ་ལྔའི་དབྱིབས་འདྲ་བ། །ཡང་ན་རིན་ཆེན་ཟུར་བརྒྱད་དམ། །རིན་ཆེན་མྱུ་གུ་འདྲ་བའམ། །མཛེས་པའི་བྱ་སྐད་སྣ་ཚོགས་སྒྲོགས། །ལུང་པ་མཛེས་ཤིང་ཁ་དོག་སྔོ། །སྐྱེ་ཤིང་ལ…

ཆོ་ག་ཡོ་བྱད་མ་ཚོགས་ཀྱང་། །དངོས་གྲུབ་ཇི་ལྟར་འདོད་པ་རྣམས། །འགྲུབ་འགྱུར་འབྲས་བུ་ཐག་མི་རིང་། །གནས་དང་སློབ་མའི་མཚན་ཉིད་ནི། །ཆོ་ག་ཡོ་བྱད་ལྡན་གྱུར་ན། །མཁས་པས་རིམ་པ་བྱས་བསྒོམས་ན། །དངོས་གྲུབ་འབྲས་བུ་མྱུར་འགྲུབ་ཅེས། །དུས་གསུམ་སངས་རྒྱས་ཀྱིས་གསུངས་པས། །ཀུན་གྱི་མཚན་ཉིད་བཤད་པ་ཡིན། །དངོས་པོའི་ཆོས་ལ་དད་པ་དང་། །མཚན་…

བྱས་རྒྱན་གྱིས་སྤྲས། །བྱིན་དང་ལྡན་པས་དབང་བསྐུར་བྱ། །དེ་དག་རྣལ་འབྱོར་གཡོན་དུ་བཞག །ཚད་ལྡན་རྡོ་རྗེ་སྲད་བུ་ལ། །དེ་ལྡན་དབང་བསྐུར་བྱིན་བརླབས་ནས། །ཐིག་གི་བྱེ་བྲག་དཀྱིལ་འཁོར་གཞུང་། །ཇི་ལྟར་འོས་པར་ཐིག་གདབ་བརྩམ། །དེ་རྗེས་དྲི་ཡི་ཐིག་ལེ་བྱ། །སོ་སོའི་ཕོ་བྲང་གདན་དུ་བརྩིག །རང་བཞིན་དཀྱིལ་འཁོར་སྤྱན་དྲངས་ནས། །མཆོད་བསྟ…

འཛིན། །བར་བ་རྡོ་རྗེ་རྩེ་ལྔ་པ། །ཐ་མ་རིན་ཆེན་མྱུ་གུའོ། །གཡོན་དང་དྲིལ་བུ་དཀུ་ལ་བརྟེན། །བར་བ་པདྨ་ཁ་འབུས་བསྣམས། །ཐ་མ་རྡོ་རྗེ་རྒྱ་གྲམ་མོ། །ཞབས་ནི་བརྐྱང་བསྐུམ་ཚུལ་དུ་བཞུགས། །གཡས་སུ་རིན་ཆེན་འབྱུང་ལྡན་ཏེ། །མཱ་མ་ཀཱི་དང་གཉིས་སུ་མེད། །རྫུ་འཕྲུལ་རྟ་ཡི་ཁྲི་སྟེང་ན། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་བཞུགས…