གཤེད་པོ་ཡབ་ཡུམ་སྟེ། །མདུན་དུ་གང་བ་བཟང་པོ་དགོད། །མཚན་ལྡན་ཐོད་པ་དུམ་གསུམ་དུ། །ལ་ཕུག་རུས་པའི་ཕྱེ་མ་དང་། །སྙིང་སྣ་ཁྲག་སྣ་སྦྱར་ལ་གཞག །དབུས་ཀྱི་གྲུ་གསུམ་མཐུར་དུ་བསྐོར། །ནང་དུ་རབས་ཆད་ཐོད་པ་གཞུག །ཉུང་ནག་ཉུང་དཀར་ལན་ཚྭ་དང་། །དུག་དང་སྨེ་ཁྲག་སྦྱར་བས་དགང་། །དམིགས་པའི་མིང་རུས་ཇི་བཞིན་བྱས། །ཐོད་པའི་ནང་དུ་གཞུག་པར་བ…

ཛ་ལཾ་མ་ཧཱ་ཛ་ལཾ། རཀྴ་རཀྴ། སྡི་བུ་སྟུ་ད་དེ་པ་ལཾ་བག་ཤ་སྭཱ་ཧཱ། འདི་ནི་སྔགས་ཀྱི་རྒྱལ་པོ་སྟེ། །ཐམས་ཅད་གྲུབ་པའི་སྔགས་ཞེས་བརྗོད། །འཁོར་ལོ་བཅས་ཀྱི་དམ་རྫས་དེ། །བྱང་བལྟས་ཆུ་མིག་དོགས་སྦས་ན། །ཁྲག་སྐྱུགས་འཆི་བར་ཐེ་ཚོམ་མེད། །དཔལ་ཟླ་གསང་ནག་པོའི་རྒྱུད་ལས། སྲོག་གཅོད་སྤུ་གྲི་གནོད་སྦྱིན་གྱི་ཟླ་གསང་གང་བ་བཟང་པོ་ནང་དུ་བསྒ…

བསེ་ཞོ་བཙན་དུག་སྦྱར་ནས་ཀྱང་། །གསང་སྔགས་གོང་མ་བཟླས་བྱས་ནས། །ཤ་ལ་རེག་པའི་གོས་ལ་བསྐུ། །ལྷོག་པ་དཀར་པོས་འཆི་བར་ངེས། །ཡང་ན་སྐྲངས་ནས་འཆི་བར་འགྱུར། །ཡང་ན་ཞ་གྲུམ་འགྲོ་མ་ནུས། །དང་པོར་ཁས་བླངས་བཞིན་དུ་བྱ། །ཐག་པ་སྤྱང་ཀིའི་མཆེ་བ་དང་། །ཝ་ཡི་རིལ་མ་སྤྱང་རྟུག་པར། །ཉི་མ་གུང་ངམ་ནམ་ཕྱེད་ན། །སུམ་འབུམ་བཟླས་ཏེ་དོན་པོ་ཡི། །…

ལོ། །ནཱ་དུ་ཏྲ་ས་ན་དྷྲི་པ་ལ་དུ་བ་ནི་གར་སི་ཏི་སྭཱ་ཧཱ། དེ་ནས་གསེར་མིག་འབར་བ་ཡིས། །ང་རྒྱལ་ཆེན་པོ་བསྟན་ཏེ། དབང་དུ་བསྡུ་ཕྱིར་དམ་ཚིག་ཕྱག་རྒྱ་བསྟན། །དང་པོ་གཉིས་ནི་ནང་དུ་བསྣོལ། །ཟླ་རྣམས་རབ་ཏུ་རྐྱོང་པ་སྟེ། །ཁྲོས་པའི་ང་རྒྱལ་འདི་བརྗོད་དོ། །ཏ་ཀི་ཛ་དེ་བྱི་ཛཿདེ་ཧཱུ་ཡ་ཧཱུ་ཡ། ཧུ་ལུ་ཧུ་ལུ་པུ་རུ་ཏེ་པུ་རུ་སྭཱ་ཧཱ། ཞེས་བ…

བཞི། །སྨན་ལྔ་སྤོས་ལྔ་རིན་ཆེན་ལྔ། །འབྲུ་ལྔ་མེ་ཏོག་ལྔ་ལ་སོགས། །བཅུ་གཉིས་ལྔ་ཉིད་བྱིན་གྱིས་བརླབ། །སྒོ་ལ་མཆོད་པའི་གཏོར་མ་བཞི། །བྷ་མ་ཧ་སྡི་བཅས་པ་ཡི། །སོར་མོ་ལྔ་ཡི་ཚངས་པའི་རྗེས། །མཁའ་ལྡིང་མཆོད་པའི་རྫས་སུ་གཞག །དེ་ནས་ཏིང་འཛིན་རིམ་པ་ནི། །དང་པོ་སྟོང་པའི་བྱང་ཆུབ་སེམས། །གཉིས་པ་སྙིང་རྗེ་འབྱུང་བ་དང་། །གསུམ་པ་རྒྱུ་…

ཕྱག་དྲུག་གཡས་ཀྱི་དང་པོ་རིན་ཆེན་འབར། །བར་མ་ལྕགས་ཀྱུ་ཐ་མ་དཔག་བསམ་ཤིང་། །གཡོན་གྱི་དང་པོ་ཡེ་ཤེས་རལ་གྲི་འཕྱར། །བར་མ་ཞགས་པ་ཐ་མ་གཤོག་ཚུལ་བརྐྱང་། །བྱང་ཕྱོགས་འཁོར་ལོའི་རྩིབས་སྟེང་དུ། །ཡེ་ཤེས་མཁའ་ལྡིང་རླུང་གི་ཤུགས། །དབུ་གསུམ་མདོག་ལྗང་རལ་པ་འཁྱིལ། །སྒྲ་སྐད་སྣ་ཚོགས་བཞད་ཅིང་སྨིན་མ་བསྐྱོད། །ཡན་ལག་རིན་ཆེན་བརྒྱན་པས་…

དེ་ནས་གཉེན་པོ་རིགས་བཞི་ལ། །མཉེས་པའི་བསྟོད་པ་འདི་ཡང་གསུངས། །ཧཱུཾ། རིག་སྔགས་བདག་པོ་མཐུ་སྟོབས་བདག་པོའི་སྐུ། །ཨེ་མའོ་ཕྱག་གི་མཐིལ་ན་རྡོ་རྗེ་འབར་འདྲ་བས། །ཞལ་ནས་གསུང་སྐད་བཏོན་པས་ཁམས་གསུམ་དབང་དུ་སྡུད། །སྟོང་གསུམ་དྲག་ཏུ་གཡོས་པས་ཀླུ་ཆེན་ཕོ་མོ་འདུལ། །མཁའ་ལྡིང་རྒྱལ་པོ་འཇིགས་བྱེད་ག་རུ་ཌ། །ལྕགས་ཀྱུ་འདབ་གཤོག་ཆེན་པ…

མཚོ་འགྲམ་ཆུ་མིག་ཤིང་གཅིག་རྐང་། །ནགས་རྫོངས་མཐུག་པོ་དུར་ཁྲོད་དུ། །མཎྜལ་ཆ་མཉམ་ཡིད་འོང་ལ། །བ་ལས་བྱུང་བའི་རྣམ་པ་ལྔ། །ཕྱོགས་བཞི་དབུས་དང་ལྔ་ལ་བྱུག །དེ་ཉིད་བྱིན་གྱིས་བརླབ་པའི་ཕྱིར། །ཧཱུཾ་ས་མ་ཡ་ཨོཾ་གྱི་སྔགས། །བྱ་བ་བྱེད་པས་བྱིན་གྱིས་བརླབ། །བདག་ཉིད་ཆེན་པོར་རབ་བརྟགས་ཏེ། །ཐམས་ཅད་གྲུབ་པར་བྱ་བའི་ཕྱིར། །བདག་ཉིད་སྤྱ…

ཨཱོཾ་ཨཱཿཧཱུཾ་ནཱ་ག་ཡུ་ཡུ། ནཱ་ག་ཡུ་རུ་ཛྭ་ལ་ནི། ནཱ་ག་ས་མ་ཡ་སྭཱ་ཧཱ། དམིགས་པའི་ཡན་ལག་གསུམ་པའི་རྒྱུ། །ཡི་གེ་རྩ་གཅིག་སྤྲུལ་པར་བཤད། །ཧཱུཾ་སྐྱེས་བདག་པོ་གཉིས་ནས་སྤྲུལ། །ཡན་ལག་ཡི་གེ་རྩ་གཅིག་ལས། །འོད་ཟེར་སྣ་ཚོགས་བདུད་རྩིར་སྤྲུལ། །ཡི་གེ་དམིགས་པའི་གནས་ལྔ་རུ། །བདུད་རྩི་བུམ་པ་བརྟན་པར་བྱ། །མཁའ་ལྡིང་རྒྱལ་པོ་དེ་ཉིད་བས…

མགོ་གཅིག་སྦྲུལ་མགོ་བདུན་གྱིས་བརྒྱན། །གཡས་ན་རིན་ཆེན་འབར་བའི་བུམ་པ་ཐོགས། །ཁ་དོག་མཐིང་ག་ལུས་ཀྱིས་ཆུ་སྲིན་མནན། །ཕོ་ཡི་ཡི་གེ་འདི་ནི་འདི་ཡི་རྒྱུ་ཡིན་ཏེ། །ནཱ་ག་རཱ་ཛ་སུ་ཀི་ནི་སྟྭམ་ཞེས་དེ་བཞིན་བསྐྱེད་ལ། ནཱ་ག་རཱ་ཛ་བ་སུ་གི་ནི་ཛ་ཛ། ཞེས་བཀུག་ལ། དེ་ལྟར་གསལ་ནས་ཉི་ཤུ་པ་ཉིད་རྟག་པར་བཟླས། །ཇི་ལྟར་ནུས་བཞིན་དུ་མང་བཟླས་ཏ…

བྱ་ཕྱིར་གང་མི་སྨོས། །གནོན་པའི་རྐང་པ་རྡོ་རྗེ་རྒྱ་གྲམ་བསམ། །ས་བརྐོ་རང་གི་གྲིབ་མ་རབ་ཏུ་སྤང་། །མ་ཉེས་དཔང་གཟུག་ལྷ་སྲིན་དབང་དུ་བསྡུ། །དེ་ལྟར་བྱས་ན་ལས་རྣམས་ངེས་པར་འགྲུབ། །དཔལ་གཤིན་རྗེ་ཟླ་གསང་ནག་པོའི་རྒྱུད་ལས། གདུག་པ་ཀླུ་ནང་ལྟར་བསྒྲུབ་པའི་སྐབས་ཏེ་ང་དྲུག་པའོ།། །།དེ་ནས་ཀླུའི་དྲག་སྔགས་དགོད་པའི་སྔགས་འདི་གསུངས། …

རྒྱ་གར་སྐད་དུ། གུ་ཧྱ་ཙནྡྲ་ཤྲཱི་ཀཱ་ལ་ཨ་པྲ་ཧ་རི་ཀཱ་ལ་ཏནྟྲ།བོད་སྐད་དུ། དཔལ་ཟླ་གསང་ནག་པོ་རྩ་བའི་རྒྱུད། བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མཱནྟཀ །ལྷོ་ཕྱོགས་གཤིན་རྗེའི་གནས། དུར་ཁྲོད་ཆེན་པོ་གཏུམ་དྲག་ཚལ…

རྨང་གསེར་དུ་སྣང་བ་ལོགས་གཡུ་རུ་སྣང་བ། རྩེ་མོ་གནམ་ལྕགས་དུར་མོ་སྣང་བ། འཁོར་ལོས་གཏམས་པའི་པད་བཏགས་པ། འཁོར་ལོ་དང་གནམ་ལྕགས་ཀྱི་འོད་ཕྱོགས་བཞིར་འཕྲོ་བ། འོད་ཟེར་རབ་ཏུ་འཁྲིགས་པ་ཡེ་ཤེས་དང་། ལས་ཀྱི་མེ་ཆེན་པོ་རབ་ཏུ་འབར་བས།མཆོག་ཆེན་དང་རྐང་ཆེན་དང་འཕྲོག་མོའི་དྲ་བ་བཏང་བ། བམ་ཆེན་པོའི་ཀ་བ་ལ་ཆུ་སྲིན་གྱི་ཀ་ཞུ་ཅན། འཁོར་ལོ…

པ་དང་། ཁྲག་དང་རྣག་དང་། ཆུ་སེར་འཛག་པ་དང་། མི་གཙང་བ་འཛག་པ་དང་། དེ་ལྟ་བུའི་གནས་དེ་ན།སྟག་དང་གཟིག་དང་། དོམ་དང་དྲེད་དང་། བྱ་རོག་དང་། ཀང་ཀ་མཆུ་རིངས་དང་། བྱན་ལག་གཤོག་རྡེབས་སྤྱང་ཀི་རྫི་རྣོན་དང་། ཅེ་སྤྱང་རོ་རྔམས་ཁྲ་དང་འུག་པ་དང་། ལིན་དུ་ཁ་དང་། སྲིན་བུ་ཀ་ཀ་རུ་དང་། དེ་དག་ལ་སོགས་པ་ཤ་ཟ་ཁྲག་འཐུང་བ་དང་། རུས་པ་འཆའ་བ་…

པའི་གིང་གི་འཁོར་ཚོགས་དང་། །དྲག་པོ་གནམ་ལྕགས་འབེབས་པ་ལྷ་དང་སྨན་གྱི་འཁོར། །ཆུ་འཁྱགས་ཁྲག་ཏུ་འབེབས་པ་གཟའ་འཁོར་དང་། །སྲོག་བདག་སྤུ་གྲི་ཐོགས་པའི་གནོད་སྦྱིན་འཁོར་ཚོགས་དང་། །མཛེ་ནད་ཛྭ་ལ་གདུག་པ་ཀླུ་ཡི་འཁོར་ཚོགས་དང་། །ཡམས་དང་ནད་གཏོང་མ་མོའི་འཁོར་ཚོགས་དང་། །ལོ་ཀ་རླག་པར་བྱེད་པ་རོ་ལངས་ཕོ་མོའི་འཁོར་ཚོགས་དང་། །གཞན་ཡང…

དབྱུག་ལ་སོགས་བཀའ་ཉན་རྣམས། །བཅུ་དང་བཅུ་གཉིས་འཁོར་གྱིས་བསྐོར། །ཨེ་ཀ་ཙ་ཏི་པེ་ཏཱ་ལི། །རོ་ལངས་ནག་མོ་མགོ་འཕྱང་དང་། །མི་སྲིན་ནག་མོ་མགོ་འཕྱང་དང་། །བདུད་མོ་ནག་མོ་རེ་མ་ཏི། །བྲག་སྲིན་ནག་མོ་མགོ་འཕྱང་དང་། །ས་བདག་ནག་མོ་མགོ་འཕྱང་དང་། །མི་བཟད་བདུད་མོ་མགོ་འཕྱང་དང་། །བཙན་མོ་ནག་མོ་མགོ་འཕྱང་དང་། །བྱི་ལོང་ནག་མོ་མགོ་འཕྱང…

ན། བསེའི་སྐྱེས་བུ་གདུག་པ་ཅན་དང་། སྟག་མགོ་ཅན་གྱི་འཁོར་དག་ན། ཀླུ་བདུད་ནག་པོ་སྦྲུལ་གྱི་རྒྱུ་མ་ཅན་དང་། གྲི་ཐོགས་གིང་གི་ཕོ་ཉ་མོ་བཅུ་དང་། ཐབས་ཅིག་ཏུ་བཞུགས་སོ། །དེའི་ཚེ་འཁོར་སྡུད་པའི་གཙོ་བོ་དཔལ་ཕྱག་ན་རྡོ་རྗེ་ཡང་མདུན་གྱིས་བལྟས་ཏེ། བཀའ་ནོད་པའི་ཚུལ་དུ་བཞུགས་སོ། །དེ་ནས་བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ཉ…

ངག་མཐུན་པར་མགྲིན་གཅིག་ཏུ་ཐལ་མོ་སྦྱར་ནས། བཅོམ་ལྡན་འདས་གཤིན་རྗེའི་གཤེད་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་འཇིགས་བྱེད་ཚོགས་ཀྱི་གཙོ། །བདག་ཅག་གདུག་བྱེད་འཁོར་རྣམས་ཀུན། །སྣང་སྲིད་འཇིག་རྟེན་ཁམས་འདི་རུ། །སྟོང་གསུམ་མུན་པར་གཏོང་བ་དང་། །འཇིག་རྟེན་ཁམས་ཀུན་བསྲེག་པ་དང་། །ལོ་ཏོག་འཇོམས་དང་གནམ་ལྕགས་ལྕེ། །སྨྱོ་འབོག་ཉམ…

རུ་ཏྲ་པ་ཏྲ་མུ་ཁྲག་ཛ་ར་ཁྲག་ཙ་པ་ཧེ་བོར་བ་དུན་ཧ་བ་སྭཱ་ཧཱ། ས་མ་ཡཱ་ཨ་གྷཱི་ཤུ་རཱ་ཙ་ཏྲག་ཤ་ཚལ་པ་ཨ་ནི་ཏྲཱི་མཱ་ར་ཡ་ཨཾ་གུ་ཤ་ཛ་ཛ། ཨོཾ་བཱི་ཤ་མ་དུ་རུ་མ་ཤི་ཁ་ཛ་ལ་ཛ་ལ་ཨ་སྭཱ་ཧཱ། ཧྲི་ཤ་དུ་རག་རཾ་ནག་ར་ཙི་ཏ་ཏྲཾ་མ་མ་ཡཾ་ཟ་འགྲམ་དྷི་ཧི་ཡོ་ཀི་ཤི་ལ་ཛ་ཛ། མ་མ་སྙིང་ཁ་རག་སྙིང་ཁ་རག །མ་མ་རག་ཤ །མ་མ་རག་ཤ །རག་མོ་ཐུན་ཐུན་སྙིང་ལ་ཐུན།ཛ་ཛ…

གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་གཤིན་རྗེ་གཤེད་པོས་འདི་སྐད་ཅེས་གསོལ། ཧཱུཾ་ང་ནི་དུས་གསུམ་རྣམ་པ་རུ། །ཐམས་ཅད་མ་ལུས་འདུལ་བའི་བདག །ང་ཡི་བཀའ་རྣམས་ཁྱོད་ཀྱིས་ཉོན། །སེམས་ཅན་ཡོངས་ལ་འཚེ་མ་བྱེད། །ཁྱེད་ཅག་རྣམས་ཀྱི་རང་ལས་ནི། །སངས་རྒྱས་བསྟན་པ་བཤིག་པ་དང་། །ཆོས་འཁོར་བཤིག་པའི་རཱུ་ཏྲ་རྣམས། །ཁྱོད་ཀྱི་འདུལ་བའི་ཟས…