ཆོས་སྐུར་ཤེས། །གཟུགས་བརྙན་བརྡའ་ཡིས་ཆགས་མེད་རྨི་ལམ་བཞིན། །ཆགས་པ་ཉིད་ནས་རང་བྱུང་སྐྱོན་མི་གོས། །ད་ཡང་འདུས་པའི་སྙིང་པོ་ཡིད་ཀྱིས་ཉོན། །ང་རྒྱལ་ཆེན་པོ་རང་སེམས་རྟོག་པ་འཆར། །དེ་ཕྱིར་ལྷག་མཐོང་རིག་པའི་ང་རྒྱལ་དེས། །ལོག་རྟོག་འཁོར་བ་རྩད་ནས་གཅོད་པའི་དོན། །དྲན་པའི་ཡེ་ཤེས་ང་རྒྱལ་རང་བྱུང་ཐུགས། །ལྟ་བ་མངོན་པར་མན་ངག་གདེ…

མིག་གིས་འདོད་པའི་ཡོན་ཏན་ལྔ། །དུས་གཅིག་ཉམས་སུ་མྱོང་བའི་དཔེ་བཞིན་དུ། །ངོ་བོ་ཉིད་ཀྱི་དོན་རྟོགས་ཆོས་ཀྱི་སྐུ། །དེ་དོན་རིག་པ་ལོངས་སྤྱོད་རྫོགས་པའི་སྐུ། །སྣ་ཚོགས་ཉིད་ན་གསལ་ཐེབས་སྤྲུལ་པའི་སྐུ། །སྐལ་མེད་རྟོགས་པ་དཀའ་ཕྱིར་གསང་བའི་སྐུ། །བློ་དངོས་གཅིག་ཕྱིར་མངོན་པར་བྱང་ཆུབ་སྐུ། །དེ་རྣམས་གཅིག་གི་ཡོན་ཏན་ལྔར་སྣང་བས། …

གནས་མཐའ་ལ་ཞེན་པ་སྟེ། །མ་རྟོགས་བསྒོམ་མེད་དོན་གྱི་གདེང་དང་བྲལ། །དེ་ཕྱིར་མཐའ་ཡི་བལྟ་བ་ནོར་བའི་བློ། །ད་ཡང་དད་ལྡན་འཁོར་རྣམས་ཡིད་ཀྱིས་ཉོན། །ཨ་ཏིའི་མན་ངག་ཆོས་སྐུའི་སྙིང་པོ་འདི། །བསྒོམས་ཀྱང་འགལ་མེད་རང་སེམས་ནམ་མཁའ་འདྲ། །མ་བསྒོམས་པས་ཀྱང་ཆོས་སྐུ་སྟོར་བྲལ་མེད། །བྱང་ཆུབ་ལམ་དུ་སེམས་ཉིད་རྟོགས་པ་གཅེས། །རྡོ་རྗེ་སེམས…

མ་རིག་རྣམ་རྟོག་ཆོས་སྐུར་ཤེས་པ་ལས། །ལོགས་ནས་བཙལ་བས་རྙེད་པ་མ་ཡིན་ནོ། །དད་ཉན་འཁོར་གྱི་དོན་ཆེད་ཡིད་ཀྱིས་ཞུས། །བླ་མའི་གདམས་ངག་ཡུལ་ལ་མི་རྟོག་པ། །རྩལ་དུ་ཉམས་མྱོང་ཞི་གནས་སྐྱོན་ཡིན་ཕྱིར། །རྟོགས་ན་རང་རྒྱུད་ཡིན་ཕྱིར་མན་ངག་མིན། །མ་དྲན་འདུ་ཤེས་འགགས་ཕྱིར་གཉིད་དུ་ཉལ། །ད་ཡང་རྡོ་རྗེ་སེམས་དཔའ་ཡིད་ཀྱིས་ཉོན། །ཡུལ་ལ་མི་…

འབྱུང་། །འཆི་ལ་རབ་ཏུ་ཚ་བའི་དམྱལ་བར་སྐྱེ། །སྐུ་དགྲ་བསྒྲལ་ཞིང་སྤངས་ན་དངོས་གྲུབ་འབྱུང་། །ད་ཡང་འདུས་པའི་སྙིང་པོ་ཡང་ཉོན་ཅིག །དེ་ཡི་ཕྱོགས་མཐུན་དམ་ཚིག་བསྲུང་བའི་ཕྱིར། །དམ་ཉམས་འཐབ་དང་ནག་མོ་འཛིངས་པ་ཡི། །ཤུགས་སྡུམ་མི་བྱ་བཀའ་ལས་འདས་པར་གསུངས། །བྱས་ན་གཙང་རིས་ཆོས་སྐྱོང་མགོན་ཁྲོས་ནས། །གོད་ཀ་འབྱུང་ཞིང་སྒྲུབ་པའི་ལྷ་…

ཉམས་བསྲུང་གྱུར་ན། །རྒྱལ་བ་རྣམས་ཀྱིས་བྱིན་རླབས་ཡེ་ཤེས་ཚོགས། །འབྲས་བུ་ཅི་བསམ་འགྲུབ་ཅིང་ཆོས་སྐུར་སྨིན། །རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། སྤྱོད་པའི་དམ་ཚིག་བསྲུང་བར་བསྟན་པའི་ལེའུ་སྟེ་སོ་གཉིས་པའོ།། །།དེ་ནས་ཀུན་རིག་སྟོན་པས་ཡང་གསུངས་པ། སྣོད་ངན་དམ་ཉམས་ཁ་གསག་གཡོ་སྒྱུ་ཅན། །ལུང་ལྡན་ངེས་པའི…

བསམ་འདས་བརྗོད་མི་ལངས། །ལོག་ལྟའི་དབང་གིས་བྱང་ཆུབ་སེམས་ནི་འཆར་མི་སྲིད། །ཉེས་པའི་སྐྱོན་དུ་བཤད་པ་ཡིན་པའི་ཕྱིར། །ཤིན་ཏུ་རྣལ་འབྱོར་དོན་ཉིད་རྟོགས་པ་མེད། །རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། རྣལ་འབྱོར་ལྟ་བ་ཉམས་པའི་སྐྱོན་བསྟན་པའི་ལེའུ་སྟེ་སོ་གསུམ་པའོ།། །།དེ་ནས་ཀུན་རིག་སྟོན་པ་ཆོས་རྗེ་ཀུན་བཟ…

སངས་རྒྱས་སྙིང་པོ་ཡེ་ཤེས་འབྱུང་། །རྟོགས་པ་ཙམ་གྱིས་རང་རིག་ཆོས་ཀྱི་སྐུ། །འབྲས་བུ་གཞན་ནས་བཙལ་མི་དགོས་པའི་མཆོག །རང་བྱུང་གདོད་ནས་དག་པའི་ངོ་བོ་ཉིད། །ཆོས་སྐུ་འགྱུར་བ་མེད་པས་ཡེ་ཤེས་བདེ། །འབྲས་བུ་དུས་ལ་མི་ལྟོས་ད་ལྟ་ཉིད། །ཡེ་དབང་ཐོབ་ནས་སངས་རྒྱས་ཀུན་དང་མཉམ། །རྣམ་སྨིན་ལུས་འདི་བྲལ་ནས་ཀུན་བཟང་ཐུགས། །སྐྱེ་བ་མི་ལེན་…

མཐར་ཐུག་འགྲོ་འོང་བཞིན། །ཆོས་ཀུན་རྩ་བ་རང་གི་སེམས་ཡིན་པས། །དེ་ཡི་རྩ་བ་མ་རིག་སེམས་ལ་ཐུག །ཆུ་བྲན་ཀུན་གྱི་འགྲོ་འོང་དུས་བཞིར་ནི། །རྒྱ་མཚོ་ཆེན་པོར་མཐའ་གཏིང་མེད་པར་ཐུག །དེ་བཞིན་འཁོར་བའི་སྡུག་བསྔལ་ཆེན་པོ་ཡང་། །སྐྱེ་རྒ་ན་འཆི་ལས་ངན་མཐའ་རུ་ཐུག །འབྱུང་བཞི་སྣང་བའི་ཆོ་འཕྲུལ་ཅིར་སྣང་ཡང་། །ནམ་མཁའ་མཐའ་དབུས་མེད་པའི་ངང…

ཕྱིར། །བྱང་ཆུབ་ལམ་ལྔ་ལྷར་རྫོགས་ཆོ་འཕྲུལ་གྱིས། །འདི་ནས་ཕྲེང་གཅིག་ཆད། རྣལ་འབྱོར་ཡོ་གའི་ཐེག་པ་ནི། །མི་ཚེ་གསུམ་གྱིས་རིག་འཛིན་ས་ལ་སྦྱོར། །ད་ཡང་འཁོར་གྱི་སེམས་དཔའ་ཆེན་པོ་ཉོན། །ནང་པ་མ་ཧཱ་ཡོ་གའི་ཐེག་པ་ནི། །ཆོ་ག་ལྔ་ཡི་རིམ་པས་རྫོགས་བྱས་ནས། །གསང་སྔགས་ཡན་ལག་ལྔ་ཚང་ནས། །རྣལ་འབྱོར་ཞག་ནི་སུམ་ཅུ་ཕྲག་དྲུག་ན། །ཚེ་ལ་དབང…

བྱུང་ཡེ་ཤེས་ཡིན་པར་ཡིད་ཀྱང་ཆེས། །གཞན་ལས་མ་བཙལ་རང་ལས་རྙེད་པའི་ཕྱིར། །གཉེན་པོས་མ་བསྐྱེད་རང་བཞིན་གནས་པས་ན། །ལུས་ངག་ཆེད་དུ་རྩོལ་བ་མེད་པས་ན། །མ་བཙལ་ལྷུན་གྱིས་གྲུབ་པར་ཡིད་ཀྱང་ཆེས། །ཕྱི་ནང་ཐེག་པ་མ་ལུས་བཀའ་ཡི་དོན། །ཆོས་རྣམས་ཐམས་ཅད་གཏན་ལ་འབེབས་པའི་ཕྱིར། །རྩོལ་བས་རྩོལ་མེད་དོན་འདི་བསྟན་པ་ཡིས། །ཡེ་ཤེས་སྒྲོན་མ་ཡ…

པའི་ལེའུ་སྟེ་སོ་བརྒྱད་པའོ།། །།དེ་ནས་འདུས་པའི་འཁོར་ཚོགས་དང་ལྡན་ལ། །ཀུན་རིག་སྟོན་པ་ཀུན་བཟང་ཆོས་རྗེ་ཡིས། །དོན་གྱི་དབྱེ་བའི་བྱེ་བྲག་བཀའ་སྩལ་པ། །ཆོས་ཀྱི་སྐུ་དང་ཆོས་ཀྱི་དབྱིངས་གཉིས་ནི། །ཉི་མའི་སྙིང་པོ་དང་ནི་ཟེར་བཞིན་དུ། །གཅིག་པ་མ་ཡིན་ཐ་དད་མིན་པའི་ཕྱིར། །ལྡོག་བཅས་ཐ་དད་ངོ་བོ་གཅིག་པར་གསུངས། །ཆོས་ཉིད་སྐུ་དང་ག…

དོན་རྟོགས་པ་ལ། །མཚན་མ་སྣ་ཚོགས་སྣང་རུང་མི་སྣང་རུང་། །སྐྱེ་འཆི་མེད་པའི་ཡེ་ཤེས་དོན་རྟོགས་ན། །རྒྱུ་རྐྱེན་འདུས་བྱས་རྟག་རུང་མི་རྟག་རུང་། །ཡེ་ནས་ཆོས་སྐུ་ཡིན་པའི་དོན་རྟོགས་ན། །ད་གཟོད་རྩོལ་བ་བྱེད་རུང་མི་བྱེད་རུང་། །གཞི་ལ་གཉིས་མེད་ངེས་པའི་དོན་མཐོང་ན། །གཅིག་དང་དུ་མར་བྱེད་རུང་མི་བྱེད་རུང་། །མཉམ་པ་ཉིད་ཀྱི་ཡེ་ཤེས…

ཕྱིར། །འཇིག་རྟེན་མཁའ་འགྲོ་དམ་ཅན་རྣམས་དང་ནི། །གནོད་སྦྱིན་སྲིན་པོས་སྲོག་བཅད་མནར་མེད་ལྟུང་། །ད་ཡང་འཁོར་གྱི་སེམས་དཔའ་ཡིད་ཀྱིས་ཉོན། །བསྟན་པ་འཇིག་ཀའི་དུས་དེར་ཆོས་རྣམས་ཀྱི། །སྙིང་པོ་རྫོགས་ཆེན་དོན་འདི་འབྱུང་འགྱུར་བས། །སྣོད་ལྡན་རྣལ་འབྱོར་འགའ་ལ་གཏད་པ་ལས། །དད་མེད་སྣང་དགུ་རྣམས་ཀྱི་སྤྱོད་ཡུལ་མིན། །འཁོར་རྣམས་ཀུན་…

རྒྱ་གར་སྐད་དུ། མ་ཧཱ་སནྟི་སརྦ་དྲྀཥྚི་གརྦྷ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོའི་ལྟ་བ་ཐམས་ཅད་ཀྱི་སྙིང་པོའི་རྒྱུད་ཅེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ་པོ་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། །ཀུན་རིག་སེམས་ཀྱི་རྒྱལ་པོ་དེས། །འོག་མིན་ཆོས་ཀྱི་དབྱིངས་དག་ན། །མཉམ་ཉིད་དོན་ལ་རབ་…

སྦྱོར་ལེགས་པའི་ཚིག་ཏུ་གསུངས། །རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། མན་ངག་འབྱུང་བའི་རྒྱུ་སྐུ་གསུམ་གྱི་གླེང་གཞི་བསྟན་པའི་ལེའུ་སྟེ་དང་པོའོ།། །།དེ་ནས་འདུས་པའི་ཚོགས་རྣམས་ལ། །ཀུན་རིག་རྒྱལ་པོས་བཀའ་སྩལ་པ། །སངས་རྒྱས་རྣམས་ཀྱི་དགོངས་པ་ནི། །ཤེས་རབ་བློ་ཡི་ཁྱད་པར་ལས། །སྐུ་གསུམ་ཆོས་རྣམས་ཅིར་གསུངས་ཀྱང་། །དབྱེ…

དེ་ནས་འདུས་པའི་ཚོགས་རྣམས་ལ། །ཀུན་རིག་སེམས་ཀྱི་རྒྱལ་པོ་ཡིས། །ཆོས་རྣམས་གཏན་ལ་དབབ་པའི་ཕྱིར། །དོན་གྱི་སྙིང་པོ་འདི་གསུངས་པ། །རྩ་བ་བཞི་ཡིས་མདོར་བསྡུས་ནས། །འཕྲང་ཆེན་དྲུག་གིས་གཏན་ལ་དབབ། །མན་ངག་ལྔ་ཡིས་ལ་བཟླས་ལ། །གཏན་ཚིགས་བཞི་ཡིས་ཡིད་ཆེས་བྱ། །ད་ཡང་སེམས་དཔའ་རྡོ་རྗེ་ཁྱོད། །རྩ་བ་བཞི་ཡིས་མདོར་བསྡུ་བ། །གཞི་ངེས་ལྟ་…

ཆོས་རྣམས་གཅིག་པར་ཡིད་ཆེས་བྱ། །ངོ་བོ་བློ་བྲལ་གཏན་ཚིགས་ཀྱིས། །རྩོལ་བ་མེད་པར་ཡིད་ཆེས་བྱ། །སྙིང་པོའི་དོན་འདི་རྟོགས་འདོད་པས། །དམ་པའི་རྒྱུད་དོན་གནས་པར་གྱིས། །རྫོགས་པ་ཆེན་པོ་བལྟ་བ་ཐམས་ཅད་ཀྱི་སྙིང་པོ་ལས། ཆོས་རྣམས་ཀྱི་རང་བཞིན་གཏན་ལ་དབབ་པའི་ལེའུ་སྟེ་གསུམ་པའོ།། །།དེ་ནས་ཀུན་རིག་རྒྱལ་པོ་ཡིས། །འདུས་པའི་ཚོགས་ལ་བཀའ…

པ། །ཡོད་པར་འཛིན་པའི་ལྟ་བ་ནི། །འགྱུར་བ་བཞི་དང་རྟག་པ་ལྔ་། །ཐམས་ཅད་བདག་གིས་བྱས་པར་འདོད། །རྒྱུ་འབྲས་ལོག་པའི་བརྟུལ་ཤུགས་ཀྱིས། །ཐར་ལམ་མི་ཐོབ་འཁོར་བར་ལྟུང་། །མར་འདོད་བྱེ་མ་བཙིར་བ་འདྲ། །ཡོད་མེད་ཆད་པར་འདོད་པ་ཡིན། །ཕུང་པོས་བསྡུས་པའི་ཆོས་རྣམས་ཀྱང་། །རྡུལ་ཕྲན་དག་ལས་བྱུང་བའི་ཕྱིར། །འབྱུང་བ་ལྔ་ཞིག་རང་ཐིམ་ནས། །མེ་…

དེ་ཡང་སེམས་དཔའ་རྡོ་རྗེ་ཁྱོད། །ཐམས་ཅད་རྩ་བ་གཅིག་པའི་ཕྱིར། །རང་གི་སེམས་ཀྱི་སྙིང་པོའི་དོན། །བསམ་གྱིས་མི་ཁྱབ་མི་ཤེས་པར། །བསམ་མེད་ངང་དུ་གང་འཛིན་པ། །བྱིས་པ་དེ་ནི་བླུན་པ་སྟེ། །མུན་པའི་སྐྱེ་མཆེད་ཉིད་དུ་འགྱུར། །རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། རྒྱུ་མཚན་ཉིད་ཀྱི་ལྟ་བ་བསྟན་པའི་ལེའུ་སྟེ་བདུན་པའོ།། །།དེ…