རྡོ་རྗེ་ངེས་ཟུང་ཞིག །ཤེས་རབ་མཁའ་ལ་འདེགས་པ་ལ། །མཚན་ཉིད་རྣམ་གྲངས་རྣམ་པ་བཞི། །སྟོབས་ལྡན་མ་དང་ཤུགས་འཆང་མ། །འདེགས་བྱེད་མ་དང་བརྟན་མ་བཞི། །སྟོབས་ལྡན་མས་ནི་འཆར་བ་དང་། །གཉིས་སུ་མེད་པར་སྦྱོར་བར་བྱེད། །ཤུགས་འཆང་མ་ཞེས་བྱ་བ་དེ། །དང་པོ་རིག་པའི་རྩལ་དུ་ནི། །སྐུ་དང་ཡེ་ཤེས་འཆར་བ་ཡང་། །རྩོལ་བ་མེད་པའི་ངང་གིས་ཤར། །ཐ་མ་འ…

ཡོངས་སུ་རྫོགས་པར་གནས་པ་མཆོད་རྟེན་ལྟ་བུའོ། །དེ་ལ་བཟང་ངན་དང་ཆེ་ཆུང་དང་ཡངས་དོག་མེད་པར་གནས་པས་ཀུན་ཏུ་ཁོད་སྙོམས་པའོ། །འདུག་ཚུལ་སྐུ་དང་ཡེ་ཤེས་ལ། སྣང་ཚུལ་སྐུ་དང་ཡེ་ཤེས་ལྔར་ཤར་བས། རྟོགས་ཚུལ་གཉིས་མེད་ཆེན་པོར་རྟོགས་ཏེ། དབྱེ་བ་མེད་པའི་ཚུལ་ཤེས་པའོ། །རིགས་ཀྱི་བུ་དུས་དེར་ཚ་བ་དང་བཅས་པའི་མེ་ཚ་བ་མེད་པའི་ངང་དུ་གྲོལ་ཏ…

འཛིན་རྟོག་བྲལ་བའི་ཡེ་ཤེས་སོ། །རིགས་ཀྱི་བུ་དེ་ནི་གཞན་མ་ཡིན་ཏེ། རང་གི་རིག་པ་འདི་ཉིད་དོ། །འདི་ཉིད་རྟོག་པ་ལྟར་སྣང་བ་ནི། རྐྱེན་ཕྲ་མོས་སྣང་བའོ། །དོན་ཤེས་པ་གནས་འགྱུར་མ་ཡིན་ཏེ། །དཔེར་ན་ཁྱིམ་གྱི་ནམ་མཁའ་སྒྲིབ་པས་བཅད་ཀྱང་རྒྱ་མཐོངས་ན་ཡར་ཟང་ཐལ་ཏེ་ནམ་མཁའ་དབྱེར་མེད་དོ། །དེ་བཞིན་དུ་བག་ཆགས་སྦུབས་ཀྱིས་བཅད་ཀྱང་། དོན་ཡ…

སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག །ངོ་བོ་ངེས་ཚིག་དབྱེ་བ་དང་། །མཚན་ཉིད་དབྱེ་བ་བཞི་ཡིས་བཤད། །མྱ་ངན་འདས་པའི་ངོ་བོ་ནི། །མི་གནས་ཡེ་ཤེས་ཆེན་པོའོ། །ངེས་ཚིག་སྡུག་བསྔལ་གྱི་མཐའ་ལས་འདས་པ་སྟེ། མི་རྟོག་པའི་བདེ་བ་ཆེན་པོ་ལ་གནས་པའི་ཕྱིར་ནའོ། །དབྱེ་བ་ནི་ཟག་བཅས་ཀྱི་མྱ་ངན་ལས་འདས་པ་དང་། ཟག་པ་མེད་པའོ། །མཚན་ཉ…

ཡིན་ཏེ། །དུས་དང་གྲོལ་བ་ལ་སོགས་བརྩི། །དང་པོ་དུས་ཀྱི་མུ་དབྱེ་ན། །ལུས་ཀྱི་མཐའ་རྫོགས་པའི་དུས་དང་། ཤེས་རབ་ཀྱི་རྩལ་རྫོགས་པའི་དུས་དང་། ལས་ཀྱི་མཐའ་ཟད་པས་ཆེ་བའི་ཡེ་ཤེས་མཐར་རྫོགས་པའི་དུས་དང་། ཡང་དག་པར་རྫོགས་པའི་སངས་རྒྱས་ལ་ཐུགས་རྗེའི་རྩལ་ཟད་པའི་དུས་སོ། །གྲོལ་བའི་མུ་བཞི་ནི། གཅིག་པ་དང་ཐ་དད་པ་ལས་གྲོལ་བའི་ཐིག་ལེ་ད…

དང་། གཞན་སེལ་ཕན་པའི་རྐྱེན་ཅན་ནོ། །རྣམ་པ་བཞི་རུ་བསྡུས་ལ་བསྟན། །སྒྲ་ཡི་དབྱིངས་ནི་འ་དང་ཨའོ། །དེ་གཉིས་ཀུན་གྱི་འབྱུང་གནས་ཡིན། །དེ་ཡང་ཇི་ལྟར་འབྱུང་ཞེ་ན། །དེ་གཉིས་སུ་མེད་པར་མ་བྱུང་བའོ། །དེ་གཉིས་མི་འགྱུར་བས་སའོ། །དེ་གཉིས་ཀྱི་བར་དུ་ཡེ་ཤེས་མི་འགག་པར་རང་བྱུང་བས་ཧའོ། །དེ་ལས་ཤེས་རབ་སྐྱེ་བས་ཤ་འབྱུང་བའོ། །དེ་གཉིས་…

པ་ར་ཏ་ས་ར་དང་བཅས་པ་ནི་སྤྲོས་པར་བྱེད་པའི་སྒྲུབ་པའོ། །ས་དང་ཏ་ནི་དེ་ལ་ཕན་པའི་རྐྱེན་ཅན་ནོ། །ཐ་ལོག་ཐམས་ཅད་ཐུན་མོང་མ་ཡིན་པའི་བསྒྲུབ་པའོ། །རང་ངོ་ཐམས་ཅད་ནི་དབྱིངས་བསྒྲུབ་པའོ། །དེ་བཞིན་དུ་འ་དང་ཨ་ལས་ཤར་བ་ཐམས་ཅད་དོན་ཕྱོགས་རེ་དང་ལྡན་པས། ཨའི་དོན་ཕྱོགས་རེ་བསྒྲུབ་པའོ། །དེ་ནི་སྒྲའི་སྒྲུབ་བྱེད་དུ་བཞག་པའོ། །དེ་རྣམས་ཀ…

བཤད་དོ། །གྲུབ་མཐའ་ཐམས་ཅད་བལྟ་བ་དང་འབྲས་བུར་བཤད་དོ། །འབྲས་བུ་ཐམས་ཅད་དོན་མཐར་ཕྱིན་པའོ། །དོན་ནི་ཐ་དད་དོ། །དགོངས་པ་ཐམས་ཅད་ངང་དྭངས་རང་བཞིན་བདག་ཉིད་ཆེན་པོར་བཤད་དོ། །ངང་ནི་མ་བཅོས་པ་དང་མི་གཡོ་བ་དང་། མི་འདའ་བ་དང་མི་གནས་པ་དང་། མི་འགྱུར་བར་བཤད་དོ། །རང་རང་ནི་མ་འགགས་པ་དང་། མི་མཐུན་པ་དང་སོ་སོའི་ཆོས་ཉིད་དུ་བཤད་དོ།…

རྣམ་པར་དག་པ་ནི་ཕྱོགས་ཐམས་ཅད་ནས་དག་པའོ། །མཚན་མའི་ཆོས་ལས་གྲོལ་བའོ། །བདག་མེད་པ་ནི་བདག་གཉིས་དང་བྲལ་བ་སེམས་ལས་གྲོལ་བའོ། །གཞི་ནི་ཆོས་ཉིད་དང་ཆོས་སྐུ་དང་། ཡེ་ཤེས་ཏེ་སྐབས་དང་སྦྱར་ཞེས་པའོ། །རྩལ་འོད་དང་འཁོར་འདས་སོ། །རོལ་བ་ནི་ཡུལ་དང་རྣམ་པར་བཤད། མཛད་སྤྱོད་ནི་མཐུན་པར་སྣང་བའོ། །རྫོགས་པ་ནི་ལྷག་མ་མ་ལུས་པའོ། །ཆེན་པོ་…

པར་ཤར་བ། ཚིག་ལས་འདས་པའི་རང་སྣང་། བརྗོད་བྲལ་གཞན་སྣང་མེད་པའོ། །ལམ་ནི་གནས་པ་དང་འཇུག་པའོ། །སེམས་ཅན་ནི་མ་ཤེས་པའི་རྟོག་བཅས་སོ། །འཁོར་བ་ནི་གཅིག་ཏུ་མི་གནས་པར་འཁྲུལ་པའོ། །སེམས་ནི་དྲན་པ་ངེས་པའོ། །བསྐྱོད་པ་ནི་གཤེགས་པའོ། །བསྐྱོད་དུ་མེད་པ་ནི་མི་བགྲོད་པའོ། །སྡུག་བསྔལ་ལས་གྲོལ་བའི་བདེ་བ་ཆེན་པོ་ཡིན་པས་བྱང་ཆུབ་པའོ། །…

པས་ན་ལྷའོ། །མཛེས་པས་ན་ལྷ་མོའོ། །བྱམས་པས་ན་མགོན་ནོ། །མཛད་པ་སྣ་ཚོགས་པས་ན་ཕྲིན་ལས་སོ། །བདག་པོ་ནི་དབང་ཆེན་པོའོ། །ཡོན་ཏན་མ་འགགས་པའོ། །དྲི་མ་མེད་པ་དང་། མི་འགྱུར་བ་དང་། ཐམས་ཅད་མཁྱེན་པའི་ཐུགས་སོ། །སྣ་ཚོགས་སྟོན་པས་གསུང་ངོ་། །གཟི་བརྗིད་ལྡན་པས་ན་སྐུའོ། །ཐབས་དང་ཤེས་རབ་འཛིན་པས་ན་ཡབ་ཡུམ་མོ། །བྱང་ཆུབ་ཆེན་པོ་དང་ལྡན…

དེ་ནས་ཡང་སྟོན་པས་རྒྱུད་ཀྱི་མཚན་ཡོངས་སུ་བསྟན་པའི་ལེའུ་འདི་གསུངས་སོ། །གསང་བའི་བདག་པོ་རྡོ་རྗེ་འཛིན་པ་ཉོན་ཅིག །དོན་གྱི་མན་ངག་རྩ་བ་ཅར་ཕོག་གི། །དེ་ཉིད་སྤྲོས་བྲལ་དོན་གསལ་བསྟན་པ་ཡི། །མན་ངག་རྒྱུད་ཀྱི་སྤྱི་འགྲེལ་ཆེན་པོ་འདི། །གསང་བདག་ཞུ་བའི་འཁོར་དང་དགའ་རབ་སྡུད་པའི་འཁོར། །གཞན་ཡང་འདིར་མོས་འདིར་འདུས་ཚོགས་པའི་འཁོར…

ཆེན་སྤྲུགས་པའི་རྒྱུད་ཅེས་བྱ་བར་ཟུང་། །ཀྱེ་མ་ཀྱེ་མ་མ་རིག་འཁྲུལ་པས་སྙིང་རེ་རྗེ། །འཁྲུལ་པའི་ཆོས་ལ་བདེན་པར་མ་འཛིན་པར། །འདི་ལ་སྐུར་པ་མ་འདེབས་དོན་གསལ་རྗེས་སུ་འབྲངས། །རང་བྱུང་ཡེ་ཤེས་འགྱུར་མེད་མ་ཤེས་ནས། །དངོས་པོ་རྫས་གྲུབ་བདེན་པར་མ་འཛིན་པར། །སྤྲོས་བྲལ་དོན་གསལ་འདི་ཡི་རྗེས་སུ་འབྲངས། །འོན་ཀྱང་མི་འགྱུར་རྟག་པ་རྟོ…

ཤན་ཐང་རྒྱུད་འདིས་ཕྱེ། །འབྱུང་བ་དྭངས་སྙིགས་རྒྱུད་འདིས་ཕྱེ། །ཉོན་མོངས་དུག་ལྔ་རྒྱུད་འདིས་བསལ། །ལམ་ལ་རྩོལ་མེད་རྒྱུད་འདིས་བྱས། །རང་བྱུང་ཡེ་ཤེས་རྒྱུད་འདིས་ཤར། །འཁོར་བ་དྭངས་སྙིགས་རྒྱུད་འདིས་ཕྱེ། །ལོག་པའི་ལམ་ཞུགས་རྒྱུད་འདིས་བཟློག །ཆོས་འདིའི་རྩ་བ་རྒྱུད་འདིས་བཅད། །མན་ངག་རྒྱུད་སྒྲོག་ཆེན་པོ་རྒྱུད་འདིས་ཁྲོལ། །སྐ…

པ་ཆོས་སྐུར་ཤེས་ཤིང་སྣང་བ་ཆོས་ཀྱི་དབྱིངས་སུ་ཤེས། །གཉིས་མེད་དོན་ཆེན་རྒྱུད་ལ་གསལ་བ་ཡིས། །སྙིང་པོའི་གཞི་རྩ་ཆོད་པས་འཁོར་བའི་གཡང་སར་ལྷུང་མི་སྲིད། །དགོས་འདོད་རེ་བ་བསྐང་མཛད་ནོར་བུ་རིན་ཆེན་ལྟ་བུ་ཡི། །རྩ་རྒྱུད་བཤད་རྒྱུད་མན་ངག་རྒྱུད་དུ་བསྟན་པ་འདིས། །སྣོད་ངན་དམ་ཚིག་མེད་པ་རྣམས་ལ་ཤོར་སྲིད་དོ། །སློབ་དཔོན་གསང་ནས་རང…

སྲིད་དོ་ཀྭ། །ཞེས་གསུངས་སོ། །ཞུ་བ་པོའི་འཁོར་གསང་བའི་བདག་པོ་དང་། སྡུད་པ་པོའི་འཁོར་དགའ་རབ་རྡོ་རྗེ་ལ་སོགས་པ་རྣམས་རྗེས་སུ་ཡི་རང་ངོ་། །སྤྲོས་བྲལ་དོན་གསལ་ཆེན་པོའི་རྒྱུད་ལས། རྒྱུད་གཏད་པའི་ལེའུ་སྟེ་བརྒྱ་དང་ཉི་ཤུ་རྩ་གསུམ་པའོ།། །།ཏནྟྲ་རཱ་ཛ་མ་ཧཱ། སངས་རྒྱས་མཉམ་སྦྱོར་དོན་གསལ་ཆེན་པོའི་རྒྱུད་མཐོང་བས་གྲོལ་བ་འདི་ཡོངས…

རྒྱ་གར་སྐད་དུ། སརྦཱ་གྲ་རཱ་ཛཱ་ཀ་ཤ་ཛྭ་ལ་ཏནྟྲ། བོད་སྐད་དུ། རྒྱུད་ཐམས་ཅད་ཀྱི་རྩེ་རྒྱལ་ནམ་མཁའ་འབར་བའི་རྒྱུད། མིང་མེད་མཐའ་བྲལ་དངོས་མེད་ཟང་ཀ་ལ་ཕྱག་འཚལ་ལོ། །འདི་སྐད་ཅི་ཡང་མ་ཐོས་བསམ་བརྗོད་དམིགས་པའི་ཡུལ་ལས་འདས་པའི་དུས་མཐའ་མེད་པའི་དུས་ན། གནས་ཀྱི་རྒྱལ་པོ་མུ་མཐའ་གྲོལ་བ་ན། །སྟོན་པའི་རྒྱལ་པོ་མིང་མེད་ཀུན་གྲོལ་བཞུགས…

དམ་པ་རང་བྱུང་ངང་དྭངས་སྣང་ཚད་གྲོལ་ལ་བཤད། །དུས་ཀྱི་རྒྱལ་པོ་ཐོག་མཐའ་མེད་པའི་དུས། །སྡུད་པ་པོ་ནི་གསང་བདག་རིན་ཆེན་ནོ། །དེ་ནས་འཁོར་གྱི་རྒྱལ་པོ་རང་བྱུང་ངང་དྭངས་ཀྱིས། །སྟོན་པའི་རྒྱལ་པོ་མིང་མེད་ཀུན་གྲོལ་ལ། །པུས་བཙུགས་ཐལ་སྦྱར་གུས་པས་འདི་སྐད་ཞུས། །ཕུན་སུམ་ཚོགས་པའི་དོན་ནི་དེ་ལྟར་ན། །སེམས་ཀྱི་རང་བཞིན་ཇི་ལྟར་གནས། …

གཉིས་ཀྱི་གྱེས་མདོ་གང་ཙམ་ལགས། །བློས་བཏགས་ཆོས་རྣམས་ཡོད་དམ་མེད། །བྱར་མེད་བློ་འདས་གང་ལ་ཟེར། །བློ་འདས་ཞེས་པ་ཚིག་གིས་བཏགས་མི་བཏགས། །བཏགས་ན་བློས་བཏགས་ཆོས་དང་ཁྱད་པར་ཅང་ཡོད་དམ། །མ་བཏགས་ཟེར་ན་བློས་བཏགས་གང་ནས་བྱུང་། །སྣང་བཏགས་ཆོས་རྣམས་གང་དུ་བསྡུ། །ཆོས་མེད་བློ་ཟད་མཐའ་རུ་གང་དུ་བསྐྱལ། །དངོས་པོའི་ཆོས་རྣམས་ལ་བཟླ་ཇི…

ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །སེམས་ཀྱི་ངོ་བོ་གསལ་བར་བསྟན་པ་ནི། །སེམས་ཀྱི་ངོ་བོ་ཀ་དག་འོད་གསལ་ཡིན། །སེམས་ཀྱི་ངོ་བོ་གསལ་དག་ཡིན། །སེམས་ཀྱི་ངོ་བོ་གཏིང་གསལ་ཡིན། །སེམས་ཀྱི་ངོ་བོ་ཁོང་ནས་གསལ། །སེམས་ཀྱི་ངོ་བོ་མཁའ་གསལ་ཡིན། །སེམས་ཀྱི་ངོ་བོ་འོད་དུ་གསལ། །སེམས་ཀྱི་ངོ་བོ་རྩལ་དུ་གསལ། །སེམས་ཀྱི་ངོ་བོ་ཟེར་…