པའི་རྐྱེན་ཏེ་འཁྲུལ་པ་བརྒྱད་དུ་བྱུང་ངོ་། །དེ་ནས་མི་རྒོད་ལྔ་བྱུང་ངོ་། །དེ་ལས་ཉོན་མོངས་ལྔ་བྱུང་སྟེ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་བྱུང་སྟེ་འཁྲུལ་པ་དགུ་བྱུང་ངོ་། །རྒྱབ་བརྟེན་པ་མི་གཅིག་བྱུང་ངོ་། །དེ་ཡང་འཁོར་བ་ཞེས་བྱ་བ་ཡུལ་ལ་མངོན་པར་སྣང་བ་དགའ་བ་དང་མི་དགའ་བའི་སེམས་བསམ་པ་སྣ་ཚོགས་འབྱུང་ངོ་། །བདེ་བ་དང…

སྒལ་ཚིགས་གཡས་ནས་ལམ་ཕྱུང་སྟེ། །རྩེ་ཆུང་གཡས་ནས་དུང་ཁང་ནང་དུ་ཐིམ། །དེ་ལས་འོད་འཕྲོས་སྒྲོན་མ་བཞི། །མ་འགགས་ནམ་མཁའ་སྟོང་པ་ལ། །སང་ངེ་ས་ལེ་འོད་ཀྱི་སྐུ། །ལུ་གུ་རྒྱུད་ཀྱི་ཚུལ་དུ་གནས། །སྒྲོན་མ་རྣམ་བཞི་འདི་ལྟ་སྟེ། །ཐིག་ལེ་སྟོང་པའི་སྒྲོན་མ་དང་། །རིག་པ་དབྱིངས་ཀྱི་སྒྲོན་མ་དང་། །ཤེས་རབ་རང་བྱུང་སྒྲོན་མ་དང་། །རྒྱང་ཞགས…

བཟང་དང་ངན་པའི་ཡུལ་ལས་འདས། །ཡིན་དང་མིན་པའི་རྟོག་པ་མེད། །བླང་དང་དོར་བའི་སེམས་མེད་ཅིང་། །གཅིག་དང་དུ་མར་མེད་པའོ། །ཐིག་ལེ་ཉག་གཅིག་ངོ་བོའོ། །མ་རིག་རིག་པའི་ངོ་བོར་རྟོགས། །རྣམ་རྟོག་ཆོས་ཉིད་ངང་དུ་རྟོགས། །ཆགས་སྡང་ལྔ་པོ་ཡེ་ཤེས་ལྔ། །ཡུལ་ལྔ་འོད་ལྔ་དག་ཏུ་རྟོགས། །དེ་བཞིན་རྣམ་པ་ཐམས་ཅད་ཀུན། །དག་དང་མ་དག་མེད་པའོ། །ཞེས…

གཉིས་ལ་འདྲིས་པར་གྱིས་ཤིག །དེ་ལྟར་ཉམས་སུ་ལོངས་ནས་ཡེ་ཤེས་ཀྱི་སྣང་བ་ཐོགས་པ་མེད་པར་འཆར་རོ། །དེའི་ཕྱིར་ན་ཡེ་ཤེས་ཀྱི་སྣང་བ་ལ་རྟག་ཏུ་གོམས་པར་བྱའོ། །རང་རང་གི་བདེན་པ་མཐོང་བར་བྱའོ། །རང་རང་གིས་རིག་པའི་དྲོད་སྐྱེས་པའི་ཚད་ཟིན་པར་བྱའོ། །མཚོན་པའི་ཡེ་ཤེས་ཤེས་པར་གྱིས་ཤིག །ཅེས་རིག་པ་རང་ཤར་ཆེན་པོའི་རྒྱུད་ལས། གཞིའི་གནས་…

སེམས་ཅན་ཀུན་གྱིས་ཙིཏྟའི་དཀྱིལ་དུ་གནས་སོ། །དཀྱིལ་རྟོགས་པའི་དུས་སུ་ནི་ཅིར་སྣང་ཐམས་ཅད་འོད་ཀྱི་སྐུར་སྣང་ཡུལ་དང་དབང་པོ་གཟུང་དུ་མེད་པའི་ཡེ་ཤེས་ཆེན་པོའོ། །དང་འཁོར་ནི་སྒོ་ལྔའི་རྣམ་པར་ཤེས་པ་གསལ་བའོ། །དང་ཕོ་བྲང་དང་ནི་ཀ་དག་ཚན་པོའི་སྣང་བའོ། །རིག་པ་མི་འགྱུར་བའི་ཀུན་ཏུ་བཟང་པོ་དང་སྟོང་དེ་ཡང་དབྱིངས་ལ་འདུས་ཤིང་རྫོགས…

ཡང་དག་རྟོགས་པའི་མཆོག་ཏུ་གསུངས། །དེ་ལྟར་ཆོས་ཉིད་དོན་ལ་ཡང་། །རྟོགས་དང་མ་རྟོགས་གཉིས་སུ་མེད། །རྟོགས་པ་ཡེ་ཤེས་ལྟར་སྣང་སྟེ། །མ་རྟོགས་འཁོར་བ་ལྟར་སྣང་ངོ་། །རྟོགས་དང་མ་རྟོགས་གཉིས་མེད་ཀྱང་། །འཁྲུལ་པའི་བག་ཆགས་སྣང་བ་ལ། །རྟོགས་པའི་སྐྱེས་བུ་ཕོ་རྩལ་ཅན། །མི་འགྱུར་མཉམ་པའི་ངང་དུ་ཐིམ། །རྟོག་མེད་ཤེས་རབ་རང་ཤར་རོ། །བདེ་ཆ…

འགགས་པས། །ས་ལེ་སང་ངེ་གནས་པའོ། །དེ་ནས་ཡང་ཞུས་པ། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། དོན་གྱི་མཚོན་དཔེ་གསུང་དུ་གསོལ། ཞེས་ཞུ་བ་ཞུས་སོ། །དེ་ནས་ཡང་ཐུགས་རྗེའི་བདག་པོས་བཀའ་སྩལ་པ། ཀྱེ་གྲོགས་པོ་དག་ཉོན་ཅིག །ཆོས་ཐམས་ཅད་ཀྱི་དེ་བཞིན་ཉིད། དཔེ་ཡིས་མཚོན་པར་བྱའོ། །དེ་ལ་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ནི། བ…

པ་ཡེ་ཤེས་ཀྱི་སྒོ་ངོ་བོ་ཀ་དག་ལ་ཐིམ་པ་ནི། དཔེར་ན་སེང་གེས་གངས་ཟིན་པ་ལྟ་བུའོ། །མ་དག་པ་འཁོར་བའི་སྒོ་དག་པ་ཡེ་ཤེས་ཀྱི་སྒོ་ལ་ཐིམ་པ་ནི། དཔེར་ན་སྦྲའི་ཆོན་ཐག་བསྡུས་པ་ལྟ་བུའོ། །དེ་མར་དཔེས་དོན་ཆེན་མཚོན་པའོ། །ཞེས་རིག་པ་རང་ཤར་ཆེན་པོའི་རྒྱུད་ལས། མཚོན་པ་དཔེའི་ལེའུ་སྟེ་སུམ་ཅུ་སོ་གཉིས་པའོ།། །།དེ་ནས་ཡང་གསང་བའི་བདག་པོས་…

བའི་ཤུགས། །རྟོག་པ་མེད་པས་མཉམ་ཉིད་སྐུ་ཡི་རྒྱ། །ཡེ་ཤེས་རྣམ་དག་དོན་ལ་ཚིག་གིས་བཅོས་སུ་མེད། །འཛིན་མེད་རང་སྣང་ཆོས་ལ་འཛིན་པའི་དངོས་པོ་མེད། །རིག་པ་སྐྱེ་མེད་ངང་ལ་བསྐྱེད་བྱ་སྐྱེད་བྱེད་མེད། །ཆོས་ཉིད་སྐྱེ་བ་མེད་པ་རང་བྱུང་རིག་པ་ཉིད། །ཆོས་ཀྱི་སྙིང་པོར་གྱུར་པ་སྒྲོན་མ་རྣམ་པ་གཉིས། །འཛིན་དང་ཞེན་པའི་ཆོས་ལས་འདས། །འཛིན་…

དོ་ལ་འདི་ལྟར་འཁྲུལ་ལོ། །ལ་ལ་རྣམ་པ་ལས་འཁྲུལ་དབང་བོ་ཐ་མའི་འཁྲུལ་ལུགས་ལོ། །ལ་ལ་ཉམས་ལས་འཁྲུལ་ཐ་མའི་འབྲིང་ལོ། །ལ་ལ་དེ་མ་ཐག་པ་ལས་འཁྲུལ་ཐ་མའི་རབ་ལོ། །ལ་ལ་དམིགས་པ་ལས་འཁྲུལ་ཐ་མའི་ཕུལ་ལོ། །ལ་ལ་ཅི་མི་སྙམ་པ་ལས་འཁྲུལ་ཐ་མའི་རྩེ་མོ་ལོ། །ལ་ལ་སྙམ་བྱེད་ལས་འཁྲུལ་ཐ་མའི་མཆོག་ལོ། །ལ་ལ་ཡུལ་ལས་འཁྲུལ་ཐ་མའི་ངེས་པར་འཇོག་པ་ལོ།…

ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན། །ངས་བསྟན་མ་ཡེངས་ཚུལ་གྱིས་ཉོན། །རྡོ་རྗེ་རང་ཉིད་མི་འགྱུར་གནས། །རྟོག་པ་མེད་པ་ཆོས་ཀྱི་སྐུ། །མཚན་མ་མེད་པ་རང་སར་གྲོལ། །འགྱུར་མེད་ཨ་ཏིའི་ངོ་བོ་ལ། །བྱ་དང་བྱེད་པའི་ཆོས་མེད་དོ། །ཨ་ཏི་རྫོགས་པ་ཆེན་པོ་ལ། །གཅིག་རྫོགས་གཉིས་རྫོགས་ཐམས་ཅད་རྫོགས། །རྫོགས་ཆེན་ཨ་ཏིའི་ངོ་བོ་ལ། །ཕྱི་ན…

བཞིན་གཤེགས། །ཡང་དག་སངས་རྒྱས་ལམ་ནི་དེ་བཞིན་ཀུན་ལ་ཤེས་པར་བྱ། །ཀྱེ་མ་འདུས་པའི་འཁོར་ཚོགས་ཉོན། །ང་མེད་པ་ཡི་སྔོན་རོལ་ན། །སངས་རྒྱས་སེམས་ཅན་གཉིས་མེད་དེ། །ལམ་དང་གྲུབ་པ་ག་ལ་ཡོད། །ང་ལས་མ་བྱུང་གང་ཡང་མེད། །ང་ནི་སྟོང་པ་ཆེན་པོའོ། །ང་ལས་འབྱུང་བ་རྣམ་ལྔ་བསྐྱེད། །ང་ནི་འབྱུང་བ་རག་ཆེན་པོའོ། །ང་ནི་སངས་རྒྱས་ཀུན་གྱི་མེས། །…

ཆོས་ཉིད་དག་པ་འདི། །དགེ་མེད་སྡིག་མེད་དོན་ཆེན་འབྱུང་བ་ནི། །སངས་རྒྱས་ཀུན་གྱིས་གསུངས་པའི་དོན་བཅུད་ཡིན། །དུས་གསུམ་སངས་རྒྱས་ཐམས་ཅད་ལ། །དགོངས་པ་གཅིག་ལས་མེད་པའོ། །སངས་རྒྱས་ཀུན་གྱི་རིག་པ་ནི། །སེམས་ཅན་ཀུན་གྱི་རང་ལུས་ན། །འོད་ལྔའི་མུ་ཁྱུད་ཟླུམ་པོར་གནས། །སེམས་ཅན་ཀུན་གྱི་ངོ་བོ་ནི། །འགྱུར་མེད་སྐུ་ཡི་ངོ་བོའོ། །སངས་…

པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་རྡོ་རྗེ་འཆང་། །རྫོགས་ཆེན་ལྟ་བ་དེ་ལྟར་ན། །དཀྱིལ་འཁོར་མཚན་ཉིད་གསུང་དུ་གསོལ། །ཞེས་ཞུས་སོ། །དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན། །ངས་བསྟན་ལེགས་པར་ཡིད་ལ་ཟུང་། །དཀྱིལ་འཁོར་རྣམ་པ་གསུམ་དུ་འདོད། །རང་བཞིན་དཀྱིལ་འཁོར་ཆེན་པོ་དང་། །ར…

ཡབ་ཡུམ་མཆོད་པར་བྱེད། །རང་བཞིན་དཀྱིལ་འཁོར་ཆེན་པོ་ནི། །ལྷ་དང་ལྷ་མོ་ཐམས་ཅད་ཀྱང་། །འགྱིང་བའི་སྟབས་དང་བཅས་པའོ། །ཀུན་ཀྱང་འོད་ཟེར་ལྔ་ལྔར་ལྡན། །རང་ལས་བྱུང་ཞིང་རང་ལ་གྲོལ། །དེ་ཡང་དབུ་རྒྱན་ལྔ་ལྔ་དང་། །དཔུང་རྒྱན་དང་ནི་མགུར་ཆུ་དང་། །ཕྱག་གདུབ་དང་ནི་ཞབས་གདུབ་དང་། །དོ་ཤལ་དང་ནི་སེ་མོ་དོ། །དེ་བཞིན་རྒྱན་གྱི་རྣམ་པ་དང་།…

བཅོམ་ལྡན་རྡོ་རྗེ་འཆང་། །རང་བཞིན་དཀྱིལ་འཁོར་དེ་ལྟར་ན། །གཟུགས་བརྙན་དཀྱིལ་འཁོར་གསུང་དུ་གསོལ། །ཞེས་ཞུས་སོ། །དེ་ནས་ཡང་བཀའ་སྩལ་པ། ཀྱེ་ཀྱེ་གསང་བའི་བདག་པོ་ཉོན། །ང་ཡིས་བསྟན་གྱིས་གུས་པས་ཉོན། །གཟུགས་བརྙན་དཀྱིལ་འཁོར་ཆེན་པོ་ནི། །དབང་བསྐུར་དམ་པ་བྱེད་པའི་ཚེ། །དཀྱིལ་འཁོར་རྣམ་པ་གཉིས་སུ་འདོད། །ཞི་བ་དང་ནི་ཁྲོ་བོ་གཉིས་…

གསུང་གི་དཀྱིལ་འཁོར་འགག་མེད་ཡངས། །ཐུགས་རྗེའི་དཀྱིལ་འཁོར་རྟོག་མེད་དང་། །སྐུ་གསུང་ཐུགས་ཀྱི་དཀྱིལ་འཁོར་ནི། །རང་རང་དཀྱིལ་དང་འཁོར་དུ་བཅས། །འགྲོ་མེད་འོང་མེད་འགྱུར་བ་མེད། །རང་རང་ཙིཏྟའི་དབྱིངས་ན་གནས། །དེ་ལྟར་དཀྱིལ་འཁོར་ཆེན་པོའི་དོན། །རང་རང་ལུས་ལ་རྫོགས་པའོ། །ཞེས་རིག་པ་རང་ཤར་ཆེན་པོའི་རྒྱུད་ལས། དཀྱིལ་འཁོར་བསྟན་…

བོ། །རྣམ་པར་འབྱེད་བྱེད་ཤེས་རབ་ནི། །མ་རིག་རིག་པ་གཉིས་སུ་འབྱེད། །ཉོན་མོངས་ཡེ་ཤེས་གཉིས་སུ་འབྱེད། །དག་དང་མ་དག་གཉིས་སུ་འབྱེད། །འཁོར་བ་མྱང་འདས་གཉིས་སུ་འབྱེད། །རྟོགས་དང་མ་རྟོགས་གཉིས་སུ་འབྱེད། །བཟང་དང་ངན་པར་འབྱེད་པའོ། །དེ་ཕྱིར་འབྱེད་བྱེད་ཤེས་རབ་བོ། །དེ་ལྟར་སེམས་ཅན་རང་རྒྱུད་ལ། །མ་བསྐྱེད་རྫོགས་པའི་ཚུལ་དུ་གནས།…

གནས་ཐིག་ལེའི་ཀློང་དུ་རྟོགས། །རང་བྱུང་རིག་པའི་ངོ་བོ་ནི། །ཙིཏྟའི་དཀྱིལ་འཁོར་ཀློང་དུ་རྟོགས། །རང་བྱུང་མིག་གི་སྒྲོན་མ་ནི། །ནམ་མཁའ་སྟོང་པའི་དཀྱིལ་དུ་རྟོགས། །སྐུ་ལྔ་ཡབ་ཡུམ་བཅུ་པོ་ཡང་། །ཚོམ་བུར་སྣང་བའི་དུས་ན་རྟོགས། །ཡེ་ཤེས་འགག་མེད་ཤར་བ་ཡང་། །བཞི་སྦྱོར་ཡེ་ཤེས་སྣང་བར་རྟོགས། །རིག་པ་སྣ་ཚོགས་འབྱུང་བ་ཡང་། །ལྷུན་ག…

ཀུན་གྱི་ཡེ་ཤེས་སྐུ། །རིག་དང་ས་དང་ལམ་ཡང་མེད། །ང་དང་རང་བཞིན་བདག་ཉིད་མེད། །འཁོར་དང་མྱ་ངན་འདས་པ་མེད། །དེ་ལྟར་མེད་པར་རྟོགས་པ་དང་། །ཡོད་པ་རྣམ་པ་གཉིས་སུ་འདུས། །ང་ཡོད་པ་ཡི་བལྟ་བ་ན། །ད་ལྟ་ན་ཡང་འདུག་སྐུ་ལྔ་ཡེ་ཤེས་རྣམ་ལྔ་ཡོད། །འགྱུར་མེད་རིག་པ་འགག་མེད་ཡོད། །འོད་ལྔ་རྟོགས་དང་དྲུག་ཀྱང་ཡོད། །སྒྲོན་མ་བཞི་དང་ཡུལ་ལྔ་ཡ…