གི་རྣམ་པ་རྣམས། །རིམ་པ་བཞིན་དུ་བསྐུར་བར་བྱ། །ཞེས་རིག་པ་རང་ཤར་ཆེན་པོའི་རྒྱུད་ལས། དབང་གི་སྡོམ་བྱང་བསྟན་པའི་ལེའུ་སྟེ་དོན་ལྔ་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་རྡོ་རྗེ་འཆང་། །དབང་གི་སྡོམ་བྱང་དེ་ལྟར་ན། །བདག་ཅག་མོས་པའི་འཁོར་རྣམས་ལ། །མཚན་མ་རང་གྲོལ་གསུང་དུ་གསོལ། །ཞེས་ཞུས་སོ…

ཤར་མེད་པར་ཤེས། །མཚན་མ་རང་གྲོལ་དགོངས་པ་ཉིད། །གསལ་བར་རྟོགས་པའི་ཕྱོགས་དང་བྲལ། །འཛིན་པ་མེད་པར་རང་སར་གྲོལ། །རྟོག་པ་མེད་པས་བདེན་པ་མཐོང་། །དེ་ཕྱིར་མཚན་མ་རང་གྲོལ་ལ། །བྱས་པའི་ཆོས་ནི་ཀ་ནས་མེད། །འབྱུང་དང་བྱུང་བའི་ཆོས་ལ་སྤྱོད། །སངས་རྒྱས་དགོངས་པ་རང་གྲོལ་ཉིད། །མུན་པ་སངས་པའི་ཕྱོགས་དག་ནས། །རབ་ཏུ་དྭངས་པས་བལྟ་བར་བྱ། …

སུམ་དག་པའི་དབྱིངས། །སྨོན་དུ་མེད་དེ་བདེ་ཆེན་ཐུགས་ལ་རྫོགས། །འདུས་བྱས་ཆོས་རྣམས་སྤང་དུ་མེད་དེ་སྤང་བྱེད་ཡོད། །ཆོས་རྣམས་ཐམས་ཅད་རང་ལ་རྫོགས་ཤིང་འཕྲོ། །སྤང་རྒྱུ་མེད་ཅིང་སྤངས་པའི་ཆོས་དང་བྲལ། །སྤང་བ་བོ་ཡང་མི་དམིགས་སྤང་བྱ་ག་ལ་ཡོད། །ཆོས་དང་རིག་པ་རྫོགས་པའི་སྐུ། །ལེན་མེད་འཛིན་དང་ཡོངས་སུ་བྲལ་བས་ན། །དུས་གསུམ་མཉམ་ཉིད…

རྟག་པའི་ལམ་ལ་ཆད་པ་ག་ལ་ཡོད། །ཆད་པ་ལ་ཡང་རྟག་པ་ག་ལ་ཡོད། །དེ་བཞིན་མཚན་མ་རང་གྲོལ་ཆོས་ཉིད་ལ། །རྟོག་གེའི་ཆོས་ཉིད་མེད་པར་གསུངས། །བྱང་ཆུབ་དོན་གྱི་སྙིང་པོ་འདི་ཉིད་ཀྱང་། །གསང་སྔགས་རྒྱལ་པོ་འདི་ཡིས་མཐོང་བ་ལ། །ཐེག་དམན་གཞན་གྱིས་དོན་མི་མཐོང་། །མཐོང་བས་ཆོས་སྐུའི་ངོ་བོར་བཤད། །རྟོགས་པ་ལྷུན་གྲུབ་ངོ་བོར་བཤད། །ཤེས་པ་སྤྲུ…

ཚད་གསུང་དུ་གསོལ། ཞེས་ཞུས་སོ། །དེ་ནས་ཡང་ཐུགས་རྗེ་ཆེན་པོ་དང་ལྡན་པ་དེས། འདི་སྐད་ཅེས་བཀའ་སྩལ་ཏོ། །ཀྱེ་མ་གསང་བའི་བདག་པོ་ཉིད་ལེགས་པར་ཉོན་ཅིག །ངས་ཁྱོད་ལ་ལེགས་པར་བསྟན་པར་བྱའོ། །ཡིད་གཞན་དུ་མ་ཡེངས་པར་ལེགས་པར་ཉོན་ཅིག །སེམས་ཀྱི་དྲི་མ་གསུམ་པོ་སོལ་ལ། རིག་པ་མ་འགགས་པར་ཉོན་ཅིག །ས་ཞེས་བྱ་བ་གུད་ན་ཡོད་པ་མ་ཡིན་ནོ། །བདེན…

འདི་ལྟར་ནོན་པ་ཡིན་ཏེ། འཁྲུལ་སྣང་འགགས་ནས་ཚོམ་བུའི་སྣང་བ་ཤར་བ་ནི། བཅུ་གཅིག་ཀུན་ཏུ་འོད་ཀྱི་ས་ནོན་པ་ཡིན་ནོ། །དེ་ནས་སྣང་བ་དེ་ལ་མ་ཆགས་པར་ཕྱི་ནང་གི་ཆོས་ཐམས་ཅད་ཀྱིས་མ་གོས་པ་ནི། བཅུ་གཉིས་མ་ཆགས་པདྨ་ཅན་གྱི་ས་ནོན་པ་ཡིན་ནོ། །དེ་ནས་རང་གི་ཐུགས་ཀ་ནས་ཡེ་ཤེས་ཀྱི་ཟེར་ཐག་ཤར་ནས་ནམ་མཁའི་མཐོངས་ན་འོད་ཀྱི་ཚོམ་བུ་ལྔ་འཁོར་ལོའ…

ཤེས་པར་བྱའོ། །མཐའི་མུན་པ་བསལ་བར་བྱའོ། །དཀྱིལ་འཁོར་ལྔའི་དེ་བཞིན་ཉིད་ལ་མཁས་པར་བྱའོ། །དེ་བཞིན་དུ་ཡེ་ཤེས་ཐམས་ཅད་ཀྱི་དོན་ཐུགས་སུ་ཆུད་པར་བྱའོ། །གསང་བའི་ཡེ་ཤེས་ཀྱི་དཀྱིལ་འཁོར་ལྔ་རང་བཞིན་གྱིས་འོད་གསལ་བར་གནས་པ་ཡིན་པའི་ཕྱིར། སངས་རྒྱས་ཀྱི་བདེན་པ་མཐོང་བར་བྱའོ། །ལམ་དུ་ཞུགས་པའི་ཚེ་མཁའ་རྣམ་པར་དག་པ་མཐོང་བར་བྱའོ། །ར…

ཀྱི་དགོངས་པའི་ཚད་རྙེད་པ་ཡིན་ནོ། །ང་ཉིད་སྒྲོན་མའི་ཡེ་ཤེས་སྣང་བའི་དུས་ན། དག་པའི་ཞིང་ཁམས་རྣམས་མ་བཀོད་པར་སྣང་བ་མ་བསྒྲིབས་ཡོངས་སུ་གསལ་བའི་ལམ། མཐའ་དང་དབུས་སུ་མེད་པ། ཕྱོགས་དང་རིས་སུ་མེད་པ་དུ་མ་དང་བརྟེན་པ་མེད་པར་གསལ་བའོ། །ཚིག་གིས་བརྗོད་དུ་མེད་པ། དཔེ་ཡིས་མཚོན་དུ་མེད་པ། རང་རིག་པའི་ཡེ་ཤེས་སུ་གསལ་བ། འགྱུར་མེད་ཀ…

སེམས་ཅན་མཚན་མ་ཡེ་ནས་མེད། །མྱ་ངན་འདས་པའི་སྔོན་རོལ་ན། །འཁོར་བ་བྱ་བ་མིང་ཡང་མེད། །དེ་ཕྱིར་སངས་རྒྱས་ཐམས་ཅད་ཀྱི། །རྗེ་བཙན་དམ་པ་ང་ཡིན་ནོ། །འབྱུང་བ་ལྔ་པས་ང་ཉིད་ཆེ། །འབྱུང་བ་བས་ཀྱང་ང་སྔར་བྱུང་། །སངས་རྒྱས་བས་ཀྱང་ང་སྔར་རྒྱས། །ང་ནི་ཡང་དག་བདེ་བའི་སྐུ། །ང་ཡི་སྐུ་ལ་ཐམས་ཅད་རྫོགས། །ང་ཡི་གསུང་ལ་ཐམས་ཅད་རོལ། །ང་ཡི་ཐུགས…

རྒྱལ་བ་ཀུན་གྱི་ངང་། །གཅིག་དང་དུ་མ་རྒྱལ་བ་ཀུན་གྱི་ཡུལ། །ཡེ་ཤེས་ཆོས་ཀྱི་དབྱིངས་དང་ཁྱད་མེད་པས། །སྐྱེ་མེད་ཡེ་ཤེས་མེ་ལོང་ལྟ་བུས་མཁྱེན། །ཡེ་ཤེས་རིག་པའི་ངང་དུ་དབྱེར་མེད་མཁྱེན། །ཆོས་ཀྱི་དབྱིངས་ལ་ཆོས་ཉིད་ཡེ་ཤེས་བརྗོད། །རྣལ་འབྱོར་རིག་པ་མཐོང་གྱུར་ན། །རྒྱལ་བ་མ་བསྒོམས་གཅིག་ཀྱང་མེད། །རིག་པའི་ངོ་བོ་འགྱུར་བ་མེད། །ར…

སྨྲ་ཞིང་རང་གི་དོན་ལ་འཇོག །རྫོགས་ཆེན་ཡུལ་ལ་སངས་རྒྱས་སེམས་ཅན་མེད། །རྫོགས་ཆེན་གཞི་ལ་བཟང་དང་ངན་པ་མེད། །རྫོགས་ཆེན་ལམ་ལ་ཉེ་དང་རིང་བ་མེད། །རྫོགས་ཆེན་འབྲས་བུ་ཐོབ་དང་མ་ཐོབ་མེད། །རྫོགས་ཆེན་སྐུ་ལ་ཡིན་དང་མིན་པ་མེད། །རྫོགས་ཆེན་གསུངས་ལ་བསྒྱུར་དང་མ་བསྒྱུར་མེད། །རྫོགས་ཆེན་དབྱིངས་ལ་ཟད་དང་སྟོངས་པ་མེད། །རྫོགས་ཆེན་གནས་…

ཡེ་ཤེས་ལྔ་དང་ལྡན། །དག་པའི་ཡེ་ཤེས་ཚོམ་བུ་ལྔ་དང་ལྡན། །རྫོགས་ཆེན་གསང་བའི་དཀྱིལ་འཁོར་དམ་པ་ན། །རྫོགས་ཆེན་དོན་ལ་ཐོགས་པ་མེད་པར་འབྱུང་། །ཚིག་དོན་ཡེ་ཤེས་གཏན་ཚིགས་ཆེན་པོར་བཤད། །ཡང་དག་ཡེ་ཤེས་ཟླ་འོད་བཟང་། །འོད་ཆེན་སྟོན་ཀའི་ཟླ་བའི་འོད། །སྤྲོ་ཞིང་བསྡུ་བ་མེད་པ་ལྟར། །རྫོགས་ཆེན་འོད་ལ་སྐྱེ་དང་འབྲི་བ་མེད། །རྫོགས་ཆེན་ཡ…

དུ་གསོལ། །ཞེས་ཞུ་བ་ཞུས་སོ། །དེ་ནས་ཡང་བཀའ་སྩལ་པ། ཀྱེ་མ་གསང་བདག་རྡོ་རྗེ་འཛིན། །ངས་བསྟན་ཁྱོད་ཀྱིས་ལེགས་པར་ཉོན། །མི་གཡོ་མཉམ་གཞག་དགོངས་པ་ནི། །འདི་ལྟར་ཀུན་ལ་ཤེས་པར་བྱ། །མི་གཡོ་བ་ནི་སྐུ་ཡི་རྒྱན། །མི་བསྐྱོད་པ་ནི་ཡེ་ཤེས་ཏེ། །མི་འགག་པ་ནི་ཤེས་རབ་པོ། །ཡང་དག་མི་ཕྱེད་མཉམ་གཞག་གོ། །སྲོག་མེད་འཛིན་པ་མེད་པ་ཉིད། །བྱ་དང…

པས་གང་གིས་ཆོས་དང་བྲལ། །ཐེ་ཚོམ་སྒྲོ་འདོགས་ཆོས་དང་བྲལ། །མི་གཡོ་མཉམ་གཞག་དཀྱིལ་འཁོར་ཉིད། །རང་ལས་སྤྲུལ་ཞིང་རང་ལ་ཐིམ། །བྱིང་དང་རྒོད་པའི་མཐའ་ལས་འདས། །རྟག་ཉིད་རྡོ་རྗེའི་སྐུ་དང་ལྡན། །མུན་པ་འཁོར་བའི་ཡུལ་ལས་འདས། །རྟོག་པ་དེ་ཉིད་རང་སར་གྲོལ། །རྟོགས་པ་ཆོས་ཉིད་རྒྱལ་པོར་གསུངས། །ཆོས་ཉིད་ཀ་དག་མ་རིག་མེད། །བསྟན་པ་ཀུན་གྱ…

བསྐྱལ། །བསམ་པ་མེད་པའི་ཆོས་སྐུ་མཐོང་། །ཡངས་པ་ཆེན་པོའི་དབྱིངས་ཉིད་མཐོང་། །བརྗོད་པ་མེད་པའི་ངང་དུ་ཐིམ། །ཡང་དག་རིག་པ་མཁའ་ལ་གཤེགས། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཆོས་ཉིད་ལ་ཡང་ཆོས་ཉིད་རོལ། །ཡེ་ཤེས་ཡེ་ཤེས་ཁྱད་པར་གྱིས། །ཆོས་ཉིད་དོན་ལ་བལྟས་པ་མེད། །དཀྱིལ་འཁོར་གསུང་གི་ཁྱད་པར་གྱིས། །གསང་སྔགས་ཐབས་ཀྱི་དཀྱིལ་འཁོ…

སྒོ་ནི་རྣམ་པ་གཉིས། །འདོད་པའི་སྒོ་ནས་ཤེས་རབ་རྩལ་དུ་ཤར། །ཡེ་ཤེས་སྒོ་ནས་སྐུ་དང་ཡེ་ཤེས་ཤར། །འབྱེད་མེད་ཤེས་རབ་གཞི་ལ་གནས་པ་འབྱུང་། །ངོ་སྤྲོད་རྟོགས་པ་ཐོབ་གྱུར་པས། །མི་བསླུ་ངེས་པའི་སྣང་བ་ལྔ། །ཤེས་རབ་མཁའ་ལ་བསྐྱོད་དེ་གཤེགས། །སྤྲོས་དང་བྲལ་བའི་ཆོས་ཀྱི་དབྱིངས། །ངོ་སྤྲོད་ནང་དུ་ཤེས་པར་བྱ། །དེ་ཡང་བསྟན་པ་འདི་ལྟར་ཡིན…

པར་བྱེད། །ལུང་ལ་བརྟེན་ཏེ་གྲུབ་བམ་ཅི། །ཡང་ན་རིགས་པ་དག་ལ་བརྟེན། །དེ་བཞིན་མན་ངག་བརྟེན་འགྱུར་རམ། །ཡང་ན་རང་ཉིད་ལ་བརྟེན་ནམ། །དེ་བཞིན་གང་ལ་བརྟེན་པ་ཡིན། །ཡང་དག་དོན་ཆེན་བགྲོས་ཏེ་གསུངས། །ཞེས་དྲི་བ་དྲིས་སོ། །དེ་ནས་འཇམ་དཔལ་སྨྲ་བའི་སེང་གེ་སྐྱེས་བུ་དམ་པ་དེས། འདི་སྐད་ཅེས་སྨྲས་སོ། །ཀྱེ་ཧོ་ལེགས་པར་དྲིས་ལན་ཟུང་། །དྲི…

བའོ། །དེ་ནི་དགོངས་པའི་ཚད་དུ་བསྟན། །དེ་མིན་བློ་ཞན་སེམས་ཅན་རྣམས། །ཆོས་སྐུ་ཟང་ཐལ་ཡངས་པར་མ་ཤེས་པར། །རྫོགས་རིམ་སྐྱེ་བ་མེད་པ་ཁས་བླངས་ཀྱང་། །ཝ་སྤྲེལ་སེང་གེ་དག་ཏུ་བརྫུས་པ་བཞིན། །དངོས་མེད་ཟང་ཐལ་ཆོས་སྐུ་མ་རྟོགས་པར། །བློ་ཡི་ཞེན་འདོད་མཚན་བཅས་ལྷ་ལ་བལྟ། །དེ་ནི་འཇམ་དཔལ་དགོངས་པ་མིན་པ་རྡོ་རྗེ་སེམས་དཔས་གསུངས། མཚན་མ་མ…

ཡང་བསྟན་པ་འདི་ལྟ་སྟེ། །དྲི་མ་དག་ན་རགས་པར་བཤད། །དྲི་མས་རང་གི་ཡེ་ཤེས་བསྒྲིབས། །རགས་པས་སངས་རྒྱས་ཞིང་ཁམས་བསྒྲིབས། །ཕྲ་བས་ཡེ་ཤེས་སྣང་བ་བསྒྲིབས། །ཕྲ་བའི་ཕྲ་བས་ཡེ་ཤེས་སྒྲོན་མར་བསྟན། །རགས་པའི་རགས་པས་གཟུགས་སྐུའི་ཞིང་ཁམས་བསྟན། །དྲི་མའི་དྲི་མས་མ་རིག་རྩ་བར་བསྟན། །སྣང་བའི་རྒྱལ་པོ་ཆེན་པོ་དེ་བཞིན་གནས། །སེམས་ཅན་བློ…

སྨྲ་བའི་སེང་གེ་དེས་འདི་སྐད་ཅེས་དྲིས་ལན་རྒྱས་པར་གནང་ངོ་། །ཀྱེ་ཧོ་སྤྱན་རས་གཟིགས་དབང་ཉོན། །བདག་གིས་རབ་ཏུ་སྨྲ་བར་བྱ། །འཇམ་དཔལ་དཔལ་དང་ལྡན་པའི་མཆོག །འཇམ་དཔལ་དགོངས་པ་གང་ཡིན་པ། །ང་ཡི་ཐུགས་ཀྱི་དཀྱིལ་ན་རྫོགས། །འཇམ་དཔལ་ཡང་དག་བདེ་བའི་སྐུ། །ཡང་དག་ཡེ་ཤེས་འོད་ལྔར་ལྡན། །ཆོས་སྐུ་ཁ་དོག་མ་འདྲེས་འཇམ། །དཀྱིལ་འཁོར་འདུ་འབ…