རྒྱའི་གཡོན་པའི་སྡིགས་མཛུབ་དང་མཐེ་བོང་གིས་སེ་གོལ་བྱས་པ་ལས་གཤིན་རྗེ་མཐར་བྱེད་དང་ཤེས་རབ་མཐར་བྱེད་དང་པདྨ་མཐར་བྱེད་དང་བགེགས་མཐར་བྱེད་རྣམས་རང་རང་གི་གནས་སུ་རང་གི་སྐུ་གཉིས་པ་སྤྲུལ་ཏེ་འོངས་ནས་མདུན་དུ་བཞུགས་པ་ཅི་བགྱི་ཞེས་བཀའ་ནོད་པ་རྣམས་ལ་གྲངས་ཇི་ལྟ་བར། ཨོཾ་བཛྲ་ཨཾ་ཀུ་ཤ་ཨཱ་ཀ་ཪྵ་ཡ་ཧཱུཾ། ཨོཾ་བཛྲ་པཱ་ཤ་བ་ནྡྷ་ཧཱུཾ། ཨ…

རྗེས་མཚན་པ་གྲུ་བཞི་པ་འདོད་པར་བྱ་བའི་གསེར་གྱི་སའི་དཀྱིལ་འཁོར་རོ། །དེའི་སྟེང་དུ་ཧཱུཾ་སུཾ་ཧཱུཾ་ཡོངས་སུ་གྱུར་པའི་རི་རབ་རྣམ་པར་བསམས་ཏེ། དེར་ཡུད་ཀྱིས་རྡོ་རྗེ་ཧཱུཾ་མཛད་ཀྱི་གཟུགས་ཡོངས་སུ་གྱུར་པས་འཆད་པར་འགྱུར་བའི་ཕྱག་མཚན་ལ་སོགས་པ་དང་ལྡན་པའི་རྡོ་རྗེ་འཛིན་པ་ཡོངས་སུ་གྱུར་པའི་ཆོས་འབྱུང་དཀར་པོ་གྲུ་གསུམ་པ་ནམ་མཁའི་…

བརྙན་དུ་བྱས་པ་བལྟ་ཞིང༌། ཨོཾ་བོ་དྷི་ཙི་ཏྟཾ་ཨུ་ཏྤཱ་ད་ཡཱ་མི་ཞེས་པའི་སྔགས་ཀྱིས་བྱིན་གྱིས་བརླབ་བོ། །དེའི་དབུས་སུ་སྔར་གནས་པའི་བར་དོའི་སྲིད་པ་ནཱ་ད་ལས་ཐིག་ལེ་དང་ཟླ་ཕྱེད་དང་མགོ་བོ་དང་ཧ་དང་ཨུའི་རིམ་པས་རྫོགས་པའི་ཧཱུཾ་ལས་སྐྱེས་པའི་རྡོ་རྗེའི་ལྟེ་བ་ལ་གནས་པའི་ཧཱུཾ་བསྒོམ་པ་ན། ཨོཾ་བཛྲ་ཨཱཏྨ་ཀོ྅ཧཾ་ཞེས་བརྗོད་ལ། ཧཱུཾ་ཡིག…

ཐུགས་ཀར་སྣ་ཚོགས་པདྨ་དང་ཟླ་བ་ལ་ཡེ་ཤེས་སེམས་དཔའ་དཀར་དམར་ཟླ་བའི་འོད་ཅན། སེམས་དཔའི་སྐྱིལ་ཀྲུང་དང་ལྡན་པ་སངས་རྒྱས་ལྔའི་ཅོད་པན་དང་རིན་པོ་ཆེའི་ཅོད་ཅན་རིན་པོ་ཆེའི་རྒྱན་ཅན། རྡོ་རྗེ་དང་རྡོ་རྗེ་དྲིལ་བུ་དང་བཅས་པའི་ཕྱག་གཉིས་ཀྱིས་རང་དང་འདྲ་བའི་ཤེས་རབ་མ་ལ་འཁྱུད་པའོ། །དེའི་ཐུགས་ཀར་ཟླ་བ་ལ་ཏིང་ངེ་འཛིན་སེམས་དཔའ་ཧཱུཾ་ནག…

པར་མོས་ནས། བློས་རང་རང་གི་འཇིག་རྟེན་གྱི་ཁམས་སུ་བཏང་སྟེ། དཀྱིལ་འཁོར་ཡང་མི་བསམ་མོ། །དེའི་རྗེས་སུ། མིག་ནི་གཏི་མུག་རྡོ་རྗེར་བཤད། །ཅེས་པ་ལ་སོགས་པ་འཆད་པར་འགྱུར་བའི་རིམ་པས། མིག་དག་ཏུ་ཆུ་སྐྱེས་དང་ཟླ་བ་ལ་འཁོར་ལོ་དང་ཨོཾ་ཡིག་ལས་སྐྱེས་པའི་གཏི་མུག་རྡོ་རྗེ་དཀར་པོ་གཟུགས་རྡོ་རྗེ་མ་ལ་འཁྱུད་པ་བསྒོམ་མོ། །རྣ་བ་དག་ལ་ཆུ་ས…

པའི་ངོ་བོ་རང་འདྲ་རྣམས་ཏེ། འོན་ཀྱང་གཡས་བརྐྱང་གི་ཟླ་བོའི་ཞབས་སྟབས་ཅན། ཕྱག་གཡས་པས་མེ་ལོང་དང་པི་ཝང་དང་དྲིའི་དུད་དང་བཅུད་ཀྱི་སྣོད་དང༌། ན་བཟའ་སྣ་ཚོགས་དང་ཆོས་འབྱུང་འཛིན་པ། གཡོན་པས་རྡོ་རྗེ་དྲིལ་བུ་འཛིན་པ་རྣམས་སོ། །སྒྲ་རྡོ་རྗེ་མ་ནི་གཡོན་པས་ཀྱང་པི་ཝང་འཛིན་པ་རིན་ཆེན་འབྱུང་བའི་ཅོད་པན་ཅན་ནོ། །ལྟེ་བ་དང་སྙིང་ག་དང་…

ཞུ་བར་གྱུར་ནས་སྐྱེ་མཆེད་དང་ཁམས་དང་ཕུང་པོ་དང་ལུས་ལ་སོགས་པ་རྣམས་ལ་ནང་དུ་ཐིམ་པར་བྱའོ། །དེའི་རྗེས་སུ་ཧ་ཧི་ཧུ་ཧེ་ཧོ་ཧཾ་ཞེས་པ་འཆད་པར་འགྱུར་བའི་སྔགས་རྣམས་ཀྱིས་གོ་ཆ་བསམ་པར་བྱ་སྟེ། སྙིང་གར་ཨོཾ་ཧ་ཡོངས་སུ་གྱུར་པའི་རྡོ་རྗེ་སེམས་དཔའོ། །མགོ་བོར་ན་མཿ་ཧི་ལས་སྐྱེས་པའི་རྣམ་པར་སྣང་མཛད་དོ། །སྤྱི་གཙུག་ཏུ་སྭཱ་ཧཱ་ཧཱུཾ་ལས་…

སྐྱེས་པའི་རྡོ་རྗེ་ཕག་མོའོ། །སྙིང་གར་ཧཾ་ཡོཾ་ལས་སྐྱེས་པའི་གཤིན་རྗེ་མའོ། །མགྲིན་པར་ཧོཾ་མོཾ་ལས་སྐྱེས་པའི་རྨོངས་བྱེད་མའོ། །མགོ་བོ་ཧྲེཾ་ཧྲཱིཾ་ལས་སྐྱེས་པའི་སྐྱོད་བྱེད་མའོ། །སྤྱི་བོར་སྭཱ་ཧཱུཾ་ལས་རྫོགས་པའི་སྐྲག་བྱེད་ན་འོ། །ཡན་ལག་ཐམས་ཅད་ལ་ཧཱ་བ་ཊ་ལས་སྐྱེས་པའི་གཏུམ་མོ་སྟེ། དྲུག་པོ་འདི་རྣམས་བདག་པོའི་མགྲིན་པ་འཛིན…

བསམ་པས་སྙོམས་པར་འཇུག་པར་བྱའོ། །དེ་ལ་རྗེས་སུ་ཆགས་པའི་དུས་སུ་མཉམ་པ་ཉིད་ཀྱི་ཏིང་ངེ་འཛིན་མངོན་དུ་གྱུར་པ་ལས་བསྒྲུབས་པའི་རིག་མ་དང་རང་གི་བདག་ཉིད་ལ་ཐ་དད་པ་བསལ་བ་ཁོ་ནས་སྙོམས་པར་འཇུག་ཅིང༌། དེ་བཞིན་གཤེགས་པ་ཐམས་ཅད་རྗེས་སུ་ཆགས་པའི་བསམ་པས་ཀྱང༌། དེ་བཞིན་གཤེགས་པ་རྣམས་ཐམས་ཅད་ལ་དབྱེ་བ་སེལ་བའོ་ཞེས་པས་མཉམ་པ་ཉིད་ཀྱི་ཡེ་…

མི་བསྐྱོད་པ་ནག་པོ་ཞལ་དང་ཕྱག་དང་ཕྱག་མཚན་ལ་སོགས་པ་རྣམས་ཀྱིས་རྡོ་རྗེ་སེམས་དཔའ་ལྟ་བུ་བདག་ཉིད་ཀྱི་ནང་དུ་བསྡུའོ། །དེ་ནང་དུ་བསྡུས་ཀྱང་རྡོ་རྗེ་འཛིན་པ་ནི་དཀར་པོ་ཁོ་ནའོ། །བུཾ་ཞེས་པས་མདུན་དུ་རྣམ་པར་སྣང་མཛད་དཀར་པོ་ཞི་བ། ཕྱག་བཞི་པ། གཡས་པ་དག་གིས་འཁོར་ལོ་དང་དྲིལ་བུ་དག་དང་གཡོན་པ་དག་གིས་ཐོད་པ་དང་ཞགས་པ་འཛིན་པའོ། །ཨཾ་…

ལོ་དང་ཞགས་པ་དང་ཐོད་པ་དང་གཞུ་འཛིན་པའོ། །དེ་བཞིན་དུ་ལྷ་གཞན་རྣམས་ཀྱང་རང་རང་གི་བསྐྱེད་པའི་ས་བོན་རྣམས་ཁོ་ནས་དབྱུང་བར་བྱའོ། །དེ་ལ་རིམ་པ་གཉིས་པར་ཤར་ཕྱོགས་སུ་རྡོ་རྗེ་དྲག་མོ་དཀར་མོ་ཕྱག་བཞི་མ་ལ་གཡས་པ་དག་ན་མདའ་དང་ལྕགས་ཀྱུ་དག་དང༌། དེ་ལས་ཅིག་ཤོས་དག་ན་གཞུ་དང་ཐོད་པ་ཁུ་བས་གང་བ་དག་གོ །ལྷོར་རྡོ་རྗེ་གཟུགས་མ་སེར་མོ་ཕྱག…

དང་བཅས་པའི་སྒེག་པའི་ཚུལ་ཅན་ནོ། །དེ་གསུངས་པ། ཧཱུཾ་གི་གླུ་ལེན་ཅིང་གར་སྔོན་མ་ཅན། རྐེད་པའི་ཕྱོགས་སུ་རྡོ་རྗེ་ཁུ་ཚུར་གཉིས་བཅིང་བས་གཡས་རོལ་དུ་བཞག་ནས་རོལ་བ་དང་བཅས་པར་མགོ་བོ་ཅུང་ཟད་གཡོན་གྱི་ཆར་དུད་པ་ནི་རྡོ་རྗེ་སྒེག་མོའོ་ཞེས་སོ། །ནུབ་ཏུ་གླུ་མ་སེར་མོ་སྒེག་པས་ལུས་ཅུང་ཟད་གཡོ་ཞིང་ཕྱག་གཉིས་འཁར་བའི་སིལ་ཁྲོལ་འཛིན་པའ…

ཚོགས་འཛིན་པའོ། །བྱང་དུ་ཆོས་མ་དཀར་མོ་ཕྱག་གཉིས་ཀྱིས་ཆོས་འབྱུང་དཀར་མོ་འཛིན་པའོ། །རྣམ་པར་སྣང་མཛད་ལ་སོགས་པའི་ལྷ་འདི་རྣམས་ཀྱང་ཞལ་གཅིག་པ་སྤྱན་གསུམ་པ་རལ་པའི་ཅོད་པན་ཅན། ཐོད་སྐམ་ལྔ་དང་འཁོར་ལོ་ཅན་ལ་སོགས་པས་རྒྱན་དུ་བྱས་པ་ལྷའི་གོས་ཅན། སྐྱིལ་ཀྲུང་ཕྱེད་པའི་གར་སྟབས་ཅན་ནོ། །ཤར་སྒོར་རྡོ་རྗེ་ལྕགས་ཀྱུ་མ་ནམ་མཁའ་སྔོ་བསངས…

གཞན་རྣམས་ཐམས་ཅད་ནི་སྣ་ཚོགས་མཚོ་སྐྱེས་དང་ཐོད་པ་དང་ཟླ་བ་ལ་གནས་པ་སྟེ་ཐམས་ཅད་ཉི་མའི་འོད་ཅན་ཁོ་ནའོ། །དེ་ལྟར་སུམ་ཅུ་རྩ་བདུན་གྱི་བདག་ཉིད་ཀྱི་ལྷའི་འཁོར་ལོ་འདི་བཀོད་ནས། སྙིང་གའི་འོད་ཟེར་གྱི་ལྕགས་ཀྱུ་སྤྲོས་ལ། སྙིང་གའི་འོད་ཟེར་གཞན་རྣམས་ཀྱིས་རྡོ་རྗེ་ལྕགས་ཀྱུ་མ་ཡང་དག་པར་བསྐུལ་ཏེ། དེས་ཛཿ་ཞེས་བརྗོད་པས་སྙིང་ག་ནས་སྤ…

རྣམས་ཀྱི་རིགས་ཀྱི་དབང་པོ་མི་བསྐྱོད་པའོ། །སྤྱན་མ་དང་རྡོ་རྗེ་དྲག་མོ་དང་ས་རྡོ་རྗེ་མ་དང་མེ་ཏོག་མ་དང་བཞད་མ་དང་གླིང་བུ་མ་དང་རྡོ་རྗེ་ལྕགས་ཀྱུ་མ་རྣམས་ཀྱི་རྣམ་པར་སྣང་མཛད་དོ། །རྡོ་རྗེ་མཁའ་འགྲོ་མ་དང་རྡོ་རྗེ་གཟུགས་མ་དང་བདུག་སྤོས་མ་དང་སྒེག་མོ་དང༌། པི་ཝང་མ་དང་རྡོ་རྗེ་ཞགས་པ་མ་རྣམས་ཀྱི་རིན་ཆེན་འབྱུང་བའོ། །གོས་དཀར་མ…

པ་རྣམས་མ་ཞེན་པར་མྱང་བར་བྱའོ། །དཀྱིལ་འཁོར་གྱི་དེ་ཁོ་ན་ཉིད་ཀྱང་ཀུན་རྫོབ་དང་དོན་དམ་པ་ཡང་བརྟག་པར་བྱའོ་ཞེས་པ་དཀྱིལ་འཁོར་རྒྱལ་པོ་མཆོག་ཅེས་བྱ་བའི་ཏིང་ངེ་འཛིན་གཉིས་པའོ། །དེའི་རྗེས་སུ་རྡོ་རྗེ་འཛིན་པས་བསྐུལ་བའི་དཀྱིལ་འཁོར་པའི་ལྷ་མ་ལུས་པ་རྣམས་དང་བཅོམ་ལྡན་འདས་ཀྱིས་སྐུའི་བཀོད་པ་སྤྲོས་པ་ཡུད་ཀྱིས་ནམ་མཁའི་ཁོངས་ཁྱབ་…

ན་ཐིག་ལེའི་རྣམ་པར་ཧཱུཾ་ཡིག་ལ་ཇི་སྲིད་འདོད་པར་ཡིད་གཞག་གོ །དེའི་རྗེས་སུ་དབུགས་འབྱུང་བ་ངེས་པར་འབྱིན་པའི་རིམ་པས་སྐུ་དང་གསུང་དང་ཐུགས་རྡོ་རྗེའི་མཐར་ཐུག་པར་དེའི་འོད་ཟེར་རྣམས་ཀྱིས་སྣང་བར་བྱས་ནས་དབུགས་འཇུག་པའི་ཚུལ་གྱིས་བསྡུས་པ་ན་ས་བོན་དང་ཐིག་ལེ་ལ་ནི་ཡུད་ཀྱིས་རྫོགས་པའི་དཀྱིལ་འཁོར་དུ་མོས་པར་བྱའོ། །སླར་ཡང་དབུགས…

སྤྲོ་བར་བྱའོ་ཞེས་པ་འདི་ཡང་ཕྲ་མོའི་རྣལ་འབྱོར་ཇི་ལྟར་འདོད་པར་བསམ་པར་བྱའོ། །དེའི་རྗེས་སུ་ཨོཾ་ཡིག་དཀར་པོ་སངས་རྒྱས་ལ་སོགས་པ་རྣམས་སྤྲུལ་ནས་རླུང་དང་ལྷན་ཅིག་ཞུགས་ཤིང་སྙིང་གའི་པདྨར་གནས་པའི་ཨཱཿ་ཡིག་དཀར་པོ་ཐུང་ངུའི་སྟེང་དུ་གནས་པ་དང་ལྡན་པ། རླུང་དང་ལྷན་ཅིག་སྤྲུལ་པ་རྣམས་རྒྱུན་འཇུག་པ་ལ་གཞག་ཅིང༌། བརྟན་པ་ན་ཨཱཿ་ཡིག་ད…

རྗོད་པར་བྱེད་ཅིང་དཀྱིལ་འཁོར་གྱི་ལྷའི་ཚོགས་སྤྲོས་ཏེ། འགྲོ་བའི་དོན་བྱས་ནས་སྔགས་དང་ལྷན་ཅིག་ཁོ་ནར་ཕྲེང་བའི་སྐུད་པ་འདྲེན་པའི་ཚུལ་གྱིས་འཇུག་པའི་རླུང་གིས་སྙིང་གའི་ས་བོན་དེ་ཁོ་ན་ལ་གཞུག་ཅིང༌། ལྷ་སོ་སོའི་སྔགས་བརྗོད་པ་ཡོངས་སུ་རྫོགས་པ་ནས་སོ་སོར་སྤྲོ་བ་དང་སྡུད་པའོ་ཞེས་པ་དམ་ཚིག་གི་བཟླས་པའོ། །ཆོས་ཐམས་ཅད་མཉམ་པ་ཉིད་…

པ་རྩ་བའི་སྔགས་ཏེ། གང་གསུང་བར་འགྱུར་བ། ཡི་གེ་བཅུ་དྲུག་པ་འདི་ནི། མཁའ་འགྲོ་མའི་རྩ་བའི་སྔགས་ཞེས་སོ། །སྙིང་པོའི་སྔགས་སུ་ཡང་འདི་ཁ་ཅིག་ཏུ་བརྗོད་དོ། །ཨོཾ་བཛྲ་བཻ་རོ་ཙ་ནཱི་ཡཻ་སྭཱ་ཧཱ། ཞེས་པ་ཉེ་བའི་སྙིང་པོའོ། །འདི་དག་དང་དཀྱིལ་འཁོར་བའི་སྔགས་བཟླས་པར་བྱ་བ་རྣམས་ཐམས་ཅད་འཆད་པར་འགྱུར་རོ། །བཅོམ་ལྡན་འདས་མའི་ཕྲེང་བའི་སྔག…