བྱའོ་ཞེས་པ་འཁོར་ལོའི་ཕྱག་རྒྱའོ། །དུང་གི་ཕྱག་རྒྱ་ཞེས་པ་གུང་མོ་དང་མིང་མེད་དང་མཐེ་ཆུང་རྣམས་བསྐུམ་ནས་དུང་གི་ཚུལ་གྱིས་མཐེ་བོ་དང་སྡིགས་མཛུབ་དག་བརྐྱང་བའོ། །དེ་བཞིན་ཁོ་ན་ཞེས་པ་གཡོན་པ་ཡིས་ལན་གྱི་ཕྱག་རྒྱའོ་ཞེས་བཤད་པ་སྟེ་ཇི་ལྟ་བའོ། །དུས་ཚིགས་ཞེས་པ་བསོད་ནམས་ཀྱི་དགའ་སྟོན་གྱི་དུས་སོ། །གཅིག་པ་ཞེས་པ་སོ་བསྙེར་བའོ། །…

ལ་སོགས་པ་ཀུན་དུ་སྤྱོད་པ་ལ་མཁས་པའི་རྣལ་འབྱོར་པ་དང་རྣལ་འབྱོར་མ་དག་གིའོ། །སྟོན་པ་ནི་བསམ་པ་གཅིག་པ་ཉིད་སྟོན་པ་སྟེ། ད་ལྟའི་དགོས་པའོ་ཞེས་པའི་དོན་ཏོ། །དཔལ་ཡང་དག་པར་སྦྱོར་བའི་རྒྱུད་ཀྱི་རྒྱ་ཆེར་འགྲེལ་པ། མན་ངག་གི་སྙེ་མར་སྙེ་མ་བཅུ་དྲུག་པའོ།། །། དེ་ལྟར་བརྡ་ཤེས་པ་གང་དུ་འདུ་བར་བྱ་བ་དེ་བརྗོད་པའི་ཆེད་དུ་གསུངས་པ། དེ་…

འབྱུང་བ་རྣམས་སོ། །ཐུང་དུ་ཉིད་ནི་ལུང་ངོ༌། །གནས་ནི་ཛཱ་ལ་ནྡྷ་ར་དང༌། ཨོ་ཌི་ཡ་ན་དང་པུ་ལླཱི་ར་མ་ལ་ཡ་དང་ཨ་རྦུ་དའོ། །བོལླ་གི་རི་དང་ཀོ་ལླ་གི་རི་དང་པུ་ལླཱི་ར་མ་ལ་ཡ་དང་རྡོ་རྗེའི་གནས་ཞེས་པ་རྣམ་གྲངས་སོ། །ཉེ་བའི་གནས་ནི་གོ་དཱ་བ་རཱི་དང་རཱ་མེ་ཤྭ་རི་དང་དེ་ཝཱི་ཀོ་ཊ་དང་མཱ་ལ་ཝ་ཡང་ངོ༌། །ཞིང་ནི་ཀཱ་མ་རཱུ་པ་དང་ཨོ་ཏྲེའོ། །ཉེ་…

ཞིང་དང་ཉེ་བའི་ཞིང་ཉིད་དང༌། འདུན་རྟོག་ཉེ་བའི་འདུན་རྟོག་དང༌། །འདུ་བ་ཉེ་བའི་འདུ་བ་དང༌། །འཐུང་གཅོད་ཉེ་བའི་འཐུང་གཅོད་དང༌། །དུར་ཁྲོད་ཉེ་བའི་དུར་ཁྲོད་དེ། །འདི་རྣམས་ས་ནི་བཅུ་གཉིས་སོ། །ཞེས་མདོར་བསྟན་ཅིང༌། གནས་ནི་ཛཱ་ལ་ནྡྷ་ར་དང༌། ཨོ་ཌི་ཡ་ན་དང་པཱུ་རྞ་གི་རི་དང་ཀཱ་མ་རཱུ་པའོ། །ཉེ་བའི་གནས་ནི་མཱ་ལ་ཝ་དང་སི་ནྡྷུ་དང་ནཱ་ག…

མོ་བཞི་རྣམས་དང་རི་རབ་ཀྱི་རྩེ་མོ་ལ་རི་གཱི་གནས་སོ་ཞེས་གསུངས་པ་དང༌། རྒྱུད་གཞན་རྣམས་སུ་ཡང་གནས་ལ་སོགས་པ་ཕྱི་དང་ནང་དུ་ཡང་རྣམ་པ་གཞན་དུ་རྣམ་པར་གཞག་སྟེ། ཅི་ཙམ་བྲི་བར་བྱ། དེའི་ཕྱིར་ཐམས་ཅད་དུ་ཕན་ཚུན་འགལ་བར་འགྱུར་རོ་ཞེན་མི་འགྱུར་ཏེ། གང་ཕྱིར་ཨ་རྦུ་ད་ལ་གནས་དང་ཉེ་བའི་ཞིང་ཉིད་དག་གྲང་བ་དང་དྲོ་བ་བཞིན་ནམ་དངོས་པོ་དང་དང…

གཞག་པའོ། །ཆེན་པོའི་ཆུང་ངུའི་དབང་དུ་བྱས་ནས་པུཾ་ཡིག་ལ་སོགས་པ་ཡོངས་སུ་གྱུར་པའི་བྱིས་པའི་འཁོར་ལོའི་ཚུལ་གྱིས་གནས་ལ་སོགས་པ་རྣམས་ལུས་ལ་མགོ་བོ་ལ་སོགས་པ་རྣམས་ལ་བསྟན་ཅིང༌། དེ་དང་དེར་སོན་པའི་རྩ་རྣམས་ཀྱང་ལྷ་མོ་རྣམས་ཞེས་པར་རོ། །ཆེན་པོའི་འབྲིང་པོའི་དབང་དུ་བྱས་པ་ལས་རྫོགས་པའི་རིམ་པས་ས་བོན་གྱི་ཡི་གེ་ལ་སོགས་པ་མེད་པར་…

གཟིགས། །ཐུགས་རྗེས་ཁྱབ་པའི་ཐུགས་ཀྱིས་ནི། །དེ་རྣམས་དགེས་པས་དངོས་གྲུབ་མཆོག །ཇི་ལྟར་འདོད་བཞིན་སྩོལ་བར་མཛད། །དེ་ཡིས་རྗེ་བཙུན་ཡེ་ཤེས་ནི། །རབ་ཏུ་འབད་པས་བསྒྲུབ་པར་བྱ། །སྣ་ཚོགས་འབད་པ་ཡང་དག་ལྡན། །སྤྱོད་དང་བརྟུལ་ཞུགས་བརྟན་པ་ཡི། །དེ་ཉིད་བརྟུལ་ཞུགས་ལ་དགར་བྱ། །སྤྱོད་དང་བརྟུལ་ཞུགས་འདི་སྤོངས་ལ། །གྱི་ནའི་རྣམ་པས་བཟའ་…

གྱུར་ན་ཅི་མ་རུང་ཞེས་པས་སོ། །སྤྲོས་པས་ཆོག་གོ །རྣལ་འབྱོར་མ་རྣམས་ཕལ་ཆེར་འདུ་བའི་གནས་ཀྱི་ཤིང་རྣམས་བརྗོད་པའི་དོན་དུ་གསུངས་པ་དེ་ནས་ཞེས་པ་ལ་སོགས་པའོ། །འདིར་ལྷག་པར་གནས་པར་བྱེད་དོ་ཞེས་པ་ལྷག་པར་གནས་ཏེ། ཤིང་ལ་སོགས་པའོ། །ཙུ་ཏ་ནི་ཤིང་ཨ་མྲ་སྟེ་གང་དུ་ལྷ་མོ་ཨ་མ་བི་ཀ་དང་ཞིང་སྐྱོང་མེ་ཡོད་པའོ། །ཀ་ར་ཉྫ་ལ་གནས་པའི་ལྷ་མོ་…

དུ་ཨཱ་ཡ་ཏ་ནའི་བྱེ་བྲག་སྟེ། གང་དུ་ལྷ་མོ་གློག་གི་ཞལ་ཅན་དང་ཞིང་སྐྱོང་དྲིལ་བུའི་སྒྲ་ཅན་ནོ། །སུ་པཱ་ར་རུ་ཤིང་ཤལ་མ་ལཱི་སྟེ། གང་དུ་ལྷ་མོ་མེའི་ཁ་དང་ཞིང་སྐྱོང་ལྷ་ཆེན་པོའོ། །འོ་མ་ཅན་དུ་ཤིང་ཤྭ་ལ་སྟེ། གང་ལ་ལྷ་མོ་འཇིག་རྟེན་གྱི་མ་དང་ཞིང་སྐྱོང་རི་རབ་ཆེན་པོའོ། །སྒྱུ་མའི་གྲོང་དུ་ཤཱ་ཁོ་ཊ་སྟེ་གང་ལྷ་མོ་འོད་ལྡན་མ་དང༌། ཞི…

རྣམ་པར་དག་པའི་ཕྱིར་དང་ཏིང་ངེ་འཛིན་དང་མངོན་པར་ཤེས་པ་ལ་སོགས་པ་རྣམས་གྱི་གཞི་ཉིད་ཀྱི་ཕྱིར་རོ། །གནས་དང་ཉེ་བའི་གནས་དག་གི་ཉེ་བ་ཉིད་ནི་ཕན་ཚུན་ཕན་གདགས་པར་བྱ་བ་དང་ཕན་འདོགས་པ་པོའི་དོན་གྱི་འབྲེལ་པའི་སྒོ་ནས་ཡིན་གྱི། ཡུལ་དང་དུས་ཉེ་བ་ཉིད་ཀྱིས་ནི་མ་ཡིན་ནོ། །རྒྱུ་ཡང་འབྲས་བུས་ཕན་གདགས་པར་བྱ་བ་སྟེ། །འབྲས་བུ་བསྐྱེད་པའི་…

བཞིན་དུ་ཚོལ་བ་ལ་ཕུལ་དུ་བྱུང་བ་དང་བཅས་པར་མངོན་པར་སྦྱོར་བའི་ཕྱིར་རོ། །འདུ་བ་རིང་དུ་སོང་བའི་ས་སྟེ། འདུ་བའི་ངོ་བོ་ནི་འདུ་བ་དང་དེ་ཐོབ་པ་སྟེ་དེ་བྱེད་དོ་ཞེས་བྱས་ནས་སོ། །འདིར་ཐབས་ཀྱི་ཕ་རོལ་ཏུ་ཕྱིན་པ་རིང་དུ་རབ་ཏུ་གྱུར་པ་ལས་བྱམས་པ་དང་སྙིང་རྗེ་དང་དགའ་བ་དང༌། བཏང་སྙོམས་ཀྱི་མཚན་ཉིད་ཅན་ཚད་མེད་པ་དང་བསམ་གཏན་དང་རྣམ་པ…

གཅོད་པའོ། །འཐུང་བ་སྟེ་ཉོན་མོངས་པའི་ཕུང་པོ་འདིས་གཅོད་པའོ་ཞེས་པ་འཐུང་གཅོད་མོས་པས་སྤྱོད་པའི་སའོ། །འདིས་ནི་རབ་ཏུ་དགའ་བ་ལ་སོགས་པའི་ས་སྐྱེད་པར་བྱེད་པའི་རིམ་པས་ཉོན་མོངས་པ་རྣམས་སྤང་བར་བྱ་བའོ། །དེ་ལྟར་བག་ཆགས་དང་བཅས་པའི་སྒྲིབ་པ་མ་ལུས་པ་སྤངས་པར་གྱུར་པ་ནས་བཅུ་གཉིས་པ་ཀུན་དུ་འོད་ནི་ཉེ་བའི་འཐུང་གཅོད་དོ། །དེ་ལྟར་རྒ…

ཡིན་ནོ། །ལུས་ལ་པུ་ལླཱི་ར་ལ་སོགས་པ་རྣམས་འཆད་པར་འགྱུར་རོ། །ཕྱི་རོལ་དུ་འདུ་བའི་དུས་གསུངས་པ་ཉིན་པར་ཞེས་པ་ལ་སོགས་པ་སྟེ། ཡི་དགས་ཀྱི་ཕྱོགས་ནི་ནག་པོའི་ཕྱོགས་སོ། །རྒྱལ་མཚན་ནི་དབྱངས་པའོ། །རང་ཉིད་ཤ་དང་རུས་པ་དང་རྐང་ལ་སོགས་པ་རྣམས་ཀྱིས་ཀྱང་སེམས་ཅན་ཐམས་ཅད་ཀྱི་མངོན་པར་འདོད་པའི་དོན་བདག་གིས་བྱའོ་ཞེས་སྨོན་ལམ་བྱས་པའི་བ…

པའོ། །དེ་ལ་དེ་ལྟར་བྱེད་པའི་རྣལ་འབྱོར་བས་གལ་ཏེ་དེ་ཡང་དག་པའི་ལམ་ལ་གཞུག་པར་ནུས་པ་དེའི་ཚེ་འདི་བྱ་སྟེ། གཞན་དུ་ན་འདི་ལ་འདིའི་སྙིང་རྗེ་ཉིད་དུ་མི་འགྱུར་རོ་ཞེས་གསུངས་པ་སྙིང་རྗེ་དམན་པས་ཞེས་པ་ལ་སོགས་པའོ། །དེ་ཉིད་ཀྱི་ཕྱིར་ཚར་གཅད་པ་དང་རྗེས་སུ་འཛིན་པའི་ནུས་པ་མ་ཐོབ་པ་རྣམས་ལ་གསོད་པ་རྒྱུད་རྣམས་ཐམས་ཅད་དུ་བཀག་གོ །དེ་ལ…

རིགས་ལ་གཅིག་གི་ཚིག་གོ །ནི་ནི་ཁྱད་པར་དུའོ། །མཚན་ཉིད་ནི་ཇི་ལྟར་མཚོན་པར་བྱ་བའོ། །དེ་ལ་ཡེ་ཤེས་དང་སེམས་ཞེས་པ་རྡུལ་དང་ཁུ་བ་འདུས་པའོ། །ཡང་དག་བྱང་ཆུབ་ནི་རིམ་པ་ལས་ཅི་འདྲར་འགྱུར་བའོ། །གནས་བཞི་ཞེས་པ་ཆོས་དང་ལོངས་སྤྱོད་རྫོགས་པ་དང་བདེ་བ་ཆེན་པོ་སྤྲུལ་པའི་ཆུ་སྐྱེས་བཞི་པོ་རིམ་པ་ཇི་ལྟ་བར་བདག་དང་གཞན་དང་སྦྱོར་བ་དང་གསང་…

སྤངས་པའོ། །གནས་པ་ཉིད་ཀྱི་རྣམ་གཡེང་མེད་པ་ཉེ་བར་མཚོན་ཏོ། །བརྟན་པ་རྣམས་ལ་བརྩེ་བ་ནི་ཉེ་བར་བཏགས་པ་ལས་ཏེ། དེ་ནི་སེམས་ཅན་རྣམས་སྡུག་བསྔལ་རྒྱུ་དང་བཅས་པ་ལས་འདོན་པར་འདོད་པའོ། །ས་དང་ས་ལས་སྐྱེས་པ་ལ་སོགས་པ་ཡང་རྡོ་བ་དང་མི་ཞིམ་པའི་འབྲས་བུ་ལ་སོགས་པ་དང་ལྡན་པ་ཉིད་ཀྱིས་སྡུག་བསྔལ་གྱི་རྒྱུ་ཉིད་ཀྱི་ཕྱིར་སྡུག་བསྔལ་ལོ། །དེའ…

པ་ཉིད་ནི་མུན་པའོ། །ཞེས་སོ། །དེའི་རྣམ་འཕྲུལ་ནི་རྣམ་འགྱུར་རོ། །དོན་དམ་པ་ནི་ཆོས་ཀྱི་དབྱིངས་དེ་བཞིན་ཉིད་དེ། དེའི་རྣམ་འགྱུར་རོ། །དེ་སྐད་དུ་ཡང་གསུངས་པ། སྟོང་པ་ཁོ་ནའི་ཆོས་རྣམས་ལས། །སྟོང་པའི་ཆོས་རྣམས་རབ་ཏུ་འབྱུང༌། །ཞེས་སོ། །དེའི་ཕྱིར་བསྡུས་ནས་ཞེས་པ་ལ་སོགས་པ་རྒྱས་པར་སྟོན་པ་ཆུ་ཁམས་ཞེས་པ་ལ་སོགས་པའོ། །ཁུ་བ་དང་ར…

མགོ་བོ་ནི་ཨོཾ་མོ། །ནཱ་དའི་མཐའ་ནི་ཧཾ་ངོ༌། །གསང་བའི་པདྨ་ནི་ཨོཾ་སྟེ། གསང་བའི་པདྨ་འདིའི་རྟེན་ཡིན་ཞེས་བྱས་ནས་སོ། །ཧཱུཾ་ཡིག་ལ་སོགས་པ་རྣམས་རིམ་པ་ཇི་ལྟ་བར་བདག་གི་གདན་ལ་སོགས་པའི་གནས་སོ། །རིམ་པ་གཉིས་མདོར་བསྟན་པ་འདི་ནི་སྐབས་བཞིན་དུ་རྒྱས་པར་འཆད་པར་འགྱུར་རོ། །རྡོ་རྗེ་སེམས་དཔའ་བསྐྱེད་པའི་རིམ་པར་གསུངས་པ། སྔོན་ཞེས་…

གྱི་གནས་སྐབས་སུ་དེ་སྐྱེ་བ་ལས་ཕྱིས་པདྨ་གཞན་རྣམས་སྐྱེ་བའི་ཕྱིར་རོ། །འདབ་མར་ཏེ་འདབ་མ་བརྒྱད་རྣམས་སོ། །ལྟེ་བར་བཅས་ནི་ལྟེ་བ་དང་བཅས་པ་རྣམས་སོ། །ཡི་གེ་རྣམ་པར་འགོད་པར་བྱེད་དོ་ཞེས་པ་རྣམ་འགོད་ནི་ཡིད་དེ་དེ་དགོད་པའོ། །སྒོམ་པས་ཡིད་ཁོ་ན་ཡི་གེའི་རྣམ་པར་དགོད་པར་བྱའོ། །ཕྱི་རོལ་གྱི་ཡི་གེ་ནི་མ་ཡིན་ནོ་ཞེས་པ་དགོངས་པའོ། །…

ཕྱོགས་མཚམས་རྣམས་སུ་ནི་དབང་ལྡན་ལ་སོགས་པ་རྣམས་སུའོ། །རྀཾ་རཱྀཾ་ལྀཾ་ལཱྀཾ་མ་ནིང་རྣམས་ཏེ། སྔར་བཤད་པ་ནི། ས་བོན་བཞི་དང་ཡང་དག་ལྡན། །ཞེས་པ་ལ་སོགས་པས་སོ། །ཡི་གེ་བརྒྱད་པོ་དེ་རྣམས་ཀྱི་དབུས་སུ་དེའི་སྟེ་པདྨའི་ལྟེ་བ་སེམས་ཀྱི་ཡི་གེ་མི་བསྐྱོད་པའི་ས་བོན་ཧཱུཾ་སྟེ་དེས་སོ། །བཤད་ཟིན་པའི་ཏིང་ངེ་འཛིན་སེམས་དཔའ་ཁོ་ན་མི་བསྐྱོད…