དང་ལྷན་ཅིག་སྟེ་དུས་མཉམ་པར་གཞོམ་པར་བྱའོ། །དེ་གསུངས་པ། བློ་ལྡན་སེམས་མཆོག་བསྐྱེད་མ་ཐག་ཏུ་ནི། །སེམས་ནི་མཐའ་ཡས་ཉེས་བྱས་ལས་ལྡོག་པའོ། །ཞེས་སོ། །མཐོང་བའི་ལམ་ཁོ་ནར་དེ་ཁོ་ན་ཉིད་མཐོང་བས་སྤང་བྱ་ཕྲག་བརྒྱད་ཅུ་རྣམས་སྤོང་བར་ཐུབ་པའི་དགོངས་པའི་རྒྱན་དུ་གསལ་བར་བྱས་སོ། །དེ་ལྟར་ན་ཡང་སྣང་བ་དེ་ཁོ་ན་ཉིད་མཐོང་བ་སྟེ། དེ་ཁོ་ན་…

རོ་གཅིག་པའི་ལྷན་ཅིག་སྐྱེས་པའི་བདེ་བ་མྱོང་བའི་རང་བཞིན་དེ་མ་ཐག་པའི་ཐབས་ཀྱི་ངོ་བོ་ནི་རྡོ་རྗེ་ཞེས་པའོ། །དེ་ཡང་ཐམས་ཅད་གསང་བའི་རྒྱུད་དུ་གསུངས་པ། ཚོགས་གཉིས་ཀྱི་ནི་སྦྱོར་བ་ཡིས། །སེམས་ཅན་ཀུན་གྱི་དོན་སྟོན་པ། །རང་བཞིན་འོད་གསལ་བ་ཡི་སེམས། །རྡོ་རྗེ་ཞེས་ནི་མངོན་པར་བརྗོད། །ཆོས་རྣམས་ཐམས་ཅད་མ་སྐྱེས་པ། །གདོད་ནས་ཞི་བ་ན…

འདོད་པ་ནི་བྱེ་བས་རྒྱས་པའི་ཨུཏྤལ་ཁ་མ་བྱེ་བའི་རྣམ་པ་ཅན་ནོ། །ཞི་བ་ནི་མ་གདངས་པའི་རྡོ་རྗེའོ། །ཨུཏྤལ་ཀུ་མུ་ད་ཞེས་ཁ་ཅིག་ཏུ་འདོན་ཏེ། དྲིལ་བུ་ལ་སྦྱར་བར་བྱའོ། །རིན་ཆེན་པདྨ་རྣམ་པར་གནས། །ཞེས་པ་འདི་ནི། ལྷ་དགུ་ལ་སོགས་རྩེ་མོ་ཅན། །ཞེས་པ་འདི་དང་འབྲེལ་ལོ། །པདྨའི་འོག་ཏུ་ཡང་རིན་པོ་ཆེ་ཕྲ་མོའི་ཕྲེང་བའི་ཁོར་ཡུག་བྱའོ། །རྡོ…

སམ་དེའི་ས་བོན་གྱི་ཡི་གེ་རྣམས་བསམ་མོ། །མདོག་མཛེས་མ་ནི་ནོར་རྒྱུན་མའོ། །མངར་བ་མ་ནི་ཙུནདའོ། །མཛེས་མ་ནི་ཁྲོ་ཉེར་ཅན་ནོ། །རྡོ་རྗེ་ཕྲེང་བ་མ་ནི་དོན་ཇི་ལྟ་བའི་མིང་ངོ༌། །དེ་ལ་བཾ་སེར་པོ་ལས་སྐྱེས་པའི་སེར་མོ་ལང་ཚོ་གསར་པ་རྒྱན་དང་གོས་ཀྱིས་བརྒྱན་པ། འབྲས་སོ་བའི་སྙེ་མ་དང་རིན་པོ་ཆེ་སྣ་ཚོགས་ཀྱི་ཆར་འབབ་པའི་བུམ་པ་ཕྱག་གཡོན…

ཀྱིས་མོས་པར་བྱ་བ་ནི་ཡིད་ཅན་ཏེ། བུམ་པའི་དབུས་སུ་ཤེས་རབ་ཀྱི་ཕ་རོལ་ཏུ་ཕྱིན་མའི་ལུས་སུ་མོས་པར་བྱ་ཞིང་བུམ་པའི་སྟེང་དུ་ནི་ཞལ་ཁོ་ན་བལྟ་བར་བྱ་སྟེ། ཤེས་རབ་ཀྱི་ཕ་རོལ་ཏུ་ཕྱིན་མ་ཁོ་ན་ཆོས་ཐམས་ཅད་ཀྱི་སྒོ་ཡང་དག་པ་ཇི་ལྟ་བའི་རང་གི་ངོ་བོ་སྟོན་པའི་ཐབས་སོ་ཞེས་པའི་དོན་དུའོ། །ཤེས་རབ་ཀྱི་ཞལ་གྱི་སྟེང་དུ་སྐེ་རགས་ཀྱི་སྐུད་པ་…

པའི་དངོས་གྲུབ་ལ་ཉེ་བར་འགྲོའོ་ཞེས་པ་ཐབས་ཏེ་ལྷའི་བདག་ཉིད་དོ། །ལག་པ་གཡས་པར་ཉི་མ་སྟེ། གཡོན་པར་ཟླ་བ་བསམ་ཞིང་རྡོ་རྗེ་དང་དྲིལ་བུ་ཡང་གཟུང་བར་བྱའོ་ཞེས་པའི་དོན་ཏོ། །བྱང་དུ་ཞེས་པ་ནི་ཤར་ལ་སོགས་པ་རྣམས་ཉེ་བར་མཚོན་པ་སྟེ། སྒྲོ་འདོགས་པ་ནི་ལྷག་པར་མོས་པའོ། །སངས་རྒྱས་ཐམས་ཅད་ཀྱི་བདག་ཉིད་རྡོ་རྗེ་སེམས་དཔའ་མཉེས་པར་བྱའོ་ཞེས…

སེམས་ཀྱི་ངོ་བོས་སངས་རྒྱས་བཅོམ་ལྡན་འདས་རྣམས་བསྐྱེད་པའི་ཆེད་དུ་འགྲོའོ་ཞེས་པ་འགྲོ་བ་སྟེ། སེམས་ཅན་གྱི་འཇིག་རྟེན་དང༌། སོགས་པས་སྣོད་ཀྱང་རྟོགས་པར་བྱའོ་ཞེས་སྒྲ་བསྒྲགས་སོ། །སེམས་ཅན་ཞེས་པ་སེམས་ཅན་རྣམས་ཀྱིས་སངས་རྒྱས་དོན་དུ་ཞེས་པ་སངས་རྒྱས་ཉིད་ཀྱི་དོན་དུའོ། །དེ་ལྟར་རྡོ་རྗེ་ཐུགས་དང་དྲིལ་བུ་སྐུར་དང་དེའི་སྒྲ་གསུང་ང…

པ་ཉིད་ཀྱི་རྭ་རྣམས་ཀྱི་ཡོངས་མཐའ་འཇུག་པས་གཟུགས་ལ་སོགས་པ་རྣམས་ཐམས་ཅད་རྣམ་པར་ཤེས་པའི་གཙོ་བོ་ཅན་ནོ་ཞེས་གསལ་བར་བྱེད་པའོ། །འདི་ཐམས་ཅད་ཀྱང་ཐམས་ཅད་ཀྱི་བདག་ཉིད་དོ་ཞེས་རིག་པའི་ཆེད་དུ་ཐམས་ཅད་དུ་གྲུ་བཞི་པའོ། །སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་ཉིད་རྟོགས་པའི་དོན་དུ་ཐམས་ཅད་དུ་རྒྱས་པ་གསུམ་མོ། །རྩེ་གཅིག་པ་དང་…

སྔར་གྱི་རྡོ་རྗེ་ཕྱེད་ལྟ་བུའི་རྡོ་རྗེ་ཕྱེད་པའོ། །འདིར་དྲིལ་བུ་འགའ་ཞིག་དཔལ་རྒྱལ་མ་ཅུང་ཟད་ཟླུམ་པའི་ཆུ་སྐྱེས་ཀྱི་ཁ་ཅན་ནོ། །ཁ་ཅིག་པདྨའིའོ། །ཁ་ཅིག་པ་ལང་གི་ཁ་ཅན་ནོ། །རྡོ་རྗེ་སེམས་དཔའི་དྲིལ་བུ་ནི་རྩེ་དགུ་པ། སོར་བཅུ་གཉིས་པའི་ཚད་ཅན་ཤར་ལ་སོགས་པའི་ཕྱོགས་རྣམས་སུ་མཚོ་སྐྱེས་དཀར་པོ་དང་ཆུ་སྐྱེས་སྔོན་པོ་དང་ཆུ་སྐྱེས་ད…

ཁྱད་པར་གྱི་ལས་དང་རྗེས་སུ་མཐུན་པས་ལས་ཐམས་ཅད་པའི་སྔགས་འགྲུབ་པའི་དོན་དུ། རིལ་བུ་ལྔ་བཅུ་རྣམས་ཀྱིས་བགྲང་ཕྲེང་ངོ༌། །ཕྱོགས་དང་ཕྱོགས་བྲལ་གྱི་སྐུད་པ་བརྒྱད་རྣམས་ལ་ཕྱག་ན་པདྨ་ལ་སོགས་པ་བརྒྱད་རྣམས་བལྟ་བར་བྱའོ། །སྐུད་པ་དབུས་མ་ལ་སངས་རྒྱས་ཐམས་ཅད་ཀྱི་རང་བཞིན་རྡོ་རྗེ་སེམས་དཔའོ། །སྐུད་པ་ཡང་རས་བལ་ལས་བྱུང་བ་གཞོན་ནུ་མས་བཀ…

ཀྱུའི་ངོ་བོར་བསྒོམ་པའི་མཐེ་བོང་གིས་བགྲང་ཕྲེང་རབ་ཏུ་འབེབས་ཤིང་བཟླའོ། །དེ་ལྟ་བུ་ཡང་མཉམ་པར་གཞག་པ་ཇི་སྐད་བཤད་པའི་ངོ་བོ་ལ་ཏིང་ངེ་འཛིན་པར་གལ་ཏེ་གྱུར་པ་དེའི་ཚེ་འགྲུབ་ཀྱི་གཞན་དུ་མ་ཡིན་ནོ་ཞེས་གསུངས་པ། དེ་ཉིད་མེད་པས་ཤེས་པ་སྟེ། ཇི་སྐད་བཤད་པའི་དེ་ཁོ་ན་ཉིད་མི་བསྒོམ་པས་སོ། །ཕྱག་རྒྱའི་དེ་ཁོ་ན་ཉིད་སྟོང་པ་ཉིད་དུ། ལྷ…

པདྨའི་སྟེང་དུའོ། ཡེ་ཤེས་ཁོ་ན་ས་བོན་ཏེ། ཤེས་རབ་རྣོན་པོས་རྫུས་སྐྱེས་ཉིད་ཀྱིས་ཡེ་ཤེས་རྫོགས་པའི་ཕྱིར་རོ། །དེ་གསུངས་པ། རྣམ་པ་ཐམས་ཅད་མཆོག་ལྡན་པ། །སྤྲོ་དང་སྡུད་པའི་བྱེད་པ་པོ། །ཡུད་ཀྱིས་ཡེ་ཤེས་རྫོགས་པ་ནི། །རྣལ་འབྱོར་རྫོགས་པར་བརྗོད་པར་བྱ། །ཞེས་སོ། །ཤེས་རབ་རྟུལ་པོ་ནི་ཡེ་ཤེས་ཀྱི་ས་བོན་ཧཱུཾ་ངོ༌། །རྒྱན་ནི་འཁོར་ལ…

བགྲོད་པར་བྱའོ་ཞེས་དགོངས་པའོ། །བསྐོར་བ་ནི་སྲིད་པ་དང་མྱ་ངན་ལས་འདས་པ་དག་ལ་མི་གནས་པའོ། །ཨཱ་ལི་ནི་ཁུ་བའོ། །ཀཱ་ལི་ནི་རྡུལ་ལོ། །ས་བོན་ནི་གཉིས་ཀའི་ནང་དུ་སོན་པའི་སེམས་ཏེ། མངལ་འཛིན་པའི་གནས་སྐབས་སུ་བར་དོའི་སྲིད་པ་ནས་འོངས་ནས་སྐྱེ་བའི་མྱུ་གུ་སྐྱེ་བའི་ཕྱིར་རོ། །དེ་རྣམས་དང་འབྲེལ་བ་ཅན་ཧཱུཾ་ཡིག་སྟེ། ལུས་དང་ངག་དང་སེམ…

དུ་གསུངས་པ། ཐིག་ལེ་ཞེས་པ་སྨིན་མའི་དབུས་ཀྱི་བུ་ག་སྟེ། དེ་ནས་འཕོས་པའི་རྣམ་པར་ཤེས་པ་ནི་གཟུགས་ཀྱི་ཁམས་སུ་སྐྱེའོ། །ལྟེ་བའི་ཁུང་བུ་ནས་འདོད་པའི་ཁམས་སུའོ། །སྟེང་ནི་གསེར་གྱི་སྒོ་སྟེ། དེ་ནས་སྟེང་རྣམས་སུ་སྟེ། བྱང་ཆུབ་སེམས་དཔའ་ལ་སོགས་པའི་གནས་རྣམས་སུའོ། །འགྲོ་བ་ནི་འགྲོ་བ་གཞན་ཁྱད་པར་ཅན་དུའོ། །མིག་ནས་མིའི་འགྲོ་བར་…

སྟེ། དེ་དག་གི་ས་བོན་སུཾ་དང༌། སྨྲྱུཾ་ཆུ་ལྟར་དཀར་པོ་སྟེ། དེ་རྣམ་པར་དག་པའི་ཕྱིར་རོ། །བཏུང་དང་བཏུང་མིན་གྱིའམ། དེའི་ལྟེ་ལྟེ་བའི་སྒོའི་མེའི་ས་བོན་ཀྵྨྲྱུཾ་འབར་བ་ལྟ་བུའོ། །གསུངས་ཟིན་པ་འདི་རྣམས་དང་འཆད་པར་འགྱུར་བའི་ས་བོན་རྣམས་སྔ་མའི་བུམ་པ་ཅན་གྱི་འབྲེལ་བ་ཅན་རྣམས་ཏེ། ལྷན་ཅིག་བྱེད་པ། ཉིད་ཀྱིས་བསྒོམ་མོ་ཞེས་པ་རླུང་…

ཀྱིས་རྟེན་ལ་ཉེ་བར་བཏགས་པ་ལས་སྒོ་དགུ་དང་སྙིང་གའི་རླུང་རྣམས་ཀྱིས་སོ། །དང་པོ་མགོ་བོ་དང་སྤྱི་གཙུག་དང་སྨིན་དབུས་དང༌། མིག་དང་རྣ་བ་གཡས་དང་རྣ་བ་གཡོན་དང་སྣ་དང་ཁ་དང་མགྲིན་པ་དང་རྒྱབ་སྟོད་ལྟག་པ་དང༌། ཕྲག་པ་དང་མཆན་ཁུང་དང་ནུ་མ་དང་སྙིང་ག་དང་ལྟེ་བ་དང་ཕོ་མཚན་དང་རྟགས་དང་བཤང་སྒོ་དང་བརླ་དང་པུས་མོ་དང་བྱིན་པ་དང་རྐང་པའི་རྒ…

ཞིག་ཅེ་ན། སྡེ་པ་རྣམས་ཀྱི་སྔ་མ་དབྱངས་ཀྱི་སྡེ་པ་གང་གི་དང་པོ་ཡིན་པ་དེ་ནི་སྡེ་པ་སྔ་མ་དང་པོ་ཅན་ཏེ་ཀ་སྡེའོ། །དེའི་སྔ་མ་ཀའི་ས་བོན་ནོ། །སྒྲའི་སྒྲས་ནི་འོག་གི་རླུང་གིས་སྦར་བའི་གཏུམ་མོའི་སྒྲས་སོ། །རླུང་གི་ས་བོན་ནི་ཡུཾ་སྟེ། དམའ་བར་ནི་རླུང་གི་དཀྱིལ་འཁོར་གྱི་འོག་གི་མཐར་རོ། །སྟེང་གི་མཐར་ཡང་རླུང་གི་ས་བོན་ནོ། །འདི་ཐ…

སོགས་པ་དང་ནད་དང་རྒས་པའང་དེ་ལ་རིང་དུ་འགྱུར་ཏེ། བདེ་འགྲོར་སྐྱེས་པ་ན་བྱང་ཆུབ་སེམས་དཔའ་ལ་སོགས་པ་མཐོང་བས་དེ་རྣམས་རྩད་ནས་འབྱིན་པའི་ཐབས་རྗེས་སུ་བསྒྲུབ་པའི་ཕྱིར་རོ། །ཇི་ལྟར་འདམ་དུ་སྐྱེས་ཀྱང་པདྨ་མཛེས་པས་ཤིན་ཏུ་དྲི་མ་མེད་པ་དེ་བཞིན་དུ། སྡིག་པ་རྣམས་ཀྱིས་དང་པོར་སྔར་མི་ཤེས་པ་ལ་སོགས་པས་གང་རྣམས་ཀྱི་ལུས་གོས་པ་དེ་རྣམ…

ཉི་མ་ནས་ཐོ་རངས་དུས་སྦྱོར་གཅིག་གམ་ཐུན་ཕྱེད་དུ་སྟེ་གཉིས་པའི་དུས་སྦྱོར་རམ་ཐུན་ཕྱེད་ནི་ཟླ་བ་ནས་སོ། །དབུགས་བརྒྱ་ཕྲག་བཅོ་བརྒྱད་དུས་སྦྱོར་གཅིག་དང༌། དབུགས་ཕྱེད་དང་བཅས་པའི་བརྒྱ་ཕྲག་བཅུ་གསུམ་ཐུན་ཕྱེད་དོ་ཞེས་སྔར་བཤད་ཟིན་ཏེ། འདོད་པ་གཉིས་ཀྱང་ངོ༌། །དེ་ལྟར་ཉིན་ཞག་གསུམ་གསུམ་རྣམས་ཀྱིས་དུས་སྦྱོར་རེ་རེ་འམ་ཐུན་ཕྱེད་ཕྱེ…

བྱ། །ཉིན་མོ་གཅིག་དང་ཉིན་མཚན་གཅིག །ཉིན་མོ་གཉིས་གསུམ་བཞི་འབབ་ན། །ཉི་མ་ཕྱོགས་དང་རི་བོ་དྲུག །རིག་བྱེད་ལོ་ཡིས་རིམ་པས་འཆི། །གཞན་ཡང་མ་རིག་པ་ལ་སོགས་པའི་རང་བཞིན་ཁྱིམ་བཅུ་གཉིས་ཀྱི་འཁོར་ལོ་རིམ་པ་གཉིས་པ་བྲིའོ། །དེ་ལ་རིམ་པ་དང་པོ་ལ། །སྐྱེ་བའི་ཁྱིམ་ནས་གཟུང་བའི་འཆི་ལྟས་ཀྱི་རླུང་རྒྱུ་བའི་ཉིན་མོ། །ཉིན་མཚན་གྱི་བདག་ཉིད…