ནས་འབོགས་སུ་བཅུག་པ་ལ་ཡང་མི་ཟེར། མཚན་ཉིད་དང་ལྡན་པ་ཞིག་དགོས་པ་ཡིན་གསུངས། གཉིས་པ་ཡུལ་དངོས་སུ་མེད་པ་ཕྱོགས་བཅུའི་སངས་རྒྱས་ལས་མོས་པས་བླང་བའི་ཆོ་ག་ལ། དེ་ཉིད་བཤད་པའི་དགོས་པ། གང་ལས་བཤད་པའི་ཁུངས། ཇི་ལྟར་བཤད་པའི་ཆོ་ག་དངོས་དང་གསུམ་གྱི། དང་པོ་ནི། དེ་ལ་འབད་པ་འདི་འདྲ་བའི། །གལ་ཏེ་བླ་མ་མ་རྙེད་ན། །དེ་ལས་གཞན་སྡོམ་ནོད་…

བཞི་དང་ལྡན་པ་འདི་འདྲ་བས་གལ་ཏེ་བླ་མ་ཞིག་གཏན་མེད་པའམ་ཡོད་ཀྱང་དེར་འགྲོ་བ་ལ་རང་གི་སྲོག་གམ་ཚངས་སྤྱོད་ཀྱི་བར་ཆད་དུ་འགྲོ་བའི་ཉེས་དམིགས་ཡོད་ནས་མ་རྙེད་ན་ཡུལ་བླ་མ་དངོས་སུ་ཡོད་པ་ལས་བླང་བའི་ཆོ་ག་དེ་ལས་གཞན་ཡུལ་བླ་མ་དངོས་སུ་མེད་ཀྱང་ཕྱོགས་བཅུའི་སངས་རྒྱས་ཀྱི་སྤྱན་སྔར་རང་གི་མོས་པས་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོ…

འདྲ་གསུངས་ཤིང་ཕྱིས་ཀུན། ད་ལྟ་རྒྱ་གར་ན་ཡོད་མིན་ཀྱང་མི་ཤེས་བོད་ན་ཡོད་མིན་ཀྱང་མ་ཤེས་ཀྱང་གསུངས་སྐད། གཉིིས་པ་ཆོ་ག་དེ་གང་ལས་བཤད་པའི་ཁུངས་ནི། དེ་ལ་སྔོན་ཚེ་འཇམ་པའི་དཔལ། །ཨམྤ་རཱཛར་གྱུར་པ་ཡིས།། ཇི་ལྟར་བྱང་ཆུབ་ཐུགས་བསྐྱེད་པ། །འཇམ་དཔལ་གྱི་ནི་སངས་རྒྱས་ཞིང་། །རྒྱན་གྱི་མདོ་ལས་བཤད་པ་ལྟར། །དེ་བཞིན་འདིར་ནི་རབ་གསལ་བྲི…

པ་བླང་བའི་ཆོ་ག་ཞིག་བསྟན་བཅོས་འདིར་ནི་རབ་ཏུ་གསལ་བར་བྲི། ཞེས་པ་སྟེ། དེ་ཡང་ཤ་ར་བ་ཆེན་པོའ་ཞལ་ནས། སྔོན་འཕགས་པ་འཇམ་དཔལ་ཡུལ་ཨམྤའི་རྒྱལ་པོ་ནམ་མཁར་སྐྱེ་བ་ཞེས་པའམ། ཡང་ཨམྤ་ཞེས་པ་དེ་ནམ་མཁའི་རྒྱ་གར་སྐད་ཡིན་པ་ཡང་སྲིད། དེ་ལོ་འབུམ་གྱི་བར་དུ་དེ་བཞིན་གཤེགས་པ་འབྲུག་སྒྲ་དབྱངས་ཀྱི་རྒྱལ་པོ་འཁོར་དང་བཅས་པ་ལ་བསོད་སྙོམས་དྲངས…

བྱང་ཆུབ་སེམས་བསྐྱེད་ཅིང་། །འགྲོ་བ་ཐམས་ཅད་མགྲོན་དུ་གཉེར། །དེ་དག་འཁོར་བ་ལས་བསྒྲལ་ལོ། །གནོད་སེམས་ཁྲོ་བའི་སེམས་ཉིད་དང་། །སེར་སྣ་དང་ནི་ཕྲག་དོག་ཉིད། །དེང་ནས་བཟུང་སྟེ་བྱང་ཆུབ་དག །ཐོབ་ཀྱི་བར་དུ་མི་བྱའོ། །ཚངས་པར་སྤྱོད་པ་སྤྱད་བྱ་ཞིང་། །སྡིག་དང་འདོད་པ་སྤང་བར་བྱ། །ཚུལ་ཁྲིམས་སྡོམ་པ་ལ་དགའ་བས། །སངས་རྒྱས་རྗེས་སུ་བས…

ར་བའི་ཞལ་ནས། བྱང་ཆུབ་སེམས་དཔའ་ཀུན་ཏུ་བཟང་པོའམ་ནམ་མཁའ་མཛོད་ལ་སོགས་པས་བར་གྱི་བསྐལ་པ་དྲུག་ཅུའི་བར་དུ་ཡང་དག་པར་རྫོགས་པའི་སངས་རྒྱས་དགེ་སློང་གི་དགེ་འདུན་འཁོར་དང་བཅས་པ་ལ་ཉིན་ལན་གསུམ་མཚན་ལན་གསུམ་དུ་རིན་པོ་ཆེའི་ཕུང་པོ་རི་རབ་ཙམ་པ་ཕུལ་ནས་ཐུགས་བསྐྱེད་པ་ཕུང་པོ་གསུམ་པའི་མདོ་ལ་སོགས་པ་ནས་འབྱུང་བ་ཡང་དེ་བཞིན་དུ་ཡིན་པ…

རྫོགས་པའི་བྱང་ཆུབ་དེ་བདག་གིས་ཐོབ་པར་བྱའོ་ཞེས་སེམས་བསྐྱེད་ཅིང་། དེ་ཡང་ཆེད་དུ་བྱ་བ་གང་གི་ཆེད་དུ་བསྐྱེད་ན་འགྲོ་བ་ཐམས་ཅད་མགྲོན་དུ་གཉེར་བའི་ཆེད་དུ་བསྐྱེད་ལ། དེའི་བྱ་བའམ་མགྲོན་གང་ལ་གཉེར་ན་འགྲོ་བ་དེ་དག་འཁོར་བ་ལས་བསྒྲལ་ལོ་ཞེས་པས་འགྲོ་བ་དེ་ཐམས་ཅད་འཁོར་བ་ལས་གཏན་བསྒྲལ་བ་རྫོགས་པའི་བྱང་ཆུབ་ཉིད་ལ་དགོད་པ་སྟེ། དེ་ན…

བཞིན་ཡིན་པས་ན། བདག་དང་བདག་གི་བཤེས་ལ་སྔོན་ཡང་གནོད་པ་བྱས། ད་ལྟའང་བྱེད། ཕྱིས་ཀྱང་བྱེད་པར་འགྱུར་བ་གསུམ་གསུམ་སྟེ་དྲུག །བདག་དང་མི་མཛའ་བ་ལ་སྔོན་ཡང་ཕན་བཏགས། ད་ལྟའང་འདོགས། ཕྱིས་ཀྱང་འདོགས་པ་གསུམ་སྟེ་རྒྱུ་དགུ་ལས་བྱུང་བ་ཀུན་ནས་མནར་སེམས་ཀྱི་དངོས་པོ་གནོད་སེམས་དང་། འཕྲལ་དུ་གནོད་པ་བྱེད་པ་ལ་སེམས་ཁོང་ནས་འཁྲུག་པ་ཁྲོ་བ…

བསྐྱེད་ནས། །སེམས་ཅན་རང་གིས་བདེ་རྙེད་ན། །ད་ཀོ་ཅི་སྟེ་ཁྲོ་བར་བྱེད། །དེ་ཅིི་འགྲོ་ལ་མི་འདོད་ན། །དེ་ལ་བྱང་ཆུབ་འདོད་གང་ཡིན། །ཞེས་པའི་ཚུལ་གྱིས། བྱང་ཆུབ་སེམས་དཔའ་ནི་སེམས་ཅན་ཐམས་ཅད་རྫོགས་པའི་བྱང་ཆུབ་དགོད་པར་སེམས་བསྐྱེད་པ་ཡིན་པ་ལ། དེ་དང་ད་ལྟ་གཞན་གྱི་ཕུན་སུམ་ཚོགས་པ་ཕྲ་མོ་ལ་སེམས་ཁོང་ནས་འཁྲུག་པའི་ཕྲག་དོག་ཉིད་འགལ…

དང་དོན་གཅིག་པས། བཞི་པོ་འདི་གཙོ་བོ་མཚོན་པ་ཡིན། རིན་པོ་ཆེའི་ཕྲེང་བ་ནས་གསུངས་པའི་ལྔ་བཅུ་རྩ་བདུན་པོ་ཐམས་ཅད་དང་དུ་བླང་མི་རུང་། ལས་དང་པོ་པ་ལ་འདི་ཀུན་རྒྱུད་ལ་ཡེ་མི་སྐྱེ་བར་སྒྲུབ་པར་མི་ནུས་པས། ཚུལ་ཁྲིམས་ལེའུ་ནས་ཉོན་མོངས་པ་ཤས་ཆེ་བས་ཟིལ་གྱིས་ནོན་ནས་ཡང་དང་ཡང་དུ་འབྱུང་བ་ལ་ཉེས་པ་མེད་པར་གསུངས་པ་བཞིན་དུ་ཡིན། འོན་ཀ…

ཐོབ་པའི་ཆེད་དུ་སློབ་པས་ན་ཚངས་སྤྱོད་དུ་བཤད་པའང་ཡོད་དེ། འདིར་ཤེས་རབ་ཀྱི་ཕ་རོལ་ཏུ་ཕྱིན་པ་ནས། བྱང་ཆུབ་སེམས་དཔའ་ལ་བུ་དང་ཆུང་མ་དགོས་སམ་ཞེས་པ་ལ་ཁ་ཅིག་ལ་ནི་བུ་དང་ཆུང་མ་དགོས་པའང་ཡོད། ཁ་ཅིག་ལ་ནི་མི་དགོས་པར་གཞོན་ནུའི་ཚུལ་གྱིས་གནས་པའང་ཡོད། ཅེས་གསུངས་པ་བཞིན་དུ་ཤ་ར་བའི་ཞལ་ནས། བྱང་ཆུབ་སེམས་དཔའ་གཞོན་ནུའི་ཚུལ་གྱིས་འ…

རྭ་སྒྲེང་དུ་གཅིག་གིས་གྲོགས་པོ་མཐོ་དམན་ཅན་ཞིག་ལ་གདུགས་ཚིག་ཏུ་དགེ་བཤེས་སྟོན་པ་ལ་ཡ་གི་བལ་པོ་རྡོ་འབུགས་པ་ནས་མ་གི་རྒྱ་མོ་དར་འཐག་པའི་བར་དུ་ཚོང་པ་ཡང་འགྲིམ་ལ་མཚམས་ཁོངས་ལས་ཀྱང་མི་འདའ་བ་ཞིག་བགྱིར་འཚལ་ལམ། བུད་མེད་པ་བརྒྱ་ཙམ་གྱི་བདག་པོ་ཡང་བགྱིད་ལ་དགེ་སློང་བཙུན་པོ་ཞིག་ཀྱང་བགྱིར་འཚལ་ལམ་ཞུས་པ་ལ། མཐོང་བའི་ལམ་གྱི་ཡེ་…

དུ་གྲོངས་པའི་ཆོས་ཀྱི་འདོད་པས་གཏན་མ་གོས་པའི་ཚངས་པར་སྤྱོད་པ་སྤྱད་པར་བྱ་ཞིང་། སྡིག་པ་མི་དགེ་བའི་ཆོས་བཅུ་དང་ཕྱི་ནང་གི་འདོད་པ་ཐམས་ཅད་སྤང་བར་བྱ། ཞེས་པའམ་ཡང་ན་ནང་གི་འདོད་པ་སྔ་མ་ཚངས་སྤྱོད་ཁས་ལེན་དུ་འདུ་བས་འདིས་ཕྱིའི་འདོད་པ་སྤང་བར་བསྟན་པའམ། ཡང་ན་སྡིག་པ་འདོད་པ་ཞེས་འདོད་པ་ཉིད་ལ་སྨད་པའི་མཚན་ཉིད་དོ་ཞེས་ཤ་ར་བས་གས…

བཤེས་པས་མི་གསུངས་པས་བཤད་པ་མ་བྱས་གསུངས་ནས་བཀྱོན་ཏེ། དོན་དེ་བཞིན་དུ་འོང་བ་ཞིག་སྣང་ཡང་། ཚུལ་ཁྲིམས་སྡོམ་པ་ནི་ཚུལ་ཁྲིམས་གསུམ་ཡིན། དེ་ལ་དུས་གསུམ་གྱི་སངས་རྒྱས་ཀྱིས་བསླབས་པ་བཞིན་དུ་བདག་ཀྱང་དེ་ལ་དགའ་བས་དེ་དག་གི་རྗེས་སུ་བསླབ་པར་བྱ་ཞེས་ཕལ་ཆེར་གསུང་གསུངས་པས། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་སྡོམ་པའི་འདི་ད…

ཉིད་སངས་རྒྱས་པར་འདོད་པས་གལ་ཏེ་སེམས་ཅན་གང་ཡང་རུང་བ་གཅིག་ཙམ་ལུས་ནའང་སེམས་ཅན་གཅིག་པོ་དེ་རང་གི་དོན་གྱི་རྒྱུ་ཡིས་ནི། རང་ཕྱི་མའི་མུར་མཐར་ཐུག་གི་བར་དུ་འཁོར་བར་གནས་དགོས་ནའང་གནས་པར་སྤྲོ་བར་བགྱི་ཞེས་པ་སྟེ། ཤ་ར་བའི་ཞལ་ནས། བྱང་ཆུབ་སེམས་དཔའ་འདོད་ཆེན་པ་རང་ཉིད་སྔོན་ལ་སངས་རྒྱས་ནས་འཕྲིན་ལས་ཀྱིས་གཞན་དོན་བྱེད་པར་འདོད་…

ཅད་དེ་ཉིད་ཀྱིས་སེམས་བསྐྱེད་ཅིང་སྤྱོད་པ་ལ་བཀོད་པ་ཉི་ཚེར་འདུག་པའི་དུས་ན་ཞེས་པ་ལས་སེམས་ཅན་གཅིག་ཀྱང་མ་ལུས་པར་ནི་མ་གསུངས། སྤྱན་སྔའི་ཞལ་ནས་ཁྲིའི་འགྲེལ་བ་ལས་དེ་གཉིས་བཟློག་ནས་བཞུགས་ཀྱིས་ལྟོས་ཤིག་གསུངས་སྐད། བཅོམ་ལྡན་འདས་ཤཱཀྱ་ཐུབ་པ་སྔ་མ་ཡིན། བཅོམ་ལྡན་འདས་བྱམས་པ་བས་ཐུགས་བསྐྱེད་པ་བར་གྱི་བསྐལ་པ་བཞི་བཅུ་རྩ་གཉིས་ཀ…

ཆེན་པོའ་མདོ་སྡེ་གཞན་དག་ལས་ཀྱང་། ཐམས་ཅད་མཁྱེན་པར་གྱུར་བཞིན་དུ་བྱང་ཆུབ་སེམས་དཔའི་སྤྱོད་པ་རྒྱུན་མི་གཅོད་པ་ཤ་སྟག་ལ་འདི་ལྟ་སྟེ་འཇམ་དཔལ་དང་ཀུན་ཏུ་བཟང་པོ་དང་། ཞེས་པ་ལ་སོགས་པ་གསུངས། དེ་ནས་ཡང་དག་པའི་མཐའ་མངོན་དུ་བྱས་ཀྱང་སེམས་ཅན་གྱི་དོན་ལ་ཁྱད་མེད་པ་ཉིད་དུ་ཤེས་ན་དེ་མངོན་དུ་བྱེད་པ་ཡང་སྲིད་གསུངས་ཏེ། དེ་ཀུན་ལོང་ཡོ…

ཅིང་བསམ་གྱིས་མི་ཁྱབ་པའི་རང་གི་སངས་རྒྱས་ཀྱི་ཞིང་དག་ཡོངས་སུ་དག་པ་ཉིད་དུ་རྣམ་པར་སྦྱང་བར་བྱ། ཞེས་པ་སྟེ། དེ་ཡང་ཤ་ར་བའི་ཞལ་ནས། ཚད་མེད་བསམ་གྱིས་མི་ཁྱབ་པའི་ཞིང་སྦྱང་ཞེས་པ་ནི། སྣོད་དང་བཅུད་ཡོད་དོ་ཅོག་སྦྱང་ཞེས་པ་ཡིན། འདི་བཞིན་དུ་ངེས་དོན་ཡིན། བཅོམ་ལྡན་འདས་ཤཱཀྱ་ཐུབ་པས་མི་མཇེད་སྦྱངས། སྣང་བ་མཐའ་ཡས་ཀྱིས་བདེ་བ་ཅན་ད…

ཙམ་པ་དང་རྣལ་འབྱོར་སྤྱོད་པའི་དབུ་མ་པས་སེམས་ཀྱི་སྣང་བ་ལ་བཞེད་པས་མི་མཐུན་ཏེ། ཐམས་ཅད་ཀྱིས་ཀྱང་སྤྱི་མཐུན་གྱི་ལས་ལས་གྲུབ་པར་འདོད་པ་མཐུན་པ་ཡིན་གསུངས། དེ་ལྟར་དུ་སྣོད་དང་བཅུད་ཐམས་ཅད་སྦྱོང་བ་ཡང་འདིར་འབད་རྩོལ་མི་དགོས་པར། མིང་ནས་བཟུང་བ་བྱས་པ་ཙམ་གྱིས་སེམས་ཅན་ཐམས་ཅད་ཉེས་པ་ཐམས་ཅད་རིམ་གྱིས་སྤངས་ཤིང་། མངོན་པར་ཤེས་པ་…

དང་། །མིང་ཙམ་ཐོས་པས་སྐྱེ་བོ་རྣམས། །རབ་དང་འཁྲུག་མེད་རྣལ་བ་དང་། །རྫོགས་པའི་བྱང་ཆུབ་ངེས་པ་དང་། །ཚེ་རབས་ཀུན་ཏུ་རྗེས་འབྲེལ་བའི། །མངོན་ཤེས་ལྔ་པོ་ཐོབ་པར་ཤོག །ཅེས་གསུངས་པ་ལྟར། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྨོན་ལམ་དེ་བཞིན་དུ་འདེབས་ལ་གྲུབ་པ་ཡང་དཔག་ཏུ་མེད་པ་བཞུགས་པས། དེ་དག་གི་འདུལ་བྱར་ཅི་འགྱུར་གྱི་རྒྱུ་…