གླུ་གར་དང་རོལ་མོའི་སྒྲ་དག་བྱེད་ཅིང་། ཁམས་གསུམ་གྱི་འདོད་ཡོན་ལ་འདིར་མ་ཚང་བ་མེད་དམ་སྙམས་པའི་འདོད་ཡོན་གྱི་ལོངས་སྤྱོད་ཟག་པ་དང་བྲལ་བ་མཛད་དུ་མེད་པས་བཀུར་སྟི་འབུལ་ཞིང་། དཔའ་བོ་དང་རྣལ་འབྱོར་མ་བསམ་གྱིས་མི་ཁྱབ་པས་མཆོད་ཅིང་བསྟོད་དེ་ཕྱག་དང་སྐོར་བ་བྱེད་ཅིང་འདུག་པ་དང་མཇལ་ཏེ་ཕྱག་མཛད་པའི་ཚེ། རྗེ་ལོ་ཙ་བའི་ཐུགས་དགོངས་…

ཞིང་བྱིན་གྱིས་བརླབས་པ་ཡིན་པས་ཅིས་ཀྱང་བོད་དུ་སོང་ལ། ལས་ཀྱི་ཕྱག་རྒྱ་ལ་བརྟེན་ནས་ས་ལམ་གྱི་རྟོགས་པ་སྤེལ། བསྟན་པའི་མཐར་ཐུག་གསང་སྔགས་ཀྱི་ཐེག་པའི་ལམ་བསྐྱེད་རྫོགས་གཉིས་ཀྱི་སྒོ་ནས་སྐལ་བ་དང་ལྡན་པ་རྣམས་སྨིན་གྲོལ་དུ་གྱིས་ཤིག །ཁྱོད་ལ་སློབ་མ་བས་ཀྱང་ཡང་སློབ་བཟང་བའི་བརྒྱུད་པ་དཔག་ཏུ་མེད་པ་འབྱུང་སྟེ་བསྟན་པ་རྒྱས་པར་འགྱ…

བཞིན་སྦྱངས་པའི་ལས་འཕྲོ་ཅན། །བོད་ཡུལ་གྱི་མར་པ་ལོ་ཙ་ཁྱོད། །འཁོར་ལོས་བསྒྱུར་རྒྱལ་རིན་ཆེན་འཛིན། །ཞེན་པ་རྡོ་ལ་ཡི་གེ་བྲིས། །རིགས་བརྒྱུད་ནམ་མཁའི་མེ་ཏོག་ཡལ། །ཆོས་བརྒྱུད་ཆུ་བོའི་བཞུང་ལས་རིང་། །སེང་གེ་ཁྱུང་གི་ཕྲུག་གུ་བཞིན། །བུ་སློབ་མ་བས་ཀྱང་ཡང་སློབ་བཟང་། །ཐེག་ཆེན་སྙིང་པོའི་དོན་བསྡུས་ནས། །ལས་ཅན་སྨིན་དང་གྲོལ་བྱ…

པའི་གོ་འཕང་དུ་གྲུབ་པས། བུ་ཁྱོད་རྣམ་སྨིན་གྱི་ཕུང་པོ་འཇིགས་པའི་ཚེ་ཡང་ཁོ་བོ་བསུར་འོང་གིས་དགའ་བར་གྱིས་ལ་གསོལ་བ་ཐོབ་ཅིག །ཁྱོད་སྐྱེ་བ་འདིའི་འོག་ཏུ་རྒྱ་གར་ཤར་ཕྱོགས་ཀྱི་རྒྱུད་ཧ་རི་ཀ་པའི་གླིང་དུ་པདྨ་ལས་བརྫུས་ཏེ་སྐྱེས་པ་མི་ཕྱེད་སྦས་པའི་རྡོ་རྗེ་ཞེས་བྱ་བར་གྱུར་ནས་ལྷོ་ཕྱོགས་དཔལ་གྱི་རི་ལ་ང་དང་ཕྲད་དེ་སྤྱོད་པ་མཐར་ཕ…

དེ་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་འཕགས་ཏེ་དེར་ཏ་མ་ལའི་ཕྱེ་མ་དང་ལྷའི་མེ་ཏོག་གི་ཆར་ཁྲ་ཆོལ་ལེར་འབབ་ཅིང་། ཀཪྤཱུ་ར་དང་དུས་ཀྱི་རྗེས་སུ་འབྲང་བའི་ཙནྡན་གྱི་དྲི་བཟང་པོ་ཕྱོགས་ཀུན་ཏུ་འཐུལ་ལ། གནས་ཆེན་པོ་སོ་གཉིས་ཀྱི་དཔའ་བོ་དང་རྣལ་འབྱོར་མ་ཐམས་ཅད་བུན་ལོང་དུ་བྱེད་པའི་དབུས་ནས་རྗེ་བཙུན་ནཱ་རོ་པ་ཆེན་པོ་དེས་ཚངས་པའི་དབྱངས…

འགྱུར། །ཡེ་ཤེས་མེ་འབར་ནཱ་རོ་བདག །བླ་མའི་བཀའ་བརྒྱུད་མ་ཉམས་པའི། །རིམ་ལྔ་གདན་གཅིག་བསྒོམ་པ་འདི། །ཞེ་ལ་ཞོག་ཅིག་ལོ་ཙ་བ། །འགྲོ་བ་གཞན་ལ་སྨྲས་ན་ན་ར་སྐན། །ཅེས་གསུང་ནས་བླ་མ་ནཱ་རོ་པ་ཆེན་པོ་དེ་དཔའ་བོ་དང་རྣལ་འབྱོར་མའི་འཁོར་དང་བཅས་ཏེ་སྐད་ཅིག་གིས་མི་སྣང་བར་གྱུར་ཏོ། །དེ་ལྟར་རྗེ་ལོ་ཙ་བ་སྤྱན་ཡེངས་པའི་བར་ལ་མི་སྣང་བར་གྱ…

འདས་ལམ་གྱི་རྫུ་འཕྲུལ་གྲུབ་པ་མང་དུ་འདུས་ནས་ཚོགས་ཀྱི་འཁོར་ལོ་མཛད་ཅིང་འདུག་པའི་སར་རྗེ་ལོ་ཙ་བ་ཆེན་པོས་ཀྱང་ཕེབས་ཏེ། དེའི་དུས་སུ། ཡེ་ཤེས་སྐུ་ཅན་རྗེ་བཙུན་ནཱ་རོ་པ། །བཅོམ་ལྡན་བདེ་མཆོག་འཁོར་ལོ་ཡབ་ཡུམ་གྱི། །རྣམ་པར་བཞེངས་པའི་སྐུ་ཡི་གནས་རྣམས་ལས། །རབ་འབྱམས་རྒྱུད་སྡེའི་དཀྱིལ་འཁོར་སྤྲོ་བ་གཟིགས། །རལ་པའི་ཅོད་པན་རྩེ་མ…

རྒྱངས་ཧ་ཧཱར་སྒྲོག་པ་གཟིགས། །ཡང་ལན་ཅིག་གི་ཚེ་ཡུལ་ལྷོ་ཕྱོགས་ཀྱི་རྒྱུད་ནས་དེད་དཔོན་ཙཀྲ་དང་། ཆང་འཚོང་གི་བུ་མོ་ཀུཎྜ་ལི་གཉིས་ཀྱིས་དཔལ་ནཱ་རོ་པ་ཆེན་པོ་ལ་ལོ་གཅིག་གི་གོང་ནས་འཁར་བའི་མཎྜལ་ཀཪྵ་པ་ནའི་མེ་ཏོག་གིས་བརྒྱན་པ་ཕུལ་ནས། དཔལ་སྡོམ་པའི་ལུགས་ཀྱི་ཚོགས་ཀྱི་འཁོར་ལོ་མཛད་པར་གསོལ་བ་བཏབ་པས་རྗེ་ནཱ་རོ་པ་ཆེན་པོས་ཀྱང་ཞལ་…

ནས་སྐད་ཅིག་གིས་ཚོགས་ཀྱི་ཁང་པ་དེར་གཤེགས་ནས། ཕྱོགས་ཐམས་ཅད་དུ་སྒོར་རེར་གཟིགས་ཏེ་འབར་བའི་ཕྱག་རྒྱ་སྨིན་མཚམས་སུ་བསྐོར་ཞིང་ཕེཾ་ཞེས་གསུངས་པའི་མོད་ལ། ཕྱོགས་དང་ཕྱོགས་མཚམས་ངེས་པ་མེད་པ་ནས་སྐད་ཅིག་མ་གཅིག་ལ་རྣལ་འབྱོར་ཕོ་མོ་དྲུག་ཅུ་རྩ་གཅིག་ཚོགས་ཀྱི་ཁང་པ་དེའི་སྒོར་རྫུ་འཕྲུལ་གྱིས་བྱོན་པ་རྣམས་དཔལ་ནཱ་རོ་པ་ཆེན་པོའི་བཀས…

ཀྱང་། །ཁྲུ་གང་ཚད་ཀྱི་མཁའ་ལ་རབ་འཕགས་ཏེ། །གཡས་བརྐྱང་གར་གྱི་རོལ་པས་བཞུགས་པ་གཟིགས། །དུས་དེར་རྣལ་འབྱོར་ཕོ་མོ་གཞན་རྣམས་ཀྱང་། །གཡས་པས་ཅང་ཏེའུ་སྙན་པའི་སྒྲ་འཁྲོལ་ཞིང་། །གཡོན་པའི་ཕྱག་གིས་ཏིང་ཏིང་ཤག་བསྣམས་ནས། །སྣ་ཚོགས་གར་གྱི་རོལ་པས་རྩེ་བ་གཟིགས། །མཐོང་བ་དག་པའི་གཟིགས་ཚུལ་དེ་ལྟའི་མཐུས། །ལོ་ཙ་ཆེ་དེས་ལྷན་སྐྱེས་ཆོས་…

ན་ཕར་སྐྱོ་བསངས་ལ་བྱོན་ཏེ། ནགས་ལྗོངས་ཞིག་ན་ནྱ་གྲོ་དྷའི་སྡོང་པོ་གཅིག་པུ་ཞིག་འདུག་པའི་བསིལ་གྲིབ་ལ་གསོལ་བ་འདེབས་ཀྱིན་བཞུགས་པས། རེ་ཞིག་ཅིག་ན་ནམ་མཁའ་ལས་ཌ་མ་རུའི་སྒྲ་ཁྲོལ་གྱིས་གྲག །ཡར་ལ་གཟིགས་པས་ཤིང་ནྱ་གྲོ་དྷའི་སྡོང་པོ་དེའི་རྩེ་ན་རྗེ་བཙུན་ནཱ་རོ་པ་ཆེན་པོ་དེ་དངོས་སུ་བྱོན་ནས་བཞུགས་འདུག་པ་ལ་ཕྱག་འཚལ་ཞིང་བསྐོར་བ…

གནད་དུ་ཚུད་དམ་ལོ་ཙ་བ། །དུས་རྨི་ལམ་ཙམ་གྱི་འཁྲུལ་པ་ལ། །གནད་མགྲིན་པ་ཨོཾ་གྱི་ས་བོན་ཅན། །ཕྱི་ནི་སྣང་བ་སྒྱུ་མ་ཙམ། །ནང་ན་ཉམས་མྱོང་སྨྲར་མ་བཏུབ། །ཉིན་མཚན་སྣང་བ་སྤྲུལ་པའི་སྐུ། །མིང་ཡང་སྒྱུ་ལུས་ཀྱི་གདམས་ངག་ཟེར། །ཞེན་པ་ལོག་གམ་ལོ་ཙ་བ། །གཉིད་དང་རྨི་ལམ་བར་ཤེད་ན། །གཏི་མུག་ཆོས་སྐུའི་ངོ་བོ་ཅན། །བརྗོད་མེད་འོད་གསལ་བདེ་…

དགོས་པས། །ལོངས་སྤྱོད་རྫོགས་སྐུའི་ངོ་བོ་ཅན། །རྨི་ལམ་བར་དོ་བསྲེ་འཕོའི་གནད། །མིང་ཡང་བར་དོའི་གདམས་ངག་ཟེར། །རྨི་ལམ་འབྱོངས་སམ་ལོ་ཙ་བ། །རང་ལུས་དུས་ཀྱི་ཚད་ལ་ཕེབས། །གཞན་ལུས་མཚན་ལྡན་རྟེན་གྱི་འཕྲུལ། །བར་ན་ཡིག་འབྲུ་རླུང་གི་རྟ། །རང་ལུས་ཁང་སྟོང་བཞིན་དུ་བོར། །གཞན་ལུས་སྤྲུལ་སྐུའི་ངོ་བོ་ཅན། །མིང་ཡང་གྲོང་འཇུག་གི་གདམས…

གསུངས་པས་རྗེ་ལོ་ཙ་བའི་ཐུགས་ཀྱི་སྐྱོ་བ་སངས་ཏེ་བླ་མ་དང་འབྲལ་བ་མེད་པའི་གདེངས་ཐོབ་བོ། །དེར་བླ་མ་ནཱ་རོ་པ་དེ་འཇའ་ཡལ་བ་བཞིན་དུ་སོང་སྟེ། དེའི་མོད་ལ་ས་དང་བར་སྣང་གི་ལྷ་དང་ཞིང་སྐྱོང་གི་ཌཱ་ཀི་མ་རྣམས་ཀྱིས་རྗེ་བཙུན་ནཱ་རོ་པ་ཆེན་པོ་སྤྱོད་པ་ལ་གཤེགས་པའི་ཕྱི་ནས་ཀྱང་། བོད་ཀྱི་མར་པ་ལོ་ཙ་དང་མཇལ་ཏེ་གདམས་པ་དང་རྗེས་སུ་བསྟན་…

དེར་བླ་མ་མཻ་ཏྲི་པ་ཆེན་པོ་དེ་ཉིན་མོའི་སྤྱོད་ཡུལ་གྱི་གནས་ཤིང་ནྱ་གྲོ་དྷའི་སྡོང་པོ་མཆོག་ཏུ་རྒྱས་པ་ཞིག་ཡོད་པ་དེའི་བསིལ་གྲིབ་ལ་བཞུགས་ནས་འདུག་པ་དང་མཇལ་བས། ཐུགས་ལ་དགྱེས་པ་དཔག་ཏུ་མེད་པ་འཁྲུངས་ཏེ་གུས་པའི་ཐལ་མོ་སྤྱི་བོར་བཀོད་པའི་ཕྱག་མང་དུ་ཕུལ་ནས། བདག་བླ་མ་ཉིད་ཀྱིས་ལུང་བསྟན་པ་བཞིན་དུ་ཇོ་བོ་ནཱོ་པ་ཆེན་པོ་དེ་དང་ཡུ…

གསེར་གྱི་མཎྜལ་བཤམས་ཏེ་གསོལ་བ་བཏབས་པས། བཅུ་གསུམ་གྱི་བདག་ཉིད་ཅན་གྱི་དཔལ་འཁོར་ལོ་སྡོམ་པའི་དཀྱིལ་འཁོར་དུ་དབང་སྐུར་ཟབ་མོ་སྩལ་ཏེ། དེའི་ཚེ་ཙནྡན་དང་ཀསྟུ་རི་ལ་སོགས་པའི་དྲི་བཟང་པོ་རི་བོའི་ངོས་ཀུན་ཏུ་ཁྱབ་པར་འཐུལ་ཞིང་། ཤིང་ལྗོན་པ་རྣམས་ནི་རྗེ་མངའ་བདག་ཆེན་པོ་གང་ན་བར་འདུད་པའི་ཚུལ་གྱིས་མི་བཟོད་པ་ཙམ་དུ་གཡོ་ཞིང་འགུལ།…

ཝང་དང་། གླིང་བུ་དང་། སིལ་སྙན་དང་། རྔ་པ་ཊ་ཧ་དང་། རྫ་རྔ་དང་། རྔ་ཟླུམ་དང་། མ་ཧཱ་དུནྡུ་བྷི་དང་། མཁར་བའི་སིལ་ཁྲོལ་དང་། དགུ་བོ་རྒྱུད་མང་དང་། ཏིང་ཏིང་ཤག་དང་། ཅང་ཏེའུ་ལ་སོགས་པ་རོལ་མོའི་བྱེ་བྲག་རྣམ་པ་སྣ་ཚོགས་སྙན་པར་སྒྲོག་པ་སོགས་ངོ་མཚར་བའི་ལྟས་དུ་མ་དང་བཅས་ཏེ་དབང་བསྐུར་བ་ལས། བུམ་དབང་གི་མཐའ་རྟེན་ལུང་བསྟན་གྱི་སྐ…

བསྡུས་ཀྱི་རྒྱུད་མཁའ་འགྲོ་མ་རྡོ་རྗེ་གུར་གྱི་ཚོགས་བཤད། སློབ་བཤད། སྒྲུབ་ཐབས། དཀྱིལ་ཆོག་ལས་ཕྲན་དང་བཅས་པའི་ལག་ལེན་སོགས་རྒྱུད་སྡེ་གོང་འོག་གི་བཤད་པ་དང་ལག་ལེན་མང་དུ་མཁྱེན་པར་མཛད་ཅིང་། ལམ་ཟབ་མོ་དགུ་ཕྲུགས་ལ་ཉམས་ཁྲིད་དུ་མཛད་པས་གསང་སྔགས་ཀྱི་ཡོན་ཏན་ཁྱད་པར་ཅན་དུ་མ་ཐུགས་རྒྱུད་ལ་འཁྲུངས། དེའི་ཚེ་ཇོ་བོ་མཻ་ཏྲི་པ་ཉིད་ཀ…

པའི་དབུ་ཐོག་ཏུ་བཞག་སྟེ་བུ་ཁྱོད་སྐྱེ་བ་བདུན་གྱི་འོག་ཏུ་འཚང་རྒྱ་བར་འགྱུར་བས་དགའ་བར་གྱིས་ལ། ཚེ་འདིར་བོད་ཡུལ་གྱི་འགྲོ་བ་རྣམས་ཀྱི་དོན་རྒྱ་ཆེན་པོ་གྱིས་ཤིག །གཞན་ཡང་དུས་ཀུན་ཏུ་དཔའ་བོ་དང་རྣལ་འབྱོར་མ་རྣམས་ལ་ཚོགས་ཀྱི་མཆོད་པ་མ་གཅད། གཉིས་སུ་མེད་པའི་དོན་རྟོགས་ཀྱང་སངས་རྒྱས་ཐམས་ཅད་ཀྱི་ངོ་བོ་བླ་མ་སྤྱི་བོར་ཁུར། སེམས་…

ཆེས་དཀོན་ནོ་སྙམ་དུ་དགོངས་པས། ཐལ་མོ་སྦྱར་བ་བཏུད་དེ་རྗེ་མངའ་བདག་ཆེན་པོའི་ཞལ་དུ་སྤྱན་མི་འཛུམས་པར་རིང་ཞིག་གཟིགས་ནས། དུས་ཐམས་ཅད་དུ་འབྲལ་བ་མེད་པར་བྱིན་གྱིས་རློབ་ཅིང་རྗེས་སུ་འཛིན་པར་གསོལ་བ་ཡང་ནས་ཡང་དུ་བཏབ་སྟེ། བླ་མ་ཆེན་པོ་དེའི་ཞབས་དྲུང་ནས་འདོང་དུ་དེའུ་མ་ཕོད་པ་ལས་ཐུགས་འཕྲེང་བཞིན་པས་ཆུ་ཀླུང་ཆེན་པོ་གངྒཱ་བརྒལ་…