དེའི་འགྲམ་དུ་ཕེབས་ཏེ། ཆུ་མིག་ཅིག་འདུག་པའི་སར་སྒུག་ཀྱིན་བཞུགས་པས། ཅི་ཞིག་ན་རྣལ་འབྱོར་མ་དེ་བྱུང་ནས་བུམ་པ་ཅིག་གི་ནང་དུ་ཆུ་འཆུ་ཞིང་འདུག་པས། ཆུའི་རྒྱུན་བུམ་པར་སོང་རིམ་ནས་བྱང་སེམ་དཀར་པོའི་རང་བཞིན་དུ་སྐྱ་མེར་མེར་སོང་བ་ན། རྣལ་འབྱོར་མ་དེ་བུམ་པའི་སྟེང་དུ་བྱ་བབས་པ་བཞིན་དུ་འདུག་སྟེ་འཁྲུལ་འཁོར་ཞིག་བཅས་པའི་མོད་ལ་…

གསང་བ་འདུས་པ་ལྷ་སོ་གཉིས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་བཀྲ་ལམ་མེར་འདུག་པ་གཟིགས་ཤིང་། གསལ་སྟོང་སྒྱུ་མ་ལྟ་བུའི་ཉམས་བཟང་པོའང་ཐུགས་རྒྱུད་ལ་འཁྲུངས་སོ། །དེ་ནས་རིགས་ངན་གྱི་རྣལ་འབྱོར་མ་དེས་ལམ་གྱི་མཚོན་པ་མཛད་ནས་སློབ་དཔོན་ཆེན་པོ་དཔལ་ཡེ་ཤེས་སྙིང་པོའི་ཞབས་དྲུང་དུ་ཕེབས་ཏེ་གསེར་གྱི་ཕྱག་རྟེན་བཟང་པོ་དང་བཅས་པ…

བླ་མ་རྣམས་ཀྱི་ཐུགས་རྗེས་བསྐུལ་བ་དང་། བདག་རང་གི་མོས་པའི་སྟོབས་བསྐྱེད་པ་གཟིགས་པ་ལས་རི་མུན་པ་ཅན་གྱི་ནགས་སུ་བདག་ལ་ཡེ་ཤེས་ཀྱི་སྐུ་མངོན་སུམ་དུ་སྣང་བར་མཛད་དེ། ཟླ་བ་བདུན་ཙམ་གྱི་བར་དུ་རྫུ་འཕྲུལ་གྱི་བཀོད་པ་དཔག་ཏུ་མེད་པས་རྒྱུད་ཆེན་གྱི་ཁོང་སྤྲུགས། དཀའ་ཆེན་གྱི་གནས་དགྲོལ་བ་ལ་སོགས་པ་ཐེག་པ་ཆེན་པོ་མདོ་སྔགས་ཀྱི་སྙིང་…

གནང་སྟེ་དགྱེས་པ་ཆེན་པོས་བྱིན་གྱིས་བརླབས་སོ། །དེར་རྗེ་མར་པས་གཏང་རག་གི་ཚོགས་མཆོད་ཞིག་བཤམས་པའི་གྲལ་དུ་བླ་མ་ལ་རྡོ་རྗེ་གླུའི་མཎྜལ་ཕུལ་བ། རྗེ་སངས་རྒྱས་ཀུན་དང་མཉམ་པའི་སྐུ། །བླ་མ་རྣམས་ལ་ཕྱག་འཚལ་ལོ། །ཞིང་དག་པ་ནཱ་རོ་པཎ་ཆེན་དང་། །དཔལ་ཡེ་ཤེས་སྙིང་པོའི་ཞབས་ལ་འདུད། །ང་ལྷོ་བྲག་བོད་དུ་ལས་དབང་གིས། །ཕ་མ་གཉིས་ཀྱིས་ལུས…

འཕྲལ་འཇོམས་ཀྱི་མེ་ཏོག་བཀོད། །བླ་མའི་ཐུགས་ལ་མཆོད་པར་འབུལ། །བདག་གི་ཡིད་ལ་བྱིན་གྱིས་རློབས། །རིན་ཆེན་ས་གཞིའི་མཎྜལ་ལ། །རི་རབ་གླིང་བཞིའི་མེ་ཏོག་བཀོད། །བླ་མའི་སྐུ་གསུང་ཐུགས་ལ་མཆོད་པ་འབུལ། །བདག་གི་ལུས་ངག་ཡིད་གསུམ་བྱིན་གྱིས་རློབས། །ཞིང་ཁམས་ས་གཞི་རབ་འབྱམས་ལ། །འབྱུང་བ་ལྔ་ལས་སྐྱེས་པ་ཡི། །མཆོད་ཡོན་མེ་ཏོག་བདུག་སྤ…

མིག་ཡིན་པར་གོ །རྒྱུད་ཀྱི་རྒྱ་མཚོ་ཡིན་པར་གོ །ཆོས་དང་ཟང་ཟིང་སྦྱིན་པ་བྱུང་། །སྙིང་གི་ལྗོན་ཤིང་རྒྱས་བྱེད་ཅིང་། །ཚིག་ཚོགས་དྲི་མེད་ལོ་འདབ་རྒྱས། །ཡེ་ཤེས་ལྔ་ཡི་བདག་ཉིད་ཅན། །འགྲོ་བའི་དོན་རྣམས་མཐའ་དག་འབྱུང་། །རིམ་ལྔའི་ལམ་མཆོག་བསྒྲོད་པས་བདེ། །འོད་གསལ་སྒྱུ་ལུས་རྨི་ལམ་གྱི། །གདམས་ངག་རིན་ཆེན་ཐུགས་ལ་བཏགས། །སྐུ་དྲིན…

བཟང་པོ་བཞུགས་པའི་དྲུང་དུ་བོད་ལ་འབྱོན་པའི་ཕྱི་ཕྱག་སྐྱེལ་བ་ལ་བྱོན་པས། བླ་མ་ཞི་བ་བཟང་པོའི་གསུང་ནས། ལོ་ཙ་བ་ཁྱོད་ཇོ་བོ་ནཱ་རོ་པ་དང་མཇལ་ལམ། གདམས་པའི་ལྷག་ལུས་རྣམས་ཡིད་ཚིམ་པར་ཐོབ་བམ་གསུང་བ་ལ། བླ་མ་ནཱ་རོ་པ་དང་མཇལ་ཚུལ་སོགས་རྒྱུ་ུམཚན་ཞིབ་བཏགས་སུ་ཞུས་པས་དགྱེས་པར་གྱུར་ཏེ། བཅོམ་ལྡན་འདས་དུས་ཀྱི་འཁོར་ལོའི་སྒོ་ནས་ཡེ་…

གསང་ཆབ་བླུག་སྟེ། རོ་དེ་ཉིད་ཀྱི་ཀླད་པ་དང་བསྲེས་ནས་དམ་ཚིག་གི་རྫས་སུ་འགྲེམ་གྱི་འདུག་པ་ལས། རྗེ་མར་པའི་ཐད་དུ་སླེབ་པ་ན་དམ་ཚིག་གི་རྫས་དེ་ཐོད་པའི་ནང་ནས་ཆིལ་ལི་ལི་ཁོལ་ཞིང་ལུད་པ་ལ་གཟིགས་པས། བཅོམ་ལྡན་འདས་མ་ཧཱ་མཱ་ཡའི་སྙིང་པོ་དང་། གོ་ཆའི་སྔགས་ཀྱི་ཡིག་འབྲུ་རྣམས་བདུད་རྩིའི་ནང་ན་བཀྲ་ལམ་མེར་ཤར་ནས་འདུག་པ་གཟིགས་ཤིང་བད…

བསལ། །དིང་སང་དུས་ཀྱི་སྐལ་ལྡན་བདག །བོད་ནས་རྒྱ་གར་ཡུལ་དུ་མཆིས། །བཤུལ་ཐག་རིང་པའི་མི་ཞིག་ཡིན། །དམ་ཆོས་པཎྜི་ཏ་ལ་ཞུས། །བརྒྱུད་པ་ཉེ་བའི་དམ་ཆོས་ཐོབ། །རྗེ་དངོས་གྲུབ་ཅན་གྱི་ཞབས་ལ་བཏུགས། །མི་དང་མི་མིན་བར་ཆད་ཞི། །གསང་སྔགས་ཕ་རྒྱུད་མ་རྒྱུད་ཐོབ། །གདམས་ངག་ཆེ་བའི་སྟོན་པ་ཡིན། །དཔལ་ཞི་བ་བཟང་པོས་ཐུགས་ལ་བཏགས། །བླ་མ་བཟང་…

བསླབས། །སྒྱུ་མ་ཆེན་མོའི་མ་དང་མཇལ། །ཀུན་ཏུ་བཟང་པོའི་ཕ་རྒན་བསྟེན། །ཆགས་ལམ་ཏིང་འཛིན་ཉམས་སུ་བདར། །ཤེས་རབ་གསུམ་གྱི་སྒྲོན་མེ་རྒྱས། །གཏི་མུག་གསུམ་གྱི་མུན་པ་བསལ། །སྒྲིབ་པ་གསུམ་གྱི་བུད་ཤིང་བསྲེགས། །ངན་སོང་གསུམ་གྱི་དུར་ས་སྟོངས། །བཀའ་དྲིན་ཆེ་བོ་བླ་མ་རྗེ། །སྐྱིད་དོ་ཆོས་ཀྱི་བློ་གྲོས་བདག །དགའ་བོ་འདིར་བཞུགས་མཆེད་ལ…

བྲོད་དེ། །འོན་ཀྱང་བླ་མ་སྐུ་དྲིན་ཅན་རྣམས་དང་མཆེད་གྲོགས་སྙིང་དང་འདྲ་བ་དག་ཤུལ་དུ་ལུས་པ་འདི་ཡང་སེམས་ལ་འཕྲེང་། ལམ་ན་གཅའ་འཕྲང་དང་ཟམ་པ་མང་དུ་ཡོད་པ་སོགས་ལའང་ཐུགས་འཚེར་བ་ཞིག་བྱུང་ནས། དེའི་ཚེ་བུང་བ་རྒྱང་རིང་དུ་འཕུར་བའི་སྐད་ལ་རྟ་དྲངས་ཏེ་ལམ་གླུ་རིང་མོ་འདི་མགུར་དུ་བཞེངས་པ། རྗེ་འགྲོ་བ་འདྲེན་མཛད་སྐུ་དྲིན་ཅན། །གྲུབ…

ཉིད་ལ་སྦར་འཛིན་བྱས། །ཁ་བ་ཅན་འདབས་བྱང་ཕྱོགས་སུ། །ལུང་བསྟན་རྒྱལ་ཚབ་བསྐོས་པའི་ཕྱིར། །ད་ནི་བན་ཆུང་བོད་དུ་འགྲོ། །བན་ཆུང་བོད་དུ་འགྲོ་བ་ལ། །ཤུལ་ན་འཕྲེང་བ་རྣམ་གསུམ་ཡོད། །ཡིད་ལ་གཅགས་པ་རྣམ་གསུམ་ཡོད། །ལམ་ན་འཇིགས་པ་རྣམ་གསུམ་ཡོད། །བར་ན་མཚེར་བ་རྣམ་གསུམ་ཡོད། །གདོང་ན་བྲོད་པ་རྣམ་གསུམ་ཡོད། །ངོ་མཚར་ཆེ་བ་རྣམ་གསུམ་ཡོད། …

གཅགས། །བྲམ་ཟེའི་ཁྱེའུ་གསེར་འཕྲེང་ཅན། །ཤི་སྲོག་གི་མདུད་པའི་གྲོགས་པོ་བྱས། །ད་འབྲལ་མི་ཕོད་དེ་ཡིད་ལ་གཅགས། །དེད་དཔོན་གྱི་བུ་མོ་སྔོ་བསངས་མ། །མཚན་ལྡན་གྱི་ཕྱག་རྒྱར་བསྟེན་བསྟེན་ནས། །ད་འབྲལ་མི་ཕོད་དེ་ཡིད་ལ་བཅགས། །མཚོ་དུག་མཚོ་ཁོལ་མས་སྣ་དྲངས་ནས། །ཤར་ཆུ་བོ་གངྒཱ་ད་གཟོད་བརྒལ། །འདི་མ་མཐོང་གོང་ནས་ང་རེ་འཇིགས། །རི་ཨུ་…

བས་ཀྱང་མཚེར། །སྒྲ་ཀ་ལཱ་ཙནྜས་སྣ་དྲངས་པའི། །སྐད་སྣ་བརྒྱ་དང་བཅུ་གཅིག་ཤེས། །གྲོགས་ལོ་ཙཱ་ཚོགས་ན་ང་རེ་བྲོད། །དཔལ་དགྱེས་རྡོར་དང་གདན་བཞིས་སྣ་དྲངས་ནས། །རྒྱུད་འགྲེལ་བརྒྱ་དང་རྩ་བརྒྱད་ཤེས། །གྲོགས་སྟོན་ཆེན་ཚོགས་ན་ང་རེ་བྲོད། །བཀའ་བཞིའི་གདམས་པས་སྣ་དྲངས་ནས། །སྙན་རྒྱུད་བརྒྱ་དང་རྩ་བརྒྱད་ཤེས། །གྲོགས་སྒོམ་ཆེན་ཚོགས་ན་ང་…

པའི་བྱིན་བརླབས་ཞུ། །དུས་འདི་ལས་མཇལ་ཏེ་ཡོང་མི་མཆི། །དཔལ་ཨཽ་རྒྱན་ཡུལ་ལམ་མཁའ་སྤྱོད་དུ། །ཚེ་ཕྱི་མ་ཅིས་ཀྱང་མཇལ་བར་ཞུ། །ཞེས་བླ་མ་ལོ་ཙ་བ་ཆེན་པོས་མགུར་དེ་སྐད་དུ་གསུང་པ་ལས། མཆེད་གྲོགས་གོང་མར་གྱུར་པ་བྲམ་ཟེ་ས་མནྟ་ཀཱིརྟི་དང་། རྣལ་འབྱོར་མ་སུ་ཁ་དྷ་རི་ལ་སོགས་པ་ཕོ་མོ་བརྒྱད་ཀྱིས་སྤྱན་ཆབ་མཛད་དོ། །དེར་མཆེད་གྲོགས་དེ་ཐམ…

བྱེད་ཤི་བ་འདི་ཁྱོད་ཀྱི་ཅིར་འོང་གསུངས་པས། ཁོང་རྣམས་ན་རེ། ཤི་བ་འདི་སྲིན་པོ་མ་ཧཱ་བོ་དྷི་ལ་མཆོད་པ་བྱེད་དུ་འོངས་པར་འདུག་པས་ངེད་ཀྱི་ཅིར་ཡང་མི་འོང་། འོན་ཀྱང་ལྷ་ཁང་གི་ཉེ་ཁོར་དུ་རོ་འདི་ལུས་ན་དྲི་མི་གཙང་བ་མནམ་པས་དོར་བར་འདོད་ཀྱང་རེག་མ་ཕོད་པ་ཡིན་ཟེར་བས། འོ་ན་ཐབས་ཡོད་ཀྱིས། ཁྱེད་རང་རྣམས་ཕ་ཚད་དུ་རོ་འདི་ཤོང་བའི་དུར…

དཔལ་དགྱེས་པ་རྡོ་རྗེའི་རྩ་བའི་རྒྱུད་ཀྱི་བརྟག་པ་དང་པོའི་ལེའུ་ལྔ་པ་ཡན་ཆད་ཀྱི་འགྲེལ་པ་བཀའ་ཡང་དག་པའི་ཚད་མ་དང་། བཤད་རྒྱུད་མཁའ་འགྲོ་མ་རྡོ་རྗེ་གུར་གྱི་བརྗེད་བྱང་དོན་གྱི་སྲོག་ཤིང་གཉིས་ཀྱི་རྩོམ་པ་མཛད། དེའི་ནུབ་གཅིག་བླ་མ་དང་མཆེད་གྲོགས་རྣམས་ཀྱིས་ལོ་ཙ་བ་བོད་དུ་འབྱོན་པའི་རྫོངས་སུ་གནང་བའི་བྱིན་རླབས་ཀྱི་རྟེན་རྡོ་རྗ…

མེད་ཤིང་ལོའི་གོས་ཅན་ཞིག་གིས་ཁ་ཆེའི་ལྷ་གཟོ་མ་ཡིན་ཟེར་བའི་བུད་མེད་དཀར་མོ་ཞིག་ཁྲིད་ནས་དབུ་སྔས་ཀྱི་དད་རྟེན་རྣམས་ལ་གཟོ་བྱེད་ཅིང་འདུག་པ་ཅིག་བྱུང་སྟེ། ནང་པར་མནལ་སད་ཙ་ན། ཤིང་སྣ་རྣམས་ཕྱིའི་རྩིག་པ་དང་། བྱིན་རླབས་ཀྱི་རྟེན་གཞན་དག་ནང་བཞུགས་ཀྱི་རྣམ་པར་གྱུར་པའི་མཆོད་རྟེན་སྒོ་མང་གཟོ་ཁྱད་ཕུན་སུམ་ཚོགས་པ་ཞིག་རང་བྱུང་ད…

སྔ་རེས་ལོ་ལྔ། བར་རེས་དང་ཕྱི་རེས་གཉིས་པོ་བདུན་བདུན་ཏེ་ཡོངས་སུ་དྲིལ་བས་ལོ་བཅུ་དགུ་རྒྱ་གར་དུ་བཞུགས་པ་ལས། བླ་མའི་གཙོ་བོ་བྱང་ཕུལླ་ཧ་རིའི་ཇོ་བོ་ནཱ་རོ་པ་ཆེན་པོ་དེ་སྔ་ཕྱིར་ལོ་དྲུག་དང་ཟླ་བ་བདུན་དུ་བསྟེན་ནས། དགྱེས་རྡོར། བདེ་མཆོག །མ་ཧཱ་མཱ་ཡ། རྡོ་རྗེ་གདན་བཞི་སོགས་རྣལ་འབྱོར་མའི་རྒྱུད་དང་། དཔལ་གསང་བ་འདུས་པ་སོགས་ཕ…

ངོ་འཕྲོད་པར་མཛད། གཞན་ཡང་ཤར་ཆུ་བོ་གངྒཱའི་འགྲམ་རི་བོ་མེ་འབར་གྱི་དགོན་པར་མངའ་བདག་མཻ་ཏྲི་པ་ཆེན་པོ་ལ་དགྱེས་པ་རྡོ་རྗེ་དང་བསྟོད་པ་གླུར་བླངས་པ་སོགས་རྒྱུད། ཕྱག་རྒྱ་ཆེན་པོའི་གདམས་པ་སོགས་ཟབ་མོའི་ཆོས་མང་དུ་གསན། ལྷོ་དུག་མཚོའི་གླིང་ལས་བརྒལ་བའི་ས་ཧ་རི་པཪྤ་ཏ་ཤིང་པླཀྵའི་ཚལ་ན་བཞུགས་པ་དཔལ་ཞི་བ་བཟང་པོའམ་ཀུ་ཀུ་རི་པ་གཉིས…