ཆེར་རྒྱས་པས་རྒྱང་མ་ནས་བཞུགས་སྒར་ཆུའི་དབུས་ན་ཡོད་པ་འདྲ་བར་སྣང་ཟེར་བ་ཀུན་ཀླུའི་མཆོད་པའི་མཚན་མར་ཁ་ཅིག་གིས་གླེང༌། དེར་ཡར་རྒྱབ་ནས་དཔོན་ས་ཡུམ་སྲས་པས་སྤྱན་འདྲེན་དུ་སྔགས་གྲྭ་སློབ་དཔོན་པ་ཀར་བསྟན་རྒྱ་མཚོ་ཆེད་གཉེར་དུ་མངགས་པ་དང༌། སྡེ་པ་ལྷོ་སྟོད་པ་དང་གཙང་ས་ནས་སྤྱན་སྔ་ཀུན་སྤངས་པ་ཞབས་ཕྱིར་འཁོད་བཞིན་པས་སོ་སོས་སྤྱན་…

རྟེན་མཇལ་རྣམས་ཞིབ་ཏུ་གནང་ནས་རིམ་པས་མཚོ་བྲང་དུ་ཕེབས་པར་ཧོར་སྨད་པའི་དཔོན་ཚང་གཡུལ་རྒྱལ་ས་སྐྱོང་ཁག་གཉིས་དང་འབབ་རོམ་ཆོས་རྗེ་ཀ་དྲུག་པ་མཆོད་ཡོན་རྣམས་ཀྱིས་འབུལ་བ་དང་ཞབས་ཏོག་བཟང་པོ་བགྱིས་ཤིང༌། སྐྱ་སེར་དུ་མ་ལ་བསྙེན་གནས་སེམས་བསྐྱེད་ལ་སོགས་པའི་ཆོས་ཀྱི་བཀའ་དྲིན་གྱིས་ཁྱབ་པར་མཛད། དེ་སྐབས་ཀོང་པོ་ཇ་པ་ཡར་ཡོང་དང་འགྲིག…

ཕེབས་ཏེ་དེའི་གནས་གཟིགས་རྣམས་ཞིབ་ཏུ་གནང༌། སླར་མདོ་ཐང་ནས་རིམ་པར་གཉའ་ཚལ་ཆོས་ཁྲི་ཐང་དུ་ཕེབས་ཏེ་ཟླ་བ་གཅིག་ཙམ་བཞུགས་པར་འཕྲུལ་ཁང་ནང་སོ་དཔོན་གཡོག་རྣམས་ཀྱིས་འབུལ་ཞབས་ཡང་དག་པར་བགྱིས་ཤིང༌། ནགས་ཕུ་རིའི་ལྕགས་མཁར་ནང་སོ་དང་བཅས་པའི་སྤྱན་འདྲེན་ཇ་ཞུས་དང་མདོ་ཁམས་སྟོད་སྨད་ཀྱི་འབུལ་སྐྱེལ་ཡང་མང་དུ་འབྱོར། བར་སྐབས་བྲག་དཀར་…

ཞབས་ཏོག་བགྱིད་སྐབས་འཕྲུལ་ཁང་དུ་ཀོང་པོའི་ཇ་པ་ཐོགས་ཤིག་འབྱོར་བས་གསོལ་བ་བཏབ་པ་བཞིན་ཆིབས་རགས་འཕྲུལ་ཁང་དུ་སྐོར་ཅིག་ཕེབས་པར་ཚོང་དཔོན་རྡོ་ཕྲུ་གུས་ཇ་དན་སྤོབ་རྩེ་བརྒྱ་དང་བདུན་གྱིས་ཐོག་དྲངས་སྣ་གྲངས་ལྔ་བརྒྱའི་འབུལ་ཆེན་བགྱིས། སླར་ང་ཕོད་ཉིད་དུ་ཕེབས་ནས་དགེ་འདུན་ཟུར་རི་བ་དང་ཅོག་གྲྭ་བ་གཉིས་ཁམས་ཕྱོགས་སུ་བསོད་སྙོམས་ལ…

པ་ལ་ནགས་ཕུ་རི་པ་ནང་༧༨སོ་དང་བཅས་པས་འབུལ་ཞབས་རིམ་པར་བགྱིས་ཤིང་རི་པའི་བླ་གཉེར་བསྐོ་བཞག་དང་ལྷ་ཁང་དང་འབུམ་པ་གསོ་བའི་ཆ་རྐྱེན་སོགས་ཀྱི་དགོན་ཐེབས་ཀྱང་གནང༌། གཞན་ཡང་ཀརྨ་ལྷུན་གྲུབ་གླིང་པ་སོགས་སྙེ་བོའི་དགོན་གསུམ་ཡོན་བདག་དང་བཅས་པ་ཀུན་མཇལ་དུ་འོང་བས་འབུལ་ཆེན་བགྱིས་པ་ལ་སོགས་པ་དེར་འདུས་གཉུག་མར་གནས་པ་དང་གློ་བུར་དུ་ལྷ…

བརྐོས་པས་ཕ་བོང་གི་ངོས་ནས་སྲོག་ཆགས་གྲོག་མའི་རྣམ་པ་མང་པོ་དང་སྦྲང་རྩིའི་གོང་བུ་འདྲ་བ་ཡང་ཐོན་ཏེ་དེ་དག་སྡུག་བསྔལ་དེ་ལས་གདོན་པའི་སླད་དུ་སྐུ་གཟུགས་ཕྱག་བྲིས་གནང་བར་འདུག་ཅེས་གླེང་ཞིང་ཕ་བོང་གི་སྟེང་ན་ཞབས་རྗེས་ཀྱང་སྣང་ཟེར། དེ་ནས་ཀ་འཕྲང་དགོན་དུ་ཕེབས་པ་ན་དགའ་ལྡན་མ་མོ་བ་སྡེ་དགོན་རྣམས་ཀྱི་ཇ་ཞུས་ཀྱང་འབྱོར། ཟླ་བ་བཅུ…

བཅོ་ལྔའི་ཉིན་གསོ་སྦྱོང་དང་བཅས་པ་གནང་ནས་མདོ་ཆེན་པ་སོགས་མཚོ་ཆུ་བ་སྡེ་དགོན་རྣམས་ཀྱིས་སྤྱན་དྲངས་ཏེ་སོ་སོ་ནས་འབུལ་བ་བསྙེན་བཀུར་ཡང་དག་པ་ཞུས་ཤིང༌། དགུ་གཏོར་གྱི་ཉིན་འབྲུག་གྲགས་པའི་ལྟས་བཟང་པོ་དང་གནམ་གང་ལ་མདོ་ཆེན་དགོན་དུ་ཕེབས་པར་སྒྲུབ་ཁང་ཕུག་ཏུ་ཞབས་རྗེས་བྱོན། ཡུལ་ཕྱོགས་དེ་དག་རི་རྒྱ་ཀླུང་རྒྱ་སོགས་སྡིག་སྤོང་དགེ…

བསྙེན་པས་དབང་དང་ཁྲིད་ལུང་གི་རིམ་པ་མང་དུ་གསན་ཅིང་འབུལ་ཆེན་ཀྱང་མཛད། གཞན་ཡང་ཟུར་རུ་གདོང་ཚུན་དང་ལྐོག་འཕྲང་ཡན་གྱི་དགེ་འདུན་གྲྭ་ཚང་རྣམས་དང་ཡོན་བདག་དད་མོས་ཅན་དུ་མའང་མཇལ་དུ་འོང་བས་འབུལ་ཆེན་རིམ་པར་བགྱིས་པ་ལ་དགེ་འདུན་གསར་བུ་རྣམས་རབ་བྱུང་བསྙེན་རྫོགས་སྒྲུབ་པའི་བཀའ་དྲིན་སོགས་སོ་སོའི་འདོད་མོས་ཀྱི་ཆོས་ཚུལ་སྣ་ཚོགས་…

ཚེན་སི་གཉིས་དང་རྒྱ་པན་ཧང་ཅུའུ་སི་རྣམས་ཀྱི་རྟ་འབུལ་ཞིང་གི་མི་ཆེན་གྱི་གཉེར་པ་དབང་ཕྲུག་བརྒྱུད་ནས་བྱུང་བའི་ཞུ་ལན་དང༌། ཟླ་བ་དགུ་པའི་ནང་དུ་སི་ཏུ་བ་དཔོན་སློབ་ཁམས་ཕྱོགས་སུ་རྫོང་བཀོད་གནང་ཞིང༌། བར་སྐབས་སྐུའི་རིམ་གྲོ་པ་ཁ་བ་དཀར་དབོན་པོ་ཀརྨ་བཟང་ལྡན་ནད་ཚབས་ཆེ་བས་རིང་ཞིག་མནར་བ་ཡང་རྒྱལ་བ་ཉིད་ཀྱི་ཐུགས་རྗེ་ཆེན་པོའི་བ…

དག་གི་སྡེ་དགོན་ཇི་སྙེད་པ་ཀུན་གྱིས་སླར་ཡང་འབུལ་ཞབས་རྒྱ་ཆེར་བསྒྲུབས་ཤིང༌། སོ་སོར་གང་ལ་ཅི་འཚམ་གྱི་ཆོས་དང་ལོངས་སྤྱོད་ཀྱི་དགའ་སྟོན་འཕྲལ་ཡུན་དུ་དགེ་བའི་བཀའ་སྩལ་བསླབ་སྟོན་དང་བཅས་པའི་བཀའ་དྲིན་གྱིས་ཁྱབ་པར་མཛད་ནས། ཟླ་བ་བཅུ་པའི་ཉེར་བརྒྱད་ལ་མཁར་གོང་ལ་བརྒལ་ནས་ལྷ་མདའ་ཕྱུག་པོ་གཞུང་དུ་ཕེབས་པ་ན་ཆོས་རྗེ་སྤྲོ་ལུང་པ་ཐེ…

གར་དབང་ཆོས་ཀྱི་དབང་ཕྱུག་གི་མཚན་གསོལ་ངོས་འཛིན་དང༌། དེ་ཉིད་ཀྱི་བརྟན་བཞུགས། རྒྱལ་བ་ཀུན་དངོས་དཔལ་ལྡན་བླ་མ་མཆོག །བདག་སོགས་གདུལ་བྱའི་ཚོགས་ལ་ཉེར་དགོངས་ཏེ། །ཞིང་འདིར་སླར་ཡང་སྤྲུལ་པའི་སྐུར་བསྟན་པ། །འགྱུར་མེད་བསྐལ་པའི་བར་དུ་བཞུགས་སུ་གསོལ། །ཞེས་སོགས་དང་བཅས་སྙན་པ་སྒྲོག་པའི་མི་སྣ་བཀའ་ཤོག་དབུས་གཙང་ཀུན་ཏུ་གནང་ཞིང༌…

མཆོག་གི་སྤྲུལ་པའི་སྐུ་རིན་པོ་ཆེ་ནས་མཇལ་དར་ཕྱག་འབུལ་སོགས་གཞན་གྱིས་བསྐུལ་བ་ལ་རག་མ་ལས་པའི་གུས་འདུད་དང་རྒྱལ་བ་ཉིད་ནས་ཀྱང་བཞུགས་ཁྲིའི་སྟེང་ནས་བཞེངས་ཏེ་བྱིན་རླབས་དབུ་ཐུག་གནང་བ་ལ་སོགས་པའི་བཀུར་སྟི་ཆེར་མཛད་དེ་གདན་འཛོམ་པའི་བཀྲ་ཤིས་དགའ་སྟོན་དང་སྒར་ཆོས་སྡེ་ཀུན་གྱིས་མཆོག་གི་སྤྲུལ་པའི་སྐུ་རིན་པོ་ཆེར་མཇལ་དར་ཕྱག་འ…

རིགས་ཕལ་གྱི་སྤྱན་འདྲེན་པ་དང་སོག་པོ་ཨ་དཔལ་དང་བིར་ཐུའི་འབུལ་སྐྱེལ་གསེར་ཡིག་པ་ཡང་འབྱོར། དེ་ནས་རྗེ་སྤྲུལ་པའི་སྐུ་རིན་པོ་ཆེ་ཆོས་རྗེ་ཞལ་ངོ་རྣམས་དང་ལྷན་ཅིག་གཞིས་ཀ་རྩེ་བར་ཕེབས་ཤིང༌། སྒར་ཆེན་ཡང་རིམ་པས་བཏེག་སྟེ་རྩེ་པའི་ཀླུ་སྡིངས་སུ་ཞལ་རྒྱས་ཐོག་ནས་ཡབ་སྲས་ལྷན་རྒྱས་ཡངས་པ་ཅན་ཕྱོགས་སུ་ཕེབས་པའི་རྟེན་འབྲེལ་ལེགས་ཚོགས…

གནས་རྟེན་རྣམས་མཇལ་བ་དང་དགེ་འདུན་རྣམས་འདོད་ཆོས་ཅི་རིགས་པའི་འབྲེལ་པས་ཚིམ་པར་མཛད་ཅིང༌། དེ་དག་ཀུན་གྱིས་ཀྱང་འབུལ་ཞབས་ཡང་དག་པ་བསྒྲུབས། སླར་བཞུགས་སྒར་དུ་ཕེབས་ནས་འབྲི་ཁུང་ཐེལ་གྱི་མཁན་པོར་དབུ་མ་དབོན་པོ་ཤེས་རབ་སྙིང་པོ་བསྐོ་བཞག་གནང༌། ཕག་མོ་ནས་ཞལ་ངོ་རྣམས་ཀྱིས་གསོལ་བ་བཏབ་པ་བཞིན་ཆིབས་རགས་གཞིས་ཀ་རྩེར་ཡང་སྐོར་ཙམ་ཕེ…

ས་མོ་གླང་ལོའི་ལོ་སར་གནང་ནས་ཕོད་མདོར་ཕེབས་པ་ལ་སྡེ་པ་མི་སྡེས་འབུལ་བ་དང་བསྙེན་བཀུར་བགྱིས་པའི་བར་དེ་དག་ཏུ་སྟག་ལུང་གི་མཁན་སློབ་དང་གྲྭ་མང་ཕལ་གྱིས་མཇལ་ཞིང་ཆོས་རྗེའི་ཇ་འདྲེན་ཡང་ཕུལ། སྙན་ཐོག་ཏུ་རྗེ་བཙུན་མ་སྒྲོལ་མའི་སྐུ་བརྙན་བྱིན་རླབས་ཅན་མཇལ་བ་དང་ཕྱག་མཆོད་སྨོན་ལམ་མཛད་ནས་སྙིང་དྲུང་བརྒྱུད་རིམ་པས་མགུལ་རིང་ནས་བཀྲ…

གདུང་རིན་པོ་ཆེའི་དྲུང་དུ་ཕྱག་མཆོད་གནང་ནས་ཚེས་བཅུ་གཉིས་ཀྱི་ཉིན་ཡབ་སྲས་འདུ་ཁང་དུ་ཕེབས་པར་ཡངས་པ་ཅན་པ་ཀུན་གྱིས་མཇལ་དར་ཕྱག་འབུལ་ཞུས། ཧོར་སྟོད་པའི་དཔོན་ཚང་མི་ངོ་སྡེ་མང་དང་བཅས་པས་ཀྱང་རིམ་པས་མཇལ་ཏེ་འབུལ་ཆེན་བགྱིས། ཟླ་བ་དེ་ཉིད་ཀྱི་ནང་དུ་བདག་ཅག་མཚུར་ཕུ་ནས་ཞབས་དྲུང་དུ་འབྱོར་ཞིང༌། སོག་ཟམ་ནས་འབྲོང་བུ་གུ་ཤྲི་དཔོན…

འབུལ་བའི་ཤིས་བརྗོད་སྐུ་གསུང་ཐུགས་རྟེན་གྱིས་གཙོས་ན་བཟའ་ལ་སོགས་པའི་ཉེར་སྤྱད་ཇ་གོས་དར་ཆིབས་མཛོ་དྲེལ་སོགས་སྣ་གྲངས་དངོས་གཙང་གྲངས་མང་དང་བཅས་པ་གནང་ཞིང་བདག་ཅག་སྒར་ཕྱི་ནང་ཆོས་སྡེ་ཀུན་གྱིས་ཁྲི་ཕེབས་ཀྱི་འབུལ་ནོད་བགྱིས་ཏེ་ཞྭ་དམར་གྱི་ཅོད་པན་གསོལ་བ་དང༌། དེ་ཉིད་ཀྱི་ཉིན་བཀའ་ཆོས་ཐོག་མ་རྩ་གསུམ་དྲིལ་སྒྲུབ་དང༌། གྲུབ་རྒ…

དབུ་སྐྲ་གཙུག་ཕུད་བཞེས་པས་ཡོངས་རྫོགས་དགེ་བསྙེན་གྱི་སྡོམ་པ་སྩལ་བ་སོགས་རྒྱལ་བའི་བསྟན་པ་སྤྱི་དང་བྱེ་བྲག་ལ་ཕན་བདེ་འཕེལ་རྒྱས་ཀྱི་སྒོ་འཕར་རྒྱ་ཆེན་པོ་དབྱེ་བར་མཛད་དེ། ཚེས་བཅུ་བདུན་ལ་གདན་ས་ཆེན་པོ་མཚུར་ཕུར་ཆིབས་ཁ་བསྒྱུར་བའི་ལམ་སྟོད་ཀླུངས་ནས་བརྒྱུད་པའི་ཕེབས་ཞོར་དུ་མཁའ་ལུང་རི་ཁྲོད་དུའང་ཞབས་ཀྱིས་བཅགས་ཤིང༌། དབོན་ག…

འབུལ་དུ་ཕེབས་ཤིང༌། དེར་བར་སྐབས་མཚུར་གནས་ཤུན་པ་ཆོས་གཞིས་པ་དང་བཅས་པ་རྣམས་ཟློས་རྩོད་དུ་གྱུར་པ་བདག་ཅག་གིས་བར་ཆིངས་བགྱིས་པ་མུ་མཐུད་གཏན་འཆམ་འཁོན་མེད་ཀྱི་བཀའ་ཁྲ་དམ་བཞག་གནང༌། དེ་དག་གི་སྐབས་སུ་མཆོག་གི་སྤྲུལ་པའི་སྐུ་རིན་པོ་ཆེར་རྗེ་བླ་མའི་བཀའ་འབུམ་ལ་སོགས་པའི་ལྗགས་ལུང་ཡང་རྒྱུན་མ་ཆད་པ་གནང༌། ཟླ་བ་གསུམ་པའི་གནམ་གང་…

ཆས་དང་བཅས་པ་སླེབས། དེར་དཔལ་སྡོམ་པ་ལྷ་ལྔའི་རྡུལ་ཚོན་གྱི་དཀྱིལ་འཁོར་ལ་བརྟེན་པའི་སྒྲུབ་མཆོད་ཞག་སྦྲེལ་སྦྱིན་སྲེག་དང་བཅས་པ་རྒྱས་པར་གནང་ཞིང༌། ཟླ་བ་བཞི་པའི་ཚེས་ཉི་ཤུའི་ཉིན་ཡབ་སྲས་ཞལ་རྒྱས་ཀྱིས་བླ་གཡེལ་ཆེན་མོར་གོས་སྐུ་ཁམས་གསུམ་མཛེས་རྒྱན་གྱི་རབ་གནས་གནང་བ་ན་ནམ་མཁའ་འཇའ་འོད་ཀྱིས་གང་བ་དང་མེ་ཏོག་གི་ཆར་བབས་པ་ལ་སོགས…