གནང་ཞིང༌། གཞན་ཟུར་འདེབས་ཀྱི་མང་ཇ་བསྙེན་བཀུར་ཞུ་བ་ཡང་མང་དུ་བྱུང་སྟེ་ཡང་རིའི་ཚོགས་གུར་དུ་སྨོན་ལམ་འཛུགས་པ་མཛད་པའི་བཅོ་ལྔ་ལ་གསོ་སྦྱོང་དང་བཅུ་དྲུག་གི་ཉིན་སེར་སྦྲེངས་ཤིས་བརྗོད་མཛད། ཉེར་དགུ་ལ་ལོ་ཆེན་རཏྣ་བྷ་དྲའི་སྐུ་སྐྱེ་དཔོན་སློབ་རྣམས་ཕྱག་འབུལ་དུ་བྱོན་ཞིང༌། ཟླ་བ་གཉིས་པའི་ཚེས་གསུམ་ལ་རྗེ་མཆོག་གི་སྤྲུལ་པའི་སྐ…

པའི་སྐུ་དཔོན་སློབ་རྣམས་ལ་གཞི་ལེན་གྱི་བཞུགས་གྲལ་དང༌། ཚེས་བཅུ་བཞི་ལ་དགེ་འདུན་ཅོག་གྲྭ་བ་བཞག་བླ་དཔོན་པོ་སོགས་ཀྱི་ཟླ་བསྡེབས་དང་བཅས་པས་འབུལ་ཆེན་བགྱིས། དེ་ནས་རིམ་གྱིས་དབོན་དཀོན་མཆོག་ངག་དབང་ཕྲིན་ལས་རྗེ་སྤྲུལ་པའི་སྐུའི་ཕྱག་མཛོད་དུ་བསྐོ་བཞག་དང༌། དཔོན་ཀརྨ་བསྟན་འཛིན་དཔལ་བཟང་དགའ་ལྡན་མ་མོའི་གདན་སར་ཀྭན་ཏིང་གོ་ཤྲིའ…

རྣམས་ཀྱིས་འབུལ་ཞབས་ཞུས། དེར་རྗེ་སྤྲུལ་པའི་སྐུ་རིན་པོ་ཆེ་དཔོན་སློབ་ལ་རྒྱལ་བ་གོང་མའི་བཀའ་འབུམ་ལས་རྗེ་བཙུན་ངལ་གསོའི་ལྗགས་ལུང་གི་དབུ་ཚུགས་ཤིང༌། ཆུ་ཇོ་བོར་གྲགས་པ་གཙང་པོའི་འཇུག་ངོགས་ན་ཐུགས་རྗེ་ཆེན་པོ་རང་བྱོན་བཞུགས་པའི་གནས་མཇལ་ལ་ཕེབས་ཏེ་ཕྱག་མཆོད་སྨོན་ལམ་མཛད། དེ་སྐབས་ཐན་པ་ཆེན་པོ་ཡོད་པ་ལ་ཡུལ་གྲུ་ཀུན་ལ་ཕན་པའི…

བཀའ་བཅུ་རབ་འབྱམས་དུ་མའི་ཞབས་འབྲིང་དང་བཅས་པར་དགོངས་གཅིག་རྒྱས་འགྲེལ་སོགས་རྒྱལ་བ་གོང་མའི་བཀའ་འབུམ་འཕྲོ་མུས་ཀྱི་ལྗགས་ལུང་དང༌། རྗེ་སྤྲུལ་པའི་སྐུ་རིན་པོ་ཆེས་སྐུ་འཁྲིས་སུ་གསན་སྦྱོང་ཕྱག་ཕྱིའི་གྲྭ་ཚང་ཞིག་འཛུགས་པའི་དགོངས་པ་ཞུ་བ་མཛད་པར་ཐུབ་བསྟན་ཉིན་བྱེད་གླིང་གི་མིང་དང་འདུས་པ་ ༡༠༩ ཐོག་མ་བཅུ་ཕྲག་ཅིག་ལ་མང་ཇ་དར་འག…

དར་རྒྱས་ཤིན་ཏུ་ཆེ་བ་བླ་མ་ཀརྨ་ཁྱུང་ཆེན་ཉིད་ཀྱིས་གཙོས་པ་རྣམས་ཀྱི་ཐབ་བསུ་སེར་སྦྲེངས་ལ་སོགས་པའི་བཀོད་པ་གཟབ་རྒྱས་ཀྱིས་སྤྱན་དྲངས་ཏེ་འབུལ་བ་དང་བསྙེན་བཀུར་ཞབས་ཏོག་བླ་ལྷག་ཏུ་བགྱིས་ཤིང་གྲྭ་རིགས་ཡོན་བདག་ཀུན་ལ་ཞལ་མཇལ་ཕྱག་དབང་ཆོས་འབྲེལ་ལ་སོགས་པའི་བཀའ་དྲིན་སྩོལ་བཞིན་པས་དེར་ཐོགས་ཤིག་བཞུགས་ནས་ཟླ་བ་བདུན་པའི་ཚེས་བཅུ་…

ཤེས་པ་ཀུན་གྱིས་ནན་ཏན་གྱིས་ལ་ཁྲིད་གསུང་བའི་བཀའ་སྩལ་དང༌། ཁམས་པ་འབུལ་སྐྱེལ་བ་རྣམས་ལ་འདོད་མོས་ཀྱི་བཀའ་ཆོས་དང་རབ་བྱུང་བསྙེན་རྫོགས་ཀྱི་བསླབ་པའི་བཀའ་དྲིན་ཅི་རིགས་པའང་སྩལ། ཟླ་བ་དགུ་པའི་ཚེས་གཉིས་གཟའ་སྐར་ཤིས་པ་ལ་ཐུབ་བསྟན་ཉིན་བྱེད་གླིང་པའི་ཚོགས་གུར་ཐོག་མ་ཕུབ་པའི་ཞལ་དྲོར་རྗེ་སྤྲུལ་པའི་སྐུ་རིན་པོ་ཆེ་ཉིད་ཀྱིས་གཙོ…

འབྱོར། དེ་ནས་ལྟ་བ་རི་དགོན་གྱི་བླ་མ་གྲྭ་རིགས་ཡོན་བདག་དང་བཅས་པ་ཀུན་ལ་ཇ་གྲལ་ཕྱག་དབང་བསླབ་སྟོན་ཕྱག་མདུད་ལ་སོགས་པའི་གནང་ཆ་སྩལ་བས་སོ་སོའི་སེམས་རངས་པར་མཛད་དེ། གསང་བ་རྣམས་ཀྱི་སྤྱན་འདྲེན་ནན་ཞུས་དང་བསྟུན་ཟླ་བ་བཅུ་པའི་ཚེས་ལྔ་ལ་ཚལ་གུང་ནས་བཏེག །སླར་ལྐོག་འཕྲང་དུ་ཕེབས་པར་ཁོང་རྣམས་ཀྱིས་བསྙེན་བཀུར་ཞབས་ཏོག་བཟང་པོ་དང༌…

ཤིང་ཡབ་སྲས་ཆིབས་རགས་ཀྱིས་གྲོང་ལ་བསྐོར་བ་མཛད་དེ་ཕྱག་ནས་གནང༌། བླ་མ་ཀུན་དགའ་རྒྱལ་མཚན་གྱིས་ལ་རྩ་དགོན་དུ་སྤྱན་དྲངས་ནས་ཞག་བཞུགས་ཀྱི་ཞབས་ཏོག་དང་འབུལ་བ་བགྱིས། གསང་གི་ཇོ་བོར་གྲགས་པ་དབུར་སྟོད་བྱ་ཡུལ་ནས་ཡོངས་ཀྱི་དགེ་བའི་བཤེས་གཉེན་ཁམ་པ་ལུང་པ་ཕྱི་མས་ཀོང་ཡུལ་གྱི་སྐྱེ་བོ་ཀུན་གྱི་བསོད་ནམས་ཀྱི་ཞིང་དམ་པར་བཞུགས་སུ་གསོ…

གནང་དེ་ནས་རྒྱ་ལའི་གནས་གཟིགས་ཀྱི་དགོངས་པས་ཟླ་བ་བཅུ་གཅིག་པའི་ཚེས་དགུ་ལ་བཏེག་ནས་ཐིམ་གྱི་གུ་རུའི་སྒྲུབ་ཕུག་ཏུ་ཚེས་བཅུའི་མཆོད་པ་དང༌། གཏམ་གླིང་གི་འབུམ་སྤྲུལ་པའི་ཡིག་མཁན་གྱིས་བཞེངས་པར་གྲགས་པ་ཡང་མཇལ་བ་མཛད་དེ་རིམ་གྱིས་རྒྱ་ལར་ཕེབས་པའི་བར་གྱི་སྡེ་དགོན་སོ་སོ་ནས་འབུལ་ཞབས་ཡང་དག་པ་བགྱིས་ཤིང༌། ཀུན་ལ་ཞལ་མཇལ་གསུང་ཐོས…

མི་འབབ་པ་ཡང་བྱུང་བ་ལ་དེ་སྐབས་བདུད་རྩི་འབབ་པ་སྔོན་བཞིན་དུ་བྱུང་བས་ཀུན་ངོ་མཚར་དུ་གྱུར་ཅིང༌། གཞན་ཡང་གནས་དེའི་གཟིགས་སྣང་རང་བྱོན་སོགས་ཞིབ་ཏུ་མཇལ་བར་ཕེབས་པའི་ཚེ་ཡབ་སྲས་གཉིས་ཆར་གྱི་ཞབས་རྗེས་དང་རྒྱལ་བ་ཉིད་ཀྱི་ཕྱག་རྗེས་ཀྱང་བྱོན་ཟེར། སླར་རྒྱལ་ནས་བརྒྱུད་དེ་ཡར་ལ་ཕེབས་པའི་ལམ་ཞོར་དུ་དོང་མོ་ལུང་གི་གནས་གཟིགས་རྣམས་ཀ…

ལ་སོགས་པའི་འདོད་ཆོས་ཅི་རིགས་པའང་སྩལ། ཟླ་བ་བཅུ་གཉིས་པའི་ཚེས་བཞི་ཐིམ་གྱི་གྲུ་ནས་རྟ་ཐོག་མཁར་སོགས་བརྒྱུད་དེ་རིམ་གྱིས་ཕེབས་པར་ཆབ་ནག་པ་ཡུལ་དགོན་ཀུན་གྱིས་འབུལ་ཞབས་རྒྱ་ཆེན་པོ་རིམ་པ་ལྟར་བགྱིས་པ་ཐམས་ཅད་ཞལ་མཇལ་གསུང་ཐོས་ཕྱག་དབང་སོགས་ཀྱི་འབྲེལ་པ་དང་ཡུལ་གྲུ་སོ་སོར་རི་རྒྱ་ཀླུང་རྒྱ་ལ་སོགས་པ་དགེ་བའི་ས་བོན་བསྐྲུན་པར་…

སྒམ་གྱིས་གཙོས་པའི་སྐུ་ཆས་རྣམས་དྲངས་ཏེ་ཞབས་དྲུང་དུ་འབྱོར་བའི་རྟེན་སྒམ་རྣམས་གཟིམ་གུར་དུ་སྤྱན་འདྲེན་པ་ལ་རྒྱལ་བ་ཉིད་ཡོལ་སྒོར་ཞབས་བསྐྱོད་པའི་སྤོས་བསུ་མཛད། དེ་ནས་རིམ་གྱིས་ཐང་མཁར་གྱི་གྲུ་ནས་ཟླ་བ་དང་པོའི་ཚེས་བཅུ་གཉིས་ལ་རྩེ་ལྷ་སྒང་གི་ཞོལ་ཐང་དུ་བཞུགས་སྒར་གདན་ཕེབས་ནས། སྐུ་རིམ་ལོ་སར་རྣམས་འདེགས་བཞུད་ཀྱི་དབང་གིས་…

པའི་སེར་སྦྲེངས་ཤིས་བརྗོད་མཛད་པའི་སྨོན་ལམ་གྱི་ཐོག་ཟིང་པོ་བ་ཚེ་དབང་བཀྲ་ཤིས་མཇལ་དུ་འོང་བས་ཆིབས་བཟང་བས་གཙོས་པའི་འབུལ་ནོད་བགྱིས། གཞན་ཡང་དགའ་མ་མོ་ནས་དཔོན་བསྟན་འཛིན་པ་དང་དཔོན་ཆོས་རྒྱལ་ཕུན་ཚོགས་མཆོད་ཡོན། འོར་ཤོད་ཨོ་རོང་བ་བཀྲ་ཤིས་དར་རྒྱས་སོགས་ཀོང་པོ་སྟོད་ཀྱི་དྲག་མགོས་ཕལ་མོ་ཆེ་ཞལ་མཇལ་ཕྱག་འབུལ་དུ་འོངས་ཤིང༌། སྤ…

བས་ཐོག་དྲངས་པ་འགའ་ཞིག་ལ་སྨན་ལྷའི་མདོ་ཆོག་གི་ལྗགས་ལུང་ལ་སོགས་པའི་འདོད་ཆོས་དང༌། དགེ་འདུན་ཡང་ཟུར་ཅོག་གྲྭ་གསུམ་གྱིས་གཙོས་པའི་ཚོགས་ཆེ་བ་ལ་རྒྱལ་བ་ཉིད་ཀྱིས་མཛད་པའི་ཕྱག་ཆེན་གྱི་ཁྲིད་ཡིག་ཆེན་མོའི་ལུང་དང་དམིགས་རིམ་ཡུན་རིང་དུ་གནང༌། ཟླ་བ་ལྔ་པ་སྔ་མའི་ཚེས་བཅུ་ནས་གནྡྷོ་ལའི་རྟེན་སྒམ་གཟིམ་གུར་དུ་བཞུགས་པ་ལ་ཡོལ་སྒོར་ན…

བསྔོ་བ་སྨོན་ལམ་གནང༌། དེ་དག་གི་ཚེ་རྗེ་སྤྲུལ་པའི་སྐུ་རིན་པོ་ཆེར་ཕྱག་རྡོར་ཚེ་དབང་ལ་སོགས་པའི་བཀའ་དབང་དང་རིམ་པས་རྗེ་ཆོས་གྲགས་རྒྱ་མཚོའི་བཀའ་འབུམ་ལས་ཕར་ཕྱིན་དང་ཚད་མའི་འགྲེལ་པ་སོགས་ཀྱི་ལྗགས་ལུང་ཡང་གནང༌། སྤོ་བོ་ཕེ་ཕེ་ཐང་དུ་ཀར་སྡེ་གསར་འཛུགས་ཀྱི་དོན་ལ་ཡང་རི་ནས་དགེ་སློང་འོད་ལྡན་སོགས་བཅུ་གཉིས་རྫོང་བ་གནང་ཞིང་དགོན…

ཚོགས་དགེ་འདུན་སྒང་པའི་མཁན་ཆེན་ཀུན་དགའ་བློ་གྲོས་པ་ཁྲིར་ཕེབས་པ་ལ་ལེགས་ཇའི་གནང་སྐྱེས་སྩལ། རི་བོ་ཆེའི་ཆོས་རྗེ་ཁྲི་ཐོག་པ་དང་བླ་མ་རྟ་རྣ་བ་སོགས་ཀྱི་འབུལ་སྐྱེལ་བ་སླེབས་པས་ཇ་སིག་བརྒྱ་ལྔ་བཅུས་གཙོས་པའི་འབུལ་ཆེན་བགྱིས། དེ་ལྟར་ཟླ་བ་དགུ་ཙམ་གྱི་བར་བཞུགས་པས་དེར་འདུས་ཀྱི་སྐྱེ་བོ་ཡོངས་ལ་བཀའ་དྲིན་དང་ཐུགས་རྗེས་ཁྱབ་པར་མ…

སྡེ་དང་བམ་སྟེང་བས་སོ་སོའི་དགོན་པར་སྤྱན་དྲངས་ནས་འབུལ་བ་དང་བསྙེན་བཀུར་ཞུས། བམ་སྟེང་དུ་བཞུགས་ཐོག་ཟིང་པོ་ཁྱིམ་གསུམ་གྱི་ཇ་ཞུས་འབུལ་ནོད་ཀྱང་འབྱོར། སླར་བཤོ་ཁ་ནས་བརྒྱུད་ཕྲག་མི་ཡུལ་དགོན་རྣམས་ཀྱི་ཐབ་བསུ་སེར་སྦྲེངས་དང་བཅས་ཟླ་བ་བཅུ་གཅིག་པའི་ཚེས་བཅུ་བཞི་ལ་ཕྲག་སྒྲུབ་སྡེར་གདན་ཕེབས་པར་སྒྲུབ་སྡེ་བས་གཞི་ལེན་གྱི་བསྙེན…

འབུལ་ཞུས། ཟླ་བ་དང་པོའི་ཚེས་ལྔ་ལ་སྤྲུལ་པའི་སྐུ་རིན་པོ་ཆེ་དཔོན་སློབ་དགའ་ལྡན་མ་མོར་ཕེབས་ཤིང་རྒྱལ་བ་མཆོག་ཆོ་འཕྲུལ་གྱི་དུས་ཆེན་དང་བསྟུན་པའི་རེ་ཞིག་སྐུ་མཚམས་སུ་བཞུགས་པའི་ཁོག་ནས་ཡར་རིའི་ཚོགས་གུར་དུ་གནྡྷོ་ལའི་རྟེན་གཤོམ་བགྱིད་དུ་འཇུག་པ་མཛད་དེ་ཡང་ཟུར་ཅོག་གྲྭ་ཟུར་རུ་གདོང་པ་སོགས་གཞི་བྱེས་ཀྱི་དགེ་འདུན་རྣམས་ཀྱིས་…

སོགས་པའི་འབུལ་ཞབས་བགྱིས་ཤིང༌། ཟུར་རུ་གདོང་གྲྭ་ཚང་གིས་ཀྱང་དེ་ཉིད་དུ་སྤྱན་༡༡༧ དྲངས་ཏེ་འབུལ་བ་དང་བསྙེན་བཀུར་ཞུས། དེར་ཡབ་སྲས་བཀའ་བགྲོས་ཀྱི་ཐོག་ནས་རྗེ་སྤྲུལ་པའི་སྐུ་དཔོན་སློབ་དྭགས་པོའི་དུས་ཟིང་གི་འདུམ་ལ་ཕེབས་པའི་སྒོ་ཤར་བས་ཟླ་བ་གཉིས་པའི་ཚེས་ལྔ་ལ་བཏེག་སྟེ་ཨ་མི་གྲོང་དུ་བཞུགས་ཐོག་སྒྲུབ་སྡེ་ནས་ཆིབས་རགས་ཀྱང་སྤ…

ནས་སྐུ་སྐྱེ་སྔ་སོར་ལེགས་བཤད་གླིང་གི་སློབ་དཔོན་དུ་བསྐོ་བཞག་གནང་བ་དགོངས་གྲོལ་ཞུར་བྱོན་པའི་གདན་སར་རྒྱ་བྱ་དཔོན་པོ་རབ་འབྱམས་སྨྲ་བ་ཀརྨ་ནོར་བུ་བསྐོ་བཞག་གནང་ཞིང༌། སྐུ་སྐྱེས་གསོལ་བ་བཏབ་པ་བཞིན་ཉིད་མཛད་ཀྱི་ཁྲིད་ཡིག་ཆེན་མོའི་སྟེང་ནས་ཕྱག་ཆེན་གྱི་ཉམས་ཁྲིད་གནང༌། སྐབས་འགར་དབྱར་གྱི་ཐུགས་སྤྲོའི་རི་གཟིགས་དང་གནས་གཟིགས་…