རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀ་ངུར་སྨྲིག་གར་གྱིས་རྣམ་པར་རོལ་བ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག་ཅེས་བྱ་བ་བཞུགས་སོ། །

སྭསྟི་པྲ་ཛ་བྷྱཿ རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀཿངུར་སྨྲིག་གར་གྱིས་རྣམ་པར་རོལ་བ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག་ཅེས་བྱ་བ་རིགས་ཀུན་བདག་པོ་བླ་མ་མཆོག་གིས་ཟུང་འཇུག་ལམ་བཟང་མངོན་གྱུར་དེ་སྲིད་བྱིན་གྱིས་བརླབ་ཏུ་…

ངོས་སུ། །རབ་འབྱམས་ཤེས་བྱའི་ཚོན་རིས་ཀུན་ཤར་བས། །གྲགས་མིན་དོན་དང་ལྡན་པའི་ཐམས་ཅད་མཁྱེན། །ཆེད་དུ་བཅོས་མའི་གཞན་འདྲིད་ལྷུར་ལེན་དང་། །ཞིག་པོའི་རྩིང་སྤྱོད་མཐའ་གཉིས་དང་བྲལ་བ། །ཚུལ་ཁྲིམས་དབུ་མར་རྣམ་དག་བག་ཡོད་ཀྱི། །ནམ་ཡང་ལྷོད་མེད་བཙུན་པའི་རྩེ་མོར་སོན། །གཉེན་ཆགས་གཅན་གཟན་ལུགས་ལ་བྱང་སེམས་སུ། །རྨི་རློམ་ལུས་ཅན་ཀུན་…

གླེང་ཚེ་སྣོད་ལྡན་ཚོགས་རྣམས་རྣ་བ་བློགས། །དེའང་ཇི་སྐད་དུ། རྒན་པའམ་ནི་གཞོན་པའང་རུང་། །གང་ལས་ཆོས་ནི་རྣམ་ཤེས་པ། །དེ་ལ་གུས་པར་ཕྱག་བྱ་སྟེ། །ཟླ་བ་ཚེས་ལ་ཇི་བཞིན་ནོ། །ཞེས་ཟབ་པ་དང་རྒྱ་ཆེ་བའི་དམ་པའི་ཆོས་ཚུལ་བཞིན་དུ་སྟོན་པ་ཞིག་གི་མཐུ་ལ་བརྟེན་ནས་རྗེས་འབྲང་གི་སློབ་མ་ཡང་སློབ་སོགས་མཐའ་ཀླས་པའི་ཡོན་ཏན་གྱི་ཆ་མཐའ་དག་རྒྱ…

བརྟན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་མདོ་ཙམ་བརྗོད་པ་ལ། མངོན་རྟོགས་རྒྱན་ལས། སེམས་ཅན་ཀུན་ཡིད་ཤེས་པ་དང་། །མངོན་པར་ཤེས་པས་བརྩེ་བ་དང་། །སངས་རྒྱས་ཞིང་བཟང་སྒྲུབ་པ་དང་། །ཡོངས་སུ་བརྟག་ཕྱིར་སངས་རྒྱས་བསྟེན། །དབང་པོ་ཤེས་དང་རྒྱལ་བ་ཡི། །ཞིང་སྦྱོང་སྒྱུ་མ་ལྟར་གནས་དང་། །བསམས་བཞིན་སྲིད་པ་ལེན་པ་དང་། །ལས་ནི་…

ལ་གསོལ་བ་འདེབས། །ཧེ་རུ་ཀཿདཔལ་དགྱེས་པའི་གར་མཛད་ཀྱང་། །ཚུལ་ཁྲིམས་རྒྱན་གྱིས་མཛེས་པའི་དགེ་སློང་མ། །མཁའ་འགྲོའི་གཙོ་མོ་ཤཱི་ལ་བྷ་དྲའི་ཞབས། །འབྲེལ་ཚད་དོན་ལྡན་ཁྱོད་ལ་གསོལ་བ་འདེབས། །སྔོན་གྱི་ལེགས་བྱས་དགེ་བའི་འབྲས་བུ་ལས། །བླ་མ་ལྷ་དང་སྲུང་མས་རྗེས་བཟུང་ནས། །འཇམ་མགོན་མཁྱེན་བརྩེའི་འཕྲིན་ལས་སྐྱོང་བའི་དཔལ། །དབང་ཕྱུག…

ཆས་སུ་བཞུགས་ནས་སཱ་ལའི་ལྗོངས་སུ་ཡོངས་པ་ལས་འཕེལ་བའི་ལོ་རྒྱུས་ཡོད་ནའང་ཡོངས་སུ་གྲགས་པ་ཕྱག་ན་པདྨ་དང་རྗེ་བཙུན་སྒྲོལ་མ་གཉིས་ཀྱིས་བྱིན་གྱིས་བརླབས་པའི་སྤྲེའུ་དང་བྲག་སྲིན་མོ་ལས་མཆེད་པ་བོད་མིའི་རྒྱལ་ཁམས་སུ་གྱུར་པར་མིའུ་གདུང་དྲུག་གམ་བཞིར་གྲགས་པའི་ནང་ཚན་སྣ་ཚོགས་སུ་དབྱེ་བའི་བྱེ་བྲག་ལྷ་རིགས་འ་ཞ་རྒྱལ་པོ་ཞེས་བོད་བཙད…

ཀུན་དགའ་བློ་གྲོས་སོགས་ལྕམ་སྲིང་བརྒྱད་འཁྲུངས་པའི་ནང་སོ་སྐུ་མཆེད་ཀྱི་ཁབ་ཏུ་ལྷ་ཁང་ཆེན་མོ་བའི་སྲས་མོ་དཔལ་འཇམ་བྱོན་པར་སྲས་ནམ་མཁའི་རྡོ་རྗེ་ཚེ་བརྟན་དཔལ་འབྱོར་བཟང་པོ་འཁྲུངས་ཏེ་ཡུམ་སྔ་མོ་ནས་གྲོངས་པའི་ཚོང་འདུས་མགུར་མོ་བའི་སྲས་མོ་བྱང་སེམས་བུ་ཁྲིད་བླངས་པར་གཅུང་ནམ་མཁའ་རྒྱལ་བ་བྱོན་པའི་ཇོ་མོར་སེ་སྟོན་རིག་སྔགས་འཆང་…

རུ་གཙང་གི་རྒྱལ་ཁམས་ཀྱི་སའི་ཆ་བོད་སྲིན་མོ་གན་རྐྱལ་དུ་བསྒྱེལ་བའི་དབྱིབས་ཅན་གྱི་ས་དགྲ་གནོན་བྱེད་དུ་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོས་མཐའ་འདུལ་ཡང་འདུལ་རུ་གནོན་གྱི་གཙུག་ལག་ཁང་བཅུ་གཉིས་བརྩིགས་པའི་ནང་ནས་གཙང་འགྲམ་དང་ཁད་ཉེ་བ་དགེ་བཅུའི་ཡོན་ཏན་དུ་མས་མངོན་པར་སྤྲས་པའི་སུམ་རྩེན་ཡུལ་ལ་ཅོ་འདྲི་བ་མྱུག་བཀྲ་ཤིས་ར…

ཕྲ་བས་དབང་བརྡ་འཕྲོད་པ་སོགས་ག་ལ་འོང་ཡང་ཡིད་སྲུབས་སྡེར་བཅས་ཀྱི་གཡུལ་ལས་རྒྱལ་བའི་ཆེད་དུ་དཔལ་ལྡན་བླ་མ་འཇམ་དཔལ་རྡོ་རྗེ་མ་ཧེའི་ཞལ་ཅན་དང་ངོ་བོ་དབྱེར་མ་མཆིས་པའི་ནུས་པས་གཞི་མ་དག་པའི་ཕུང་ཁམས་སྐྱེ་མཆེད་ཐམས་ཅད་ཏིང་ངེ་འཛིན་གྱིས་མངོན་པར་སྦྱངས་ཏེ་འབྲས་བུ་གཤིན་རྗེའི་གཤེད་རིགས་ལྔའི་ཡེ་ཤེས་ཀྱི་ངོ་བོར་བྱིན་གྱིས་བརླབས་…

འགྲོ། །སློང་བའི་ཐུགས་བསྐྱེད་སྐྱ་རེངས་མས་དྲངས་པའི། །སྐྱེས་རབས་ཉིན་བྱེད་མཛད་མེད་ཤར་འདི་མཚར། །འོད་གསལ་ལྷ་རིགས་འ་ཞའི་གདུང་གིས་མཐོ། །གངས་ཅན་བཙན་པོའི་ནང་བློན་སྙན་གྲགས་འབར། །ཤར་ཕྱོགས་གོང་མའི་ལུང་དང་ལས་ཀས་ཆེ། །མཁས་གྲུབ་རིམ་པར་བྱོན་པས་བསྟན་སྲོག་བཟུང་། །དབྱིག་འཛིན་དྭངས་མཚོར་རྣམ་པར་རྒྱལ་བྱེད་གཟུགས། །གསལ་ལ་ཉེར་…

མཁྱེན་མཁྱེན་བརྩེའི་ཞབས་ཀྱིས་དབང་གནང་བའི་ཚེ་གཞོན་ནུས་བུམ་པ་ཚུར་བཞེས་ནས་དབང་བསྐུར་བའི་སྟང་ཀ་མཛད་པས་རྒྱལ་ཡུམ་གྱིས་སྔོན་གནས་རྗེས་དྲན་གྱི་བག་ཆགས་སད་པར་དགོངས་ཏེ་ཐམས་ཅད་མཁྱེན་པས་བུམ་པར་དབུ་ཐུག་ཐུག་གནང་ནས་ངའི་བླ་མ་ཡིན་གསུང་མཉེས་མཉེས་རང་མཛད། རྡོ་རྗེ་འཆང་ཚར་པ་ཆོས་རྗེར་ཚེ་དཔག་མེད་གྲུབ་རྒྱལ། དམར་པོ་སྐོར་གསུམ། ག…

མཛུབ་མཛད་པས་ཕར་བཟློག་པ་དེར་འཁོད་ཀུན་གྱིས་མཐོང་བས་ཡ་མཚན་དུ་གྱུར། བོ་དོང་དུ་བཞུགས་དུས་མདུན་གྱི་ནམ་མཁར་མགོན་པོ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་པ་ལོངས་སྐུའི་ཆ་ལུགས་ཅན་མཚན་དཔེའི་གཟི་བྱིན་འབར་བ་ཞིག་གཟིགས་པ་ནི་དགུང་ལོ་བརྒྱད་ཅུར་ཉེ་བའི་བར་བསྟན་འགྲོའི་དོན་དུ་བཞུགས་པའི་དགེ་མཚན་དུ་མངོན། ཐམས་ཅད་མཁྱེ…

ཀྱིས་གནང་བའི་ཁྱད་པར་བུ་ལུགས་ཀྱི་བདག་པོ་ཆེན་པོའི་བཀའ་དབང་གི་དུས་དབོན་རིན་པོ་དཀར་ཆས་སུ་མཛད། དབང་སྟེགས་ཀྱི་ཁྲིར་ཆོས་ཀྱི་རྒྱལ་ཚབ་ཆེན་པོར་མངའ་གསོལ། སློབ་དཔོན་ཆེན་པོའི་སྐུ་ཚབ་གཏེར་བྱོན་ཡིད་བཞིན་ནོར་བུ་དང་། ཆོས་ཀྱི་རྒྱལ་པོ་འཕགས་པའི་ཐུགས་དམ་བསྙེན་ཕུར་ཐམས་ཅད་མཁྱེན་པ་རང་གི་འབྲལ་སྤང་མ་དང་བཅས་གནང་སྐྱེས་སུ་སྩལ་བ…

བསྟན་པའི་རྒྱལ་མཚན་ལ་རྐྱེན་སེལ་གྱི་ཆོས་བཀའ་ཅི་རིགས་གསན། སྙིགས་དུས་ཀྱི་རྡོ་རྗེ་འཆང་ཀུན་དགའ་བཟང་པོའི་གདན་ས་ངོར་ཨེ་ཝཾ་ཆོས་ལྡན་དུ་ཕེབས་དུས་རྨང་ལམ་དུ་ལམ་ཟབ་ཁང་གི་སྒོ་འགྲམ་གཡས་གཡོན་དུ་རྡོ་རྗེ་འཇིགས་བྱེད། དཔལ་ལྡན་དམག་ཟོར་མ། མདུན་དུ་དཔའ་བོ་བྲམ་ཟེའི་གཟུགས་ཅན་སྐུ་མདོག་སྔོ་བ་ཞབས་བསྣོལ་ནས་ཤིང་གི་གླིང་བུ་བཟུང་བ་ད…

ཞི་དྲག་གཉིས་པོ་འདི་ཚེ་རབས་སྔོན་མ་ནས་ལས་ཀྱི་འབྲེལ་པ་ཡོད་པའི་ཆོས་སྐྱོང་ཞིག་ཡིན་འདྲ་བས་ཤིན་ཏུ་འགོ་ཞིང་རྗེས་གནང་བྱེད་རེས་ཀྱང་འཚུབ་ལྷོངས་ཀྱི་རྣམ་པ་རེ་ངེས་པར་ཡོང་བའི་དམ་དོག་ཆེ་ཙམ་དགོས་པ་འདུག་ཅེས་རྗེ་བཀའ་འགྱུར་བ་སོགས་ལ་གསུང་བ་ནི་འཁྲུལ་ཞིག་རིན་པོ་ཆེས་ཞ་ལུའི་གདན་ས་མཛད་དུས་ཆོས་སྐྱོང་འདི་ཉིད་ལ་གཙོ་བོར་མཛད་པའི་…

མཁྱེན་བརྩེའི་དབང་ཕྱུག་ཡབ་སྲས་དབང་མ་གྲོལ་བར་བཞུགས་ནས་དབང་བསྐུར་བའི་ཆོ་ག་མཛད་ཀྱིན་འདུག་པ་ལ་ཁོང་ཡབ་སྲས་ཀྱིས་དབང་ཚིག་ཇི་ལྟ་བ་བཞིན་ཁྱེད་རྣམས་ལ་བཤད་པ་ཡིན་ཨང་། དེ་འདྲའི་དགའ་བ་ལ་ཨང་། ཞེས་གསུངས་པ་ནི་བསྟན་པ་རིན་པོ་ཆེ་སྲིད་མཐར་མི་ཉམས་པ་ལ་བླ་མ་རྣམ་གཉིས་མཉེས་པར་སྣང་། ཚར་ཆེན་གྱི་གསུང་མགུར་ལས། ང་དལ་འབྱོར་རྡོ་རྗེའི…

འགྲན་ཟླ་ཀུན་དང་བྲལ་བ་ཡིན། །ཞེས་ཚར་ཆེན་གྱི་གསུང་མགུར་ལས་བྱུང་བ་དང་མཚུངས་པར་སེམས། སྐུ་ན་གཞོན་དུས་ནས་རབ་ཏུ་བྱུང་བ་གནང་བཞེད་ཆེ་ཞིང་འཇམ་དབྱངས་བྱང་གླིང་བཀྲ་ཤིས་རྒྱལ་མཚན་གྱིས་ཀྱང་སྐུ་ཆོས་གནང་བ་འགབ་ཚུལ་དང་། ངེད་རང་གྲ་རྐྱང་ཡིན་ཡང་བྲང་ཁང་དབང་ཆས་སོགས་ཕྱི་ནང་ཀུན་ཕུགས་འཇགས་རྩིས་ཀྱི་ལྷན་དུ་བཞུགས་ན་ཡོང་བ་སོགས་ཀྱི་…

གི་ལྷག་མ་ལྟ་བུར་གྱུར་ནས་ངེད་རྣམས་སུ་ལ་རེ་ཞེས་ནན་ཏན་ཆེན་པོས་གཤོལ་བཏབ་པ་ནི། ཤཱ་རིའི་བུའི་སྨོན་ལམ་དུ།་ཧ་ཅང་ཕྱུག་པོའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེས་ནས་ཀྱང་། །རབ་ཏུ་བྱུང་བ་བྱེད་པར་ཤོག །ཅེས་པའི་དོན་བཞིན་སྡེ་པ་གནས་གསར་བ་ཞེས་རྒྱལ་སྲིད་ཀྱི་སྙན་གྲགས་དང་རེ་དོགས་ཀྱི་དབང་གིས་རེ…