ལས། ཉ་དང་ཞེས་པ་ནི། དཔེར་ན་ཉ་འཛིན་ཙ་ན་ལྕགས་ཀྱུའི་རྩེ་མོ་ལ་ཤ་བཏགས་ནས་ཆུའི་གཏིང་དུ་བཏང་བས་ཉ་དམར་དད་ཆེ་བས་ཤ་ལ་ཁྱུར་མིད་བྱས་པས་གྲེ་བར་ལྕགས་ཀྱུ་ཟུག་ནས་དེ་སྐམ་སར་དྲངས་ནས་གསོད་དེ་ཉ་རོས་ཕུང་བའོ། །དེ་བཞིན་དུ་འོ་སྐོལ་ཡང་ལྕེ་རོའི་རྗེས་སུ་འབྲང་འབྲང་ནས་ཉོན་མོངས་ལྕགས་ཀྱུས་ཟིན་ཏེ་ངན་སོང་གི་གྲུ་བར་འཚོད་པར་མཆི་ན་གསུང…

ཕུང་བའོ། དེ་བཞིན་དུ་འོ་སྐོལ་ཡང་ཚེ་འདིའི་གྲགས་སྙན་གྱི་རྗེས་སུ་འབྲང་འབྲང་ནས་ཆགས་སྡང་གི་རྔོན་པས་གསོད་གསུང་། སློབ་དཔོན་དབྱིག་གཉེན་གྱི་ཞལ་ནས། རི་དྭགས་ཉིད་ནི་སྒྲ་ཙམ་གྱིས། །རེག་པས་གླང་པོ་བརླག་པར་འགྱུར། །གཟུགས་ཉིད་ཀྱིས་ནི་ཕྱེ་ལེབ་སྟེ། །རོ་ཡི་ཉ་ཉིད་རྣམ་པར་བརླག །བུང་བ་དྲི་ལ་ཆགས་པས་ཏེ། །འདི་དག་རྒྱུ་ནི་རེ་རེ་ཡི…

ཞེས་གསུངས་པའི་ཚད་བསྟན་དུ་ཡོད་དེ། ལྷ་མིའི་གཙོ་བོ་རྣམས་ཀྱི་བདེ་བས་མཚོན་སྲིད་པ་འཁོར་བ་འདིར་ཉམས་སུ་མྱོང་བར་བྱ་བའི་འདོད་པའི་ཡོན་ཏན་ལྔ་སོགས་ཕུན་སུམ་ཚོགས་པ་གང་ལའང་སྐྱུགས་ནད་ཅན་གཟན་མཐོང་བ་ལྟར་ཡིད་ལ་རེ་བའི་སྨོན་པ་སྐད་ཅིག་ཙམ་ཡང་རྒྱུད་ལ་མི་སྐྱེ་ཞིང་ཡིད་བརྟན་དུ་མི་རུང་བའི་འཁོར་བ་ལས་ཅི་ནས་ཀྱང་ཐར་པ་ཞིག་བྱས་ཏེ་མྱ་…

བཞིན་སྔར་བཤད་པའི་ངེས་འབྱུང་གི་བསམ་པས་དྲངས་ནས་གདུལ་བྱ་རིགས་ཅན་གང་གི་ལམ་དུའང་འཇུག་པས་མར་ངེས་ལ། ས་བོན་གྲོ་བཏབ་པ་དང་ཕ་རྒྱལ་པོ་ལྟ་བུ་ལ་མྱུ་གུ་དང་བུ་ཡང་རིགས་མི་འཆོལ་བ་ཁོ་ནར་འབྱུང་བ་ལྟར་སེམས་བསྐྱེད་ཀྱི་རྩིས་ཟིན་ནས་ཐེག་པ་ཆེན་པོའི་ལམ་ལས་གཞན་དུ་མི་འགྱུར་བའི་ཕྱིར་སངས་རྒྱས་ཀྱི་རྒྱུ་ཐུན་མོང་མ་ཡིན་པས་ན། སྡོང་པོ་བ…

མང་པོར་ཉེ་དུར་འབྲེལ་ཞིང་ཁྱད་པར་མར་གྱུར་ནས་ཐབས་སྣ་ཚོགས་ཀྱིས་གནོད་པ་ལས་བསྐྱབས་ཤིང་ཕན་པ་བསྒྲུབས་པའི་རིས་མེད་ཀྱི་སེམས་ཅན་རྣམས་འཁོར་བ་ལས་བསྒྲལ་ཞིང་ཐར་པའི་བདེ་བ་ལ་འགོད་པའི་ཆེད་དུ་བསམ་པ་བྱང་ཆུབ་ཏུ་སེམས་བསྐྱེད། སྦྱོར་བ་ཕྱིན་དྲུག་ལ་བསླབ་པ་ནི་ཐེག་པ་ཆེན་པོའི་གཞུང་ཤིང་ཡིན་ཅིང་བསམ་སྦྱོར་དེ་ལྟ་བུ་དང་ལྡན་ན་ཆོས་ཁྱད…

ལྷག་པའི་བསམ་པ་ཡང་འཁྲུགས་ན་དེ་ཙམ་གྱིས་ནི་དེ་ཚུལ་ཁྲིམས་དང་ལྡན་པ་ཞེས་མི་བྱའོ། །གང་གི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཉན་ཐོས་ཀྱི་ཚུལ་ཁྲིམས་ལ་གནས་ན། དེ་བྱང་ཆུབ་སེམས་དཔའ་ཞེས་མི་བརྗོད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་འགལ་བའི་ཕྱིར་རོ། །ཞེས་གསུངས་པས་སེམས་བསྐྱེད་ནས་གཞན་དོན་…

བཅས་པའི་དུས་འདིར་བླ་མའི་གདམས་ངག་མཉན་ནས་འདོད་པ་ལ་བསྲན་ཚུགས་པས་ནམ་ཞིག་ལས་དང་ཉོན་མོངས་པ་མཐའ་དག་ཞི། འདོད་པའི་ཆགས་སྲེད་ཀྱིས་གདུངས་པ་སངས་ཙ་ན་འདོད་ཡོན་ལ་སྤྱད་ཀྱང་མི་གནོད་དེ། སླར་ས་གོང་ནས་གོང་དུ་འཕར་བའི་གྲོགས་སུ་འགྲོ་བ་ཡིན། ཞེས་འབྱུང་བས་འདོད་ཡོན་ལམ་དུ་འགྲོ་མི་འགྲོའི་དུས་འཚམས་ཤེས་དགོས་ཤིང་། རྣམ་དཀར་གྱི་ལས་སྟ…

སེམས་ཀྱི་ཡོན་ཏན་གོང་ནས་གོང་དུ་འཕེལ་བ་ལ་བརྩི་བ་ཡིན་གསུང་། ཆུ་ཤིང་ཞེས་པ་ནི། དཔེར་ན་ཆུ་ཤིང་གི་རིགས་རྣམས་རང་གི་འབྲས་བུ་སྨིན་པ་དང་རྩད་ནས་བསྐམས་པ་ལྟར་བྱང་ཆུབ་ཀྱི་སེམས་ཀྱིས་མ་ཟིན་པའི་དགེ་བའི་རྩ་བ་ནི་ལྷ་མིའམ་ཉན་ཐོས་སམ། རང་སངས་རྒྱས་ཀྱི་བྱང་ཆུབ་ཙམ་ཞིག་ཐོབ་པ་དང་དེའི་ནུས་པ་གཏན་ཟད་དུ་འགྲོ་སྟེ། དགེ་བ་གཞན་ཀུན་ཆུ་ཤ…

གྱི་སེམས་ཅན་ཐམས་ཅད་ཀྱི་བྱས་པ་ཤེས་ཤིང་དྲིན་དུ་གཟོ་བ་ཡིན་ཅེས་གསུང་། འབུ་སྲིན་གཡག་ཙམ་ཞེས་པ་ནི། དང་པོ་རྩ་བའི་མས་བྱས་པ་ཤེས་ཤིང་དྲིན་དུ་གཟོ་བ་བསྟན་པ་ནི། འོ་སྐོལ་དང་པོ་མ་ལ་བཙས་མ་ཐག་ཏུ་འབུ་སྲིན་ལྟ་བུ་འཇིགས་ལ་སྐྱུག་བྲོ་བ་ཕ་མས་བརྩེ་བས་པང་དུ་བླངས། ཤའི་དྲོད་ལ་གླན། མར་གྱི་ལྡེ་གུ་བྱིན། ནུ་ཞོ་རན་པ་བླུད། བྱམས་པའི་མ…

ཁྱབ་པ་འདུ་བྱེད་ཀྱི་སྡུག་བསྔལ་ཏེ་སྡུག་བསྔལ་གསུམ་གྱིས་གནོད་པ་སྐད་ཅིག་ཀྱང་རྒྱུན་ཆད་པ་མེད་པར་མནར་བ་ལ་བརྟེན་ནས་ཆེས་བཟོད་པར་དཀའ་བའི་ཡུལ་ཉམ་ཐག་པའི་གནས་སྐབས་ཏེ་སྣང་ཚུལ་འདི་འདྲ་བར་གྱུར་པའི་ཕྱིར། རྟགས་གྲུབ་སྟེ། རི་གཟར་གྱི་འབབ་ཆུ་ལྟར་ཆུ་ལོན་གྱིས་དགག་པར་དཀའ་བ་ཤུགས་ཤིན་ཏུ་དྲག་པའི་སྐྱེ་རྒ་ན་འཆིའི་ཆུ་བོ་བཞི་ཡིས་ཅུ…

པའི་ཐབས་ལ་རིགས་པ་བརྒྱ་ཕྲག་དུ་མའི་སྒོ་ནས་འབད་པར་བྱེད་དགོས་ཏེ། སྔར་བཤད་པའི་ངེས་འབྱུང་དང་བྱང་ཆུབ་ཀྱི་སེམས་ཀྱི་རིམ་པ་ལ་ཇི་ཙམ་གྱི་བར་དུ་གོམས་པར་བྱས་ཀྱང་ཆོས་རྣམས་ཀྱི་གནས་ལུགས་ཕྱིན་ཅི་མ་ལོག་པར་ངེས་པའི་བདག་མེད་རྟོགས་པའི་ཤེས་རབ་དང་མི་ལྡན་ན། སྲིད་པ་འཁོར་བའི་སྡུག་བསྔལ་ཀུན་གྱི་རྩ་བ་བདག་ཏུ་འཛིན་པའི་ཞེན་ཡུལ་སུན་ད…

ཙམ་ཡང་མེད་པར་རིག་པས་ཀུན་ནས་ཞིག་པ་སྟེ་ཁས་ལེན་དང་བྲལ་བ་དེ་ནི་ཡིན་པའི་ཕྱིར་རོ། །གསུམ་པ་སྣང་སྟོང་ཟུང་དུ་འབྲེལ་དགོས་པ་ནི། དྲང་དོན་གྱི་སྣང་བ་ཚུལ་ཁྲིམས་བསྲུངས་པ་ལ་བརྟེན་ནས་མངོན་མཐོའི་གོ་འཕང་དང་མ་བྱིན་པར་བླངས་པས་ཡི་དྭགས་སུ་སྐྱེ་བ་ལྟ་བུས་མཚོན་པའི་རྒྱུ་འབྲས་རྟེན་ཅིང་འབྲེལ་པར་འབྱུང་བའི་རྣམ་གཞག་ནམ་ཡང་བསླུ་བ་མེད…

ཐལ་འགྱུར་བའི་ལུགས་ཀྱི་ལྟ་བ་རྟོགས་པའི་དུས་མེད་པ་དེའི་ཕྱིར་རོ། །བཞི་པ་བསྒོམས་པ་ལ་བརྟེན་ནས་དཔྱད་པ་རྫོགས་ཚུལ་ནི། ཤེས་བྱ་ཆོས་ཅན། མགོན་པོ་ཀླུ་སྒྲུབ་གྱི་རྗེས་འབྲངས་རྣམས་ཀྱི་ནང་ནས་འཁྲུལ་པ་མེད་པའི་ལུགས་འཛིན་པ་དཔལ་ལྡན་ཟླ་བའི་ཞབས་ཀྱིས་བཀྲལ་བའི་ཟབ་མོ་རྟེན་ཅིང་འབྲེལ་བར་འབྱུང་བའི་དབུ་མའི་དོན་རང་རྒྱུད་ལ་ཐེ་ཚོམ་དང་…

ཕྱིར་རོ། །གཉིས་པ་སྤྱི་དོན་ནི། སློབ་དཔོན་ཟླ་བ་གྲགས་པའི་ཞལ་སྔ་ནས། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་བྱུང་གྱུར་པ་སྟེ། དེ་གཉིས་རྣམ་དབྱེ་གང་གིས་མི་ཤེས་པ། །དེ་ནི་རྣམ་རྟོག་ལོག་པའི་ལམ་ངན་ཞུགས། །ཞེས་གཞིའི་ལྟ་བ་ཀུན་རྫོབ་བདེན་པ་སྣང་བའི་ཆོས་རྣམས་ཐ་སྙད་དུ་གྲུབ་ཅིང་རྒྱུ་འབྲས་མི་བསླུ་བའི་རྟེན་ཅིང་…

འབྱེད་པའི་ཤེས་རབ་ཀྱིས་བདེན་འཛིན་གྱི་ཞེན་ཡུལ་སུན་མ་ཕྱུངས་ན་གཞན་དག་གིས་བདག་མེད་རྟོགས་མི་ནུས་པའི་ཕྱིར། དཔེ་འགྲེལ་ལས། སྐྱེས་བུ་མིག་ཅན་ཞེས་པ་ནི། དཔེར་ན་སྐྱེས་བུ་མིག་དང་ལྡན་པ་ཞིག་གིས་ལམ་སྣ་དྲངས་ན་དམུས་ལོང་བརྒྱ་ཕྲག་དུ་མས་ཀྱང་གྲོང་ཁྱེར་ལ་སོགས་པ་གང་འདོད་དུ་འགྲོ་ནུས་པ་ཡིན། དཔེ་དེ་བཞིན་དུ་ཤེས་རབ་སྟོང་པ་ཉིད་ཀྱི…

རབ་ཆེ་བའི་རྒྱུ་རུ་འགྲོ་སྟེ། ཤཱ་རིའི་བུས་སྔོན་ཚེམ་བུ་བ་ཞིག་ལ་ཁབ་ཅིག་དང་སྐུད་པ་ཕུལ་བས་འཛམ་བུ་གླིང་ན་ཤེས་རབ་ཆེ་བ་ཞིག་བྱུང་གསུང་། བདུད་རྩི་ཞེས་པ་ནི། དཔེར་ན་དུག་བུམ་པ་གང་གི་ནང་དུ་བདུད་རྩི་ཐིགས་པ་གཅིག་བླུགས་ན་དུག་དེ་ཐམས་ཅད་ཀྱང་སྨན་དུ་འགྱུར་རོ། །དཔེ་དེ་བཞིན་དུ་འོ་སྐོལ་གྱི་བདག་ཏུ་འཛིན་པ་དུག་བུམ་པ་གང་དང་འདྲ་…

མ་ཐལ་འགྱུར་བའི་ཐུན་མོང་མ་ཡིན་པའི་ལུགས་ཡིན་ནོ་ཞེས་པ་སྟེ། རྩ་ཤེའི་རབ་བྱེད་ཉེར་བཞི་པ་ལས། སྐྱོན་དུ་ཐལ་བར་འགྱུར་བ་ནི། །སྟོང་ལ་འཐད་པ་མ་ཡིན་པས། ཁྱོད་ནི་སྟོང་ཉིད་སྤོང་བྱེད་པ། །གང་དེ་ང་ལ་མི་འཐད་དོ། །གང་ལ་སྟོང་པ་ཉིད་རུང་བ། །དེ་ལ་ཐམས་ཅད་རུང་བར་འགྱུར། །གང་ལ་སྟོང་ཉིད་མི་རུང་བ། །དེ་ལ་ཐམས་ཅད་མི་རུང་འགྱུར། །ཞེས་དང་…

པ་བཅོས་མ་མ་ཡིན་པ་སྐྱེས་པ་ཞིག་དགོས། དེ་ནས་འཇིག་ལྟ་ལྡོག་པ་དེ་ངོས་བཟུང་བའི་བདག་མེད་པར་རྟོགས་པའི་ཤེས་རབ་སྐྱེ་བ་ལ་རག་ལས་པར་མཐོང་ནས་བདག་དེ་དགག་དགོས་པར་མཐོང་སྟེ། བདག་དེ་ཡོད་པ་ལ་གནོད་བྱེད་དང་མེད་པའི་སྒྲུབ་བྱེད་ཀྱི་ལུང་དང་རིག་པ་ལ་བརྟེན་ནས་ངེས་པ་རྙེད་པ་ཞིག་ཐར་པ་དོན་དུ་གཉེར་ན་མེད་པའི་ཐབས་མེད་དོ། དེ་ལྟར་བདག་དང་…

ཅིའི་རྩ་བ་ཅན་ཡིན་ཅེས་དེ་ལྟར་ཉེ་བར་རྟོག་པར་བྱེད་ལ། དེ་དེ་ལྟར་ཉེ་བར་རྟོག་པ་ན་འཁོར་བ་འཇིག་ཚོགས་ལ་ལྟ་བའི་རྩ་བ་ཅན་ཉིད་དུ་མཐོང་ཞིང་བདག་ནི་འཇིག་ཚོགས་ལ་ལྟ་བ་དེའི་དམིགས་པ་ཡིན་པར་མཐོང་ལ་བདག་ལ་དམིགས་པས་འཇིག་ཚོགས་ལ་ལྟ་བ་སྤོང་ཞིང་། དེ་སྤངས་པས་ཉོན་མོངས་པ་དང་སྐྱོན་མ་ལུས་པ་ལྡོག་པར་མཐོང་བས་གང་ཞིག་བདག་ཏུ་འཛིན་པའི་ཡུལ…

པའི་དོན་མོ་གཤམ་གྱི་བུ་མི་སྲིད་ན་བུ་དེའི་མིག་རྣ་ལ་སོགས་པ་མེད་པ་ཤུགས་ལ་ཁེགས་པ་ལྟར་གཞི་གང་ཟག་གི་བདག་མེད་པར་དེའི་ཁྱད་ཆོས་ཕུང་པོ་ལྔ་སོགས་མེད་པར་རྟོགས་ནུས་པས་སོ། །བདག་མེད་ཀྱི་དོན་ཇི་ལྟར་བསྒོམ་ན། ཇི་སྐད་དུ། མཉམ་གཞག་ནམ་མཁའ་ལྟ་བུའི་སྟོང་ཉིད་དང་། །རྗེས་ཐོབ་སྒྱུ་མ་ལྟ་བུའི་སྟོང་པ་གཉིས། །བསྒོམས་ནས་ཐབས་ཤེས་ཟུང་དུ…