གཏོར་རྒྱ་ཆེར་བཤམས། བདག་བྱང་ཕྱོགས་ཀྱི་ཡུལ་ཁམས་ཁྲི་བརྟན་དང་། ཕྱོགས་ཐམས་ཅད་དུ་དམག་དཔོན་ལ་གཏོང་ན་བདག་དང་དམག་སྡེ་ཐམས་ཅད་ཀྱི་ཚེ་སྲོག་ལ་བར་ཆད་མེད་པར་ཕྱོགས་ཀྱི་སོ་ཁ་ཐམས་ཅད་ཐུལ་ནས་ཡབ་རྒྱལ་པོའི་དགོངས་པ་རྫོགས་པ་དང་། ས་ཕྱོགས་ཐམས་ཅད་དུ་བདེ་ལེགས་འབྱུང་པའི་ཐབས་དང་རྟེན་འབྲེལ་མཛད་དགོས་ཞེས་ཞུས་ཤིང་། ཡབ་རྒྱལ་པོ་སོགས་ཀ…

ལ་ཁྲི་རེ་འབྲངས་པའི་ཚོ་པ་བཅུ། ནུབ་ཕྱོགས་ནས་མི་ལུས་བྱེ་བའི་མཇུག་ཅན་གཅེར་བུ་གཡས་སྨྱུག་མདུང་དང་གཡོན་གོ་ཕུབ་ཐོགས་པའི་དམག་དར་རེའི་ཕྱིར་ཁྲི་རེ་འབྲངས་པའི་ཚོ་པ་བཅུ་གཉིས། བྱང་རྣ་བོ་ཆེ་བོང་བུའི་རྒྱལ་ཁམས་ནས་མི་ལུས་བོང་བུའི་རྣ་བ་ཅན་གྱི་དམག་དར་རེའི་ཕྱི་ལ་ཁྲི་རེ་འབྲངས་པའི་ཚོ་པ་བཅུ་གསུམ་རྣམས་བྱུང་། དེ་རྣམས་གཟིགས་པས…

ཁང་ཚོགས་སུ་བཞུགས་པའི་གྲགས་པ་ཆེ། བཀའ་གཏེར་གཉིས་ཀའི་རྗེས་གནང་དང་ལུང་སོགས་ཀྱང་རྡོ་རྗེ་འཆང་ཚར་པ་ཆོས་རྗེ་ནས་བརྒྱུད་དེ་དེང་སང་གི་བར་དུ་དར་རྒྱས་སུ་མཛད་པས་ཁུངས་དང་འབྲེལ། ལྷ་སྲས་ཀྱིས་དམག་རྫས་རྣམས་མངའ་བདག་ལ་ཕུལ་བས་མཉེས་ཤིང་བར་དེར་ལོ་བཅུ་སོང་། མཆིམས་ཕུར་སློབ་དཔོན་པདྨའི་དྲུང་དུ་སྡིག་པ་བཤགས་ཤིང་རྡོ་རྗེ་གཞོན་ནུའི…

དྲངས་པའི་ཆོས་བདག་སྤྱི་གཏེར་ལུང་བསྟན་ལས་ཀྱང་། མ་འོངས་དུས་སུ་འགྲོ་བའི་དོན་ཉིད་དུ། །ཟབ་མོའི་གཏེར་ཤོག་ཟུང་དུ་འབྲེལ་བ་གཉིས། །སྟེང་ཁང་སྙིང་སྒྲོམ་དབུས་སུ་རྒྱ་ཡིས་བསྡམས། ཕྱི་མའང་ཆོས་རྒྱལ་སྟོབས་ལྡན་བརྟུལ་ཞུགས་ཅན། །གནོད་སྦྱིན་དྲག་པོ་ཤིང་བྱ་ཅན་གྱིས་ཀྱང་། །དེ་ཡི་བཀའ་ལས་འདའ་བར་མི་ནུས་པའི། པདྨ་དབང་རྒྱལ་རོལ་པ་རྩལ་…

བསམ་ཡས་སུ་ཡུན་རིང་པོར་སྟན་ཆགས་ཤིང་མཁན་ཆེན་བྷོ་དྷི་ས་ཏཱའི་བཞུགས་ཁྲིའི་སྟེང་ནས་ཆོས་གསུངས་པའི་ཚེ་ཆོས་སྐྱོང་རྣམ་གཉིས་མིའི་གཟུགས་སུ་སྤྲུལ་ནས་ཆོས་ཉན་པ་སོགས་བཀའ་ཚུལ་བཞིན་དུ་བསྒྲུབས་པའི་ལོ་རྒྱུས་མང་བ་དང་གཙུག་ལག་ཁང་ལ་སྲི་ཞུ་མཛད་པས། །དགོངས་འདུས་ལུང་བསྟན་བཀའ་རྒྱ་ལས། །ཐུགས་རྗེས་མཁས་མཆོག་བྷོ་དྷི་ས་ཏཱ་ཡང་། །ལས་ཀྱ…

ཕེབས། ས་ཕོ་ཁྱིའི་ལོ་སྡིག་ཁྲབ་སྒྲོག་པ་སོགས་ལ་བསྟན་པ་སྤྱི་དང་ངོར་རྫོང་གོང་དཀར་བ་སོགས་ས་སྐྱ་ཚད་ཀྱི་ཟབ་ཆོས་ལ་མཁྱེན་པའི་སྤྱན་ཡངས་ཤིང་ཡང་སྒོས་ཡབ་ཆོས་བདག་ཆེན་རྡོ་རྗེ་འཆང་གི་རིང་ལུགས་ཐུགས་གྱི་དཔལ་བེའུ་འཆང་བའི་སྔགས་འཆང་བླ་མ་སེམས་དཔའ་ཆེན་པོ་ངག་དབང་ཀུན་དགའ་བསོད་ནམས་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ་ཆོས་སྐྱོང་…

མའི་རབ་ཏུ་གནས་པ་ཡིན་པས་རེ་ཞིག་ཉམས་གསོས་དགོས་པ་མེད་པས་བྱས་ན་མི་ཡོང་ཚུལ་ཞབས་དྲུང་རིན་པོ་ཆེའི་དགོངས་བཅད་རང་གི་པར་བཀབ་མེད་པའི་ཕྱག་མཛོད་ཀོ་ལྕགས་པ་སྟངས་ཚུགས་བཟང་བའི་བཀའ་བགྲོས་ཀྱི་དབང་དུ་སོང་འདྲ་བ་དེ་བཞིན་ལ་ཆོས་སྐྱོང་རྣམ་གཉིས་མ་མཉེས་བཞིན་དུ་གདན་སར་འཇོག་ཆེས་པའི་སྐོར་ཅིག་བྱེད་མི་དགོས་པའི་ཕྱོགས་ཀྱི་མཛེས་ལམ་དུ…

ཏོག་འཐོར་རྒྱུ་ཞིག་གཞག་པས་འཐུས། སླར་ལེགས་པར་གྲུབ་ནས་རབ་གནས་ལ་ཤོག་གསུངས་པར་སྣང་། ཤིང་ཡོས་ཀྱི་དབྱར་སྨད་མཁར་ལས་འཛུགས་རྩིས་ལ་དཀར་མོའི་འབྲུ་དྲུག་མ་བསྡུས་གོང་དུ་ས་རྡོ་དང་ཤིང་གི་སྟ་གོན་མ་གཏོགས་གནས་ཁང་བཤིག་པ་མི་འགབ་པར་ལུང་བསྟན། རྒྱ་ཁྱོན་བཟོ་དབྱིབས་སོགས་ཇི་ལྟར་བྱ་བའི་ཞུ་ལེན་དུ་སྔར་གྱི་གནས་ཁང་གི་རྒྱ་ཁྱོན་སོར་ག…

ཡོད་སྣང་བ་ཐོག་མ་ནས་བླ་ཆེན་སྤྱིའི་རྣམ་ཐར་གྱི་མཚན་ཉིད་ལྟར་ཟལ་ཟོག་ཅན་ནམ་རྗེས་སུ་ཞིག་པ་ཇི་ལྟར་ཡང་དིང་སང་གྲུལ་ཐུབ་ཡོད་རིགས་མིན་འདྲ་བས། སྡུག་འདྲེའི་རྟེན་རྫས་མདོས་སོགས་རྒྱུད་མན་ངག་དང་མཐུན་པའི་རྒྱས་པ་ཞིག་སྡུག་འདྲེའི་གསང་བའི་བཀོད་པ་བྱེད་སར་དགེ་བཤེས་རང་གིས་འཛུགས་ཐུབ་པ་ཨེ་ཡོང་། མི་ཡོང་ན་གཞན་ཞིག་ལ་འཆོལ་དགོས་འདུ…

འདུལ་ཚགས་པ་གཉིས་ཀྱིས་ཟླ་བ་གསུམ། །རྫ་མཁན་བཅོ་བརྒྱད་ཀྱིས་ཟླ་བ་ལྔ། །གཡུར་རྩི་བ་བཞིས་ལོ་གཅིག་དང་ཟླ་བ་གསུམ། །དོ་དམ་པ་བཅུས་ཟླ་བ་ཕྱེད་བཅུ་གཉིས་རྣམས་ཀྱི་ཕོགས་ཡོན། སྐུ་འདྲ་མཆོད་རྫས་ཀྱི་རྒྱུ། ལྷོ་བྱང་མི་སེར་ལ་ཆས་ཐེབས། གེགས་སེལ་རིམ་གྲོ། རབ་གནས་ཀྱི་ཞབས་ཏོག་དང་ཡོན་སོགས་ཆེ་ཕྲ་ཁྱོན་དྲིལ་བར་སྡེ་པ་ཐའི་ཇི་རང་གི་ཝ་ནག་…

དཀར་སོར་གསུམ་ཙམ་གཅིག་དང་གཡུ་ཕྲ་ཆེ་ཆུང་བསྡོམས་པ་བརྒྱ་ཞེ་བཞི། བྱུ་རུ་ཀོང་རྣ་ཉན་པ་བཅུ་གཉིས། འབྲིང་བཞི་བརྒྱ་ཉེར་བཞི། བུར་ལེན་ཆེ་ཆུང་འདྲེས་པ་ང་བདུན། ཧོར་ཤེལ་གཅིག །མུ་མེན་ཆེ་ཆུང་ཉེར་དྲུག །ནལ་ཆེ་ཆུང་ཉེར་གསུམ། པད་རཱག་མིང་ཅན་གཅིག །མཆོང་སྣ་ཚོགས་ཉེར་གསུམ། བླུག་ཤེལ་སྣ་ཚོགས་སུམ་བརྒྱ་སོ་དྲུག །དྲིལ་བུ་རེ་གཅིག །གུ་…

བ་ཁལ་ཕྱེད་བདུན། འབྲས་ཁལ་ཕྱེད་དྲུག །སྤོས་དཀར་ཁལ་ཕྱེད་གཉིས། སྤོས་རེང་བརྒྱ་ཁྲེས་སོ་དྲུག །ཆག་བུབས་ཉིས་བརྒྱ་ཉེར་གཅིག །ཆུང་ཁོག་ཆིག་སྟོང་བརྒྱད་བརྒྱ་ང་དགུ །ཕོ་རྟ་དགུ །བཙག་འདེགས་ཁལ་ང་བདུན། སྤྱིན་ཟངས་མགོའི་ཁལ་བརྒྱ་ཕྱེད་སོ་ལྔ། སྲ་རྩི་ཁལ་བཅུ་གཅིག །ཤོག་བུ་འདེགས་ཁལ་དྲུག །གསོ་མ་འདེགས་ཁལ་ཉེར་གསུམ། ཚག་ཀོ་སོ་བཞི། སོལ…

དུང་དཀར་གཅིག །ཁྲོའི་ཀ་ལི་ཁེབས་བཅས་གཅིག །དཀར་ཡོལ་གཉིས། རྒྱ་རག་གི་ཀོང་ཆུང་གཅིག །གསེར་ཟངས་ཀྱི་མེ་དམ་ཆ་གཉིས། ལྕགས་ཀྱི་ལྡིང་སྦོས་གཅིག་དང་མཉྫི་གསུམ། ཁ་བཏགས་ཀྱི་ཡོལ་བ་གཅིག །རས་ཡོལ་གཉིས། གྲུམ་ཚེ་གཅིག །རས་གདན་གཅིག །སྒོ་ལྕགས་ལྡེ་བཅས་ཉེར་བཞི། གཡུ་རྩིའི་རྒྱུར་ཟེ་ཚ་ཞུ་བཏུལ་བྱས་པ་ཁལ་ཕྱེད་རེ་གཉིས། ཚལ་དཀར་ཁལ་བཞི་བར…

བཟོ་བོ་སྤྱིར་ཁ་བཏགས་གསུམ་དང་བདུན་ཚན། རྡོ་རྗེ་བྲག་སྤྲུལ་སྐུ་རིན་པོ་ཆེས་ཐའི་ཇིར་མགུལ་དར་དང་དགུ་ཚན་བཞི། བཟོ་རིགས་པར་སྟོན་མོ། དགུ་ཚན་གཉིས། ཡང་བཟོ་རིགས་དོ་དམ་བཅས་པར་བདུན་ཚན་གསུམ་དང་དབུ་མཛད་གཉིས་ལ་ལྦ་དར། འུ་ལག་ཉིས་བརྒྱ་ལྔ་བཅུ་སྐོར་ལ་ཇ་ཆང་གང་འཐུང་། འོན་མངའ་རིས་གྲ་ཚང་ནས་དཔོན་གཡོག་འཁོར་བཅས་དང་བཟོ་བོ་རྣམས་ལ་ཇ…

ཚན་བཀྲ་ཤིས་སྒང་པའི་བདུན་ཚན། ཐའི་ཇི་རང་གི་དྲུང་འཁོར་སྤྱིས་བརྟན་བཞུགས་དང་འབྲེལ་བའི་ཚོགས་འཁོར་བཟབས་རྒྱས། ཁ་བཏགས་རེ་དྲུག་དང་བདུན་ཚན། དཔལ་རི་སྤྲུལ་སྐུས་ཆང་བན་སུམ་ཅུ། བཞེས་སྤྲོ་སྣོད་མགོ་བཅུ་གཅིག །དགུ་ཚན་གཉིས། དབུ་མཛད་རྣམ་གྲོལ་བཀྲ་ཤིས་ཀྱིས་དགུ་ཚན། གསོལ་དཔོན་གྱིས་བདུན་ཚན། མཁན་ཚང་པས་ཆང་བན་བཅུ་བཞི། བཞེས་སྤྲོ་…

ཡས་བཞེངས་བའི་དུས་དགའ་གླུ་བཅུ་གསུམ་དུ་གྲགས་པ་བླངས་པ་ནི། །དེ་ལྟར་མི་རྗེ་ལྷས་མཛད་པ། །ཆོས་རྒྱལ་ཁྲི་སྲོང་ལྡེ་བཙན་དེས། །རིན་ཅེན་ཁྲི་ལ་བཞེངས་ནས་ནི། །རྒྱལ་པོ་དགྱེས་པའི་གླུ་བླངས་པ། །ང་ཡི་དབུ་རྩེ་རིགས་གསུམ་འདི། །རིན་ཅེན་སྣ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ། །མཐོང་བ་ཙམ་གྱིས་ཉམས…

བ་འདྲ། །ང་ཡི་བཙུན་མོ་གླིང་གསུམ་འདི། །གཡུ་ཡི་མཎྜལ་བཀོད་པ་འདྲ། །ང་ཡི་མཆོད་རྟེན་དཀར་པོ་འདི། །དུང་དཀར་གཡས་སུ་འཁྱིལ་བ་འདྲ། །ང་ཡི་མཆོད་རྟེན་དམར་པོ་འདི། །མེ་ལྕེ་གནམ་ལ་སྙེག་པ་འདྲ། །ང་ཡི་མཆོད་རྟེན་སྔོན་པོ་འདི། །གཡུ་ཡི་ཀ་བ་བཙུགས་པ་འདྲ། །ང་ཡི་མཆོད་རྟེན་ནག་པོ་འདི། །ལྕགས་ཕུར་ས་ལ་བཏབ་པ་འདྲ། །ང་ཡི་མཆོད་རྟེན་ངོ་མཚར…

བརྩེགས་ལ། །ལོག་ལྟའི་སྐུར་འདེབས་ན་བུན་ཡོངས་འཁྲིགས་པ། །དངོས་པོའི་གཤིས་ཡིན་གང་གིས་བཅོས་སུ་ཡོད། །ཆོས་རྒྱལ་རིམ་བྱོན་གནྡྷོ་ལ་གསོ་འདུན། །གཞན་བསྒྱུར་དམོད་འབྲས་ལྕགས་གཏུན་མ་སྐྱེས་པར། །འདི་ཕྱིའི་བདེ་སྐྱིད་དཔལ་བེའུ་སྙིང་ག་རུ། །འཁྱིལ་བའི་ཁྱབ་འཇུག་གཉིས་པ་གཞན་དུ་མེད། །འཕགས་བལ་རྒྱ་ཧོར་བོད་འདིར་དཀོན་ཅོག་བླར། །བཀུར་བ…

སྣ་ཚོགས་ཚོན་གྱིས་བསྒྱུར་བའི་མན་ཤེལ་བཞིན། །བསགས་པའི་རྣམ་སྨིན་དཀར་པོའི་འཛག་རྒྱུན་རྣམས། །མཐའ་ཀླས་འགྲོ་ཆེད་བསྔོས་པ་རྫོགས་སངས་རྒྱས། །མ་ཐོབ་བར་དུ་མཛད་པ་མེད་པར་ཤོག །འཇིག་རྟེན་གསུམ་གྱི་སྒྲོན་མེ་གཅིག་པུ་པ། །ཤཱཀྱ་སེང་གེའི་རིང་ལུགས་འོད་པོ་ཆེས། །སྡུག་བསྔལ་དེ་རྒྱུ་ཀུན་འབྱུང་སྨག་གི་རུམ། །སངས་བྱེད་ངེས་ལེགས་སྐྱ་རེང…

བྱིན་སྟན་ལ་བགོ་བཤར་ཤོག །སྲིད་འབྱོར་རྫས་གཞན་ལྟ་ཞོག་མགོ་བོ་ཡན་ལག་མིག་སོགས་ཀྱང་། །གཏོང་བར་ཚོད་མ་ཙམ་ལས་སྐྲག་པའི་ངང་ཚུལ་མི་སེམས་པའི། །ཐུབ་དབང་སློབ་པ་ལམ་གྱི་སྤྱོད་མཆོག་བཟོད་པའི་གོ་ཆ་ཆེ། །བདག་སོགས་ཡིད་ཅན་ཀུན་གྱིས་གྱོན་ནས་བདུད་བཞི་ལས་རྒྱལ་ཤོག །འགྲོ་རྒྱུད་ཉོན་མོངས་གངྒཱའི་ཀླུང་རྡུལ་གྲངས་དང་ཚད་གཟུང་མི་ནུས་པའི།…