ངེས་དོན་ཐུགས་རྩེ་ཅི་ལ་གཏོད། །གཏོད་ན་རྒྱུ་མཚན་ཇི་ལྟར་ཡོད། །དེ་མཚུངས་ཉི་ཟླ་བསྲེས་པ་ཡིས། །སྦྱོར་བ་དག་ཏུ་འགྱུར་མོད་ཀྱང་། །ཉི་ཟླ་སྤྱོད་འགྱུར་ལོངས་སྤྱོད་ནི། །མི་མཚུངས་པས་ན་སྦྱོར་བ་ཉིད། །ཡུལ་ལ་སྤྱོད་དམ་དུས་ལ་སྤྱོད། །ལོངས་སྤྱོད་ཉིན་ཞག་གཅིག་དང་མཚུངས་སམ་ཅི། །གཟའ་ལྔ་ཉིན་ཞག་དང་ནི་ཚེས་སྤྱོད་གཉིས། །སྐྱེས་ཁྱིམ་སྦྱ…

བརྒྱད་ནི་ས་རྒྱང་ཡིན་བརྗོད་པའི། །དེ་ན་མ་བུར་ཕྲད་ན་བཟང་བ་དང་། །དགྲ་གཤེད་ཕྲད་ན་ངན་ཞེས་པ། །འབྱུང་བ་འཐབ་ལུགས་ཇི་ལྟར་དགོས་པར་བཞེད། །རྨེ་བ་བརྒྱད་ཅུ་སྐོར་བ་དག་དང་ནི། །དྲུག་ཅུ་སྐོར་བ་གཉིས་སུ་ཡོད་པ་ལས། །འཇམ་དབྱངས་ཉིད་ཀྱི་གང་ནི་གསུངས་པར་བཞེད། །ངེས་དོན་ཕྱག་ལེན་ད་ལྟ་ཇི་ལྟར་སྐྱོང་། །ཞེས་པ་འདི་རྣམས་ལ་དྲི་བ་གནང་ཡོད…

དཔེར་ན་དྭངས་ཤེལ་སྟེང་། །ཚོན་གཞན་གྱིས་ནི་མདོག་སྒྱུར་བཞིན། །ཉི་མ་བདུན་གྱིས་སྲེག་པ་སོགས། །མེ་ཆུ་རླུང་གིས་བསྐལ་པ་དག །འཇིག་པའི་ཚུལ་གྱི་རྣམ་གཞག་ཀུན། །ཚད་ལྡན་གཞུང་མང་དག་ལས་བཤད། །སྐྱེས་ཁྱིམ་བཤད་ཚུལ་མི་མཐུན་པ། །རི་རབ་དབུས་ཀྱི་ཚངས་ཐིག་ནས། །གཞལ་བའི་ལྷོ་བགྲོད་འགོ་རྩོམ་དང་། །ས་འདིར་བྱེ་བྲག་དབྱེ་བས་འབྱེད། །སྦྱོར་…

དགེ་བསྔོའི་སྨོན་ཚིག་དང་མཇུག་བྱང་།སྨྲས་པ། རྣམ་ཀུན་མཆོག་ལྡན་འགྱུར་མེད་བདེ་ཆེན་དཔྱིད་ཀྱི་དཔལ་མོའི་མངལ་ཁུར་ལས། །མཚན་དཔེའི་མྱུ་གུ་གཡུར་དུ་ཟ་བའི་འཁྲི་ཤིང་གཞོན་ནུ་ལེགས་ལྡན་པར། །གཅིག་ལས་དུ་མར་སྣང་བའི་སྒྱུ་འཕྲུལ་ཕང་ཕུང་འདབ་མ་རྒྱས་པའི་རྩེར། །དངོས་གྲུབ་བྱེ་བའི་འབྲས་བཟང་རབ་དུད་ཡོངས་འདུ་ས་བརྟོལ་དང་པོའི་མགོན། །ཐུ…

ལས་ཉོན་ཐགས་སུ་གྲུབ་པའི་ཁམས་ལྔའི་དར། །བླང་དོར་ཚོན་རིགས་བསྡེབས་པའི་ཟ་འོག་གོས། །འདི་སྣང་ལུས་ལ་རེག་བྱ་འཇམ་པས་བདེ། །སྒྲ་ཚད་བཟོ་གསོའི་རི་མོ་རྣམ་བཀྲ་བའི། །སྨྲ་བའི་སྤོབས་པ་གཟེངས་སུ་མཐོ་བའི་གླུ། །མགྲིན་པའི་འཁོར་ལོའི་དབུས་ནས་བླངས་པའི་དབྱངས། །འགྱུར་ཁུགས་སྙན་པའི་དཔལ་དེ་སྒྲ་འཛིན་དཔྱིད། །ཉེས་བརྒྱའི་ཁུང་བུར་འཁྱིལ་…

སྤྱོད་ལྟར་དོགས་པའི་གནས་ཀུན་བསལ་བར་བྱས། །ཆུ་འཛིན་གསར་པའི་ལང་ལོང་གཡོ་བའི་དབུས། །འབྲུག་སྒྲ་དལ་གྱིས་རྒོད་ཚེ་གཙུག་ཕུད་ཅན། །སྒྲོ་གཤོག་ཟླུམ་པོར་བྱས་ནས་དགའ་བའི་བར། །སྒྱུར་བ་དབྱར་གྱི་རྒྱལ་མོའི་ངང་ཚུལ་ཡིན། །ལོ་པཎ་བརྒྱུད་པའི་ཡང་སྲིད་མཚན་སྙན་ཡང་། །བློ་ལྡན་མདུན་སར་མིག་ཕབ་ངག་བཅད་ནས། །རྔུལ་ཆུའི་མུ་ཏིག་འཕྲེང་བ་འགྲམ…

གནས་ལུགས་མཐའ་ཀླས་པར། །དག་དང་མ་དག་འབྱེད་པའི་སྤོབས་པ་ཐོབ། །དེ་ལྟ་ན་ཡང་མཁས་ལས་བླུན་བྲིན་པའི། །མཐའ་འཁོབ་ཁ་བས་བསྐོར་བའི་བོད་དུ་སྐྱེས། །གཟིག་ལྤགས་གྱོན་པའི་མགྲིན་བཟང་གྲལ་རིང་དེར། །ཉམ་ཆུང་སྔོན་མེད་ཀ་ལ་པིང་ཀ་ཚུད། །འོན་ཏང་ཤར་རིའི་རྩེ་ནས་ཉིན་བྱེད་དབང་། །བགྲང་མེད་ཤར་ཡང་འཛད་མི་ཤེས་པ་ལྟར། །མགྲིན་པའི་ལམ་ནས་ལེགས་བཤ…

ཟུག་པོ་ནས་གཞོན་ནུ་སྐལ་བཟང་པདྨ་དཀར་པོའི་ཞལ་ལུང་གི་སྟེང་ནས་རྒྱུ་མཚན་རྩིས་སོགས་ཀྱི་རིག་པ་དུ་མ་མཐའ་ཆོད་པར་མནོས་ཤིང་། རྒྱ་གར་གྱི་ཆུ་བོ་གངྒ་ཚུན་ཆད་དུ་གནས་ལྔ་རིག་པ་སྨྲ་བ་ལ་ཟླ་མེད་པའི་མཁས་པ་ཆེན་པོ་སྨོན་འགྲོ་ནས་རིག་གནས་རྒྱ་མཚོའི་འཕྲེང་བ་འཛིན་པ་ཚེ་དབང་དོན་གྲུབ་པའི་རིགས་ཆོས་ཀྱི་སྲས་ཤེས་བྱ་ཀུན་རིག་འཇམ་དབྱངས་དབང…

ནག་པ་ཤི་དབྲི་ཡོལ་དུ་རྗོད་པའོ། །ཧོར་གྱི་ཟླ་བ་བཅུ་གཉིས་པའི་དུས་འཁོར་བ་ལུགས་ཀྱི་དམར་ཕྱོགས་ཀྱི་གང་བ་དང་པོ། ཡུ་ཎའི་དབྱངས་ཧཱ། གསལ་བྱེད། ྈྐཾྈྐཱཿ ཁམས་སྙིང་སྟོབས་ཀྱི་མུན་པ་འཇུག་པ་ཆུང་ངུའི་སྨིན་པ། དབྱངས་འཆར་བའི་དཀར་ཕྱོགས་ཀྱི་གང་བ་དང་པོ། དབྱངས་ཨཽ། གསལ་བྱེད་ཙ། ཁམས་ནམ་མཁའ། འདོད་ཡོན་སྒྲ་འཆར་བ། རྟ་བདུན་གྱི་དབང་པོ་…

འབྲུག་པ་སྤྲུལ་སྐུ་རིན་པོ་ཆེས་མཛད་པའི་ཚེ་བདག་གི་ཡིག་ཆར་རྣམ་པར་དཔྱད་པའི་ཡི་གེ་རི་ཐང་མཚམས་ཀྱི་ནད་བརྒྱ་འཇོམས་པའི་སྨན་གཅིག་བཞུགས་སོ།།

ན་མོ་མཉྫུ་བཛྲཱ་ཡ། ཅུང་ཟད་སེམས་གནས་ཙམ་ལ་གྲུབ་ཐོབ་ཅེས། །ཆེར་རློམ་མེ་ཁྱེར་མ་ཡིན་མཚན་དཔེའི་སྐུ། །འཇའ་ལུས་རྡོ་རྗེའི་སྣང་བས་སྲིད་ཞིའི་སྨག །མཐར་མཛད་པད་འབྱུང་ཉིན་བྱེད་རིགས་ཀྱི་བདག །མན་ངག་ཕྲ་མོའི་ཁྲོན་པར་ཁེངས་པའི་སྙིང་། །འགས་པའི་བན་སྔགས་སྦལ་ཆུང་མང་མཐོང་ཚེ། །ལས་བཞིའི་རྒྱ་མཚོར་མཐུ་སྟོབས་གདེངས་ཀ་ཅན། །གནུབས་ཆེན་…

དེ་ཡི་ཆོས་ཚུལ་ཆེར། །དཔྱོད་པ་མཁས་པའི་ལུགས་ཡིན་ཕྱོགས་འདི་ལ། །སྦྱངས་རྣམས་རྣ་བ་བླགས་ཏེ་དཔང་པོ་མཛོད། །དེ་ཡང་འབྲུག་ལུགས་པ་རྣམས་ཀྱི་ནང་ནས་མཁས་པའི་ཡང་རྩེར་སོན་པ་སྤྲུལ་པའི་སྐུ་རིན་པོ་ཆེ་པདྨ་དཀར་པོས་མཛད་པའི་འཇམ་དཔལ་ཕྱག་རྒྱ་ཟིལ་གནོན་གྱི་ཡིག་ཆ་འགའ་ཞིག་འདུག་པའི་བརྒྱུད་འདེབས་བྱ་ནག་རིགས་ཀྱི་ཞབས་དྲུང་གོང་མའི་ཕྱག་དཔ…

བསྔགས་པའི་ལོ་རྒྱུས་ལྟར་བཀའ་བརྒྱུད་པའི་ཐུགས་མོས་བརྟན་པོ་དེ་གའི་དཀྱུས་སུ་སོང་བ་འདྲ། ཨྱོན་སྤྲུལ་པའི་ཞིང་ཁམས་སུ། །རིགས་འཛིན་ཤྲཱི་སིངྷ་ལ། །ཞེས་གསུངས་པ་ཤྲཱི་སིངྷ་པཎ་གྲུབ་ཀུན་གྱི་གཙུག་གི་རྒྱན་ལྟ་བུ་ཡིན་ནའང་། བཀའ་འབྱེད་དུ། ཤྲཱི་སིངྷས་བྱས་པ་ལ། །སྔོན་འགྲོ་སྙིང་བྱང་སྒྲོན་མ་ཡོད། །སྒྲུབ་ཐབས་རྟག་རབ་བརྩེགས་པ་ཡོད། …

ཆོས་སྐུ་ཀུན་ཏུ་བཟང་པོ། ལོངས་སྐུ་ཕྱག་རྒྱ་ཟིལ་གནོན། སྤྲུལ་སྐུ་གསང་བའི་བདག་པོ། ལྷའི་བུ་ཚངས་པ། ལྷའི་བུ་ཉི་མ། ལྷའི་བུ་བདེ་བ་མཆོག་ལྡན། མཁའ་འགྲོ་མ་ཟླ་བའི་འོད་ཟེར། འཇམ་དཔལ་བཤེས་གཉེན། གཙུག་ལག་དཔལ་དགེ །རོམ་བུ་གུ་ཧྱ་དེ་བ་ཙནྡྲ། ཤནྟིཾ་གརྦྷ། དྷ་ན་དྷ་ལ། ཁྲག་འཐུང་ནག་པོ། བྷ་སུ་དྷ་ར། ཇོ་བོ་གནུབས་བན་སངས་རྒྱས་རིན་པོ་ཆེ…

ཁྱོད་ཀྱིས་མ་ཤེས་ན། །མི་ང་རང་མི་ལ་རས་པ་ཡིན། །ལྟེ་བ་གུང་ཐང་སྨད་དུ་བཅད། །སློབ་གཉེར་དབུས་གཙང་མཐིལ་དུ་བགྱིས། །ཕ་དགེས་སྟོན་རྔོག་མིས་དབུ་མཛད་ནས། །རོང་སྟོན་ལྷ་དགའ་ཡན་ཆད་དུ། །ལར་དྲིན་ཅན་གྱི་བླ་མ་བཅུ་ཙམ་བཞུགས། །ཆོས་ནི་རྒྱུད་སྡེ་སྔ་འགྱུར་ཞུས། ཁོང་ལྟ་དགོངས་ཀྱི་ཆོས་ལ་མཁྱེན་པ་མཐོ། ཁྱད་པར་ལྷ་རྗེ་གནུབས་ཆུང་ལ། །དྲག་…

དང་ཡོན་ཏན་རྒྱ་མཚོ་གཉིས་ནོར་བའི་འཁྲུལ་གཞིར་འདུག །རྣམ་ཐར་ཆོས་འབྱུང་ལོ་རྒྱུས་ཁུང་མ་ཚོར་གནུབས་ཆེན་གྱི་སྲས་གཉིས་འབངས་ཀྱི་གྱེན་ལོག་གིས་འཁྲུག་པར་བཀྲོངས་པས་ཐུགས་ཆད་དེ་རྒྱ་དཔེ་རྣམས་སྟག་སྒྲོ་གཟིག་སྒྲོར་བཅུག་པ་རྒྱ་བོང་གྭ་པ་ཞིག་ལ་བཀལ་ཏེ་རྒྱ་གར་དུ་སྐྱེལ་བར་དགོངས་ཏེ་ལམ་དུ་ཆས་པ་ན། གཡས་བན་མ་བོན་དང་མཇལ་ནས་ཁྱིམ་དུ་གད…

ཡི་གེ་བཅོ་བརྒྱད་པོ། །དོན་ལ་དབྱེ་བ་མེད་ཀྱང་མན་ངག་སོ་སོའི་བཞེད། །རྩའགྲེལ་ཏི་ཀ་གཅེས་པའི་ཡིག་ཆུང་མ་བུ་རྣམས། །སོ་གནུབས་གཉིས་ལ་གཏད་ཀྱི་འགྲོ་དོན་གྱིས། །ཞེས་པ་སོ་ཡེ་ཤེས་དབང་ཕྱུག་དང་གནུབས་ཡོན་ཏན་རྒྱ་མཚོ་གཉིས་ཡིན་ལ། སེམས་ཅན་དོན་ལ་བྱེད་བའི་མན་ངག་བརྒྱ་བཅུ་གཉིས། །མཁས་པ་རྣམ་བཞིའི་མན་ངག་རྒྱུན་མ་བཅད། །བྱང་ཆུབ་སེམས་…

བསྙེན་བཀུར་ཏེ། མགོ་ནག་ཡོངས་ཀྱི་ལྷ་ནི་བཙན་པོ་སྟེ། །དེས་ཀྱང་ཐོད་དུ་འཁུར་བས་ལྷ་རྗེར་ཐོགས། །ཞེས་རྒྱ་ཆེར་བསྔགས་པ་དང་ཆོས་མཚུངས་པ་བོན་གྱིས་མངའ་བདག་ལ་ཐོག་འབེབས་པའི་དུས་སྤར་བ་གུ་རུ་རིན་པོ་ཆེ་ཆོས་དབང་གི་ཡབ་མེས་སྤང་རྗེ་བཙན་ཁྲོམ་གྱིས་ཕོ་བྲང་གི་ཡང་ཐོག་ཏུ་བཞུགས་པའི་ཚེ་ཐོག་བར་སྣང་ལ་དམར་ཧྲིལ་ཧྲིལ་བྱུང་བ་སྡིགས་མཛུབ་…

ཚུལ་ཁྲིམས། འཁོན་དཀོན་ཅོག་རྒྱལ་པོ་ཞེས་འབྱུང་བས་གནུབས་ལུགས་ལ་བརྒྱུད་པ་གཞན་ཞིག་ཡོད་ན་མ་གཏོགས་འཁོན་ནས་བརྒྱུད་པ་རང་ནི་ཐེ་ཚོམ་གྱི་གཞིར་མཆིས། ཆོས་རྒྱལ་འབྲི་གུང་པ་རིན་ཅེན་ཕུན་ཚོགས་ཡབ་སྲས་ཀྱི་བཞེད་པར་ཡང་བཟློག་མེའི་སྤུ་གྲིར་གཤིན་རྗེ་གཟའ་གདོང་དམར་ནག་ཏུ་ངོས་འཛིན་པས། རྒྱས་གཏེར་ནས་བཞེས་འཕྲལ་གྱི་གྲི་མགར་ལག་མ་དེ་ཨ་…