ཐོག་ཏུ་བབས་ཤིང་སྔར་ཁྱབ་བདག་ཞ་ལུ་པར་ལོ་ལྔ་བཞུགས་པའི་ཞལ་ལེན་གནང་བའང་ལྷག་དང་བཅས་གྲངས་ཐེངས་པའི་ཆུ་མོ་བྱའི་ལོའི་ཚེས་བཅུ་ཞིག་གི་སྐབས་གསུང་ཆོག་རྒྱས་པ་དང་གསོལ་ཇ་ཡང་བཟང་ཞིང་མང་བར་གནང་། མཇལ་མི་བྱུང་ཚད་ཐོང་གསུངས་པའི་ཐུགས་གཙིགས་ཆེ་བ་འདྲ་ལ་ཆེད་དུ་ཞུས་པ་ལ་མ་ལྟོས་པར་བཀའ་བསྒོའི་བྱིན་རླབས་མཛད། བྱམས་པ་བསྟན་འཛིན་ལ་དེ་…

སོགས་དཀྱིལ་འཁོར་ཆེན་མོ་རྣམས་ལྕོགས་མདོག་མ་ཁ་བས་ཨོ་རྒྱན་སྒྲུབ་པ་ཁོ་ན་ལ་དྲིལ་ལམ་དགོངས་པའི་ནུབ་ཅིག་མནལ་ལམ་དུ་ཀྱེ་རྡོ་རྗེའི་ཐུགས་ཀར་སློབ་དཔོན་ཆེན་པོ་བཞུགས་འདུག་པ་གསལ་བར་ཤར་བས་མནལ་སད་ཙ་ན་གཅིག་ཏུ་བསྒྲིལ་ན་མི་ལེགས་པར་མཁྱེན་ཏེ་མྱ་ངན་ལས་མི་འདའ་བའི་བར་དུ་ལམ་དུས་ཐུན་གཉིས་མ་ཆག་པར་མཛད་ཅེས་རྗེ་བཀའ་འགྱུར་བ་ཆེན་པོ་ག…

འཁོར་གྱི་གྲལ་དུ་བསྒྲིག་པར་སྤྲོ་བ་དང་ཟླ་བ་གཅིག་ལས་གཟུགས་བརྙན་འབུམ་ཕྲག་མཚོ་རྫིང་དུ་འཆར་བ་ལྟར་དག་པ་དང་མ་དག་པའི་ཞིང་ཁམས་མཐའ་ཀླས་པར་སེམས་ཅན་གྱི་དོན་རླབས་པོ་ཆེ་མཛད་པར་དགོངས་ཏེ་འཛིན་བྱེད་ཅེས་པ་མེ་ཕོ་བྱི་བའི་ལོའི་ཆུ་ཤེལ་གྱི་དབང་པོ་སྨིན་དྲུག་གི་དགའ་མ་དང་རྩེ་བའི་དཀར་ཆའི་བཟང་པོའི་ཉི་མ་ནུབ་རིར་གཞོལ་བའི་ཚེ་གཟུགས…

ཆུབ་ཀྱི་བར་དུ་རྗེས་སུ་འཛིན་ནོ་ཞེས་ཞལ་གྱིས་བཞེས་ནས་སྣང་མཆེད་ཐོབ་གསུམ་གྱི་མཐར་འཆི་བ་འོད་གསལ་ཆོས་ཀྱི་སྐུའི་ངང་དུ་ཐུགས་དམ་ལ་ཞག་གཅིག་གི་རིང་བཞུགས། དགོངས་རྫོགས་ཀྱི་གྲབས་ཡུལ་ཐུགས་གྲ་འགྲིག་མི་འགྲིག་ཁྱད་ནས་ཞག་འགའ་ཞིག་གསང་བའི་ཚུལ་གནང་། རྗེ་བཀའ་འགྱུར་བ་ཆེན་པོ་སང་ཕྱི་དྲོ་གདུང་མཇལ་ལ་ཕེབས་ཤིན་ཏུ་འདོད་པ་བྱུང་བས་བྱ…

འཁོར་ལོའི་མགོན་པོ་བླ་མ་རྡོ་རྗེ་འཆང་ལ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་ནམ་མཁའི་ཁམས་ཡོངས་སུ་གང་བ་ཏིང་ངེ་འཛིན་གྱི་མཐུས་སྤྲུལ་བར་མ་ཟད་དངོས་སུའང་ཆུ་གཉིས་སྔོན་དུ་འགྲོ་བའི་ཉེར་སྤྱོད་བརྒྱ་ཕྲག་ཏུ་ལོངས་པ་ཉིན་རེ་བཞིན་བསྟར་བར་མཆོད་དཔོན་འཇམ་དབྱངས་རྒྱལ་མཚན་གཅིག་པུས་ལག་དར་བས་ཉིན་མཚན་ཀུན་ཏུ་ངལ་བའི་དཀའ་ཐུབ་ལ་བརྟེ…

ཕུལ་བའི་སང་ཉིན་ནམ་མཁའ་ཐམས་ཅད་འཇའ་སྤྲིན་དང་ལྷ་རྫས་མནྡར་བའི་ཆར་གྱིས་གང་། པུར་ཁང་ཞལ་ཕྱེ་བས་ཚོམས་ལ་དུང་དཀར་གཡས་འཁྱིལ་མགོ་སྤྲོད་དབར་དུ་འཕེལ་གདུང་ཡུངས་ཀར་སྤུངས་པ་ལྟ་བུ་བྱུང་། ས་སྐྱར་དཀར་པོ་རྒྱང་གྲགས་བུས་པའི་ཚིགས་སུ་མང་འགྱེད་ཚ་ར། བཞི་ཐོག་ཏུ་བདག་ཆེན་ཁྲི་རིན་པོ་ཆེར་འབུལ་བ། གཙུག་ལག་ཁང་དང་མགོན་ཁང་རྣམས་སུ་མཆོད་…

མདའ་ཡིས་རྙིང་ཕུག་པས། །ཡིད་དབང་རྣལ་དུ་མ་གྱུར་སྨྲ་བརྗོད་འགས། །ཡིད་མང་མནར་བྱེད་དུཿཁ་ཚེར་མ་དེ། །ཡིད་ཅན་འདྲེན་མཆོག་གསོལ་བཏབ་མཐུ་ངེས་ཕྱུངས། །མཚུངས་མེད་བླ་མའི་སྲས་ཀྱི་ཐུ་བོ་མཆོག །རིང་ལུགས་ཕ་མཐར་སྤེལ་བའི་ཞ་ལུ་པར། །བྱང་ཆེན་བར་དུ་རྗེས་འཛིན་བརྡ་ཐབས་སུ། །ཐ་མའི་གསུང་གི་གནང་བ་ཅི་ཡང་སྩལ། །ཀྱེ་མ་མགོན་ཁྱོད་ཐུགས་རྗེ་…

ཚུན་གོ་བསྡུར་ཚེ་ལོ་ཟླ་སོགས་ནོར་འཁྲུལ་འགའ་ཞིག་མཆིས་པ་མི་ཐོག་བརྗེས་པའི་རྒྱུས་ཡོད་ཀྱང་དཀོན་གཤིས་དྲི་ཡུལ་ཡང་ཆེར་མི་འདུག་མོད་འོན་ཀྱང་རིན་པོ་ཆེ་ཡོལ་པ་བ། མཁན་ཆེན་བསླབ་གསུམ་རྒྱལ་མཚན། སྔགས་འཆང་ཆེན་པོ་བསོད་ནམས་ཆོས་འཕེལ་གསུམ་གྱི་རྣམ་ཐར་ལ་ཞིབ་ཏུ་དཔྱད། ཁྱབ་བདག་ཞ་ལུ་པ་ཐུགས་རྒྱུས་མངའ་བ་རྣམས་ལ་དྲི་མོལ་ཞུས། རྡོ་རྗེ་…

སྐལ་བ་ཆེས་དམན་ཡང་། །གསུང་རྒྱུན་བདུད་རྩི་ངེས་ལེགས་སྲོག་ཟུངས་སུ། བསྒྱུར་ཕྱིར་དང་བས་རྣམ་ཐར་གླེང་བ་འདི། །ཨ་ཧོ་ལས་དཀར་མཐུ་ཡིས་རྙེད་ལ་རངས། །བསོད་ནམས་ཡོངས་བྱས་ཏེ་སེའི་གཙུག་གཏོར་ནས། །སློབ་བཤད་ཡན་ལག་བརྒྱད་ལྡན་ཉལ་འགྲོའི་ཀླུང་། །བགྲང་རིང་སྐྱེ་བའི་བློ་གྲོས་ཆུ་གཏེར་ནང་། །རབ་འབབ་ཐོས་བསམ་སྒོམ་པས་རོ་གཅིག་ཤོག །སྡེ་ས…

བསྟན་འཛིན་ཕུན་ཚོགས་གསུམ་གྱིས་ལམ་འབྲས་བརྒྱུད་པའི་རྣམ་ཐར་ཁ་སྐོངས་ལ་ད་ལམ་ཅིས་ཀྱང་དགོས་ཞེས་གསུང་གིས་བསྐུལ་བ་ལྟར་ཀུན་སྤངས་ཆོས་རྗེའི་རིང་ལུགས་ལ་རྒྱུ་མཚན་ཤེས་ནས་དད་པ་ཐོབ་པའི་སློབ་བཤད་འཛིན་པ་ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་ནག་པ་ཟླ་བའི་ཉེར་གཉིས་ཟླ་བ་གྲོ་བཞིན་གྱི་འགྲ…

དཔལ་འཁོར་ལོ་སྡོམ་པ་དྲིལ་བུ་ལུགས་ཀྱི་ཕྱི་དཀྱིལ་ཆོ་ག་དཔའ་བོའི་གྲོང་འཇུག་ཅེས་བྱ་བ་བཞུགས་སོ།།

ན་མ་ཤྴཱི་པ་ར་མ་སུ་ཁསྱ་དཻ་ཝཱ་ཡ། དཔལ་ལྡན་ཁྲག་འཐུང་ཚོགས་ཀྱི་དབང་ཕྱུག་འཁོར་ལོ་སྡོམ་པ་གདན་གསུམ་ཚང་བའི་རྡོ་རྗེ་སློབ་དཔོན་གྱི་སྒྱུ་འཕྲུལ་དྲ་བའི་གར་མཁན་ཞ་ལུ་པ་ཆེན་པོ་རིན་ཆེན་བསོད་ནམས་མཆོག་གྲུབ་ཚེ་དབང་ལྷུན་གྲུབ་དཔལ་བཟང་པོར་བྱང་ཆུབ་མ་ཐོབ་ཀྱི་བར་དུ་སྐྱབས་སུ་མཆིའོ། །བརྩེ་བ་ཆེན་པོས་རྗེས་སུ་གཟུང་དུ་གསོལ། །མ་ནུབ་མ…

སྤྱོད་པའི་ཕྱག་ལེན་ཕ་མཐའ་ཡས། །ཁྱད་པར་རྡོ་རྗེ་འཆང་དབང་མི་ཡི་གཟུགས། །འཛིན་མཛད་ས་སྐྱའི་རྗེ་བཙུན་རྗེས་འབྲངས་དང་། །བུ་སྟོན་ལོ་ཙཱ་ཀུན་མཁྱེན་བཙོང་ཁ་པ། །སྐལ་བཟང་ཡོངས་ཀྱི་སྤྱི་བོས་བཏུད་བྱའི་གནས། །མཁྱེན་ལྡན་གསང་སྔགས་འཆང་རྣམས་ཧེ་རུ་ཀའི། །གྲོང་ཁྱེར་ཆེན་པོར་བདག་འཇུག་གཞན་ཁྲིད་ཀྱང་། །བློས་བྱས་རྗེས་གནང་བསྐུལ་ནས་རྨོང…

དང་བཞིའི། དང་པོ་ནི། དགེ་འདུན་གྱི་ཀུན་དགའ་ར་བ་དང་རྒྱལ་པོའི་ཁབ་སོགས་གནས་ཁང་དུལ་མའི་རིགས་ལ་གནས་ཁང་དུ་ལོ་མའི་རིགས་ལ་མི་དགོས་ཤིང་སྔོན་ཆད་ལོངས་མ་སྤྱད་པའི་སར་བྱ་ན་དཀྱིལ་འཁོར་གྱི་ཆོ་ག་དུ་མ་ནས་འབྱུང་བ་ལས་ཤེས་པའི་དབང་དུ་བགྱིས་ནས་མ་སྤྲོས་སོ། གཉིས་པ་ས་བསླང་པ་ལ་སྣང་བ་དང་མི་སྣང་བ་གཉིས་ཀྱི། དང་པོ་ནི། ཁང་པའམ་ཡུལ་གྱ…

ཧཱུྃ་གིས་ནང་མཆོད་མཐེབ་སྲིན་གྱིས་འཐོར། རྡོར་དྲིལ་སྤོས་བཅས་འཛིན་པས། གང་ཡང་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་འམ་ནི་གཞན། །དེ་དག་རྣམས་ལ་ས་འདི་ནི། །བདག་ཞུ་ཁྱེད་ཀྱིས་སྩལ་དུ་གསོལ། ལན་གསུམ་བརྗོད། ཞེས་གསོལ་བཏབ་པས་གནང་བ་བྱིན་ནས་རང་གནས་སུ་གཤེགས་པར་བསམ། གསུམ་པ་སྦྱང་བ་ནི། དཀྱིལ་འཁོར་གྱི་སར་སློབ་དཔོན་ཧེ་རུ་ཀ…

ཆང་ཆུ་ནང་མཆོད་ཀྱིས་རིམ་གྱིས་སྦྱངས་ཏེ་ཕྱག་གསུམ་བཙལ་ནས་ལངས་ཐལ་མོ་འདུད་པ་དང་བཅས། །སྔོན་འགྲོ་གཏོར་མ་བྱིན་རླབས་མཛད་པ་ཞུ། ཞེས་བྱིན་གྱིས་བརླབ། ལྕགས་ཀྱུའི་ཕྱག་རྒྱ་དང་བཅས། ཨོཾ་མ་ཧཱ་བྷཱུ་ཏ་ག་ཎ་ས་པ་རི་ཝཱ་ར་ཨཱ་ཀརྵྱ་ཡ་ཛཿས་སྤྱན་དྲངས། ཕྱོགས་སྐྱོང་འཁོར་བཅས་སྐད་ཅིག་གིས་འོད་གསལ་དུ་ཞུགས་ནས་ལྷན་ཅིག་སྐྱེས་པའི་བདག་ཉིད་དུ…

གནས་པར་གཞན་དུ་སོང་ཞིག །གཡས་པའི་ཁུ་ཚུར་གྱི་མཐེབ་མཛུབ་ཀྱིས་ཕྱིར་སེ་གོལ་གཏོག་ཅིང་། སརྦ་བིགྷྣཱ་ན་གཙྪ། ཞེས་གཏོར་མ་དོར། སུམྦྷ་བཟླ་ཞིང་རོལ་ཆེན་དྲག་ཏུ་བྱའོ། གནས་ཡོ་བྱིན་རླབས་དང་མཎྜལ་ཞུ་འབུལ་འོག་ནས་འབྱུང་བ་ལྟར་དང་སྐྱབས་འགྲོ་ནས་བཟླས་པའི་བར་རྫོགས་པར་བྱ། མདུན་གྱི་ནམ་མཁར་བཞུགས་པའི་རྒྱལ་བ་སྲས་བཅས་ཐམས་ཅད་ལ་གསོལ་བ་…

གི་ནི་ཨརྒྷཾ་ནས་ཤཔྟའི་བར་འདོན་པ་བསྒྱུར། །ཨེ་མ་ཧོ་མཆོད་པ་བླ་ན་མེད། །རང་བྱུང་མཆོད་པ་ཆེན་པོ་སྟེ། །གཟུགས་ཀྱི་ལྷ་མོ་མེ་ལོང་འཛིན། །གཟུགས་ཀྱི་མཆོད་པ་སྤྱན་ལ་འབུལ། །ཨོཾ་བཛྲ་བཱི་ར་ཡོ་གི་ནི་རཱུ་པ། ཁྱད་པར་གཟུགས་ཀྱི་ལྷ་མོ་མེ་ལོང་གནས་སུ། །སྒྲ་ཡི་ལྷ་མོ་པི་ཝང་། དྲི་ཡི་ལྷ་མོ་དུང་ཆོས། རོ་ཡི་ལྷ་མོ་ཞལ་ཟས། རེག་བྱའི་ལྷ་མོ…

གྱི་དབུས་ནས་མེ་ཏོག་ཅུང་ཟད་བླངས་ཏེ་ཨི་དཾ་གུ་རུ་སོགས་བརྗོད་ཅིང་བླ་མ་དཀོན་ཅོག་ལ་འབུལ། མཎྜལ་ཁ་གསོས་ཏེ་རྟེན་གྱི་དྲུང་དུ་འཇོག །དེས་འོག་མ་རྣམས་ལ་འགྲེ། བྱང་ནས། མཎྜལ། མཚན་ཉིད་ཐམས་ཅད་ཡོངས་སུ་རྫོགས། །མཚན་མིན་ཐམས་ཅད་རྣམ་པར་སྤོངས། །ཀུན་ཏུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། ཨི་དཾ་སོགས། ནུབ་ནས། མཎྜལ།…