གཉིས་བར་ན་གང་ཡང་མི་མནོ་ཡང༌། །གསལ་རིག་འགག་པ་མེད་པ་དེ་ཀ་སྐྱོང༌། །དེ་ལ་ངོས་གཟུང་གང་ཡང་ཡོད་པ་མིན། །དགའ་དང་མི་དགའ་བདེ་སྡུག་ཆགས་སྡང་དང༌། །སྙིང་ལ་འབབ་དང་ཞེ་ལ་འཕོག་པའི་གཏམ། །ཐོས་སོགས་སེམས་ཀྱི་འགྱུ་བ་གང་བྱུང་ཡང༌། །རང་ཞལ་བལྟས་ནས་བཟོ་བཅོས་མེད་པར་ཞོག །རང་ངོ་མ་ཤེས་སེམས་རྩ་སྤུན་པོ་ཏེ། །དེ་ལྟར་བརྟགས་ན་ཝལ་པོ་རྗེས་མ…

མང་སར་དགེ་སྦྱོར་སྐྱེ་བ་དཀོན། །རང་དང་འཚམ་པའི་དབེན་པ་བསྟེན་པ་ལེགས། །བརྟན་པ་མ་ཐོབ་བར་དུ་རྒྱལ་ཁམས་ཀུན། །ཡང་ཡང་འགྲིམས་ན་ལང་ཤོར་དགེ་སྦྱོར་འཆག །རི་ལ་མ་ཚུགས་ཡང་ཡང་ཀླུང་ལ་འབབ། །བཟང་རྫུ་དགོས་པས་ཡང་ཡང་རི་ལ་འགྲོ། །བློ་སྣ་མང་ཞིང་ཆོས་ཁྱད་རླུང་གིས་འཁྱེར། །དེ་ལྟར་མི་བྱ་བློ་རྩེ་འགྱུར་མེད་གཅེས། །སྨོན་ལམ་བཟང་པོའི་མཐུ་…

སྨྲས་ན་མི་རྣམས་སེམས་ཁོང་འཁྲུག །ལོང་གཏམ་དགེ་སྦྱོར་གཅོག་པའི་ཕུང་འདྲེ་ཡིན། །ཆགས་སྡང་སྨྲས་ན་ངག་གི་སྡིག་པར་འགྲོ། །ཉིན་མཚན་དགེ་སྦྱོར་ཁོ་ནར་བརྩོན་དགོས་ཀྱང༌། །མི་མང་འདུས་སར་གསོལ་འདེབས་སྐད་རྒྱང་དང༌། །སྐྱེ་བོའི་མདུན་དུ་ལྟ་སྟངས་འདུག་ཚུལ་སོགས། །ཆོས་བརྒྱད་དབང་གིས་གསང་སྒྲོགས་བྱར་མི་རུང༌། །མངོན་ཚན་ཆུང་ལ་ས་ཆོད་ཆེ་བ…

གནོད་པ་བྱེད་ལ་ལན་དུ་ཕན་འདོགས་ཀྱང༌། །ང་ནི་བསམ་སྦྱོར་བཟང་ཞེས་མི་ངོམ་ལ། །དམ་ཆོས་མིན་པ་བྱེད་རྒྱུ་མེད་པ་ལ། །ཆོས་པ་བཟང་སྙམ་རློམ་སེམས་མི་བྱེད་ན། །སྒོམ་ཆེན་བཟང་བའི་ཚད་དུ་ཕྱིན་པ་ཡིན། །ཡུལ་དང་བཟང་འཛིན་ཆེ་ཞིང་ཡོན་ཏན་ངོམ། །ཡོན་ཏན་གཞན་ཀུན་འཛོམ་ཡང་ཁོང་རུལ་ལགས། །བྱ་བྱེད་ཐམས་ཅད་ཕན་སེམས་ཁོ་ནས་བྱ། །གཉིད་དང་ཟས་དང་སྤྱོ…

འབྲས་བུ་སངས་རྒྱས་ཀྱི་གོ་འཕང་ཀྱང་སྒྱུ་མ་ལྟ་བུ། ཐམས་ཅད་སྣང་སྟོང་གཉྀས་སུ་མེད་པར་ཤེས་པ་དང༌། ཀུན་རྫོབ་རྒྱུ་འབྲས་བསླུ་བ་མེད་པའི་ཡིད་ཆེས་ཀྱི་སྨོན་ལམ་འདེབས་པ་སྟེ། དང་པོར་བཟང་སྤྱོད་སོགས་རྒྱལ་བའི་བཀའ་རྣམས་ཀྱི་ཐོག་དྲངས་ནས། རྗེས་སུ་འདི་སྐད་ཅེས་བྱའོ། །བདག་གིས་དད་པ་ངེས་འབྱུང་སྙིང་རྗེ་དང༌། །བྱང་ཆུབ་སེམས་དང་གནས་ལུག…

གྱི་བགྲོད་གཅིག་ལམ། །སྟོང་ཉིད་སྙིང་རྗེ་གཉིས་སུ་མེད་པ་ཡི། །ཡེ་ཤེས་དམ་པ་མངོན་དུ་གྱུར་ནས་ཀྱང༌། །ལྷུན་གྱི་གྲུབ་པའི་གཞན་དོན་འབྱུང་གྱུར་ཅིག །ནད་གདོན་བར་ཆད་ཐམས་ཅད་རབ་ཞི་ཞིང༌། །གེགས་དང་གོལ་ས་ཀུན་ལས་རང་གྲོལ་ནས། །ཆོས་དབྱིངས་སེམས་ཉིད་རང་ངོ་རྟོགས་ནས་ཀྱང༌། །དག་པའི་སྣང་བ་རབ་འབྱམས་མཆིད་གྱུར་ཅིག །བདག་ཉིད་མཐོང་ཐོས་རེ…

གྲུབ་རྒྱལ་མཚན་དང༌། རང་གི་ལྷན་ཅིག་སྤྱོད་པ་གཙང་བ་ཀུན་དགའ་དཔལ་བཟང་གིས་བསྐུལ་ནས་སྨྲས་པའོ། །བཀྲ་ཤིས། །

ན་མོ་གུ་ར་ཝེ། དྲི་བྲལ་མཁའ་ལ་ཉིན་བྱེད་ཤར་བ་ལྟར། །སྒྲིབ་བྲལ་ཡེ་ཤེས་ཤེས་བྱ་ཀུན་ཁྱབ་དེ། །སྤྲོས་བྲལ་ཐུགས་རྗེའི་རོལ་པར་རྟག་ཤར་བ། །མཚུངས་བྲལ་རྗེ་བཙུན་བླ་མས་བྱིན་གྱིས་རློབས། །ཤེས་བྱའི་མཚན་ཉིད་བསམ་གྱིས་མི་ཁྱབ་ཅིང༌། །ཐ་སྙད་བརྗོད་པ་ཟད་མེད་དཔག་ཏུ་མེད། །ལམ་གྱི་སྟོན་ཚུལ་རྣམ་པ་མང་ན་ཡང༌། །སྙིང་པོ་གནད་ནས་བཟུང་ན་འདི་…

ད་ནི་སྙིང་པོའི་གནད་ལ་གདམས་པར་བྱ། །རང་སེམས་སྤྲོས་བྲལ་བྱ་བ་ལོགས་ན་མེད། །ཐ་མལ་ཤེས་པ་བཟོ་བཅོས་མེད་པར་སྐྱོངས། །གང་ཤར་རྗེན་པ་དེ་ལ་རང་སོ་ཚུགས། །ཆེད་དུ་བཅོས་པའི་ལྟ་སྒོམ་བཟང་བཟང་པོ། །བློ་ཡིས་བྲིས་པའི་རི་མོ་ཟར་ཟིར་ཡིན། །རང་གི་སྡོད་ལུགས་སྒོམ་དུ་མ་ཤར་ན། །ལོགས་ནས་ཉམས་ལེན་ཚོལ་བ་དབུལ་ཤིང་འཕོངས། །རང་དུས་ཉིད་དུ་རང་ག…

མི་འཚལ་ཏེ། །བྱེད་བློ་རང་སར་གྲོལ་ན་མཚན་མེད་ཡིན། །གཞག་ཐབས་རྒྱལ་པོ་ལྷུག་པ་རང་དགའ་ལགས། །དབྱིངས་ཉིད་རྩོལ་པར་རག་ན་བཟོ་མེད་མཆོག །གནས་སམ་འགྱུ་ཡང་ཡེངས་མེད་ཐབས་ཀྱི་མཆོག །ཡེངས་པའི་རང་མཚང་རིག་ན་གནས་པའི་མཆོག །དབྱིངས་ལས་རང་ཤར་ཙམ་གྱི་རྣམ་རྟོག་དང༌། །བྱ་བྱེད་རྩོལ་པར་ཤར་ནས་རང་སར་ཐིམ། །དེ་ལྟར་རྟོགས་ན་མ་བཅོས་སོ་མ་ཡང༌། …

འདོད་ཞེན་ཉེ་བའི་སྲེད་པས་མི་འཆིང་བར། །ཡིད་འོང་སེམས་ཀྱང་རྨི་ལམ་ལྟ་བུར་ལྟོས། །འདི་ནི་ལྷ་སྟེ་བདག་ལ་ཕན་འདོགས་པས། ཁྱེད་ཀྱིས་སྐྱོབས་ཞེས་རེ་བ་དུང་དུང་དང༌། །འདྲེ་འདིས་བདག་ལ་ངེས་པར་གནོད་དོ་སྙམ། །གནོད་སེམས་འཇིགས་སྐྲག་དོགས་པའི་འདམ་དུ་བྱིང༌། །དེ་དག་སེམས་ཀྱི་སྣང་ཆ་མཉམ་པོ་ལ། །བླང་དོར་དགའ་སྡུག་རང་གིས་རང་ཉིད་བསླུས། …

མ་གྲུབ་རང་ལ་ཆེར་ཏེ་ལྟོས། །དོན་ལ་སྡུག་བསྔལ་གཞི་མེད་རྩ་བྲལ་ཡིན། །ཀུན་རྫོབ་ཏུ་ནི་ལས་སྣང་གང་ཤར་འདི། །བཅས་བཅོས་མི་བྱ་རེ་དོགས་མེད་ན་བདེ། །འོན་ཀྱང་དྲིན་ཅན་བླ་མར་གསོལ་བ་ཐོབ། །མདོར་ན་ལས་འབྲས་ཆོས་ལ་ཡིད་ཆེས་ཤིང༌། །དཀོན་མཆོག་གསུམ་ལ་དད་པ་རྒྱུན་མི་འཆད། །གང་ལའང་མ་ཆགས་རང་ངོ་རང་ཤེས་རྩལ། །སྒོ་གསུམ་ལོངས་སྤྱོད་དགེ་བ་བས…

ཨོཾ་སྭཱ་སྟི། ན་མོ་གུ་ར་བེ། རྗེ་མཚན་ལྡན་གྱི་བླ་མ་རིན་པོ་ཆཻ། །རིགས་ཀུན་གྱི་བདག་པོ་རྡོ་རྗེ་འཆང༌། །ཐུགས་ཡེ་ཤེས་ངང་དུ་རྣམ་རོལ་ཡང༌། །འཕྲལ་ཅིར་ཡང་སྟོན་པ་དེ་ལ་འདུད། །རྗེ་རིན་ཆེན་སྐུ་ལ་ཕྱག་འཚལ་ལོ། །རྗེ་རིན་ཆེན་སྐུ་ཡིས་བྱིན་གྱིས་རློབས། །རྗེ་རིན་ཆེན་སྐུ་ལ་སྐྱབས་སུ་མཆི། །ལུས་རྡོ་རྗེའི་སྐུ་རུ་བྱིན་གྱིས་རློབས། །ར…

སྣང་བདེ་བའི་རྣལ་འབྱོར་པ། །དེ་རིང་དགའ་བའི་གླུ་གཅིག་ལེན། །རྗེ་བླ་མ་བྱིན་རླབས་མི་ཆེ་རུ། །རང་སེམས་ཆོས་ཀྱི་སྐུ་དང་མཇལ། །ངེད་སློབ་བུ་མོས་གུས་མི་ཆེ་རུ། །སེམས་ཅན་སངས་རྒྱས་དངོས་སུ་བཏང༌། །སྤྲང་ཐ་ཅུང་བདག་སྡུག་ཞེན་མི་ཆེ་རུ། །རྗེ་ཁྱོད་ཀྱི་བཀའ་དྲིན་ལ་འཁོར་ཐབས་མེད། །ཆོས་གདམས་ངག་ལ་ཡིད་ཆེས་མི་སྐྱེ་རུ། །ཉམས་དང་མྱོང་བ…

སྤྲོས་མེད་སྤྲཽད་པས་འགྲོ་དོན་མཛད། །རང་རྡོ་རྗེ་འཆང་གི་གོ་འཕང་བརྙེས། །ཕྱོགས་རིས་མེད་པའི་འགྲོ་བ་ལ། །ཐུགས་སྙིང་རྗེས་འགྲོ་དོན་རྒྱུན་ཆད་མེད། །ཡོངས་སངས་རྒྱས་ཟེར་ན་ཁྱོད་ལ་ཟེར། །མཚན་བུདྡྷ་ནཱ་ཐ་མ་ལགས་སམ། །ངེད་གདམས་ངག་མི་ངན་གདམས་ངག་ཟབ། །གདམས་ངག་རྒྱལ་བའི་དགོངས་དོན་ཡིན། །ལར་རྒྱུད་སྡེ་བཞི་ཡི་ཁོང་སྙིང་ཏེ། །སྐལ་ལྡན་…

གིས་རླུང་སེམས་དབང་དུ་འདུས། །འཕྲལ་ལས་རླུང་འཁོར་བའི་རྒྱུ་འདི་ཉིད། །དབྱིངས་མཁའ་དང་མཉམ་པའི་ངང་དུ་ཐིམ། །རླུང་དབུ་མར་ཐིམ་པ་འདི་ལ་ཟེར། །རགས་པ་མ་དག་འཁྲུལ་སྣང་འདི། །ཕྲ་མོ་རང་བྱུང་དབྱིངས་སུ་ཐིམ། ཁོང་སྐྱེ་བོ་གཞན་ལ་འཁྲུལ་སྣང་འདི། །གཟུང་འཛིན་གཉིས་ཀྱི་སྣང་བ་འདི། །སྔར་ཡང་འཁྲུལ་ལ་ད་ཡང་འཁྲུལ། །དེ་ང་ལ་དག་པའི་སྣང་བར་ག…

རྨི་ལམ་ལ་འདུན་པ་གནད་དུ་ཆེ། །གཉིད་འཐུག་པོ་གཏི་མུག་མུན་པ་དེ། ཁོང་ཕལ་པ་ལ་སྒྲིབ་པ་རུ་ཆེ་བ་དེ། །ངེད་གདམས་ངག་ཅན་ལ་འོད་གསལ་དུ་གདའ། །འོད་གསལ་ཆོས་སྐུའི་ངོ་བོར་གདའ། །ཆོས་སྐུ་དངོས་པོའི་གཤིས་སུ་གདའ། །གཤིས་ལུགས་བདེ་བ་ཆེན་པོར་གདའ། །རླུང་སེམས་དབྱེར་མེད་ནམ་མཁའི་ངང༌། །ལྟེ་བའི་དམར་ཆ་དབུ་མར་འབར། །ཧཾ་ཡིག་བྱང་སེམས་ཆད་མེ…

རྣམ་གསུམ་གྱི་རྣལ་འབྱོར་བློ་རེ་བདེ།། །།ཞེས་པའང་བསམ་གཏན་སྡིངས་སུ་ཚོགས་ཀྱི་འཁོར་ལོའི་སྐབས་སུ་རྡོ་རྗེའི་གླུར་བླངས་པ་སྟེ། རང་ལོ་ཉེར་ལྔར་ཉེ་བ་ཚེས་བཅུ་བདུན་གྱི་མཚན་མོའི་ཐུན་དང་པོ་ལ་སྟེ། མངྒལཾ། །

ཨོཾ་སྭཱ་སྟི། རང་བཞིན་གདོད་ནས་འགྱུར་མེད་ལ། །མཁྱེན་རྟོགས་ཀྱི་ཡོན་ཏན་ཕྱོགས་བཅུར་རྒྱས། །དུས་གསུམ་སངས་རྒྱས་ཀྱི་ངོ་བོ་ཉིད། །ཕ་རྩ་བའི་བླ་མའི་ཞབས་ལ་འདུད། །ཕྱོས་བཅུ་དུས་གསུམ་གྱི་སངས་རྒྱས་ཀུན། །དབྱིངས་ཡེ་ཤེས་ཆེན་པོར་གཅིག་བསྡུས་པ། །དཔལ་དྲུག་པ་རྡོ་རྗེ་འཆང་ཆེན་གྱིས། །ཆོས་ཕུང་པོ་བརྒྱད་ཁྲི་བཞི་སྟོང་དང༌། །བཀའ་གསུང་…

བཞིའི་ས་བོན་འདེབས་པ་ལ། །མཚན་སྨིན་བྱེད་དབང་བསྐུར་ཞེས་པ་ཡིན། །བརྡའ་རྡུལ་ཚོན་ལ་སོགས་དཀྱིལ་འཁོར་དང༌། །དོན་རང་ལུས་རྒྱལ་བའི་དཀྱིལ་འཁོར་དུ། །གང་ཤར་རྒྱལ་བ་རིགས་ལྔ་ངོ་སྤྲོད་པ། །འདི་བུམ་དབང་གི་གནད་དུ་ཁོ་བོས་འཁུམས། །ངག་ཚིག་གི་བརྗོད་པ་སྣ་ཚོགས་འདི། །དོན་བརྗོད་བྲལ་དབྱིངས་སུ་ངོ་སྤྲད་ནས། །གསུང་རྡོ་རྗེའི་ས་བོན་འདེབས…