གདོད་ནས་བཞུགས་པའོ། །སྦྱང་བྱ་ནི་སེམས་ཅན་རྣམས་ཀྱི་རྒྱུད་ལ་སྣང་བའི་མ་དག་པའི་ཕུང་ཁམས་སོ་དྲུག་སྟེ། དེས་སྦྱང་གཞི་བདེ་གཤེགས་སྙིང་པོ་དེ་སེམས་ཅན་རྣམས་ལ་བསྒྲིབས་པའོ། །སྒྲིབ་པ་དེ་སྤོང་བྱེད་དམ། སྦྱོང་བྱེད་དམ། དག་བྱེད་ནི་སྦྱོར་བ་ཡན་ལག་དྲུག་གོ །དེས་སྦྱངས་པའི་འབྲས་བུ་ནི། བྲལ་འབྲས་ཆོས་སྐུའི་རང་བཞིན་གདོད་ནས་བཞུགས་པའ…

སོ་སོར་སྦྱོར་ཚུལ་ནི། ཡེ་ཤེས་ཀྱི་ཕུང་པོ་སྒྲིབ་བྲལ་དུ་གྱུར་པ་རྡོར་སེམས། དེ་བཞིན་དུ་སྦྱར་ཏེ། ཡེ་ཤེས་ཀྱི་ཁམས་སྣ་ཚོགས་ཡུམ། ཡིད་ཀུན་བཟང༌། སྒྲ་སྒྲ་རྡོ་རྗེ་མ། མཆོག་གི་དབང་པོ་གནོད་མཛེས། དྲི་ཆུ་འདོར་བ་ཤིན་ཏུ་སྔོན་མོ་སྟེ། ཡེ་ཤེས་ཀྱི་རིགས་དྲུག་ཚན་གཅིག་པོ་དེ་སོར་སྡུད་ཀྱིའོ། །མཁའ་ཁམས་རྡོར་དབྱིངས་དབང་ཕྱུག་མ། རྣམ་ཤ…

གཟུགས་རྡོ་རྗེ་མ། རྐང་པའི་དབང་པོ་པདྨ་མཐར་བྱེད། ལེན་པ་ཁྲོ་མོ་ཁེངས་བྱེད་མའོ། །དེ་ལྟར་ཆུ་ཁམས་ཀྱི་རིགས་དྲུག་ནི་རྗེས་དྲན་གྱིའོ། །གཟུགས་ཕུང་རྣམ་སྣང༌། ས་ཁམས་སྤྱན་མ། ལུས་སྒྲིབ་སེལ། དྲི་དྲི་རྡོ་རྗེ་མ། བཤང་ལམ་གཤིན་རྗེ་མཐར་བྱེད། སྨྲ་བ་རེངས་བྱེད་མ་སྟེ་དེ་ལྟར་ས་ཁམས་ཀྱི་རིགས་དྲུག་པོ་དེ་དག་ནི་ཏིང་ངེ་འཛིན་ལ་སྦྱོར་ཏེ…

པར་བྱེད། །ཉན་ཐོས་དང་ནི་རང་རྒྱལ་གྱི། །སྤྱོད་ཡུལ་དུ་ཡང་ལྟུང་བར་བྱེད། །འདི་དག་ཐམས་ཅད་རྣམ་སྤངས་ཤིང༌། །སྣང་བ་མེད་པར་ནམ་གྱུར་པ། །དེ་ཚེས་སངས་རྒྱས་ལྷ་ཡི་ཕྱག །ཞིང་རྣམས་ཀུན་ནས་ཕྱུང་ནས་ནི། །དེ་ཡི་མགོ་ལ་བྱུག་མཛད་དེ། ཡང་དག་རྗེས་སུ་འགྲོ་བའི་ལྟས། །ཞེས་བཀའ་སྩལ་པས། རྟགས་སྣང་གིས་འཁྲིད་པ་འདི་དག་ནི་མུ་སྟེགས་ཅན་ནམ་ཐེག་པ…

གསལ་སྣང་ཐོབ་པ་ནི། དེ་བཞིན་ཉིད་དམིགས་དང༌། སངས་རྒྱས་རྣམས་ཀྱི་ཏིང་ངེ་འཛིན་རྟག་ཏུ་དགེ་བ་དང་མཚུངས་པར་དེ་བཞིན་ཉིད་མངོན་སུམ་དུ་མཐོང་བ་རྣམས་ཀྱི་མཉམ་བཞག་རྟག་ཏུ་དྲི་མ་དང་བྲལ་བ་ནི། དེ་བཞིན་གཤེགས་པ་དགེ་བའི་བསམ་གཏན་ཞེས་བྱ་སྟེ། འདི་དག་གོམས་པ་ལས་ཉི་ཟླའི་དབྱིབས་སོགས་ཏིང་ངེ་འཛིན་གྱིས་སྤྱོད་ཡུལ་གྱི་གཟུགས་བརྙན་མང་དུ་འ…

དང༌། རང་དོན་ཡིད་བྱེད་ཕྲ་མོ་སོགས་ཉན་རང་གི་ལམ་དང་རྣམ་པ་མཐུན་པའི་ཏིང་ངེ་འཛིན་གྱི་ཉམས་མང་དུ་འབྱུང༌། ཉམས་དེ་རྣམས་ཀྱང་ཀུན་རྫོབ་ཀྱི་སྣང་བ་ཡིན་ཞིང༌། སྔར་གྱི་མཚན་མའི་རྣམ་རྟོག་དང་འབྲེལ་བའི་འཁྲུལ་སྣང་གི་ཆ་ཤས་ཀྱང་ཡིན་མོད་ཀྱི། རེ་རེས་ཀྱང་འདྲ་མཚུངས་ཀྱི་སྒྲིབ་པ་མང་པོ་སྦྱོང་ཞིང༌། ཡོན་ཏན་མང་པོ་སྐྱེ་བའི་ཕྱིར་ལམ་གྱིས་…

བསྐུར་བ་ཡོད་པས་དང༌། ཡང་མདོ་ལས། ནམ་ཞིག་སེམས་ནི་གྱུར་པ་ན། །པདྨོ་འདྲ་བའི་གཞལ་མེད་ཁང༌། །སྒྱུ་མའི་སྤྱོད་ཡུལ་བྱུང་བ་ན། །དེ་ཡི་ཚེ་ན་ཐེར་ཟུག་གནས། །ཞེས་སོགས་དོན་དམ་ཡེ་ཤེས་ཀྱི་སྣང་བ་མཐའ་ཡས་པ་ཡོད་པར་བཤད་པ་དང་འགལ་བར་འགྱུར་རོ། །འོན་ཀྱང་དོན་རབ་འབྱེད་པའི་བསམ་གཏན་ལ་སོགས་པ་རྣམ་པར་རྟོག་པ་དང་བཅས་པའི་བསམ་གཏན་དང༌། དེའི་…

གནད་དུ་བསྣུན་པ་དང༌། ཕྱི་ནང་གཞན་གསུམ་གྱི་ནམ་མཁའི་གནད་དང༌། རྡོ་རྗེ་འབེབས་པའི་སྟོབས་ལས་འབྱུང་ངོ༌། །དེའི་ཕྱིར་སྟོང་གཟུགས་ཀྱི་གཙོ་བོ་རྣམས་ཆོས་ཉིད་ཀྱི་རང་མདངས་སོ། །དེ་ལ་སོ་སྐྱེའི་སྐབས་སུ་རྩ་རླུང་ཐིག་ལེ་རགས་པའི་མདངས་ཅུང་ཟད་འདྲེས་པ་སྲིད་ཀྱང་ཕལ་ཆེར་ལས་དང་པོ་པ་ཉིད་ནས་ཆོས་ཉིད་ཀྱི་སྣང་བ་གསལ་བར་མཐོང་བ་ཡིན་ནོ། །མ…

ཕྱག་ཆེན་པར་གྲགས་པ་ཕལ་ཆེར་རྣམས་དེ་ནི་ཉམས་ཀྱི་ཟ་ཟི་ཙམ་ཡིན་གྱི། ཡིན་ལུགས་ཀྱི་སྒོམ་རྣལ་མའི་ཐོག་ཏུ་ཕེབས་དུས་འདི་འགག་དགོས་ཟེར་བ་དང། རྒྱ་བོད་ཀྱི་དབུ་མ་པར་ཁས་འཆེ་བ་ཕལ་ཆེར་ཡང་གནས་ལུགས་སྤྲོས་བྲལ་ལ་རྟགས་འཆར་རྒྱུ་མེད། སྣང་བ་གང་ཤར་ཡང་སེམས་ཀྱི་འཁྲུལ་སྣང་ཡིན་ཟེར་བ་དང་བུ་སྟོན་ཆེན་པོའི་ཁྲིད་ཡིག་ནའང༌། སྒྱུ་མ་ལྟ་བུར་མ…

བས་སོ། །གཞན་ཡང་མཁས་མཆོག་དེ་ལ་བརྗོད་པ་ཉིད་ཅིག་རྡོ་རྗེའི་རྣལ་འབྱོར་ཚད་མར་མཛད་བཞིན་དུ་དེ་ལྟར་འདོད་པ་ནི་ཆེས་ཤིན་ཏུ་འགལ་བ་ནི་སོར་སྡུད་མངོན་སུམ་གྱི་ལམ་མ་ཡིན་པར་ཐལ་བར་འགྱུར་ཏེ། ཤེས་པ་དེ་ལ་སྣང་ཚང་འཁྲུལ་སྣང་ཡིན་པའི་ཕྱིར་རོ། །དེ་བཞིན་དུ། ཤེས་རབ་ཡེ་ཤེས་མེ་བོ་ཆེ་དང་སྔགས་མཆོག་སྔགས་བདག་སོགས་མ་ཡིན་པར་འགྱུར་ཏེ། ཐ་མ…

སོགས་དང་འགལ། མེད་ཀྱང་སེམས་ཀྱི་བག་ཆགས་ཀྱིས་སྣང་ངོ་སྙམ་ན། ཐིག་ལེ་ཆེན་པོ་ལ་སོགས་པ་བག་ཆགས་ཅི་ཞིག་ལས་འབྱུང༌། ཆོས་ཉིད་ཀྱི་རྣམ་པ་ཡིན་ནོ་ཞེ་ན་དེའི་ཆ་ཤས་ལ་ཟེར་རམ། བློ་ཉིད་དེའི་རྣམ་པར་ཤར་བ་ལ་ཟེར། དང་པོ་ལྟར་ན་འཁྲུལ་སྣང་ཡིན་པ་ཉམ། གཉིས་པ་ལྟར་ན་གོང་དུ་བཀག་པ་ཉིད་ཡིན་མོད་ཀྱི། འོན་ཀྱང་ཡུལ་ཅན་ཆོས་ཉིད་རྟོགས་པར་འགྱུར་བ…

པས་རང་གྲོལ་དུ་འགྱུར་བ་མི་འཐད་དེ་འཁྲུལ་སྣང་བསྒོམས་པའི་ཕྱིར། གནས་ལུགས་ལ་མི་སླེབ་པས་སོ། །དེ་དག་གིས་སྨྲས་པ་སྐྱོན་དེ་མེད་དེ་འཁྲུལ་སྣང་ཡིན་ཡང་ཞེན་པར་མི་བྱེད་ཅིང་སྟོང་པར་རིག་པས་སོ། །ཡང་བརྗོད་པ། འོ་ན་ངེད་ཀྱང་སྟོང་གཟུགས་ལ་ཞེན་པར་མི་བྱེད་ཅིང་སྟོང་པར་རིག་པར་ཅིའི་ཕྱིར་ལམ་དུ་མི་འགྱུར། དེ་བས་ན་རེ་ཤིག་ཁྱེད་ཀྱི་ངོར…

བ་འདི་དག་ནི། རྒྱལ་བའི་དགོངས་དོན་ལས་ཕྱིན་ཅི་ལོག་པ། མུན་པ་ནས་མུན་པར་འཇུག་པ། ལག་འགྲོ་ལྷ་མིན་གྱི་རིགས་སོ། །དེ་འདྲ་ལུགས་དེ་དག་གི་ཤིང་རྟ་ཆེན་པོའི་གྲུབ་མཐའ་ལ་མེད་དོ་སྙམ་ན། དེ་ནི་བདེན་ཏེ། འོན་ཀྱང་སྔོན་ནས་ད་ལྟའི་བར་གྱི་ལུགས་དེ་འཛིན་པའི་སྐྱེ་བོ་ཤས་ཆེ་བ་ཞིག་གི་ཁ་དང་སྙིང་ལ་རྟག་ཏུ་གནས་ཏེ་སྐྱེ་བོ་ལོག་པའི་ལམ་ལ་འཁྲ…

སྟོང་དང་མི་རྟོག་པ་ལ་སྤྱོད་པའི་ཕྱིར། །སེམས་ཉིད་རང་ཚོ་མ་ཟིན་པར་འགྱུར་རོ་ཞེས་ཟེར་ན། བཟའ་བ་དང༌། བཏུང་བ་དང༌། བགོ་བ་ལ་སྤྱོད་པ་དང༌། འགྲོ་བ་སོགས་མི་བྱེད་པའང་མ་མཐོང་བའི་ཕྱིར། ཁྱེད་ལའང་དེ་འདྲ་མི་སྲིད་པར་འགྱུར་རོ། །དེ་དག་སྒོམ་གྱིས་ཟིན་པའི་ཕྱིར་སྐྱོན་མེད་དོ་སྙམ་ན། ཁོ་བོ་ཅག་ཀྱང་སྒོམ་གྱིས་ཟིན་པར་བྱེད་ན་དེ་ལ་ཅི་ཞི…

ཡང་ཇི་ལྟ་བ་བཞིན་མ་ཡིན་ཏེ། རྩ་རྒྱུད་ལས། སོ་སོར་སྡུད་པ་ཕྱག་རྒྱ་ཆེ། །ནམ་མཁའ་སྟོང་པའི་མཚན་ཉིད་དོ། །ཞེས་དང༌། རྗེ་བཙུན་སྤྱན་རས་གཟིགས་ཀྱིས་ཀྱང་རྣམ་པ་ཐམས་ཅད་པ་ནམ་མཁའ་ལས་བྱུང་བ། ཀུན་ཏུ་བཟང་པོ་དབང་པོ་ཐམས་ཅད་པ། སེམས་ཅན་ཐམས་ཅད་ཀྱི་བདག་ཉིད་དུ་གནས་པ། ལྷན་ཅིག་སྐྱེས་པའི་དགའ་བ། ཞེས་སོགས་སྟོང་གཟུགས་ཀྱི་མཚན་ཉིད་གསུངས་…

དང་མཚུངས་པར་བཤད་པས་རྣམ་ཤེས་དང་བདེན་མེད་དུ་འགྱུར་རོ་སྙམ་ན། དཔེ་རྣམས་ནི་ཕྱོགས་རེ་ནས་ལེན་པ་ཡིན་གྱི། ཐམས་ཅད་དུ་མ་ཡིན་ནོ། །དེ་བས་ན་འདིར་ཡང་སྒྱུ་མ་རྨི་ལམ་སོགས་ཀྱི་དཔེས་བསྟན་པ་ནི། གསལ་བར་སྣང་ཡང་རྡུལ་ཕྲ་རབས་ཀྱི་ཆོས་མེད་པ་དང༌། འདུས་བྱས་དང་དངོས་པོས་སྟོང་པའི་དོན་ཡིན་གྱི། འཁྲུལ་སྣང་ཡིན་པའམ། རང་གི་ངོ་བོས་བདེན་པར…

བསམ་པ་ཡིས། །བདེན་པར་སྨྲས་པ་དེ་མ་ཡིན། །ཇི་ལྟར་རི་བོང་རྭ་དང་ནི། །དེ་བཞིན་མོ་གཤམ་བུ་ལྟ་བུ། །དངོས་པོ་ཐམས་ཅད་གང་དུ་ཡང༌། །རྒྱལ་བས་དངོས་མེད་མ་གསུངས་སོ། །ཞེས་གསུངས་ཏེ། སྒྱུ་མ་སོགས་ཀྱི་དཔེས་བསྟན་པས་བདེན་མེད་ཁོ་ན་ཡིན་ནོ་ཞེས་སྨྲས་པ་ནི་བྱིས་པ་རྣམས་བསླུ་བའི་ཐབས་ཡིན་གྱི། གཞན་ཕན་གྱི་བསམ་པས་བདེན་པར་སྨྲས་པ་མིན་ནོ། །…

ཀྱི་སྟོང་བ་ཉིད་མཐོང་བའོ། །ཞེས་གསུངས་པའི་ཕྱིར། བདེན་མེད་དང་ཀུན་རྫོབ་ཏུ་གྲུབ་པོ་སྙམ་ན། འདིར་ཀུན་རྫོབ་སྟོང་ཉིད་ནི་དམིགས་བཅས་སྟོང་ཉིད་ཀྱི་མིང་ངོ༌། །གོང་དུའང་བཤད་པ་ལྟར་ཏེ། འདིའི་དམིགས་བཅས་ཀྱང་འཁྲུལ་པའི་སྣང་བ་དང༌། གཟུང་འཛིན་གྱི་སྣང་བ་དང༌། རྣམ་པར་རྟོག་པ་དང༌། །སྤྲོས་པ་ལ་མི་ཟེར་གྱི་དམིགས་པ་ཞེས་པ་ནི་མངོན་སུམ་…

པའི་ཕྱིར། །བུམ་པ་དང་བུམ་པའི་དོན་སྤྱི་ཟུང་འཇུག་དང༌། མིའི་དོན་སྤྱི་དང་ཆུའི་དོན་སྤྱི་ཟུང་འཇུག་དང༌། ལྷས་བྱིན་དང་མཆོད་སྦྱིན་ཟུང་འཇུག་དང༌། མཐར་གཏུག་ན་རི་བོང་གི་རྭ་དང་མོ་གཤམ་གྱི་བུ་ཡང་ཟུང་འཇུག་ཏུ་ཐལ་བར་འགྱུར་ཞིང༌། དེ་ལྟར་འདོད་ཀྱང་སྲིད་ན། ཁྱེད་ཀྱི་ཟུང་འཇུག་གི་རྣམ་གཞག་འདི་ནི་ངོ་མཚར་ཅན་ཞིག་སྟེ། ངོ་བོ་མི་འདྲ་བ…

ཀྱི་ཡང་དག་པའམ་བསྒྲིབས་པ་རྣམས་ཀྱི་དོན་ཞེས་པར་ཡང་འགྱུར་བས། སྒྲིབ་བྱེད་ཀུན་རྫོབ་རྣམས་ཀྱི་ཆོས་ཉིད་ལ་ཡང་སཾ་བྲྀ་ཏ་ཞེས་བྱ་བས་འདིར་དེ་ཡིན་ནོ། །ཡང་འགའ་ཞིག་དུ་བ་ལ་སོགས་པའི་ལམ་ཞེས་གསུངས་པས། ལམ་ཡིན་པའི་ཕྱིར་འདུས་བྱས་སོ་སྙམ་ན། འདིས་ནི་དུ་བ་ལ་སོགས་པ་ཡང་ཡིན་ལ་ལམ་ཡང་ཡིན་ནོ་ཞེས་པའི་དོན་མ་ཡིན་ནོ། །ཅི་སྟེ་ངེས་པར་ཡིན་ད…