ན་མོ་གུ་རུ་བྷྱཿ ཕ་རྡོ་རྗེ་འཆང་ལ་ཕྱག་འཚལ་ནས། །འདིར་སྙིང་གཏམ་ཚིག་གསུམ་སྨྲ་བ་ནི། །ཚེ་འདིའི་སྣང་བ་ནི་འཇའ་ཚོན་དང་འདྲ། །འདི་ཡི་རྗེས་འདེད་མི་འཚལ་ལོ། །སྣང་བ་འདི་རང་སེམས་ཀྱི་བྱེད་པ་གཅིག་ལགས། །ཐ་དད་དུ་འཛིན་ཞེན་མི་འཚལ་ལོ། །རིག་པ་ཞེན་མེད་དུ་མ་ཤར་ན། །སྒོམ་བྱས་ཚད་བཟང་རྫུར་འགྲོ་ཉེར་གདའ། །རང་སེམས་ཚིར་གྱིས་མ་བཟུང་ན།…

དྲག་དཔུང་པ་འཛོམ་པ་ཡང༌། །དུས་ངེས་མེད་འཆི་བ་བྱུང་བའི་ཚེ། །ནོར་མངའ་ཐང་ལོངས་སྤྱོད་ཀུན་བོར་ནས། །སླར་ངན་སོང་གསུམ་དུ་འགྲིམ་པ་མཐོང༌། ལར་མི་རྟག་འདུས་བྱས་སྤྱི་ལུགས་ཡིན། །དོན་འདི་ལ་བསམས་ནས་ཆོས་ལ་འབུངས། །བྱམས་སྙིང་རྗེ་ཕྱོགས་མེད་དུ་སྐྱོང་བ་དང༌། །འཕྲལ་གང་ཤར་ལ་ཞེན་མེད་དུ་སྐྱོང་བ་དང༌། །ཚེ་འདི་དང་ཕྱི་མ་བར་དོ་གསུམ། །…

ཡང་ཞལ་གདམས་གཅིག་ལ། བླ་མ་རྣམས་ལ་ཕྱག་འཚལ་ལོ། །ཉམས་ལེན་སྙིང་པོར་དྲིལ་བ་ནི། །ཀུན་རྫོབ་སྙིང་རྗེ་ཆེན་པོ་དང༌། །དོན་དམ་སྤྲོས་དང་བྲལ་བ་ཡིན། །དག་སྣང་ལྷ་སྐུའི་ལམ་ཁྱེར་ནི། །སྔགས་ཀྱི་སྙིང་པོའི་ཉམས་ལེན་ཡིན། །བདེ་སྡུག་འཕྲལ་རྐྱེན་ཞིག་བྱུང་ཡང༌། །གང་བྱུང་ལམ་དུ་འཁྱེར་བ་ལས། །ཟབ་པའི་ཉམས་ ལེན་ཅི་ཞིག་ཡོད། །རབ་གསལ་རྒྱལ་པོའ…

དུམ་བུར་གཏུབས་སམ་མེས་བསྲེགས་ཀྱང༌། །དེ་ལ་སྡུག་བསྔལ་ཅི་ཡང་མེད། །ལུས་མེད་ན་ནི་སེམས་དེ་ཡང༌། །བསྟན་དུ་མེད་ཅིང་ཐོགས་མེད་ཕྱིར། །ཡུལ་དང་འབྲེལ་བའི་བདེ་སྡུག་མེད། །ལུས་དང་སེམས་ལས་གཞན་པ་ཞིག །སྡུག་བསྔལ་མྱོང་བ་མེད་པས་ན། །སྐྱིད་བྱ་སྐྱིད་བྱེད་འཁྲུལ་པ་སྟེ། །སྡུག་བྱ་སྡུག་བྱེད་ཡོད་མ་ཡིན། །མེད་པའི་ངང་ལ་མཉམ་པར་ཞོག །སྣང་…

ཙམ་ཞིག་མ་གཏོགས་པ། །སྐྱེ་འགག་གནས་གསུམ་བྲལ་བ་ཡིན། །འདས་པ་དང་ནི་མ་འོངས་པ། །རི་བོང་རྭ་ལྟར་ཅང་མེད་ཡིན། །ད་ལྟར་ན་ཡང་མ་དམིགས་པས། །འཁྲུལ་ངོ་མ་གཏོགས་དོན་ལ་མེད། །དེ་ལྟར་རིག་པས་དཔྱོད་པ་འཚལ། །དཔྱད་པ་ཙམ་ལ་མ་བཞག་པར། །རང་བཞིན་ངང་དེར་མཉམ་པར་ཞོག །རང་ངོ་ཤེས་པས་ཚིར་གྱི་ཟུང༌། །བདེ་སྡུག་སྣང་བའི་སེམས་དེ་ཡང༌། །ལྷ་སྐུར་ལམ་…

འགྲོ་ཀུན་དགའ་བའི་འཕྲིན་ལས་ཀྱིས། །སྙིང་པོའི་བསྟན་པ་རྒྱས་བྱེད་ཅིང༌། །ཐར་པའི་ལམ་སྟོན་མཇལ་གྱུར་ནས། ཁྱོད་ལ་ཕན་བདེ་རབ་རྒྱས་ཤོག །དད་ལྡན་མས་ངེས་འཚལ་བ། ཆོས་ཐམས་ཅད་ཀྱི་རྩ་བ་བཞི་པོ་འདིར་འདུས། དད་པ་བརྟན་པ། བསམ་པ་བཟང་བ། ལས་འབྲས་ལ་རྩི་བ། ང་རྒྱལ་སྤངས་པ་སྟེ་བཞི་ཡི། དང་པོ་དད་པ་ནི། བླ་མ་སངས་རྒྱས་དངོས་སུ་མཐོང་བ། མཛད་ས…

ཡིན་སྙམ་ནས་གཞན་ལ་བརྙས་བཅོས་བྱས་ན། སྐྱེས་བུ་དམ་པ་གང་ན་ཡོད་མི་ཤེས་པས། དེ་འདྲ་ལ་ང་རྒྱལ་གྱིས་བརྙས་ན་ཚེ་འདིའི་བསོད་ནམས་ཉམས། སྐྱེ་བ་ཕྱི་མ་ཡི་དྭགས་ལྦ་བ་ཅན་དུ་སྐྱེ། དེས་ན་བརྙས་པ་མི་བྱེད་གུས་པ་བྱ། ང་རྒྱལ་རང་མཐོང་ཆེ་འདོད་སྤངས་ན་རིགས་མཐོ་བར་སྐྱེ་བ་ལགས།། །།ཞེས་པའང་རྒྱལ་ཁམས་པ་ཏཱ་ར་ནཱ་ཐས་གདམས་པའོ། །མངྒལཾ། །དགེའོ།…

ཨོཾ་སྭཱ་སྟི། རྒྱལ་བ་ཀུན་འདུས་ཀྱི་ངོ་བོ་མཚན་ལྡན་བླ་མ་ལ་ཕྱག་འཚལ་ལོ། །འདིར་བུའི་དོན་པོ་དགེ་བའི་བཤེས་གཉེན་བློ་གྲོས་དཔལ་བཟང་བ་ལ། ཉམས་ལེན་གནད་བསྐུལ་གྱི་རིམ་པ་ཅུང་ཟད་བྲི་བར་བྱ་སྟེ། སྤྱིར་ཆོས་ཐམས་ཅད་ཀྱི་འཇུག་སྒོ་ངེས་འབྱུང་དང་སེམས་བསྐྱེད་གཉིས་ཡིན། དངོས་གཞི་ཏིང་ངེ་འཛིན་དང་ཤེས་རབ་གཉིས་ཡིན། མཐར་ཕྱིན་བྱེད་རང་དོན…

དཔའི་སྤྱོད་པ་ཐམས་ཅད་གཞན་དོན་ཡིན་ཀྱང༌། ཞོར་ལ་རང་དོན་རྒྱ་ཆེན་པོ་གཙོ་བོར་འགྲུབ་པའི་སྤྱོད་པ་རྣམས་ལ་རང་དོན་གྱི་སྤྱོད་པ་ཞེས་བྱ་སྟེ། དེ་ཡང་བདག་གཞན་མཉམ་པ་ཉིད་དུ་ཤེས་པ་དང༌། མཐར་ཐུག་སེམས་ཅན་སྒྲོལ་བར་འདོད་པས། གནས་སྐབས་བདག་ཉིད་བྱང་ཆུབ་ལ་འདུན་པ་དྲག་པོ་དང༌། མངོན་ཤེས་རྫུ་འཕྲུལ་སོགས་ཡོན་ཏན་གྱི་ཁྱད་པར་མང་པོ་སྒྲུབ་པ་…

དབྱིངས་དང་ཡེ་ཤེས་ཟུང་འཇུག་དང༌། འཕྲིན་ལས་ལྷུན་གྲུབ་ཏུ་འབྱུང་བའི་ཐུགས་རྗེ་དམིགས་པ་མེད་པའི་ངོ་བོར་གནས་པ་སྟེ། མཚན་ཉིད་བཞི་ལྡན་ཡིན་ནོ། །སེམས་བསྐྱེད་དང་ཏིང་ངེ་འཛིན་དང་གཞན་དོན་གྱི་སྤྱོད་པའི་རང་འབྲས་ནི། གཟུགས་སྐུ་ཡིན་ཏེ། མཛད་པ་ལྷུན་གྱིས་གྲུབ་པ་དང༌། ཡེ་ཤེས་དང་སྨོན་ལམ་གྱི་སྟོབས་ལས་བྱུང་བ་དང༌། གང་ལ་གང་འདུལ་དུ་…

འཛིན་དང་ཤེས་རབ་དང་སྒོམ་བྱུང་རྣམ་པར་དག་པ་ལ་འགོད་ཐུབ་ན། གང་དག་གཅིག་ལ་སྟོང་ཉིད་ཀྱི་ལྟ་བ་རྣམ་པར་དག་པ་སྐྱེས་པས་ཀྱང་ཐོས་བསམ་ཁོ་ན་ཅན་གྱི་སྡེ་སྣོད་འཛིན་པར་གྲགས་པ་བརྒྱ་སྟོང་ཐོན་པ་ལས་གཞན་དོན་རླབས་ཆེ་བ་ཡིན། ཏིང་ངེ་འཛིན་ལྟར་སྣང་སྐྱེས་པ་ལས་ནི། རྒྱལ་བའི་གསུང་རབ་རྣམ་པར་དག་པ་ལ་ཐོས་བསམ་བྱུང་ན་བརྒྱ་སྟོང་འགྱུར་གྱི་དེ་…

ཅད་དགེ་བར་བསྒྱུར་བ་དང༌། འཕྲན་བུ་མི་སྤྱོད་ཀ་མེད་རྣམས་གཞན་ལ་ཕན་ན་བདག་ཉིད་ཉེས་པར་གྱུར་ཀྱང་སླ་སྙམ་པའི་བདག་གཞན་བརྗེ་བ་དང༌། འདི་ནི་མི་འོས་པའི་བྱ་བ་ཞིག་གོ་སྙམ་པས་བཤགས་པ་དང་སྒྲིབ་སྦྱོང་ལ་འབད་པར་བྱས་ན། བྱང་ཆུབ་སེམས་དཔའི་སྤྱོད་པ་ཁྱད་པར་ཅན་དུ་འགྲོ་བ་ཡིན། སོ་སོ་སྐྱེ་བོའི་གཞན་དོན་ཕལ་ཆེར་དོན་མེད་དུ་འགྲོ་བ་མ་ཡིན་ན…

ཞེས་རང་གི་རང་ལ་བརྡ་སྦྱོར་དགོས། ཡང་ཉམས་ལེན་དང་གཞན་དོན་སྤྱོད་པས་ངལ་བ་དང༌། སྒྱིད་ལུག་པར་གྱུར་ན་འདི་ལྟར་བསམ་སྟེ། རྒྱལ་བ་སྲས་བཅས་རྣམས་ཀྱི། གཞན་དོན་དུ་སྐུ་དང༌། རྒྱལ་སྲིད་སྦྱིན་པར་བཏང་བ་ལ་ཡང་གྲངས་མེད། ཏིང་ངེ་འཛིན་གྱི་དོན་དུ་ཞབས་ཡ་གཅིག་བཙུགས་ཏེ། ལོ་བརྒྱད་ཁྲིར་བཞུགས་པ་སོགས་མཛད་སྣང༌། ཁྱོད་ཀྱིས་འཁོས་འདིས་བྱང་ཆ…

པའི་རང་བཞིན་ལ། །བཟང་ངན་མཐོ་དམན་བདེ་སྡུག་ཡོད་མེད་པས། །སྤྲོས་བྲལ་དབྱིངས་ལ་མཉམ་པར་བཞག་གྱུར་ན། །གེགས་དང་གོལ་ས་ཐམས་ཅད་རང་གྲོལ་ཡིན། །ཞེས་པ་འདི་ནི་རྒྱལ་ཁམས་པ་ཏཱ་ར་ནཱ་ཐས་ཉེ་བར་གདམས་ཏེ། ངོ་མཚར་ཅན་གྱི་དམ་ཆོས་འདི། ཁྱོད་ཀྱི་ཐུགས་སུ་སོན་པ་དང༌། །ཤཱཀྱའི་མཚན་འཆང་རྒྱལ་དཻས་ཀྱང༌། །ངེས་པར་བྱིན་གྱི་རློབས་པར་འགྱུར། །ཤར་ཕ…

ཨོཾ་སྭཱ་སྟི། དགོས་འདོད་ཀུན་འབྱུང་བླ་མ་ལ། །ལུས་ངག་ཡིད་གསུམ་ཕྱག་འཚལ་ནས། །ཉམས་ལེན་སྒྲུབ་པའི་མན་ངག་ཅིག །མདོ་ཙམ་བདག་གིས་གསོལ་བར་བགྱིད། །དེ་ལ་འཁོར་བ་ཐམས་ཅད་སྡུག་བསྔལ་ཡིན་པས། སེམས་རྒྱུད་ཆོས་སུ་སོང་བ་ཞིག་མ་བྱུང་ན། གཞན་འཁོར་བའི་ཕུན་ཚོགས་གང་གིས་ཀྱང་ཕན་མེད། ནམ་འཆི་ཆ་མེད་མི་ལུས་རྙེད་དཀའ་བས་ཆོས་ཉམས་ལེན་ལ་ཕྱི་ཤོལ…

ཐག་ཆོད་པ་སྟེ། བཞི་པོ་དེ་ཚང་ན། རྟོགས་པ་མི་སྐྱེ་བའི་ཐབས་མེད། རྩ་བ་མོས་གུས་རང་ལ་འདུས། གཞན་ཡང་དེང་སང་གི་སྒོམ་ཆེན་པ་ཕལ་ཆེར། བསྐྱེད་རིམ་བཟླས་སྒོམ་ལ་གཡས་ཆུང་ངུ་བྱེད། ཡང་སྟོང་ཉིད་ཁོ་ན་ལ་གདེང་ཡོད་དམ་སྙམ་ན། བསྲུང་པ་དང་འདྲེ་འདུལ་སོགས་སྔགས་ཐུ་ཐུ་དང༌། གདམས་ངག་སད་སུད་ཅིག་ལ་ཀ་རེ་སྟེ། དེ་གཉིས་འགལ་བ་ཡིན། རྡོ་རྗེ་འཆང…

ཡིན། འདིའི་མན་ངག་ནི་སེམས་མ་བཅོས་སོ་མར་འཇོག་པ་ཁོ་ནར་འདུག རང་རིག་རང་གསལ་རྗེན་ནེ་བ་ལ་གནས་པ་འདི་ཞི་གནས་སྐྱོན་མེད་པ་ཡིན། དེ་ལ་བརྟེན་ཏེ་རང་སེམས་ཀྱི་གནས་ལུགས་རྟོགས་པའི་ཐབས་ལ་འབད་དགོས་པ་ཡིན་ལ། སེམས་ཀྱི་གནས་ལུགས་དེ་ནི་གཞི་གདོད་མ་ནས་ཅིར་ཡང་མ་གྲུབ་ཀྱང་འདུག་པ་དེའི་རང་ཞལ་ལྟ་ཤེས་ན་སྒོམ་ཆེན་དུ་སླེབ་པ་ཡིན། དེ་ཉིད་ར…

ཨོཾ་སྭཱ་སྟི། བླ་མ་རྣམས་ལ་གུས་བཏུད་ནས། །ཉམས་ལེན་གདམས་པ་མདོ་ཙམ་ཞིག །བུ་ཡི་དོན་པོ་ཁྱོད་ལ་གདམས། ཁྱོད་ཀྱི་ཐུགས་དང་འཕྲོད་པར་སྨོན། །ད་རེས་རྟེན་མི་ལུས་ཁྱད་པར་ཅན་ཐོབ་པ་ལ་ཉམས་ལེན་སྒྲུབ་པ་སྙིང་པོར་བྱེད་པ་གལ་ཆེ་ཞིང༌། དེ་ཡང་གང་སྣེ་ཟིན་ཟིན་ནས་སྒོམ་པས་ཀྱང༌། དོན་ཆེན་པོ་འགྲུབ་པ་སྲིན་མོད་ཀྱི། འོན་ཀྱང་ཉམས་ལེན་ལ་རྐང་སྒ…

བའི་ལྟ་བས་རྒྱས་ཐེབས་པ་སྟེ་བཞི་པོ་དེ་རྣམས་ཚང་དགོས། དེ་ཀུན་ཡང་ཆོས་རྒྱུད་ཐ་དད་པ་སྣ་ཚོགས་ཀྱི་འཁོ་འཁོ་བསྡུས་པ་ཙམ་མ་ཡིན་པ། བཀའ་བབས་ཀྱི་ཆུ་བོ་གཅིག་ལས་བྱུང་བ་གལ་ཆེ། སྙིང་པོ་ལག་ལེན་དུ་དྲིལ་བ་ལ་ཐུན་བཞིར་དགེ་སྦྱོར་གང་བྱེད་ཀྱང་ཐོག་མར་ངེས་འབྱུང་དང༌། བྱང་ཆུབ་ཀྱི་སེམས་ཡིད་འགྱུར་བ་ཐོན་ངེས་པ་དང༌། བར་བར་ཐམས་ཅད་དུ་ངེས…

མོས་གུས་དྲག་པོ་རྩེ་གཅིག་ཏུ་གསོལ་བ་འདེབས་པ་རྣམ་པ་ཀུན་གལ་ཆེ། མདོ་འདོན་པ་དང༌། གཏོར་མ་གཏོང་བ་དང༌། ཕྱག་མཆོད་སཱཙྪ་གདབ་པ་སོགས་ཀྱང་ནུས་ན་གང་འགྲུབ་བྱ་ཞིང༌། དགེ་བ་ཐམས་ཅད་སངས་རྒྱས་ཀྱི་རྒྱུར་བསྔོ་བས་རྒྱས་ཐེབས་པ་ལ་གཅིག་ཏུ་ནན་ཏན་འཚལ། ཚེ་སྤེལ་བ་སོགས་འདོད་ལྷ་འཕྲན་བུའི་བསྙེན་བསྒྲུབ། བསྐྱེད་རྫོགས་དངོས་གཞི་ཚར་རེ་སོང་བ…