བསྒྱུར་བ་དེ་དག་གིས་ཨེ་ཝཾ་ཟུང་དུ་འཇུག་པའི་ཡེ་ཤེས་ཀྱི་སྡོམ་པ་མངོན་དུ་མཛད་པའི་ཉམས་སྐྱུགས། རྡོ་རྗེའི་མགུར་རྣམས་གྲུབ་པའི་སྐྱེ་བོ་གཅིག་ནས་གཅིག་དུ་བརྒྱུད་དེ་གསུང་རྒྱུན་མ་ཉམས་པར་འཕེལ་བའི་དབྱངས་ཀྱི་རྟ་ལས་དྲངས་ཏེ་ལེན་པ་འདིའི་ཁུངས་ཀྱང་། སྤྱིར་བསྟན་པའི་མངའ་བདག་སྟོན་པ་བཅོམ་ལྡན་འདས་ཀྱི་ཆོས་ཀྱི་འཁོར་ལོ་ཟབ་རྒྱས་མཐའ…

བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །ཞེས་གསུངས་པ་སོགས་ཐེག་པ་ཆེ་ཆུང་གི་སྡེ་སྣོད་དུ་མ་ནས་དཀོན་མཆོག་བསྟོད་པའི་སྒྲ་དབྱངས་དང་། དམ་པའི་ཆོས་ཀྱི་སྒོ་དུ་མ་དབྱངས་ཀྱི་ང་རོ་དང་སྙན་པའི་གདངས་ཀྱིས་འདོན་པ་དང…

དག་གིས། །ལེགས་པར་གླུ་བླངས་གར་ཡང་བྱ། །ཞེས་དང་། ཧེ་རུ་ཀ་འདུས་པའི་རྒྱུད་ལས། གླུ་དང་གར་དང་སྤྱོད་པ་ཀུན། །རྒྱལ་བའི་མཛད་པར་མ་གྱུར་མེད། །ཅེས་གསུངས་པ་སོགས་དཔག་ཏུ་མེད་དོ། །དེ་ཡང་རྒྱ་གར་འཕགས་པའི་ཡུལ་དུ་རྒྱལ་བས་ལུང་བསྟན་པའི་རྣལ་འབྱོར་གྱི་དབང་ཕྱུག་བརྒྱད་དང་། ཚོགས་ཀྱི་འཁོར་ལོའི་འདུ་བ་གཅིག་ཏུ་སྤྱོད་པའི་རྣལ་འབྱོར་ཕ…

དོན། མཁའ་འགྲོ་འབུམ་སྡེའི་སྙིང་ཁྲག །ཐར་ལམ་གསལ་བའི་སྒྲོན་མེ། སྐལ་ལྡན་དབང་རྣོན་ཐོས་པའི་མོད་ལ་འཆིང་བ་ཐམས་ཅད་ལས་རྣམ་པར་གྲོལ་ཏེ་ད་ལྟ་རང་འཚང་རྒྱ་ནུས་པ་ཤ་སྟག་ལགས་སོ། །དེ་ལྟ་བུའི་མགུར་གྱི་སྤྱི་ཆིངས་ལ་དོན་ལྔ་སྟེ། མགུར་ལེན་པའི་དགོས་པ། མགུར་བླངས་པའི་དུས། མགུར་ཇི་ལྟར་བླངས་པ། མགུར་ལེན་དུས་ཀྱི་བསམ་པ། མགུར་སྤྱི་དང་…

འཐོབ། སྣང་བ་དབང་དུ་འདུ། སྙན་པས་ཕྱོགས་བཅུར་ཁྱབ། ཕྲིན་ལས་འདོད་དགུར་བསྒྱུར། དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད་པདྨའི་མཚོ་ལ་ངང་པ་ལྟར་འདུ། ཞེན་ཆགས་མེད་ཀྱང་ལོངས་སྤྱོད་ཀྱི་ཆར་འབབ། ལམ་གོང་མ་གོང་མའི་ཡོན་ཏན་འབད་མེད་དུ་སྐྱེ་ཞིང་ཆོས་ཉིད་ཀྱི་དོན་རྟོགས། མཐར་ཐུག་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐ…

འགྱུར་ཡིན་ཏེ་ལུས་ཀྱི་ལས་སུ་བཀའ་བརྒྱུད་རིན་པོ་ཆེའི་རིགས་ཀྱི་དབང་རྟགས་སྒོམ་ཞྭ་བརྗིད་ཆགས་དང་། ཆོས་གོས་རྣམ་གསུམ་གྱོན། ལུས་གནད་རྣམ་པར་སྣང་མཛད་ཀྱི་ཆོས་བདུན་བཅས་ཏེ་ལེན། ངག་གི་ལས་སུ་བྱིན་རླབས་དོན་གྱི་བརྒྱུད་པའི་བླ་མ་གྲུབ་པའི་འཁོར་ལོས་བསྒྱུར་བ་རྣམས་ཀྱི་གསུང་རྒྱུན་ཉམས་པ་མེད་པ། སློབ་དཔོན་མཁས་པ་དག་གི་ཞལ་ལས་ལེགས…

བརྒྱུད་ཡིད་བཞིན་ནོར་བུ་ལ་མི་ཕྱེད་པའི་དད་པ་དང་། བྱམས་སྙིང་རྗེ་བྱང་ཆུབ་ཀྱི་སེམས་ཀྱིས་ཀུན་ནས་བསླང་སྟེ་སྣང་བ་དང་མི་སྣང་བའི་སེམས་ཅན་ནམ་མཁའི་མཐའ་ཀླས་པ་དག་ལ་ཆོས་ཀྱི་སྦྱིན་པ་བཏང་བ་དང་། ལུས་ལྷ་ངག་སྔགས་སེམས་ཆོས་ཉིད་ཀྱི་དཀྱིལ་འཁོར་གསུམ་དང་མ་བྲལ་ཞིང་། ཁྱད་པར་རིག་སྟོང་ཟུང་འཇུག་ཕྱག་རྒྱ་ཆེན་པོའི་ཏིང་ངེ་འཛིན་ལས་མ་ག…

གསུང་ཡིག་རྙིང་ཁུང་ཐུབ་སོར་བཞག་སྟེ། ངག་གི་ལམ་ནས་ལྷག་ཆད་མེད་པར་བསྒྲགས་པ་ཉིད་ལས་སུ་ཞིག་གིས་སྤོབས། གཞན་ཡང་སྔ་རབས་པའི་གསུང་སྒྲོས་ལ། ཁྱབ་བདག་རྡོ་རྗེ་འཆང་ཆེན་པོས་ཆོས་ཉིད་གདོད་མའི་གནས་ལུགས་ཀྱི་མགུར་དུ་གསུངས། བདེ་མཆོག་འཁོར་ལོ་ཏཻ་ལོ་པས་ཟུང་འཇུག་ལྷན་སྐྱེས་ཀྱི་ཡེ་ཤེས་ངོ་སྤྲོད་དུ་གསུངས། རྡོ་རྗེ་སེམས་དཔའ་ནཱ་རོ་ཏ་…

རྟོགས་པ་རོ་མཉམ། སྟོང་ཉིད་སྙིང་རྗེ་ཟུང་འཇུག །རྒྱུ་འབྲས་དབྱེར་མེད། མི་རྟག་ངེས་འབྱུང་ཞེན་ལོག །བླ་མ་རང་སེམས་དབྱེར་མེད། གེགས་སེལ་བོགས་འདོན་སོགས་ཀྱི་ཉམས་མགུར་ཅི་རིགས་པར་གསུངས། དེ་དག་ནི་གཙོ་ཆེ་བའམ་མཚོན་པ་ཙམ་སྟེ། རྗེ་བཙུན་ཆེན་པོ་མི་ལས་མགུར་ཆེན་ཁྲི་ཚོ་གཅིག་དང་དྲུག་སྟོང་གསུངས་པའི་ཁྲི་ཕྲག་གཅིག་པོ་མཁའ་འགྲོས་འོག…

དབྱངས་འགའ་ཞིག་གཙོ་བོར་བྱས་ནས་བཀའ་བརྒྱུད་གོང་མ་དག་གི་གསུང་མགུར་ཁ་ཤས་ཤིག་འགྲིགས་ཆགས་སུ་བཀོད་དེ་དབྱངས་ཚིག་ཐམས་ཅད་ལ་དག་ཐེར་དང་བཅས་རྒྱས་པར་སྤེལ་ཏེ། དེ་ལ་ས་བཅད་ཀྱང་དང་པོ་གསོལ་འདེབས་མཆོད་སྟོད་དང་བཅས་ནས་མགུར་གྱི་སྣ་འདྲེན། བར་དུ་ལོ་རྒྱུས་བྱུང་ཁུངས་དང་བཅས་ནས་མགུར་གྱི་ཁོག་དབུབས། ཚིག་བཅད་འབྲུ་གནོན་དང་བཅས་ནས་མགུ…

ཆེ་ཞེས་འཇིག་རྟེན་གསུམ་དུ་སྙན་པར་གྲགས་ཤིང་། ཆོས་ཐམས་ཅད་ཀྱི་རྩ་བ་ཟབ་མོ་ཕྱག་རྒྱ་ཆེན་པོའི་སྒོ་ནས་ལུས་འཇའ་ལུས་དང་། སེམས་ཆོས་ཀྱི་སྐུར་མངོན་པར་རྫོགས་པར་སངས་རྒྱས་པའི་སྐྱེས་བུའི་ཁྱུ་མཆོག་དེ་རྣམས་ཀྱིས། གདུལ་བྱ་སོ་སོའི་སྐལ་བ་དང་མཚམས་པར་ཐོས་གྲོལ་རྟོགས་ཚད་རྡོ་རྗེའི་གླུའི་རིམ་པ་འབྱམས་ཀླས་པ་ཞིག་གསུངས་པ་ལས། འདིར་མོ…

འདོན་རྡོ་རྗེའི་མགུར་དབྱངས་ཀྱི། །གོ་དོན་ཁོག་དབུབས་ལེགས་པར་བཤད་པ་སྟེ། །འདི་བྲིས་དགེ་བས་འཇིག་རྟེན་ཁམས་རྣམས་སུ། །སྒྲུབ་བརྒྱུད་བསྟན་པས་འགྲོ་ཀུན་སྨིན་གྲོལ་ཤོག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙི…

མཆོག་གི་དངོས་གྲུབ་མངོན་དུ་བྱེད་པའི་མྱུར་ལམ་བཀའ་བརྒྱུད་བླ་མ་རྣམས་ཀྱི་རྡོ་རྗེའི་མགུར་དབྱངས་ཡེ་ཤེས་ཆར་འབེབས་རང་གྲོལ་ལྷུན་གྲུབ་བདེ་ཆེན་རབ་འབར་ངེས་དོན་རྒྱ་མཚོའི་སྙིང་པོ་ཞེས་བྱ་བ་བཞུགས་སོ། །

མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཀུན་ཁྱབ་ཆོས་ཀྱི་སྐུ་ལ་གསོལ་བ་འདེབས་སོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་བདེ་ཆེན་ལོངས་སྤྱོད་རྫོགས་པའི་སྐུ་ལ་གསོལ་བ་འདེབས་སོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཐུགས་རྗེ…

ནམ་མཁའ་དང་མཉམ་པའི་སེམས་ཅན་ཐམས་ཅད་རྣལ་འབྱོར་ཀྱི་དབང་ཕྱུག་སངས་རྒྱས་མཉན་པ་ཆེན་པོའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། རྣལ་འབྱོར་གྱི་དབང་ཕྱུག་ཆེན་པོ་དང་འབྲལ་བ་མེད་པའི་མཆོག་གི་དངོས་གྲུབ་སྩོལ་ཞིག །བཀའ་བརྒྱུད་རྡོ་རྗེ་འཆང་ནས་བཟུང་སྟེ་རྒྱལ་དབང་མཁའ་ཁྱབ་རྡོ་རྗེའི་བར་དུ་བྱོན་པའི་དཀོན་མཆོག་གསུམ་པོ་དེ་དག་རྣལ་འ…

རབ་འབྱམས་ཀྱི་སངས་རྒྱས་དང་བྱང་ཆུབ་སེམས་དཔའ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པས་བསྐོར་བ་མདུན་གྱི་ནམ་མཁའི་གནས་སུ་བཛྲ་ས་མཱ་ཛཿ བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་ཕྱག་རྒྱ་ཆེ། །བདག་གི་ཡེ་ཤེས་སྤེལ་སླད་ཕྱིར། །རྟེན་འདི་ཉིད་དུ་དབྱེར་མེད་གསོལ། །མཆོད་པ་ཐམས་ཅད་ཡོངས་སྤངས་ནས། །བླ་མ་མཆོད་པ་…

སངས་རྒྱས་མཉན་པའི་སྐུ་འབག་གི་མདུན་དུ་ཐེག་པ་ཆེན་པོའི་གསོ་སྦྱོང་བླངས་ཏེ་མགུར་མ་བྱ་ཞིང་། གཞན་ཡང་ཉི་ཤུ་དགུའི་དུས་སུ་སངས་རྒྱས་མཉན་པའི་དུས་ཆེན་ལ་མགུར་གྲ་ལེགས་པར་སྒྲིག་པ་དང་། གཞན་ཡང་ནད་ཡམས་དང་འགལ་རྐྱེན་སོགས་མི་མཐུན་པས་གཙོས་པ་དང་། གཤིན་པོ་ལ་སོགས་པ་རྣམས་ཀྱི་དོན་དུ་མགུར་གྲ་ལེགས་པར་སྒྲིག་པར་ཞུ། ༈ ན་མོ་གུ་རུ། གས…

འདེབས། འོད་གསལ་གྱི་རྫུ་འཕྲུལ་སྟོན་མཛད་པ། །རྗེ་དུས་གསུམ་མཁྱེན་པ་ལ་གསོལ་བ་འདེབས། །གདུལ་དཀའ་ཚར་གཅོད་ཀྱི་ཕྲིན་ལས་པ། །རྗེ་སངས་རྒྱས་རས་ཆེན་ལ་གསོལ་བ་འདེབས། །སྣང་སྲིད་ཟིལ་གནོན་གྱི་རང་དབང་ཅན། །རྗེ་སྤོམ་བྲག་ཆེན་པོ་ལ་གསོལ་བ་འདེབས། །ཤར་ཀང་པོ་གངས་རའི་སྒྲུབ་བརྒྱུད་པ། །རྗེ་ཀརྨ་པ་ལ་གསོལ་བ་འདེབས། །གནད་ཕོ་ཉ་མུ་དྲའི་བ…

ཡེ་ཤེས་ལ་གསོལ་བ་འདེབས། །དྲག་ཆེན་གྱི་ཐིག་ལེ་གདལ་བ་པོ། །རྗེ་རཏྣ་བྷ་དྲ་ལ༴ མཁའ་ཁྱབ་ཏུ་བདེ་བའི་ཀུ་ཅོ་ཅན། །རྗེ་མཐོང་བ་དོན་ལྡན་ལ༴ འཇམ་དབྱངས་ཀྱི་དགའ་བས་ཆེར་མྱོས་པའི། །རྗེ་བན་སྒར་ཀུན་མཁྱེན་ལ༴ ཟབ་གསལ་གྱི་རྟོགས་པ་དོན་བྱེད་པ། །རྗེ་གོ་ཤྲི་ཆེན་པོ་ལ༴ སྤྲོས་བྲལ་གྱི་ལྟ་སྟངས་གྲུབ་པའི་རོ། །རྗེ་ཆོས་གྲགས་རྒྱ་མཚོ་ལ༴ མཆོག…

གནས་དབྱིངས་དང་ཡེ་ཤེས་ཕོ་བྲང་ན། །དཔལ་ཡེ་ཤེས་སྙིང་པོ་ལ༴ གནས་གྲུ་འཛིན་ལྷ་ཡི་བ་གམ་ན། །རྗེ་ཡེ་ཤེས་རྡོ་རྗེ་ལ༴ ཟབ་གསལ་གྱི་མཁྱེན་པ་རྨད་བྱུང་བ། །རྗེ་ཆོས་ཀྱི་དོན་གྲུབ་ལ༴ མཆོག་འཇིགས་མེད་དོན་ཀུན་གྲུབ་པ་ན། །རྗེ་བྱང་ཆུབ་རྡོ་རྗེ་ལ༴ མཁྱེན་གཉིས་ཀྱི་བསྟན་པའི་ཉི་འོད་བརྡལ། །རྗེ་ཆོས་ཀྱི་འབྱུང་གནས་ལ༴ བདེ་ཆེན་གྱི་འཁོར་ལོར…