ཆོས་འབྱུང་བསྟན་པའི་ཉི་མ་ཞེས་བྱ་བ་བཞུགས་སོ། །ༀ་སྭ་སྟི། ཆོས་འབྱུང་བསྟན་པའི་ཉི་མ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གདོད་མའི་དབྱིངས་སུ་ཞི་བ་ཆོས་ཀྱི་སྐུ། །མི་མཇེད་ཁམས་འདིར་རྣམ་འདྲེན་སྟོང་རྩ་གཉིས། །བསྟན་དང་འགྲོ་བའི་གཉེན་གྱུར་ལྷ་ཡི་ལྷ། །ཐུབ་དབང་ཞབས་ཀྱི་པདྨོར་གུས་པས་འདུད། །རྒྱལ་ཀུ…

༈ དེ་ལ་ཐོག་མར་སྣོད་ཀྱི་འཇིག་རྟེན་ཆགས་ཚུལ་ནི། ཡོན་ཏན་རིན་པོ་ཆེ་སྡུད་པ་ལས། མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན། །དེ་ལ་ས་ཆེན་འདི་བརྟེན་དེ་ལ་འགྲོ་བ་བརྟེན། །ཞེས་གསུངས་པ་ལྟར། བཅུད་ཀྱི་སེམས་ཅན་ཡས་དང་སྣོད་ཀྱི་འཇིག་རྟེན་མས་ནས་ཆགས་ཏེ་འཇིག་རྟེན་གྱི་ཁམས་གྲུབ་བོ། །དེ་ལ་རང་ཅག་རྣམས་གནས་པའི་འཛམ་གླིང་ཆུང་ངུ་ལས་…

སུམ་ཅུ་སོ་དྲུག་ཅེས་བྱ་བ་ལ་སོགས་པ་གསུངས་སོ། །འཛམ་གླིང་འདིའི་ལྟེ་བ་རྡོ་རྗེ་གདན་ཏེ། རྡོ་རྗེ་རྩེ་ལྔ་པ་གྱེན་དུ་ལངས་པའི་ཁོང་གསེང་ནས་བྱང་ཆུབ་ཀྱི་ཤིང་བྱུང་བ་རྭ་བཞི་ལ་རྡོ་རྗེ་ཕུར་པའི་མཆོད་རྟེན་བཞི་གནས་པ། མཆོད་རྟེན་བཞིའི་བར་གྱི་ཐང་ལ་མདའ་རྒྱང་འབྲིང་པོ་རེ་ཡོད་པའི་དབུས་ན་རྡོ་རྗེ་ཕ་ལམ་ལས་གྲུབ་པའི་གདན་ཁྲི་རྒྱར་ཕྱོ…

༈ དེ་ལྟར་འཛམ་བུའི་གླིང་འདིར་བསྟན་པ་དམ་པའི་ཆོས་ཀྱི་འབྱུང་ཚུལ་ལ་གཉིས་ལས། དང་པོ་རྒྱ་གར་འཕགས་པའི་ཡུལ་དུ་ཇི་ལྟར་བྱུང་བའི་ཚུལ་ནི། དེ་ཡང་སྤྱིར་བསྐལ་བ་ལ། སྒྲོན་བསྐལ་དང་མུན་བསྐལ་གཉིས་ལས། སངས་རྒྱས་འབྱུང་བ་ལ་སྒྲོན་བསྐལ་དང་། མི་འབྱུང་བ་ལ་མུན་བསྐལ་ཞེས་བྱ་སྟེ། སྒྲོན་བསྐལ་བསྐལ་བ་བཟང་པོ་ལ་སངས་རྒྱས་སྟོང་ངམ་སྟོང་རྩ་ལ…

ཆུབ་ཏུ་ཞུགས་པར་གྱུར་པ་དག་གོ། དེ་ལ་བུ་སྟོང་དུ། སྐྱེས་བུ་ཆེན་པོའི་མཚན་ཉི་ཤུ་རྩ་བརྒྱད་ཀྱིས་བརྒྱན་པ། ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་པ་ཤ་སྟག་གོ། བཙུན་མོའི་ནང་ནས་མ་སྨད་ཅེས་བྱ་བ་དང་། དཔེ་མེད་མ་ཞེས་བྱ་བ་དེ་གཉིས་རྫིང་དགའ་བ་ཞེས་བྱ་བར་ཁྲུས་བྱས་ཏེ་སྤོས་ཆུས་གོས་བརླན་པས་སེང་གེའི་ཁྲི་…

པ་དང་། མོས་པ་དང་། རྟོགས་པར་བྱ་བའི་ཕྱིར་བཀའི་བསྡུ་བ་མཛད་པའི་གསང་བདག་ལག་ན་རྡོ་རྗེ་དང་། ཆོས་ཀྱི་བློ་གྲོས་ནི་སངས་རྒྱས་དེ་རྣམས་༼ལ༽ཆོས་འཁོར་བསྐོར་བར་བསྐུལ་ཞིང་གསོལ་བ་འདེབས་པར་བཤད་དོ། །འདི་དང་བསྐལ་བཟང་གི་མདོ་མཐུན་པར་སྟོང་དང་རྩ་གཉིས་སུ་བཤད། ཡང་འཕགས་པ་ལི་ཙ་བཱི་དྲི་མ་མེད་པར་བསྟན་པ་ལས། ལྷའི་དབང་པོ་སྔོན་བྱུང་བ་…

རྣམ་ཤེས་ལ་མི་རྟོན་པ། ངེས་པའི་དོན་གྱི་མདོ་སྡེ་ལ་རྟོན་གྱི་དྲང་བའི་དོན་གྱི་ཀུན་རྫོབ་ལ་མངོན་པར་མ་ཞེན་པ། ཆོས་ཉིད་ལ་རྟོན་གྱི་གང་ཟག་ལ་བལྟ་བ་དམིགས་པར་འཛིན་པ་ལ་མངོན་པར་མ་ཞེན་པ། སངས་རྒྱས་ཀྱི་ཆོས་ཉིད་ཇི་ལྟ་བ་བཞིན་དུ་ཁོང་དུ་ཆུད་པ་འདི་ནི་རིགས་ཀྱི་བུ་བླ་ན་མེད་པའི་ཆོས་ཀྱི་མཆོད་པ་ཞེས་བྱའོ། །ཞེས་དང་། ལྷའི་དབང་པོ་དེའ…

བཀུར་བ་ཁྱབ་འཇུག་སོགས་སྟོང་། བསྙེན་བཀུར་བའི་བྲམ་ཟེའི་ཁྱེའུ་ལྔ། བྲམ་ཟེའི་ཁྱེའུ་སྟོབས་ཆེན་ཤུགས་འཆང་རྣམས་ཡོད་པ་ལས། སྲས་རྒྱ་མཚོའི་སྙིང་པོ་རབ་ཏུ་བྱུང་ནས་དེ་བཞིན་གཤེགས་པ་རིན་ཆེན་སྙིང་པོ་ཞེས་བྱ་བར་སངས་རྒྱས་པའི་ཚེ། རིན་ཆེན་སྙིང་པོས། རྒྱལ་པོ་རྩིབས་ཀྱི་མུ་ཁྱུད་སངས་རྒྱས་ཚེ་དཔག་མེད་དང་། སྲས་མིག་མི་འཛུམ་སྤྱན་རས་ག…

གསུང་དགའ། སེང་གེའི་བཤེས་གཉེན་ཞེས་བྱ་བ་རྣམས་སུ་ལུང་བསྟན་པ་བཅས་བསྐལ་བཟང་གི་སངས་རྒྱས་སྟོང་རྩ་བཞི་དང་། བྱང་ཆུབ་སེམས་དཔའ་གཞན་རྣམས་ཀྱིས་རྩོད་དུས་ཀྱི་གདུལ་བྱ་ཡོངས་སུ་སྤངས་པས། བྲམ་ཟེ་རྒྱ་མཚོའི་རྡུལ་གྱི་སྙིང་པོས་མཆོག་ཏུ་སེམས་བསྐྱེད་དེ་ཤཱཀྱ་ཐུབ་པར་ལུང་བསྟན་པ་དང་བཅས་ཉེར་ལྔ་བྱུང་བ་འདི་རྣམས་ཀྱིས་བསྟན་པས་བཟང་པོའི…

༈ སླར་ཡང་འཛམ་གླིང་འདིར་མཛད་པ་བཅུ་གཉིས་ཀྱི་སྒོ་ནས་འགྲོ་དོན་ལ་གཤེགས་པ་ནི། རྒྱུད་བླ་མ་ལས། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པར། །སྤྲུལ་པའི་རང་བཞིན་སྣ་ཚོགས་ཀྱིས། །སྐྱེ་ལ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་ཞུགས་དང་བལྟམས་པ་དང་། །བཟ…

༈ གཉིས་པ་ལྷུམས་སུ་ཞུགས་པའི་མཛད་པ་ནི། དེ་ནས་བདེ་བའི་རྒྱན་ཞེས་པའི་འོད་ཟེར་གྲངས་མེད་པ་སྤྲོས་པས་སྟོང་གསུམ་གྱི་མུན་ནག་ཀུན་སྣང་བས་ཁྱབ་པར་བྱས་ནས་ཉི་ཟླ་ཡང་ཟིལ་གྱིས་མནན། ངན་སོང་གི་སྡུག་བསྔལ་ཞི། ཡོན་ཏན་གྱི་དཀྱིལ་འཁོར་ལས་བྱུང་བའི་སྣང་བ་ཞེས་བྱ་བའི་འོད་བ་སྤུའི་སྒོ་ཐམས་ཅད་ནས་བཀྱེ་བ་ཡུམ་གསོ་སྦྱོང་བླངས་པའི་ལུས་ལ་ཐི…

༈ གསུམ་པ་སྐུ་བལྟམས་པའི་མཛད་པ་ནི། དེ་ལྟར་ཟླ་བ་བཅུ་ཚང་བར་བཞུགས་ནས་བལྟམས་ཚུལ་ནི་ལྕགས་སྤྲེལ་ས་གའི་ཚེས་བདུན་རྒྱུ་སྐར་རྒྱལ་ལ་བབས་པའི་ཉིན་ལུམྦིའི་ཚལ་དུ་ལྷ་རྣམས་ཀྱིས་ཡུམ་སྤྱན་དྲངས་ཏེ་འཁོར་ཚོགས་རྣམས་ཀྱིས་རོལ་མོའི་སྒྲ་ཁྲོལ་ཞིང་། ལྷ་རྣམས་ཀྱིས་མེ་ཏོག་འཐོར། འཇིག་རྟེན་སྐྱོང་བ་བཞིས་ཤིང་རྟ་འདྲེན། བརྒྱ་བྱིན་གྱིས་ལམ་…

༈ བཞི་པ་བཟོའི་གནས་ལ་མཁས་པའི་མཛད་པ་ནི། ཡབ་ཀྱིས་བསྐུལ་བའི་ཕྱིར་བཟོ་གནས་དང་། རོལ་རྩེད་ཀྱི་རིགས་དང་། ཀུན་གྱི་བཤེས་གཉེན་སོགས་སློབ་དཔོན་རྣམས་ལས་ཡི་གེ་སོགས་བསླབ་པ་ལྟར་མཛད་ཚེ། ཡི་གེ་གཅིག་ནས་ལྔ་བརྒྱའི་བར་ཕུལ་བས། དེ་དག་ཤེས་ཀྱི་ཞེས་པདྨའི་སྙིང་པོ་སོགས་ཡིག་རིགས་དྲུག་ཅུ་རྩ་བཞི་པོ་ལས་གང་སློབ་ཅེས་ གསུངས་པས། སློབ་དཔ…

༈ ལྔ་པ་བཙུན་མོའི་འཁོར་དུ་དགྱེས་རོལ་གྱི་མཛད་པ་ནི། དེ་ནས་ཤཱཀྱ་ལག་ན་བེ་ཅོན་གྱི་བུ་མོ་ས་འཚོ་མ་འཁོར་ཉི་ཁྲི། ཤཱཀྱ་ལག་ན་དྲིལ་བུ་སྒྲའི་བུ་མོ་གྲགས་འཛིན་མ་འཁོར་ཉི་ཁྲི། ཤཱཀྱ་ཟས་དཀར་གྱི་བུ་མོ་རི་དྭགས་སྐྱེས་མ་འཁོར་ཉི་ཁྲི་སྟེ། བཙུན་མོ་དྲུག་ཁྲི་ཁབ་ཏུ་བཞེས་ནས་འདོད་པའི་ཡོན་ཏན་ལྔ་ལ་སྤྱོད་ཅིང་ཕོ་བྲང་ན་བཞུགས་སོ། །དེའི་…

བཟུང་བ་ཡིན་པས་བསྐུར་ཞིག་ཅེས་སྤྲིངས་པ་དང་། དེའི་ལན་ངས་སེམས་བསྐྱེད་པའི་ཚེ་སེམས་ཅན་ཐམས་ཅད་བཟུང་བ་ཡིན་ནོ། །ཞེས་གསུངས་པས་ལྷས་བྱིན་དང་འཁོན་གྱི་ཐོག་མ་བྱུང་ཞིང་ཇི་ཙམ་ན་ཁུང་བུ་ནས་སྦྲུལ་ཞིག་བྱང་ཆུབ་སེམས་དཔའི་མདུན་དུ་བྱུང་བ་གནོད་པར་གྱུར་དོགས་འཆར་ཀས་མཚོན་གྱིས་སྐེད་པ་བཅད་པས་སྦྲུལ་གྱི་དབུགས་འཕྲོག་པས་ནག་པོར་གྱུར་པ…

༈ དྲུག་པ་ངེས་པར་འབྱུང་བའི་མཛད་པ་ནི། དེ་ལྟར་མངོན་པར་འབྱུང་བ་དེ་རྒྱལ་པོ་ཟས་གཙང་འཁོར་བཅས་ཀྱིས་མཁྱེན་ནས། གྲོང་ཁྱེར་གྱི་ཁོར་ཡུག་དམག་གིས་བསྲུངས་ནས་གཤེགས་སུ་མ་སྟེར་བར་ཞག་དྲུག་འདས་པ་བདུན་གྱི་ནུབ་མོ་ཕ་མས་མ་གནང་བ་མི་རིགས་སོ་དགོངས་ནས་ཡབ་ཀྱི་དྲུང་དུ་གཤེགས་ཏེ་གུས་པ་དང་ཞེ་སའི་ཚུལ་གྱིས་འདུག་སྟེ། ལྷ་བདག་མངོན་པར་འབྱ…

༈ བདུན་པ་དཀའ་བ་སྤྱད་པའི་མཛད་པ་ནི། ཏིང་ངེ་འཛིན་དང་ཀུན་ཏུ་སྤྱོད་པ་དེ་དག་གིས་ཀྱང་འཁོར་བའི་སྡུག་བསྔལ་མཐའ་དག་ལས་མི་གྲོལ་བར་མཁྱེན་ཏེ། ལྔ་སྡེ་བཟང་པོ་དང་བཅས་ནས་ཆུ་ཀླུང་ནཻ་རཉྫ་ནའི་འགྲམ་དུ་མཁའ་ཁྱབ་ཀྱི་ཏིང་ངེ་འཛིན་ལ་མཉམ་པར་བཞག་ནས་ལོ་དྲུག་ཏུ་དཀའ་བ་སྤྱོད་པའི་ཚུལ་བསྟན། དེ་ཡང་ལོ་དང་པོ་གཉིས་ལ་འབྲས་ཉག་མ་རེ། བར་མ་གཉི…

༈ བརྒྱད་པ་བྱང་ཆུབ་ཀྱི་སྙིང་པོར་གཤེགས་པའི་མཛད་པ་ནི། དེ་ནས་རི་གྷ་ཡའི་རྩེར་གཤེགས་ཏེ་ཏིང་ངེ་འཛིན་བསྒོམས་པས་བྲག་རལ་ཞིང་ས་གཡོས་པ་ན། ས་ཕལ་གྱིས་མི་བརྟེན་པར་དགོངས་ནས་མ་ག་དྷ་རྡོ་རྗེའི་གདན་དུ་གཤེགས་སོ། །རྡོ་རྗེའི་གདན་དེ་ཡང་ཉན་ཐོས་པ་ལྟར་ན། དབང་ཆེན་གསེར་གྱི་ས་གཞི་ལ་ཐུག་གི་བར་དུ་རྒྱུ་རིན་པོ་ཆེ་སྣ་ཚོགས་ལས་གྲུབ་ཅིང་།…

༈ དགུ་པ་བདུད་ཀྱི་སྡེ་བཅོམ་པའི་མཛད་པ་ནི། དེ་ནས་སྲོད་ཀྱི་ཆ་ལ་བདུད་འདུལ་བའི་ཏིང་ངེ་འཛིན་ལ་མཉམ་པར་བཞག་ནས་འོད་ཟེར་ཀུན་ཏུ་འགྱེད་པར་མཛད་པ་ལས། བདུད་ཀྱི་གནས་ཐམས་ཅད་དཀྲོགས་ཤིང་སྤ་བཀོང་བར་གྱུར་ཏེ། མ་བཟོད་ནས་བདུད་ཀྱི་རྒྱལ་པོ་དགའ་རབ་དབང་ཕྱུག་རྔོན་པའི་ཆ་བྱད་དུ་བརྫུས་ནས་བྱང་ཆུབ་སེམས་དཔའི་དྲུང་དུ་འོངས་ནས་སྨྲས་པ། ཁྱ…

༈ བཅུ་པ་མངོན་པར་བྱང་ཆུབ་པའི་མཛད་པ་ནི། དེ་ནས་གུང་གི་ཆ་ལ་བསམ་གཏན་བཞི་པའི་ཏིང་ངེ་འཛིན་ལ་མཉམ་པར་བཞགཐོ་རངས་རྔ་བརྡུང་དུ་ཉེ་བ་ན་ཟད་པ་ཤེས་པ་དང་མི་སྐྱེ་བ་ཤེས་པའི་ཡེ་ཤེས་མངོན་དུ་མཛད་དེ་མངོན་པར་རྫོགས་སངས་རྒྱས་པའི་མངོན་པར་བྱང་ཆུབ་བརྙེས་སོ། །དེའི་ཚེ་གྲགས་འཛིན་མ་ལ་རབ་ཏུ་འབྱུང་ཁར་བྱིན་གྱིས་བརླབས་པའི་སྲས་ཡུམ་གྱི་སྐ…