མོ། །ཞེས་པ་ལྟ་བུའོ། །བཞི་པ་གསལ་བྱེད་ཀྱི་རྒྱན་གྱི་མཚན་ཉིད། རིགས་དང་བྱ་བ་སོགས་གང་རུང་སྟོན་པའི་ཚིག་གཅིག་རྐང་པའི་ཐོག་མཐའ་བར་གསུམ་གང་རུང་དུ་གནས་པའི་ནུས་པས་ངག་ཀུན་ལ་ཕན་ཞིང་གསལ་བར་བྱེད་པ་སྟེ། དབྱེ་ན་བཅུ་གཉིས་ལས། དང་པོ་རིགས་ཐོག་གསལ་ནི། དམ་ཆོས་བདུད་རྩིའི་ཆར་རྒྱུན་གཅིག་ཁོ་ནས། །སྐྱེ་རྒུའི་སྡུག་བསྔལ་ཚ་གདུང་ཞི་བ…

མགོན། །བརྒྱད་པ་བྱ་བ་མཐའ་གསལ། བུ་དང་ཆུང་མས་ཁྱིམ་གྱི་གནས་སུ་སྟེ། །རྒ་བའི་ཞགས་པས་དེ་བཞིན་ལང་ཚོ་ཉིད། །གཟུང་འཛིན་སྒྲོག་གིས་འཁོར་བའི་བཙོན་ར་ལས། །གཞན་དུ་ཐར་མེད་རྣམ་པར་བསྡམས་པར་གྱུར། །དགུ་པ་ཕྲེང་བའི་གསལ་བྱེད། གཏེར་ཆེན་ཆོས་རྗེས་རྒྱལ་བསྟན་རིན་པོ་ཆེ། །རྒྱས་པར་མཛད་དེ་བསྟན་འཛིན་འདུས་པའི་སྡེ། །དེ་ཡིས་རིས་མེད་འགྲོ…

གཡུལ་ལས་རྒྱལ། །དབེན་པའི་ནགས་སུ་སྤོང་བ་ལྷུར་ལེན་པའི། །དམ་པ་འདི་རྣམས་སྒྲིབ་གསུམ་གཡུལ་ལས་རྒྱལ། །ཞེས་པ་ལྟ་བུའོ། །དྲུག་པ་འགོག་པའི་རྒྱན་གྱི་མཚན་ཉིད། ཆོས་གང་ལ་དགག་པ་བརྗོད་པས་ཆོས་དེ་འགོག་པར་བྱེད་པ་སྟེ། དབྱེ་ན་ཉི་ཤུ་རྩ་གསུམ་ལས། དང་པོ་བྱུང་བ་འགོག་པ་ནི། དྷརྨ་བྷ་དྲའི་རྣམ་དཔྱོད་ཧུབ་གཅིག་གིས། །ཤེས་བྱའི་ཆུ་གཏེར་མ་ལ…

དེ་བཞིན་མཛོད། །བདག་ཅག་མཐར་བྱེད་གྲོང་དེར་མྱུར་འཇུག་པས། །ཁྱོད་བྲལ་གདུངས་པས་ཡུན་རིང་མནར་མི་འགྱུར། །དགུ་པ་དབང་གིས་འགོག་པ་ནི། ཤེས་བྱ་ཀུན་གཟིགས་དཔལ་ལྡན་རྒྱལ་བའི་སྲས། །དག་པའི་ཞིང་མཆོག་གཞན་དུ་གཤེགས་ན་ཡང་། །གདུལ་བྱ་འདུལ་བའི་ཕྲིན་ལས་འདྲ་མོད་ཀྱི། །འོན་ཀྱང་ཞིང་འདིའི་མགོན་དུ་རྟག་བཞུགས་ཤིག །བཅུ་པ་མ་གུས་པས་འགོག་པ་…

འགྲོ་ཀུན་འགོད་ནུས་མཐུ་ཆེན་དེ་རིང་སྩོལ། །བཅུ་བདུན་པ་ཁྲོ་བས་འགོག་པ་ནི། མི་སྨྲ་ནགས་ཁྲོད་འགྲོ་ཞེས་ཁྱོད་ཞལ་ནས། །རྩུབ་མོའི་བཀའ་སྩལ་ལྷུངས་པས་བདག་སྙིང་བསྣད། །ད་ཀོ་མ་གཤེགས་བཞུགས་ནའང་ཉམ་ཆུང་བདག །གསོན་པའི་སྐབས་མེད་དགོས་པ་ལྷག་པོ་གང་། །བཅོ་བརྒྱད་པ་མྱ་ངན་ནམ་སྙིང་རྗེས་འགོག་པ་ནི། སྟོན་ཆེན་ཁ་ཅིག་ཐོས་པའི་ནོར་བསགས་ནས།…

འདིར་འོངས་སྔོན་རབས་སྐྱེ་བོ་རྣམས། །གཅིག་ཀྱང་མ་ལུས་འཆི་བདག་གྲོང་དུ་བསྙེགས། །འདུས་བྱས་ཆོས་ཀུན་རང་བཞིན་འཇིག་ཆོས་ཀྱི། །ངེས་པ་ལ་ནི་སུ་ཡིས་འགོང་པར་ནུས། །གཉིས་པ་ཁྱད་པར་ལ་གནས་དོན་གཞན་བཀོད་པ་ནི། སྐྱེས་མཆོག་ཁྱོད་ལ་གཞན་གྱིས་མ་གསོལ་ཀྱང་། །ཐུགས་རྗེའི་སྤྱན་གྱིས་རྟག་པར་བུ་བཞིན་གཟིགས། །ཉིན་མོར་བྱེད་འདི་ལེགས་ལྡན་སྐྱེ…

བརྒྱད་པ་བཟློག་པ་ཅན་གྱི་རྒྱན་གྱི་མཚན་ཉིད། སྔོན་ལ་ཆོས་གཉིས་མཚུངས་པར་བསྟན་ནས། སླར་ཡང་མི་མཚུངས་པའི་ཁྱད་པར་འགའ་ཞིག་བསྟན་པར་བྱེད་པ་སྟེ། དབྱེ་ན་བཅུ་ལས། དང་པོ་གཅིག་བཟློག་ནི། ཟབ་ཅིང་ཡངས་ལ་གཡོ་མེད་བརྟན་གྱུར་པ། །མི་བདག་ཁྱོད་ཀྱི་ཐུགས་དང་ཆུ་ཡི་གཏེར། །མཚུངས་མོད་དེ་ལྟ་ན་ཡང་ཐ་དད་པའི། །ཁྱད་པར་འབྱེད་ཆོས་ཁྱོད་ཐུགས་རྣམ…

བོང་མཚན་ལྡན་ཞིང་། །ཁྱོད་ཞལ་ཚེམས་འཕྲེང་གཡོ་བས་རྣམ་པར་མཛེས། །དགུ་པ་འབྱེད་བྱེད་ཅན་གྱི་ལྡོག་པ་ནི། ངང་པའི་བུ་མོ་འདི་ནི་ཆུ་ཡི་རྒྱན། །དབྱངས་ཅན་ཁྱོད་ཞལ་འཇིག་རྟེན་མཁས་རྣམས་རྒྱན། །ཆུ་གཏེར་འདིས་ནི་ཀུནྡའི་ཚལ་བཞད་ཅིང་། །མཁས་པས་ལེགས་བཤད་གཏམ་གྱི་དགའ་སྟོན་སྤེལ། །བཅུ་པ་རིགས་མཐུན་འབྱེད་པའི་ལྡོག་པ་ཅན་ནི། རབ་འབར་ཞུགས་ཀ…

བསྡུས་བརྗོད་ནི། རབ་དཀར་ཟླ་བའི་གཟི་བརྗིད་ཉམས་བྱེད་ཅིང་། །མཁའ་རྒྱུ་འབྱུང་པོའི་ཚོགས་རྣམས་ལོང་འགྱུར་ཡང་། །མུན་པའི་རྨག་རུམ་སེལ་ཞིང་སྣང་བའི་དཔལ། །རྒྱས་བྱེད་འོད་སྟོང་ལྡན་པ་དེང་འདིར་ཤར། །གསུམ་པ་ཁྱད་ཆོས་ཐ་དད་ཐ་མི་དད་ཀྱི་བསྡུས་བརྗོད་ནི། འཕེལ་འགྲིབ་དཀར་ནག་ཆ་ཤས་དང་ལྡན་ཞིང་། །རི་དྭགས་གཟུགས་ཀྱི་མཚན་མས་རྣམ་པར་བརྒྱ…

དུ་རྟོག་པས་སྒྲོ་བཏགས་ནས་བརྗོད་པ་སྟེ། དབྱེ་ན་དྲུག་ལས། དང་པོ་སེམས་ལྡན་རབ་བཏགས་སྙམ་སྒྲ་ཅན་ནི། ལྗོངས་འདིར་གྲོང་པའི་ངག་བྱང་མཁས་རློམ་འགར། །ཁྲེལ་ནས་སྒྲ་དབྱངས་ལྷ་མོ་བདག་སྙིང་དབུས། །ལེགས་བཤད་དྲི་ཟའི་གླུ་དབྱངས་ལེན་པ་ཡི། །ཟོལ་ལ་བརྟེན་ཏེ་བག་ཕབ་བཞུགས་སམ་ཅི། །གཉིས་པ་སེམས་མེད་རབ་བཏགས་འདྲ་བའི་སྒྲ་ཅན་ནི། འགྲོ་བའི་བླ…

ཀྱི་སྤྱད་བྱའི་ཕགས་ནོར་འདིས། །ཡིད་སྲུབས་སྙིང་གི་དགའ་བ་ཉམས་པར་བྱས། །གསུམ་པ་རྣམ་འགྱུར་གྱི་རྒྱུ་ནི། ཐུབ་ཆེན་རྒྱལ་བའི་བཀའ་དང་དེ་འགྲེལ་གཞུང་། །རྒྱལ་སྲས་རྣམས་ཀྱིས་ལེགས་པར་བཀྲལ་རྣམས་དང་། །སྒྲ་དབྱངས་ལྷ་མོའི་རབ་སྙན་གསུང་མཆོག་འདིས། །མེ་ཏོག་གཞུ་ཅན་རྣ་བའི་དུག་ཏུ་བྱས། །བཞི་པ་འཐོབ་བྱེད་ཀྱི་རྒྱུ་ནི། མཁས་རློམ་ཁ་ཅིག་…

སྨྲ་ཚར་གཅོད་གཏན་ཚིགས་ཀྱིས། །རིགས་སྨྲའི་མདུན་སར་མ་ཞུགས་པ་མིན་ན། །རིང་ནས་སྦྱངས་པའི་རྩོད་རིགས་གྲགས་འབར་ཕལ། །ལྕེ་དང་ལྷན་ཅིག་སྙིང་ཡང་འདར་བར་འགྱུར། །བཅུ་གཉིས་པ་རིང་འབྲས་ཀྱི་རྒྱུ་ནི། རྒྱལ་བསྟན་ཡོངས་རྫོགས་ཡིད་བཟང་རྩེ་པ་ཡིས། །དབུ་རུ་དཔལ་འཛིན་སྤྱི་བོར་ལུང་རིགས་མཚོན། །འཕྱར་བས་མ་བཟོད་གཉལ་པ་ཧྲུལ་པོ་སོགས། །མཁས་རླ…

ཀླད་དུ་ལན་གྲངས་གསུམ་བསྐོར་བའི། །སྐུ་ཡི་རྣམ་འགྱུར་བསྟན་པས་གསལ་བར་མཛད། །ཅེས་པ་ལྟ་བུའོ། །བཅོ་ལྔ་པ་ཆའི་རྒྱན་གྱི་མཚན་ཉིད། དངོས་པོའི་རང་བཞིན་གསལ་པོ་དེ་ཟོལ་གྱི་ཚིག་གིས་སྒྲིབ་ཅིང་སྦེད་པ་སྟེ། དབྱེ་ན་བཞི་ལས། དང་པོ་ཟོལ་གྱིས་སྦེད་པའི་འོས་པའི་ཆ་རྒྱན་ནི། རིང་ནས་སྦྱངས་པའི་མཁས་མང་ཚོགས་དབུས་སུ། །རྩོད་ཚེ་བརྗོད་པ་བརྟབ…

པ། །ཡ་མཚན་འདི་འདྲའི་དགའ་བ་སྟེར་ནུས་སུ། །ད་དུང་ལན་གཅིག་མིན་པར་བསྟན་དུ་གསོལ། །གཉིས་པ་གཟུགས་བརྙན་གྱི་དགའ་བ་ནི། རྒྱལ་ཀུན་འདུས་ཞལ་ཕྱེ་བའི་ཟ་མ་ཏོག །ཐམས་ཅད་མཁྱེན་གཟིགས་བློ་བཟང་རྒྱ་མཚོ་སྟེ། །ཁྱོད་ཞལ་བསྟན་འགྲོའི་ཉེར་འཚོར་གསལ་བ་འདི། །ལེགས་བྱས་ཡངས་པའི་མིག་གིས་མཐོང་བར་གྱུར། །ཅེས་པ་ལྟ་བུའོ། །བཅོ་བརྒྱད་པ་ཉམས་ལྡན་…

པར་བརྒལ་བའི་གོ་འཕང་ཀུན་གྱི་མཆོག །དཀའ་བ་མེད་པར་རྙེད་འདི་ཨེ་མ་མཚར། །བརྒྱད་པ་འཇིགས་རུང་གི་ཉམས་ནི། གཏུམ་ཚན་ཧ་ལའི་མདོག་འཆང་སྲིད་པ་གསུམ། །ཟ་བྱེད་རྔམས་པའི་ཞལ་བགྲད་ཧེ་རུ་ཀ། དེ་མཐོང་ཙམ་གྱིས་འཇིགས་བྱེད་ཁྲོ་ཚོགས་ཀུན། །ཐམས་ཅད་ཅིག་ཅར་འདར་ཞིང་ལག་ཆ་ཤོར། །ཞེས་པ་ལྟ་བུའོ། །བཅུ་དགུ་པ་གཟི་བརྗིད་ཅན་གྱི་རྒྱན་གྱི་མཚན་ཉིད།…

བཞེད་པའི་སྙིང་སྟོབས་ཀྱིས། །ཤིན་ཏུ་གཏོང་དཀའ་གཅེས་པའི་ལུས་སྲོག་ཀྱང་། །གཞན་ཕྱིར་གཏོང་ལ་འཇིགས་སེམས་ལྡང་མི་འགྱུར། །གཉིས་པ་འབྱོར་པ་རྒྱ་ཆེ་བ་ནི། རིན་ཆེན་ལས་གྲུབ་སུམ་རྩེན་ཁང་བཟང་གི། ཨིནྡྲ་ནཱི་ལའི་གཞིར་འཕོས་གཟུགས་བརྙན་བརྒྱས། །བསྐོར་བའི་མིག་སྟོང་ལྡན་པ་དངོས་དེའི་མདུན། །བློ་ལྡན་རིག་པ་ལེན་ཕྱིར་སྤྲོ་བས་ལྷགས། །ཞེས…

འཁོར་བ་དང་ལས་ལ། སྙིང་པོ་ཅི་ཞིག་ཡོད། །གསུམ་པ་བྱ་བ་གཅིག་པའི་སྦྱར་བ་ནི། །མི་བརྟན་གྱ་གྱུའི་འགྲོས་ལྡན་ཐུན་མོང་དུ། །ཀུན་གྱིས་སྤྱད་བྱའི་ཡུལ་གྱུར་མཛེས་མ་དང་། །དབྱར་དུས་རྣམ་པར་རྒྱས་པའི་ཉལ་འགྲོ་མས། །སྐྱེ་བོ་འདི་དག་ཐུར་དུ་འཁྲིད་པར་བྱེད། །ཡང་ན། གཡོ་ཐོབ་གོམས་བརྟན་ཉམས་རིམ་གྱིས་བགྲོད་པའི། །རྣལ་འབྱོར་ངང་ལས་གཡོ་མེད་…

པ་བསྟན་པའི་ཕྱིར། རྒྱུ་དེའི་ཁྱད་ཆོས་རིགས་ཡོན་ཏན་བྱ་བ་རྫས་འགའ་ཞིག་མ་ཚང་ཡང་། འབྲས་བུ་སྐྱེད་ནུས་པར་སྟོན་པ་སྟེ། དབྱེ་ན་ལྔ་ལས། དང་པོ་ཡོན་ཏན་མ་ཚང་བའི་ཁྱད་པར་བརྗོད་པ་ནི། རྒྱལ་བའི་སྲས་པོ་ཁྱོད་ཀྱི་བཟོད་པ་ཡི། །གོ་ཆ་འདི་ནི་མཁྲེགས་མིན་སྲ་བའང་མིན། །དེ་ལྟ་ན་ཡང་ཞེ་སྡང་ཚིག་གི་མདའ། །ཇི་ཙམ་འཕངས་ཀྱང་བརྫི་བར་ནུས་མ་ལགས། …

སྟོང་པའི་ཚོན་རིས་ལྷ་གཞུ་ཡིས། །རྣམ་འགྱུར་སྙིང་པོའི་རང་མཚང་རྗེན་པར་སྟོན། །ཞེས་པ་ལྟ་བུའོ། །ཉེར་བདུན་པ་འགལ་རྒྱན་གྱི་མཚན་ཉིད། བྱ་བ་དང་ཡོན་ཏན་སོགས་དངོས་པོའི་ཆོས་འགལ་བ་རྣམས་ཡུལ་གཅིག་ལ་མི་འགལ་བར་འགྲོགས་པར་སྟོན་པ་སྟེ། དབྱེ་ན་དྲུག་ལས། དང་པོ་ཁྱད་གཞི་ཐ་དད་པའི་བྱ་བ་འགལ་བ་ནི། དྲི་མེད་བསླབ་གསུམ་རྒྱུད་ལ་བསྟེན་པ་ན། …

དབང་ཐོབ་པའི་བྲང་ཁང་ཉམས་དགའ་བར། །འབད་མི་དགོས་པའི་དད་ཟས་ཀྱིས་འཚོ་ཞིང་། །ཀློག་སྤོང་བྱ་བས་མི་བྲེལ་བློ་མཐུན་པའི། །གྲོགས་བཅས་ཟོས་བདེར་གནས་ཚོའི་སྐྱིད་པ་ལ། །ལྟ་བུའོ། །ཉེར་དགུ་པ་ཟོལ་བསྟོད་ཀྱི་རྒྱན་གྱི་མཚན་ཉིད། འགའ་ཞིག་ལ་སྨད་པ་སྐྱོན་ལྟར་བརྗོད་པའི་ཚུལ་གྱིས་ཕུགས་སུ་ཡོན་ཏན་བརྗོད་པར་སོང་བའི་ཟོལ་གྱིས་བསྟོད་པ་སྟེ། …