ཆོས་མངོན་པའི་འགྲེལ་པ་རིན་པོ་ཆེའི་སྙེ་མ་ཞེས་བྱ་བ་བཞུགས་སོ། ། ༀ་སྭསྟི། ཆོས་མངོན་པའི་འགྲེལ་པ་རིན་པོ་ཆེའི་སྙེ་མ་ཞེས་བྱ་བ། སངས་རྒྱས་དང་བྱང་སེམས་དཔའ་ཐམས་ཅད་ལ་ཕྱག་འཚལ་ལོ། །ཚོགས་གཉིས་རྒྱ་མཚོའི་སྤྲིན་ལས་ཞི་བདེའི་ཆར་གྱི་རྒྱུན། །ཐོས་བསམ་ཞིང་སར་གཤིན་པས་སྐུ་གསུམ་འབྲས་སྟེར་བའི། །འགྲོ་བའི་གཙོ་བོ་ཀུན་མཁྱེན་དེ་དང་དམ…

དང་པོ་ནི། མངོན་པའི་མདོ་སྟོང་ཕྲག་བརྒྱ་པ་དང་། དེའི་དགོངས་འགྲེལ་འཕགས་པ་ཐོགས་མེད་ཀྱིས་མཛད་པའི་རྒྱས་པའི་བསྟན་བཅོས་ས་སྡེ་ལྔ། བསྡུས་པའི་བསྟན་བཅོས་སྡོམ་རྣམ་གཉིས་དང་། སློབ་དཔོན་དབྱིག་གཉེན་གྱིས་མཛད་པའི་རབ་ཏུ་བྱེད་པ་སྡེ་བརྒྱད་ལ་སོགས་པ་རྣམས་སོ། །གཉིས་པ་ནི། བཅོམ་ལྡན་འདས་ཀྱིས་ཡུལ་སྣ་ཚོགས་སུ་གང་ཟག་སྣ་ཚོགས་ལ་ཐོར་བུ…

མཆིས་ནའང་། རང་མཉམ་གྱི་འགྲོ་བ་ལ་ཕན་པའི་ལྷག་བསམ་གྱིས་ཅུང་ཟད་ཅིག་སྤྲོ་བར་བྱེད་པ་ལ། མཚན་གྱི་དོན། འགྱུར་གྱི་ཕྱག །གཞུང་གི་དོན་དང་གསུམ། དང་པོ་ནི། རྒྱ་གར་འཕགས་པའི་ཡུལ་ན་སྐད་རིགས་བཞི་ལས་སཾ་སྐྲྀ་ཏ་ལྷའི་སྐད་དུ་བསྟན་བཅོས་འདིའི་མཚན་ལ། ཨ་བྷི་དྷརྨ་ཀོ་ཥ་ཀཱ་རི་ཀཱ་ཞེས་འབྱུང་། དེ་བོད་སྐད་དུ་བསྒྱུར་ན། ཆོས་མངོན་པ་མཛོད་ཀྱ…

འདི་ཡི་གནས་དེ་ཡིན་པས་ཆོས་མངོན་མཛོད། །ཅེས་པ་སྟེ། སྤྱིར་ཆོས་མངོན་པ་ལ་དོན་དམ་པའི་དང་། བརྡར་བཏགས་པའི་ཆོས་མངོན་པ་གཉིས་ལས། དང་པོ་ནི། བདག་མེད་མངོན་སུམ་དུ་རྟོགས་པའི་དྲི་མེད་ཀྱི་ཤེས་རབ་ལ་བྱེད་ཅིང་། རྗེས་འབྲངས་དང་བཅས་ན་ཕུང་པོ་ལྔ་ཀ་ཡོད། གཟུགས་ཕུང་ཟག་མེད་ཀྱི་སྡོམ་པ་ལྟ་བུའོ། །དེ་དང་འབྲས་བུ་མངོན་པ་མིང་གི་རྣམ་གྲངས…

གཉིས་པ་གཞུང་གི་བརྗོད་དོན་ལ། ལུས་མདོར་བསྟན་དང་། ཡན་ལག་རྒྱས་བཤད་གཉིས་ལས། དང་པོ་ལ་གཉིས་སུ་བསྡུ་བ་དང་ཅུང་ཟད་བཤད་པ་གཉིས་ལས། དང་པོ་ནི། ཟག་བཅས་ཟག་པ་མེད་ཆོས་རྣམས། །ཞེས་པ་སྟེ། བསྟན་བཅོས་འདིའི་བརྗོད་བྱའི་གཙོ་བོ་ཐམས་ཅད་བསྡུ་ན་ཟག་བཅས་དང་ཟག་མེད་གཉིས་སུ་འདུས་པའི་རྒྱུ་མཚན་གྱིས་སོ། །གཉིས་པ་ཅུང་ཟད་བཤད་པ་ནི། ལམ་མ་གཏོ…

སྐལ་གྱི་ཉོན་སྒྲིབ་སྤངས་པའི་བྲལ་བ་ཡིན་པའི་ཕྱིར། དེས་ན་སྡུག་བསྔལ་མཐོང་སྤང་སོགས་བཞི་སྤངས་པའི་སྤངས་པ་བཞི་པོ་རྫས་སོ་སོ་ཡིན་ཏེ། དེ་དག་ལྡན་པར་བྱེད་པའི་རྫས་དེ་དག་ཀྱང་སོ་སོ་ཡིན་པའི་ཕྱིར་ཆོས་མ་འོངས་པ་རྣམས་སྐྱེ་བ་ལ་གཏན་དུ་གེགས་བྱེད་པ་བྲལ་བ་ལས་གཞན་པའི་འགོག་པ་གང་ཡིན་པ་དེ་ལ་སོ་སོར་བརྟགས་མིན་གྱི་འགོག་པ་ཞེས་བྱ་སྟེ།…

པ་སྟེ། འདུས་བྱས། དུས། གཏམ་གཞི། ངེས་པར་འབྱུང་བཅས། གཞི་དང་བཅས་པ་རྣམས་མིང་གི་གྲངས་སོ། །དེ་ཡང་དུས་གསུམ་འཇོག་པའི་གཞི་ཡིན་པའི་དུས། རྗོད་བྱེད་ཀྱི་སྒྲ་འཇུག་པའི་གཞི་ཡིན་པས་གཏམ་གཞི། མཐར་འདུས་བྱས་དོར་ནས་ལྷག་མེད་དུ་མྱ་ངན་ལས་འདའ་དགོས་པས་ངེས་པར་འབྱུང་བཅས། སྐྱེད་བྱེད་ཀྱི་རྒྱུ་ཡིན་པས་གཞི་དང་བཅས་པ་ཞེས་བྱའོ། །གཉིས་པ་…

དང་། དེ་ལས་ཕྱུང་སྟེ་ཁམས་དང་སྐྱེ་མཆེད་དུ་འཇོག་ཚུལ་གཉིས། དང་པོ་ལ། མདོར་བསྟན་དང་། རྒྱས་བཤད་གཉིས། དང་པོ་ནི། གཟུགས་ནི་དབང་པོ་ལྔ་དང་དོན། །ལྔ་དང་རྣམ་རིག་བྱེད་མིན་ཉིད། །ཅེས་པ་སྟེ། དབང་པོ་ལྔ། དོན་ལྔ། རྣམ་པ་རིག་བྱེད་མ་ཡིན་པའི་གཟུགས་བཅུ་གཅིག་པོ་འདི་བློའི་ཡུལ་དུ་དུ་མ་སྤུངས་བ་ལྟར་སྣང་བའི་ཕྱིར་ན་གཟུགས་ཕུང་ངོ་། །ག…

ཚེ་ལྕེ་ཤེས་ལ་ཕན་འདོགས་པའི་རོ། །འཇུ་བ་ལ་མངོན་དུ་ཕྱོགས་པའི་ཚེ་ལུས་ལ་མི་གནོད་པའི་རོ། །ཞུ་བའི་ཚེ་ལུས་སེམས་ལ་ཕན་འདོགས་པའི་རོ་སྟེ་གསུམ་གསུམ་དུ་ཕྱེ་བས་བརྒྱ་དང་བརྒྱད་དོ། །སྨན་གཞུང་དུ་རོ་རེ་རེ་ལ་རབ་འབྲིང་ཐ་གསུམ་དུ་ཕྱེ་བས་བརྒྱ་དང་བརྒྱད་དུ་བཤད་ཀྱང་མི་འཐད་དེ། ཟས་གཅིག་ལ་རོ་བརྒྱ་དང་བརྒྱད་ཚང་བ་མི་སྲིད་པའི་ཕྱིར་རོ།…

པ་དང་འགལ། གལ་ཏེ། དང་པོའི་རྣམ་རིག་རྣམ་རིག་མིན། །ཞེས་པའི་འགྲེལ་པར། སྡོམ་པ་ཡང་དག་པ་བླངས་པའི་རྣམ་པར་རིག་བྱེད་དང་། ཞེས་སོགས་གསུངས་པ་མ་ཡིན་ནམ་ཞེ་ན། དེ་ལྟར་གསུངས་མོད་དེས་ནི་རིག་བྱེད་མ་ཡིན་པའི་གཟུགས་སྐད་ཅིག་མ་དང་པོ་ནི་སོ་སོར་ཐར་པ་དང་། དེའི་སྡོམ་པ་གཉིས་ཀ་དང་། དེའི་སྐད་ཅིག་མ་གཉིས་པ་ཕན་ཆད་ནི་སྡོམ་པ་ཁོ་ན་དང་། ར…

བཞི་པ་ནི། ས་ལ་སོགས་པ་དང་། སའི་ཁམས་ལ་སོགས་པ་ལ་བྱེ་བྲག་ཅི་ཡོད་ཅེ་ན། ཁྱད་པར་ཡོད་དེ་འཇིག་རྟེན་གྱི་ཐ་སྙད་དུ་འབྱུང་བཞིའི་ཁ་དོག་དང་དབྱིབས་ལ་འབྱུང་བཞིར་བརྗོད་པའི་ཕྱིར། དེ་ཡིན་ཏེ་ས་སེར་པོ་གྲུ་བཞི། ཆུ་དཀར་པོ་ཟླུམ་པོ། མེ་དམར་པོ་གྲུ་གསུམ་ཞེས་བརྗོད་ཅིང་། རླུང་གི་ཚོགས་ཇི་སྙེད་པ་ནི་རླུང་གི་ཁམས་ཉིད་ཡིན་ཞིང་། འབྱུང་…

སེམས་བྱུང་འདུ་ཤེས་ཀྱི་མཚན་ཉིད། དབྱེ་ན། རྟོག་བཅས། རྟོག་མེད་གཉིས། ཕུང་པོ་གཞན་བཞི་ལས་དོན་གཞན་དུ་གྱུར་པའི་འདུས་བྱས་འདུ་བྱེད་ཀྱི་ཕུང་པོའི་མཚན་ཉིད། དབྱེ་ན། མཚུངས་ལྡན་འདུ་བྱེད་དང། ལྡན་མིན་འདུ་བྱེད་གཉིས་སོ། །གཉིས་པ་ནི། དེ་གསུམ་རྣམ་རིག་བྱེད་མིན་དང་། །འདུས་མ་བྱས་རྣམས་བཅས་པ་ནི། །ཆོས་ཀྱི་སྐྱེ་མཆེད་ཁམས་ཞེས་བྱ། །…

སྒོ་ནས་བཅོ་བརྒྱད་དུ་གྲངས་ངེས་པ་ཡིན་ཏེ། བདག་རྐྱེན་དབང་པོའི་ཁམས་དྲུག །དམིགས་པ་ཡུལ་གྱི་ཁམས་དྲུག །འབྲས་བུ་རྣམ་ཤེས་ཀྱི་ཁམས་རྣམས་སུ་ཡོད་པའི་ཕྱིར། རྫས་ཀྱི་སྒོ་ནས་བཅུ་གཉིས་སུ་འདུས་ཏེ། ཚོགས་དྲུག་ཡིད་ཁམས་སུ་འདུས་པའི་ཕྱིར། ཅུང་ཟད་ཕྱེ་ན་བཅུ་བདུན་དུ་ཡོད་དེ། ཡིད་ཁམས་ཚོགས་དྲུག་ལས་དོན་གཞན་དུ་མེད་པའི་ཕྱིར་རོ། །དེ་ཡང…

གཟུགས་སོ་སྙམ་དུ་སྐད་ཅིག་ལ་ཤར་བའི་ཆ་ལ་ཡིད་དམ་སེམས་ཞེས་བྱ། དེ་ཉིད་འཇུག་པ་མྱུར་བས་ཞིབ་མོར་མི་རྟོག་པས་མི་རྟོག་པ་དང་ཡུལ་དང་པོར་རིག་པས་གཟུང་བའི་རྟོག་པ་དང་། དེའི་རྗེས་ལས་སྐྱེས་ཀྱི་དཔྱོད་པ་ཞིབ་མོ་ཐམས་ཅད་ནི་འཛིན་རྟོག་ཏུ་བཤད་དོ། །དེ་ཡང་བློ་བརྟན་གྱི་མདོ་སྡེ་རྒྱན་འགྲེལ་ལས། ཡིད་དང་མིག་ལ་སོགས་པའི་དབང་པོ་ལྔ་ནི་ལས་…

བཞག་པའོ། །འོན་ཀྱང་གཉིས་འབྱུང་བའི་རྒྱུ་མཚན་རྟེན་མཛེས་པར་བྱ་བའི་ཕྱིར་གཉིས་བྱུང་བའོ། །གཉིས་པ་ཆོས་གསུམ་གྱི་ཁྱད་ཆོས་ལ། དེ་གསུམ་གྱི་སྒྲ་དོན། དེ་གསུམ་གསུངས་པའི་དགོས་པ། དེ་གསུམ་གྱི་གོ་རིམ་དང་གསུམ། དང་པོ་ནི། སྤུངས་དང་སྐྱེ་སྒོ་རིགས་ཀྱི་དོན། །ཕུང་པོ་སྐྱེ་མཆེད་ཁམས་རྣམས་ཡིན། །ཞེས་པ་སྟེ། བློ་ཡུལ་དུ་དུ་མ་སྤུངས་པ་ལ…

ཡང་ན་ཀུན་ནས་ཉོན་མོངས་སྐྱེ་བའི་གོ་རིམ་ཡིན་ཏེ། འཇིག་རྟེན་པ་རྣམས་དང་པོར་གཟུགས་མཐོང་བ་ལ་བརྟེན་ནས་ཉོན་མོངས་སྐྱེ། དེ་ནས་ཚོར་བ་བདེ་བ་ཐོབ་འདོད་ཀྱི་ཉོན་མོངས་སྐྱེ། དེ་ནས་འདུ་ཤེས་ཕྱིན་ཅི་ལོག་གི་ཉོན་མོངས་སྐྱེ། དེ་ལ་བརྟེན་ནས་འདུ་བྱེད་ལ་སོགས་པའི་ཉོན་མོངས་སྐྱེ། དེ་བཞི་ལ་བརྟེན་ནས་རྣམ་པར་ཤེས་པར་ཉོན་མོངས་ཅན་གྱི་ངོ་བོ…

འདུས་མ་བྱས་ཐམས་ཅད་ཆོས་ཡིན་པ་ལ་ཡིད་ཀྱི་རྣམ་ཤེས་ཁོ་ནའི་ཡུལ་ལ་ཆོས་ཁམས་སུ་འཇོག་པ་ནི་ཡིད་ཀྱི་རྣམ་ཤེས་དེས་འདུས་བྱས་འདུས་མ་བྱས་ཀྱི་ཆོས་མང་པོ་དང་། ཆོས་ཀྱི་མཆོག་མྱ་ངན་ལས་འདས་པ་ཡང་ཡུལ་དུ་བསྡུས་པའི་ཕྱིར་རོ། །གསུམ་པ་ཆོས་གསུམ་གཞན་གྱིས་བསྡུ་ཚུལ་ལ། ཆོས་ཕུང་གི་བསྡུ་ཚུལ་དང་། ཁམས་དང་སྐྱེ་མཆེད་གཞན་གྱི་བསྡུ་ཚུལ་གཉིས། ད…

ལོ། །ཟག་དང་བཅས་པའི་རྣམ་ཤེས་ནི། །རྣམ་ཤེས་ཁམས་ཡིན་སྐྱེ་བའི་རྟེན། །ཞེས་པ་སྟེ། ཆོས་ཕུང་ཆོས་གསུམ་གྱིས་བསྡུས་པ་དེ་བཞིན་དུ་གཞན་ཡང་མདོ་ལས་ཅི་རིས་པར་གསུངས་པའི་ཕུང་པོ། སྐྱེ་མཆེད། ཁམས་རྣམས་ནི་རང་རང་གི་མཚན་ཉིད་ལ་ལེགས་པར་དཔྱད་དེ་འདིར་ཇི་སྐད་བཤད་པའི་ཆོས་གསུམ་དུ་བསྡུ་བར་བྱ་སྟེ། ཚུལ་ཁྲིམས་དང་། ཏིང་ངེ་འཛིན་དང་། ཤེས་…

དང་པོའི་དཔེ་ནི། གཟུགས་ཀྱི་སྐྱེ་མཆེད། གཉིས་པའི་དཔེ་ནི་ཉི་མ་དང་སྣང་བ་ལྟ་བུ། འདིར་ཡུལ་ལ་ཐོགས་པ། དམིགས་པ་ལ་ཐོགས་པ། སྒྲིབ་པ་ལ་ཐོགས་པ་གསུམ། ཡུལ་ཅན་རྣམས་ནི་ཡུལ་ལ་ཐོགས། སེམས་སེམས་བྱུང་རྣམས་ནི་དམིགས་པ་ལ་ཐོགས། འདི་གཉིས་ལ་ཁྱད་པར་ཅི་ཡོད་སྙམ་ན་མུ་བཞིར་ཡོད་དེ། མིག་དབང་ལྟ་བུ་ནི་དང་པོ་ཡིན་གྱི་གཉིས་པ་མིན། ཟླ་བ་གཉིས་…

དང་ནི། །ལྕེ་ཡི་རྣམ་ཤེས་ཁམས་མ་གཏོགས། །གཟུགས་མེད་གཏོགས་པ་ཡིད་དང་ནི། །ཆོས་དང་ཡིད་ཀྱི་རྣམ་ཤེས་ཁམས། །ཞེས་པ་སྟེ། འདོད་པའི་སར་གཏོགས་ལ་ཁམས་བཅོ་རྒྱད་ཡོད། གཟུགས་ཀྱི་སར་གཏོགས་ལ་བཅུ་བཞི་ཡོད། དྲི་རོ་སྣ་ལྕེའི་རྣམ་ཤེས་བཞི་གཟུགས་སར་མ་གཏོགས་པའོ། །གཟུགས་མེད་ཀྱི་སར་གཏོགས་ལ་ཡིད། ཆོས། ཡིད་ཀྱི་རྣམ་པར་ཤེས་པའི་ཁམས་གསུམ་ཁོ་…