༈ རྒྱལ་དབང་ལྔ་པའི་འཁྲུངས་རབས་ལུང་དང་སྦྱར་བ་མི་དབང་ཆེན་པོར་ཕུལ་བ། འགྲོ་བ་ཐམས་ཅད་ཀྱི་སྐྱབས་དང་སྐྱོབ་པ་བླ་ན་མེད་པ་ཀུན་མཁྱེན་རྒྱལ་བའི་དབང་པོ་འདི་ཉིད་ངེས་པའི་དོན་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་ཡོངས་སུ་བརྙེས་པས། རིགས་ཅན་གྱི་གདུལ་བར་བྱ་བ་རྣམས་ཀྱི་དོན་དུ་གང་ལ་གང་འཚམས་པའི་སྤྲུལ་པའི་རྣམ་རོལ་བྱེ་བ…

བརྟེན་ནས་ཐུན་མོང་མིན་པའི་གདུལ་བྱ་རྣམས་ཟུང་འཇུག་གི་ལམ་དང་འབྲས་བུ་ཅི་རིགས་པ་ལ་འགོད་པའི་ཕྲིན་ལས་གཙོ་བོར་སྟོན་པར་མཛད་པས་ན་འཕྲུལ་ལྔ་སྒྱུར་བའི་ཞེས་པའི་དོན་དང་། དེ་ལྟར་རྣམ་པ་ཐ་དད་པར་བསྟན་པའི་དམ་པ་དེ་ཐམས་ཅད་ཀྱི་མཁྱེན་བརྩེ་ནུས་པའི་རང་གཟུགས་གཅིག་ཏུ་བསྡོམས་པ་ལྟ་བུའི་མཐུ་དཔུང་དམ་པ་འདི་ཉིད་ཁོ་ན་ལ་མངའ་བའི་ཕྱིར་སྟ…

༈ མི་དབང་ཆེན་པོས་བཀའ་སྩལ་བའི་ལན་དུ་ཕུལ་བ། ལགས། བཀའ་ཤོག་རིན་པོ་ཆེ་ལྷ་རྫས་བཟང་པོའི་གནང་རྟེན་དང་བཅས་པ་ཚེས་༡༥ལ་སྩལ་བ་ཚེས་༡༦གི་མུན་མཚམས་ལ་སྤྱི་བོར་ཕེབས་པ་བཀའ་དྲིན་བླ་མེད་དུ་ཆེ་ལགས། ཇི་ལྟར་སྩལ་ཕེབས་ཀྱི་བསྡུས་པའི་སྒྲ་དོན་མཚན་གཞི་སོགས་ཚུལ་འདི་ལ་ཐོས་བསམ་གྱི་འཇུག་པ་ཅི་ཡང་བྱེད་མ་མྱོང་གཤིས་འབྲེལ་ཆགས་བསྙེངས་ཐག་ཆ…

ཐ་སྙད་ཀྱི་གྲགས་ཚོད་ཇེ་རྒྱས་སུ་གྱུར་པ་ནི་རྔོག་ལོའི་ཡང་སློབ་ཕྱ་པ་ཆོས་ཀྱི་སེངྒེས་སྲོལ་བཏོད་པར་གྲགས་པ་དེ། སློབ་དཔོན་འདིའི། དབུ་མ་བདེན་གཉིས། རྒྱན། སྤྱོད་འཇུག་སོགས་ཀྱི་ཊཱི་ཀ་དང་། དེ་དག་སོ་སོའི་བསྡུས་པའང་མང་དུ་མཛད། ཁྱད་པར་ཚད་མའི་བསྡུས་པ་ཡིད་ཀྱི་མུན་སེལ་ཞེས་བྱ་བ་རང་འགྲེལ་དང་བཅས་པ་དང་། ཡིད་ཀྱི་མུན་སེལ་རྐྱང་པ…

སྒྲོས་འཁྱམ་པོ་ལས་རོང་པོས་གསུངས་པ་མིན་འདྲ་ལགས་པ་དང་། ལར་གསང་ཕུར་རྔོག་ལོ་ཆེན་པོ་ནས་བཟུང་རྗེ་བདག་ཉིད་ཆེན་པོའི་སྐུ་དངོས་ཀྱི་ཕྲིན་ལས་ཕྱོགས་ཁྱབ་དང་དུས་རགས་པ་ཙམ་མཚུངས་པ་ཡན་ཆད་དུ་ཚད་མ་རྣམ་ངེས་ཀྱི་བཤད་ཉན་ཁོ་ན་གཙོ་བོར་གྲགས་ཤིང་། རྣམ་འགྲེལ་ནི་ས་པཎ་གྱིས་ཐོག་མར་རྣམ་ངེས་བསྡུས་པ་དང་བཅས་པ་ཕྱ་པའི་ལུགས་དེ་ཉིད་ལ་སྦྱངས…

མར་འདུག་པ་དང་། དེ་བཞིན་དུ་ཐམས་ཅད་མཁྱེན་པ་དགེ་འདུན་གྲུབ་ཀྱིའང་རྣམ་འགྲེལ་གསན་ཡུལ་དང་། ར་བ་སྟོད་ཀྱི་བཤེས་གཉེན་གྲ་ཆུང་ཡོན་ཏན་རྒྱ་མཚོ་སོགས་ཀྱང་གསན་ཡུལ་གྱི་གོ་འབྲེལ་གྱི་དབང་ལས་བསྡུས་པ་དང་། རྣམ་འགྲེལ་གྱི་བཤད་པའི་འགངས་ས་པཎ་གྱི་རིགས་གཏེར་དང་མཐུན་པ་ཡོང་རིགས་འདྲ་བ་དང་། འོན་ཀྱང་ཟབ་མོའི་གནད་འགག་གི་ལེགས་བཤད་ཁྱད་པ…

༈ བུང་བ་བཅུད་འཐུང་གི་སྐོར་ལ་མི་དབང་ཆེན་པོའི་བཀའ་དྲིའི་ལན་དུ་ཕུལ་བ། ལགས། བུང་བ་བཅུད་འཐུང་གི་ཐོག་མར་འགུགས་པ་དང་མདུན་དུ་འཁོད་པའི་བར་སྔར་ལྟར་ལགས། ས་བོན་འགོད་ལུགས་གནས་གསུམ་བྱིན་བརླབ་ཀྱི་ཧཱུྃ་ཡིག་བསྒོམ་པ་སྙིང་གི་ཕྱི་བྲང་གི་ནང་རོལ་

དུ་བསྒོམ་པ་དང་། འདིའི་སྙིང་གི་པདྨ་འདབ་མ་བརྒྱད་པ་ནི་རྣམ་ཤེས་ཚོགས་བརྒྱད་ཀྱི་རྟེན་སྙིང་གའི་རྩ་འདབ་བརྒྱད་པོ་ཡིན་ཞིང་། ཁམས་དྲུག་དང་སྦྱར་ན་པདྨའི་རྣམ་པ་ནི་ས་ཆུའི་དྭངས་མ། སྔགས་ཕྲེང་དྭངས་ཤིང་འོད་འབར་བ་མེ་རླུང་། དྭངས་མའི་ཐིག་ལེ་ས་བོན་དང་བཅས་པ་ནི་སེམས་དང་ནམ་མཁའ་སྟེ། རིམ་པ་བཞིན་ལུས་ངག་ཡིད་གསུམ་གྱི་འཆར་གཞི་སྐུ་ག…

༈ གསེར་ཟངས་པ་འགྱུར་མེད་ཀློང་གྲོལ་གྱི་དྲི་ལན། དད་ནོར་གྱི་དབང་ཕྱུག་འགྱུར་མེད་ཀློང་གྲོལ་པའི་གསུང་བྲིས་མ་བུ་ཞིབ་འཁོད་ཁ་བཏགས་དངུལ་སྲང་གསུམ་གུར་གུམ་བཟང་པོའི་ཕུར་མའི་རྟེན་དང་བཅས་རྒྱ་མ་ཉམས་པར་འཕྲོད་པས་སྤྲོ་བ་འཕེལ། ཉིད་ལམ་བར་དུ་བསྐྱོད་པ་བདེ་ཞིང་སྔར་གྱི་འབྲེལ་ཅན་རྣམས་དང་འཕྲད་མཇལ་སོགས་མཐུན་པར་འཇུག་པས་གཞན་ཡིད་བ…

ངོ་བོ་ངོས་བཟུང་དང་བྲལ་བ་ཧྲིག་གེ་བ་ཞིག་འཆར། དེའི་རང་ངོ་བསྐྱངས་པས་མ་ཡེངས་པ་དེ་ཀ་ཆོས་ཡིན། དེ་ཡང་སེམས་སྒོམ་དུ་སོང་ན་སེམས་གང་ཡོད་ན་སྒོམ་ཡོད། སྒོམ་ཞེས་མིང་དུ་བཏགས་ཀྱང་སེམས་མ་ཡེངས་པ་ཙམ་ལས་གཞན་དུ་མེད། རྐྱེན་སྣང་ཐམས་ཅད་རང་ངོ་རང་ཤེས་འཛིན་མེད་དུ་སྣ་བསྐྱངས་པས་བོགས་འཐོན་པ་ཡིན་མོད། དེས་ན་སེམས་ཙབ་ཙུབ་ཀྱི་རེ་དོགས་མ…

བ་དེ་ལ་འགྲོ་ཀུན་ཕ་མར་ཤེས་པའི་སྙིང་རྗེ་བྱང་སེམས་ཀྱི་རྩལ་སྦྱོང་དང་། ངོ་བོ་སྟོང་ཉིད་དུ་ཤེས་པའི་བོགས་འདོན་བྱས་པས་སངས་འགྲོ། གཉན་ཁྲོད་དུ་གཅོད་ཀྱི་ལམ་ཁྱེར་གྱིས་བོགས་འཐོན་པ་འདུག་ན་དེ་བཞིན་མཛད་ཆོག །འོན་ཀྱང་བརྟན་པ་མ་ཐོབ་ཀྱི་བར་དུ་ཉེས་དམིགས་ཀྱི་མཐའ་བསྲུང་བར་བཤད་འདུག་པས་སྐབས་དང་སྦྱོར། སྔར་དམ་བཅའ་མཛད་པ་རྣམས་དགེ་…

༈ ཉང་སྟོད་གསེར་ཟངས་པ་འགྱུར་མེད་ཀློང་གྲོལ་གྱི་ལན། སྐབས་འདིའི་རྡོ་རྗེའི་བཟླས་པ་བྱ་བའི་ཚུལ་ནི། རང་ཉིད་བླ་མ་ཐོད་ཕྲེང་རྩལ་གྱི་སྐུ་རྒྱན་དང་ཆ་ལུགས་རྫོགས་པ་ཐུགས་ཀར་དྭངས་མའི་སྲོག་ཧཱུཾ་ཡིག་མཐིང་ག་མར་མེ་ལྟར་གསལ་བ་དེ་ལྟ་བུའི་རྣམ་པ་གསལ་ལ་དེར་འཛིན་མེད་པ་དེའི་ངང་ནས་སྒྲར་གྲགས་པ་སྔགས་ཀྱི་སྒྲ་གྲག་སྟོང་གསལ་བཏབ་ནས་རླུང…

༈ རྣམ་སྤྲུལ་རིན་པོ་ཆེའི་དྲི་ལན་དུ། རྣམ་འདྲེན་མཆོག་སྤྲུལ་དམ་པའི་ཞབས་དྲུང་དུ། གུས་པས་ཞུ་བ། གསང་གསུམ་ལྷ་སྔགས་ཆོས་ཉིད་ཀྱི་རོལ་པ་ལས་གཡོ་བ་མེད་པའི་ས་མ་དྷིར་འབྱམས་སུ་ཀླས་པའི་ཡེ་ཤེས་ཀྱི་སྣང་བས་སྣོད་བཅུད་དག་པའི་འཁོར་ལོར་སད་པ་ནས་ཕྱག་བྲིས་ལྷ་རྫས་ཀྱི་གནང་རྟེན་བཟང་པོ་བཅས་སྩལ་བ་ཕེབས་པས་དངོས་མཇལ་གདུང་སེལ་གྱི་བཀའ་དྲ…

ལ་སྒྲུབ་གཏོར་དང་དེའི་མཐའི་གཡས་གཡོན་དུ་ཆོས་སྐྱོང་སྤྱི་དང་བྱེ་བྲག་གི་གཏོར་མ་སྨན་དང་རཀྟ། མདུན་དུ་ཉེར་སྤྱོད་ལྔ་སོགས་མཆོད་པ་བཤམས་པའི་རྒྱབ་ཏུ་བྲིས་སྐུ་བཀྲམ་པ་སོགས་ཡིད་མཐུན་བག་དྲོ་བར་བྱས་ལ། གཞི་བདག་ལ་གཏོར་མ་བཏང་ནས་ཕྲིན་ལས་བཅོལ་བགེགས་གཏོར་བཏང་ནས་བསྐྲད། སྒོ་དྲུང་དུ་མཐོ་རྩིགས་ལ་མངའ་གསོལ། དེ་ནས་སྒྲུབ་པའི་སྟན་ལ…

ལ། ཨོ་རྒྱན་ཡུལ་གྱི་ནུབ་བྱང་མཚམས༔སོགས་ཚིག་བདུན་གསོལ་འདེབས་ཀྱིས་སྤྱན་དྲངས་ཏེ་ནམ་མཁར་བཞུགས་པ་ལ་མཆོད་པ་རྒྱས་བསྡུས་ཅི་རིགས་པ་དང་། མ་བཅོས་སྤྲོས་བྲལ་ཤོ་ལོ་ཀ་གཅིག་གིས་བསྟོད་པ་དང་། དེ་ནས་ཛཿཧཱུྃ་བྃ་ཧོ༔ཞེས་མདུན་གྱི་ལྷ་ཚོགས་རང་ལ་གཉིས་སུ་མེད་པར་བསྟིམས་ནས་རང་ཉིད་རྟེན་དང་བརྟེན་པར་བཅས་པ་སྤྱི་དང་ཁྱད་པར་གཙོ་བོའི་རྣམ་…

བྱེད་ན་ཐོ་རེངས་ནས་ཉི་ཕྱེད་ཡན་ལ་སྔ་ཐུན། ཕྱེད་ཡོལ་ནས་སྲོད་ཀྱི་མཐའ་ཡན་ལ་ཕྱི་ཐུན་གྱི་ཐ་སྙད་བྱེད་ཅིང་། དེ་ཡང་དམིགས་པ་གསལ་ཐེབས་པ་དང་ཐུན་མཚམས་ཀྱི་དགེ་སྦྱོར་བཟའ་བཏུང་སོགས་སྐབས་ཕྱེེད་པར་འདོད་ན་ཐུན་བཞི་མ་དང་། སྔགས་འགྲོ་ཆེ་བ་གཙོ་བོར་བྱེད་ན་ཐུན་གཉིས་མ་བྱེད་པར་བཤད་ཅིང་། འདིར་ནི་ཐུན་བཞི་མ་འཇུག་པ་བདེ་བར་བྱེད་ཀྱི་ཡ…

བསྙེན་ཡིག་བཞིན་བྱ། དེ་ལྟ་བུའི་རིམ་པས་གྲངས་བསྙེན་འབུམ་ཚོར་གསུངས་ཀྱང་ཁ་སྐོང་ཁྲི་ཚོ་མེད་ཐབས་མེད། དུས་བསྙེན་བདུན་ཕྲག་གསུམ། མཚན་མའི་བསྙེན་པ་ནི་དུས་ཚོད་མ་ངེས། འགའ་ཞིག་ལ་སྔ་མོ་ནས་ཡོང་བའང་ཡོད། འགའ་ཞིག་ལ་ཡུན་རིང་འགོར་བའང་ཡོད། རྟགས་ནི་བརྡ་རྟགས་སོགས་ལས་འབྱུང་ཞིང་། ཡང་བཟླས་པའི་ཚེ་རླུང་གི་ཉམས་ལེན་ཡོད་ན་ངག་བཟླས་ཀ…

༈ མི་དབང་ཆེན་པོའི་དྲི་ལན། དེ་ཡང་། སྤྱིར་གཏེར་ཆེན་དང་གཏེར་ཕྲན་གྱི་ཐ་སྙད་ནི། བླ་རྫོགས་ཐུག་གསུམ་གྱི་ཆོས་སྐོར་ཚང་བར་ཡོད་ན་གཏེར་ཆེན་དང་། བླ་རྫོགས་ཐུགས་གསུམ་ནི། ཞི་དྲག་ཏུ་མ་ངེས་པའི་བླ་མའི་སྒྲུབ་སྐོར། རྫོགས་པ་ཆེན་པོ། ཐུགས་རྗེ་ཆེན་པོ་གསུམ་ལ་མཚན་གཞི་བྱེད་ཅིང་། དེར་མ་ཟད་ཆོས་བཀའ་གང་ལས་གང་ཟག་གཅིག་འཚང་རྒྱ་བར་བྱེ…

གཏེར་བསྲུང་ཕ་མ་བུ་གསུམ་གྱི་སྒྲུབ་ཐབས་དང་བཅས་པ། སྒྲུབ་གཞུང་རྩ་བའི་ལྷ་ནི། དྲག་པོ་ཞལ་གསུམ་ཕྱག་དྲུག་པ་ཡུམ་བཅས། འཁོར་རིགས་བཞི། སྲས་བཞི། ཁྲོ་བཅུ། སྒོ་བསྲུང་བཞི་དང་བཅས་པ། གཏེར་ཁ་བཅུ་གཅིག་པ་སེང་གེ་ཁྱི་ལྕོག་བྲག་ནས་སྤྱན་དྲངས་པ་དྲག་པོ་དཔའ་བོ་གཅིག་པ་འགྲོ་འདུལ་གྱི་སྐོར་ལ། དབང་། ལས་བྱང་། གཏོར་བཟློག་ལས་ཕྲན་དང་བཅས་…

ལས་ཚོགས་དང་བཅས་པ་ཆ་ལག་ཚང་བ། རྩ་བའི་ལྷ་ནི་ཚེ་ལྷ་རིགས་ལྔ། སེམས་མ་བཞི། མགྱོགས་མ་བཞི། སྒོ་བ་ཡབ་ཡུམ་བཞི་རྣམས། གཏེར་ཁ་དགུ་པ་བུམ་ཐང་སྐུ་རྗེས་བྲག་ཐོད་པ་དགུ་བརྩེགས་འདྲ་བ་ནས་སྤྱན་དྲངས་པ་ཚེ་སྒྲུབ་ནོར་བུ་ལམ་ཁྱེར་ལ་རྒྱུད། དབང་། སྒྲུབ་ཐབས། ལས་བྱང་། ལས་ཚོགས་ཏེ་ཆོས་སྡེ་གཅིག །གཏེར་ཁ་ཉི་ཤུ་པར་བྱུང་བ་མཚལ་མདོ་ཁྲ་རིང་བྲ…