ཅད་ཀྱི་བཅུད་འདུས་པའི་སྙིང་པོ་ཉི་ཟླའི་དྭངས་མ་ཐིག་ལེ་དུས་གཅིག་ཏུ་མཉམ་པར་སྦྱོར་བས་དངོས་པོ་ལྷན་ཅིག་སྐྱེས་པ་བདེ་བའི་ཡེ་ཤེས་ཉམས་སུ་མྱོང་ནས། སླར་ཡང་དགའ་བཞི་ལུགས་ལྡོག་གི་འགྲོས་ཀྱིས་མྱོང་བའི་བདེ་བ་མཆོག་ཏུ་གསང་བའི་རོལ་མོ་ཡིས་རྟོག་ཚོགས་རང་བཞིན་ལྷན་ཅིག་སྐྱེས་པའི་ཡེ་ཤེས་སུ་རྣམ་པར་གྲོལ་བས་རབ་ཏུ་དགྱེས་པར་གྱུར་པའི་…

བྲལ། རང་བཞིན་གསང་བའི་སྙིང་པོ་བདེ་སྟོང་དབྱེར་མེད་ཉམས་སུ་མྱོང་བ་ནི་ལྷན་སྐྱེས་ཀྱི་དགའ་བ་སྟེ། ལུགས་འབྱུང་ལུགས་ལྡོག་གི་འགྲོས་ཀྱིས་དགའ་བ་བཞི་བཞི་ལུས་ཀྱི་གནས་བཞི་དང་ཡང་སྦྱར་ལ་བཤད་དོ། །དེ་རེ་རེ་ལའང་དགའ་བའི་དགའ་བ་སོགས་བཅུ་དྲུག་སྟེ། རྡོ་རྗེ་ལས་རིམ་ལས། གནས་ནི་ཡེ་ཤེས་བཅུ་དྲུག་པོ། །ཚོགས་སྦྱོར་ལ་སོགས་དང་པོ་ནས། །མ…

གི་སྐུ་གསུམ་དབྱེར་མི་ཕྱེད་པར་མཉམ་པར་སྦྱོར་བ་ལས་གདུལ་བྱ་འདུལ་བྱེད་ཐུགས་རྗེའི་དཀྱིལ་འཁོར་བཙལ་བ་མེད་པར་ཡོངས་ཏེ་སྭ་ཡཾ་བྷུའི་སྒྲ་ལས་རང་བྱུང་གིས་འབྱུང་སྟེ། ཕྱོགས་བཅུ་དུས་བཞིས་བསྡུས་པའི་གདུལ་བྱའི་ཞིང་ཁམས་ཀུན་ཏུ་གཞན་སྣང་གཟུགས་སྐུའི་དཀྱིལ་འཁོར་གང་ལ་གང་གིས་འདུལ་ཞིང་སྐྱོབ་པའི་མགོན་པོ་སྒྱུ་མ་ལྟ་བུའི་དཀྱིལ་འཁོར་…

ཕྱོགས་བཅུར་བཞུགས་པ་ཐམས་ཅད་ཀྱིས་ཕྱོགས་དང་དུས་ཀུན་ནས་གཟིགས་ཏེ། རྣམ་པ་ཐམས་ཅད་དུ་གསང་བའི་དཀྱིལ་འཁོར་མ་ལུས་རྒྱུད་ལ་བསྙེན་ཏེ་ཐོབ་པར་བྱེད་པའི་ཉེ་བའི་སྲས་སུ་དགོངས་པར་འགྱུར་ཏེ། དཔེར་ན་སངས་རྒྱས་ཀྱི་ཉེ་བའི་སྲས་ཉན་རང་སོགས་མ་ཡིན་པར་དགོངས་པ་མཐུན་པར་སྐྱེས་པ་ཐབས་ལ་མཁས་པའི་བྱང་ཆུབ་སེམས་དཔའ་རྣམས་ཡིན་པ་བཞིན་ནོ། །གཉིས་…

ལམ་གསང་བའི་ངེས་དོན་གཞན་ཞིག་མེད་ངེས་ཡིན་པས་བཙལ་ཀྱང་གཞན་གྱིས་རྙེད་པ་ལྟ་ཞོག་རྒྱལ་བས་ཀྱང་མི་བརྙེས་སོ་སྟེ་མི་རྙེད་དོ། །གསུམ་པ་ཡུལ་གང་ལ་གདམས་པའི་སྣོད་བཤད་པ་ལ་གཉིས་ཏེ། སྣོད་དང་ལྡན་ལ་སྦྱིན་པ་དང་། སྣོད་མིན་ལ་མི་སྦྱིན་པར་བསྟན་པའོ། །དང་པོ་ནི། ཀུན་གྱི་སོགས་རྐང་པ་ལྔ་སྟེ། སངས་རྒྱས་ཀུན་གྱི་བཀའ་རྟགས་ཀྱི་ཕྱག་རྒྱ་ཆེན…

ལེའུ་བཅུ་བཞི་པ་ལ་གསུམ་སྟེ། ལོ་རྒྱུས་དང་། གཞུང་དང་། མཚན་ནོ། །དང་པོ་ནི། དེ་ནས་སོགས་ཏེ། ལམ་ཐབས་གྲོལ་གྱི་མན་ངག་སྙིང་པོ་བསྟན་པ་དེ་ནས་རང་སྣང་གི་དཀྱིལ་འཁོར་ལ་བསྟོད་པའི་ཕྱིར་དེ་བཞིན་གཤེགས་པ་ཐམས་ཅད་ཀྱི་བདག་པོ་རིགས་དྲུག་པས་ཉིད་ཀྱི་ཆེ་བའི་ཡོན་ཏན་བཞི་བཅུ་རྩ་གཉིས་ཀྱི་དཀྱིལ་འཁོར་དུ་རང་སྣང་བ་ལ་དགྱེས་པ་ཆེན་པོའི་གླུ…

དད་པ་ཚིག་གཅིག་ཏུ་མི་ཕྱེད་པར་འབབ་པས་རྡོ་རྗེའི་སྒྲ་ཆེན་པོ་སྟེ་རྗོད་བྱེད་ཀྱི་ཚིག་གཅིག་གིས་བརྗོད་བྱའི་དོན་མཐའ་ཡས་པ་གོ་བར་བྱེད་པ་ནི་ཚངས་པ་དབྱངས་ཀྱི་གསུང་ངོ་། །སྐུའི་བརྡའ་ཐོགས་པ་མེད་པར་གདུལ་བྱའི་བློ་ལ་དོན་འཇལ་བས་དབང་བསྒྱུར་བ་ནི་རྡོ་རྗེ་རྒྱལ་པོ་སྟེ་དགོངས་པ་བརྡའི་གསུང་ངོ་། །སྒྲ་ཐམས་ཅད་གྲགས་སྟོང་དབྱེར་མི་ཕྱེ…

པའི་ཁྲིའི་སྟེང་དུ། ཁུ་བ་དག་པ་སྐུ་ཟླ་བ། རྡུལ་དག་པ་གསུང་ཉི་མ། རླུང་དག་པས་སྐྱོན་གྱིས་གོས་པ་མེད་པ་ཐུགས་པདྨའི་གདན་དང་། རེ་བ་སྐོང་བས་རིན་ཆེན་སྣ་ཚོགས་པའི་ཁྲི་རྐང་སྟེ་ཁྱད་པར་དུ་འཕགས་པ་གདན་ཁྲིའི་ཡོན་ཏན་ནོ། །ཧོཿཞེས་མཉེས་པའོ། །ལྔ་པ་ཕྲིན་ལས་ལྔ་བསྟོད་པ་ནི། ༀ། ཕྱོགས་བཅུའི་སོགས་ཏེ། ༀ་ནི་ཕྲིན་ལས་ལྔ་མཚོན་པའོ། །དོན་བ…

དུ་བསྒྲགས་སོ། །གསུམ་པ་མཚན་ནི། གསང་བའི་སོགས་ཏེ། རྒྱུད་འདི་ལ་ལེའུ་ཉེར་གཉིས་ཡོད་པ་ལས། འདིས་མཉེས་པ་ཆེན་པོའི་གླུས་ཉིད་ཀྱི་དཀྱིལ་འཁོར་ལ་བསྟོད་པའི་ལེའུ་སྟེ་བཅུ་བཞི་པའོ།། །།

ལེའུ་བཅོ་ལྔ་པ་ལ་གཉིས་ཏེ། གཞུང་དང་། མཚན་ནོ། །དང་པོ་ལ་གཉིས་ཏེ། ཁྲོ་བོའི་དཀྱིལ་འཁོར་མངོན་པར་འདུ་མཛད་ཚུལ་མདོར་བསྟན། དེའི་རང་བཞིན་རྒྱས་པར་བཤད་པའོ། །དང་པོ་ནི། དེ་ནས་དེ་བཞིན་གཤེགས་པ་སོགས་ཏེ། ཞི་བའི་དཀྱིལ་འཁོར་བསྟན་པ་དེ་ནས་ཁྲོ་བོའི་དཀྱིལ་འཁོར་སྟོན་པའི་ཕྱིར་དེ་བཞིན་གཤེགས་པ་རིགས་ཐམས་ཅད་ཀྱི་བདག་པོ་དྲུག་པ་ཀུན་ཏ…

ཏེ། དེ་ལྟར་འདུལ་བྱེད་ཁྲོ་བོའི་དཀྱིལ་འཁོར་མངོན་པར་འདུ་མཛད་པ་དེ་དགོས་ཆེད་ཅིའི་ཕྱིར་ཞེ་ན། ཞེས་དྲིས་པའི་ལན་ནི། གདུལ་བྱ་གདུག་པ་ཅན་འདུལ་བའི་ཆེད་དུའོ། །དེ་སུ་ཞིག་སྙམ་པ་ལ། སྤྱིར་སྲིད་པའི་རྩ་བ་བདག་ཏུ་རྨོངས་པ་མ་རིག་པའི་རྣམ་པར་རྟོག་པས་ང་དང་བདག་ཏུ་ཞེན་པ་དང་། ཆོས་ཐམས་ཅད་བློས་སྒྲོ་བཏགས་ཙམ་བདེན་པར་གྲུབ་པ་མ་ཡིན་ཡང་…

དེ་ལྟ་བུའི་སྡུག་བསྔལ་རབ་ཏུ་ཚ་བ་ལ་སོགས་པ་སྟེ། ཚ་བ་ནས་ཡང་སོས་ཀྱི་བར་བརྒྱད་དང་། ཤིན་ཏུ་གྲང་བ་པདྨ་ལྟར་ཆེར་གས་པ་ལ་སོགས་པ་སྟེ་ཆུ་བུར་ཅན་གྱི་བར་བརྒྱད་པོ་དག་ཏུ་ཚ་གྲང་གི་དམྱལ་བ་ཕན་ཚུན་ཟུང་རེ་རེ་ཞིང་སྐྱེ་རེས་ཀྱིས་འཇིག་རྟེན་གྱི་ཁམས་དེ་འཇིག་པའི་དུས་སུ་འཇིག་རྟེན་གྱི་ཁམས་གཞན་དང་གཞན་དུ་བརྒྱུད་ནས་འཕོ་ཞིང་། ཚེ་ཚད་ནི…

ཤིང་། སེམས་གདུག་པ་ཁྲོ་ཞིང་གཏུམ་པོ་སྟེ། ལས་ཀྱི་རྫུ་འཕྲུལ་ལུས་གཅིག་ལ་མགོ་བོ་བརྒྱ་ཡོད་པ་དང་། དེ་ཡང་མགོ་བརྙན་མི་འདྲ་བ་སྣ་ཚོགས་པ་དང་། ལུས་མི་གཅིག་པ་བརྒྱ་ལ་མགོ་བོ་གཅིག་ལས་མེད་པ་དང་། སྟག་སེང་སོགས་ཀྱི་ལུས་སྣ་ཚོགས་པ་དང་། ལུས་གཅིག་ལ་ཡན་ལག་མང་པོ་དང་། ཡན་ལག་རིགས་མི་འདྲ་བ་སྣ་ཚོགས་པ་དང་། དེ་དག་གི་མདའ་དང་མདུང་ཐུང་…

གཉིས་པ་ལ་བཅུ་གཉིས་ཏེ། ཏིང་ངེ་འཛིན་གྱི་ཆོ་འཕྲུལ་དང་། ཆེ་མཆོག་ལོངས་སྤྱོད་རྫོགས་པའི་དཀྱིལ་འཁོར་དང་། ཀུན་བརྗོད་པའི་ཆོ་འཕྲུལ་དང་། སྤྲུལ་པ་རྫུ་འཕྲུལ་གྱི་ཆོ་འཕྲུལ་དང་། བྱིན་གྱིས་རློབ་ཀྱི་ཆོ་འཕྲུལ་དང་། ཆོས་སྣང་བའི་ཆོ་འཕྲུལ་དང་། སྤྲུལ་པ་ཆེན་པོའི་དཀྱིལ་འཁོར་དང་། ཕྲིན་ལས་རྨད་དུ་བྱུང་བའི་ངོ་བོ་དང་། འཁོར་སྡུད་པའ…

བའི་དཀྱིལ་འཁོར། ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུཾ། སྒོ་གསུམ་བཀས་ཤིང་གཏོར་ཅིག་ཅེས་ཐུགས་བསྐུལ་བའི་ཚིག་སྦྱར་བའོ། །དེ་སྐད་ཅེས་བརྗོད་པས་ཡབ་ཡུམ་གྱི་སྦྱོར་མཚམས་ནས་ཁྲོ་བོ་འཆོལ་བའི་སྤྲིན་སྤྲོ་བའི་རྐྱེན་བྱེད་པའོ། །བཞི་པ་ནི། འཇིག་རྟེན་སོགས་ཏེ། གང་དུ་སྤྲོ་ན་འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་གོ་མཚམས་མེད་པར་ཁྱབ་པར། ག…

དེ་ནས་བཅོམ་ལྡན་འདས་དགྱེས་པ་ཆེན་པོ་ཆེ་མཆོག་ཉིད། འཇིགས་བྱེད་ཆེན་པོ་ཤིན་ཏུ་རྔམ་པའི་སྐུ་གདུག་པ་ཅན་རྣམས་སྐྱི་བུང་ཞེས་བྱེད་པའི་གཟི་བྱིན་འབར་བ་ཆེན་པོའི་མེ་འོད་འཕྲོ་བ་ཁྲག་འཐུང་སྨུག་ནག་ཅིར་ཡང་འགྱུར་བའི་རྣམ་པ་ཅན། དབུ་དང་ཕྱག་ཞབས་སྟོང་ཁམས་ཀྱི་རྡུལ་སྙེད་ལྟར་མཐའ་ཡས་པས་མཚོན་ཆ་སྣ་ཚོགས་འཛིན་པ་དེ་ཉིད་ལ་གོང་དུ་སྤྲོས་པ…

ལྷོར་གཤིན་རྗེ་ལ་སོགས་ཏེ་གདུག་པ་ཅན་ཐམས་ཅད་བསྡུས་པ་ཁྱོ་ཤུག་གི་གདན་ལ་གཡས་བརྐྱང་གིས་བཞུགས་སོ། །བཙུན་མོ་ཁྲག་འཐུང་ཆེན་མོ་རིགས་ལྔའི་ཚོགས་རྣམས་ཀྱང་རིགས་སོ་སོའི་ཧེ་རུ་ཀའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། །བརྒྱད་པ་ནི། དེ་ནས་དྲེགས་པ་སོགས་ཏེ། རིགས་ལྔའི་ཧེ་རུ་ཀར་སྣང་བས་དྲེགས་པ་ཅན་གདན་དུ་བྱས་པ་དེ་ནས་དྲེགས་པ་ཆེན…

སྙིང་པོ་དང་བོད་པ། ཨེ་འདིར། ཨཱ་ར་ལི་རོལ་པ། ཛཿཛ་དགུག་པའི་ས་བོན་ནོ། །དེ་སྐད་ཅེས་བརྗོད་པས་ཕྱོགས་བཅུའི་སྣོད་ཀྱི་འཇིག་རྟེན་གྱི་ཁམས་ནམ་མཁའི་མཐས་གཏུགས་པ་དང་བཅས་པ་ཀུན་མ་ལུས་པར་ཡུངས་འབྲུ་གཅིག་ཙམ་དུ་ཆུད་པར་དབང་འབྱོར་བའི་རྫུ་འཕྲུལ་ཆེན་པོས་བསྡུས་སོ། །དེ་ནས་བཅུད་ཀྱི་སེམས་ཅན་འབྱུང་པོ་ཕལ་པའི་རིགས་མ་ལུས་པའི་རྒྱལ་པོ་…

བཅས་པ་འཁོར་ཞིང་གི་རྡུལ་སྙེད་ལྟར་མཐའ་ཡས་པ་ཐམས་ཅད་ཀྱང་བསྡུས་སོ། །བཅུ་པ་ནི། དེ་ནས་བཅོམ་ལྡན་འདས་སོགས་ཏེ། མོ་རྒྱུད་རྣམས་བསྡུས་པ་དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོ་རྡོ་རྗེ་སྲིན་པོར་སྣང་བ་དེས་མ་མོ་རྣམས་འདུལ་བའི་ཐབས་ཀྱིས། སླར་ཡང་རིགས་ལྔའི་འཇིགས་བྱེད་ཆེན་པོ་ལྔ་ཀ་ཡོངས་སུ་རྫོགས་པར་མ་མོ་རྣམས་…

པས་རོལ་པར་གྱུར་ཏོ། །བཅུ་གཉིས་པ་ལ་བཞི་སྟེ། གནས་མ་དང་། ཡུལ་མ་དང་། སྒོ་མ་རྣམས་སྤྲོ་བ་དང་། ཁྲོས་པར་བསྐུལ་བའོ། །དང་པོ་ནི། དེ་ནས་སོགས་ཏེ། གཉིས་མེད་དུ་རོལ་པ་དེ་ནས་དགྱེས་ཏེ་ཧ་ཞེས་བརྗོད་པའི་བཞད་སྒྲས་སྦྱོར་མཚམས་ནས་ཡབ་ཡུམ་གྱི་བྱང་ཆུབ་སེམས་ཀྱི་སྤྲིན་ལས། ཞི་བའི་ལས་ཀྱིས་དག་པར་བྱེད་པ་དཀར་མོའི་ཚོགས་དང་། དབང་གིས་སྡུ…