ཕྱི་ནང་གི་བསྲུང་བྱ་ཇི་སྙེད་པའི་སྡོམ་པ་བསམ་ཡས་ཡོད་པ་མ་ལུས་པའི་ཡོན་ཏན་ཀུན་ཡར་ལྡན་གྱི་ཚུལ་དུ་འདིར་འདུས་ཤིང་། ཉེས་པ་ཕྲ་མོས་ཀྱང་གོས་པ་མེད་པས་རྣམ་པར་དག་པའི་ཕྱིར་རོ། །དེ་ལ་ཇི་སྙེད་པའི་སྡོམ་པ་ཀུན་རིགས་བསྡུས་ན། སོ་ཐར། བྱང་སེམས། རིག་པ་འཛིན་པའི་སྡོམ་པ་གསུམ་དུ་འདུ་ལ། དེ་གསུམ་ཡང་རྣམ་པ་འགལ་བ་ལྟར་སྣང་ཡང་། ངོ་བོ་ཚང…

པའི་ངོ་བོ་དང་ཡོན་ཏན་ཡར་ལྡན་དུ་འདུས་སོ། །གཉིས་པ་ནི། བདེན་པ་སོགས་ཚིགས་བཅད་གཅིག་སྟེ། ཆོས་ཐམས་ཅད་དོན་དམ་པ་དང་ཀུན་རྫོབ་ཀྱི་བདེན་པ་གཉིས་ཀའི་ཚུལ་ལ་བདག་དང་གཞན་ཞེས་དབྱེར་མེད་པས་དོན་དམ་པར་མ་དམིགས་ཤིང་། ཐ་སྙད་ཀུན་རྫོབ་ཏུའང་འཕྲུལ་དགའི་ལྷ་རྣམས་རང་གི་སྤྲུལ་པའི་ལོངས་སྤྱོད་ལེན་པ་ལྟར། མ་བྱིན་པར་ལེན་དུས་ཉིད་ནས་རང་སྣང…

གྱི་སྒོམ་པ་དང་། ཐབས་ཀྱིས་ཟིན་པའི་སྤྱོད་པ་དང་ལྡན་པས་འཁྲིག་པའི་འདོད་ཆགས་ལ་སྤྱོད་པ་ལྟར་སྣང་བའི་དུས་ཉིད་ན་ཡང་ཐ་མལ་གྱི་ཆགས་པའི་དྲི་མ་རྡུལ་ཙམ་ཡང་མེད་པ་ནི་འཛག་མེད་ཀྱི་ཚུལ་ཁྲིམས་ཚངས་པར་སྤྱོད་པ་ཐམས་ཅད་ཀྱི་མཆོག་གམ་རྒྱལ་པོ་སྟེ། ཆོས་ཐམས་ཅད་ཤིན་ཏུ་རྣམ་པར་དག་པར་བདེ་སྟོང་ཟུང་འཇུག་རང་རིག་གི་ངོ་བོར་གྲོལ་བ་ནི་ཆགས་པ་ཆ…

པས་ཅི་མཉེས་སྒྲུབ་པའོ། །སྔགས་རྒྱ་རྒྱུན་མི་བཅད་པ་ནི། ཡུལ་སྔགས་གསུམ་དང་ཕྱག་རྒྱ་བཞི་སྟེ། གསལ་བཀྲ་ལས། རྩ་བ་བསྐྱེད་དང་ལས་སྔགས་དང་། །དམ་ཚིག་ལས་དང་ཆོས་དང་ནི། །སྐུ་ཉིད་ཕྱག་རྒྱ་ཆེན་པོ་བཞི། །ཞེས་སོ། །དེ་དག་བརྩོན་པ་རབ་ཀྱིས་ཆུ་བོའི་རྒྱུན་བཞིན་ནམ། ཉིན་ཞག་གཅིག་གི་ནང་དུ་ཐུན་དྲུག་གམ་བཞིའི་རྣལ་འབྱོར་དུ་བྱ་བ། འབྲིང་གི…

ཐམས་ཅད་དུ་གསང་བར་བྱའོ། །བར་གསང་བཞི་ནི། སྒྲུབ་པའི་གནས་དུས་གྲོགས་དང་རྫས། །བར་དུ་གསང་ལ་བསྒྲུབ་པར་བྱ། །ཞེས་པས་སྒྲུབ་པའི་བར་དེ་སྲིད་དུ་གསང་ངོ་། །གསང་བར་འོས་པ་ནི་རྫས་དང་སྤྱོད་པ་མཐོང་ཐོས་སུ་མི་རུང་བ་རྣམས་སོ། །གཉེར་གཏད་པ་ནི། སློབ་དཔོན་དང་མཆེད་ཀྱིས་གསང་བར་གདམས་པ་རྣམས་གཞན་དུ་སྨྲ་བར་མི་བྱའོ། །དེ་ལྟར་ལྔ་པོ་འདི་…

རང་བཞིན་ཡིན་པའི་ཕྱིར་རོ། །དེ་བས་ན་མི་སྤང་བ་ལ་དགོས་པ་ཡོད་དེ། དངོས་པོའི་ཞེན་པ་ལྡོག་པ་དང་། འཆིང་བྱེད་ཀྱི་ལས་ལ་སྤྱད་པས་གྲོལ་བ་འདི་འདྲ་ངོ་མཚར་ཆེ་སྙམ་དུ་ཐབས་ཀྱི་ལམ་ཟབ་མོ་ལ་ངེས་ཤེས་སྐྱེ་བ་དང་། ཆོས་ཉིད་ཟབ་མོ་རྟོགས་པ་ལ་བློ་མྱུར་བའི་དགོས་པ་རྣམས་ཡོད་པའི་ཕྱིར་རོ། །གཉིས་པ་མི་དོར་བ་ལྔ་བ་ནི། དཀར་རྩི་སོགས་རྐང་པ་གཉི…

ལམ་ཟབ་མོས་མཉམ་པར་སྦྱོར་བ་ཡི་དོན་དེ་ལས་མི་འདའ་བས་མཉམ་པའི་དམ་ཚིག་སྟེ། དེའི་ངང་ལ་གནས་ན་འབྲས་བུ་མཉམ་རྫོགས་ཆེན་པོ་ཀུན་ཏུ་བཟང་པོ་དབྱེ་བ་མེད་པའི་ས་ཐོབ་པར་འགྱུར་བས་བསྲུང་བར་བྱ་ཞིང་། གལ་ཏེ་དེའི་འགལ་ཟླ་མཉམ་པ་ལས་འདས་ཏེ་ཐ་དད་དུ་རྟོག་ན་འབྲས་བུ་སངས་རྒྱས་ཐོབ་པ་མ་ཡིན་ནོ། །བཞི་པ་དམ་ཚིག་ཉམས་པའི་སྐྱོན་ལ་གསུམ་སྟེ། ཉམས་…

བསླབ་པ་ཐམས་ཅད་ཀྱི་དམ་པ་ཡིན་ནོ། །དྲུག་པ་དམ་ཚིག་གི་རྣམ་གྲངས་རྒྱས་པར་བཤད་པ་ལ་གཉིས་ཏེ། སུམ་བརྒྱ་དྲུག་ཅུར་དང་། མཐའ་ཡས་པར་སྤྲོས་པའོ། དང་པོ་ནི། རྩ་བའི་དམ་ཚིག་སོགས་ཚིགས་བཅད་གཅིག་སྟེ། འདི་ལ་ཕྲ་རྒྱས་ལས། ཕྱི་མ་རྩ་བ་ཡན་ལག་ལས། །ལྔ་བཅུའི་བརྒྱ་དང་དྲུག་ཅུ་དང་། །ཉིས་བརྒྱའི་བསྲུང་བྱ་མ་ལུས་པ། །བཀའ་ལུང་གཉིས་ཀྱི་རྗེས་སུ…

མཆོག་རིགས་ཀྱི་བདག་པོ་ཀུན་ཏུ་བཟང་པོ་ཉིད་ཀྱི་གོ་འཕང་ཐོབ་པར་འགྱུར་ཏེ། དེའི་ངོ་བོ་ཇི་ལྟར་ཞེ་ན། འཁོར་འདས་ཀྱི་ཆོས་ཐམས་ཅད་ལྷག་མ་མ་ལུས་པ་རྒྱལ་བའི་སྐུ་གསུང་ཐུགས་ཀྱི་ཕྱག་རྒྱའི་ངོ་བོར་ལྷུན་གྱིས་གྲུབ་པས་ཆེད་དུ་སྒྲུབ་པ་མེད་པར་འབྲས་བུའི་མཆོག་དམ་པ་ཀུན་བཟང་གི་ཡོན་ཏན་མ་ལུས་པ་འགྲུབ་ཅིང་། དེ་ལ་སོགས་པའི་ཡོན་ཏན་བསམ་བརྗོ…

པ་གཉིས་ཏེ། གལ་ཏེ་གསང་སྔགས་ཀྱི་དམ་ཚིག་ཉམས་པར་གྱུར་པར་ཉན་ཐོས་ཀྱི་ཕམ་པ་འཆབ་བཅས་བྱུང་བ་ལྟར་གསོར་མི་རུང་བ་མ་ཡིན་ཏེ། སྐོང་བའི་ཐབས་ཁྱད་པར་ཅན་གྱི་ཆོ་གས་བསྐང་བས་སྔར་བཞིན་སོར་ཆུད་ཅིང་། དམ་ཚིག་གི་ཡོན་ཏན་ཐམས་ཅད་ཡོངས་སུ་རྫོགས་པར་འགྱུར་བ་དང་། དེ་ལ་སོགས་པའི་ཡོན་ཏན་མཐའ་ཡས་པའི་མཆོག་རྡོ་རྗེའི་ཐེག་པ་འདི་ལ་མངའ་བ་ཡིན་ནོ…

ལེའུ་ཉི་ཤུ་པ་ལ་གསུམ་སྟེ། ལོ་རྒྱུས་དང་། གཞུང་དང་། མཚན་ནོ། དང་པོ་ནི། དེ་ནས་སོགས་ཏེ། དམ་ཚིག་བསྟན་པ་དེ་ནས་དམ་ཚིག་ཅན་གྱིས་ཕྲིན་ལས་བྱ་བ་སྟོན་པའི་ཕྱིར་དེ་བཞིན་གཤེགས་པ་བཅོམ་ལྡན་དགྱེས་པ་ཆེན་པོས་ཡེ་ནས་སེམས་ཉིད་ཕྲིན་ལས་བཞིའི་རང་བཞིན་དུ་ལྷུན་གྱིས་གྲུབ་པ་ལས་མི་འདའ་བའི་དམ་ཚིག་དེ་ཉིད་ཆོ་ག་བཞིས་བསྐུལ་བས་མངོན་དུ་སྣང…

སྟངས་ཀྱིས། ཨེ་རཾ་སོགས་བརྗོད་པས་ཕྱི་སྣོད་ཀྱི་འཇིག་རྟེན་གྲུ་གསུམ་ཨེ་ཡིག་གི་རྣམ་པ་ཅན་མཐིང་ནག་མེ་འབར་བའི་དབུས་སུ་སྔགས་ཀྱི་རྐྱེན་གྱིས་ནང་བཅུད་ཀྱི་སེམས་ཅན་ཐམས་ཅད་ཁྲག་འཐུང་འབར་བའི་ལྷ་ཚོགས་ལྔ་བཅུ་རྩ་བརྒྱད་ཀྱི་དཀྱིལ་འཁོར་དྲག་པོའི་ལས་ལ་མཆོག་ཏུ་ཤིས་པ་བཛྲ་ཧེ་རུ་ཀས་གཙོ་བྱས་ཤིང་། ཐམས་ཅད་ཀྱང་སྐུ་མདོག་མཐིང་ནག་འཇིགས…

ཀྱི་དཀྱིལ་འཁོར་གཙོ་མཆོག་བཛྲ་ཧེ་རུ་ཀས་བྱས་པར་བསམ་ལ། ལིང་རོ་དབུས་སུ་སྤུངས་པའི་མཐར་སྒྲུབ་པ་པོ་མཆེད་ལྕམ་ཀུན་བྲོ་ར་གྲུ་གསུམ་དུ་བཅས་ལ། ལག་གཡས་སྟེང་དུ་བྱས་ཏེ་བསྣོལ་བའི་མཐེའུ་ཆུང་རྣམས་ལུ་གུ་རྒྱུད་དུ་སྦྲེལ་ཞིང་བསྡམས་ནས། ཧཱུཾ་ཧཱུཾ་ཧཱུཾ། ཞེ་སྡང་རྡོ་རྗེ་སོགས་ཀྱི་ཚིག་དང་སུམྦྷའི་སྔགས་ཀྱིས་བསྐུལ་ཞིང་། ཕྱག་རྒྱ་དེ་ལྟ…

ཅན་རྡོ་རྗེ་ཆགས་པ་སྟེ་པདྨ་ཀཱི་ལ་ཡར་བསྐྱེད་པའི་ཕུར་བུ་ལྔ་དབང་པོ་ལྔ་དང་། རྒྱས་པར་གསེར་རམ་ཤིང་སེར་པོ་ལས་དབལ་གྲུ་བཞི་པར་བྱས་པ་ང་རྒྱལ་དགའ་འཕྲོ་སྟེ་རཏྣ་ཧེ་རུ་ཀར་བསྐྱེད་པའི་ཕུར་བུ་བཞི་ཡན་ལག་བཞི་དང་། ཞི་བར་དངུལ་ལམ་ཤིང་དཀར་པོ་ལས་དབལ་ཟླུམ་པོར་བྱས་པ་ལྷན་ནེར་གསལ་བ་སྟེ་བུདྡྷ་ཀཱི་ལ་ཡར་བསྐྱེད་པའི་ཕུར་བུ་དྲུག་གིས་ཡན་…

བྱས་ནས་བསྣོལ་བའི་དབང་ལ་སྲིན་ལག །རྒྱས་པར་གུང་མོ། ཞི་བར་མཛུབ་མོ་ལུ་གུ་རྒྱུད་དུ་སྦྲེལ་ཞིང་བསྡམས་ནས་བྲོ་ར་ལས་དབྱིབས་དང་མཐུན་པ་བཅས་ལ། ཧཱུཾ་ཧཱུཾ་ཧཱུཾ། འདོད་ཆགས་རྡོ་རྗེ་སོགས་ལས་སོ་སོའི་ཚིག་དང་སུམྦྷའི་སྔགས་ཀྱིས་བསྐུལ་ལ་བྲོ་བརྡུངས། དེའི་ཚེ་རིགས་སོ་སོའི་ཁྲོ་ཚོགས་དཔག་མེད་སྤྲོས་པས་ལས་གང་ཡིན་འགྲུབ་པར་བསམས་ནས། ལས་…

ཏུ་བསྒྲགས་ནས་ཕྲིན་ལས་བཞི་གང་དང་གང་འདོད་པའི་ལས་དེ་དང་དེ་བྱེད་པར་བཀའ་བསྒོ་བར་བྱའོ། །གཉིས་པ་ལ་གསུམ་སྟེ། དམ་བསྒྲག་ཅིང་ལས་ལ་བསྐུལ་བ། ལས་དེ་མ་བསྒྲུབས་པའི་སྐྱོན། ལས་བསྒྲུབས་པའི་ཡོན་ཏན་ནོ། །དང་པོ་ནི། སྔོན་ཚེ་སོགས་རྐང་པ་དགུ་སྟེ། སྔོན་རཱུ་ཏྲ་འདུལ་བའི་ཚེ་དཔལ་ཆེན་པོ་ཧེ་རུ་ཀ་གདུལ་བྱ་དང་མཐུན་པར་ཤིན་ཏུ་གདུག་ཅིང་གཏ…

དེའི་མཐུས་ཁྱེད་ཅག་ཕྲ་མེན་མ་རྣམས་ཀྱང་དངོས་གྲུབ་རྣམ་པ་གཉིས་ཐོབ་པར་འགྱུར་བ་དེའི་ཕྱིར། རྣལ་འབྱོར་པས་ཇི་ལྟར་བཅོལ་བའི་ལས་རྣམས་མངོན་སུམ་དུ་གྲུབ་པར་བྱོས་ཤིག་ཅེས་བཀའ་བསྒོའོ། །གསུམ་པ་བྲོ་གར་གླུ་ཚིག་གི་ཡོན་ཏན་ལ་གཉིས་ཏེ། སྤྱིར་བསྟན་པ་དང་། སོ་སོར་བཤད་པའོ། །དང་པོ་ནི། ཁྲོ་བོ་ཞེས་སོགས་ཏེ། ཁྲོ་བོའི་དཀྱིལ་འཁོར་དང་ཚོག…

སྒྲ་ལས་སྦོས་མོ་ཆེན་མོ་ལ་སོགས་པའི་ཁོངས་ནས། གྷསྨ་རཱི། སྨེ་ཤ་ནཱི། ཙཎྜ་ལཱི་རྣམས་ཀྱི་བྲོ་གར་གླུ་ཚིག་ཆེན་མོས་ནི་མི་མཐུན་པའི་ཕྱོགས་རྣམས་ལྷན་ནེར་ཞི་བར་འདོད་ན་ཞི་ཞིང་ལྷན་ནེར་བྱེད་ལ། དྲག་པོས་དྲན་པ་ཉམས་ཏེ་སེམས་རྨུགས་ཤིང་མི་གསལ་བར་འདོད་ན་རྨུགས་པར་བྱེད་དོ། །བཞི་པ་ནི། སེང་གདོང་སོགས་ཚིགས་བཅད་གཅིག་སྟེ། སེང་གདོང་ཆེན་…

མཛེས་ཤིང་སྤུན་ཟླ་དང་བུ་ཚ་མེད་པའོ། །དྲག་པོའི་གཟུངས་མ་ལྗོན་ཤིང་མེས་རེག་པ་ལྟ་བུ་ནི་རི་མོ་ཅན་གྱི་རིགས་མདོག་ནག་ཅིང་ངག་གཏུམ་པ་ལ་སོགས་པའོ། །ལྔ་པ་དོན་སྟོངས་ཀྱི་སེམས་བསྟན་པ་ནི། དང་བས་སོགས་རྐང་པ་གཉིས་ཏེ། དེ་ལ་དོན་གྱི་སེམས་ནི། ལྷག་པ་བདེན་པ་དབྱེར་མེད་ཀྱི་གནས་ལུགས་རྟོགས་ཤིང་། ཚད་མེད་པ་བཞིའི་རྒྱུ་ལས་བྱུང་བའི་བྱང་…

ལེའུ་ཉེར་གཅིག་པའི་འགྲེལ་པ། ལེའུ་ཉེར་གཅིག་པ་ལ་གསུམ་སྟེ། ལོ་རྒྱུས་དང་། གཞུང་དང་། མཚན་ནོ། །དང་པོ་ནི། དེ་ནས་སོགས་ཏེ། ཁྲོ་བོའི་དཀྱིལ་འཁོར་རྫོགས་པར་བསྟན་པ་དེ་ནས་རང་སྣང་གི་དཀྱིལ་འཁོར་ལ་བསྟོད་པའི་ཕྱིར་བཅོམ་ལྡན་འདས་དགྱེས་པ་ཆེན་པོ་ཁྲག་འཐུང་ང་བརྒྱད་འདུས་པའི་ཚོགས་ཀྱི་དཀྱིལ་འཁོར་གྱིས་ཞལ་ཤིན་ཏུ་རྔམ་པའི་མདངས་ཀྱིས་…