ཡིན་ནའང་། ལུང་ཐོག་མར་ཚུགས་པ་དང་ལྷན་ཅིག་པ་ཁོ་ནར་འཇམ་ཆར་ཇ་སུན་གཅིག་གི་ཡུན་ཙམ་བབས་པས་ཐམས་ཅད་དགའ་ཞིང་མོས་པར་གྱུར། ཟླ་བ་དགུ་པའི་མཇུག་ཏུ་སྐྱེ་བོ་ལོག་པའི་བློ་ཅན་དག་གིས་སྐུ་ལ་དངོས་སུ་བསྡོ་བར་བསམས་ཏེ། དཔུང་དྲིལ་ནས་བླ་བྲང་གི་ཆབ་སྒོར་འཇུག་པར་བརྩམས་པ་ན་སྒོ་གདོང་དེར་ཐོག་མར་གང་དང་འཕྲད་པའི་སྐྱེ་བོ་སྲས་པོ་དོན་གྲུབ་…

པར་མཛད། བལ་པོ་དཔོན་ཡིག་སོགས་ཡོན་གྱིས་ཚིམས་པར་མཛད་དེ་ཕྱིར་སློག དེ་རྟིང་གནས་བརྟན་བཅུ་དྲུག་གི་གོས་ཡོལ་ཆེན་མོའང་ལེགས་པར་གྲུབ་སྟེ། མཆོད་དཔོན་ངག་དབང་ཚུལ་ཁྲིམས། པདྨ་མཐུ་སྟོབས། ཆོས་དབྱིངས་བསྟན་འཛིན། མཐུ་སྟོབས་རྒྱ་མཚོ། དངོས་གྲུབ་སོགས་གོས་བཟོ་བ་རྣམས་ལ་གནང་ཆ་གཟབ་པར་སྩལ་ཅིང་། ཚེས་བཅུ་དྲུག་ལ་ཚོམས་ཆེན་དུ་བཀྲ མ་སྟ…

ལ་གཟིམས་ཆུང་ཀུན་བཟང་ཕོ་བྲང་དུའང་བཞུགས་གྲལ་རྒྱས་པར་མཛད། ཚེས་བཅོ་ལྔའི་ཉིན་བྱ་རྒོད་མཁས་གྲུབ་དང་། ངེད་སྤུན་སོགས་དོན་གཉེར་ཅན་སུམ་ཅུ་སྐོར་ལ་དབུ་མ་ལུགས་དང་སེམས་ཙམ་ལུགས་ཀྱི་སེམས་བསྐྱེད་ཀྱི་སྡོམ་པའང་སྩལ། སྐབས་དེར་ཐུགས་སྲས་སྤྲུལ་པའི་སྐུ་ཕོ་བྲང་ཆེན་པོར་རྣམ་འཕྲུལ་གྱི་གཙུག་ཕུད་འབུལ་བར་ཕེབས་པ་དང་ཕྱོགས་མཚུངས་སྤྱན་…

གྱི་དབུ་ཆེ། དྲུང་འཁོར། བགྲེས་པ། དབོན་ཆོས་མཛད། དགེ་རྒན་རྣམས་དང་འདི་གའི་དགོན་ལག་ཏུ་གཏོགས་སོ་ཅོག་ཐམས་ཅད་ཀྱིས་སོ་སོའི་འབྱོར་པར་དཔགས་པའི་ལེགས་སྐྱེས་ཀྱི་འབུལ་བ་བསམ་གྱིས་མི་ཁྱབ་པ་དང་། རྗེས་འབྲེལ་བོན་ལུང་སྤྲུལ་པའི་སྐུར་ཡང་ལེགས་སྐྱེས་ཀྱི་གནང་ཆ་རྒྱས་པར་སྩལ། གྲྭ་ཕྱི་ནང་གི་ལྷ་འབངས་རྣམས་ཀྱིས་ཀྱང་རྔ་བྲོ་གླུ་ཤོན་ས…

མ། ཆུ་གཏོར་མ་བུ་སོགས་ལུང་ཕྲན་མང་དུ་མཛད། འདི་སྐབས་བཀའ་བརྒྱད་ཀྱི་དབང་གི་བུམ་པ་དང་པོར་ཕྱག་ཏུ་བཞེས་པ་དང་། འབྲུག་ཐོག་མར་གྲགས་པ། གྲྭ་ཚང་གི་ཚོགས་དུང་བུས་པ་རྣམས་དུས་གཅིག་ཏུ་འཛོམ་པའི་རྟེན་འབྲེལ་གྱི་ལྟས་བཟང་བར་བྱུང་། དོལ་པོ་བླ་མ་ཚེ་རིང་དཔལ་བཟང་གིས་གསེར་དངུལ། གུར་གུམ་གྱི་འབུལ་སྐྱེས་དང་བཅས་ཚ་བོ་གྲྭ་ཚང་དུ་བཅུག བ…

ཚེ་དབང་། ལོཀྟྲིའི་རིག་གཏད་རྣམས་མཛད་ཅིང་། ཕེབས་རྫོངས་ཀྱི་སྟོན་མོའི་ཐོག་ཡབ་སྲས་ལ། ཁ་བཏགས་ཉིན་བདེ་མ་ལྔ། གོས་ཕྱི་ནང་ཡུག་དགུ། ཧུབ་ཇ་དང་བྱིང་བབས་སོགས་འཁོར་དྲུག་མ་བདུན། རྒུན་འབྲུམ་ལྟང་ཙེ་སོགས་འབུལ་བ་རྒྱ་ཆེ་བ་དང་། བོན་པོ་སྤྲུལ་པའི་སྐུར་ཡང་ཁ་བཏགས་ཉིན་བདེ་མ། གན་དྲིལ་རྩེ་ལྔ་ཁྱད་འཕགས། ན་བཟའ་སོགས་གནང་ཆ་སྤམ་མཐོ་བ…

གྱུར། དེའི་ཚེ་དགའ་ལྡན་གསུང་རབ་གླིང་གི་གྲྭ་པ་ཁྲིད་ཞུ་བ་ཁ་ཤས་དང་། གློ་བོ་བླ་མ་ཀུན་བཟང་ཀློང་ཡངས་དངུལ་དང་རས་ཆའི་འབུལ་བ་རྒྱ་ཆེར་བཏེག་ནས་འབྱོར་བར་ཐུན་མོང་དུ་གཏེར་གསར་སྐོར་གྱི་དབང་ལུང་དང་། ཁྱད་པར་ཐུགས་ཐིག་གི་ཉམས་ཁྲིད་སྨིན་པ་ཨ་ཏི་ཟབ་དོན་སྙིང་པོ་དང་རྡོར་སེམས་ཀྱི་ཁྲིད་དམིགས་ངོ་བོ་ཙམ་གྱི་ཤར་ཁྲིད་རྣམས་མཛད། དིང་…

དང་། གཙུག་ལག་ཁང་བདེ་ཡངས་ཀྱི་རྡོ་སྐུའི་སྐྱ་རིས་ཞལ་བཀོད། རྣམ་གླིང་པཎ་ཆེན་ཕེབས་པར་ཚེ་དབང་། ཚེས་བཅུ་པ་ཁག་ལ་ཐུགས་ཐིག་གི་རྩ་དབང་རྣམས་སྩལ། གྲོང་སྨད་ཡུམ་དྲུང་སྐུ་མཆེད་ཀྱིས་མུ་ཏིག་གི་རྣ་རྒྱན་ཁྱད་ཅན། གོས་ཕྱི་ནང་ཡུག་མང་བ། འདུས་ཚོགས་སུ་མང་འགྱེད་དང་བཅས་སྐུ་རིམ་ཞུ་རྒྱུ་གནང་བའི་མི་སྣ་དང་། ཕུན་རབ་ཡུམ་སྲས་ལེགས་གླིང་…

ཀྱི་དབང་། ལོཀྟྲིའི་རིག་གཏད། ཡང་བཟློག་རྣོན་པོ་ནང་གཅོད་ཀྱི་དབང་དང་ལུང་ཚང་མ། ཉང་གི་སྲིད་པའི་གཏེར་ཁྱིམ་གྱི་ལུང་རྣམས་དང་། ཁམས་པའི་གྲྭ་རྒྱུན་སོགས་མང་པོར་གཏེར་གསར་གུར་དྲག་གི་དབང་ལུང་། ཐུགས་ཐིག་གི་ལུང་། དྲག་པོ་སྡེ་ལྔ་དང་ལས་གཤིན་གྱི་རྗེས་གནང་སོགས་ཆོས་ཀྱི་འཁོར་ལོ་ཟད་པ་མེད་པར་བསྐོར། དེ་དག་གི་ཚེ་རྩེ་ལེ་གདུང་བརྒ…

ཕྱིར་ལོག ཅལ་ཏེ་བླ་མ་ཞབས་ཕྱིར་བསླབ་སྦྱོངས་སུ་བསྡད། དེ་རྗེས་དཔོན་ཡིག་དམངས་རྣམས་ཡོན་གྱིས་ཚིམ་པར་མཛད་དེ་ཕྱིར་སློག་ནས་དཔོན་མོ་ཆེ་བ་ཅན་གྱིས་འདུལ་ལུང་འདྲི་བའི་དབུ་ཚུགས། ཟླ་བ་བཅུ་པའི་ཚེས་བཅུ་བཞིའི་ཉིན་རྒྱུད་འབུམ་གྱི་བཀའ་ལུང་རྫོགས་པར་གྲུབ་སྟེ། གྲྭ་ཚང་ནས་ཚོགས་འཁོར་རྒྱས་པ་དང་འབུལ་བ་སོགས་གཏང་རག་གི་མཆོད་པ་རྒྱ་ཆེ…

མཚར་བར་གྱུར། ཟླ་བ་བཅུ་གཅིག་པ་ཤར་མཚམས་བོན་ལུང་སྤྲུལ་སྐུའི་འབུལ་བ་བཟང་པོ་དང་བཅས་ཏེ་ཞབས་བརྟན་འབུལ་མི་དང་། སྐྱེད་ཚལ་མཁན་པོ་ཟུར་པ་བཀྲ་ཤིས་རྒྱལ་མཚན་གཤེགས་པའི་བསྔོ་རྟེན་ཡང་འབྱོར། སྐྱེད་ཚལ་ཤར་ཆེན་གྲྭ་ཚང་པར་ཚོགས་ཁྲོ་དང་། དེའི་ཞལ་སྲོའི་མང་ཇ་བཅས་སྩལ་ཏེ་ཐོས་བསམ་འཕེལ་དགོས་པའི་ཞལ་ཏ་དང་། ཟུར་ཆོས་ཚུགས་པ་ཞིག་ཅིས་ཀྱང…

ལ་རྩེ་གཅིག་ཏུ་བཞུགས་ཤིང་། བདག་གིས་ཀྱང་ཚེས་བཅུའི་ཉིན་མཁའ་འགྲོའི་བསུན་མ་བཟློག་པའི་ཆོ་ག་དང་འབྲེལ་བར་ཞབས་པད་བརྟན་པའི་གསོལ་བ་བཏབ་པར་བཀྲ་རྟགས་ལེགས་པར་བྱུང་གསུང་བའི་བཀའ་ལུང་བཟང་པོ་ཕེབས། གཞན་ཡང་བསྐང་བརྒྱ། མེ་མཆོད། དགུང་ཁྲའི་སྐུ་རིམ་སོགས་མང་དུ་བསྒྲུབས། ལོ་མཇུག་དུས་རིམ་དང་། དགུང་ལོ་ཞེ་བཞི་པ་ས་སྦྲུལ་གྱི་ལོ་གསར…

ཆའི་རྫོངས་པ་གཟབ་པར་སྩལ། ཉིན་གཅིག་ཆོས་སྐྱོང་རྣམས་ལ་སྤྱན་གཟིགས་མཆོད་གཏོར་རྒྱ་ཆེར་བཤམས་ཏེ་བསྐང་བ་རྒྱས་པར་མཛད། ལྕམ་སྲིང་མ་བསོད་ནམས་དཔལ་འཛོམས་ལ་བཀའ་བསྒོ་བྱིན་རླབས་དང་རྫོངས་པའི་གནང་ཆ་སྩལ་ཏེ་ཕྱིར་ཐེགས། གཟིམས་དཔོན་གཞོན་པ་ལྷ་ས་ནས་འཁོར་ཏེ། གོང་ཞབས་ཡས་ཕྱིན་ནས་ཐུགས་མཉེས་པའི་བཀའ་ཤོག་ཞིབ་ཆའི་ཞལ་ཏ་དང་། མི་དབང་ཆེན་…

མི་སློབ་པའི་ས་མངོན་དུ་མཛད་ཟིན་ནའང་། ད་ལྟ་གནས་སྐབས་ཚུལ་བསྟན་ཙམ་དུ་གདུལ་བྱའི་མིག་རྐྱེན་བསྒྲུབ་པའི་ཕྱིར། ཡོངས་སུ་འཛིན་པའི་བཤེས་གཉེན་དུ་མ་བསྟེན་ཏེ། དམ་པའི་ཆོས་ཀྱི་རྣམ་གྲངས་བསམ་གྱིས་མི་ཁྱབ་པ་གསན་ནས་དེའི་དོན་བསམ་པས་ངེས་པ་དང་། སྒོམ་པས་ཉམས་སུ་མྱོང་བར་མཛད་པས། དམིགས་པ་མེད་པའི་ཐུགས་རྗེ་དང་། དྲི་མ་མེད་པའི་ཡེ་ཤེ…

གསང་སྔགས། ཟུར་ཆེན་ཆོས་དབྱིངས་རང་གྲོལ། ས་སྐྱ་པ་བསོད་ནམས་དབང་ཕྱུག རྩེ་གདོང་པ་བསོད་ནམས་བསྟན་འཛིན། སྒམ་པོ་པ་བཟང་པོ་རྡོ་རྗེ། ཀ་ཚལ་པ་དཀོན་ཅོག་ལྷུན་གྲུབ། གྲུབ་ཆེན་ཀུན་བཟང་ཆོས་རྒྱལ། ཉང་བསྟན་འཛིན་ཆོས་དབང་། ཆོས་ལྡན་པ་རཏྣ་འཕྲིན་ལས། མཐུ་ཆེན་ལྕགས་གཏུན། གུང་སྣང་པ་མཛེས་པའི་དབང་ཕྱུག སྐྱི་སྟོན་པདྨ་དབང་ཆེན། མདོ་བོ་ཆེ…

བུ་གསན་ཞིང་། འགའ་ཞིག་རྒྱུན་ཆད་མ་རག་པ་ལ་རྩ་བ་ནས་ཟིན་པ་ལྟ་བུ་དང་། གསང་སྔགས་གསར་མ་དང་། མདོ་ཕྱོགས་ཀྱང་ཤིན་ཏུ་མང་བར་གསན་ཏེ། འདིར་ཐམས་ཅད་བརྗོད་ཀྱིས་མི་ལང་བས་རྟོགས་པར་འདོད་ན་གསན་ཡིག་ཏུ་བལྟ་བར་བྱོས་ཤིག་དང་ངོ་མཚར་སྐྱེ་བར་འགྱུར་རོ། །དེ་རྣམས་ཀྱང་གསན་ལོ་ཙམ་མ་ཡིན་ཏེ། བསམ་བྱུང་གི་ཤེས་རབ་ཀྱིས་དཔྱིས་ཕྱིན་པར་ངེས་པར་…

གྱི་རིམ་པ་ཡང་། ཐོ་རངས་ལྡང་བའི་རྣལ་འབྱོར་གྱིས་གཉུག་མའི་ཧེ་རུ་ཀའི་སྐུར་བཞེངས་ནས་སྐྱབས་སེམས་སྔོན་འགྲོའི་རྡོར་སེམས་སྒོམ་བཟླས་ཡིག་བརྒྱ་ཉེར་གཅིག་རེས་ཉུང་མཐའ་མཛད་པ། དེ་ནས་བླ་མའི་རྣལ་འབྱོར་སྒོམ་རིམ་གང་བདེ་དང་། ཕལ་ཆེར་བླ་མ་ཀུན་འདུས་ཨོ་རྒྱན་དུ་བསྒོམས་ནས། བླ་མ་སྐུ་གསུམ་མ་དང་། སྐུ་བཞི་མའི་གསོལ་འདེབས། བཛྲ་གུ་རུ་…

ཁང་དུ་ཕེབས་ཏེ་ཆུ་ལ་ཉ་ལྡང་བའི་ཚུལ་དུ་གཉུག་མའི་ཧེ་རུ་ཀ་དཔལ་ཆེན་པོར་གསལ་བས་ལྗགས་བཟླས་ཅུང་ཟད་ཙམ་དང་བཅས་བདག་བསྐྱེད་སྔོན་འགྲོའི་བླ་མ། ཡི་དམ། ལེགས་ལྡན། ཕྱག་བཞི་པ། མ་ནིང་། ཞལ་བཞི་པ། སྔགས་སྲུང་མ། གཟའ། རྣམ་སྲས། དུར་ཁྲོད་བདག་མོ་རྣམས་དང་། རྗེས་འབྲང་གཞི་བདག་སྤྱི་གཏོར་དང་བཅས་པའི་གཏོར་མ་བསྔོ་བ། དེ་རྗེས་གཤིན་རྗེ་གཤ…

སྨན་འདམ་ལས་གྲུབ་པའི་སྐུ་བརྙན་སྟོང་ཕྲག་ཏུ་ཉེ་བ་དང་། བྲིས་ཐང་བརྒྱ་ཕྲག་ཙམ། རྙིང་མ་རྒྱུད་འབུམ་གྱིས་ཐོག་དྲངས་གསེར་དངུལ་ལས་བཞེངས་པའི་གླེགས་བམ་ལྔ་བཅུར་ཉེ་བ་དང་། བཀའ་གཏེར་གྱི་གསུང་རབ་སྐྱ་པོད་ཀྱིས་བཞེངས་པ་བརྒྱ་ཕྲག་ཏུ་བརྒལ་བ་ཙམ་དང་། གཙོ་བོར་ཨོ་རྒྱན་སྨིན་གྲོལ་གླིང་གི་འདུས་པའི་སྡེ་དགེ་འདུན་ཕྱེད་ཉིས་བརྒྱར་ལོངས་པ…

ལ་ཕེབས་པ་འདིའོ། །དེར་མ་ཟད། རང་གཞན་གྱི་སྡེ་ཆེ་ཆུང་ཀུན་ལའང་གོང་འཕེལ་གྱི་ཐུགས་བསྐྱེད་རྨད་དུ་བྱུང་བས་སྒོ་དུ་མ་ནས་ཕན་པའི་ཐབས་སྣ་ཚོགས་སུ་སྩོལ་བ་དང་། བཤད་སྒྲུབ་ཆོས་འཁོར་དང་། ནམ་མཁའ་མཛོད་སྒྲུབ་སྡེ་བས་མཚོན། དགེ་འདུན་གྱི་སྡེ་འཐོར་མ་རག་མང་པོའང་གོང་མའི་ཐུགས་རྗེ་བསྐུལ་ཏེ་སྲོག་རྩ་ནས་འཛིན་པར་མཛད་པ་ལྟ་བུ་དང་། གཞན་ཡ…