ཤེས་ཆེན་པོས་མ་རིག་པའི་ཚོགས་ལ་ངམ་ངམ་ཤུགས་ཀྱིས་ཁྲོས་པའི་ཁྲོ་བོ་ཡང་དག་པའི་ཤེས་རབ་ཀྱི་གདུལ་བྱའི་མུན་པ་སེལ་བར་མཛད་པས་འོད་པོ་ཆེ་སྟེ། ཐུགས་ཡེ་ཤེས་ལྔའི་དཀྱིལ་འཁོར་གྱིས་ཤེས་བྱའི་ཡུལ་ཀུན་དུས་གཅིག་ཏུ་རང་གསལ་མ་འགགས་པར་མཁྱེན་ཅིང་། འབར་བའི་ཡེ་ཤེས་དེས་གདུལ་བྱའི་ལོག་རྟོག་ཀུན་ཏུ་འཇོམས་པར་མཛད་པ། དེ་ཡང་ཡེ་ཤེས་ལྔ་དང་ཇི…

རྗེའི་ཆུ་བོ་ལྟ་བུ་སྟེ་གདུལ་བྱའི་ཚོགས་མ་ལུས་པ་སྡུད་པ་དང་བདེ་བ་ཆེན་པོས་རྒྱུད་བརླན་ཅིང་ཚིམ་པར་མཛད་པའོ། །ཐུགས་ནི་རྡོ་རྗེ་མེ་སྟེ་ཐུགས་རྗེའི་ཡེ་ཤེས་ཀུན་ཏུ་འབར་བ་ཆེན་པོས་མཚན་མའི་རྟོག་པ་ཐམས་ཅད་བསྲེག་ཅིང་ཤེས་བྱའི་ཡུལ་ཐམས་ཅད་མངོན་སུམ་དུ་མཁྱེན་པའོ། །ཕྲིན་ལས་ནི་རྡོ་རྗེ་རླུང་སྟེ་གདུལ་བྱ་ལ་ཁྱབ་ཅིང་གཡོ་བས་འདུལ་བར་…

ལེའུ་ཉེར་གཉིས་པ་ལ་གསུམ་སྟེ། ལོ་རྒྱུས་དང་། གཞུང་། མཚན་ནོ། །དང་པོ་ནི། དེ་ནས་བཅོམ་ལྡན་འདས་སོགས་ཏེ། རྒྱུད་དོན་རྫོགས་པར་བསྟན་པ་དེ་ནས་རྒྱུད་གདམས་ཤིང་གཏད་པ་སྟོན་ཏེ། གང་གིས་ན། སྟོན་པ་བཅོམ་ལྡན་འདས་དགྱེས་པ་ཆེན་པོ་དཔལ་ཀུན་ཏུ་བཟང་པོས་སོ། །གང་ལ་ན། ལྷན་ཅིག་པའི་འཁོར་རྒྱུད་ཡོངས་སུ་དག་པའི་དེ་བཞིན་གཤེགས་པ་ཉིད་དང་། གོ…

པས་ཐེག་པ་སོ་སོའི་ས་རྣམས་དང་ལམ་གྱི་ཁྱད་པར་མ་འདྲེས་པར་བཀོད་པ་ཉན་རང་བྱང་སེམས་དང་ཕྱི་རྒྱུད་གསུམ་གྱི་ཐེག་པ་ཡང་རང་བཞིན་གསང་བའི་སྙིང་པོ་འདིར་འགྲོ་བའི་ལམ་སྟེགས་ཡིན་པས་ན་འགྲོད་པ་གཅིག་པའི་ལམ་འདི་ཉིད་ཉམས་སུ་བླང་བར་གདམས་པའོ། །བཞི་པ་ནི། ཡེ་ཤེས་སོགས་རྐང་པ་གཉིས་ཏེ། དེ་ལྟར་ལམ་མཐར་ཕྱིན་པས་སྤངས་པ་དང་རྟོགས་པའི་ཡེ་ཤེས་…

ནི། དེ་བཞིན་གཤེགས་པ་ཐམས་ཅད་ཀྱི་སོགས་ཚིགས་བཅད་གཅིག་སྟེ། ཕྱོགས་དུས་ཀྱི་དེ་བཞིན་གཤེགས་པ་ཐམས་ཅད་ཀྱི་གསུང་གི་ཕྱག་རྒྱ་གསང་ཆེན་སྙིང་པོ་ཡི་གེའི་རྒྱུད་འདི་མ་འོངས་པའི་རྣལ་འབྱོར་པ་གང་ཞིག་རང་གིས་ཚུལ་བཞིན་དུ་རྟོགས་ནས་གཞན་ལ་མ་ནོར་བར་སྨྲ་བར་བྱེད་པ་དེ་ཉིད་ནི་ཀུན་ཏུ་བཟང་པོ་ང་དང་ཐ་མི་དད་པ་ཡིན་ཞིང་། ཕན་ནུས་ཟབ་མོའི་དབང…

དབྱེར་མེད་པར་གྱུར་ཅིང་། རྒྱུད་ཀྱི་མཛད་པ་རྫོགས་པས་དགྱེས་ནས་དུས་བཞི་ཐ་དད་དུ་མི་དམིགས་པ་ཆོས་ཉིད་མཉམ་པ་ཉིད་ཀྱི་དབྱིངས་སུ་རྣམ་པར་དག་པའི་ཞིང་ཁམས་སྣང་ཞིང་བཀོད་པ་ཐམས་ཅད་སྟོན་པ་ཉིད་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོར་ལྷུན་གྱིས་གྲུབ་པ་སྟུག་པོ་བཀོད་པའི་རྒྱན་ཉིད་དུ་འཕོ་འགྱུར་མེད་པར་བཞུགས་སོ། །གསུམ་པ་མཚན…

པའི་དོན་དང་། ཨི་ཏི་ཞེས་པ་ནི་ཤིན་ཏུ་ཟབ་པའི་དོན་ནོ། །གླེགས་བམ་གྱི་མཐར་རྒྱ་གར་གྱི་མཁན་པོ་བི་མ་ལ་མི་ཏྲའི་ཞལ་སྔ་ནས་དང་། བོད་ཀྱི་ལོ་ཙ་བ་གཉགས་ཛྙཱ་ན་ཀུ་མཱ་ར་དང་། རྨ་ཨཱ་ཙརྱ་རིན་ཆེན་མཆོག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །ཞེས་འབྱུང་བ་ནི་འགྱུར་བྱང་སྟེ། རྒྱུད་འདི་ལ་ལོ་པཎ་བསྡེབས་པའི་གཞི་འགྱུར་གསུམ་ཡོད་པར་གྲགས་…

ཅན་ཐམས་ཅད་ཀུན། །རྨད་བྱུང་ལམ་གྱིས་དྲི་མ་ཡོངས་སྦྱངས་ཏེ། །རང་བྱུང་ཡེ་ཤེས་མངོན་དུ་རྟོགས་པར་ཤོག །༧ཕྱོགས་ལྷུང་སྒྲོ་སྐུར་བྲལ་བའི་བློ་གྲོས་མཁར། །རྣམ་པར་སོང་བའི་ལེགས་བཤད་འོད་བརྒྱ་པ། །ཤར་བ་ཡིས་ནི་མི་ཤེས་རྨོངས་པའི་མུན། །མཐར་བྱེད་བཀྲ་ཤིས་སྣང་བ་འབར་གྱུར་ཅིག །༨དཔལ་གསང་བའི་སྙིང་པོའི་རྒྱུད་ཀྱི་འགྲེལ་པ་གྲོལ་ལམ་གཙོ་བ…

པའི་ཞིང་རྣམས་སུ། །འཕེལ་འགྲིབ་མེད་པར་བཞུགས་པ་ཉིད། །རིགས་ཅན་དྲ་མ་ལྔ་སོགས་ཀྱིས། །ཞིང་འདིར་མངོན་དུ་མཛད་པ་གང་། །༣འཕགས་ཡུལ་པཎ་གྲུབ་དགོངས་པའི་མཚོར། །ཡོངས་འཁྱིལ་པད་འབྱུང་བི་མ་དང་། །རྨ་གཉགས་བཻ་རོ་ལ་སོགས་ཀྱིས། །བསྒྱུར་བཤད་གངས་ཅན་གདུང་སེལ་མཛད། །༤དེ་ནས་གནུབས་ཉང་ཟུར་ལ་སོགས། །སྐྱེས་མཆོག་རིམ་པར་བྱོན་རྣམས་ཀྱིས། །བཤ…

སྨིན་གྲོལ་གླིང་གི་རིག་འཛིན་འདུས་པའི་སྡེ་རྗེས་འབྲང་དང་བཅས་པ་རྣམས་ཐོས་བསམ་ལྷུར་བྱེད་པའི་མིག་རྐྱེན་དུ་ཆུ་ཕོ་རྟའི་ལོ་ལ་པར་དུ་བརྐོས་པའི་ཚེ་འགྱུར་མེད་རྡོ་རྗེས་སྨྲས་པའོ།། །།

ཤྲཱིགུཧྱགརྦྷཏཏྭནིཥྩཡཏནྟྲརཱཛམཱཡཛལསམུདཱཡཱརྠསྻདྭཱརཱཏྣིཥྩིཏསུབྷཥིཏཾགུཧྱཔཏིམུཁཱགམནཱམབིཧརཏིསྨ། ། དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་སྒྱུ་འཕྲུལ་དྲྭ་བ་སྤྱི་དོན་གྱི་སྒོ་ནས་གཏན་ལ་འབེབས་པར་བྱེད་པའི་ལེགས་བཤད་གསང་བདག་ཞལ་ལུང་ཞེས་བྱ་བ་བཞུགས་སོ། བླ་མ་དང་རྗེ་བཙུན་འཇམ་དཔལ་དབྱངས་ལ་གུས་པས་ཕྱག་འཚལ་…

པོས་ཕྱག་བགྱིའོ། །སྟོང་ཉིད་དབྱིངས་སུ་བདུད་བཞིའི་དཔུང་བཅོམ་སྐུ་ལྔའི་མཆོག་ལྡན་མཚན་ཉིད་མཐའ་རྣམས་ཀུན་ལས་འདས། །བདེན་གསུམ་རིས་མེད་ལྷུན་གྱིས་གྲུབ་དང་བདག་གཞན་དཔལ་གྱུར་འཁོར་འདས་ཆོས་རྣམས་མ་ལུས་པ། །ཉིད་དང་གཞན་ཞེས་བརྗོད་དུ་མེད་པའི་རང་བཞིན་མངོན་བྱས་སྤྱོད་ཡུལ་ཀུན་ཏུ་བཟང་པོ་སྟེ། །རིགས་བདག་དྲུག་པའི་ཞབས་ལ་འདུད་དོ་ཐུག…

དང་པོ་ལ། སྤྱིར་ཆོས་ཀྱི་སྒྲ་གང་ལ་འཇུག་པ། དེ་ལས་ཤེས་བྱའི་ཆོས་དང་། དམ་པའི་ཆོས་དང་། བཤད་བྱའི་ཆོས་ངོས་བཟུང་བ་དང་བཞི། དང་པོ་ནི། དོན་བཅུ་ལ་འཇུག་སྟེ། རྣམ་བཤད་རིག་པ་ལས། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་གསུངས་སོ། །གཉིས་པ་ནི།…

པོ་རྟོགས་པའི་དམ་ཆོས་ལ། མཚན་ཉིད་དང་། དབྱེ་བ་གཉིས། དང་པོ་ནི། གང་གིས་གང་ཞིག་འདོད་ཆགས་དང་བྲལ་བའི་རྣམ་དཀར་གྱི་ཡོན་ཏན་ཏེ། རྒྱུད་བླ་མ་ལས། གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་ཆོས། །ཆགས་བྲལ་ཉིད་ནི་འགོག་པ་དང་། །ལམ་གྱི་བདེན་པ་དག་གིས་བསྡུས། །ཞེས་སོ། །གཉིས་པ་ལ། རྟོགས་པའི་སྟོབས་ཀྱིས་ཐོབ་པ་དང་། རྟོགས…

གཉིས་པ་ནི། བརྗོད་བྱ་རྟོགས་པའི་དམ་ཆོས་ལ་འཇུག་པའི་རྗོད་བྱེད་དོ། །གསུམ་པ་ནི། ཡིད་ཆེས་ཀྱི་ཚིག་ཡིན་པའི་ཕྱིར་ལུང་གི་ཆོས་ཏེ། མདོ་ལས། ལུང་ནི་ཡིད་ཆེས་ཚིག་ཡིན་ཏེ། །ཉེས་པ་ཟད་པ་རྫུན་གྱི་ཚིག །སྨྲ་བར་མི་འགྱུར་རྒྱུ་མེད་ཕྱིར། །ཉེས་ཟད་ལུང་དུ་ཤེས་པར་བྱ། །ཞེས་སོ། །བཞི་པ་ལ། བཀའ་དང་བསྟན་བཅོས་གཉིས་ཏེ། བདེ་གཤེགས་འདུས་པའི་…

ཐུགས་ཀྱིས་བྱིན་གྱིས་བརླབས་པའི་བཀའོ། །དང་པོ་ནི། བཅོམ་ལྡན་འདས་ཀྱིས་ཕྱག་སྤྱི་བོར་བཞག་སྟེ་བྱིན་གྱིས་བརླབས་པས་རྡོ་རྗེ་སྙིང་པོ་དང་རྣམ་གྲོལ་ཟླ་བ་ལ་འཆད་པ་དང་དྲི་བའི་སྤོབས་པ་སྐྱེས་ནས་གསུངས་པ་མདོ་སྡེ་ས་བཅུ་པ་ལྟ་བུ། གཉིས་པ་ནི། བཅོམ་ལྡན་འདས་ཀྱིས། འཇམ་དཔལ་ལ་མ་སྐྱེས་དགྲའི་འགྱོད་པ་སོལ་ཅིག་ཅེས་གསུངས་པས་འཇམ་དཔལ་གྱིས…

གཉིས་པ་ལ། ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བ་ལས། འཁོར་ལོ་དང་པོ་ནི། དངོས་པོར་ཞེན་པའི་སེམས་ཅན་ལས་དང་པོ་པ་རྣམས་དྲང་བའི་དོན་དུ་གཟུང་འཛིན་དོན་དམ་དུ་ཞལ་གྱིས་བཞེས་ཏེ་སྤང་གཉེན་ལ་བླང་དོར་བྱེད་པ་གཙོ་བོར་གསུངས་པ་བདེན་བཞིའི་ཆོས་འཁོར་ཏེ། འདུལ་བ་ལུང་ལ་སོགས་པའོ། །བར་པ་ནི། གཉེན་པོ་ལ་མངོན་པར་ཞེན་པ་དགག་པའི་ཕྱིར་ཆོ…

འབྱུང་བའི་ཕྱིར་གསུངས། མཁས་པ་སྣར་སྟོན་ན་རེ། གསུང་རབ་ཡན་ལག་བཅུ་གཉིས་ལས་འདི་ནི་གཏན་ལ་ཕབ་པའམ་རྨད་དུ་བྱུང་བའི་སྡེའོ། །ཞེས་གསུངས་སོ། །བཞི་པ་ལ། ཆོས་ཀྱི་ཕུང་པོར་དབྱེ་བ། དེ་སྡེ་སྣོད་དུ་བསྡུ་བ། གསང་སྔགས་སྡེ་སྣོད་གང་ཡིིན་དཔྱད་པའོ། །དང་པོ་ནི། ཆོས་ཕུང་བརྒྱད་ཁྲི་བཞི་སྟོང་སྟེ། འདི་ཉིད་ལས། མ་རིག་པའི་རྣམ་པར་རྟོག་པ་ཉ…

རྣམ་པར་གྲོལ་བར་བྱེད། །ཅེས་སྡེ་སྣོད་ཀྱི་དབྱེ་བ་ལས་འཕྲོས་ཏེ། སྡེ་སྣོད་ཀྱི་སྒྲ་དོན་དང་། གྲངས་ངེས་པའི་རྒྱུ་མཚན་དང་། དེའི་དགོས་པ་རྣམས་བསྟན་པ་ལས། དང་པོ་སྒྲ་དོན་ནི། ཤེས་བྱའི་དོན་ཐམས་ཅད་བསྡུས་པའི་ཕྱིར་སྡེ་སྣོད་དོ། །གཉིས་པ་ནི། རྒྱུ་དགུས་སྡེ་སྣོད་གསུམ་དུ་བཞག་སྟེ། སྤང་བྱ། བསླབ་བྱ། ཤེས་བྱ་ལ་ལྟོས་ནས་སོ། །དེའང་སྤ…

སློབ་དཔོན་ཨཱཪྱ་དེ་བ་དང་། བོད་ཀྱི་མཁས་པ་རོག་བདེ་གཤེགས་ཆེན་པོ་དང་། ཀུན་མཁྱེན་ཆོས་ཀྱི་རྒྱལ་པོ་སོགས་ནི། རིག་པ་འཛིན་པའི་སྡེ་སྣོད་ཅེས་སྡེ་སྣོད་ལོགས་པར་བྱས་ཏེ། སྤྱིར་བགྲངས་བའི་བཞི་པར་བཞེད་དོ། །འོ་ན་འདིར་གང་བཞག་སྙམ་ན། བདག་གི་རྗེ་བླ་མ་ཐམས་ཅད་མཁྱེན་པའི་ཞལ་སྔ་ནས། སྡེ་སྣོད་བཞི་པར་འཇོག་པ་ཉིད་ལེགས་པར་བཞེད་དོ། །དེ…