ཐོབ་ནས་བུམ་དབང་དང་རྗེས་སུ་འབྲེལ་བའི་ལམ་ཐམས་ཅད་ལ་སྤྱོད་པའི་བདག་པོར་གྱུར་པའོ། །ཟབ་དབང་གསུམ་ནི། རིམ་པ་ལྟར་གསང་དབང་དང་། ཤེས་རབ་ཡེ་ཤེས་དང་། ཚིག་དབང་རྣམས་སུ་དངོས་སུ་འདུས་པར་ཟད་ལ། དེ་གསུམ་ཐོབ་པས་རྫོགས་རིམ་སྟེང་འོག་གི་སྒོ་དང་བདེ་བ་ཆེན་པོ་དེ་ཁོ་ན་ཉིད་བསྒོམ་པའི་སྣོད་རུང་དུ་བྱས་པའོ། །དེ་ཡང་ཁོག་གཞུང་གི་ལུང་དེའི…

ཐམས་ཅད་མེད་པ་དང་། །ཚེ་རིང་བདེ་བ་ཕུན་སུམ་ཚོགས། །མཐོ་རིས་ཐར་པའི་བདག་པོར་འགྱུར། །ཞེས་དང་། ཧེ་རུ་ཀ་མངོན་བྱུང་ལས། དཀྱིལ་འཁོར་བདག་པོ་མཐོང་ནས་ནི། །ཅུང་ཟད་དེ་ནི་མི་འགྲུབ་མེད། །སྡིག་པ་ཀུན་ལས་རྣམ་པར་གྲོལ། །དངོས་གྲུབ་མྱུར་དུ་ཐོབ་པར་འགྱུར། །ཞེས་གསུངས་སོ། །ལྔ་པ་མི་འདའ་བ་དམ་ཚིག་ལ་དྲུག་ལས། དང་པོ་དགོས་ཆེད་ནི། གཞན་ས…

བཞི་པ་རྣམ་གྲངས་ལ། འཐོབ་བྱེད་ཀྱི་ཆོ་ག་དང་དུས། འཐོབ་བྱའི་ངོ་བོ། ཉམས་ན་བསྐང་བའི་ཐབས་སོ། །དང་པོ་ནི། དེ་བཞིན་གཤེགས་པས་གསུངས་པའི་ཆོ་ག་ཁོ་ན་ལས་ཐོབ་ཀྱི་གཞན་ལས་ནི་དམ་ཚིག་དང་སྡོམ་པ་མེད་དེ། བརྟུལ་ཞུགས་ཙམ་དུ་ཟད་དོ། །ཐོབ་པའི་དུས་ལ་སྔོན་གྱི་མཁན་པོ་རྣམས་ཀྱིས་དབང་གི་སྔ་རོལ་དུ་སྡོམ་པ་བཟུང་བའི་ཆོ་ག་ལན་གསུམ་བརྗོད་པའི་…

ཀུན་གྱི་གསང་བའི་རྡོ་རྗེ་གསུམ་འཛིན་པའི་ཆ་ནས་དམ་ཚིག་ཀྱང་ཡིན་ལ། རང་གི་རྒྱུད་སྡོམ་པའི་ཆ་ནས་སྡོམ་པའང་ཡིན་པའི་ཕྱིར་ཏེ། དཔེར་ན་བུམ་པ་ཉིད་བྱས་པའང་ཡིན་ལ་མི་རྟག་པའང་ཡིན་པ་བཞིན་ནོ། །དེ་ལྟར་ཡང་རྒྱུད་ཕྱི་མ་ལས། གང་ཞིག་ནན་ཏན་ལས་མི་འགོང་། །རྨི་ལམ་དུའང་དམ་ཚིག་བརྗོད། །དམ་བཅའ་བ་ནི་སྡོམ་པར་འདོད། །ཅེས་དང་། ཕྲ་རྒྱས་ལས། ད…

ཕྱིར། དེས་སྒྲིབ་པ་དང་བག་ཆགས་མི་གསོག་པའི་སྟེང་དུ་ཚོགས་གཉིས་རྫོགས་པར་འགྱུར་བ་དང་། སོ་བྱང་ཕྱི་རྒྱུད་ཀྱི་ཚུལ་ཁྲིམས་དང་སྡོམ་པ་ཐམས་ཅད་ཀྱང་རྣམ་པར་དག་པར་འགྱུར་བ་ཉིད་དེ། བླ་མེད་ཐེག་པར་རབ་ངེས་ན། །ཉོན་མོངས་ལས་རྣམས་ཀུན་སྤྱོད་ཀྱང་། །བྱས་ལ་མི་སོགས་ཚོགས་འགྱུར་ཏེ། །ཚུལ་ཁྲིམས་སྡོམ་པ་ཕུན་སུམ་ཚོགས། །ཞེས་སོ། །གཉིས་པ་ནི…

ཞུགས་པའི་སྟེང་དུ་སངས་རྒྱས་ཀྱི་མཛད་པ་ཉམས་སུ་བླངས་ཏེ་མཉམ་པ་ཆེན་པོའ་ངང་ནས་གཞན་དོན་རྩོལ་མེད་དུ་མཛད་པའི་ཐབས་ལ་མཁས་པས་ཐམས་ཅད་ཚང་བའི་ཕྱིར། རྒྱུ་མཚན་དེས་སྔགས་ཀྱི་དམ་ཚིག་མ་ཉམས་པར་ཐུབ་ན་འོག་མའི་འདུལ་སྡོམ་རྣམས་ཞར་ལ་ཐུབ་པས་ལོགས་སུ་བསྲུང་མི་དགོས་ཏེ། བྲེ་གསུམ་ཚང་ན་དེ་ནང་དུ་དོ་མི་ཚང་བའི་དོགས་པ་མེད་པ་ལྟར་ཡོན་ཏན་ཡར་…

པ་མི་འཐད་དེ། སོ་ཐར་གྱི་གཞན་གནོད་གཞི་བཅས་སྤོང་བ་དང་། བྱང་སྡོམ་གྱི་གཞན་ལ་ཕན་འདོགས་པའི་ལྡོག་ཆ་གཉིས་སྔགས་སྡོམ་གྱིས་མི་སྤང་བའི་དམ་ཚིག་དངོས་སུ་འགལ་བར་སྣང་བའི་ཕྱིར་ཞེ་ན། མི་འགལ་བར་འདུས་ཚུལ་སྟོན་ཏེ། དེ་ལ་སོ་སོ་ཐར་པའི་སྡོམ་པ་ནི། ཕས་ཕམ་བཞི་བྱུང་ན་རྩ་བ་ཞིག་པར་གསུངས་པ་ལས། འདིར་གནས་ལུགས་རྟོགས་པའི་གདེང་གིས་ཟིན་ན་…

ཉིད་ལས་མི་འདའ་བར་ཤེས་པས་དོན་ལ་བླང་བ་མེད་པའི་ཕྱིར། ཉེས་པས་མི་གོས་པ་དང་། འཇུངས་པ་ལས་བླངས་ཏེ་བཀྲེན་པ་ལ་སྟེར་བ་སོགས་གཞན་དོན་དུ་འགྱུར་བའི་ཕྱིར་མ་བྱིན་ལེན་སྤང་བའི་སྡོམ་པ་འདུས་ཤིང་རྣམ་པར་དག་པ་སྟེ། དཀོན་བརྩེགས་ལས། ཇི་ལྟར་སྒྱུ་མས་སྒྱུ་མའི་ནོར་བླངས་ཏེ། །རྨི་ལམ་ནང་བཞིན་དགོས་པ་དེར་སྤྱད་ཀྱང་། །དེ་ལ་ལས་མེད་རྣམ་པར…

བའི་ཕྱིར། །རྫུན་དུ་ཡང་ནི་སྨྲ་བར་བྱ། །ཞེས་སོ། །མི་ཚངས་སྤྱོད་ནི། མ་ཆགས་པ་ལ་ཆགས་པ་དང་། །ཞེས་སོགས་ཏེ། ཆོས་ཐམས་ཅད་སེམས་ཉིད་དུ་རང་སྣང་བས་ཡུལ་སེམས་གཉིས་མེད་དུ་གསལ་བ་ལ། གཉིས་སུ་ཞེན་ཅིང་ཆགས་པའི་དུས་ན། སེམས་ཉིད་ཀྱི་ངོ་བོར་ཤེས་པའི་ལྟ་བ་དང་། འདུ་ཤེས་གསུམ་ལྡན་གྱི་སྒོོམ་པ་དང་། ཐབས་ཀྱི་སྤྱོད་པ་གསུམ་གྱིས་ཟིན་ན་ཆགས་…

ཆོས་གང་ཡང་མི་འདོར་བར་སྤྱོད་པ་ནི་སེམས་ཅན་དོན་བྱེད་དེ། འདུལ་སྡོམ་ཐམས་ཅད་འདུས་ཤིང་རྣམ་པར་དག་པའོ། །གསུམ་པ་དབྱེ་ངོ་དངོས་གཏན་ལ་དབབ་བ་ལ། སྲུང་དུ་མེད་པ་ཅིག་ཅར་བའི་དམ་ཚིག་དང་། སྲུང་མཚམས་ཅན་རིམ་གྱིས་པའི་དམ་ཚིག་གོ །དང་པོ་ནི། མཉམ་པ་ཆེན་པོའ་དམ་ཚིག་ལ་གནས་པས་བླང་དོར་མེད་པའི་ཕྱིར་སྲུང་དུ་མེད་པ་སྟེ། འདི་ཉིད་ལས། མཉམ་…

ཏོག་སློབ་དཔོན་གྱི་ཡུམ་ལ་མི་སྤྱད་ཏུ་དུག་མི་བླུག༔ རིན་ཆེན་ལྕུག་དད་པ་ཅན་གྱི་ཚོགས་མི་བཅག ཕྲན་མི་འབྲེག་ཅིང༔ ཞུན་ཁོལ་ལྟ་བུ་མི་མཁས་པ་དང་དཀོན་མཆོག་གི་རྫས་ལ་མི་འབག་བཏུང་སྟེ༔ པདྨའི་ཟེ་འབྲུ་ཁ་མི་མཆེད་ཀྱི་ཡུམ་ལ་མི་སྤྱད་གསེང༔ བུག་བསྡོལ་སྣོད་ངན་ལ་གསང་སྔགས་མི་སྟེར་སྣོད་དུ་བཅུད་མི་བླུག༔ དོན་དང་མི་ཐོད་ངན་སོགས་མ་བརྟག…

དང་ཤེས་བཞིན་སྔོན་བཏང་ལ། །དུས་གསུམ་རྒྱུན་དུ་མ་དྲན་ན། །ཐེག་ཆེན་སྔགས་པར་ཅི་ཡིས་ཆུད། །ཅེས་སོ། །གཉིས་པ་བླ་མ་བཀུར་བ་ལ། ཡུལ་གྱི་དབྱེ་བ་ནི། ཀུན་གྱིས་དམ་པར་བཀུར་ཞིང་བཀའ་དྲིན་ཅུང་ཟད་ཐོབ་པ་སྤྱིའི་དང་། རབ་བྱུང་གི་མཁན་པོ་ལྟ་བུ་ཆོས་སྒོར་འདྲེན་པའི་དང་། དམ་ཚིག་འབོགས་ཤིང་དབང་བསྐུར་བ་ནི་དམ་ཚིག་དབང་གི་དང་། བཤགས་ཡུལ་དུ…

ལ་བྱམས་པར་བྱ་བ་ལ། ཡུལ་ནི། སྤྱིའི་མཆེད་སེམས་ཅན་ཐམས་ཅད། རིང་བའི་མཆེད་སངས་རྒྱས་ཀྱི་བསྟན་པ་ལ་ཞུགས་སོ་ཅོག ཉེ་བའི་མཆེད་སྔགས་ཀྱི་ཐེག་པར་ཞུགས་པ། དེ་ལས་ཀྱང་ཁྱད་པར་ནང་འདྲེས་པའི་མཆེད་བླ་མ་གཅིག་གིས་བསྡུས་པ་ནི་ཕ་གཅིག་གི་སྤུན་དང་། དེའི་ཤུགས་ཀྱིས་དཀྱིལ་འཁོར་གཅིག་གིས་བསྡུས་པ་ནི་མ་གཅིག་པའི་སྤུན་དུ་དོན་གྱིས་འགྱུར་ཏེ།…

དུ་གསང་ལ་བསྒྲུབ་པར་བྱ། །ཞེས་པས། སྒྲུབ་པ་བྱེད་པའི་བར་དེ་སྲིད་དུ་ཁྱད་པར་དུ་གསང་བར་བྱ་བའོ། །གསང་བར་འོས་པ་ནི། མཆོད་རྫས་དང་གསང་བའི་སྤྱོད་པ་དང་མཆེད་ཀྱི་ངན་སྤྱོད་ལ་སོགས་པ་མཐོང་བ་དང་ཐོས་སུ་མི་རུང་བ་རྣམས་སོ། །གཉེར་གཏད་པ་ནི། བླ་མ་དང་མཆེད་ཀྱིས་འདི་དང་འདི་གསང་བར་གྱིས་ཤིག་ཅེས་གདམས་པ་རྣམས་སོ། །དེ་དག་ནི་ཆོས་ལ་སྐྱོ…

རྟོགས་པའི་ལྟ་བ་གཤོངས་སུ་མི་འབེབས་པའི་ང་རྒྱལ། གཉིས་འཛིན་ཅན་གྱི་ལྟ་སྤྱོད་མཉམ་ཉིད་ཀྱི་ཀློང་དུ་མི་ཤོང་བའི་ཕྲག་དོག་རྣམས་ནི་བདག་གཞན་ཆོས་གསུམ་གྱི་དོན་གྱི་ཕྱིར་མི་སྤང་ངོ་། །གཉིས་པ་ནི། ཉོན་མོངས་པ་ལྔ་མི་སྤོང་བར་བཤད་པ་དེ་དག གསང་བ་ཡིན་ནམ་བསྒྲག་པ་ཡིན་ཞེ་ན། སྣོད་མིན་ལ་གསང་ཞིང་། སྣོད་ལྡན་ལ་བསྒྲག་གོ །དྲང་དོན་ཡིན་ནམ…

རིགས་ལྔའི་རང་བཞིན་ཡིན་པའི་ཕྱིར། །ཞེས་སོ། །ཡང་མི་སྤོང་བའི་དགོས་པ་གང་ཞེ་ན། ཉོན་མོངས་པ་དུག་ལྔ་ཆོས་ཅན། སྤང་བར་མི་བྱ་སྟེ། དགོས་པ་གསུམ་དང་ལྡན་པའི་ཕྱིར། དེའང་དངོས་ཞེན་བཟློག་པའི་དགོས་པ་ཡོད་དེ། སྔོན་ཁྱིམ་བདག་མེས་ཉེན་པ་ཞིག་མེ་ནི་སྲེག་པ་ཁོ་ནའོ་སྙམ་པ་ལ། ཕྱིས་དྲང་སྲོང་མེའི་གཙང་སྦྲ་ཅན་དང་རི་དྭགས་མེ་བྱི་ལའི་སྤྱོད་…

ཕྱིར་དོར་བར་མི་བྱའོ། །དེ་ལ་མི་དོར་བའི་རྒྱུ་མཚན་བཞི་སྟེ། ཡེ་ནས་བླང་དོར་མེད་པའི་ཆོས་ཉིད་ཀྱི་རོལ་པ་ཡིན་པའི་ཕྱིར་ཡང་མི་དོར་ཏེ། ལེ་ལག་ལས། བདུད་རྩི་ཡེ་ནས་དག་པའི་ཆོས། །བླང་དོར་མེད་པར་ཀུན་ལས་འདས། །ཡེ་བསྲུངས་ཆེན་པོའ་དམ་ཚིག་ཏུ། །མཁས་པས་དང་དུ་བླང་བར་བྱ། །ཞེས་སོ། །རིགས་ལྔ་ཡེ་ཤེས་ལྔའི་ངོ་བོ་ཡིན་པས་ཀྱང་མི་དོར་ཏེ།…

པཉྩའི་ཉིང་ལག་ཅེས་པ་ཡང་། །དང་པོ་ཉིད་ནས་ཐབས་སྤྱོད་དང་། །ཤེས་རབ་ཉིད་ཀྱིས་ཉིས་འགྱུར་ཡིན། །རེ་རེའང་བསྲུང་བྱ་སུམ་ཅུ་སྟེ། །ཞེས་སོ། །དེའང་བླ་མེད་མི་སྤང་བ་ལ་སུམ་ཅུར་དབྱེ་བ་ནི། དེ་ལས། བྱང་ཆུབ་སེམས་ནི་བླ་མེད་ལྷ། །ཞི་ཁྲོའི་ཡན་ལག་ལྷག་པའི། ལྷ་དགུ་ཉིད་དང་བཅུ། །བཅུ་སྟེ། བཅུ་ཚན་གཉིས་ལ་ཉི་ཤུ། བསམ་ལས་མི་འདའ་ཞིང་། །བྱམ…

སྔགས་དང་། །སྤྱན་༡༢དྲངས་བསྟིམ་༡༣བརྟན་༡༤ཕྱག་༡༥འཚལ་མཆོད༡༦། །ཅེས་སོ། །མཆེད་ལ་བྱམས་པ་ལའང་སུམ་ཅུ་སྟེ། དེ་ལས། ལུས་ཀྱི་སྒོ་ནས། བསྣུན་༡དང་མ་༢བྱིན་བླང་མི་བྱ། །ཟླ་ཟེར་མ་ཡིན་མཆེད་ཀྱིས་མ་གནང་བའི། གཟུངས་༣མི་སྤྱད། །ལྟ་སྤྱོད་མཐོ་བའི་གོང་མི་༤གཅོད། །དབང་༥ ཐོབ་པ། དང་དམ་༦ཚིག་ཐོབ་པ་སྔ་བ་དང་རྫོགས་པ་གོང་དུ་བཀུར། དེ་བཞིན་ན…

ཆུད་པ་བཅུ་དང་ཤེས་རབ་ལྟ་བའི་སྒོར་མི་ཆུད་པ་བཅུ་སྟེ་ཉི་ཤུའོ། །དེ་དག་ཀྱང་ཕྲ་རྒྱས་ལས། མི་སྤང་ལྔ་ལ་བཅུ་གཉིས་ཏེ། །ཞིང་བཅུ་ཐབས་ཀྱིས་མཛད་པས་འཇོམས། །ཤེས་རབ་རང་བཞིན་མེད་པར་སྒྲོལ། །ཞེས་སོགས་གསུངས་སོ། །དང་དུ་བླང་བའི་དམ་ཚིག་བདུད་རྩི་ལྔ་རེ་རེ་ལའང་། མངོན་པ་ཕྱིའི་བཞི་དང་། སྦས་པ་ནང་གི་བཞི་སྟེ་རྩ་བ་བརྒྱད་བརྒྱད་དང་། དྭ…