ལམ་རིམ་སོགས་ལས་བསྒོམ་པར་བཤད་པ་འགལ་ལོ། །ཡང་ཆོས་གཅིག་གི་དེ་ཉིད་ཤེས་ན་ཆོས་ཐམས་ཅད་ཀྱི་མདོ་རྒྱས་ཤེས་སམ་མི་ཤེས། ཤེས་ན་རྒྱ་གཅིག་གིས་ལྷ་སྐུ་སྣང་སྟོང་དབྱེར་མེད་དུ་ཤེས་པས་ལྷ་གཞན་གྱི་སེམས་༼ཤེས་སམ་༽མི་ཤེས་ཕྱི་མ་ལྟར་ན་གོང་གི་དམ་བཅའ་ཉམས་ལ། དང་པོ་ལྟར་ན་སྤྲོས་བཅས་བསྒོམ་པ་དོན་མེད་དུ་ཐལ་ལོ། །གལ་ཏེ་མི་ཤེས་ན་ཡུམ་དང་ལམ་…

མིན་དཔྱད་དོ། །བཤད་ཚུལ་འདི་ལ་སྔ་རབས་པ་རྣམས་ཀྱིས་བསྐྱེད་རིམ་ཞེས་གསུངས་པ་དེ་སྤྱིར་རིམ་གཉིས་ཀྱིས་ཟླས་ཕྱེ་བའི་བསྐྱེད་རིམ་མམ། རྫོགས་རིམ་ནང་གསེས་ཀྱི་བསྐྱེད་རིམ་དུ་འཇོག་ཅེས་ཀྱང་བརྟག་གོ །གཉིས་པ་ནི། འདིའི་ཏིང་ངེ་འཛིན་གྱི་སྦྱོར་བ་ལ་སྤྱིར་རིལ་པོ་དང་། རྗེས་སུ་གཞིག་པའི་རྣལ་འབྱོར་གཉིས་སུ་བཤད་པའི་ངོས་འཛིན་དང་འདིར་ཡ…

ཀྱིས་རྫོགས་རིམ་པའི་ལྷ་སྐུ་མཐོང་ཐོབ་གཉིས་སུ་གསུངས་ཏེ་བསྔགས་པར་འོས་པའི་གནས་སོ༑ ༑ གཉིས་པ་ནི། བསྐྱེད་རིམ་དང་རྫོགས་རིམ་སྟེང་སྒོ་ལས་སུ་རུང་བའི་གང་ཟག་ཆགས་ལམ་པས་བསྙེན་པ་དང་ཉེ་བསྙེན་གྱི་བྱ་བ་སྔོན་དུ་རྫོགས་ནས། སྦྱོར་བ་གསུམ་གྱི་སྒོ་ནས་སྒྲུབ་པ་དང་། སྒྲུབ་པ་ཆེན་པོ་ཉམས་སུ་བླང་བར་གསུངས་པ་གང་ཞིག་འདི་ཉིད་ཀྱི་རྒྱུད་ཕ…

མོས་པའི་གང་ཟག་ལའང་འདིར་བསྟན་གྱི་སློབ་མའི་མཚན་ཉིད་ལྡན་པ་སྲིད་པའི་ཕྱིར་རྒྱུད་འདིའི་སྣོད་དང་ལྡན་པ་ཐལ་ལོ་སྙམ། གོང་དུ་ཤིན་ཏུ་སྦྱངས་ལ་རབ་གནས་ཤིང་། །ཞེས་པ་དང་། འདིར། སྣོད་ལྡན་ངང་ཚུལ་བཟང་ལ་སྦྱིན། །ཞེས་པ་གཉིས་མི་ཟློས་པའི་ཤེས་བྱེད་དང་། རྒྱུད་འདི་རང་རྣོའི་ཡུལ་ཡིན་པའི་འཐད་སྒྲུབ་དང་། ལེའུ་ལྔ་པར་ཡོ་བྱད་ལྡན། །ཞེས་…

འདུག་པའི་ཕྱིར་གཟུགས་སྐུར་ཐལ་བར་དོགས་སོ། །གཉིས་པ་ལྟར་ན་སྐུ་ལྔའང་ཡོན་ཏན་ལྔ་གྲངས་སྤྲད་པའི་འཐད་པ་མེད་པ་སོགས་ཀྱི་སྐྱོན་དུ་མ་འོང་ངོ་སྙམ། སྐུ་ལྔ་པོ་རེ་རེ་ལའང་ཕྲིན་ལས་ལྔ་ལྔ་ལྡན་ནམ། སྤྱིར་ལྔ་ལས་མེད། སྔ་མ་ལྟར་ན་ཕྲིན་ལས་ཀྱིས་གཞན་དོན་བྱེད་པའི་ཕྱིར་ཆོས་སྐུའང་གཟུགས་སྐུར་ཐལ་བ་སོགས་ཀྱི་དོགས་གནས་གོང་ལྟར་མཚུངས་ཤིང་ཕྱ…

ཀྱི་ཆ་བྱད་ཅན་དང་གསུམ་ལས་འདི་གང་ལྟར་བཟུང་ཞིང་། དེའང་རྒྱུད་ཁ་ཅིག་ལས་གྲགས་པ་ལྟར་དེ་བཞིན་གཤེགས་པ་རྣམས་ཀྱི་མངགས་གཞུགས་ཀྱི་ཕོ་ཉར་ཁྲོས་པ་ལྟ་བུ་ཞིག་གམ་ཞེས་བརྟག་གོ །འདི་ལྟར་དངོས་པོའི་གནས་ལུགས་ལ་ཞི་ཁྲོ་གཉིས་ཐ་མི་དད་ཅིང་གདུལ་བྱ་འདུལ་ཐབས་ཀྱི་དགོས་ཆེད་དང་མཐུ ན་པར་སོ་སོར་སྣང་བ་གང་ཞིག་ཞི་བས་འདུལ་བའི་གང་ཟག་དེར་ཁྲོ་…

ནག་པོར་རྒྱུ་མཐུན་གྱི་འབྲས་བུ་སྨིན་པར་གྱུར་གྱི་བར་དེ་སྲིད་དུ་ཅིག་ཤོས་པ་ཐར་ལམ་ལས་ལྷག་པར་མ་བགྲོད་པའི་ཕྱིར་སྙམ། བཏུལ་ཚུལ་རྒྱས་བཤད་འདི་ནས་བརྩམས་ཏེ་གཞུང་ཐོར་བུའི་ཁོག་བསྒྲིགས་ནས་ཏིང་ངེ་འཛིན་གྱི་ལས་རིམ་དངོས་ཉིད་ངག་དོན་གསུམ་གྱིས་སྟོན་པ་ལ་དཔྱད་བྱའི་གནས་སུ་སྣང་བ་དག་ནི་སོ་སོའི་སྐབས་ནས་སྤྲོས། སྤྱིར་དེ་ཀུན་རྒྱུ་ཏ…

རྣམས་སུ་དབང་མོའི་ཚབ་ཏུ་རིགས་ཀྱི་ཡུམ་ལྔ་འབྱུང་བའི་རྒྱུ་མཚན་ལ་བརྟག་གོ །ངོ་མཚར་ཚོགས་དཀྱིལ་བསྐྱེད་སྐབས་རྒྱུད་དང་དམ་པ་རྒྱན་ལྟར་ཡབ་ཡུམ་སྦྱོར་མཚམ་ནས་སྤྲོ་བར་འདོད་དམ་སྟེ། རོག་གི་མངོན་རྟོགས་སུ་སྦྱོར་མཚམས་ནས་བྱང་སེམས་ཀྱི་ཟེགས་མ་ལས་ཧ་ཧེ་ཕཊ་ཏུ་འགྱུར་པ་སོ་སོའི་གདན་ཁར་བཀོད་ནས་བསྐྱེད་སྔགས་ཀྱིས་སྐུར་བསྐྱེད་པར་མཛད་ད…

བརྗོད་པས་སམ། རྟ་སྟོན་དང་རྩི་ལུགས་པ་སོགས་ཀྱི་ལྟར་རྡོ་རྗེ་མེ་ལོང་ནས་འབྱུང་བའི་བསྐྱེད་སྔགས་ཀྱིས་སམ། གཉོས་ནང་པ་དང་སྒྲོལ་གཡུང་སོགས་ཀྱི་ལྟར་གཙོ་བོའི་ཐུགས་ཀ་ནས་བྷྱོ་ཉེར་བརྒྱད་རང་རང་གི་གནས་སུ་སྤྲོས་ཏེ་བསྐྱེད་སྔགས་ཀྱི་ལྷར་བསྒོམས་པ་གང་ལྟར་བཟུང་། དེ་ནས་ཏིང་ངེ་འཛིན་རིམ་པ་དངོས་ལ་གསུམ་དུ་བྱས་པའི་ཐ་མ་ལེའུ་འདིའི་གཞ…

རྩིག་པ་དེ་གཉིས་ལས་གཞན་ཐོད་སྐམ་རྩིག་པ་ཞེས་པ་ཞིག་ཀྱང་བཤད་པས། སྒོ་གསུམ་སྦྲགས་སུ་འགྱུར་བར་དོགས་སོ། །གདན་བསྐྱེད་སྐབས་དྲེགས་པ་ཅན་ཕོ་མོ་རྣམས་གདུག་པའི་གཅན་གཟན་གྱི་ཚོགས་ཀྱི་བཟུང་ཚུལ་འབྱུང་བ་དེ་སྤར་ཁབ་དང་ཉི་སེང་མ་དང་དཀོན་ཅོག་འགྲེལ་གྱི་ལུང་གང་ལྟར་བཟུང་ཞིང་། སྔར་མོ་སྦྱོར་བས་བཏུལ་ནས་རང་གནས་སུ་བཏང་བར་བཤད་ལ་འདིར་ག…

བའི་དུར་ཁྲོད་བརྒྱད་མ་གྲུབ་པས་དེ་དང་དེའི་མ་མོ་རྣམས་གནས་གཅིག་ཏུ་འགྱུར་བའི་སྐྱོན་དུ་ཐལ་བར་གྲག་གོ། །།ལེའུ་བཅོ་བརྒྱད་པའི་སྐབས་བརྟག་པར་བྱ་བ་འདི་སྣང་སྟེ་ཞི་ཁྲོ་གཉིས་ཀའི་ཐུན་མོང་གི་དབང་དུ་མཆོད་པའི་ལས་རིམ་བཅུ་བཞིར་བཤད་པའི་ནང་ཚན་སྦྱོར་སྒྲོལ་གཉིས་པོ་སྔར་བསྟན་པ་དང་མི་ཟློས་པའི་ཤེས་བྱེད་ཇི་ལྟར་སྙམ་ཞིང་ཁྱད་པར་ཁྲོ་…

སྡོམ་དུ་འདུ་ཞིང་རྣམ་པར་དག་པའོ། །རྣམ་པ་ཇི་ལྟར་འགལ་ན་ཇི་སྲིད་དུས་ཀྱི་དང་། གང་གི་རྗེས་སུ་བསླབ་པའི་དང་། དངོས་གཞི་གཙོ་བོའི་དབང་དུ་བྱས་པའི་དང་། ཆེད་དུ་བྱ་བའི་ཁྱད་པར་གྱིས་སོ། །ཞེས་དཔྱད་གཞི་ཙམ་མོ། །ཁྱད་པར་སྐབས་དེ་དག་ཏུ་གནད་གསང་རྨད་དུ་བྱུང་བའི་གཟེར་བུར་གྱུར་པ་ནི་འདི་ཡིན་༼པར་༽ སེམས་ཏེ། ད་ལྟ་རགས་པའི་སེམས་ཀྱིས་…

སྦྱིན་པ་ཉིད་སྡོམ་བཟུང་དུ་བཞེད། སྔོན་གྱི་སྒྱུ་འཕྲུལ་མཁན་པོ་རྣམས་ནི་དབང་གི་སྔ་རོལ་དུ༑ དང་པོ་ཐུན་མོང་གི་སྡོམ་བཟུང་དང་། དེ་ནས་ཁྱད་པར་སྡོམ་བཟུང་ལན་གསུམ་རེ་བརྗོད་པའི་མཐའ་ལ་སྐྱེ་བར་བཞེད་དེ་གང་ལྟར་བཟུང་། དེའང་སྡོམ་བཟུང་གི་དུས་སུ་སྔགས་སྡོམ་ཐོབ་ཀྱང་སྔགས་སྡོམ་མཐའ་དག་དེར་བཟུང་བ་མིན་པ་ཞིག་གམ། སྔགས་སྡོམ་ལ་རིས་མི་…

དེ་ཅི་ཙམ་གྱིས་རྩ་ལྟུང་དུ་འགྱུར་ཚུལ་ལའང་བརྟག་གོ །གསང་བ་མི་སྨྲ་བ་ལ་སྤྱི་གསང་བཞི་དང་། བར་གསང་བཞི་དང་། གསང་བར་འོས་པ་དང་གཉེར་གཏད་པ་གཉིས་ཏེ་བཅུའོ། །དེ་ལྟར་རྩ་བའི་དམ་ཚིག་གི་རྣམ་གྲངས་དེ་དག་བསྲུང་བ་དང་སྒྲུབ་པའི་དམ་ཚིག་ཏུ་དང་རྡོ་རྗེ་གསུམ་གྱི་དམ་ཚིག་ཏུ་བསྡུ་ན་གང་དུ་བསྡུའམ། ཡང་ཡན་ལག་ཏུ་གྱུར་པའི་དམ་ཚིག་གི་སྐབས་ལ…

ཉན་ཐོས་དང་བྱང་སེམས་རྣམས་སངས་རྒྱས་ཀྱིས་བྱིན་གྱིས་བརླབས་པའི་རྣམ་བཞག་འཇིག་པར་ཐལ་ལོ་ཞེས་སྨྲ་སྟེ་འཇིག་རྟེན་པས་གཙོ་གྱུར་ཚངས་དབང་སོགས་ཀྱིས་བཀུར་གནས་མིན་པར་ཐལ་བའང་དེ་ལྟར་རོ། །ཉམས་པ་གསོ་ཚེ་དགེ་བའི་བཤེས་གཉེན་ལ་བརྟེན་དགོས་མིན་ཡང་བརྟག་པར་བྱའོ།། །།ལེའུ་ཉི་ཤུ་པ་ལ་ལྔ་སྟེ། རྫས་ཧོམ་ལུག་རྒྱུད་ཀྱི་སྒོ་ནས་ལས་བྱ་བ་དང་། …

འོག་ནས་འབྱུང་བའི་བྲོ་གར་གླུ་ཚིག་གི་ཡོན་ཏན་གཉིས་པོ་ཁྱད་འབྱེད་རིགས་པའི་འཐད་པ་འགོད་དགོས་པར་མངོན་ཞིང་། ཚོགས་ལ་རོལ་པ་ན་རྒྱུད་ལུང་མན་ངག་གི་རོལ་ཚུལ་ལ་དཔྱད་དོ། །གཉིས་པ་ནི། འདིར་ཞི་བའི་ལྷག་ཆོག་བྱེད་ཚུལ་ཕྱག་རྒྱ་བཞི་པའི་བསམ་གཏན་ལས་བཤད་པ་དང་མཐུན་ལ་ཁྲོ་བོའི་ལྷག་ཆོག་ལ་དཀྱིལ་འཁོར་བཤམས་པ་དང་མཆོད་པ་དངོས་གཉིས་ཀྱི་དང་…

ལ་རིགས་སོ་སོའི་མཚན་ཉིད་བརྟག་ཐབས་སོགས་ཀྱི་མན་ངག་འགའ་ཞིག་ནི་སྒྱུ་འཕྲུ ལ་རྡོ་རྗེ་ལས་གསལ་ཞིང་འདིར་དགོས་པ་ལ་ལྟོས་ཏེ་ཞིབ་ཏུ་མ་སྤྲོས་སོ། །ལྔ་པ་ནི། གོང་དུ་བཤད་ཟིན་ཏོ།། །།ལེའུ་ཉེར་གཅིག་པ་ནི་མངོན་རྟོགས་ལས་བསྡེབས་ཀྱི་དབང་དུ་ཁྲོ་བོའི་བསྟོད་རིམ་སྟེ༑ འདི་ལ་ཁ་ཅིག་སྐུ་གསུང་ཐུགས་ནང་གི་ཡོན་ཏན་གྱི་བྱེ་བྲག་མེད་དེ་སྤྱིར…

ཆོས་ཉིད་དུ་བཞུགས་ཚུལ་ལ་དཔྱད་པའོ། །དང་པོ་ནི། རྒྱུད་དབུ་ཞབས་ཀྱི་བརྗོད་བྱའི་མཐིལ་ནི། སྣང་བ་བཞི་ལས་གཞན་དུ་མ་གྲུབ་པས། དེ་ཉིད་འགྲོ་བའི་ཕན་བདེའི་གཞིར་མི་ནུབ་པར་བརྟན་པར་ཟུང་ཞེས་པའི་ཚུལ་ལ་འདི་ལྟར་དོགས་ཏེ། སྣང་བ་བཞིའི་གྲངས་དང་གོ་རིམ་དེ་ལྟར་ངེས་པའི་རྒྱུ་མཚན་དང་། བཞི་པོ་གཅིག་གམ་ཐ་དད་ལ་བརྟག་པ་གཞིར་བཟུང་ནས་གཞི་རང…

རྒྱུད་ལེའུ་སྣང་བས་གསང་བའི་བདག་པོ་ཞེས་པའི་རྣམ་གཞག་ཅིག་ཀྱང་མངོན་ནོ། །སྒྲོ་དང་སྐུར་པ་ཞི་བ་ཡི། །ཞེས་སོགས་འབྱུང་བ་འདི་ག་རྒྱུད་ཀྱིའམ་གཏད་བྱའི་གང་ཟག་གི་ཡོན་ཏན་གང་ཡིན་བརྟག་ཅིང་ཕྱག་རྒྱའི་དོན་འདའ་བར་དཀའ་བ་དང་། མིང་ཚིག་ཡི་གེའི་ཚོགས་ལ་བདེ་གཤེགས་ཀྱི་ཕྱག་རྒྱས་བྱིན་གྱིས་བརླབས་པའི་རྒྱ་རྟགས་སུ་བཤད་པ་གང་ལྟར་བཟུང་བའི་…

པའོ། །དེའི་ཕྱིར་རྒྱལ་པོ་ཞེས་བྱའོ་ཞེས་བཤད། ཟུར་བྱམས་པ་སེངྒེ་ནི་སྒྱུ་དྲྭ་རྒྱུད་ཀྱི་མཚན་གྱི་རྣམ་གྲངས་སུ་བཞེད་དོ། །སྤྱིར་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལ་རྒྱ་གར་ན་ལེའུ་འབུམ་ཕྲག་གཅིག་བཞུགས་པར་གྲགས་ཤིང་། དེའི་བཅུད་དམ་ཉིང་ཁུར་གྱུར་པའི་རྒྱུད་འདི་ལ་མཚན་ཉིད་དང་རྒྱུད་ཐམས་ཅད་ཀྱི་ལུང་གི་སྤྱི་ཞེས་སྨོས་པ་ནི་ཆེ་…