མི་རྟོག་པའི་ཚུལ་གྱིས་ཉམས་སུ་ལེན་པ་དང་། གཉིས་མེད་ཀྱི་རྒྱུད་སྒྱུ་འཕྲུལ་དྲྭ་བ་རྣམས་སུ་བསྐྱེད་རྫོགས་ཟུང་དུ་འཇུག་ཅིང་། ཁྱད་པར་འོད་གསལ་ཡེ་ཤེས་ཆེན་པོ་གཙོ་བོར་སྟོན་པའོ། །བསྲུང་བྱའི་ཚུལ་ཁྲིམས་ནི། སྔ་འགྱུར་རང་སྐད་ལྟར་ན། རྩ་བའི་དམ་ཚིག་གསུམ་དང་། ཡན་ལག་གི་དམ་ཚིག་ལྔ་ཚན་ལྔ་སྟེ་ཉི་ཤུ་རྩ་བརྒྱད་དུ་འདོད་དོ། །འབྲས་བུ་ན…

དབྱིངས་དང་ཡེ་ཤེས་གཉིས་སུ་མེད་པའི་སྲས་རྩ་བ་བྱང་ཆུབ་སེམས་ཀྱི་དཀྱིལ་འཁོར་རྣམས་ཏེ༑ ཀླུ་སྒྲུབ་ཀྱི་གཡུ་ཐང་ལས། སྣང་སྲིད་བཟང་མོའི་མཁའ་ཀློང་དུ། །རྒྱལ་བའི་དཀྱིལ་འཁོར་ཀུན་ཤར་བ། །ཤར་བ་ཉིད་ནས་ཤར་བ་མེད། །ཡབ་ཡུམ་སྲས་བཅས་བདེ་ཆེན་པོ། །ཞེས་སོ། །སྒོམ་པ་ལ་ཐབས་ལམ་དང་གྲོལ་ལམ་གཉིས་སུ་ཡོད་པའི་ཕྱིར་རོ། །བསྲུང་བྱའི་ཚུལ་ཁྲིམས…

མཐུན་ཅིང་། ཁྱད་པར་ཨ་ཏི་ཡོ་གའི་དམ་ཚིག་ནི། མེད་པ་དང་ནི་ཕྱལ་བ་དང་། གཅིག་པུ་དང་ནི་ལྷུན་གྱིས་གྲུབ། །དེ་ཡི་དོན་ལས་འདས་མི་བྱ། ཞེས་སོ། །སྤྱིར་རྫོགས་པ་ཆེན་པོ་ལ། ཁྲེགས་ཆོད་དང་ཐོད་རྒལ་གཉིས་སུ་ཡོད་ཀྱང་འདིར་བཏང་སྙོམ་དུ་བྱས་སོ། །འབྲས་བུ་ནི་ལྷུན་རྫོགས་ཀུན་ཏུ་བཟང་པོའི་ས་ལ་ད་ལྟ་ཉིད་དུ་གནས་པས་གདེངས་བཞི་ཚད་ཕྱིན་པས་འཁོ…

པ་དང་། ལྷ་རྗེ་མདའ་ཏིག་པ་རྣམས་ནི་དུག་ཤིང་གི་སྡོང་པོའི་སྟོང་ཐུན་དང་སྦྱར་ཏེ་བཤད་པ་ལ་འདིར་ཡང་དེའི་རྗེས་སུ་མཐུན་པར་འཆད་དེ། སྤྱི་མདོ་ལས། ལྡུམ་རར་དུག་གི་སྡོང་པོ་སྐྱེས། །དུག་ཤིང་ཡིན་པར་ཤེས་མ་ཐག །རྩ་བ་བཅད་དེ་དབྱུང་བར་བྱ། །ཅིའི་ཕྱིར་ལྡུམ་ཟས་དེ་དག་ལ། །དུག་འཕེལ་རྒྱས་ནས་འཆི་ཕྱིར་རོ། ཞེས་གསུངས་པ་ལྟར། དཔེར་ན་རྒྱལ་…

གིས་བཀག་ནས་བདག་མེད་ཕྱེད་དང་གཉིས་རྟོགས་པའི་ཐ་སྙད་དུ་བཅས་ནས་རང་སངས་རྒྱས་ཀྱི་ཐེག་པ་ལ་ཉོན་མོངས་པ་འགོགས་པའི་ཐབས་དང་། དེ་གསུམ་ནི་བདེན་པ་གཉིས་ཀ་རྫས་ཡོད་ལྟར་འདོད་པས་ཉོན་མོངས་པ་སྤོང་བའི་ལམ་དུ་གཅིག་པའི་ཕྱིར་རོ། །ཡང་འབངས་དེའི་ནང་ནས་སྨན་པ་ཞིག་ན་རེ། ཁྱེད་ཅག་དུག་ཟོས་བ་དང་། སྤོངས་པ་དང་། བཅད་པ་དང་། བཅད་མཚམས་སུ་ཁྲོ་…

རའི་དེ་ལ་དུག་སྐྱེས་པ་དང་། ཟོས་པ་དང་། སྤོངས་པ་དང་། གཅོད་པ་དང་། བཅད་མཚམས་སུ་ཁྲོ་ཆུ་བླུགས་པ་དང་། སྨན་གྱིས་བསྒྱུར་བ་དང་། སྔགས་ཀྱིས་བཏབ་པ་དང་། རྨ་བྱས་ཟོས་པ་ལ་སོགས་པའི་ཇི་ལྟར་སྤྱད་ཀྱང་དགའ་མི་དགའི་རྟོགས་པ་མེད། དུག་མ་སྐྱེས་ཀྱང་དགག་སྒྲུབ་བླང་དོར་གྱི་ཐ་སྙད་གང་ཡང་མེད་པ་བཞིན་དུ་ཆོས་དབྱིངས་རང་བྱུང་གི་ཡེ་ཤེས་རང་ཤ…

གསལ་མཁའ་ལ་རྒྱུ་བ་ཡི། །འོད་དཀར་ཅན་གྱི་རང་བཞིན་ནི། །གཅིག་ལས་གཡོ་བ་མེད་མོད་ཀྱང་། །པཱ་ཎིའི་གློ་ལ་དུ་མར་སྣང་། །དེ་བཞིན་དབྱིངས་ལས་གཡོ་མེད་པར། །ཐེག་པ་མཐོ་དམན་ཐམས་ཅད་ལ། གཅིག་ལས་དུ་མའི་རྒྱུ་འཕྲུལ་གར། །སོ་སོར་མཐུན་བྱས་ཀུན་ཏུ་སྣང་། །བསམ་ཡས་ཐེག་པ་སྣ་ཚོགས་པ། །གསུང་གཅིག་དཀྱིལ་འཁོར་ཡན་ལག་མཆོག །གདུལ་བྱའི་མོས་པ་སྣ་ཚ…

ཞེ་ན། གང་གླེང་བར་བྱ་བ་ནི་རྒྱུད་དོན་ཡིན་ལ། དེ་ཉིད་གླེང་བར་བསྐུལ་བ་ནི་བསླང་བ་ཏེ༑ བསྟན་པ་འབྱུང་བའི་རྐྱེན་བྱེད་པའི་ཕྱིར་རོ། །དབྱེ་ན་ཐུན་མོང་མ་ཡིན་པའི་གླེང་བསླང་བ་དང་། །ཐུན་མོང་གི་གླེང་བསླང་བ་གཉིས་ལ། །དང་པོ་ཐུན་མོང་མ་ཡིན་པའི་གླེང་བསླང་བ་ནི། སྟོན་པ་ཡབ་ཡུམ་གྱིས་ལྷན་ཅིག་པའི་འཁོར་ལ་ཟབ་དབང་བསྐུར་བའི་སྦྱོར་བས་…

བསྟན་ཅིང་། དེ་ཡང་རྩ་གནས་ཐམས་ཅད་ནས་བྱང་སེམས་གཡོས་ནས་བདེ་བ་འགོ་ལྡང་བའི་ཚུལ་དུ་སྐྱེས་པ་གཡོ་ལྡང་བྱང་ཆུབ་ཀྱི་སེམས་དང་། བདེ་བ་སྔ་མ་འཇིག་ཅིང་ཕྱི་མའི་བདེ་བ་ལ་འཇུག་པ་འཇིག་འཇུག་བྱང་ཆུབ་ཀྱི་སེམས་དང་། རྟེན་ཅན་གྱི་བདེ་བ་རང་ས་ན་གནས་པ་བྱང་ཆུབ་ཀྱི་སེམས་དང་སྔ་མའི་བདེ་བས་མཚོན་ནས་ཕྱི་མའི་བདེ་བ་ལ་སྨོན་པ་སྨོན་པ་བྱང་ཆུབ་…

མེད་དུ་མ་རྟོགས་པ་ནི་ངོ་བོ་ཉིད་ཀྱི་གསང་བ་དང་། ཡུལ་དང་ཡུལ་ཅན་སོ་སོར་བཟུང་སྟེ་དབྱེར་མེད་སྤྱོད་ཡུལ་དང་བྲལ་བ་མ་རྟོགས་པ་ནི་ཤིན་ཏུ་གསང་བ་སྟེ། དེ་ལྟར་གསང་བ་བཞིས་ཚོད་ནས་མ་རྟོགས་པའི་གདུལ་བྱ་རྣམས་ཐུགས་རྗེས་བཟུང་བར་རིགས་ཞེས་ཞུས་པས་སྟོན་པས་ཐུགས་རྗེ་ཆེན་པོ་སྐྱེས་ཏེ། དངོས་དང་བརྒྱུད་པའི་སྒོ་ནས་འཆད་པར་དགྱེས་ཏེ་ཞལ་གྱ…

གསུམ་པ་ཡོངས་སུ་ཤེས་པར་བྱ་བའི་རྒྱུད་དོན་བཤད་པ་དེ་ལ་ཡང་། །བརྗོད་བྱ་གཙོ་ཆེ་བའི་དབང་དུ་བྱས་ནས་རྒྱུད་གསུམ་གྱི་རྣམ་བཞག་སྤྱིར་བཤད་པ་དང་། །རྗོད་བྱེད་གཙོ་ཆེ་བའི་དབང་དུ་བྱས་ཏེ་ལམ་གྱི་ཆ་རྐྱེན་རྒྱུད་ཀྱི་དངོས་པོ་བཅུ་བྱེ་བྲག་ཏུ་བཤད་པ་དང་བཅས་པའི་ས་བཅད་རྣམ་པ་གཉིས་ཡོད་པ་ལས། དང་པོ་བརྗོད་བྱ་གཙོ་ཆེ་བའི་དབང་དུ་བྱས་ནས་རྒ…

འདས་པ་ཡིན་ཏེ། ལྟོས་གཞི་བཅིང་པ་མེད་ན། དེ་ལྟོས་གྱི་གྲོལ་བའང་མི་སྲིད་པའི་ཕྱིར་རོ༑ ༑གནས་ལུགས་རང་རིག་པ་བྱང་ཆུབ་ཀྱི་སེམས་ཞེས་པ། སྤང་བྱ་སྤང་རྒྱུ་དང་། ཐོབ་བྱ་ཐོབ་རྒྱུ་མེད་པས་བྱང་ཆུབ་སེམས་ཞེས་བྱ་སྟེ། རྒྱས་པ་ལས། ཐམས་ཅད་རང་རིག་བྱང་ཆུབ་སེམས། །དེ་ནི་ལུང་གི་ཚད་མར་བཤད། ཅེས་སོ། བདེན་པ་དབྱེར་མེད་ཅེས་པ། སེམས་ཉིད་དེའི…

ཡིན་ནམ་མཁའ་དག་ལ་བརྟག་པར་གྱིས། ཞེས་སོ། །ཡེ་ནས་གནས་པ་ཞེས་པ། གནས་ལུགས་ཀྱི་དོན་དེ་ཉིད་གདོད་མ་ནས་རང་ཆས་སུ་གནས་པས་ཡ ེ་ནས་གནས་པ་བཤད་དེ། སྒོམ་རིམ་ལས། དེ་ལྟར་ཡང་ཡེ་ཤེས་རང་གནས་པ། ཞེས་གསུངས་ཤིང་། དེ་ལ་མདོ་རྒྱུད་བསྟན་བཅོས་རྣམས་སུ་མིང་གི་རྣམ་གྲངས་དུ་མ་ཞིག་ཕྱེ་ནས་བསྟན་པ་ནི། ཁམས་བདེ་བར་གཤེགས་པའི་སྙིང་པོ་དང་། རང་བཞ…

བ་སེམས་ཅན་ཁམས་ཀྱི་ཚིགས་བླ་དྭ གས་སོ། །སེམས་ཅན་གྱི་ཁམས་བྱ་བ་དེ་བཞིན་གཤེགས་པའི་སྙིང་པོའི་ཚིག་བླ་དྭགས་སོ། །ཞེས་དང་། དེ་བཞིན་གཤེགས་པ་རྣམས་ནི་བྱོན་ཀྱང་རུང་། མ་བྱོན་ཀྱང་རུང་། སེམས་ཅན་འདི་དག་ཐམས་ཅད་ནི། རྟག་ཏུ་བདེ་བར་གཤེགས་པའི་སྙིང་པོ་ཅན་ཏེ། དེ་དག་གི་དགོངས་འགྲེལ་གྱི་བསྟན་བཅོས་རྒྱུད་བླ་མ་ལས། རྫོགས་སངས་སྐུ་ནི་…

རྗེ་དབྱིངས་ཀྱི་དཀྱིལ་འཁོར་དུ་བལྟ་བ་དང་། མ་ཧཱ་ཡོ་གས་སེམས་ཉིད་བདེན་པ་དབྱེར་མེད་ལྷག་པ་ཆོས་སྐུ་ཆེན་པོར་བལྟ་བ་དང་། ཨ་ནུ་ཡོ་གས་དབྱིངས་དང་ཡེ་ཤེས་གཉིས་སུ་མེད་པའི་སྲས་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་ལྟ་བ་དང་། ཨ་ཏི་ཡོ་གས་ངོ་བོ་རང་བཞིན་ཐུགས་རྗེ་གསུམ་ལ་སོགས་པ་ཐ་སྙད་གང་ལ་འཇུག་པའི་གཞིའོ། དེ་ཉིད་གཞི་ལམ་འབྲས་གས…

མའི་སྦུབས་ཀྱི་དབུས་ན་གནས་པའི་སེམས་ཀྱི་ཆོས་ཉིད་རང་བཞིན་གྱིས་འོད་གསལ་ཞིང་རྣམ་པར་དག་པ་བདེ་བར་གཤེགས་པའི་སྙིང་པོ་དེ་ལ་སྦྱང་གཞིའི་རྒྱུ་རྒྱུད་དམ། གནས་ལུགས་ངོ་བོ་ཉིད་ཀྱི་གཞི་ཞེས་བྱ་སྟེ་ཀླུ་སྒྲུབ་ཀྱིས། ས་ཡི་ནང་ན༴ དྲི་མ་མེད་པར༴ ཉོན་མོངས་ནང༴ དེ་བཞིན་དྲི་མ་མེད་པར་གནས། ཞེས་སོ། གཉིས་པ་འཁྲུལ་པ་བཏགས་པའི་གཞི་ནི། ལོག…

རྒྱུད་ཀྱི་གློ་བུར་གྱི་དྲི་མ་དང་བྲལ་བར་བྱེད་པའི་ཐབས་ཤེས་འཇུག་བྱེད་རྩོལ་བ་དང་བཅས་པ་སྟེ། དེ་ཡང་ངོ་བོ་ཤེས་རབ་རྣམ་གསུམ་གྱིས་བསྐྱེད་བྱ་ཐུན་མོང་དང་མཆོག་གི་སེམས་ལྔ་སྐྱེས་སམ་སྐྱེ་བའོ། །ཞེས་པ་དེས་བསྟན། དེ་ཡང་རྒྱུ་ཤེས་པའི་མཚན་ཉིད་ལྟ་བ། རྐྱེན་འཇུག་པའི་མཚན་ཉིད་ཏིང་ངེ་འཛིན་ལ་སོགས་པ་བྱེད་རྩོལ་དང་བཅས་པའི་སྒོ་ནས་ཉམས…

བྱང་ཆུབ་ཀྱི་སེམས་དང་། དེ་སྨོན་པ་ཙམ་དུ་མ་བཞག་པར་དེ་ལ་འཇུག་པ་འཇུག་པ་བྱང་ཆུབ་སེམས་དང་། དེའི་དོན་ལ་གནས་པ་གནས་པ༴ དེའི་དོན་མཐར་ཕྱིན་པ་མཐར་ཕྱིན་བྱང་ཆུབ་ཀྱི་སེམས་རྣམས་སོ། །བྱེ་བྲག་གི་སེམས་ནི། དེ་ཏིང་དང་ཀུན་སྣང་ལ་སོགས་པའི་སེམས་བསྐྱེད་རྣམས། །སྐྱེས་སམ་ཞེས་པ་ཅིག་ཅར་དུ་སྐྱེ་བ་ཞིག་ཡོད་དེ། དཔེར་ན་དབང་དུས་སུ་གྲོལ་བ…

ལོ་ཐོག་སྨིན། །རྡོ་རྗེ་ཐེག་པའི་ཐབས་ཤེས་ན། །ཚེ་འདི་ཉིད་ལ་གྲོལ་བར་འགྱུར། ཞེས་སོ༑ ༑དེ་ལས་གཞན་པ་ཐུན་མོང་གི་ལམ་ངེས་འབྱུང་གི་ཐེག་པ་བཞི་དང་ཕྱི་རྒྱུད་སྡེ་གསུམ་གྱི་ལམ་རྣམས་སུ་ནི་སྐབས་འདིར་རིང་བའི་ལམ་ཞེས་བྱའོ། །ཞེས་པ། ངན་སོང་ལས་ངེས་པར་འབྱུང་ཡང་འཁོར་བ་ལས་ངེས་པར་འབྱུང་མ་ནུས་པ་ལྷ་མིའི་ཐེག་པ་དང་། འཁོར་བ་ལས་ངེས་པར་…

མ་སྤང་པར་ཐོགས་བ རྫིས་ལྟ་བུའི་སྤྱོད་པ་རྨད་དུ་བྱུང་བའི་བརྟུལ་ཞུགས་དང་ལྡན་པ་ཡིན་ཏེ༑ དཔེར་ན་རྣ་བར་ཆུ་ཤོར་ན་ཡང་ཆུ་ཞིག་བླུག་ན་ཐོན་འགྲོ་བ་ཡིན་ཏེ། རྒྱུད་ལས། རྣ་བར་ཆུ་ནི་ཞུགས་གྱུར་ན། །ཆུ་ཉིད་ཀྱིས་ནི་འདོན་པར་བྱ། ཞེས་སོ། མཀྵི་ཀའི་སྦྱོར་བས་ཞེས་པས། མཀྵི་ཀ་ནི་དངུལ་ཆུ་ལ་བྱ་སྟེ། ཁེ་ཉེན་དང་སྦྱར་བའི་ངོས་ནས་ཀྱང་ཐབས་ལམ་ག…